رواية صرخات هادئة -5
ابو تركي:وش مسوي بالشغل ياراشد
راشد:الحمدالله زين عقدنا صفقه مع شركات الكاسر
خالد:ومتى بتروح الامارات
راشد:بعد الاجازه انشاءالله برجع مع الاهل
سعود: بدري ليه مستعجل
راشد:وين مستعجل الله يهديك صار لي شهر هنا
تركي:ايه بس كله بالشغل مانشوفك
راشد:وش اسوي بعد ماأقدر اترك كل شئ وهناك بعد ينتظرني شركه وابوي كل يوم يسألني متى أجي وبعدين راح تشوفوني دائماً عندكم مو الحين صار عندنا اشغال هنا
ابو تركي:الله يوفقك بس العمر يخلص والشغل مايخلص وبعدين حتى لجسمك عليك حق لازم تترتاح وتاخذ لك اجازه
راشد:الاجازه انشاءالله باخذها اذا تزوجت
سعود:انشاءالله تتزوج قريب قولوا آمين
الكل:آمين
&&&&&&&&&&&&&&&
اليوم الثاني
في كلية الطب
الدكتور أيمن ابتسم يوم شاف شموخ وقال بسخريه:اهلين شرفتي ياأنسه شموخ وش جابك عندنا
شموخ طنشته ولا كانه يكلمها
د.أيمن عصب من تطنيشها:اكلمك ردي علي
شموخ وهي ترفع راسها:وانت تتوقع داخله هالقسم ليه
د.أيمن:ماأدري اسألي نفسك .. المهم انا ماني فاضي لوحده مثلك اطلعي بره خليني اعلم الطلاب لانهم يبون يتعلمون
شموخ بكل قوه:وانا من طلابك ومايحق لك تحرمني من الدروس لاني انا بعد جايه اتعلم
د.أيمن بأستهزاء وهو يصفق:لا برافو توك تذكرتي انك جايه تتعلمين بس للأسف ياأنسه شموخ في دروس راحت عليك ماراح تفهمين الجاي الا بهذه الدروس الأساسيه وماني مستعد اعيدها الا السنه الجايه علشان كذا ريحي نفسك وريحيني
شموخ بتحدي:وانا يادكتور ماني مستعده اعيد سنه بكره بجي وانا فاهمه كل الدروس وأعتبر هذا تحدي وطلعت تاركه الكل في حالة صدمه
د.أيمن في داخله(بنشوف ياشموخ)
&&&&&&&&&&&&&&
المغرب
في فلة ام خالد وبالتحديد في غرفة حنان
حنان:بما أنك ندمانه ليه ماتعتذرين له
غيوض:وانا قلت نفس الشئ
غرور وهي محتاره:أحسه صعب أعتذر
حنان:ليه صعب غرورك مايسمح لك
غرور زعلت:أنت يا حنان تقولين عني هذا الكلام اجل ليه ألوم غيرك
حنان ندمت:أنا أسفه مو قصدي لا تزعلين مني
غرور بطفش: ماني زعلانه بس قاعده أفكر تقديرين تقولين في شئ يمنعني أعتذر يمكن كبرياء ,عناد ماأدري وش هو بالضبط
حنان:أتركي كبريائك وعنادك على جنب
غرور بحيره:يعني انت شايفه كذا
حنان:ايه بس شلون تكلمينه
غيوض:على جواله انا أخذت رقمه من جوال أمي
غرور: الاخت مجهزه كل شئ هاتي الرقم اكلمه ,توكلت على الله
غيوض:ههههههههههه داخله حرب
&&&&&&&&&&&&&&&
في أحد المقاهي
تركي:لقيت عروس والا بيدورون لك
فهد:لقيت والاهل بيخطبونها قريب بس خايف البنت ترفض او تكون مخطوبه
راشد:ان شاءالله تكون من نصيبك
فهد:آمين
تركي تغيرت ملامحه وهو يشوف الجاي
راشد: وش فيك تركي .. وناظر هو وفهد وين مايناظر تركي شافوا خالد ..
راشد: هلا اخيراً تكرمت وجيت
خالد:هههه كنت مشغول وسلم على تركي الي كان السلام جاف وعلى فهد الي كان سلامه رسمي
كيفكم شباب
فهد وتركي: تمام
راشد في داخله مستغرب (نفسي اعرف وش الي بين تركي وخالد الي مايطيقون بعض وفهد الي صار رسمي اول ماشاف خالد وش الي بينك وبينهم ياخالد)
وقطع عليه افكاره رنة جواله
راشد:الو
المتصل بأرتباك:السلام عليكم
راشد:وعليكم السلام
المتصل:راشد
راشد: ايه نعم من معي؟َ!!
المتصل بخوف:معك .. معك غرور
راشد استغرب من اتصالها:لحظه.. عن اذنكم شباب وابتعد عنهم
غرور:راشد
راشد:معك.. خير خالتي فيها شئ
غرور بطفش:لا اذا مامي فيها شئ بدق على سعود مو عليك
غرور:ااااااااي وجع غيوض لا تقرصيني
راشد ابتسم على هبالها بس قال بجفاف:وش تبين
غرور بسرعه:ابي اعتذر منك على الي صار امس
راشد بسخريه:هه تعتذرين غرور تعتذر
غرور بقهر: لا تحسب اعتذاري ضعف مني بالعكس وسكرت السماعه من غير ماتعطيه أي فرصه
راشد ناظر جواله وضحك بصوت عالي كل الي في المقهى التفتوا له:ههههههههههههههههه
*
عند غرور
غرور وهي تحك أيدها:الله ياخذك ياغيوض عورتيني عقرب مو بنت
غيوض:الحين أنت تعتذرين والا تهاوشين
غرور:أعتذر بس هو ينرفز
&&&&&&&&&&&&&&&
في فلة تركي في غرفة شموخ
ام تركي دخلت شافت شموخ قاعده على السرير وفي حظنها اللابتوب وحولها كتب ومراجع منثره في كل مكان
ام تركي بصدمه:وش هذا كله
شموخ مارفعت عينها عن اللابتوب: قاعده اذاكر
ام تركي:وهذا الحوسه كله مذاكره ليه عندك امتحان
شموخ:لا بس اذاكر الي فاتني
ام تركي:علشان ثاني مره تعرفين شلون تغيبين اسبوع دلع
شموخ بملل:ماااااااما خلاص غبنا وندمنا
ام تركي:طيب قومي تعشي أكلتي الكتب أكل
شموخ:مابي شئ
دخل ابو تركي:وينها دلوعتي ماشفتها اليوم
شموخ تبتسم:موجوده دادي
ابو تركي يجلس بجنبها:ليه ماتغديتي معنا
ام تركي:وماتبي تتعشى بعد
ابو تركي:افااااا ليه تعبانه او احد مزعلك
شموخ بدلع:لا بس قاعده اذاكر ابي اعوض الي فاتني
ابو تركي:أول شئ كلي بعدين ذاكري
شموخ:خلاص دقايق ونازله
&&&&&&&&&&&&&&&
في الامارات في غرفة جنا
جنا مشغله الاغاني بصوت عالي وقاعده ترقص
نور دخلت:الله الله الاخت عايشه جو
جنا:تعالي ارقصي معي
نور:تبين تموتيني ماتشوفيني حامل
جنا:عادي ارقصي على الخفيف مو لازم تثبتين مواهبك
نور وهي تقعد:هه تتمصخرين مابي ارقص ارقصي انت
ورن جوالها:هلااااااااااا وغلااااااااااا كيفك وعد
وعد:بخير كيفك انت
نور:تمام
وعد:متى راح تجينا
نور:بكره انشاءالله لاني بروح السوق مع امي
وعد:ليه وش تبين من السوق
نور:ابي اغراض لاني بسافر الرياض
وعد:جد متى؟
نور:بعد كم يوم
وعد:ياحظك بتشوفين راشد
نور:وعد وبعدين انت متى بتفهمين الرجال لمحنا له كم مره وماتكلم بالعكس يقول مايفكر بالزواج
وعد بعناد:وانا بخليه يفكر يتزوجني
اليوم الثاني
شموخ نازله بسرعه:هاااااااي ماما هاااي بابا.. بااااااااااااي
ابو تركي:تعالي وين رايحه مافطرتي
شموخ:مابي شئ انا تأخرت
ام تركي:وين تأخرتي الساعه سبع
شموخ مستعجله:تركي بتوديني أو أروح مع السواق
تركي:لا بوديك ياللا مشينا
ام تركي:افطر اسكت منها
تركي :شبعت
&&&&&&&&&&&&&&
في فلة ام سعود
غرور نايمه وصحت على صوت الجوال
ردت بصوت كله نوم:الوووووو
حنان بصراخ:انت نايمه
غرور:لا قاعده ارقص
حنان تضحك:ههههههههه تنكتين قومي وجع اليوم موعدي
غرور:أي موعد
حنان:وش فيك نسيتي بفك الجبس اليوم
غرور بطفش: وانا وش دخلني روحي الله يسهل عليك
حنان بترجي:غرور وجع تعالي معي اخاف بروحي
غرور:ليه بروحك مو خالد معك وامي
حنان :ايه بس انت غير قومي امانه
غرور:طيب ياللا قايمه اساساً طيرتي النوم
*
*في السياره
خالد:غرور ليه مارحتي الدوام
غرور:مالي خلق
خالد:ليه مالك خلق
غرور:لأني حلمت فيك
حنان:غرور الله ياخذك قولي آمين
غرور بصدمه:أستغفر الله ليه تدعين علي وش سويت
خالد:وليه خفتي من الموت عادي تموتين
غرور:لا يا حبيبي توني شباب ماأعرست
خالد:ههههههههههههههههههههههههه مافكرتي الا بالعرس
غرور:ايه وكلمت حنان..ماقلت لي ليه تدعين علي
حنان:شوفي الجبس كله خرابيط
غرور:الحين رسمي تقولين عنه خرابيط
حنان:بس الدكتور وش بيقول عني
غرور:وش دخله واحذرك من الحين لا ترمينه خليه ذكرى عندك فاهمه
*
غرور كانت راسمه نص وجه بنت وملونتها وموقعه عليه
الرسامه "غرور"
في المستشفى
حنان على السرير خايفه :يمه أنا خايفه
غرور تخوفها بهمس:يوووووووه الله يعينك أنتبهي يمكن يقطعون رجلك ويخيطونها مره ثانيه
خالد يكمل مع غرور: لالالالالا ماأتوقع يمكن بس يبترونها
حنان وشوي تصيح:حرااااااام عليكم تخوفوني خلاص هونت مابي أفك الجبس
الدكتور بضحكه كان يسمعهم:هههههه لا تخافين ماراح تحسين بشئ هم يبون يخوفونك
غرور وراشد:ههههههههههههههههههه
غرور:خوافه
حنان بتوعد:أوريكم
الدكتور وهو مبتسم:مين رسم هالرسمه
حنان تفشلت وسكتت
غرور وخالد كانوا ماسكين نفسهم
الدكتور قراء التوقيع أبتسم:تبين تحتفظين فيها ؟
حنان هزت راسها بأيه
&&&&&&&&&&&&&
في الكليه
د.أيمن:السلام عليكم
الكل:وعليكم السلام
د.أيمن وهو يناظر شموخ:اليوم راح نأخذ درس صعب مايفهمه الا الي فاهم الدروس الاولى
وبدأ يشرح وكانت شموخ تكتب كل شئ يقوله
د.أيمن:ركزي ياشموخ واتركي الكتابه على جنب ماراح تنفعك
شموخ رفعت راسها: بس انا مركزه وافهم كذا
د.أيمن سأل سؤال:مين يقدر يجاوب عليه
الكل سكت
شموخ قالت بثقه:انا أعرف أجابته
د.أيمن رفع حاجب وأبتسم بسخريه وطنشها
شموخ بتحدي:أعتقد يحق لي الأجابه
د.أيمن بتحدي مماثل:تفضلي
شموخ تبي تجاوب قاطعها د.أيمن عمد الاحراج:اطلعي جاوبي مع الشرح
شموخ في البدايه أرتبكت بس قالت في نفسها(لازم ما أخاف ولاأرتبك اناعارفه الاجابه لازم أكون واثقه)وطلعت تشرح بكل ثقه خلت نظرات السخريه من د.أيمن تتحول الى نظرات أعجاب
د.أيمن:انتهينا لهذا اليوم بكره في تطبيق وطلع
هند صديقة شموخ بفرح:تعجيبيني والله انك طلعتي قد التحدي
شموخ وهي تناظر وين ماطلع د.أيمن وبقهر:بس شوفي شلون طنشني ولا قال لي شئ
هند:أكيد لانه أنصدم انا أنصدمت شلون هو
شموخ فرحت من كلام هند:الله يوفقك ويرفع معنوياتك مثل مارفعتي معنوياتي
&&&&&&&&&&&&&&&&
في أحد شركات الكاسر
فهد قاعد في المكتب والأوراق بيده
انفتح الباب بقوه ودخل وليد:فهوووووووووووووووووووووووووووود
فهد أخترع:الله يقطع إبليسك في أحد يدخل كذا مافي شئ أسمه أستئذان
وليد:فهود مو وقت الأستئذان
فهد بعصبيه:فهود بعينك كم مره اقول لك لا تقول فهود ..فهد مايخالف اشوف عطيناك وجه وبعدين أن شفتك دخلت مره ثانيه بهالطريقه ومن غير أستئذان ياويلك
وليد ببرود وهو متكتف:خلصت كلامك ألحين ممكن تعطيني فرصه أشرح سبب دخولي
فهد وهو يناظر الأوراق:لا.. أطلع بره
وليد :زين ماأحد بيندم غيرك أنا بس كنت بقول موضوع يخص حنون حبيبتك
فهد فز قلبه من سمع طاري حنان وقال بلهفه:وش الموضوع
وليد يلعب بأعصابه:ماني بقايل أنت قلت لي ماتبي تسمع
فهد ونفذ صبره:وليدوووووووو تكلم أحسن لك
وليد:وأذا ماتكلمت وش بتسوي مافي أحد يقدر يجبرني
فهد عد للعشره ومن بين أسنانه:وليد أطلع بره مابي أسمع منك شئ
وليد يوم شافه تنرفز:هههههههههههههههههههههههههههههه خلاص رحمتك أسمع ياالحبيب حنون اليوم بتفك الجبس
فهد ما فهم:طيب ؟!!!!!!!!
وليد:أشفيك مافهمت يعني بكره تقدر تخطب حنون
فهد:ايه والله صح ..وقال بصرامه:اسمع لاتقول حنون لاأقص لسانك
وليد:ههههههههه تغار
فهد أبتسم:ولييييييييييد..
فهد وكانه تذكر شئ:تعال أنت مين قال هالإشاعه حنان بعد يومين بتفك الجبس
وليد:احلى يالي حاسب الأيام..بس لمعلوماتك هي قبل أمس راحت المستشفى وقالوا تعالي اليوم نفك الجبس
فهد بأستفهام:وأنت شلون عرفت؟
وليد:من عمتي هي قالت لي لأنه صديقتها تشتغل في المستشفى
فهد بأسلوب مخيف:ومين قال لعمتك
وليد خاف:أنا قلت لها علشان تعطيني مواعيدها علشان أساعدك.. وبخوف :ليه زعلت
فهد أبتسم:لا مازعلت بالعكس أنا مبسوط أنك تساعدني
&&&&&&&&&&&&&&&&&
أحداث الاسبوع
*تمت ملكة حنان كانت بسيطه وعائليه
*جات ام راشد وجنا ونور وفيصل عند ام سعود
اليوم الي بيروحون للمزرعه اتفق الكل يجتمع في بيت ام سعود ومن هناك يروحون للمزرعه
الساعه 5 الصبح
جنا:غيوض ماصار هذا كله لبس
غيوض تطلع من الحمام:خلصت وش رايك ..وقامت تلف
جنا:جنااااااااااان روعه
غيوض:ثانكس
غيوض كانت لابسه برموده جينز على الركبه وبلوزه خضراء مكتوب عليها كتابات طالع عليها روعه
اما جنا كانت لابسه جينز اسود وتيشيرت احمر
غيوض:غرور قومي
غرور تغطي وجهها بالبطانيه:بدري طفوا النور واطلعوا بره
غيوض:وين بدري الحين جاي عمي وخالتي ام خالد قومي
غرور:طيب دقايق
جنا:مافي دقايق متى بتلبسين وتجهزين أغراضك
غرور قامت:اففففففففففففففف ماأحد ينام في هالبيت
وقامت أخذت لها شور سريع ولبست جينز وتيشيرت ابيض
*
بعد نصف ساعة
الكل وصل
الحريم كانوا لابسين عباياتهم في الحوش وينتظرون مين راح ياخذهم
ام سعود:لازم نتوزع في السيارات
غرور:احنا البنات مع بعض صح ياصبايا
البنات:صح ونص
ابو تركي:خلاص واحد من الشباب ياخذ الصبايا على قولة غرور.. مين ياخذهم؟
غيوض كانت تدعي تركي هو الي يوديهم
شموخ:دادي تركي يودينا
غيوض بداخلها(الله يوفقك كأنك قريتي افكاري)
ابو تركي:ها ياتركي تأخذهم معك
تركي:لا أنا ماني فاضي عندي شوية شغل
غيوض(الله ياخذك ياتركي )
خالد لقاها فرصه وقال بسرعه:خلاص أنا أوديهم
تركي تنرفز:لا خلاص أنا أوديهم أقدر أترك الشغل بعدين
غيوض بقهر:عمي ليه مو أنت تودينا أحنا نبي نركب معك صح يابنات
غرور الي فهمت غيوض :ايه صح والحريم الباقين يركبون مع سعود اما الشباب ..وهي تناظر تركي..كيفهم يبون يشوفون اشغالهم يبون ينامون كيفهم
راشد يعاند غرور:لا مانبي ننام ولا عندنا اشغال احنا وراكم..ويكلم الشباب:شباب ليه مانروح بسياره وحده افضل من كل واحد لحاله
فيصل:يكون أحسن بأي سياره نروح
خالد الي كان قهران لأن تركي خرب عليه:نروح بسياره راشد وش رايكم
راشد:اوكيه تمام مشينا
ام خالد:لا أنتظروا شوي عايلة فهد بتروح معنا ام سعود عازمتهم وهم في الطريق
حنان اول ماسمعت اسم فهد ماقدرت تمسك نفسها من الفرح
غرور تضربها بكوعها:يعني الحبيب جاي ولاتعلميني
حنان أنحرجت منها:ماكنت أعرف
غرور:ياكذابه ماكنت تعرفين والا خايفه عليه
حنان:وجع وطي صوتك فضحتينا
خالد بصوت مسموع:وش فيكم تتساسرون
غرور:وأنت وش دخلك اللقافه قرافه
الكل ضحك على خالد
ام خالد:تستاهل ماجاك
تركي كان واصل حده ومو قادر يكتم أكثر:أنا أستئذن
راشد:وين مابتروح معنا
تركي:لا بخلص شغلي وبجي ياللا مع السلامه وطلع تاركهم
راشد(هذا أشفيه زعلان)
غيوض دموعها نزلت بس مسحتها بسرعه
غرور الي أنتبهت عليها وبصوت واطي:الحين ليه تبكين
غيوض:شفتيه شلون رفض نركب معه
غرور:وأنت رديتيه يوم وافق
غيوض:من القهر بس شوفي شلون طلع زعلان
غرور:خليه يستاهل هو الي جابه لنفسه
خالد:فهد وصل ياللا البنات يركبون مع عمي ابو تركي والحريم مع سعود واحنا مع راشد
&&&&&&&&&&&&&&&&&&
تركي في السياره
أنا ليه رفضت أوديهم مع أن الفرصه جات لعندي
وهويدخل اصابعه في شعره ياربي أنا جنيت أكيد جنيت والا في أحد يضيع الفرصه من أيده
وضرب ايده في الدركسون:اااااااااااااااااااااااخ من غبائي خربت كل شئ شلون البنت تحبني وأنا أبعدها عني
&&&&&&&&&&&&&&&&&&
في الطريق في سيارة ابو تركي
غرور ركبت قدام بعد المضاربه الي سوتها مع شموخ وفي الاخير أنتصرت والباقين وراء كان ترتيبهم شموخ جنا حنان غيوض
غرور وهي تشغل المسجل:ياللا صبايا أرقصوا
ابو تركي:مو في البيت احنا
غرور:بس ماأحد يشوفنا الساعه6.30 يا نايف
ابوتركي طالع فيها مصدوم:نايف!!!!!!!!!!!!!! نايف حاف مافي عمي أخوكي وأنا ماأدري
غرور:لا بس نايف أحلى عليك عمي يكبرك وأنت توك شباب
أبو تركي:هههههههههه شباب! ويغمز لها يعني تنصحيني أتزوج
غرور بمزح:ليه لا؟!!!!! والعروس علي لأختار لك وحده قمر
شموخ تضربها:وجع أنشاءالله تبين تزوجين ابوي على امي
غرور تكمل المزح:عادي الشرع حلل أربع
شموخ:أربع يحملون جنازتك قولي آمين
غرور:أكيد الي بيحملون جنازتي أربع أجل ثلاث
ابو تركي:ههههههههههههههههههههههههههههههههه
شموخ ضاربه بوز:عجبك الكلام بدل ماتدافع عني تضحك
ابو تركي يمسك ضحكته:ياروحي أنت كنا نمزح بعدين كم شموخ عندي
غرور:ومن زينها صح يانايف
شموخ:من زينك أنت
ابو تركي:يابنت عيب تقولين نايف ماتبين تكبريني قولي أبوتركي
غرور وكأنها تستفرغ:وعععععععععع تركي !!!!!!!! أساساً مو مخرب أسمك الا تركي الغثيث
غيوض(مالغثيث الا أنت)
ابو تركي:ههههههههههههههههههههه ليه وش سوى تركي
غرور:ماسوى شئ بس ماأحبه
شموخ كانت تبي تشوف ردت فعل غيوض:عاجبك الكلام ياغيوض
غيوض:وأنا وش دخلني
شموخ:لا قصدي كلام أختك عاجبك
غيوض بداخلها(لا مو عاجبني):أي شئ تقوله غرور يعجبني
شموخ ماتوقعت هالرد:والله لأعلم تركي
غرور من غير أهتمام وهي ترقص:علمي خوفتيني فيه
ابو تركي:هههههههههههههههههههههههههههه
*
في سياره كانت قدامهم مو منتبهين لها كانت تشوف رقص البنات
&&&&&&&&&&&&&&&&
في سياره راشد
فيصل:راشد وقف عند المحطه الجايه نبي نفطر
خالد:ايه والله أنا جوعان
راشد:اوكيه بكلمهم نوقف
راشد:الوووووووو سعود وقف في المحطه الجايه
سعود:ليه وش تبون
راشد:نبي نشتري شئ ناكله مافطرنا
سعود:ماتقدرون تصبرون ساعتين
راشد:لا مانقدر نصبر
سعود:طيب خلك على التلفون بسألهم
سعود:ياحريم بيوقفون في المحطه تبون شئ
ام تركي:لا أنا مابي شئ ماأدري عنهم
بعد المشاورات
سعود:الو راشد
راشد:خلصتوا ماصارت كأنها قضية فلسطين كلها محطه
سعود:ههههههههههههه اسمع مانبي شئ بنكمل طريقنا للمزرعه
راشد:اوكيه بشوف عمي والبنات
راشد دق على فهد بس قالوا بيكملون مع سعود اما ابو تركي والبنات قالوا بيوقفون معهم في المحطه
&&&&&&&&&&&&&&&&
في المحطه
نزل خالد وراح عند البنات
خالد:تبون اشتري لكم شئ
ابو تركي:أنا بشتري لهم أنت روح مع الشباب
خالد:بس البنات بيتعبونك تعلمني عليهم
ابو تركي:ما يتعبوني ولا شئ أنت روح
خالد:اوكيه على راحتك
ابو تركي:وش تبون
غرور:انا ابي كرواسان بالجبنه وابي اسبيرسو وابي ليز حار
غيوض:خلاص عطينا فرصه
جنا:ماصار هذا كله بتاكلينه
غرور: قولوا ماشاءالله..بعدين خلوني أكمل جوعانه
ابوتركي:لا تعبين حالك بجيب المحل كله
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك