رواية زهرة ضامية -32
بدت تصحى ووعت على يدها بين ايديني
قالت بصوت ناعس
:مدري طلعت من الحمام وانت نايم
وما حبيت ازعجك بحركتي
احمد :لا ازعاج ولا شي
يله قومي خلينا ننزل نصلي الفجر
وبعدها نشوف وين نروح
قالت : طيب ودخلت الحمام وتركتها وراي تجهز
ـــــــــــــــــــــــــ
نزلنا للحرم ويدي في يد احمد
وصلينا الفجر جماعه مع الشيخ السبيل
وبعد الصلا ه طلعنا الدور الثاني
وقالي :خلينا نقعد هنا نقرأ قران وبعدها
نطلع نفطر
جلست واخذت مصحف وهو بعد
كان جو ايماني عالي وفيه نسمات من الرحمه
,
,
,
,
,
طلعنا ورحنا افطرنا في مطعم الفندق
وكان فاضي ما فيه احد
اخذنا زاويه بعيده عن عيون الناس
قالي احمد: اكشفي
ما في احد بيشوف القمر الا انا
وكشفت وجهي وابتسمت بإحراج
قالي: ماشاء الله ترى ان جاتس
شي من عيني
وضحك هههه بس ترى عيني بارده
ما شاء الله تبارك الله
انحرجت منه وحسيت وجهي صار احمر
افطرنا وكل مارفعت عيني لقيته يناظرني
احمد تجهزي بنطلع لجده بعد صلاة العصر
: طيب ان شاء الله
طلعنا لغرفتنا
وبدت الغرفه تضيق علي معاه
رتبت شعري وكحلت عيوني
وروج وردي مثل العاده
جلست معاه وكان ماسك الجريده يقرأ ها
ماشاء الله عليه احمد فيه بياض ووسامه
شعره اسود ملتحي عوارض خفيفه في حدة بالنظرات
لكن بالمجمل سمح
اذا ابتسم له غمازه بخده اليسار
متوسط الطول له من الهيبه نصيب
رفعت عيوني لعيونه
لقيته متكتف ويناظرني وهو مبتسم
احمد: كأنس اول مره تشوفيني
زهره بصدق : تصدق اول مره ادقق بملامحك
فيك كثير من خالك الله يرحمه
اذكر يوم رحنا للمحكمه
معه الله يرحمه لاحظت انك
تشبهه بس ما دققت كثير
ضحك احمد من كل قلبه : ههههههه
ذكرتيني بيوم المحكه
لمن نمتي وانتي جالسه
كنت ماسك ضحكتي بالغصب
وانا اللي نبهت خالي الله يرحمه
تدرين والله ما جى في بالي
ولا نص بالميه انتس صغيره على خالي
هدى الله يسامحها هي اللي يمكن
اوحت لي انتس كبيره بالعمر
وهيا ولا مره صححت لي المعلومه
دريت يوم جت هيا ليلة زواجنا
وهي اللي علمتني وقالت لي احلى خبر
نزلت راسي وعيوني منحرجه من كلامه
بعدها فاجأني بسؤال
احمد: زهره حبيتي خالي الله يرحمه
جاوبته بكل صدق : أي حبيته من كل قلبي
وخالك ما قصر معي
لقيت عنده اللي مالقيته في بيت ام ناصر
شفت وجهه تغير وكأنه تضايق
قلت له بتوضيح مقصود وابيه يفهم من دون ما صرح
:ابو ناصر كان ابوي اللي عوضني عن اهلي
الله يرحمه
ما انسى فضله علي لين الممات
سكت احمد وانا سكت
ما بعد قولي هذا ان كان ما فهم
طبيعة علاقتي بابو ناصر لايمكن اقولها انا
امم تعبانه وكل شي فيني يألمني
وعيت على نفسي في غرفه مستشفى
التفت يمين لقيت ستاره المريضه
اللي جنبي مقفله عليها
دخلت الممرضه : يله قوم قوم
يا حبيبي في دوااا
اعطتني حبتين ومويه
وقاست الحراره والضغط
سألتها كم الساعه
قالت :الساعه 3 بعد نص ساعه زياره
غفت عيني
قمت على صوت اعرفه زين
هذا الصوت فاقدته
: الحمد لله على السلامه حبيبتي
: الله يسلمك يا عيوني
: مبروك ما جبتي واخيرا شرف اللي متعبتس
: تكفى حبيبي قل لهم يجيبونه لي
ما شبعت من شوفته
: ابشري من عيوني بس ارتاحي اول
وامي وامتس تراهن جايت وراي
تعرفين مشي العجز
سبقتهن عشان استفرد بتس
وتفضلي يا عيون انتي هذي هديه
بسيطه ولا طلعتي ان شاء الله من الاربعين
ابشري بهديه اكبر واغلى
"غطيتي وجهي ما ابي احد يعرفني
خفت احد يسحب الستاره ويدخل يشوفني
ما ابي احد يتشمت فيني
اصواتهم وتجرحني وضحكهم يذبحني
ما ابي اسمع صوتهم ما ابي
وبدى صوتي يعلى بالبكا
ودي اغطي على صوت فرحتهم
دخلت ام عبد الهادي بعد ماسمعت
صوت اللي تبكي جنبهم
:سلامات يا بنتي وش تحسين
غطيت وجهي اكثر
وما قدرت ارد غصه ساده حلقي
قربت مني ومسحت على راسي
:بسم الله عليتس
انادي لتس الممرضه
وبعد مارديت ماني قادره اتكلم
خفت تعرف صوتي
دخلت ام فوزيه وقالت : علامها
قالت ا م عبد الهادي : الله اعلم
ام فوزيه برحمه وطيبه : عندتس احد في احد بيجيتس وين اهلتس
ليه ما في احد عندتس
وكأنها في كلامها نكشت جرح
" أي ما عندي احد وما ابي احد
اذا صياح حطني وراح والله اعلم
بيرجع يشوف وش حالتي والا لا
هزيت راسي وفضلت الصمت
اموت ولا يعرفون من انا
ام عبد الهادي : الله يشفيتس يابنتي وهذ هي الممرضه جت اسمحي لنا
وطلعن عني
دخلت الممرضه معصبه : ايس في ايس مسكله
سمعت عبد الهادي ينادي
:تعالو تعالو سلمو على امكم فوزيه
وتحمدو لها بالسلامه
سمعت صوت عيالي يباركون لفوزيه
وكانو مبسوطين بعدها انهرت تماما
واضطرت الممرضه تعطيني منوم
بعدها غبت في مرارة الندم والحسره
ــــــــــــــــــــــــــــــ
نزلنا لجده
ورحنا للبحر ووقفنا قدام نافورة جده
يدي في يدها
احب الاحساس اللي يجي وهي معي
اشوف نظراتها لكل شي احس بفرحتها
بابسط الاشياء
سألتها :وش تبين تاخذين من السوق
قالت ببراءه : ابي مساويك وزمزم
و سبح هدايا للي بنرجع لهم
قلت وانا اضحك : بس
قالت : بس كل شي عندي الحمد لله
قلت: ادري ان كل شي عندتس
بس اللي اعرفه الحريم يموتن
بالسوق والشرا وصرف الفلوس
ضحكت بنعومه وقالت :
تصدق اني ما احب السوق
وان لقيت من يقضي حاجتي
ويكفيني هم الروحه اكون له من الشاكرين
قلت وانا مستغرب
:غريبه اجل انتي غير الحريم
ضحكت ودار راسي من ضحكتها
: أي انا غير
وديتها للسوق وخليتها تشتري اللي تبيه
ومشينا بعدها على جده
ــــــــــــــــــــــــــــــــــــــــــــــــــ ــــــــــــــــــ
قراءه ممتعه لكم وردود حلوة لي
النجمه من نصيب مسئولة مبروووك خيتوو
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
السلام عليكم ورحمة الله وبركاته
الجزء الخامس والثلاثين
يمه تعبانه وحيلي منهد
ام فيصل : بسم الله عليتس وش تحسين
سلمى : خمول ونعاس راسي ثقييل
ام فيصل بضحكه : سلمى لا تكونين حامل وانتي ما تدرين
سلمى فز قلبها وتمنت ان امها تكون صادقه
: يمه قولي يارب
الحيين بخلي السواق يجيبني لكم
وامر الصيدليه اجيب لي اختبار حمل
ونشوف
ام فيصل: لا خلتس انا بمركم
اسلم على ام ناصر وعمتس
واخذتس معي
سلمى بلهفه :يمه تكفين تعالي بسرعه
ـــــــــــــــــــــــــــــ
طلعت من الحمام وانا لابسه روب الحمام
احمد طلع وقال بيغيب
استغليت الوقت عشان اتروش
ومن عجلتي نسيت ملابسي فوق الشنطه
طلعت لقيت ورده حمرا مع علبه مخمليه حمرا
على السرير واحمد واقف حنب السرير
استحيت ورجعت للحمام
بس هو كان اسرع مني ومسكني من يدي
وضمني لصدره
بغى قلبي يوقف من قربه
احساس غير وشعور حلو احس
بخفقه في قلبي
شبك اصابعه باصابعي بود
:زهره
رديت بحب : سم
احمد :زهره
قلت : هلا
رد بصوت خافت : زهره انا طحت
رديت عليه بخوف حقيقي
:بسم الله عليك عسى ما تعورت
احمد بصوت كله مشاعر
: زهره انا طحت بهواتس
درت وجهي عنه بحيا وابتسامه خجوله
ترتسم على شفاتي
تمعن بوجهي اكثر ورجع يناديني
:زهره
دفيته عني بلطف
وخطفت ملابسي
ورجعت للحمام
صكيت الباب وانا اتراجف
وقفت قدام المرايه اتأمل
حمرةخدودي ولمعة عيوني
سبيت نفسي يا غبيه كان
ما هربتي منه
وقعدت اضحك على نفسي
لبست وترددت اطلع بس تشجعت
وطلعت للغرفه اللي كانت فاضيه
احمد ماهو فيه والورده والعلبه
المخمليه بمكانهم على السرير
ــــــــــــــــــــــــــــــــــــــــــــــــــ ـــــــ
جده
على البحر واقف
والموج قدامي يتلاطم على الصخور
راح فكري عند زهره هالانسانه اسرتني
بأقل تصرفاتها اسرتني بعفويتها
لا تكلمت عيني ماودي انها ترمش
اخاف تفوتني حركه
يومين !!
يومين بس وطحت بهواها !!!
كل من قارنتها به تفوقت زهره
قارنتها باللي تزوجتهن قبل
فازت بكل شي
ما تهمها التوافه فيها خوف الله
فيها هدوء جذاب
بس ما اسرني مثل حياها
وابتسامتها اللي تلعب بي لعب
طلعت منها ابي اشتري لها هديه
انا حتى مهر ما عطيتها
اشتريت لها طقم الماس
ألماسه ما تلبس الا الألماس
وانا طالع من المحل جت عيني على محل ورد
وكنت سمعت مره من واحد
ان النساء يعشقن الرموز
في الهدايا
وأكبر رمز للحب هو الورد الاحمر
رحت ونيتي اشتري باقة ورد
بس نصحني اللي في المحل
وردة وحده معبره اكثر
حسيت ا ني اطير ما امشي
ملهوف اشوف ردة فعلها
لا عبرت بالهديه والورده
واكييد ان بعبر بالكلام
دخلت الغرفه ولقيتها داخل الحمام
رتبت العلبه والورده وطلعت زهرتي
اوووووووووه وش اقول عنها
طلعت لي بروب الحمام
وشعرها مبلل ومفرود بخصل مبلله
على كتوفها ووجها مورد
لفت بترجع للحمام مسكتها من يدها
وسحبتها لصدري
قلبي دقاته غير واحساسي غير
انا كلي معاها غير غير
قلت لها بحب وصدق شديد
: زهره اناطحت
سمت علي بإهتمام واضح من نبرة صوتها
: بسم الله عليك عسى ما تعورت
قلت لها : انا طحت بهواتس
صدت وجهها عني بحيا وابتسامه خجوله
زادت حلاها
قلت بلهفه زهره
بس هي ما تحملت
تركتني و انسحبت للحمام
تبسمت على حياها
كم مره تهرب مني حيا
متأكد انها خجلانه
وان انسحابها دايم ماهو رفض لي
نزلت للرسبيشن وانهيت اجراءت الخروج
لازم نسلم الغرفه بعد ساعه
طلعت لقيتها واقفه وبيدها الورده تشمها
تبسمت لها وقلت: ورده تشم ورده
اخذت العلبه وفتحتها اعجبتس هديتي
دمعت عينها بإمتنان وفرح : الله اكيد يجنن
واكييد اعجبني
تبسمت بسمتها العذاب
:تدري كم مره ابو ناصر الله يرحمه
يجيب لي اطقم ذهب
بس ولا مره فرحتني هديه بهذالشكل شكرا
احمد : الله يرحمه
اخذت العقد ولبسته قدامي
تأملت نفسها بالمرايه
وناظرتي بالمرايه وقالت : الله يكثر خيرك
قلت لها:زهره عسى انبسطتي هاليومين
قالت بصدق :احلى يومين بعمري
يكفي اني اخذت عمره
احمد : وحضري نفستس من الحين
ان شاء الله بتحجين
هالسنه
ما توقعت ردة فعلها
قربت مني وحضنت عضدي وقالت
: صدق احمد صدق
بتحججني
وباست كتفي
الله يفرحك ويسعدك ويخليك لي
ناظرتها وانا مبسوط وضحكت لفرحتها
وانتبهت هي على اللي سوته
ومسكتها تعالي هنا مافي هروب
وضميتها بحب
ــــــــــــــــــــــــــــــــــــ
:مبروك الف الف مبروك يا بنتي
والله يتم حملتس على خير
سلمى خجلانه من ابوها
: الله يبارك بك يا ايوي
امتس وينها
ابتسمت سلمى : امي في الصاله
عندها ام حسين
ابو فيصل : لا حول ولا قوة الا بالله
وانا كل مره اسأل عن امتس
تكون ام حسين ماسكتها عني
انفجرت سلمى ضحك
: ههههه مسكينه هي تنبسط مع امي
وتشتكي لها
ابوناصر :امرنا لله انزلي تحت ونادي امتس
سلمى: ابشر
نزلت ولقيت ام حسين جالسه
هي وامي يقطفن ملوخيه
كلمت امي : يمه ابوي يبيتس
قامت امي قالت لها ام حسين
:خذي راحتتس انا بكمل هالحزمتين
واروح بيتي
قالت امي : خلتس تغدي معانا
قالت ام حسين: لا بتغدى مع حسين وعياله
طلعت امي وجلست مكانها اكمل شغلها
ام حسين : مبروك يا بنتي امتس علمتني
وفرحتني فيتس
قلت لها: الله يبارك بتس
ام حسين : يا بنتي ابي اتعذر منتس
يا ما ضا يقتس وثقلت عليتس
بس والله من حر ما في
سلمى :ههه لا يا ام حسين
لا تعذرين خلاص انا ما بقلبي شي
وادري انتس تقصدين ضرتتس
ام حسين :وياعلها الموت اللي يشيلها
كانها كرهتني بكل وحدةً اسمها سلمى
ضحكت سلمى من قلبها
على ام حسين اللي لايمكن تتغير
ــــــــــــــــــــــــــــــــــــــــــــــــــ ـ
دمعه ورا دمعه
ومراار وظلام وكأبه احساس بشع
جاء صياح وطلعني من المستشفى
مرميه في غرفتي ولا احد فكر يجي
يشوفني محتاجه شي بخير والا مت
طيب ليش زعلانه احصدي هذا اللي زرعتيه
حتى اختي هيا ما جت تشوفني
وش يدريها اصلا
انا محتاجتها جنبي
انا لازم اخلي صياح يعلمها عن اللي صار لي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك