رواية صرخات هادئة -7
تركي:وليه غيوض بالذات
راشد:يعني تحب
تركي بداخله(ااااه ياراشد لو تدري وش كثر احبها)
تركي:ماجاوبت ليه قلت غيوض ؟ليه موغيرها؟
راشد ابتسم:أذا أنذكر اسم غيوض ماأدري أحس نظرة عيونك تتغير تحس فيها بريق مع أنك تحاول ماتبين بس اشوفها فيك مثل سلطان الله يرحمه
&&&&&&&&&&&&
عند البنات
شموخ وحنان كل وحده ركبت خيل
شموخ:ياللا يابنات تعالوا نتسابق
غيوض بصوت واطي:غرور ماراح تركبين
غرور:لا
غيوض:لمتى بتستمرين على كذا
غرور بضيق:وأنت متى بتقفلين على هذا الموضوع قلت لك ماراح اركب الخيل ابداً ماتعبتي من نفس السالفه
غيوض:الا تعبت
غرور:خلاص اجل اسكتي
جنا:هااااااااااااي ياحلوات
حنان:ياللاااااااااااا اسرعوا
غيوض:جايه جنا بتتسابقين معنا
جنا:وغرور؟
غرور:لا أنا بركب دباب
جنا:اوكيه أنا بركب دباب مع غرور
غرور:خلينا نروح الجهه الغربيه
جنا:ليه؟
غرور:هناك حلو وفاضي ماأحد يجيه
جنا:بس يمكن فيه شباب
غرور:الشباب مايروحون هناك وبعدين كلهم نايمين
جنا:اوكيه ياللا نتسابق بالدباب
&&&&&&&&&&&&&
راشد يتذكر
قبل سنتين
راشد:أنت تحبها
سلطان تفاجاء انه مكشوف:وشلون عرفت؟!!!!!!!!!
راشد: واضح عليك يعني تبتسم اذا سمعت اسمها وتلمع عيونك من الفرح
سلطان بخوف:لهدرجه انا مكشوف
راشد:ههههههه لا تخاف مو كاشفك غيري انا
سلطان:احبها ياراشد احبها
سلطان:تعرف راشد احسها هي كل شئ حياتي من دونها ولا شئ
راشد:اف لهدرجه الحب
سلطان:وأكثر أنت ماجربته له طعم غيرحلو
راشد:يمكن أنت أدرى
سلطان:راشد أذا رفضتني احس نفسي بموت
*
رجع راشد للواقع على صوت تركي
تركي: راشد أنت ماتسمع
راشد وتغير مزاجه:سوري وش كنت تقول
تركي:وين رحت
راشد:موجود هنا
تركي:ايه واضح المهم انا رايح مواعد واحد من الربع توصي شئ
راشد:لا مشكور
وراح يركض بالخيل
&&&&&&&&&&&&
راحوا جنا وغرور للجهه الغربيه من المزرعه وصاروا يتسابقون
غرور سبقت جنا
غرور وهي تلتفت لوراء:ههااااااااي سبقتك
جنا بصراخ:غرووووووور أنتبهي
غرور ناظرت لقدام شافت خيل قدامها لفت بسرعه والي كان راكب بالخيل أبتعد
غرور وقفت وغمضت عينها
راشد الي كان راكب بالخيل قرب من عندها
راشد بعصبيه:في أحد يسوق الدباب كذا
جنا:غرور صار لك شئ
غرور فتحت عينها وناظرت راشد وجنا وهي مومصدقه أنها سليمه
راشد ينتظر جوابها
راشد بهدوء ينرفز:سألتك في أحد يسوق الدباب بهالسرعه
جنا خافت على غرور:راشد مو وقتـ...........
راشد يناظر جنا يعني أسكتي
غرور بقوة:أنا
راشد:ايه لأنك مجنونه وقرب منها
غرور وتناظر الخيل :أنت الي مجنـ ..
راشد يناظرها:كملي وش فيك سكتي
غرور بخوف:أبعد عني
راشد مستغرب:نعم؟!!!!!!
غرور تأشر للخيل
راشد ما فهم عليها وألتفت لوراء ماشاف أحد
راشد قرب أكثر وأبتسم بسخريه:وش فيك قلبتي بكمه؟!!!!!!!!!
غرور تبي تقوم بس راس الخيل لمسها
غرور بعدت وطاحت على الأرض:ااااه
راشد ابتسم
غرور ركبت دبابها ومشت بسرعه والدموع بعينها
جنا:غرور وقفي ..راشد أحرجتها
راشد بصدمه:وش سويت
جنا:يعني لازم تبتسم يوم طاحت
راشد:وليه أنا الي طيحتها ماتشوفينها اليوم هي موطبيعيه بس تأشر بخوف كأنها شافت عفريت
جنا:خلني أروح أشوفها
في الأسطبل
شموخ :هههههههههه وناسه فزت عليكم
غيوض وهي تجلس: عادي أنا خليتك تفوزين لأني رحمتك
شموخ تتخصر:لا والله عذر أقبح من ذنب
حنان:قدرتوا تسبقوني لأن رجلي تعورني
غيوض:صار لك اسبوع وأكثر من فكيتي الجبس يعني لاتطلعين أعذار
حنان:وين أكثر بس أسبوع
شموخ:وأسبوع تكفي
دخلت غرور ووراها جنا
جنا:غرور وقفي
حنان: وش فيكم
غرور:مافي شئ بس كنا نتسابق
جنا فهمت وسكتت
جنا بهمس:غرور لا تزعلين من راشد بس هو ..
غرور تقاطعها:ولا همني الموضوع اساساً راشد مايهمني
رن جوال حنان
حنان بفرح:هذا فهد
وكانت بتقوم بس غيوض جلستها
غيوض:اقعدي خلينا نسمع
شموخ:وش تبين تسمعين خليها تكلم براحتها
غيوض وهي ماسكه حنان:خلينا نبي نعيش الحب شوي
حنان بعجله:طيب خليني ارد بس ولا كلمه
غيوض:طيب حطي على سبيكر
حنان:تحلمين
حنان:الو
غيوض قربت اذنها من الجوال علشان تسمع
فهد:هلا بروحي كيفك
حنان:تمام أنت كيفك
فهد:وش فيك مارديتي بسرعه
حنان تصرف:كان الجوال بعيد عني
فهد برومانسيه:اشتقت لك
حنان:ههههههه
غيوض تهز بايدها:ياسلام على الحب
حنان تبعدها:لحظه شوي فهد..وتكلم غيوض:وجع ابعدي
غيوض:بسمع
فهد:الوووووووووووو وين رحتي ياحياتي
حنان وهي تناظر غيوض بتهديد:معك وش كنت تقول
فهد:اشتقت لك
حنان بحيا:وانا بعد
فهد:هههههههههه ياحبي للي تستحي
حنان :فــــــــــــهد
فهد:ياعيون فهد وروحه وعمره
حنان:وبعدين ترى اقفل
فهد:هههههههههه لالا لاتقفلين بطلب منك طلب
&&&&&&&&&&&&&
في أحد المقاهي
ايمن يقوم:اهلين
تركي وهو يقعد:هلا فيك
ايمن:ليه تأخرت ساعه علشان تجي
تركي:تعرف الطريق من المزرعه الى هنا بعيد وبصراحه كان عندي شغل خلصته وجيت
ايمن:شغل؟! مو أنت عندك أجازه ..
ايمن وشاف الضربه الي على خد تركي: مين سوى فيك كذا؟
تركي ويحط أيده على خده:مو هذا كان الشغل
ايمن بأستفهام:مافهمت ؟؟؟؟؟؟؟؟؟؟
تركي:أنا أفهمك
&&&&&&&&&&
في الأسطبل
حنان بعفويه:آمر ياحياتي
فهد:عيدي وش قلتي ؟
حنان:قلت آمر
فهد:لا الي بعدها
حنان تذكرت انها قالت حياتي سكتت
فهد بترجي:اماااااااانه ياحنان قوليها
غيوض تضربها وبهمس:قوليها ياغبيه سالفه هي حرام عليك تعذبين الرجال
شموخ بداخلها(لو تدرين وش كثر أنت معذبه تركي ياغيوض)
حنان بتردد وبحيا: قلت حياتي
فهد بفرح:أنت حياتي والله اليوم احلى يوم
حنان سكتت
فهد بسرعه: أبي أشوفك
حنان بصدمه:نعم ؟؟؟؟؟؟؟!!!!!!!!!!
فهد:ابي اشوفك
حنان بخوف:ماأقدر
فهد:ليه ماتقدرين ؟
حنان:لأن لو درى خالد بيذبحني
فهد:وليه يذبحك احنا مملكين
حنان:عارفه بس امس أنت شفتني
فهد:وأذا؟ اشتقت لك وعادي لو أشوفك اليوم بعد
حنان:بس خالد قالك مو كل يوم وهو شرط عليك هذا الشئ
فهد:خالد وش عرفه بالحب بعدين مو لازم تقولين لخالد
حنان بأستفهام:اجل شلون بتشوفني؟؟
فهد بتردد:بالسر
حنان بصدمه:بالسر ؟!!!!!
فهد:ايه بالسر
حنان:ماأقدر أخاف
فهد:حنون حياتي والله خمس دقايق اشتقت لك امس بس أحلم فيك
غيوض بهمس:قولي أوكيه
حنان بتردد:ماأدري بشوف
فهد:اوكيه حاولي
حنان:اوكيه باي
فهد:باي ياعمري
&&&&&&&&&&&&
عند الحريم
ام خالد:وينهم البنات
خلود:ماأدري يمكن راحوا الأسطبل
ام راشد:دقوا عليهم خلهم يجون يتغدون
خلود:اوكيه ودقت على غرور:غرور ماترد
ام تركي:يمكن ماأخذت جوالها
ام خالد:خليني أدق على حنان أعرفها ماتترك جوالها علشان تكلم فهد
ام فهد:هههههه الله يسعدهم
ام خالد: عجيبه ماترد
ام سعود:خلود دقي على غيوض
خلود دقت على غيوض:الو غيوض أنتم وين ؟!
غيوض ردت من غير نفس:أحنا قاعدين في الأسطبل وش تبون؟
خلود:نبيكم تجون تتغدون
غيوض بعجله:مانبي شئ بعدين نتغداء
خلود:بعدين مافي غداء
غيوض:عادي بنطلب من المطعم
خلود تكلم ام سعود:تقول مايبون شئ بعدين بيطلبون من المطعم
ام سعود :عطيني اكلمها, الو غيوض تعالوا كلوا مافي مطعم يوصلكم لهنا
غيوض: ماما خلاص بناكل أي شئ بس الحين مانبي غداء
ام خالد:كيفكم مع سلامه
غيوض:مع السلامه
غيوض:اف هذه امي الا نجي نتغداء
جنا:عاد أنا جوعانه
غيوض:امي تقول مافي غداء ومافي تطلبون من المطعم
جنا:وش ناكل
غرور:أي شئ
جنا:وش أي شئ أنا جوعانه
شموخ:ناكل خبز,جبن أي شئ موجود
جنا شوي تصيح:هذا مايشبعني أنا جوعانه مررررررررره
حنان بملل:أنت ماتصبرين هذا وقت أكلك بعدين بنطلب من السواق يجيب لنا أكل من المطعم
شموخ:وشلون يالفالحه السواق مايسمع كلامنا
غرور:أنا بتصرف ماعليكم بس الحين خلونا نفكر شلون حنان تشوف فهد
نهاية البارت السادس
توقعاتكم
دعواتكم
وابي أعرف مين حابين من الشخصيات؟
وقبل الخروج
سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ
هااااااااااااااااااااااااااااااااااااااااااااااااا ااااااااااااااااي
الباااااااااااااااااااااااااااااااااااااااااااارت وصل
بعدوا عن طريقه ههههههههههههههههههههههههههههه
قراءه ممتعه
البارت السابع
ايمن:وأنت وش سويت
تركي ويشرب عصير:أنا بلغت عنهم ووصيت واحد من الربع يدور لي عليهم
ايمن:وأذا لقيتهم وش بتسوي فيهم؟!
تركي يمسك الكاس بكل قوة ومن بين أسنانه:اه لو يطيحون بيدي لأقطعهم قطعه قطعه
ايمن:والله أنك تخوف الله يعين الي يطيح بيدك
تركي:تعرف يوم شفته مسك وحده من البنات أنجنيت وأنجنيت أكثر يوم عرفت أنها غيوض
ايمن:لا اجل من جد الله يعينهم
تركي:مو بس علشان غيوض لا كمان البنات هم مثل اخواتي
ايمن:على طاري حبيبة القلب متى بتخطبها
تركي تنهد:اااه ياايمن مادري
ايمن:شلون ماتدري؟!
تركي:ابي اتأكد انها تحبني
ايمن:طيب يمكن تحبك
تركي:لا احسها تحب خالد عندها عادي تتكلم مع خالد وتضحك اما أنا لا
ايمن:طيب أنت أخطبها وجرب حظك
تركي:لالالا أخاف ترفضني
ايمن:طيب أذا رفضتك وش بتسوي
تركي:ماأدري احس أني بتحطم ويمكن اترك الرياض الا المملكه كلها
ايمن:وليه تترك المملكه دور غيرها
تركي:اقول لك احبها تقولي دور غيرها أساساً أنت وش عرفك بالحب
ايمن بتنهيده: تدري حتى أنا طحت وماأحد سمى علي
تركي بعدم تصديق:تحب؟!!!!!!!!! قول والله
ايمن:والله ..
تركي:مين من جماعتكم؟
ايمن:لا .. تعرف ياتركي البنت قوية شخصيه تعجبني بس ماأدري عنها أي شئ
&&&&&&&&&&
في الأسطبل
حنان:ياللا قولوا وش نسوي
جنا:أنا أقول دقي عليه وقولي ماتقدرين
شموخ:أنا معها
غرور:لا لاتستعجل
حنان:وأنت غيوض
غيوض:أنا محتاره
حنان:محتاره وأنت الي قلتي وافقي
غرور:حنان أنت تبين تشوفينه
حنان بسرعه:أكييييييييييد
غرور:اوكيه عندي حل
حنان بفرح:وش هو؟
غرور:دقي عليه وخليه يقابلك هنا, أنا وجنا بنكون وراء نراقب وغيوض وشموخ
يراقبون حولينا ويكون بينا تلفون
غيوض:أوكيه توكلنا على الله
&&&&&&&&&&
عند الرجال
ابو تركي:راشد وين تركي
راشد:قال لي بيروح عند واحد من أصدقاءه
سعود:ماراح يتغداء هنا
راشد:ماأدري بس ماأتوقع
ابو تركي:حطوا الغداء ياسعود أكيد بيتغدا بره
بعد ربع ساعه الكل قاعد على الغداء
راشد بصوت واطي لخالد:خالد وش فيك
خالد:مافي شئ
راشد:ليه عافس وجهك ومكشر
خالد:ماأدري يمكن علشان مانمت عدل
راشد:وأذا مانمت يصير شكلك كذا
خالد من غير نفس:راشد ماني برايق
راشد:الى الأن معصب من الي صار أمس
خالد:راشد ماني حاب أتكلم بالموضوع
راشد:اوكيه على راحتك
رن جوال فهد فتحها وقراء الرساله وكان من حنان
تعال في الأسطبل
قراها بفرح ومسحها وقام بسرعه
ابو فهد:وش فيك
فهد:مافي شئ بس شبعت
سعود:بس ماأكلت شئ
فهد:الا والله كثر الله خيركم
*
دخل تركي وايمن:سلام عليكم
الكل:وعليكم السلام
ايمن:خليكم كملوا أكلكم
سعود:حياكم تفضلوا
ايمن:لا مشكور
تركي:أحنا تغدينا
رن جوال راشد معلنه وصول رساله
فتح راشد الرساله شافها من رقم غريب
تعال.. كثر ماتمنيتك
تعال.. بكثر ماحلمت بلمسة يديك
تعال..بكثر ماسهرني شوقي لعيونك
تعال..بكثر ماسألني قلبي عنك ومالقيتك
تعال..بكثر ماقلبي حبك ومارضى يجفاك
تعال.. بكثر مانتظرتك ومامليت الأنتظار
تعال..بكثر ماأحبك
تعال..بكثر ماقلت ابيك والله ابيك
تعال..بكثر مادام فيني الروح ونبض يقولك تعال
راشد قراء الرساله اكثر من مره وكان مستغرب الرقم
خالد قام:عن أذنكم
&&&&&&&&&&&
عند البنات
غيوض دقت على غرور:الو غرور فهد جاء عندكم
غرور:أوكيه باي
غرور:فهد جاء ياللا جنا خلينا نطلع وأنت حنان خليك هنا
حنان بخوف:أنا خايفه
غرور بنفاذ صبر:خايفه من وش؟ قلنا لك احنا بنراقب ..ياللا جنا
طلعت غرور وجنا وراحوا وراء الاسطبل يشوفون من فتحه صغيره الي يصير
دخل فهد وبأبتسامه شاقه الحلق:هلاااااااااااااااا بروحي
حنان بحيا:هلا فيك
فهد يمسك يدها:تعرفين أنك حلوه
حنان نزلت راسها وأكتفت بأبتسامه
فهد:حنان أنا أحبك
حنان:.........
فهد:وش فيك ساكته مافي وأنا بعد
حنان:...........
فهد بجديه:حنان أنت ماتحبيني
حنان رفعت راسها بسرعه:الا احبك
فهد:ههههههههههههههههههه أخيراً سمعتها منك
حنان:فهـــــــــــــــد
فهد:ياعيونه وروحه
فهد قرب وباس حنان على خدها
حنان انصدمت وفتحت عيونها على الأخير
فهد ضحك من شكلها المصدوم:هههههههههههههههههههههههههههههه
وش فيك انصدمتي عادي احنا متزوجين
حنان ابتعدت بس فهد مسكها وسحبها لصدره
حنان بصوت مبحوح من الخوف:فهد أبعد
فهد:ليه؟
حنان:فهد اذا كنت تحبني أبعد
فهد:بس أنا أحبك
حنان وهي تبكي:فهد أذا مابتعدت وتركتني والله يكون اخر يوم تشوفني فيه
فهد تركها:لا خلاص أنا أسف
حنان تبكي
فهد:حنان والله أنا أسف ماكنت أدري أنك بتزعلين
حنان:.............
فهد:حنوووووووووووووون خلاص حياتي
حنان:طيب بس لاتعيدها أنا ماتعودت عليك
*
*
عند جنا وغرور
غرور منسجمه بالي يصير
جنا بخوف وبصوت يرجف:غرور شوفي
غرور:ها خليني أشوف وش يسون
جنا:غرور جاء ياويلنا
غرور تناظر وين ماتأشر جنا:مين وشهقت بصوت عالي
رن جوال غرور:الوووو
غيوض بسرعه:غرور بسرعه الحقي خالد في الطريق
غرور بصراخ:عارفه بدري وين كنتم من أول
غيوض:كنا نصرف خلود وماشفنا خالد
غرور بعجله:طيب خلاص خليني اتصرف
&&&&&&&&&&&
عند غيوض وشموخ
شموخ بخوف:ياويلنا من غرور والله لاتتوطى في بطننا
غيوض:والله أنك صادقه بس وش نسوي قعدنا نصرف خلود
شموخ:أساساً أحنا وش بعدنا عن الأسطبل
غيوض:علشان نراقب جميع الأطراف
شموخ:تتوقعين خالد شافهم
غيوض بتوتر:ماأدري
شموخ بنفس التوتر:يالله لو شافهم يمكن يذبحهم
غيوض:لا مو لهدرجه خالد طيب وفرفوش
شموخ:عارفين أنه طيب بس هو حذرهم
غيوض:خلينا ننتظر النتايج
شموخ:الله يستر
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك