رواية وجهك مو بوجه نعمة -6
الفصل 16
شوق:ديوم خلينا نركب البوت معاهم وش بيسوون لنا؟
ديمة باستنكار:شوق شاربة شي؟
شوق:البحر مليان ناس اكتر من البر يلا خلينا نركب فديتك ديوم
ديمة :اوف
ركبوا الاربعة البوت ...
مازن ساق وجنبه شوق وورا ديمة وقبالها حسام
شوق:بوت مين دا؟
مازن:بوتنا انا وحسام
شوق:ايش جايين تسووا في امريكا
مازن:ندرس
ديمة:تدرسوا ولا تصيعوا
حسام:الاتنين اش دخلك انتي؟
ديمة:محد كلمك
حسام:قصري لسانك
ديمة:مو شغلك
حسام عصب مررة:يابنت الكلب
ديمة مسكت علبة العصير وكبتها في وجه حسام وملابسه
قام حسام وهو معصب:وربي حتندمي
مازن مسك يده:ياشيخ انت بدأت
حسام نفض يد مازن وطالع ديمة بقهر وقام يغير بلوزته
سكتوا شوية وقطع مازن حبل الصمت:ايوه وانتوا اخوات؟ايش جيتوا تسووا هنا؟
ديمة:ايش رأيك تبطل لقافة وترجعنا
تدخل حسام الي رجع بعد ماغير بلوزته:ايه دخيلك رجعهم جابولي الصمرقع
ديمة:انت تجيب سرطان
مازن وهو يسوق للشاطئ:وصلنا الحمد لله
وصلوا الشاطئ نزل مازن ومسك يد شوق يساعدها على النزول
واقتربت ديمة عشان تنزل بس حست البوت يتحرك واختل توازنها وطاحت على ارضية البوت
شوق وهي تشوف حسام يسوق البوت مبتعد ومعاه ديمة:دييييمة
وطلعت جوالها :حاتصل على محمد
مازن:لا الله يخليكي دحين انا اكلمه
دق على حسام الي رد وقاله:دحين ارجع وسكر وهو يطالع ديمة الي اعتدلت وجلست جنبه :رجعني لاتغثني
حسام:انا قلتلك حتندمي
طالعته ديمة بعيونها العسلية وابتسمت بدلع:مايجي من قلبك تسويلي شي
بلع حسام ريقه وهو يتأمل عيونها العسلية الضاحكة:حتشوفي
هزت ديمة كتفها بدلال:حترميني في البحر
حسام :لا حآخدك بعيد لشقتي
ديمة:يلا طيب ارتاح من بيتنا شوي اهم شي اشتريلي برغر
حسام بدهشة:ليش البرغر
ديمة:عشان آكله امووووت في البرغر
حسام بتحدي:اشتريلك البرغر ونروح شقتي
ديمة:اممم...وعصير مانجو كمان
حسام:برغر وعصير ونروح شقتي
طالعته ديمة وضحكت:والله انك فلاوي رجعني قبل نتأخر وتعاقبني العمة الشريرة وتخليني انظف قصرها كله وحدي
حسام بدهشة:عايشة مع عمتك
ديمة:يب يب متزوجة امريكي بس ماتحملها ومات
حسام:هههههههههههه انا ابويا سعودي وامي امريكية
ديمة ابتسمت:وه ياقلبو على الي متزوج امريكية
ضحك حسام وهو يتأمل حركاتها ودلعها وضحكتها
وصلوا للشاطئ ونزلوا
شوق:وجع خرعتوني
حسام ابتسم لديمة:هادي تخرع بلد
حس انها تقبلته شوية ويقدر ياخد خطوة تانية
مازن:نشوفكم هنا بكرا
ديمة بقرف:لا اتعرفنا على القرود بما فيه الكفاية
ومسكت يد شوق ولفوا ومشيوا
حسام وهو فاتح عيونه على الاخيرر:يابنت الــ..
طالع لمازن وكمل :هادي حية مو بنت
مازن:هههههههههههههه
حسام:وربي لوتشوف كيف تضحك وتتدلع في البوت بريئة وحلوة اللحين نذلة ولئيمة
مازن وهو يضحك:امشي يااخويا امشي انت مصيف وافدغ
***************************
رجعوا ديمة وشوق الكابينة شافوا الكل متجمع على طاولة العشا
معاذ طالع في ديمة وقال:قلقنا عليكم
ديمة ماردت وتجاهلت نظرته وسحبت الكرسي الي جنب اخوها جمال وجلست
شوق جلست جنب جمال من الجهه التانية وقالت:ماتاخرنا
كان حمود جاي ويتعشى معاهم وكل شوية يطالع سمية وسمية تطالعه
زيزي كناري الحب ياهوووه احنا هنا
حمود طالعها وضحك على خبالها
سمية شوية وتقوم تقتلها
شوق:زيزو سايلنت احسن في واحد عيونه حمرا
ضحكوا وعبود يقول:ريمي ايش رايك ناخد بوت انا وياكي
ريم بنص عين:ليش قالولك مستغنية عن عمري
خالد:هع اوووم الكسحة
عبود طالعه بقهر وتدخل فارس:محد يموت في البوت
ريم:ماحاموت في البوت حاموت من وش اخوك
محمد وجمال وفارس طقوا ضحك
عبود يسوي نفسه زعلان:طيب ياريم تهونين
زيزي:ياقلبووو مقدر انا مقدر
ضحكوااا
صار موعد النوم وكل واحد فوق سريره
حست ديمة بالتعب من التفكير في خليل اشتاقتله حيل مهي عارفة ليش يتصرف بسخافة بدو يتزوجها
وكل شوية يكلمها عن بنت وهي تموت من الغيرة بس ماتبين ابدا
شوق تفكربكلام جمال بدو يخطبها بس هي تشوف الاحسن يتمهل ويشتغل كمان سنتين عشان يعيشوا في بيت محترم وياخدوا ديمة معاهم
ندى تحس فارس يحبها لكن تساورها احيانا شكوك انه رجل متله متل أي رجل
منى تفكر في معاذ اكتر وقتها لكنه مطنشها ومكرتنها
ريم ماتحب عبود ولاتحب أي احد بس تحب مهاوشات الشباب
محمد يفكر في كيان كتير يعرف انها تركته عشان شخص تاني تحبه لكنه يحس بالالم انها تركته
فارس يفكر في ندى نفسه يكسرلها برودها والاسوار الي محصنة نفسها خلفها
عبود نااااايم مايفكر في احد يحب كل بنت وقت مايكلمها لكن لريم مكانة خاصة بقلبه يحب مهاوشاتها
وعزة نفسها وكبريائها
خالد كان يفكر انو زيزي متل اخته لكن هالأيام يحس نحوها احساس تاني ودو يكون جنبها طول الوقت
يحس بالقهر لمن تكلم غيره او تطالع في شاب مايحب يجرحها حتى لوبالمزح بس شال هالشي من باله
زيزي لسة صغيرة ومرجوجة ومرحة
معاذ يحلم كل ليلة ديمة تحبه وتتزوجه هي الوحيدة اللي قدرت تزهده في البنات صار مايتمنى غيرها.
ديمة ماقدرت تنام قامت لبست ونزلت بشويش وطلعت من الكابينة جلست في مكان هادي تتأمل البحر
كان الشاطئ خالي تقريبا إلا من عاشقين يفترشون الارض هناك وبضعة شباب وبنات يرقصن على
ضوء النار في جهه اخرى
حست باحد جنبها التفتت وقالت:اعوذ بالله انت في كل مكان جني؟
حسام:وانتي ليش على الشاطئ وحدك عشقانة
ديمة تطالع البحر:موشغلك
حسام:اصلا مافيش احد حيحبك
ديمة ببرود:عز الطلب من زينكم عيونكم فاضية وغدارين
حسام وهو يضحك:البنت متعقدة
ديمة:انتو تعقدوا بلد
حسام:وانتوا تعقدوا قارة
ديمة :قوم نام احسن نوم الظالم عبادة
حسام:تروحي معايا ....غرفتي دافية..افرشلك السرير ورد
ديمة:لاشكرا عندي حساسية من الورد
حسام:وجع ولاذرة رومانسية ماعندك
ديمة وهي تقوم:طس
وقامت وقام معاها ديمة باستغراب خير انشاالله؟
حسام باستهبال:اوصلك ...خايف عليكي
ديمة:لا ياشيخ
حسام:اصلا انتي تخوفي بلد امشي بس بشوف أي وحدة كابينتك
ديمة:وليش ؟؟ بتشتريها ولاتسرقها
حسام :هع ردودك غير
ديمة :لاني مميزة
حسام:لا لانو لسانك طويل
وحط رجله وجري قبل تضربه
دخلت ديمة الكابينة وسكرت الباب وراها وهي تقول:الحمدلله على نعمة العقل يارب..
*****************************
جلست فوق السرير مدت يدها وسحبت جوال شوق دقت رقم خليل 0097059991851
رن اول رنة.....تاني رنة...تالت رنة
وسمعت صوته التعبان:سلام عليكم
ردت ديمة بهمس :وعليكم السلام كيفك؟
خليل :زي الزفت
ديمة بخوف:ليش؟
خليل:آآه بابا اعطاكي عمره
فتحت ديمة عيونها دهشة ورهبة ودمعت عيونها مع انو ماعمرها عرفته او شافته لكن يكفي انو ابو الحبيب
همست بأسى:عظم الله اجرك
سكتتت
خليل:بس هيييك؟؟وحضلك ساكتة؟؟
ديمة وقلبها يدق بلعت ريقها:كيف هديل
خليل:منيحة
ديمة:الحمدلله ايمتى جايين لعنا؟؟
خليل:مابعرف..فيكي تفوتي نت
ديمة:مااقدر
خليل:كل شي ماتقدري ياديمة
وتوت توت توت
سكر خليل الخط قبل ما يسمع ردها
نزلت ديمة الجوال عن اذنها ونزلت دمعتها حاارقة على خدها
رفعت راسها فجأة وفكرة جنونية تلتمع براسها قامت وطلعت من الغرفة ومن الكابينة
الفصل 17
طلعت ديمة ومشيت بسرعة وهي تلتفت يمين وشمال
ووقفت لمن شافت حسام ومازن جالسين مع 3 شباب وبنتين امريكيين يشربوا ويضحكوا
ديمة مشيت لناحيتهم ووقفت عندهم وهي تبتسم:هاي
ردو الشباب والبنات:هالوو
اما حسام كان متفاجئ وفاتح فمه وهو يشوفها جايه لعندو ومبتسمة
مازن هاي ديمة اجلسي معنا وتناولي مشروبا هؤلاء اصدقاءنا في الجامعة
وكمل وهو يأشر عليهم:كارلوس ومايك وجون وسندي وماي
ابتسمت ديمة وبلطف اعتذرت:شكرا لكم من الرائع مقابلتكم لااود ان اطيل عليكم لكني استمحيكم عذرا
اذ سآخذ منكم حسام
ومدت يدها لحسام وشدته قام حسام وهو مو مصدق حياته
كارلوس ضحك: تفضلي
ابتعدوا ومازن يتابعهم بعيونه
سألته ماي وهي تاكله بعيونها:اثمة شي خاطئ ..اهي صديقتك؟؟
مازن طالعها وهز راسه ينفض عنه الدهشة:كلا كلا
أما حسام كان ماشي مع ديمة زي الاطرش في الزفة وحاسس نفسه في حلم
وقفت ديمة قباله وسالته وابتسمت:ايش رأيك اعرف ارطن انقلش
ابتسم حسام لابتسامتها:اكيد
ديمة :طيب يلا فين شقتك
حسام فتح عيونه دهشة:ايش؟
ديمة :شقتك فين؟؟
حسان انفجر ضحك:هههههههههههههههههههههههههههههههههههههههههههههه هههههه
ديمة:ايش فيك حتموت ضحك؟
حسام بشك:دي وحدة من لعبك
ديمة:لابروح شقتك يلا سري
حسام يطالعها بدهشة واستغراب:جد؟
ديمة بنفاذ صبر:لاست خلصني فينها ولا أغير رأيي
حسام(هالبنت بايعتها):يلا طيب
ديمة :هي بعيدة؟
حسام وهو يمشي ويأشر على شقة ريفية جميلة تطل على البحر:لا اهي
طالعت ديمة في الشقة الي مكوتة من طابق خشبي على الشاطئ جميلة وفخمة
فتح حسام الباب ووسعلها عشان تدخل
دخلت ديمة وطالعت المنظر من الشرفة كانت الشمس بدأت تشرق وتلون البحر بالاحمر والبنفسجي
والبرتقالي كان منظر روعة
حسام:ايش تشربي
ديمة:ولاشي
وقفت ديمة على الشرفة وحسام اتكئ على الدرابزين جنبها يتأمل وجهها الفاتن وابتسامتها الحلوة
وعيونها العسلية
ديمة حست انها تهورت زيادة عن اللزوم سألته وهي تهرب من نظراته:ساكن وحدك؟
حسام ابتسم :يب
ديمة:البيت مرتب
حسام :ويعني
ديمة :شاب وسعودي ووحدك وبيتك مرتب اعجوبة الدنيا التامنة
واطلقت ضحكة مرحة قصيرة
ابتسم حسام:ضحكتك حلوة
لفت ودخلت الصالة وحسام وراها ديمة بقلبها ياربي شو ساويت ولا لو يدري احد يقتلني
حسام بدأ يتكلم:ديمة انا...
ديمة قاطعته :عندك لاب
حسام باستغراب:ايوه
ديمة:ممكن استخدمه شوية
حسام اشرلها براسه طيب وراح جاب الاب وحطه على الطاولة قدامها
جلست ديمة على الكنبة وجلس حسام قبالها فتحت ديمة الاب وعقدت حواجبها بضيق اوووف كل شي
بالانقلش مني دافوورة لهالدرجة
رفعت عيونها لحسام الي ابتسملها
رجعت نزلت عيونها وبسرعة فتحت المسنجر سجلت ايميلها koko1694 آت هوتميل وباسوردها
وسجلت دخولها شافت خليل متصل على طول ارسلتله:
(القمر كله): اهلين
انتظرت شوية بس خليل مارد عرفت انه معصب
نادته تاني
(القمر كله): خليل
ابو العز غير نكه لــ بدأ العد التنازلي للعقلية الهادئة
ديمة اتاكدت انو معصب وفاير بعد
ارسلتله
(القمر كله): خليل الله يخليك اسمع ما كان في جوال شوق نت وسمية كانت نايمة اضطريت اصحيها
عشان تفتحلي جوالها
خليل مارد ارسلتله اشارة تنبيه
(بدأالعد التنازلي للعقلية الهادئة): نعم
(القمر كله):هيا عاد خليل لاتتغلى على كل شي
(بدأالعد التنازلي للعقلية الهادئة): ديمة اقولك شي ماتزعلي
(القمر كله):عادي انت دايما تزعلني
(بدأ العد التنازلي للعقلية الهادئة): رح اتزوج نوووووووووووووور
تجمدت ملامح ديمة وتيبست اصابيعها على الكيبورد من وقع المفاجأة تذكرت بلمح البصر نور حبيبته
السابقة قال انها تركته ديمة كانت تكلمها دايما بالمسن
(بدأ العد التنازلي للعقلية الهادئة):موانتي قلتي انو لو رجعت لنور مارح تزعلي
(القمر كله):انت غبي
(بدأ العد التنازلي للعقلية الهادئة) :انا غبي ياديمة؟؟؟
(القمر كله):ايوه لانو هالكلام كان قبل سنة وقبل نحب بعض
(بدأ العد التنازلي للعقلية الهادئة):رح تنسيني وتحبي غيري
(القمر كله):انت اهبل
(بدأ العد التنازلي للعقلية الهادئة):انا اهبل ؟؟
(القمر كله):ايوه لاني تركت الكل عشانك وحبيتك من كل قلبي وعمري مارح احب غيرك ولاحانساك انت اول وآخر حب بحياتي
(بدأ العد التنازلي للعقلية الهادئة): تسلميلي ياعمري
(القمر كله):مني عمرك باي
(بدأ العد التنازلي للعقلية الهادئة): باي
سكرت ديمة ايميلها ومسكت دموعها عشان ماتبكي قدام حسام
وقامت حسام لاحظ مزاجها اتعكر سألها بحنان:ديوم فيك شي؟
ديمة جريت للباب فتحته وطلعت وهي تجري للكابينة
**************************
طلع حسام يمشي على الشاطئ لعل وعسى يشوف ديمة شاف مازن الي قاله:ايش صار؟
حسام:مو شغلك
مازن:عجيب والله صار مو شغلي اللحين
حسام بضيق:ماصار شي
مازن: بس انت مو على بعضك
حسام:ماادري كانت في شقتي تتكلم بالمسن وفجأة قامت وطلعت تجري وهي تبكي
مازن بدهشة:في شقتك؟
حسام:ايوه في شقتي انت اطرش
مازن لسه تحت آثار الدهشة:وايش سويتوا في الشقة؟
حسام طالعه بقهر:انت اطرششش اقولك كانت تتكلم بالمسن وطلعت فجأة
مازن:تكلم مين؟
حسام وصلت معاه:مازن والله ماتروح تصلح مخك الخربان لغير اطلعه وابيعه
مازن:ههههههههه امزح معاك ياشيخ
حسام طالعه وكأنه مو مقتنع:اها
مازن:إلا منجد كانت في شقتك؟
وحط رجله وجري قبل مايضربه حسام
**************************
دخلت الغرفة شافتها فاضية شكلهم كلهم صحيوا
اندست تحت البطانية تحس بالالم يمزق بطنها نزلت دموعها حاااارة كانت تحس بصدرها يحترق حاولت
تهدي نفسها لا خليل يمزح هو دايم يمزح لاا ماتركني خليل يمزح هوا دايم يمزح لا لا يارب مايتركني خليل يمزح
حست باحد فتح الباب كتمت صوت بكاها وحطت يدها على عيونها
جلسوا سمية وندى جنبها على السرير
ديمة ماتحركت يمكن يفكروها نايمة ويتركوها كانت تحس باعصابها مرهقة ومافيها تكلم احد
سحبت ندى البطانية عن وجه ديمة بهدوء وسالتها بحنان:ديوم ايش في؟؟
ديمة ماسكة عبراتها بصعوبة حاسة لوفتحت فمها حتنفجر بالبكا
قالت بصوت متقطع:اتركوني دحيـ.ـيــن..
ندى عرفت انو خليل سوا شي كبير لدرجة انو ديمة بطبيعتها المرحة والا مبالية مهي قادرة تتكلم عنه
طلعوا من الغرفة ونزلوا تحت شافوا الكل جالس على الفطور
جمال:فين ديوم
ندى:بطنها بيوجعها سويتلها نعناع خلوها تحت البطانية ادفالها
معاذ:استأجرت يخت اليوم خلصوا فطور وخلونا نطلع
ندى:ديمة ماتحب البحر مارح تروح حاقعد معاها
شوق:وانا كمان
محمد:لا انتي تحبي البحر اطلعي
زيزي:بكيفكم انا اول وحدة حاطلع
خالد يتطنز:يانهار ابيض اليخت حيغرق
زيزي بقهر:سامجة زيك
خلصوا فطور ولبسوا وديمة ماخلت ندى تجلس معاها فطلعوا كلهم وتركوا جوال شوق عند ديمة اذا تبغى او يبغوا شي
كتب محمد اسمه ورقمه عند خفر السواحل للاحتياط ومعاذ اعطاه المفتاح وقال بيروح يجيب عصيرات وشيبسات للرحلة
معاذ راح طوالي للكابينة كان حاسس بقلق على ديمة ماكانت طبيعتها المرحة تفوت شي بس اكيد خليل سوالها شي ديمة مافي شي يعكرها إلا خليل ومشاكله
الفصل 18
توجه معاذ للكابينة ودخلها كانت هادييية طلع لغرفة ديمة فتح الباب سمع صوت نشيج ديمة المتقطع
تحت البطانية انكسر قلبه عليها جلس على السرير جنبها
ديمة وقفت بكا بس ماتحركت ولارفعت البطانية
معاذ سحب البطانية بهدوء
ديمة غمضت عيونها وحطت يدها عليهم وبانزعاج:ندى روحي برا دحيين
معاذ انحنى على ديمة وقبل خدها الشاحب وهمس:مايستحق
ديمة اعتدلت جالسة على السرير مذعورة وطالعته وهي متفاجأة وخايفة
معاذ قرب منها ومسك يدها:الي يبيعنا نبيعه
ديمة سحبت يدها معاذ كان أخر شي تتحمله او تتوقعه:اطلع برا لوسمحت
معاذ مااتحرك اتامل شعرها الذهبي وعيونها العسلية الي صارت تلمع من طبقة الدموع الي تغطيها
ورموشها الي التصقت ببعض فصارت غامقة وطويييلة وصدرها الي يعلو ويهبط بسرعة وهمس
بعشق:ديمي احبك
ديمة كانت اعصابها تلفانة وحاسة بكره لكل الرجال:وانا اكرهك
معاذ بتوسل:لاتجرحيني كدا
ديمة بحدة:ماتنجرحوا ماعندكم قلب ولا احساس تحسوا
معاذ:اصابع يدك مو سوا
ديمة:الطبع يغلب التطبع
معاذ مد يدها ومسكها من خصرها وسحبها لصدره بقوة وهو يهمس:مو صح
ديمة بتوسل:الله يخليك اتركني تعبانة
معاذ دفن وجهه في رقبتها وهمس:اتزوجيني وحأريحك وانسيكي هداك الحيوان
دفعته ديمة عنها بكل قوتها وبغضب:موحيوان موشغلك
معاذ بسخريه:ولسه تدافعي عنه آآآآه بس لوتحبيني زي ماتحبيه....
ديمة قاطعته:اهو اعترفت بنفسك اني احبه حافظ على كرامتك شوية واطلع برا لاني عمري مارح احب غير خليل
وقامت تبغى تطلع برا الغرفة
بس معاذ مسكها من زندها وسحبها بقوة ودفها على الجدار
ظهرت على وجه ديمة علامات االالم لمن صقعت بالجدار
حط معاذ يدينه على خصرها وثبتها كان قريب منها تحس بانفاسه الحارة على وجهها قالت بكره:ابعد وجع
معاذ:وطي صوتك
ديمة بعناد:مني موطيته ابعد يدينك عني حاروح اتروش سبع مرات اولهم بالتراب
معاذ ماتحمل اهانتها رفع يده وهوى بها على خد ديمة الي من قوة الضربة طاحت على الارض ونزل
شعرها على عيونها ووجهها
معاذ اتمنى انها تبكي او تصرخ عشان يضمها
لكن ديمة حسته يبغاها تضعف فوقفت وابتسمت بسخرية:دا يثبت انكم زي بعض
وطلعت من الغرفة
**************************
محمد شاف معاذ جاي:ول كل دا عشان العصيرات والشيبسات
خالد:انا داري كان يمديك تجيب البقالة بكبرها
معاذ:ياساتر منكم امشو يلا
ضحكوا وطلعوا اليخت مع مرشد سياحي
*************************
جلست ديمة على احد الكراسي الخشبية الطويلة الي يأجروها بالساعة على الشاطئ
كانت تتأمل البحر والغادين والرائحين كانت تحب تراقب الناس كان بامكانها معرفة شخصيتهم وقراءة
وجوههم ومعرفة الشرس والعنيد والطيب والمجرم والشاطر والكسول والعصبي والهادي والخجول
فقط بالنظر الى وجوههم ومراقبة تصرفاتهم وكانت لاتخطأ ابدا
فقط شخص واحد كانت ترفض داخليا ان تفسر تصرفاته وتجد له عذرا وتوقف حاستها عن العمل معه
وهو خليل
رفعت راسها شافت حسام يبتسم لها ويمدلها كاسة عصير مانجو
همست وهي تطالع البحر:لا شكرا
جلس حسام على المقعد جنبها:كيفك؟
ديمة بدون ماتطالعة:شينة من يوم شفتك
ابتسم وهو يقول:دوم يارب
ديمة:مايحتاج يارب دامك هنا
حسام وهو يطالع البحر:فين شلتك؟
ديمة ببرود:اكلهم سمك القرش
ضحك حسام:وليش مااكلك معاهم
ديمة:اوووف عشان اغثك
حسام :هههههههه حتى لو اكلك حتغثيني لمن اتذكرك
حقرته وهي تطلع الجوال الي يرن
ضغطت زر الاتصال:الو
عقدت حواجبها:ماما سهام معاذ ومحمد في البحر اكيد مايسمعوا جوالاتهم ايش فيكي؟
قامت ديمة :ايييييييييييش؟؟؟؟ طيب طيب ايش اسم المستشفى طيب
سكرت من سهام وطلبت رقم محمد ويدها ترتجف وعيونها مدمعه وقف حسام وبحنان:ديمي ايش في؟
ديمة ودموعها نزلت:بابتي بالتبني ابراهيم في المستشفى سوا حادث ماما سهام خايفة ومنهارة ومحمد مابيرد
حطت الجوال على اذنها وهي تهمس بخوف:يارب يرد يارب يــ ....محمد محمد تعالوا بسرعة ابراهيم سوا حادث ارجعوا يامحمد
وسكرت الجوال ورفعت عيونها المدمعة للشاطئ تبحث عنهم
حسام:امشي نروح انا وياكي
هزت ديمة راسها:حاستناهم
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك