رواية زهرة ضامية -3
اني ما يهمني بالدنيا غيرك انت واختك
"يمه وين رايحه
ياولدي الليله فيه عشى عند بيت ابو فيصل
وتوها دقت ام فيصل تعزمني
حسين:يمه هالحين تبين تروحين
وهو يناظر الساعه
يمه الساعه 3 الظهر باقي شوي ويأذن العصر
ام حسين وهي تغطي وجهها : عادي ام فيصل متعوده علي اجيها بأي وقت
حسين يهز رأسه بيأس " مستحيل امي تقر ببيتها مستحيل
بعذر ابوي تزوج عليها
ـــــــــــــــــــــــــــــــــــــ
دخلت مثل العاصفه الهوجا
يمه شوفي لس حل مع ام حسين
" ام فيصل تشرف على تجهيزات العزومه
: جت ام حسين
سلمى بتأفف ايه جت العله
ام فيصل : عيب يمه ام حسين اكبر مني
سلمى وبصوت فيه ملل:
عارفه بس تراني طفشت منها كل ما شافتني
تدعي علي بالموت
ام فيصل جت جنب سلمى وبحنان : يمه تراها ما تقصدس
تقصد طبينتها
سلمى : ادري بس تراعي مشاعري مو كل ما شافتني " تغير صوتها مثل ام حسين وتقلدها "" يعلتس الموت يا سلمى يا علتس ما تهنين بمنامتس ولا زادتس
ام فيصل : خلاص مادام عارفه طنشي وارتاحي
فجأه طبت عليهم ام حسين المطبخ وشافت سلمى وبدت موشحها لا تذكرت طبينتها : عساتس للموت يا سلمى
طلعت سلمى وهي تتأفف بصوت عالي
وام حسين تتبعها بنظرها وبكل براءه تسأل ام فيصل : وش فيها بنتس تنافخ
ام فيصل : ههههههههه
خفي على بنتي كرهتيها اسمها
ــــــــــــــــــــــــــ
"ياربي من هالحاله
اذن العصر وعريس الغفله ما شرف
وين راح وتركني
قمت وصليت العصر
وبعدها رحت لشناطي ادور وش
بالبس الليله بعشى جيراننا
فتحت الشنطه وشفت فستان زواجي
"هههه
رفعته قدام عيوني
وتحسست قماشه الوردي
بالله ذا فستان عرووس
يفشل
مدري منين جابته العمه شريفه
" ما انسى وجه عمتي ام ناصر يوم شافتني وان لابسته
ام ناصر بتساؤل : زهره وش هاللي لابسته
ناظرت بالعمه شريفه ابيها تتكلم
ناظرتني وقرصت عينه بتوعد لي لو تكلمت
" بالله وش تبيني اقول مدري شقول العمه شريفه للاسف تكرهني وبكل وضووح ما تجاملني ابدا
درت بفستاني اتباهى فيه وكأنه اجمل فستان
: شرايس يا عمه بالله مو حلو يجنن
علي صح
ام ناصر على بالها الفستان من ذوق زهره : يا ماشا الله وش زينه عليتس وبوست خدودي وحشرت بكفي شي مدري وشهو
انا صكيت كفي عليه بقوووه عشان ما تشوفه العمه شريفه
وجلست انتظر مباركة البنات
********
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
الجزء الثالث
ـــــــــــــــــــــــــــــ
من بعد صلاة العشاء
"ياربي هذا وين راح
ماسكه عباتي وجالسه
انتظر ابو ناصر
قلق والله
اكيييد انه ناسي
اني في البيت استناه
قمت احرك رجولي شوي
احسها تخدرت من كثر
ما جلست وانا انتظره
وقفت عند مراية المغسله
0
اتفقد روجي وكحل عيوني
اتأمل ملامحي السمرا
برضا اول مره اشوف
نفسي حلوه
يمكن عشان نفسيتي مرتاحه
سمعت صوت الباب وهو يفتح
وشفته يدخل
ابو ناصر
"السلام عليكم
رديت عليه
" وعليكم السلام وينك
وين رحت
الله يهداك قلقت عليك
ابو ناصر بحرج
" معليش السموحه
تعطلت السياره علي
رديت عليه "اهم شي انك بخير
ابوناصر يتهرب بعيونه عني
" جاهزه
رديت عليه : ايه جاهزه
ابوناصربعجله
: دقيقه بغير ثيابي
ودخل داخل البيت وانا انتظره
بالحوش والنسمه تلعب
\بشعري
دقايق طلع ابو ناصر
وهو كاشخ كشخة شيبان
" يالله كتمت ضحكتي
يا حليله كاشخ والله
لابس ثوب بني بعز الصيف
ووبشت بنيه وشماغه البرتقالي
طبعا كله مجعد وغير مكوي
" يله مشينا نطقها
وهو يمشي قدامي
"تأملته وتعجبت هذا من صدقه
يبي يروح للناس على هالشكل
"ابوناصر ليه ما قلت
لي اكوي لك ملابسك
عطنياها خليني اكويها
ابو ناصر:بعد نظره سريعه على ثيابه
"ماله داعي تأخرنا
على ابو فيصل
امشي امشي
وطلعنا من البيت
ـــــــــــــــــــــــــــــــــــ
هناء يا هناء
علامتس ما تردين
هناء بنص ابتسامه " هلا ام حسين
امري وش تبين
ام حسين ترفع فنجال القهوه
: جديده هالفناجيل
اول مرره اشوفها
متى شريتوها
ما شفتها قبل كذا
سلمى بصوت حاد
ترد على ام حسين
: أي جديده وش عندس
هناء وهي كاتمه ضحكتها
: سلمى عيب عليتس
سلمى : وانا صادقه لازم
تعرف عن كل شي
ام حسين رشفت فنجالها كله
وناظرت سلمى " سليم
هاتس فنجالكم ما نبيه
وحذفت سلمى فيه
سلمى تفادت الفنجال
اللي طاح وارها
والحمد لله ما انكسر
سلمى مصعوقه من حركة ام حسين
" وتهمس لهناء: شفتي شفتي
انها مجنونه انا قايله لكم
هناء انفجرت ضحك
"تحب المعارك والمناوشات
اللي تدور بين ام حسين واختها سلمى
ههههه" سليم" ههههه
وهي تحط يدها على بطنها
: اه حسبي الله عليكن انتن الثنتين
والله حاسه اني بولد من كثر الضحك ااااه
سلمى كشرت زعلانه من ضحك هناء
" والله ما فيه شي يضحك
هالحين انا اعاني منها
وانتي تضحوكين
ام حسين زادت عليها
: يا علتس للجدري ياسلمى
هناء زااااد ضحكها وطفرت
عينها بالدموع :ههههههههههه
ام حسين بظرافه
" سليم يامي صبي لي فنجال
سلمى وهي طفشانه منها
: ابشري ا م حسونه
من عيوووني
وهناء مستمتعه على الاخر
بالمشهد الكوميدي
ـــــــــــــــــــــــــــ
دخلت جنان المطبخ وهي
شايله ريم بنت فيصل
: يمه شوفي من معي
ام فيصل بابتسامه عريضه
" يا هلا والله بريومه
واخذت حفيدتها من جنان
"وين امها
جنان " في غرفتنا تنوم دحومي
بعدها بلحظات طلت عليهم
منيره زوجة فيصل
: السلااااام عليكم
انا جيييت
وسلمت على خالتها ام فيصل
: وحبت راسها
معليش يا خالتي سامحينا تأخرنا
بس دحومي مسخن وتونا
راجعين من المستشفى
ام فيصل : يا قلبي عليه علامه تعبان؟
منيره: ابد روشته وجى
تحت المكيف واخذله لفحة هوا
على كيف كيفتس
ام فيصل : ادهنيه بفكس ويطيب
احسن له من هالادويه
منيره توافق خالتها بالكلام
: ابشري ياخاله اصلا الفكس
دواء لكل شي
جنان بقرف : وع مدري شلون تستخدمونه
ام فيصل بصدق : الله يرضى على من سوااه
يامااا دهنتس فيه وانتي تونين من الحمى
جنان :يماااه كاني سمعت صوت
الباب يندق برووح افتح
يمكنها العروووس
جنان فتحت الباب لقت
ام امجد ومهجه وبنتها فتو
دخلت ام امجد بعد ما حشرت نفسها
في باب البيت
السلام عليكم يا بنتي
وجرت جنان لحضنها تسلم
وتبوس بحراره كانت ام امجد
تحب جنان وتشوفها من ألطف البنات
جنان خجلانه منها
: هلا والله خالتي ام امجد الله يحيكم
تفضلي وهي تسحب نفسها من حضن ام امجد
مهجه واقفه على الباب تنتظر دورها
: يالله يا عمتي ادخلي انا واقفه في الشارع
ام امجد وهي تتحرك على مهلها
وعصاها في يدها:
: اصبري اصبري اشبك
حتدخلي بس خليني املي
عيني من حبيبة قلبي جنان
والا ما عندك صبر
تنفست مهجه بعمق
وهي تحاول تهدي نفسها
وواخيرا افسحت لها
عمتها المجال ودخلت
:عمتي الله يخليك لينا
اناحفطس من الحر وانا مغطيه
وتمسك جنان وتضمها وتسلم عليها
بحراره فهي تستلطف جنان ايضا
مهجه بفضووول شديد:
جنو يا عسل من عندكم
جنان بابتسامه خجوله
: ما احد جى الا ام حسين
عبست مهجه وجهها " بس
جنان : منيره موجودة
مهجه : كويس في غير العجوزه
ام حسين
جنان حطت يدها على فمها تكتم ضحكها
بعدها بدقائق
دق باب البيت وفتحت سلمى
: دخلت زهره ورحبت بها سلمى
اشد ترحيب
و جت ام فيصل وهي ترحب
وتهلي بضيفتها
ياهلا والله ياهلا وغلا
زهره " طلعنا من بيتنا ومشينا
عن يسار البيت كم خطوه
وقفني عند باب الحريم
ودق الباب ووقف بعيد
ويوم شافني دخلت راح
دخلت بيت ابو فيصل واستقبلتني
اول شي بنت شابه
ماشاء الله عليها من اجمل
ما شافت عيني
بسم الله عليها
ورحبت وهلت فيني وبعدها
جت حرمه كبيره بوجه سمح
وطول معقول وصوت دافي
من شفتها ارتحت لها وحبيتها
واخذت بيدي ومشت معي لجلسة الحريم
عرفتني على الجالسين وقالت
: هذي ضيفتنا عروسة ابو ناصر جارنا
قامن الحريم ودرت اسلم عليهن
الصراحه كلهم وجيههم مرحبه
والابتسامه كانت الميزه للمجلس
ودقايق دخلت علينا بنتهم الكبيره هنااء
وكانت مسكينه
يالله تمشي من ثقلها شكلها
والله العالم تنتظر ولادتها باي لحظه
سلمت علي ورحبت فيني بحفاوه
مر الوقت وانا بينهن
وكانت جلستهن حلووه
وفجأه ومن دون مقدمات
سألتي مره كبيره بالسن
الا انتي وش اسمتس ؟
"رديت اسمي زهره
ردت عاشت الاسامي يازهره
بس ما قلتي لنا وش اللي جابتس لابو ناصر
احرجتني مررره
ردت ام فيصل بحرج
: الله يهداتس يا ام حسين
وش ها لسؤال اكيد النصيب
ام حسين : بلقافتها المعهودة
اكيييد النصيب بس وش اللي
يخلي بنت صغيره تاخذ لها شايب
اقووول يا ورده
انتي مطلقه والا ارمله
رديت بحرج شديد
" لا ابو ناصر اول بختي
قالت ام امجد بلهجتها الحجازيه
: يا حبيبتي سيبك منها
هادي حرمه تحب تحشر نفسها
في اللي ما يخصها
اخسريها
مهجه غمزت لي : اسمعي كلام عمتي
هادي عجوزه مخرفه وتموت لو
ما رمت الهرجه
ام حسين : انتن وش تقولن
عساكن بس ما تحتسن عني
هناءتحاول تغير الموضوع
: الا يا ام حسين وش اخبار ابو حسين
من زمان ما سمعنا اخباره
ام حسين كشرت وبقوه
: الشايب العايب بدل
ما يقول يالله حسن الختام
جانا قبل يوميين وهو صابغاً لحيته سودا
يتشبب لعجوزه الثانيه سلمى
يعلها يعجز عنها كفنها
الا على دخلت سلمى المسكينه
وسمعت دعوة ام حسين
على سلمى الضره
ــــــــــــــــــــــــ
انتهى دوام خالد في المستشفى
وقرر اذا وصل للبيت يتصل على ابوه
ويتكلم معاه في شرط الزواج
وتكميله للدكتوراه
وصل شقته واتصل على ابوه
ووكان ابوه جالس عنده امه
ام ناصر في صالة بيتهم
بعد السلامات والتحيات
تكلم خالد يوم شاف ابوه معاه جاف
: يبه انا تحت امك وطوعك
باللي تامرني فيه
امي قالت لي انك شارط زواجي
لجلوسي هنا وتكميلي للدكتوراه
انا ما اقدر على زعلك
رضاك بالدنيا عندي
ناصر: ببتسامه أي هالحين انت
ولدي تزوج واقعد هناك
مثل ما تبي اهم شي اتطمن عليك
متزوج ومرتاح
خالد : خلاص لا جيت في الاجازه
بعد شهرين ان شاء الله اخلي
امي تدور لي
ناصر : خلاص على خير ان شاء الله
وصدقني لا تزوجت يا ولدي
انت بتدعي لي
عشان ريحتك
خالد طيب يبه سلم على امي وجدتي
ناصر يوصل ان شاء الله وانتبه لنفسك
ـــــــــــــــــــــــــــــــــــــــــــ
في نفس الليله
بعد مارجعنا من عشى جارنا ابو فيصل
مد فراشه ابو ناصر ونام ولا كلمني ولا كلمه
وجلست انا لحالي
فرشت فراشي وتمددت
حاولت انام وطبعا مثل البارح
المروحه تسولف علي
عجزت ما فيني نوم
رحت عند شنطتي وفتحتها ابي
ارتب اغراضي
وشفت كيس صغير مخمل ازرق
تبسمت يوم تذكرت وش فيه
وتذكرت عمتي ام ناصر
يوم دسته في يدي
الله يجزاها خير
والله انها امي اللي ما جابتني
فتحت الكيس وتناثرت
بيدي الجنيهات الذهب
20جنيه
بعد ما انتهت حفلة عرسي
مسكتني ام ناصر على جنب
وقالت لي بصوتها الحنون
" اسمعي يازهره هذي هديتي لتس
احفظيها
وان شاء الله ما تحتاجينها بس
لا احتجتي في يوم تلقينها "
حبيت راسها وانا ادعي لها
بطول العمر والصحه
ذيك الليله نمت بغرفتي مع البنات
ويوم اصبحنا قالو يله يازهره
العريس بيمشي البسي عباتس
طلعت وانا يالله اشوف
من نور الشمس اللي جهرني
وركبنا سيارة الاجره وشفت
العريس اخيرا شفته
شيخ الشباب قصدي شيخ الشياب
جاني تبلد وبروود عادي
مهما كان عمره وكان سنه وشكله
اهم شي يخاف الله فيني
ولحد الان شكله من اللي يخافون الله
رتبت الشنطه وقفلتها
وقمت ابي اشرب ماء
ودخلت المطبخ واخذت كاسه مويه
وصبيت لنفسي وشربت
طلعت من المطبخ ودخلت غرفة النوم
و حسيت بشي يمشي على رقبتي
وااااااااااا واصرخ ذيك الصرخه
اللي فزعت شايبي المسكين
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك