رواية صرخات هادئة -3
راشد :ياللا انا اسأذن
سعود: ما بتجي معنا
راشد :لا بروح الفندق انام شوي واشوفكم ان شاءالله على العشاء
خالد :بس لا تتأخر لا اجي وازعجك
سعود:ترى يسويها
راشد :ههههه ان كان كذا بركب الساعه على 9تماماً
خالد :يكون احسن لك , مشينا سعود
راشد:فمان الله
&&&&&&&&&&&&&&&&
في غرفة غرور
غرور تكلم حنان :توهم طلعوا من عندي
حنان :طيب تقديرين تجين
غرور :ايه اقدر في شئ
حنان :لا بس مليت
غرور:ولا يهمك بس خلي المكان يهدئ واجي لا تنامين
وفجاءة انفتح الباب بهدوء
غرور:لحظة حنان في احد فتح الباب ..
وقالت بصوت مسموع:مين فتح الباب
دخل راشد وهو مبتسم :انا ياحلوه
شهقت غرور بصوت عالي
&&&&&&&&&&&&&&&&&
عند الدكتور
الدكتور عادل:حمدالله هم بخير, حنان عندها بس كسر في الرجل ومافي أي اصابات خطيره
خالد:طيب متى بتشيلون عنها الجبس
د.عادل:تحتاج شهر
خالد:طيب متى بتطلع من هنا
الدكتور:بعد اسبوعين
سعود:وغرور
الدكتور ابتسم من سمع اسمها:غرور عندها جرح في الراس بسيط بس لازم نتطمن عليها لان عندها فقر دم ونزفت كثير اليوم اما بنسبه لايدها عندها رضوض
سعود:طيب متى بتطلع
الدكتور:بتطلع بعد يومين ان شاءالله اما بالنسبه لايدها متى نشيل عنها اللفه على حسب والغرز الي في راسها بعد اسبوع
خالد وسعود:مشكور
&&&&&&&&&&&&&&&&&&
عند غيوض
غيوض كانت طول الطريق ساكته تفكر بكلام تركي وكلمته تتردد ...اختي
اول ماوصلت البيت طلعت على طول لغرفتها ورمت حالها على السرير وهي تبكي
دقت عليها رهف:الوووووووووو ها بشري
غيوض وهي تشهق من البكى :يقول اني مثل اخته ..تصوري في الاخير اطلع اخته من وين صرت اخته مادري
رهف وكسرت خاطرها غيوض:غيوض وحده وحده ماني فاهمه شئ اهدي وفهميني وش صار بالضبط
غيوض حكت لرهف كل شئ
*
*
اما الطرف الثاني في القصه وهو تركي
تركي ماشي بالسياره وهو مو شايف شئ :معتبرتني انا اخوها علشان تاخذ خالد
ومن القهر مانتبه للاشاره الحمره وسمع صوت بوق السياره الي كانت بتصدمه وقف بسرعه على جنب
سمع الرجال وهو ماشي بسارته :انت اعمى ماتشوف الاشاره وراح وتركه
تركي ويضرب الدركسون :اااااااااااااااااااااه ياغيوض جننتيني بحبك وانت ماتدرين وقاعده تفكرين بخالد بس والله مايأخذك غيري
ياأنا ياخالد ونشوف
&&&&&&&&&&&&&&&&&&
في غرفة غرور
غرور شهقت بصوت عالي خلت حنان تسمعها
حنان خافت على غرور :غرور ..غرور ردي وش فيك لا تخوفيني عليك
غرور رفعت السماعه:حنان مافيني شئ اكلمك بعدين
حنان :طيب مين الي دخل
غرور:اقول لك بعدين وسكرت منها
غرور وهي تناظر راشد الي واقف قبالها تلثمت:راشد
وبلعت ريقها بصعوبه من الخوف:راشد ان قربت وسويت لي شئ لا اصارخ وافضحك احسن لك اطلع بره
راشد :لا تخافين ماراح اسوي لك شئ
غرور:اجل ليه جيت
راشد بصعوبه:جيت اعتذر منك على الي سويته مع انك انت الي استفيزيتيني بلسانك الطويل
غرور منصدمه:تعتذر
راشدوهو طالع:لا تحسبين اعتذاري لك ضعف مني بالعكس
وطلع تاركها بحالة صدمه
غرور صحت من صدمتها على صوت التلفون
حنان:غرووووووووور ووجع
غرور تبعد السماعه من اذنها:شوي شوي فجرتي طبلتي ليه الصراخ
حنان:وش صار من دخل عندك خوفتيني عليك
غرور :مافي شئ هذا راشد جا ....
حنان قطعت كلامها :راااااااااااااااشد وش يبي
غرور:وانت خليتيني اكمل
حنان:لا تكملين ولا شي تعالي عندي واحكي لي كل شئ ماينفع معي التلفون
غرور:خلاص دقايق واكون عندك
&&&&&&&&&&&&&&&&
عدا اليوم على الجميع والكل في همه
غيوض الي نامت وهي تبكي ومارضت تكلم احد او تتعشى
*
تركي الي كان النوم مجافيه من التفكير بغيوض وشلون يخليها تحبه
*
خالد الي كان مبسوط لانه شاف غيوض
*
راشد دخل في سابع نومه من الاحداث الي صارت
*
غرور وحنان قضوا اليوم كله سوالف وضحك وهبال ..غرور بهذلت الممرضات وهم كل شوي يرجعونها غرفتها وهي تروح عند حنان الى ان ملوا وتركوها
*
في بيت سعود
سعود :وبعدين معاك ياخلود متى بتقفلين على هذا الموضوع تراني تعبان من المستشفى وتونا راجعين من عند اهلي
خلود:ماني مقفلته ليه ما نحاول
سعود:حاولنا مرتين ومانفع
خلود:ونحاول المره الثالثه والرابعه
سعود بنفاذ صبر:مابي اتركي كل شئ على رب العالمين
خلود بإصرار:ونعم بالله بس بعد ربي قال اسعى ياعبدي وانا اسعى معاك
سعود بصراخ:وانا مابي اسعى قلت لك قفلي على الموضوع ولا تفتحينه مره ثانيه فاهمه
خلود وهي تصيح:بس حرام عليك ماأحد يحس فيني انا كل ماأشوف ام ماسكه ولدها او بنتها يتقطع قلبي
وغطت وجها بايدها وبكت بصوت يقطع القلب :تعبت والله تعبت من كل شئ تعبت من نظرات الناس لي
سعود جلس جنبها وبملل :الحين ليه تبكين
خلود وهي تشهق :انا ابي عيال ابي بنت او ولد ابي ابوسهم والعب معهم صار لنا خمس سنين من تزوجنا
سعود بهدوء :طيب احنا مو فحصنا وطلع كل شئ سليم
خلود وهي تناظره:ايه
سعود:طيب ؟؟؟
خلود سكتت:.......
سعود يفكر يسألها بس خايف من جوابها:خلود انا بسألك سوأل بس مابي جواب الحين
خلود:......
سعود بصعوبه :تبينا ننفصل وتشوفين حياتك
خلود شهقت :انت وش قاعد تقول سعود انا احبك ومستحيل اتركك
سعود فرح :حتى لو بتعيشين معي بدون عيال
خلود:ايه حتى لو ...
سعود قطع كلامها وضمها بقوة:انا احـبـــــــــــــــك واموت عليك انت حياتي وعمري
خلود تبكي على صدره:وانا بعد احبك , اسفه يا سعود انا عارفه ان هذا قسمة ربي بس مو بيدي والله مو بيدي
سعود ويرفع وجهها بايده ويمسح دموعها :لا انا الي اسف انا كنت اناني ومافكرت فيك .. خلاص بكره نروح المستشفى ونسوي فحص جديد بس انت لاتبكين ..وضمها لصدره بقوة وعاشوا في عالم ثاني
&&&&&&&&&&&&&&&&&&&&
اليوم الثاني
في بيت ابو فهد
فهد يصحي وليد وصارخ في اذنه:ولييييييييييييييييييييييد
فز وليد من الخوف وطاح من على السرير :بسم الله وجععععععععععع انشاءالله وش تبي
فهد يضحك على شكله:ههههههههههههههههههههههههههههههه قوم اوديك الجامعه
وليد معصب:احد طلب منك توصلني ورجع تغطى بالبطانيه
فهد:لا بس قلت ماعندك سياره اسوي فيك معروف ووصلك
وليد من تحت البطانيه:مشكوووووووووور مابيك توصلني اطلع بره وسكر الباب
فهد :خدامك انا ...واخذ المويه وكبه عليه
وليد قام بسرعه:خييييييييييييييييييير وش ذا
فهد :ههههههههههههههههههههههههه ههههههههههههههههه دقايق وانت نازل وطلع من الغرفه
وليد يتحلطم :اففففففففففف ماأحد ينام عدل في ذا البيت
&&&&&&&&&&&&&&&&&&&&&
المستشفى في غرفة غرور
الممرضه وحامله بايدها ورد :صباح الخير ازيك
غرور مبتسمه:صباح النور مين جايب هاالورد
الممرضه :مابعرفش بس في كرت اقريه
غرور:طيب شكراً
الممرضه تحط الورد وتشيل الفطور:دا انت ماأكلتيش حاجه
غرور:ماأعجبني ماصخ
الممرضه :يعني ايه ماصخ
غرور بهبال:لا ابد بس ماصخ يعني طسي
الممرضه:يعني ايه طسي دا انا مش فاهمه حاجه
غرور:احسن لك ماتفهمين
الممرضه طلعت وهي معصبه
غرور :ههههههههههههه وقرت الكرت وكان مكتوب
اتمنى لك الشفاء العاجل ...
وتقبلي اعتذاري ..
مع تحياتي راشد
غرور قرت الاسم عشر مرات مو مصدقه :هذا اشفيه كل شوي يعتذر واخذت ورده وشمتها :ياسلاااااااااااااااام
سمعت صوت :لهادرجه اعجبك الورد
غرور صرخت :يمممممممممممممممممممممممه ورمت الورده بالارض
&&&&&&&&&&&&&&&&&&
في سيارة فهد
وليد معصب :في احد يصحي الناس كذا
فهد:ههههههه وشلون يصحونهم
وليد:ماأدري بس في الف طريقه
فهد بمزح:يعني تبيني اقولك وليد حبيبي قوم ياللا ياعيوني ههههههههههه
وليد :قاعد تتطنز علي , شكلك رايق من الصبح
فهد بجديه:وانت ليه معصب
وليد:وليه ماأعصب وانت سمعت التهزئ من جدي
فهد:وانت وش كنت تتوقع ياخذك بالاحضان .. اكيد بيهزءك ويغسل شراعك بعد
وليد يتافف:افففف بس انا مابيه يزعل مني
فهد ابتسم:لا تخاف مو زعلان
وليد:وانت وش دراك
فهد: ابوي واعرفه زين
وليد:ان شاءالله يارب
وليد :خال طلبتك لف فينا شوي
فهد:والجامعه
وليد :مالي خلق لها
فهد:طيب ولا يهمك مافي جامعه اليوم
وليد:فهود ليه رايق اليوم
فهد يناظره وهو رافع حاجب: فهود بعينك
وليد:اسفين بس جاوب على سؤالي
فهد:حلمت حلم حلو
وليد:حلمت بالبنت الي امس
فهد باستغراب:أي بنت لا تطلع علينا اشاعات
وليد:على بالك ماني عارف انك شفتها وعجبتك, أمس شفتك وأنت تناظرها وبعدين من اول مارجعت من فوق وانت متغير ومبسوط وتفكر كثير
فهد:اقول اسكت بس , تخرف انت....... وقعد يفكر في حنان وضحكتها
وليد :وش رايك ناخذ لها ورد
فهد لاشعورياً :وهذا الي بسويه
وليد بخبث:صادووووووووه يعني شفتها هههههههه
فهد وتورط:ايه شفتها بس ان احد عرف ياويلك
وليد:لا تخاف سرك محفوظ
&&&&&&&&&&&&&&&&&&
في غرفة غرور
غرور صرخت ورمت الورده في الارض
دكتور عادل بأبتسامه:اسف اذا خوفتك
غرور:انت ؟!!!
د.عادل:ايه انا ,انا دكتورك المسئول عن حالتك
غرور:والدكتور الاول وين؟
د.عادل: الدكتور الاول سافر عنده ظروف ..الحين ممكن افحصك
غرور تهز راسها بأيه
د.عادل وهو يفحص الجرح :الممرضه قالت انك مااكلتي شئ ليه ؟؟
غرور:كذا
د.عادل:وليه كذا
غرور:ماصخ الأكل ماأعجبني
د.عادل:هههههههههههه بس هذا مفيد لك وفيه فايتمينات
غرور تبي تفتك منه:خلاص أن شاءالله بأكل مره ثانيه
&&&&&&&&&&&&&&&&&&
في غرفة حنان
دق الباب كم مرات وماسمع رد
فتح الباب بهدوء ودخل ماشاف احد على السرير >>>>>>الأخ يمون
سمع صوت من عند الحمام لف لاتجاه الصوت شافها تمشي بصعوبه بالعكاز
حنان وقفت شوي من التعب ورفعت راسها شافت شخص واقف يناظرها ومانزل عينه
حنان بخوف:مين انت ؟!!!
:انا فهد .. فهد خال وليد الي كان السبب في الحادث
حنان رفعت الشيله الي على كتفها بيد وحطتها على راسها:طيب!!!!
فهد شافها الى الان واقفه حط الورد على الطاوله:تعالي اجلسي ماراح اكلك
حنان بثقه:اساساً ماتقدر تسوي شئ
ومشت شوي, بس العكاز طاح منها وطاحت ....
نهاية البارت الثالث
توقعاتكم ردودكم الحلوه
ودعواتكم لي
وقبل الخروج
سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ
قراءه مسليه وممتعه
البارت الرابع
في الجامعه
رهف:الحين انت ماراح تاكلين علشان تركي قالك اخته
غيوض من غير نفس :لا بس مالي نفس اكل شئ
رهف:بس انا جوعانه
غيوض:روحي كلي احد ماسكك
رهف:مااحب اكل بروحي
غيوض:خلاص لا تاكلين
رهف وشوي تصيح:حرام عليك جوعانه مافطرت اليوم
غيوض:يعني انا الي فطرت
رهف:غيييييييييييييييوض امااااااااانه
غيوض:ههههه ياللا جيبي لي أي شئ
رهف بفرح:حياااااتي انت كذا طنشي الامور
غيوض:وهذا الي بيصير والله ماراح اعطي تركي وجه واخليه يندم
شهد بغرور:هااااااي
غيوض من غير نفس:وعليكم السلام
شهد:كيفك
غيوض:بخير
شهد:حمدالله على سلامة غرور شلونها الحين
غيوض:بخير
شهد وتناظر جوالها:ان شاءالله بنزورها اليوم ياللا باي (ياليتها ماتت وريحتنا)
*
شهد بنت عمة راشد مغروره تكره شئ اسمه غرور عمرها 22سنه
&&&&&&&&&&&&&&&
في غرفة حنان
حنان طاحت قبل ما يمسكها فهد :آآآآآآآآه
فهد ساعدها علشان تقوم وبأهتمام:أنت بخير؟
حنان تهز راسها بايه
فهد:تبيني اساعدك
حنان:لا
فهد:طيب تقديرين تمشين
حنان:ايه شكراً
حنان حاولت تمشي بس ما قدرت من الالم الي في رجلها:اااااااه
فهد بأستهزاء:بالحيل تقديرين تمشين خليني اشيلك
حنان:لالالالالالا
فهد شالها على رغم اعتراض حنان وحطها على السرير
فهد : تبين شئ ثاني
حنان وهي منحرجه:لا
ونزلت هي وفهد في نفس الوقت ياخذون العكاز وتلاقت عيونهم وقعدوا كل واحد يناظر الثاني وكأن في مغناطيس يجذبهم
وفجاءة رفعوا راسهم سوا وتصادموا
حنان وفهد:سوري ههههههههههههه
فهد عطاها العكاز وهو طالع وبابتسامه :انتبهي على روحك وراح أنادي الممرضه تساعدك
&&&&&&&&&&&&&&&
عدا اليوم وكان ملي بالزيارات لحنان وغرور والدكتور كتب لغرور خروج
وصلوا عايلة ام سعود البيت
غرور:ياالله اشتقت لبيتنا ولغرفتي
غيوض:قصدك غرفتنا
غرور:اسفين غرفتنا شكلي بسوي لي غرفه بروحي
ام سعود :حمدالله على سلامتك تو نور البيت
غرور تحضن امها:منور فيك مامي,انا بطلع ارتاح
ام سعود:روحي ارتاحي راح اقومك على العشاء
سعود:يمه ابيك بموضوع
ام سعود :سم
سعود:انا بسافر اليوم جده
ام سعود:ليه في شئ ,انت وخلود متزاعلين
سعود:لا بس خلود من زمان ماشافت اهلها ومشتاقه لهم
ام سعود:الله يوصلكم بالسلامه
سعود:توصون شئ من جده
ام سعود:لا بس اذا وصلتوا كلموني ماراح انام انتظر تلفونك
سعود:انشاءالله ياللا مع السلامه
*
*
غرور دخلت غرفتها ونطت على سريرها
غيوض:شوي شوي لا يرجعونك المستشفى
غرور: ههههههههه اشتقت لسريري واشتقت لدبدوبي واشتقت لك
غيوض ابتسمت:وانا بعد
غرور بجديه:تعالي انت اشفيك صار لك يومين مو على بعضك
غيوض بضيق:مافي شئ
غرور:تكذبين علي ترى عارفتك زين
غيوض حكت كل شئ لغرور
غرور:وانت تبكين علشان هذا
غيوض وهي تمسح دموعها:قهرني يا غرور مو معبرني
غرور:وانت لا تعبرينه واذا شفتيه لا تسلمين عليه ابد خليه هو الي يركض وراك
غيوض بعدم ثقه:أنا قلت بسوي كذا بس ماأضمن أقدر على هالشئ أو لا
غيوض بتشجيع:أنا بساعدك
&&&&&&&&&&&&&&&&
بعد يومين
ام سعود:غرور ياللا قومي علشان نروح موعدك
غرور بصوت كله نوم:الساعه كم
ام سعود:الساعه 8
غرور:مابي مو لازم اليوم
ام سعود:شلون ماتبين قومي خالينا نفك الجرح
غرور:طيب بس شوي
ام سعود:مافي شوي عشر دقايق وانت جاهزه
غرور بملل:طيب
قامت غرور اخذت لها شور سريع ولبست بنطلون اسود وتيشيرت اسود
غرور وهي نازله:مامي انا جاهزه
ام سعود:طيب اركبي السياره انا جايه
غرور لبست عباتها وطلعت الحوش ماشافت السواق :ماااااااااااامي السواق وين
ام سعود طلعت:مادري دقي عليه
غرور دقت على السواق :الووووو كومار انت وين
كومار:ماما انا في وصل ماما غيوض والحين السياره في مشكل
غرور:متى يخلص مشكل
كومار:مافي معلوم
غرور:اوكيه بااي مامي يقول السياره خربانه وبيطول علشان يصلحها خليني ارجع انام
دق جرس الباب
ام سعود:روحي افتحي الباب
غرور:كااااااااااااالي تعالي افتحي الباب
ام سعود تناظرها بنص عين:كالي بعينك تنتظيرين كالي تجي وانت قريب افتحي الباب خلصيني
غرور بطفش :اففففففففففففف وفتحت الباب
راشد على باله كالي:ساعه تفتحين
غرور بعصبيه:وانت مافيك صبر حرقت الجرس
راشد باستهزاء:اوووووووووووه الانسه غرور تكرمت وفتحت الباب صراحه بكتبها في التاريخ
غرور باستهزاء مماثل:هه هه ماتضحك
ام سعود بأبتسامه:هلا راشد حياك ادخل
راشد يبوس راسها:كيفك خالتي
ام سعود:بخير الله يسلمك تفضل داخل
راشد:لا مره ثانيه بس انا جيت اعطيك اغراض امي جابتها لك ونسيت اعطيك ياها السموحه
ام سعود:لا عادي انت يكفيك الاشغال الي عليك
راشد:خالتي وين رايحين وليه واقفين هنا
ام سعود:كنا رايحين للمستشفى موعد غرور بس السياره خربانه وسعود مسافر وخالد راح الخرج
راشد:طيب اركبوا اوصلكم
غرور:لا بكره بنروح
ام سعود:ايه يا ولدي مانبي نعطلك عن اشغالك
راشد بأصرار:ما عندي شئ اطلعوا والا بزعل
*
ركبت غرور وامها مع راشد
&&&&&&&&&&&&&&&&&&
تركي كان نازل وشاف اخته شموخ
تركي وهو مكشر :سلام عليكم
شموخ:وعليكم السلام اشفيه الاخ مكشر من الصبح
تركي وماله خلق:ليه مارحتي الكليه
شموخ:لا تغير الموضوع
تركي بنفاذ صبر :مالك دخل وردي على سؤالي
شموخ:مابي اروح مالي خلق
تركي:لا والله كيف بتصيرين دكتوره وانت ماتروحين وبعدين مالك خلق وانت شاقه الحلق اجل لو زعلانه شلون شكلك يصير
شموخ تضحك:ههههههههه يصيركذا ومدت بوزها هههههه
تركي :والله انك رايقه ياللا مع السلامه
شموخ:مافطرت
تركي :مابي شئ بفطر في الدوام ونزل
شموخ تركض:تركي تركي
تركي وقف:نعم
شموخ:ماجاوبت على سؤالي ليه صار لك كم يوم زعلان
تركي:هذا ماكان سؤالك وعن اللقافه
شموخ:تركي انت تحب غيوض
تركي (وشلون عرفتي) كمل طريقه مطنشها
شموخ :اذا تبي مساعده احنا في الخدمه يا عاشق
شموخ أخت تركي تدرس الطب حلوه حنطيه شعرها لونه بني قصيرعمرها بعمر غيوض
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك