رواية وجهك مو بوجه نعمة -7
سكرت من سهام وطلبت رقم محمد ويدها ترتجف وعيونها مدمعه وقف حسام وبحنان:ديمي ايش في؟
ديمة ودموعها نزلت:بابتي بالتبني ابراهيم في المستشفى سوا حادث ماما سهام خايفة ومنهارة ومحمد مابيرد
حطت الجوال على اذنها وهي تهمس بخوف:يارب يرد يارب يــ ....محمد محمد تعالوا بسرعة ابراهيم سوا حادث ارجعوا يامحمد
وسكرت الجوال ورفعت عيونها المدمعة للشاطئ تبحث عنهم
حسام:امشي نروح انا وياكي
هزت ديمة راسها:حاستناهم
***********************
سكر محمد جواله :معاذ اطلب من المرشد يرجعنا دحين ضروري
طالعه معاذ باستغراب
شوق:ليش
جمال:ديمة فيها شي؟؟
محمد : مو ديمة.........وطالع في معاذ وكمل:ابراهيم رجعنا بسرعة
************************
ديمة:حاروح اقفل الكابينة
قام حسام معاها
ديمة:على فين ان شا الله
حسام وهو يسحبها من يدها:بطلي عناد بس مرة في حياتك ماحاترركك دحين وحدك وانتي بهالحالة
امشي نقفل الكابينة ونرجع نستناهم هنا
مشيوا بسرعة للكابينة وقفلوها ورجعوا شافوهم بينزلوا من اليخت جريت ديمة لجمال وحضنته:جمال بابا ابراهيم في المستشفى
محمد :امشوا نروح هناك بسرعه
خالد سحب معاذ الي كان تحت آثار الصدمة
انقسموا سيارتين سيارة لقصر العمة وسيارة للمستشفى
****************************
نزلوا من السيارة بسرعة شافوا سهام منهارة على الارض تبكي والعمة جالسة على الكنب جنبها تمسح دموعها
ديمة وندى رفعوا سهام عن الارض وجابت ريم عطر فركتلها يدها ووجهها وجات شوق لبستها العباية
محمد :بسرعة امشوا اخدوها وهي شبه مغمي عليها وسيييده على المستشفى
*************************
دخلوا المستشفى راح جمال للريسبشن:لوسمحت ابراهيم دردنري فين؟
الممرضة:في العناية المركزة انتظره في صالة االنتظار من فضلك
توجهوا جمال ومعاذ وعبود وحمود وفارس وخالد لصالة الانتظار
رفع خالد راسه :اهو محمد
رفعوا راسهم شافوا محمد الي داخل وساند سهام ومن الجهة التانية ساندتها ديمة
جمال وفارس بسرعة راحوا لعندهم وساعدوا سهام وجلسوها على احد الكراسي فتحت سهام
عيونها:انا بخير
جلسوا الكل في الصالة يلهجوا بالدعاء
بعد اربع ساعات من الانتظار القاتل
طلع الطبيب قاموا كلهم بسرعه وسهام :دكتور كيف حاله؟
الطبيب:هل انتم اهله
محمد:نحن كذلك
الطبيب ببرود وكأنه آله:نأسف لقول ذلك لكنه فارق الحياة فلتجهزوا جنازته
معاذ فتح عيونه على الآخر وخالد يكذب ادنه وسهام سقطت على الارض وهي تئن انين خافت
مسك جمال يدها:يمه قولي اننا لله وانا اليه راجعون
معاذ واقف يطالع الفراغ حس محمد بالضيق معاذ مصدوم اكتر من امه سحبه من يده:معاذ معاذ
معاذ:هاه
محمد حط يده على كتف معاذ:خليك قوي يااخويا
جا فيصل الي توه دري بالخبر ونزلت دموعه:آآه ياصاحبي ياابراهيم
الفصل 19
انتهت الجنازة مضى اسبوع والام مصرة ترجع السعودية
لكن العمة اقنعتها انها تضل شهر الين يتوزع الورث ويغيروا جو
دخلت ديمة غرفتها حست بالدنيا مظلمة حولها محمد زعلان منها وخليل تركها ودحين موت ابوها
وبقائهم في امريكا
رمت نفسها على السرير وبصوت انهكته الهموم والآلام:يارب ارحم ضعفي وقويني
دخلوا ندى وشوق وسمية الغرفة
جلست ندى جنب ديمة على السرير مسكت خصلات شعرها الذهبية وسألتها بحنان:ماحتقوليلي ايش فيكي؟
شوق:يب ديمو شغلتي قلبنا عليكي
سمية:يلا عاد بلا دلع انطقي
ضحكت ديمة:فديت نفسي لهالدرجة غالية
ندى:واكتر
سمية:مانقدر نعيش بدونك
شوق:ولانطيق دموعك
ديمة:هيا عاد انتي وياها باختصار ومن النهاية شو بكم؟
شوق تطالعها بنص عين:ياثقل دمك
سمية:من جد
ندى:جزاء المعروف عشرة كفوف
************************
كانوا خالد ومحمد جالسين في حديقة القصر الكبيرة على الارجوحة
محمد كان يفكر بكيان يكلمها من 11 شهر وماعمره زعلها او ضايقها (بمعنى الكلمة)
كان كل مايفكر بكيان يحسها ديمة
كانوا يشتركوا بنفس الصفات المرح والهدوء الخجل والغضب الرقة والعناد صفات متناقضة لاتستطيع فهم شخصيتها
لكنه ماشاف كيان ولامرة كان يخاف يطلب منها صورة او شي وتزعل منه
ودحين تركته قالتله دامه هو قال مايقدر يتزوج مافي نصيب بينهم وكمان حبيبها هداك
اطلق محمد تنهيدة حارة من صدره:آآآآآه
فز خالد وبذعر:ياساتر ايه ده؟
محمد باستغراب:ايش؟
خالد وهو يغمز:عيش ياعم الآآآآه دي
محمد:ههههههههههههه الله يرجك
خالد :ياشيخ لاتضيع الموضوع يلا قولي مين هي؟؟
محمد:والله انك فاضي
خالد:يمكن اساعدك تراني خبير
محمد:لا شكرا مستغني
خالد:هيا عاد اعتبرني اخوك
محمد:انت اخويا ياالخبل
خالد:اقصد اخوك اخوك وصديقك وتوأم روحك
محمد:هههههههه يرحم امك
خالد:يلا عاد حمودي
محمد:وجع لاتدلعني
خالد:وحابوسك بعد اذا ماقلت
سكت محمد شوية وخالد يستحثه:مين؟
محمد:اوووف اووم اللقافة وحدة اسمها كيان اعرفها بالنت ارتحت
خالد بدهشة وبلاهة انت تحب ديمة؟
محمد طالعه وعقد حواجبه:ايش ديمة انا قلت كيان
خالد حس انو غلط:اها أي اقصد كيان ماعليك
محمد مسكه من قميصه:ايش تقصد؟؟ايش تعرف؟
خالد ضربه على يده بخفة:ياشيخ بس فكرت انو كيان هي ديمة
محمد بشك:وليش تفكر هالتفكير
خالد وهو يقوم:مدري زيزي قالت ديمة تحب هالاسم كثير
محمد :اها
بدأت الخيوط تتراكب مع بعض في ذهن محمد عرف ليش لمن يكلم كيان يحسها ديمة ولمن يشوف ديمة يحسها كيان
حس بفرحة انو يكون الشخص الي تحبه وتتمناه قريب منك لهالدرجة
لكن الفرحة الضئيلة هذه تلاشت لمن تذكر انو معاذ يحبها وياترى مين الشخص الثاني الي ديمة تحبه
ورفضت معاذ عشانه وتركت محمد لعيونه؟
*****************************
ندى:هيا ديوم قولي بتصلي صلاة الاستخارة
ديمة:عندك مانع
شوق:المانع عندي اخلصي
سكتت ديمة شوية وقالت بمرح:ولاشي بس خليل قالي انو حيتزوج نور وانا قلتله اووه والله فكه
ندى:اخيرا ريحنا وارتاح
سمية:الف مبروك
شوق :ابعدي انتي وياها
طالعوا في ديمة كانت دموعها تنساب على خدها بصمت بدون صوت او تشاهق
وجهها شاحب وشفايفها بنفسجية وترتعش
حسوا كلامها جد فكروها تمزح دايما تسوي هالحركة ولسه تمشي عليهم اقتربت ندى وحضنتها:هدي نفسك ياديم
ابتعدت ديمة وهي تنحني على بطنها وعلى وجهها علامات الالم
سمية :ديمة لاتتشنجي كدا ريحي نفسك
شوق بحنان:ديوم اجيبلك نعناع يهديلك معدتك
هزت راسها بلا
سمية:اكيد يمزح مرة تانية
شوق :هوا يحبك بس يتقل دمه
هزت راسها بعنف للمرة التالتة
انفتح الباب ودخلت زيزي:وجع ايش سويتوا لديم
سمية:قتلناها
زيزي:ابعدوا حشى مو بنات
ومدت الجوال لديمة: خليل بدو يعزيكي
اتجمدت الدموع على خد ديمة وخيم السكون ثواني
زيزي متعجبة من تردد ديمة شوق تدعي ربها يمضيها على خير
سمية له عين يتصل كمان
ندى تطالع ديمة الي تدعي بقلبها يارب ساعدني انساه
اخدت الجوال بيد مرتجفة واتنفست بعمق وقالت :الو
سمعت صوته:السلام عليكم
ديمة:وعليكم السلام
خليل:عظم الله اجرك
سكتت ديمة ونزلت دموعها
ردد خليل للمرة التانية:عظم الله اجرك
ضلت ساكتة تخنقها العبرة
خليل:ديمة
ردت بصوت مبحوح مرتعش:نعم
خليل:كيفك؟
ديمة بعتاب:يهمك؟
خليل طبعا يهمني لوماكان يهمني ماكنت سألت
ديمة:اها
خليل:ديمة زعلانة انتي؟
ديمة:لا ليش ازعل
خليل:فكرتك زعلانة
ديمة:لامني زعلانة
خليل :طيب سلامات وسكر
زيزي اخدت الجوال الي مدتلها ياه ديمة وطلعت من الغرفة
شوق:ديم لو ماحكيتيله الي بقلبك مارح يدخل قلبك ويعرف
آآآآآآآآآآآآآآآآآآه
قلبي الكسير يصرخ أحبك
آآآآآآه قلبي الذليل يصرخ اريدك
لكن فقط قلبي اذ ان شفتي جد خجلانة من ان تردها
فارجوك...هلا دخلت قلبي ؟؟؟
ديمة بأسى:ماله داعي يعرف مافي فايدة
سمية:يمكن يحبك بس حاسس انك ماتحبيه
ديمة صرخت بألم:مااااااااااااايحبني
آآه يالها من كلمة قاسية تلك
آآه يالها من كلمة جارحة تلك
آآه يالي من جريحة والدماء تنزف بلا انتهاء والدمع عازم على البقاء
اعيش ايامي برجاء وعلى امل ان ألقاك ان لم يكن هنا فهناك في السماء
طلعت من الغرفة ومن القصر وهي تجري بالحديقة اصطدم بها الهواء البارد لكنها ماحست فيه من الحرقة الي بصدرها
تعبت وجلست على الحشيش الاخضر وهي تنتحب حست بيد على كتفها رفعت عيونها بسرعة مذعورة
لكن قسمات وجهها الجميل ارتاح لمن شافت محمد الي جلس جنبها وحضنها
حطت ديمة راسها على صدره وتركت دموعها تنزل ومحمد يهديها:ايش صاير؟كل دي الدموع عندك اهب ولا مطر كان خلص من زمان
ديمة ضحكت بصوت متقطع من بين دموعها
انتظر محمد شوية الين هديت ومسحت دموعها بس ماتحركت من حضنه
همس بحنان:ايش فيكي ياديمة
سكت ثواني وكمل:ولا اقول يا كيان
ارتعشت ديمه في حضنه وبين يدينه وسحبت نفسها وهي تطالعه برعب
ابتسم محمد يطمنها:ماتفرق معايا كل وحدة قمر اكتر من التانية
ديمة لسه تطالعة بخوف ودهشة
ومحمد كمل:اجل الي تحبيه هوا خليل
وكمل وعيونه غرقانة في الم مكبوت:مبروك الخطبة من حبيبك
ديمة ابتسمت بسخرية:قول عظم الله اجرك لانه تركني وقامت وهي تركض دخلت القصر وطلعت
الدرجات واستمرت تطلع وتطلع وتطلع حتى وصلت للسطح
جلست على سور السطح تتأمل المناظر القصر والشوارع والسيارات
سمعت صوت التفتت وراها شافت ندى الي ابتسمت :ناوية تنتحري
ابتسمت ديمة
اتكئت ندى على السور بالقرب منها وهمست:ديمة تتذكري اول يوم ليا لمن دخلت شات وكلمت واحد
وجيت زي المخابيل احكيلك عنه يومها ترجيتيني ما اكلمه تاني لاني كنت مرة معجبة فيه كاني مني
شايفة خير بحياتي يومها ياديم بكيتي وترجيتيني مااكلمه وماارتحتي الين وعدتك مااكلمه
هزت ديمة راسها
كملت ندى:ديمة قبل تعرفي خليل كانت الكتب والمدرسة اهم شي عندك
كنتي انتي الي تنصحينا كلنا وتوجهينا بحكمتك وعقلك الكبير كنا نتجمع في المدرسة نتكلم عنهم وانت في الغرفة تقرأي كتاب كنا نسمع اغاني وانتي تذاكري كيميا نطلع المولات ونطالع وانتي تطالعي توم وجيري وتنصحينا
الحب كان عندك هبالات والرومانسية خزعبالات والشباب مالهم امان والزواج هم وغم
ولمن دخلتي الشات كنتي ذكية ماتعطي اسمك ولا رقمك ولاتثقي باحد كنا نمشي بالشارع ونتريق على ولد ماعداكي
لكن فجأة فجأة ياديم كلمتي خليل بس اربع ايام وبعدها انقطعتي عن النت 9 شهور ولمن رجعتي دخلتي
كل شات في النت بس عشان تلاقيه ولقيتيه وكلمتيه وخليتيه يحبك
لقيتيه في النت بعد 9 شهور وانتي ماتعرفي عنه غير انه اسمه خليل
ماكلمتي غيره دورتي عليه وجبتيه وخليتيه يطلب ايميلك ويحبك
وخليل بدون مشاعر ولا قلب ولا احاسيس بدون رجولة لا يعرف وفاء بوعد ولاشرف ولامراعاة مشاعر لاحد هددك انو ينشر رقمك بالنت حركة خسيسة
يقولك اتركيني ولاتتصلي ويدخل ايميلك ينتحل شخصيتك ويكلم صحبتك واختك وتوأم روحك ويطلب
ايميلها ويقولها بس بدون ماتقولي لديمة الي هي اختك واكتر حركة وضيعة وواطية
لانك حبيتيه من كل قلبك واهتميتي فيه واعطيتيه كل قلبك هو حاسس انو رخصتي من قيمتك عشانه وتذلي نفسك له
ياديم انت اقوى منه حبيبتي
الحقيقة كلامه غلط لمن قالك انو عندك انفصام في الشخصية
الانفصام والنرجسية والسادية وكل الامراض النفسية والعقلية هي في الحقيقة عنده
ابتسمت ديمة ونزلت عن السور:رايحة آخد شاور
نزلت ندى معاها ديمة دخلت الحمام تتروش وندى طلعت الحديقة
جلست تقطف ازهار الياسمين تعرف ديمة تعشقهم حست بخطوات وراها التفتت وشافت خليل وهديل
***************************
نزلت ديمة للصالة الكبيرة وهي تسمع اصوات بكا وتعزية وضحكات
طالعت شافت الكل متجمع عل هديل وخليل بيسلموا عليهم
سهام :تعالي ياديمة
اقتربت ديمة وتوجهت لهديل وسلمت عليها
**************************
في الليل ديمة منسدحة على السرير والكل يتعشى تحت
انفتح الباب ودخل جمال وجلس جنبها
اعتدلت جالسة وابتسمت:اتعشيت؟
جمال:موراضي الاكل يمرق بدونك
ديمة:هههههه هياعاد تاكل قرش لوجعت
جمال:يادبة
ديمة:ههههههههههه
جمال بلهجة جدية:ديمة
راحت الضحكة عن ديمة:نعم
جمال:خليل قالي عن كل شي
طالعت فيه ديمة بتساؤل
جمال :ديمة خليل حصل الاوراق الشركات والبيوت وكل شي رجعلنا
ابتسمت ديمة وبفرحة:مايحتاج تسافر يعني حتتزوج شوق واعيش معاكم
ابتسم جمال:لا يا حبيبتي....... حتعيشي مع حبيبك وزوجك خليل
راحت الابتسامة عن وجهها الفاتن وهمست:بس
جمال:خليني اشرحلك الوضع خليل دور على الاوراق بس مالقاها عشان كدا حاول يجرحك عشان تنسيه وتعيشي حياتك لكن اول مالقى الاوراق جابها وجا وخطبك
ديمة:انت وماما سهام موافقين
جمال:اذا انتي موافقة
ابتسمت ديمة
جمال:الف مبروك يا حبيبتي زواجك وزواج سمية وشوق وندى اتكفلت فيه العمة باكبر قصر في امريكا بعد اسبوع
وقام
ديمة بدهشة:اسبوع ايش الحق اسوي؟
جمال ابتسم قبل مايطلع:ولاشي بس الفستان والباقي لمن نرجع السعودية ولا تحاولي تاخريه حاقتلك مشتاق لحبيبتي
ديمة ضحكت وبصوت عالي:من قدك ياشوووووووووووقه
*****************************
نهار الزواج الرباعي
حطت الكوفيره لديمة اخر المسات وهي تدير كرسيها للمراية:مارايك
ابتسمت ديمة وهي تشوف شكلها في المراية :شكرا لكي
طالعت في ندى الي لسه الكوفيره تعدلها شعرها وقالت:ندى
ندى بدون ماتطالعها:هاه
ديمة بابتسامة صغيرة:الانثى غبية لمن تحب
************************
تزوجوا خليل وديمة
وندى وفارس الي ربط بينهم الحب القوي
وسمية وحمود كناري الحب
وجمال وشوق وصار جمال غني جدا
والاعجب بعد فترة قصيرة جدا تزوجوا
محمد الي ضل مع ديمة الصديق الوفي والحبيب الخفي وهديل الي حبت زوجها بجنون
منى ومعاذ الي لسه في الليل يروح تفكيرها لخليل اما هوا فتفكيره دايما في ديمة
ريم وعبود الي عاشقها بجنون وهي لسه لسانها طويل
وفيصل وسهام الي عانوا وآن اوان راحتهم
خالد وزيزي لسه مرجوجين ويتهاوشوا كتير
***************************
تمــــــــــــــت ,,,, ولكن
ان ظننتم ان هذه هي النهاية فأنتم جد مخطئين
تابعوني مستقبلاً في الجزء التاني من ( وجهك مو بوجه نعمة في أحد يمتلك القمر و يدعي ربه يرزقه تراب )
بقلمي: القمر كله .....~
اللهم لك الحمد حتى ترضى وإذا رضيت وبعد الرضى ,,, اضف تعليقك