رواية عهدي مع الايام -40
اريام:تلاقينها حايسه مع ملوكه...سكتي صار لها جم يوم احسها تعبانه وايد
جنى:الله يكون بعونها
ام ناصر:صج طلق الاولى
هنادي وهيا متضايقه:قصدج ام ملاك من زمان
ام ناصر:لا اقصد الثانيه
هنادي:لا اسم الله عليها
ام بدر:شكلج تحبينها
هنادي:ليال مافي منها
ام بدر:دام مافي منها ليش تزوج عليها
رتاج حست انه امها بدت تتضايق من اسألتهم :نصيب خالتي كل شي نصيب الوحده فينا ماتاخذ اكثر من نصيبها
اريام:اي والله ولا منو يصدق داني تهد امي وتعيش بره
عند ليال
جراح كان قاعد على الارض نص قعده وماسك ايد ملاك وهو يشوفها :الله شهالزين شهالحلات ....ملوكه حلوه مثل بابا
ملاك:لا ماما لولي
جراح شالها وهو يبوسها وعينه على ليال الي مبين عليها الضيق:ماما لولي بعد حلوه ..وقرب من ليال اكثر وصار لازق فيها قرب من اذنها
وبهمس:يعني نقول للقمر قوم بنخلي ليال مكانك
ليال بعدت عنه وماعلقت
جراح :شفيج
ليال وعينها بالارض:عطني ملاك تأخرت
جراح:مو قبل ما عرف شلي مضايقج
ليال :....
جراح:كل هذا الاني عصبت عليج اليوم
ليال ابتسمت بستهزاء:لا انت ماقلت شي عشان اتضايق
جراح:عيل ليش ماده البوز وعاقده النونه
ليال ارفعت راسها وحطت عينها بعينه:انا تقبلت منك الي اكبر منها ماتبيني اتحمل جم كلمه قطيتها ...عطني ملاك مابي اتأخر اكثر من جذي
عند الحريم
ادخلت ليال وسلمت عليهم وقعدت
اريام تساسرها:شفيج بطيتي
ليال:جراح كان يلعب مع ملاك
اريام:اها
جنى :ليول داقه علي امس
ليال:اي بغيت شغله وبعدين هونت
جنى :اش بغيتي
ليال:بعدين اقولج
ام فهد:ام جراح منو الاكبر مرت طلال ولا مرت جراح
هنادي:ليال اصغر وحده بالبيت
البنات يلتفتون عليها ويضحكون
جنى بصوت واطي:وي ليول طلعتي ياهل
ليال:ياهل ولا عيوز
البنات اضحكو على تعليقها
ام فهد:انا اقول شكلها مبين صغيره ...الا جم عمرج
ليال:بعشرين وشوي
ام ناصر تساسر ام بدر:والله حرام شحلوها
ام بدر على نفس النبره:اي والله تهبل ...مادري وين كانت عينه لمن تزوج عليها
ام ناصر :ماتدرين يمكن فيها بلا ولا ماتيب عيال عشان جذي تزوج
ام بدر :لاتحطين بذمتج زوجته الاول قعد معاها 6 سنوات يالله حملت ولاتنسين انه هنادي مايعجبها اي شي دام تحبها معناته البنت زينه
ام ناصر:على قولتج هنادي طول عمرها مايعجبها العجب
اريام تساسر ليال:ليول شوفيهم من دخلتي واهما يتساسرون شكلهم بيخطبونج...هههه
ليال:بطلي سخافه
اريام:صج مرت جراح انتو الاثنين تشتركون بمزت التدقر
ليال:دام مو عاجبج سكتي
مر الوقت وهما يسولفون وماخلو سالف هاو وحده الا وتكلمو عنها ...ليال طول الوقت كانت تحاول تبين انها طبيعيه وتضحك معاهم لكن داخلها شي ثاني ...كانت تحس بنظرات الشفقه منهم ومن طريقة سوالفهم بين بعض عرفت انهم يتكلمون عنها وع وضعها وهذا الشي ضايقها
عند جراح
كان يكلم عادل بالتليفون :انا ما اقدر اي هاليومين قلت لك خل اسويلك توكيل عام وانت اتصرف ...بس خلصني من السالفه هذي
عادل:انا عندي التزامات وايد وما اقدر اخلي دانه بروحها هني وارد
جراح:يبها معاك
عادل:صعبه علي وعليها انا اذا قدر اي راح ايه يوم واحد بس اخذ توقيعك وارجع
جراح:دام جذي طرش لي الاوراق بالفاكس وانا اوقعهم
عادل:في اوراق لازم تتوقع عند المحامي عشان جذي اقو لانت لازم اتي ...وبعدين طلال موجود يستلم مكانك بالشركه
جراح:طلال بروحه يدوب يخلص شغله بعد اخليه يستلم شغلي ...انا احاول ارتب اموري هاليومين واعطيك خبر
عادل:ماشي بس بسرعه
عند الحريم
ام فهد: والله تبون الصج ايامك صج كل شي متوفر فيها بس مالها طعم مثل ايامنها
ام بدر:صدقتي قبل الوحده من تبلغ زوجها اما الحين لازم الشهاده وتتوضف تالي تفكر بزواج ولا اذا تزوجت تقولج مابي عيال الحين ابي اسافر واستانس جنه الوناسه بس بسفر والهياته بالمجمعات
ام ناصر:ولا اذا يابو عيال قطوهم على الخدم ...مثل مرت ناصر قعدت 4 سنوات بدون حمال ومن حملة وولدت قطته على الخدامه
ام بدر تكلم ليال وجنى:ليكون انتو من هذل الي يتفلسفون ومايبون عيال الحين
جنى ببتسامه:خالتي كل شي بوقته حلو
ام بدر:يالله خذ ...بالله ليش تزوجتو دام ماتبون عيال ...وتلتفت على ليال...انتي مو حامل
ليال:لا
ام بدر:هو ليش عاد ليش ما تفرحون خالتكم بياهل بالله اهيا ليش مزوجه عيالها مو عشان تشوف احفادها
هنادي:الله كريم يا ام بدر
كادي:ويع ويع ويع شنو هذي ماكو اسلوب احسن من جذي
جنى تبتسم وبهمس:ابتسمي وانتي ساكته
كادي:انتي عادي عندج تقول جذي
جنى لفت ويها وبتسمت وبصوت واطي :انا حمال
البنات كلهم التفتو عليها
جنى:اوووش مو وقتكم الحين بعدين نتفاهم
كادي بصوت واطي:من متى
جنى:بعدييين
ام بدر تكلم ليال:شريجتج بعد مو حامل
ليال تمنت انه الارض تنشق وتبلعها
هنادي:هذي وين فيها عيال
ام ناصر: عيل ليش ماخذها
ام فهد حبت تغير الموضوع الان حست بالضيق على ويه هنادي والبنات:الا ما قلتولي شخبار ام فيصل ارجعت من العلاج ولا بعد
ام بدر:لا بعدها مسكينه
ام فهد:الله يعينها ويشافيها يارب
ليال كانت تحاول تمسك نفسها لكنها مو قادره قامت:عن اذنكم ...وخذت ملاك معاها
الكل :اذنج معاج
ليال كانت تمشي بخطوات سريعه تبي تطلع من المكان بأسرع وقت وبقلبها نار شابه مو قادره تنطفي ...دخلت القسم الثاني ومانتبهت على جراح الي قاعد يكلم عادل اصعدت غرفتها صكرت الباب
جراح:عدول شوي واكلمك يالله باي...وسده ...وصعد فوق بسرعه .....وبدون مايطق الباب دخل على طول وشاف ليال منسدحه على الفراش وملاك قعده تلعب يمها ...قرب منها وشافها مغمضه عينها ودموعها تنزل قعد على الفراش وقرب منها ومسح دموعها
جراح :ليش الدموع هذي
ليال بطلت عنها على وسعها من الصدمه كانت متوقعه انه الي دخل عليها وحده من البنات ...قعدت بسرعه ومسحت دموعها:مافيني شي
جراح حاوطها من خصرها ورد سدحها مره ثانيه ولزق فيها :شفيج
ليال تشنجت من حركته ابلعت ريجها:وجر عني
جراح لزق اكثر وصار صدره قريب ..حط خشمه على خشمها وهو يحرك خشمه:منو مضايقج
ليال بخوف:جراح وخر
جراح طنشها وصار يحرك خشمه على خدها
ليال:جراح استح بنتك موجوده
جراح:خلج من ملاك وقوليلي شفيج
ليال:وخر وانا اقولك
جراح:قولي
ليال ودموعها تنزل:جراح اتركني بحالي
جراح قرب من شفايفها لكن مسرع دزته ليال وبعدته عنها
ليال وهيا تبجي:انت ما تستحي جدام بنتك تسوي جذي
جراح رد قرب :ليول شفيج شلي مضايقج ليش الدموع انتي زعلانه مني
جراح:افا ياليولتي انا جروحي حبيب قلبج تخشين عني
ليال ماقدرت تمسك نفسها اكثر ونفجرت من البجي
جراح بضيق:ليول لا تبجين تكلمي
ملاك من شافت ليال تبجي اخترعت وقامت تبجي معاها
جراح:ولين الحين اسكت منو فيكم
ليال خذت ملاك ولمتها وصارت تبجي وتشاهق
جراح :ليال وغالاتي عندج لاتبجي ما احب اشوف هالدموع بعينج
ليال تبجي وتصارج: اطلع بره مابي اشوفك هني بره
جراح دق على اريام :ريوم تعالي بسرعه
اريام اخترعت من سمعة صوت بجي ليال:جراح شفيكم
جراح:مافينا شي بس تعالي اخذي ملوكه
اريام:اوكي كاني يايه...وصكته
جراح تنهد بضيق ..حط ايده على شعرها وبده يمسح عليها
بعد ثواني ادخلت عليهم اريام وكادي الغرفه
اريام:ليول شفيج
ليال ماردت عليها الانها كانت تبجي وتشاهق
جراح:كدوي اخذي ملاك
كادي خذت ملاك الي كانت تبجي وعينها على ليال
اريام والدموع بدت تتيمع بعينها:ليول ليش تبجين جذي
جراح:شلي صاير
كادي:كانت قاعده معانه وفجأه قامت
جراح بعصبيه:مو معقول تبجي جذي بدون سبب
اريام ودموعها تنزل على خدها:ام بدر قطت عليها حجي وحرجتها
جراح وهو رافع حاجبه :شقالت
اريام:ليش ماحملتي ..شريجتيج حامل ولا لاء...ومن هل حجي
كادي:اصلا ليال من ادخلت وهما يتساسرون ويناقزون
ليال كانت لامه ريها وغطيه ويها وكانت تبجي وتشاهق بطريقه تقطع القلب
جراح بعصبيه:واهما شكو حملت ماحملت ...وبعدين جنى بعد مو حامل ليش ماقالو لها شي
اريام:جراح ..جنى حامل
جراح تفاجأ وتضايق سكت شوي :ممكن تخلونا بروحنا شوي
اريام برجى:جراح
جراح:يعني لازم اقول ذلفو بره
اريام:جراح ولي سلمك والله مو ناقصها خلها الحين لين تهدا وبعد
جراح يقاطعها بعصبيه:قومي طلعي لا احذفج بأقرب ما عندي ...صلعو خلصوني
البنات اطلعو بره وسكر الباب وراهم لكن اريام ضلت ورا الباب تتسمع
ليال كانت ليلحين تبجي وبألم وحرقت قلب
جراح بضيف:ممكن تهدين شوي
ليال ماهدت على العكس قامت تبجي اكثر
جراح قعد يمها وضل فته ساكت مو عارف شيقول ...نطرها لين هدت شوي وبعدها حط ايده على راسها:ليول رفعي راسج وشوفيني
ليال ارفعت راسها والويه كان مأسات الكحل سايح والاوان ممزوجه مع بعض
جراح مسك ويها بأيده الاثنين وبدا يمسح دموعها :مو حرام هالعيون الحلوه تبجي
ليال كانت ساكنت ودموعها تنزل وصوت شهقاتها الي تحاول تكتمها واضحه ومسموعه
جراح بضيق:ليول ...ماقدر يتكلم لان مو عارف شنو يقول لها وهو سبب اكبر جرح لها ...ماحس بنفسه الا وهو يقرب منها ويلمها حيل
ليال كانت تحاول توخر عنه لكن جراح كان لامها بقوه
جراح:ليول مو بس انتي بخاطرج ياهل حتى انا ابيج اتيبين لي خالد وغير خالد
ليال من شدت الصدمه طخت
جراح:اي ابيهم منج منج انتي وبس ...ماراح القى احن واطيب قلب على عيالي غيرج
ليال :جراح
جراح:عيون جراح انتي
ليال:بره ..اطلع بره
جراح :واذا ماطلعت
ليال طقت على صدره بقوه:بره اقولك بره ما ابي منك شي مابي منك شي بره
جراح وخر عنها وقام وقف:حطي ابالج شغله وحده اذا الله مارزقني عيال منج...ثقي تماما انتي ماراح ايبهم من غيرج ...قرب منها وباس راسها وتوجه لي الباب...اول مافتح الباب شاف اريام بويها
جراح وهو متنرفز:غلطانه مو جذي يتجسسون
اريام انحرجت:كنت خايفه لا
جراح يقاطعها :لا تخافين ما راح اذبحها...وبنبره حاده...ما اشوفج تعيدينها مره ثانيه والله ثم والله ماتلومين الا نفسج
اريام وهيا منزله راسها:ا نشاالله ...ودخلت عند ليال الغرف ...راحت قعدت عند ليال
ليال:ممكن تخليني بروحي
اريام باستها على خدها:اوكي بس حطي ابالج انه مافي اي مخلوق يستاهل تبجين عشانه ...وطلعت من الغرفه
ليال قامت غسلت ويها وتوضت وراحت افرشت سيادتها وفتحت القران وبدت تقرى
وبعد ما خلصت حطت القران على صدرها :يارب انت الوحيد الي عارف الجرح الي بقلبي ريحني وبرد على قلبي
بالصاله
دخلت هنادي وشافت جراح قاعد ومبين عليه الضيق اما البنات كامو قاعدين قباله بس مادار بينهم اي كلام
هنادي:وين ليال
اريام:فوق بدارها
هنادي:امممم.....خلوني مع اخوكم شوي
اريام:ان شالله يما ...وقامه صعدو فوق
هنادي بحزم:اسمعني عدل انا صبري نفذ منك طول الوقت ساكته عنك اقول يمكن يتعدل يمكن يحس على دمه يمكن يتغير معاها لكن انت لا حياته لمن تنادي ...تزوجت ويبت عله على قلبوبنا وسكتنا وقلنا يمكن فيها شي مو موجود باليال بس صراح مافي اي مقارنه كبيره ولا اسلوب ولاتحترم وتحشم احد وفوق هذا سكت ابمزاجي الاني ابيك بالبيت مابيك تطلع منه ...انت شلي تبيه بضبط شلي بتوصله
جراح:يما شفيج هدي شوي ترا مو فاهم شي
هنادي:بصراخ:لا فاهم وفاهم عدل بعد ...لعنبوك البنيه ماقصرت لا معاك ولا مع بنتك حاطتها بعيونها جنها امها واحسن بعد ...قولي شلي تبيه بضبط ...غلطة كلنا انغلط مافي انسان معصوم عن الغلط بس الي يغلط يصلح غلطته مو يكشت فيها ولا يدري عن هوا دارهها ومجابلي وحده كبر امك
جراح:يما ليش العصبيه ابي افهم ليال شكت من شي
هنادي:حشى والحشى عن الف يمين البنت مابطلت حلجها بحرف
عند ليال
اسمعت صوت صراخ هنادي وحست انه صاير شي بالبيت خافت وطلعت بسرعه شافت البنات قاعدين فوق على السلم ويسمعون
ليال بخوف:امي شفيها ليش تصارخ جذي
كادي:تتهاوش مع جراح
ليال بستغراب:ليش
اريام:قعدي وانتي تعرفين
قعدت ليال بين كادي واريام
بالصاله
جراح:يما كل الي تبينه يصير بس ولي سلمج لاتعصبين مو زين لج
هنادي:وايد هميتك وايد خايف علي ...ليش مافكرت فيني لمن ختفيت سنه كامله ليش ماقلت عندي ام قلبها محترق علي ...ليش تزوجت وحده بيني وبينها جم سنه مافكرت قبل كل هذا الحين ياي تقولي الي ابيه يصير
جراح:يما وغالتج عندي الي تبينه يصير
هنادي:طلقها ابيك اطلقها ليش حاطها على ذمتك قولي
جراح:يما من قصدج
هنادي وهيا بقمت العصبيه:جراح لاتينني انت ماتستاهل وحده مثل ليال طلقها وخلها تتزوج وتعيش حياتها ...لعنبوك خاف ربك عندك بنت خاف ربك كفايه ظلم البنت ماغلطت بشي ورغم هذا ساكته وانت مو عاجبك انت ماتستاهل وحده مثلها انت كفوك اشكال مريم وغرور هذيله الي يعرفون لك مو المسكينه ليال...انا لمن رحت وخطبتها لك كنت ابيها زوجه لك وام عيالك مو خدامه حق بنتك مو كافي انها حرامه نفسها من وايد اشياء عشانها وباليت يبين بعينك ليال تربي بنتك وانت مرتزق بال ام الريايل انا بفهم وين عقلك يوم اخذتها شلون تأمن اسمك على حده مثلها شغلها كله بين الريايل وخذتك من مرتك هذي الي ينخاف منها ومن بلاويها مو ليال الفقيره ولا الانها على نياتها ومالها السان لاعب فيها لعب
جراح :انزين فهميني ليش كل هذا ليال صارلها سنه على هالوضع ماتغير شي شلي استجد بالموضوع الحين
هنادي:انا طقت جبدي الله يعينها اهيا ...لاعت جبدي من تنقز الحريم عليها ليش تزوج عليها شنو ناقصها اكيد فيها بلا انا الي امك لاعت جبدي الله يعينها اهيا وفوق كل هذا اليوم يسألونها ليش انتي وشريجتج مو حمل ...بالله قولي شنو نرد عليهم يا انك انت فيك مصيبه او اهما وانت عندك بنت يعني البلا منهم ...اسمعني عدل من الاخر ليال ماتصلح لك طلقها وخلها تعيش حياتها بعيد عنك وعن بنتك وخل عيوز النار الي فضلتها عليها اهيا تجابل بنتك بدال ما اهيا مجابله الريايل
جراح وهو متنرفز:يما شهالحجي
هنادي:وماترضى عليها بعد ...مو اقولك انت منت كفو وحده مثل ليال ...جراح انا بناديها الحين وابيك اطلقها فاهم
البنات على السلم
اريام اشهقت :امبيه امي ينت وقعدت
ليال:ريوم ستحي على ويهج شنو ينت
اريام:انتي سمعتيها شتقول
ليال:مهما يكون ماتقولين ينت هذي امج
كادي:اوووش خل نسمع
بالصاله
هنادي:بطلق غصبا عنك
جراح:يما طلاق انسي اطلقها ..انا ابيها
هنادي تقاطعه:تبيها عشان تخدم بنتك و...مو كافي سنتين ضاعو من عمرها عشانك وعشان بنتك ...طلقها خل ياخذها الي يستاهلها خل تعيش حياتها مع انسان يحبها ويحترمها ريال مايشوف يدنيا غيرها ريال ايب منها عيال يشيلون اسمه واسمها
جراح وهو معصب :ليال لي بروحي واذا على العيال الشهر الياي تسمعين خبر حمالها بس اني اطلقها وهالخرابيط مستحيل ...ليال لي طول ما فيني روح وقلب ينبض
هنادي:بطل الانانيه الي فيك بسك خاف ربك والله خاف ربك هذي مظلومه والله مايضيع حق المضلوم
جراح يقاطعها:يما انا جد ما اقدر اطلقها ولو كنت ابي اطلقها جان طلقتها من زمان
هنادي:ليش ماسويتها قبل ولو مو بنتك جان اهيا الحين بيت ريلها
جراح والغيره شابه بقلبه:يمه بس عاد كل شوي ريل وريل ...يما ترى ليال ليلحين على ذمتي
هنادي: زين والله اشوف تحس مثل العالم وتغار ...شفت شلون مجرد انك تسمع انها بتصير لغيرك النار تشب بداخلك عيل اهيا شتقول ...الي حاط عله على راسها وفوق هذا يايبها عندها بالبيت .....(قامت تصرخ وتنادي)ليال ...ليال ..ليال
اريام:انتي خلج انا انزل
ليال:ريوم امج تناديني مو حلو ما انزل
كادي:ليول ان نزلتي بتشب حريجه بالبيت
اريام:امي تناديج الان تبي جراح يطلقج
ليال:عارفه
اريام:وبتنزلين
ليال:اي
اريام:ليول لاتنسين مابقا شي على متحاتانج
ليال قامت :مو مهم ...ونزلت
بالصاله
ليال:هلا يما ..امريني
هنادي انكسر قلبها لمن شافت وهيا وعيونها الوارمه من البجي:جراح طلق
جراح كان قاعد وهز ريله بقوه
ليال:يما ...وسكتت
هنادي:خليه يولي انا امه اقولج خليه يولي وصدقيني من يتخلصين العده راح تكونين بحض ريلج
جراح ين ينونه:يما كافي خلاص طلالق ماراح اقلق وليال لي انا والي قرب منها والله تعرفين شنو والله موته بكون على ايدي ...قام وطلع بسرعه
هنادي:دفعت مردي ...ما اقول غير الله ياخذج ياغرور ياعلج ماتتوفقين انشالله تشبين نار مثل ماشبيتي نار ابيتي
اريام دقت على طلال وقالت له كل الي صار وطلبت منه انه ايه بس رفض الان غرقان بالعسل مع حنان
اما جراح ماقدر يقعد بالبيت طلع وقام يفتر بالشوارع وهو يفكر بكلام امه ...هذي اول مره بحياته يصير معاه جذي جراح طول عمره الكبير بالبيت وكلمته مسموعه اول مره يحس انه امه متضايقه وايد منه اول مره يصير بينه وبين امه مشادات بالكلام...ضل قرب الساعتين يفتر بعدها قرر يرجع البيت واول مادخل البيت راح فوق عند هنادي عشان يعتذر منها ...دخل غرفتها وشافها قاعده على السرير وهيا متضايق وايد راح لها وباس راسها
هنادي:اطلع بره
جراح:يما ممكن تسمعيني شوي
هنادي:بره بره انت مامنك فيده روح خل العيوز تنفعك
جراح:شلون اطلع وانتي زعلانه مني ..يما تدرين انه اهم شي عندي بدنيا رضاج
هنادي:دام تبي رضاي طلق ليال
جراح:صعب
هنادي:ليش خايف على بنتك
جراح:لا
هنادي:عيل ماتقولي ليشصعب
جراح:الاني احبها وايد وما اتخيل يمر علي يوم بدون ما اشوفها
هنادي:من متى هل حجي
جراح:من زمان ...من اول ماتزوجنها
هنادي بعصبيه:انت شايفني ياهل عندك الي تقص علي ..انت لو كنت تحبها جان ماتزوجت عليها ..مريم الي طلعت دينك من مشاكلها ماتزوج عليها ..بالله ماتقولي من وين يالك الحب فجأه
جراح:يما والله ورويسج احبها ولو ماكنت احبها جان مارديتها
هنادي:انت رديتها عشان ملاك موعشانك
جراح:انتي غلطانه ملاك مردها بتنسى بس انا الي قعدت سنه كامله بعيد عنها مانسيت تبيني انساها وهيا قريبه مني
هنادي:جراح عطني من الاخر
جراح:يما الي سويته بحقها مو شويه واهيا يبيلها وقت عشان تنسى مو من اول ما اعرف اني ضلمتها اقولها ماصار شي وخل نبدي صفحه يديده
هنادي:دام جذي ليش تتحاشاها ليش ما اشوفك معاها ..كاشت فيها ومجابل العله الله ياخذها
جراح بضيق:مالي ويه اجابلها واذا جابلتها شقول ....يما انا من اشوفها الوم نفسي مليون مره شلون صدقت شلون هدمت كل شي بدون ما اتأكد ...خوف ليال وصدها لي اهو الي اكدلي هالشي ...بس نظراتها لي كانت تقول غير جذي لكني مافهمت دموعها يوم الي سافرت كانت تقول غير جذي وهذا الي ينني اكثر
هنادي:ولي متى بتتهرب منها
جراح ببتسامه :قبل كنت اتهرب بس الحين صرت اتلزق ص جانها تصدني بس انا عاذرها
هنادي:جريح عن الجذب
جراح:والله يما ما اجذب عليج وليش اجذب شنو مصلحتي
هنادي:مصلحتك عشان ماتشوفها بحظن غيرك
جراح وهو متنرفز:يما وبعدين
هنادي تبتسم:تغار
جراح:الا اموت من الغيره مو بس اغار ....وعلى فكره قبل ماتين وتلعنين ابو اسلافي كنت فوق عندها
هنادي ببتسامه:شكنت تسوي
جراح:شفتها تبجي ورحت اشوف شفيها
هنادي:وقالت لك
جراح:لا ماقدرت تتكلم كانت تبجي وتشاهق والله قطعت قلبي
هنادي:جان زين من زمان مقطعه قلبك مو من الحين
جراح:اهيا مقطعته من زمان وخالصه ...ريوم قالت لي الي صار
هنادي:وبعدين
جراح :قلت لها اذا على اليهال انا ابي بعد ابي خالد وغير خالد...وابيهم منها مو من غيرها
هنادي ببتسامه:صج يما يعني انت تبي عيال منها
جراح:اكيد يما ما راح القى ام لعيالي احسن منها
هنادي:انزين وبعدين شنو قالت لك
جراح وهو يحك راسه :طردتني من الغرفه
هنادي:هههههههههههه ...زين تسوي فيك
جراح:بس ولا يهمج كلها جم شهر وكل شي بصير احسن من قبل
هنادي:وغرور
جراح:شفيها
هنادي:شبتسوي فيها
جراح سكت فتره:كل شي بوقته يما
هنادي:يعني ماراح اطلقها
جراح:........
هنادي:مامنك فايده
بيت احمد
محمد كان يكلم فواز بالتليفون:لا ان شاءالله الاسبوع الياي نبلش اختبارات
فواز:والبنات متى
محمد:اتوقع معاي
فواز:الله يوفقكم ان شالله
محمد:امين يارب
فواز:الا ليول شلونها
محمد:هذي اهي على حطت ايدك
فواز:وجراح شلونه معاها
محمد:والله مادري ما سألتها واهيا مايابت طاري كلش
فواز:حمود خلك معاها على طول مابي تحس انه ما وراها ظهر انت فاهم شقصد
محمد:اكيد اكيد...مايحتاج توصي ..عاد تصدق من داومت بالكليه واهيا تعبانه
فواز بخوف:شفيها
محمد:وايد تتشقى من الصداع وضعفانه وايد ...واذا سألتها تقولي مو نايمه بليل وحتى اكلها مو ذاك الزود
فواز:اي عادي اذا ماتنام ولا تاكل اكيد بتصدع بس خلها تسوي تحاليل عشان تتطمن اكثر
محمد:اقول لها بس راسها يابس مو راضيه
فواز:خلاص انا اكلمها الحين واقول لها تروح معاك وتسوي تحاليل
محمد:ماشي بس خلال هاليومين الان عندي متحانات وماراح افضى كلش
فواز:اوكي الحين اكلمها وارد اكلمك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك