رواية اكابر واقول فراقه عادي وانا في داخلي اصرخ -39
ســــتــآآآآرر بــكـــس
كانوا البنات جالسين وهم يسالفون ماعدا قمر ساكته
ساره:اقول امور يعني خلاص الحين رسمياا انتي الدكتوره اميره؟؟
اميره:ههههه ايه خلاص رسمياا
لفت قمر لها بصدمه""دكتوره؟؟ااه يالدنيا حلمي اللي يااما حلمت فييه من صغري يصير لاختي؟؟وانا؟؟""نزلت عيونها بعدين صدت وهي تتامل الناس الرايحه والجاايه هذي ام ماسكه اولادها اللي يركضون من مكان لمكان وهذي مجموعه بنات يضحكون ويسالفون وهذا رجال مع مرته يتمشون وماسكين يدين بعض وهذولاء شباب قاعدين يغازلون بناات اطلقت اه مسموعه بدون ماتحس
ناظروها اميره وساره بعدين ناظرن بعض واسكتن
ساره وهي تاقف:هاه وش تبون؟؟
اميره:اممم انا ابي كافي ميت بس حار وامم ابي شيز كيك
ساره:وانتي قمر؟؟
قمر بهدوء:ولاشي
ساره:لا عااد لازم تتطلبين(وقبل ماتتكلم قمر)مافيه لاترفضين راح تتطلبين يعني تتطلبين
اسكتت قمر شوي""اصلا انا مااعرف(ابتسمت باستسخاف)كنت مره باالسنه عبدالعزيز هو اللي يتشري لي بس الحين""تنهدت:ع ذوقك
هزت راسها ساره ومشت
صارت اميره تتامل قمر وعيونها بتدقيق""نفس عيون ابوي بالضبط صغيره بس حاده اممم ماهي جميله بس ملامحها ناعمه يعني اا كانها يابانيه ولا كوريه كل شي فيها صغير حتى جسمها وقصيره وو(قطع افكارها كلمته قمر)
قمر:مضيعه شي بوجهي؟؟
اميره اللي تفشلت صدت عن قمر واسكتت ثواني وطلعت الايفون حقها وصارت تضغط فيه
بـــــنـــفـــس الــــمـــوووول
ادخلوا فهد ومشاري ووراءهم البنات وهم يمشون ويسالفون ماعدا اثنين فهد ومها هااديين
نواره:ترا مانبي نتسووق خلونا نصعد فوق ع طول
خوله:لاحبيبتي تكلمي عن نفسك انا ابي اشتري ثوب عشان العيد مابقى عليه شي
منى:صاادقه مابقى الا شهرين تعالوا السبت تبدا اختبارتكم صح؟؟
نواره:اااف يعني لازم تذكرينا؟؟
خوله:صاادقه ندري
مشاري:يعني مابقى الا 3 ايام بس
نواره:اايه اقوول لاحقيين ع الملابس خلونا نصعد جوعااانه
ابتسم مشاري:يخسى الجووع وانا اخووك امشي
اضحكت نواره:وه بس يالبى اخوي بالله وين القى زيه؟؟
خوله:مشاري تصير اخوي؟؟
مشاري:هههههههه
(اركبوا السلم الكهربائي وادخلوا جهه المطااعم)
عــــنـــدد الــبـــنــآآآآآآت
ساره وهي تنزل الكافي والاكل:وه ياكثر الاوادم ماتقولين بعد 3 ايام تبدا الاختبارات
اميره وهي تنزل الايفون:هههه هو عشان كذا تلقين كل واحد يقول بطلع اخر طلعه قبل الاختبارات
ساره:هههه صاادقه
اوقفت قمر وبهدوء:وين الحمام؟؟
ساره وهي تاشر:بيدها هناك
هزت راسها قمر اسحبت شنطتها ومشت وعيون البنات تراقبها
كانت تمشي وعيونها بالارض حست انها اصدمت احد مابعدت عنه ولا تحركت ولا حركه لانها تعرف لمسته تعرف ريحه عطره ارفعت راسها شوي شوي وناظرته
كان يمشي ووقف وحس بااحد اصدمه لف للبنت صار يتاملها عرفها يعرفها من بين مليوون بنت حتى لو هي متغطيه قلبه يدق لما تقرب منه ولما تلاقت عيونه بعيونها حس وكان الزمن تووقف وكان كل الناس اللي بالارض اختفوا ومابقى الا هو وهي ابتسم وتنهد وهو يرمش بعيونه ويتاملها
دمعت عيونها وهي لسى لاصقه فيه ماقدرت تبعد ولا خطوه تمنت الزمن ياااقف هناا ولا يكمل ولما اطلق اه تعب او يمكن شوق اشهقت ماقدرت تستحمل شدت ع شنطتها بقووه
ابتسم وبهمس:قمر قمر
اشهقت وبهمس:فهد
كانوا مشاري والبنات واقفين بذهول ماتوقعوا ابدا يشوف قمر وبالذات مها
وساره واميره ماهم اقل منهم صدمه وفاتحين افميهم ويناظرون لهم
نزلت عيونها بالارض قمر وهي تبعد خطوه عنه وصارت بينهم مسافه بسيطه وبهمس:اشتقتلك اشتقت تقولين انا هنا(ارفعت راسها وصارت تحرك عيونها ع ملامحه وكانها تبي تنسخها تبي تحفظها ززين)
ابتسم بالالم وقال ببحه وصوت اقرب للهمس:انا هنا قمر يكفيني انك تتنفسين الهواء اللي اتنفسه احمد ربي اني قدرت اشوفك الحين
هزت راسها قمر:ليش نحفان؟؟؟ووجهك اصفر؟؟
فهد:عشاانك
قمر وهي تمسح دموعها:لا تراني اتعذب لاتزيدها علي تكفى اذا تحبني صدق لاتسوي كذا بنفسك تراني امووت
لاشعوريا مد يده وحطها فوق افمها وتوسعت عيونه:لاتقولين هذي الكلمه فااهمه؟؟تراني اموت مليوون مليوون(صار يقولها بعمق واحساس)مليوون مره اذا قلتيها
ناظرته بفهااوووه غمضت عيونها هزت راسها وهي تبعد يده:بسم الله عليك(اسكتوا مايدرون وش يسون؟؟يبكون ولا يفرحون؟؟يودعون ولا يتواعدون؟؟؟)
مشاري ببتسامه شوق:وشلونك؟؟
لفت لمشاري وابتسمت بقوه:انا بخير انت وشلونك؟؟
مشاري:بخير
لفت قمر للبنات اللي يناظرون لها:لازم اروح(صارت تتامل فهد ولفت بس حست بيد امسكته معصمها غمضت عيونها بالالم ولفت بس تمنت انها ماتت ولا شافته كذا كان منزل راسه وخصلات شعره مغطيه عيونه طاحت عيونها على يده الممدوده وماسكه معصمها انصدمت وهي تشوف سلسالها لفه بشكل اسواره جرحها منظره اشهقت بالالم):ااه اه فهد ااه
كان منزل راسه مايبي يبين ضعفه وبهمس:لاتروحين
قمر وهي تحط يدها فوق يده واضغطت بقوه ع السلسال وكانها تقول حاافظ عليه وبعدت يده وبصوت مبحوح من البكي:ياليت ياليت مااروح ياليت اقدر ابقى جنبك طول عمري بس اا ماقدر مااقدر(لفت وجهها ومشت وهي تبكي انزلت بسرعه من السلم والحقوها البنات بسرررعه)
اما هو شد ع قبضه يده ولف وجهه ومشى واللحقوه مشاري والبنات
بـــيــــت آآآبـــوووفـــهـــددد
غــــررررفـــه فـــهــــدد
دخل وضرب التسرييحه بقووه وقهر
مشاري:ففهد تكفى اهدا
فهد بقهر:مشاااري انا وعدتها وعدتها اني ماتخلى عنها ووعدتها اني مااصير زي ابوها وعبدالعزيز وشلووون وشلووون اخوون بووعدي؟؟اااااخ(ضرب الدرج بقبضة يده)
مشاري وهو يمسك يد فهد:فففهد خلااااص هي تتدري انك ماتخليت عنها بس اا بس هذي الظروف هذا نصيبكم
سكت وقعد ع السرير بقوه وعيونه مصووبه للفراغ""معقوله هذا نصيبنا يااقمر؟؟معقوله هذا حظنا؟؟""
ســـيـــآآآررره الــبــنــآآآآآت
كان جو السياره مكهرب وهم مستغربين بس يدرون ان فيه شي صااير بس مااحد تجرا وقدر يساال نزلوا يارا وسما ببيتهم بعدين مشوا لبيت اميره
اوقفوا وانزلوا وهم يدخلون البيت اول وحده انزلت قمر وافصخت نقابها بس اوقفت بصدمه وهي تشوف السياره اللي موجوده بالحوش""لحظه هذي مو سياره عبدـ ـ""توسعت عيونها بصصدمه وذهول لفت للبيت وهي تتامله
سديم باستغراب:من سيارته هذي؟؟
ريناد:غرريبه اول مره اشوفها
ريوف:اميره هذي حقت ناصر؟؟
اميره باستغراب:لا اول مره اشوفها
كلهم لفوا لقمر اللي اركضت لداخل وكانها تبي تتاكد افتحت باب الصاله وطاحت طرحتها ع كتوفها وهي تشوفه ولسى ماسكه الباب بيدها
وقف خالد وقرب لها:قمر
بعدته عن وجهها ومشت له(بهذا الوقت ادخلوا البنات وهم مستغرررررربيييييين)
اوقفت قدامه وهي معصده حواجبها وصدرها يرتفع وينزل وتنتقل بعيونها بين ملامحه
عبدالعزيز بخوف وهمس:قـ
بس قبل مايكمل اسمها عطت كف قوووي واصرخت:بسسس بسسس لااااتقووول اسسممممي(اشهقت والدموع تنزل ع خدودها لفت وهي تتدور حول نفسها بضياع وصارت تكلم نفسها)انا وش سوويت بحيااتي؟؟وش سوويت عشاان اشووف اكره اثنين ع قلبي قداامي وش سوويت؟؟ااه ااه ياارربي وش ذذنبي؟؟ليش تحرمني منه وتعطيني اياهم؟؟ليش؟؟ااه ااه كنت مبسووطه كنت ااا(حركت عيونها بضياااع)اا كان ع بالي ان كل الايام السودا خلاص رااحت ليش؟؟(هزت راسها بالنفي غمضت عيونها وحطت يدينها ع اذونها)هذا حلم ايه ايه حللم بصحى بصحى منه(طاحت ع ركبها واصررخت)بصصصصصصصححححححىىىىىى
عبدالعزيز وهو يصيح ونزل لمستواها ومسكها من كتوفها:قققممممرر
صارت تضربه بقووه وبشكل مو طبيعي:اتررركني اترررركننيي اترررركنييي
اركضت لها وسسن وهي تبعد عبدالعزيز وضمتها:بس بس قممرر
صارت قمر تبعدها عنها واللي يشوفها يقول مجنونه!!
قمر بصرااخ وهي تتدف وسن بقووه:بعععععععدوووا عنننني اتررررركوووني اتررررركوووني
خالد وهو يقرب لها:بس يبه بسسس تكففيين اهددي
صارررت تصررخ بشكل مرررررعب وتصااارررخ او تبكككي بشكل مخييف وتضررب نفسها وتقول كلااام مو مفهوووم ابداا
الكل صار واقف بعيد ويناظرها بصصصدمه ماعدا عبدالعزيز ووسن اللي يبكون خووف ع قمر اللي كانها انجنت
بس صصووت الكف اللي صصصدع بكل البيييت خلى الكل يششهق ببصصدمه
اميره وهي تنزل يدها عن خد ققمر وتناظر لها بصدمه وهي ترمش وبصوت قصير مايل للهمس:اهدي
ارفعت عيونها قمر لاميره وهي حاطه يدها ع خدها بصدمه واسكتت وصدرها يرتفع وينزل وعيونها تتحرك بضياااع
خالد بعصبيه ويكلم اميررره:لييشش تضررربينها؟؟
اميره وهي تناظر ابوها:لانها مو حااسه بعمرها لانها بحااله صددمه ولازم تصحى
لفوا كلهم وناظروا قمرر اللي تهاووت للارض بس يدين عبدالعزيز الاقرب لها ومسكها وهو يطق خدها:ققممر قمرر اصحي قمممرررررررررر
قمر وهي تحس بنفسها كيف تهاوت للارض وصوت عبدالعزيز البعيييييد انزلت دمعه من عيونها وابتسمت ع خفيف""يااارب يااارب اني مااصحى ياارب اني اموووت اموووووووت فففهد ساامحني بررحل من هذي الدنياا لانها ماتسوى اعيشها بعييده عنك ييممه بجييك انتظريني يييمه""غمضت عيووونها وماعادت تحس بااي شي
و الله ما يسوى اعيش الدنيا دونك
لا و لا تسوى حياتي بهالوجود
دامك انت الي رحلت
و كيف بصبر عالبعاد
و كيف بنثر هالورود
ماوعدت انك تقاسمني المحبة
و تبقى لي حبٍ و لدروبي دليل
بس حسافة الموت كان اقرب و ارحم
حسبيا الله و حده نعم الوكيل
حسبيا الله و حده نعم الوكيل
روح أنا راضي غيابك يا حياتي
هذي قسمة لي و هذا لي نصيب
كنت شمعة تضوي و تشرق حياتي
انطفيت و رحت في وقت المغيب
الــبـــــ32ــــآآآآرررررررررت
بـــــيـــت آآبــووســلــمــآآآآن
جــــنــآآآح حـلآآ وو ســلــمــآآآآآن
فتح عيونه ع خفيف بس ع طول عصد حواجبه وتعدل بسرعه وناظر حلا بصدمه وهو يشوفها واقفه فوقه وتناظره بصوت كله نوم:فيك شي؟؟
استوعبت حلا انها قام لفت وجهها:هاه؟؟اا(لفت وناظرته)ايه ايه اذن الظهر
ناظرها ببرود ووقف ودخل الحمام
تنهدت واقعدت ع نفس الجهه اللي كان نايم عليها وصارت تحرك يدها عليها كانت داافيه""اعشقك واموت فيك اااه معقوله القدر جمعنا كذا؟؟بس وشلون اتاكد انه صدق هو نفسه يمكن بس تشابه اصوات؟؟ايييييه لقييتها""اوقفت بسرعه واتجههت للتسريحه لانها اسمعت صوت فتحت باب الحمام وهي تعدل شعرها:سلمان
لف لها وهو ينشف وجهه بالفوطه وبدون مايقول أي كلمه
حلا:بروح لبيت خالتي عازمتني
سلمان ببرود:طيب متى تبين تروحين؟؟
لفت له:عادي الحين؟؟
سلمان بذهول:الحين؟؟الدنيا ظهرر
حلا ببتسامه:ايه ادري يعني اتجهز مع بنت خالتي احسن من قعدتي لحالي هنا
سلمان:طيب طيب اللبسي بسرعه عشان انزلك بطريقي
حلا بسرعه:ليش وين بتروح؟؟
رفع حاجب:لاتساليني هذا السوال ثاني مره فاهمه؟؟وبسرررعه تجهزي
كشرت بوجهها وهي تشوفه يطلع برا الغرفه"""اااف""افتحت الدرج وطلعت بنطلون جينز كحلي سكني وبدي كت(بدون اكمام)اسود واللبست نعول فلات فضيه عاديه وحطت طوق اسود سااده وحطت الملابس اللي بتلبسها بالعزيمه بكيس وحطت ع السريع كحله فرنسيه وكثرت المسكارا وروج وردي نااااعم افتحت الباب واطلعت:خلصت
لف لها ووقف وهو يناظرها بتامل""صح لبسها بسسيط بس طالعه تخقق""ناظر كتوفها المكشووفه البيضاااااء وخصرها اللي مبينه حيل البدي الضيق تنهد ع خفيف وهو يتذكر اللي سواه امس يوم باسها لف وجهه:يلا امشي
ابتسمت ع خفيف واللبست عبايتها بسرعه وانزلوا
الـــمــســتــشــفـــى
وقف عبدالعزيز وابوه وهم يشوفون الدكتور طلع من عند قمر اركضوا له
عبدالعزيز بخوف:طمني دكتور
الدكتور بهدوء:انهيار عصبي شديد(ولف لخالد>>هذا الدكتور هو نفسه اللي جاهم بالبيت قبل<<)وانا نبهتك قبل انها مو مفروض تتعرض لمواقف تضايقها او تعصبها
تنهد خالد وصد بضيقه
عبدالعزيز:اقدر اشوفها
سكت الدكتور شوي بعدين قال:لا
لف خالد وناظره بصدمه ماهي اقل صدمه من عبدالعزيز وبصوت واحد:ليش؟؟
الدكتور:ااه المريضه رافضه تشوف احد حاليا وحنا مظطرين نسمع كلامها الحين ع الاقل لين تهدى نفسيتها
خالد بخوف:يعني بتنام عندكم دكتور؟؟
الدكتور:اكييد ع الاقل اسبووع عن اذنكم
خالد بهمس:اذنك معك
قعد عبدالعزيز ع الكرسي بصدمه ومسك راسه:انا السبب انا السبب لهدرجه كرهتني؟؟لهدرجه ماتبي تشوفني
قعد خالد وهو يتنهد وحط يده ع كتفه:اا
دف عبدالعزيز يده ووقف بعصبييه:لااتلمسسني انت السبب بكل اللي صاار اييه انت السبب لو انك مااتخليت عنا كاان ماصار اللي صاار(صررررخ)لووو انتت ماارررحت كان اناااا بببعد مارررحت(هدا صوته وهو يهز راسه بالنفي)لا لا انت صح غلطت بس انا بعد غللطت وغلللطت ع الاقل انت قمر ماعرفتك بس انا اناا(اشر ع نفسه)وشلوون قدرت اسوي فيها كذا؟؟وشلوون طاوعني قلبي؟؟وشلووون(بدت دموعه تنزل بقهر)
وقف خالد وهو يحس بغصه سحب عبدالعزيز وضمه لصدره وبهمس:ساامحني ساامحني وانا ابووك شتتكم وضيعتكم معي ساامحني ساامحني
لف يدينه بقووه حول ابووه وكانه رجع الطفل اللي يتمنى هذا الحضن وبهمس باكي:قمر ماراح تساامحنا اعرفها اعرفها هي تربيتي ماراح تسامحنا ياايبه يايبه ااه ااه
انزلت دمعه احررقت خده وغمض عيونه وهو يشد ضمته لولده هو وش سوى؟؟وشلوون ضيعهم كذا؟؟اااه لو الززمن يرررجع كان ماصار اللي صااار!!!
شـــقـــه تـــررركــي وو ووســــن
ادخلت وسن وهي ترمي شنطتها بضيق واتجهت لغرفه النوووم وهي تتدخل وتقفل الباب اشهقت وهي تحط يدها ع افمها ماتبي صوت شهقاتها تااصل له طاحت ع الارض ومسنده ظهرها ع الباب وتصيح""ليش حنا يااقمر؟؟ليش حنا من بد كل هالبناات انكتب لنا نتعذب؟؟ااه اااه صبرت وصبرت بس ماافااد ااه اااه ابي اررجع زي قبل ابييي ارجع زي قبل ااه اااه اااا""انزلت للارض وهي تضم يدينها الصغيره لصدرها وبهمس وهي تشد بغمضتها لعيونها:ابي اررجع زي قبل بين امي وابوي والجووري ااه ااه ليش؟؟ليش؟؟ااه اااه
الـــصـــآآآلـــــه
قعد ع الكنب بقوه وهو يتنهد وشد شعره بيده""مااتوقعت حياتنا بتكون بهذي الصعووبه ااف بس هي بعد تنررفز وشلون تروح للسوق بدون اذني؟؟بعديين انا غبي اول ماركبت السياره صرت اصاارخ عليها واهاوووشها ومادريت انها متضايقه عشان قمر اااف بس بعد الغلط عليها هي اللي صارت تهااوش وسكرت السماعه بوجهي اااه ااااااف""
بــــيـــت خـــآآلــه حــلآآآآآآآ
غـــرررفـــه شـــهـــد
حلا:ووقسسسم هذا اللي صار
اقعدت شهد بصدمه:يعني تتوقعين ان سلمان زوجك هو نفسسه ااا
ابتسمت حلا:انا اتووقع بس(اختفت الابتسامه)اقول بعض الاحيان اني يمكن غلطاانه بس عندي طريقه اتااكد منها
شهد بسرعه:وشلوون؟؟
حلا:اسمعي تتذكرين يوم انتي شريتي شريحه موبايلي بس بعدين تركتيها وشريتي سوا؟؟؟
شهد باستغراب:ايه بس ليش تسالين؟؟
حلا:هي عندك الحين؟؟
شهد وكانها افمهت حلا وش ناويه تسوي:هيه هيه انتي لايكون ناويه تكلمين ع اساس انك حلا حبيبته؟؟
حلا:ايييه(وبسرعه عشان شهد ماتهاوشها)بس عشان اتاكد
شهد بخوف:بس حلا ـ ـ
قاطعتها حلا:اااف ششهد لو ماتاكدت راح انجلللط اذا هي عندك قومي جيبيها بسرعه
شهد وهي تاقف وتهز راسها:عنيده(جابتها ومدتها لحلا)خوذي
اسحبتها حلا ودخلتها بجهازها ودقت ع رقمه وعيونها ع شهد بخوف وقالت بترردد:اا الو
سلمان اللي كان قاعد بكافي ووقف بصدمه وبعد السماعه عن اذنه بس قعد بسرعه:من معي؟؟
حلا بهمس:نسيت صوتي؟؟
بلع ريقه سلمان:من؟؟
حلا:حلا
تورط سلمان مايدري هي حلا زوجتها ولا حلا حبيبته:اا حلا
حلا:اايه حلا(وقالت بسرعه)ولا عشانك تزوجت نسيتني؟؟
عرف انها حلا حبيبته سكت شوي بعدين قال:اا اا اه من قالك اني تزوجت؟؟
حلا بهدوء:عرفت
سكت سلمان شوي بعدين قال:اييه وانتي؟؟
حلا:لا ماتزوجت
سلمان باهتمام:ليش؟؟
حلا بسرعه:مبسوط معها؟؟تحبها؟؟
سكت سلمان وبضيق:تتدرين انه اسمها حلا؟؟(ضحك باستهزاء)اصلا اول ماقلتي الو ع بالي هي
اسكتت حلا شوي بعدين قالت:صدق؟؟
سلمان:ايه صدق ع بالي انك هي
حلا:لا اقصد صدق اسمها حلا؟؟
سلمان:اايه شفتي وشلوون؟؟
حلا""خلاااص تاكدت انه هو"":ايه تحبها؟؟
سكت سلمان شوي بعدين قال:لا
ماتتدري ليش انقهرت مع انها تتدري انها يحبها بس يعني مايحبها ع انها زوجته>>حستكم صح؟؟هع<<:ليش؟؟
سلمان بهمس:لاني احبك
اسكتت وهي تبلع ريقها:بس انت متزوج الحين؟؟وغيرت رقمك وماسالت عني
سلمان بسرعه:وانتي بعد غيرتي رقمك صح؟؟
حلا:ايييه
سلمان:ليش؟؟عشان مااكلمك؟؟
اسكتت شوي بعدين قالت:اايه انت متزوج
سلمان بشويه عصبيه:اجل ليش داقه الحين؟؟
اسكتت شوي بعدين قالت:اا اا مدري(بهمس)يمكن اشتقت لك
بلع ريقه وهو يتنهد:مدري وشلون برجع واشوفها كل مااشوفها اتذكرك اقول نفس الاسم ياترى حلا حبيبتي تشبها ولا لا؟؟ياترى فيهم صفه مشتركه ولا لا؟؟تعبت وربي تعبت
حلا وهي تتنهد:بس هي ع ذمتك(بحده)حرام علي اكلمك وهي مالها ذنب
سلمان:ايه انا اقول كذا هي مسكينه مالها دخل الا انها تزوجت واحد مايحبها ااه بس انا مستغرب
حلا بسرعه واهتمام:من ايش؟؟
سلمان وهو يفكر:يعني هي ماستغربت اني ماقربت منها ولا حتى اهتمت؟؟
اسكتت حلا بخجل خفيف:هاه؟؟اا ليش؟؟
ابتسم سلمان وهو ينزل كوب العصير:ااه مدري بس اكيد مستغربه بس مابينت لي
حلا:هاه اايه ايه يمكن
سلمان باستغراب:وشفيك كانك ارتبكتي؟؟
حلا:لالا عادي مارتبكت امم اكلمك بعدين خلاص
سلمان بسرعه:اكيييد مع السلامه حبي
حلا بهمس:مع السلامه(سكرت وهي تتنهد)
شهد باهتمام:هاه بشري هو؟؟
هزت راسها حلا وهي ضايقه:ايه
شهد باستغراب:وشفيك؟؟ع بالي بتقومين ترقصين من الفرحه؟؟
تنهدت حلا وناظرت شهد:خاايفه ياشهد خاايفه
قربت شهد لها وشدت ع يدها:لاتخاافين حبيبتي سوي اللي يقوله لك قلبك وكل شي بيصير بخير
هزت راسها حلا باايجااب:الله يعين(وصارت تناظر بنظره بعييده لامل جديد!!)
عـــبـــدالـــعـــزززيـــززز
كان يمشي ع اطرااف البحر وهو مدخل يدينه بجيوب بنطلوونه""اااه وشلون قمر بتسامحني؟؟ياترى نوف بتسامحني ع اللي سويته فيها؟؟ااه وابوضاري؟؟وفواز؟؟ااااه انا وش سويت بنفسي وحياتي؟؟وش خسرت؟؟وش كسبت؟؟ااااااه""جلس ع الرمل وهو يتامل البحر لم رجوله لصدره وهو يتذكر وشلون جاء لابوه
وقف بسيارته قدام القصر نزل وهو يتامله بتمعن ماكان اقل من قصر ابوضاري""ااه معقوله لو ان ابوي ماتخلى عنا كان الحين هذا قصري؟؟ياترى لو ماصار اللي صار كان أي شباك من هذي الشبابيك هو شباك غرفتي؟؟ااااه راح ادخل واقوله واللي فيها فيها""سكر باب السياره ووقفه الحارس:ابي خالد الراسي
الحارس:ثواني(سحب سماعه جنبه وتكلم فيها شوي بعدين لف لعبدالعزيز وفتح البوابه):تفضل
دخل عبدالعزيز وهو يمشي بارتباك ويتامل القصر
ناصر وهو رافع حاجب:نعم اخوي؟؟
ناظره عبدالعزيز بنظره غريبه:وين خالد؟؟
ناصر وهو يناظر عبدالعزيز من فوق لتحت:موجود بس من اقوله؟؟
عبدالعزيز بثقه:عبدالعزيز الراسي
ابتسم ناصر باستسخاف:اهااا انت اخو قمر صح؟؟
حس عبدالعزيز نبره الاستحقار بصوت ناصر انقهر واستغرب انه يعرف قمر بس قال:ايه نااده لي
لف ناصر وهو يمشي:امش معي
مشى وراء عبدالعزيز وادخلوا مجلسين متقاابلين بس واحد مرتفع عن الثاني وفخممم مرا>>هع مالي خلق اووصف كل واحد يتخيله باللي يبي ههه>>
ناصر بدون نفس:تفضل(لف وجهه وطلع ثواني وجاء خالد ومعه ابوسديم)
وقف خالد بصدمه وهو يتامل عبدالعزيز وبهمس:عبدالعزيز؟؟
رفع عيونه عبدالعزيز ووقف وهو يتامل ابوه بهدوء
تقدم خالد وضمه بقوه وهو يغمض عيونه وبلع ريقه بعد عن عبدالعزيز وهو ماسك كتوفه ويتامل ملامحه بس لحظه عصد حواجبه:اا اا""مو مو ااا(توسعت عيونه بصصصدمه لانه تذكر انه شاافه عند ابوضاري)اا شفتك عند ابوضاري صح؟؟صح؟؟
ناظره عبدالعزيز بتامل نزل راسه شوي بعدين ارفعه:ايه
خالد وهو يتذكر لما قراء اسمه:بس اا اسمك اسمك كان ـ ـ
تنهد عبدالعزيز وهو يقاطعه:هذي سالفه طويله ااا(رفع راسه وناظر ابوه بتدقيق)اقدر اطلب منك طلب؟؟
ابتسم خالد وهو يبلع ريقه وبحب:انت تامر وانا ابوك مو تتطلب
نزل عيونه للارض بعدين رجع رفعها""ياالله قد ايش كنت اتمنى اسمع هذي الكلمه[وانا ابوك]طوول عمري تمنيتها"":اا ابي ادور عن اختي قمر بس اابيك تساعدني
قاطعه خالد:قمر؟؟قمر عندي
توسعت عيونه بصدمه:ايش؟؟اا ووشلون؟؟اا من متى؟؟
سكت خالد شوي بعدين قال:بعد هذي سالفه طويله اقولك اياه اما متى جتني يمكن من اسبوعين كذا
قاطعه عبدالعزيز بلهفه:ووينها؟؟وينها؟؟ابي اشوفها
خالد:ايه طبعا حبيبي بس هي الحين مو موجوده
حس بخيبه الامل وجلس رفع عيونه لابوه:ماقلت لي وشلون قمر جتك؟؟
جلس خالد جنب عبدالعزيز وبدا يقوله
تنهد وهو يرجع للواقع""من هذا يااقمر؟؟وبتساامحيني ولا لا؟؟معقوله هو السبب بكل اللي يصير لك؟؟ولا انا؟؟من المظلوم ومن الظالم وانا اخوك؟؟من اللي اخطى انا ولا ابوي ولا امي ولا انتي؟؟جااوبني جااوبي اخووك""غمض عيونه وشد بيدينه داخل الرمال وبكه بقووه وصرررخ بققهررر:يييييييييمممممممه تعااااااااااااااااالللليي
ييييييمممممممه محتااااااجيييينك ييييييييمه(بدا صوته يهدى)انا وقمر محتاجينك يييمه(نزل راسه وبكى)
شـــررركـــه آآبــووســدديــم
مــكــتــب آآبــووســدديــم
اوقفت سديم بصدمه من الكرسي:ايش؟؟
ابوسديم باستغراب:وشلون هو ماقالك؟؟انا قلت له لازم ياخذ اذن منك وقال طيب ع بالي اخذ اذن
لفت لابوها وهي لسى مصدومه:وشلون؟؟اا اا وليش؟؟ليش بينقل؟؟
تنهد ابوسديم:والله مدري انا سالته وقلت له اننا بنفقد شخص ملتزم بشغله زيه بس هو تعذر بأن هذاك الفرع اقرب لبيته وان اولده محتاجه وافقت له بس قلت له كلم سديم اول قال طيب وطلع
ابلعت ريقها سديم:وهو وينه الحين؟؟
ابوسديم:مدري يمكن بمكتبه
هزت راسها واطلعت وهي معصبه ادخلت مكتبها ونادت السكرتيره:نادي حمد بسرعه
السكرتيره اللي اول مره تشوف مزاج سديم معكر كذا هزت راسها وراحت تركض تنادييه
الـــمــســتــشــفــى
غـــرررفــــه قـــمـــررررر
ادخلت وسن وهي ماسكه باقه ورد نزلتها ع الكومدينا وناظرت ام ناصر وبهمس:ماصحت؟؟
ام ناصر وهي تناظر قمر وتتنهد:صحت شوي وعصبت انها شافتني بس ماقالت شي وارجعت نامت
تنهدت وسن وامسكت يد قمر بقوه وهي تتامل قمر بحزن:ااه الدكتور قال انها ماتبي تشوف احد خلونا نتركها ع راحتها
ام ناصر وهي تهز راسها:صادقه انتي وشلونك؟؟وشلون رجلك؟؟
اسكتت من طاري تركي بس ارفعت راسها وابتسمت:بخير بخير ماعلينا
ابتسمت ام ناصر ولفت تتامل قمر
ادخلت اميره وبهمس:ماصحت؟؟
ام ناصر:لا
لفت اميره وسلمت ع وسن:سوري ياحياتي ماشفتك
وسن:لا عادي هاه اميره وش قال الدكتور؟؟
اميره وهي تجلس:نفس الشي ااه
لفت وسن وهي تتامل قمر وشدت ع يدها""اصحي ياقمر اصحي مو عشانهم لا عشااني عشاان فهد اصحي اصحييييي""
اميره:قووموا خلونا نطلع مو زين اذا صحت تشوفنا
هزوا روسهم ام ناصر ووسن واوقفوا واطلعوا
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك