بداية

رواية واللي جمعنا والتقينا وكنت لك واللي فطر قلبي بحبي لك -8

رواية واللي جمعنا والتقينا وكنت لك واللي فطر قلبي بحبي لك - غرام

رواية واللي جمعنا والتقينا وكنت لك واللي فطر قلبي بحبي لك -8

شووق خلاااص انا بسكر تعبانه بااي
وسكرت التلفون في وجهه وطرش لها فهد مسج راح تندمين على الحركه هذي
وهي طرشتله مسج من باعني بعته واعلى مافي خليلك اركبه
رمى تلفونه على الطاوله وم عصب كله من بنت بليس الله ياخذها كان يدورها بنظرات جارحه وده يشوفها عشان
يطلع القهر والغل اللي فيه لفت انتباهه الورد وهي واقفه قبال محل الفساتين وجنبها شاب يتحرش فيها
الورد لو سمحت ابعد انت ماعندك خوات
خواتي مايطلعون مكشوفات الوجه مسك ايدها اخذي رقمي وتصلي علي
دزة ايده الورد وتكلمت بنبره حاده والله لو مارحت عني لرمي اللي في رجلي وضربك فيه
جاهم فهد مثل الثور الهايج مسك الولد من غولته انت شتبي فيها
انا مابيها هي اللي جايه تحرش فيني
الورد انا خاف ربك والله كذاب يافهد
انتي الكذابه وعيب عليك تتهميني بالباطل
الورد فهد والله كذاب انا واقفه لحالي
خزها فهد خزه ارعبت كل مافيها ودز الولد على جدار المحل ومسك الورد من ايدها وسحبها اللي السياره
سحبها وكانه يسحب طفل او خروف كان ضاغط على ايدها وهي تالم
كلمته وهي تبكي خف على ايدي يافهد والله كذاااب
فهد وفيه غيض الدنيا انتي الكذابه والفاجره انتي لو صادقه كان تركتيه ماوقفتي تكلمينه
الورد كنت ابي ابعده عني انا مو طبعي كذا انا شريفه والله ماخنت ثقة اهلي فيني
فهد بلا الكلام الزايد ودزها داخل السياره وقفل عليها الباب وقف عند السياره يفكر في الموقف اللي صار
جدامه يصدقها ولا يصدق عيونه
اما اهي فغطت وحها ابادينها وهي تبكي على حظها الكل متهمها في شرفها وهي شريفه ماخانت نفسها


راحت موضي مع عبير وبنتها لبيت عبير عشان تاخذ اغرضها
موضي ابي منك طلب عبير
عبير قولي اللي عندك
موضي اذا دخلتي بيتك انسي انه بيتك واخذي اغراضك ولا تحتكي فيه
عبير ان شاء الله ياموضي بس انا ماقدر اكتم اعصابي
موضي انا علمتك
وصلو البيت كانت انفاس عبير كل مالها ترتفع اي ترتفع صعب عليها تنسى انها كانت صاحبة هذا البيت
صعب انها تنسى انه كل ركن في البيت كان من تصميمها واول مادخلت البيت شافته اي شافته
تمنت انها ماشافته
نايف واخيرن جيتي وشلتي خلاقينج
عبير -------------------------------
موضي نايف حنا جاين ناخذ اقرضنا واللي بينك وبينها انتهى
نايف جايبتك مدافع لها لي السانه اكلته القطوه
تكلمت وهي تتصنع البرود لا ماكلته القطوه بس مابي انزل نفسي لزباله مثلك
نايف انا زباله يالعقيم انا زباله يالي تغترين بجمالك وانتي ولا شي
عبير هههه انا ولا شي الله يهنيك بسعيدة الحظ اللي تترسلك البيت كله اولاد
نايف والله اللي باخذها تسواااك وتسوى اهلك
موضي احشم حالك حنا جاين ناخذ اقرضنا واللي بنا نتها
صعدت فوق ودخلت غرفة نومها بكت وناحت ااااااااه ياموضي بخلي بيتي اااااااه ياموضي كل شي ضاع
موضي عبير ارميه هذا نصيبكم مع بعض وقف هنيه عيشي حياتك مثل مااخذ غيرك اخذي غيره
عبير لا تضحكين علي من يبي ياخذ وحده عاقر انا عاقر تعرفين شنو عاااااااااااااااااااااقر
ضمتها موضي على صدرها بس ياعبير بس اخذي اغراضك واطلعي
اما جزل وريم ماكنو اقل من امهم كانو يلمون اغراضهم ويبكون
ريم ليش بابا طلق شنو سوينا عشان مايبينا
جزل ماادري ياريم والله انا محتاره شلي صاير بينهم
ريم ماما كاسره خاطري والله تحب بابا
جزل ريم بلى كلام فاضي يلا شيلي اغراضك خلينا نطلع انا بنزل تحت خلصت كل اغراضي


كان جالس بالصاله فرحان بالي حصل لا كن شي في قلبه حزين لانه ترك عشرة عمر جميله وترك بناته
دخلت عليه البيت وهي فرحانه
ساره نيووووفي هلوو قلبوووو
نايف قام مفزوز انتي ليه جايه اطلعي بسرعه
ساره ليه اطلع نايف
نايف عبير هنيه اطلعي بسرعه
ساره هااااااا خلاص طالعه باي
جزل ليييه تبي تطلعين خلي اختك تشوف خيانتك لها خليها تشوف زوجها المصون يخونها مع اختها
نايف والله ياجزل ان جاخبر لامك لافصل راسك عن جسدك
جزل ماني غبيه اقول لامي عشان تموت بحسرته وخل اللقيطه تنفعك
ساره اكلي تبن احترميني انا خالتك
جزل انسى انك خالتي انا ماعندي الا خاله وحده من صلب جدي مو من الشارع
جها كف من ابوها ان ماسكتي لادفنك هنيه
جزل خل تنفعك عجوز النار مو الطيور على اشكلها تقع
صعدت فوق لغرفتها وهي تبكي بحسره
ريم شفيك ياجزل ليه تبكين
جزل مافيني شي ويلا خلصي خلينا نطلع من البيت مابي اجلس فيه
ريم زيييين والله مدري شقلب حالنا
نادة عبير بنتها يلا خلنا نزجع للبيت اللي ماعجز عنا وحنا صغار يعجز علينا وحنا كبار
طلعو من البيت متجهين لبيت امهم كانت تكتم اللي في قلبها هي اخر نظره تشوفه فيها خلاص ابي امحيك باي طريقه


صعدت سيارتها وعلى طول ارجعت بيتها ماتبي تبين انها خاينه لاختها دخلت البيت
ساره عجوز النار انتي للي الحين ماقلتي لبناتج ان البيت باسمي واني بامكاني اطلعكم بره البيت
ام موضي هذا جزاتي يوم ربيتك وعتبرتك مثل بنتي وكتبت البيت باسمك
ساره لا تكذبين انا ماني بنج والبيت من حقي اييييييييه حقي وبامكاني اطلعكم بس انا مقعدتكم صدقه لي
ام موضي صار صدقه الله يسامحك ماكنت اتوقعك بهالقسوه
ساره المهم قولي لبناتك يلتزمو حدوهم لا اطردهم من بيتي
عبير تطردين منو انتي منو عشان تطردينا
ساره انا منووووو انا ساره ياحبيبتي
جزل ساره منو تكلمي عرفي باسم ابوووك
ساره مايحتاج اقوله انتو تعرفونه
جزل غلطانه انتي ماعندك اصل وان جان تبي تحكمين فينا نطلع بكرمتنا ولا قعده عند فاجره
جت ساره وضربت جزل كف على وجهها وقالت انا ماني فاجره
دزت جزل ساره وقالت رااااح تندمين على الكف يالخاينه وصعدت جزل لغرفتها وقفها صوت ساره
ساره اقول يابنت امج ان ماسكتي لخلي العصى تلعب على ظهرك


كانت ام نوره جالسه عند ام سليم تشكيلها الحال وتبي منها مساعده
ام نوره تكفين ياام سليم انا جايتك لا ترديتي
ام سليم امري ياام نوره والله لو اني بفدر ماردج
ام نوره ابي منج كو ريال لزوم السفر وابيج تساعديني ابي ابيع عفشي
ام سليم لزوم السفر ليه وين تبي تسافرين
ام نوره00نبغا نروح الرياض عند عم البنات
ام سليم بعد هالعمر تذكرونهم وينكم عنهم من زمان
ام نوره والله ان ماحدنا عليه الا ابو هابس لو بيدي مترك بيتي وهلي
ام سليم وابو هابس هذا مايخلص لا يتزوج وحده من بناتك
ام نوره اي والله يختج ذبحني على هالبنات ومعطينا مهله سبوع
ام سليم شوفي ان شاء الله مايصير لا كل خير وانا ابي اكلم ابو سليم وابي اشوف سليم يوصلكم لي بيت عمكم
ام نوره الله يخليلج عيالج وبهوم وبري يبي جازيج على وقفتج مع اليتامى من رخصتج ابي ارجع البيت
ام سليم الله معاج وتفرج ان شاء الله


طلعت من بيت جارتها ام سليم اللي تعتبرها اختها وهي طالعه جان تجيها حرمه
ام هابس اقول يام نوره عويظ الله منج ومن بناتج
ام نوره لييه يم هابس وش سوينا
ام هابس تبي تاخذن رجلي وعيني تشوف صدق ماتستحون
ام نوره احترمي نفسك ولا تكلمنا احنا كلمي رجلك الشايب كل يوم طاقن علينا
ام هابس اطلعي من بيتنا وفكينا انتي وبناتج من شركم
ام نوره ابشرك نبي نطلع ونرتاح منكم تركتها ام نوره وخلتها وهي تحسي عليها وعلى رجلها

ووصلت بيتها وسلمت على بناتها

------

كان واقف عند سيارته وهو معصب ويدخن بشراسه ان ماربيتها ماكون فهد ولف عليها يكلمها

فهد ان ماربيتج ان ماخليتج تمشين وتكلمين نفسك ماكون فهد وعتبري نفسك من اليوم انك زوجتي
بطلت عيونها وهي تطالعه زوجتك لا مابي مابي اتزوج انت لا

فهد مو بكيفج وابوي مكلم ابوي والله لخلي عيشتك سوده

الورد لا تظلمني انا ماسويت شي انا بريئه بدال لا تكلمني كلم حبيبت عمرك

فهد شوق اشرف منك ماخذت ارقام ولا كلمت رجال
الورد يعني انت مو رجال يعني تكلم حرمه زيها
بطل باب السياره وغرس ايدينه في خدها الحرمه ابوك واهلك وان ماعلمتك كيف الرجوله ماكون ولد هادي
طلع من السياره ودق على شيخه
فهد اقووووووول ماخلصتو تعالي شوفى البلوه
شيخه وش فيك يافهد وشفيها الورد الله ياخذها
فهد تعالي انتي وجيبي البنات وقولج كل شي
جت شيخه تركض مع البنات
شيخه شفيك يافهد وش صاير خرعتني وشفي هذي تبكي
فهد هذي هذي كلها سواد وجه شفتها تكلم واحد بعد هي اللي متحرشه فيه
شيخه جتها تهاوشها انتي ماتستحين شغلك عندي
صرخ فهد عالي البنات ويلا انتو اصعدو وحرو السياره رمت شيخه نعالها وقامت تضرب الورد فيها وتقول
شيخه ان ماربيتك يالفاجر وهي تضربها
الورد وهي توجع من الضرب والله ماسويت شي هو اللي متحرش والله يكذب عليك يافهد

فهد جااااااااااااااااااااااااااااااااب انا اعلمج السنع

اما ناديه وهديل كانو في حالة رعب لو شايفهم فهد شكان سوى فيهم

فهد شيخه ان شفت وحده من البنات معها مايلومون لا انفسهم
شيحه ان شاء الله بس خلني اوصل البت ابرد جبدك فيها
وصلو البيت انزلو كلهم كانت الورد تبكي وكاتمه بكيتها بدون صوت اول مادخلو البيت مسك الورد من جتوفها
ودزها على الارض وطاح فيها طق بالعقال هي تصارخ وتستنجد بس محد ساعدها
الورد تكفون خلوه يخليني ماسويت شي انا ااااي خلوني
طلع عبيد مصدوم بس ماهزه بكي بنته وش فيها يافهد
فهد فيها سواد وجه ملعونة الخير وقاله عن السالفه
عبيد هذي اخر تربيتي يابنت ساره صار يرفسها على بطنها ويدوس علي وجهها
الورد ظلمتوني الله لا يسامحكم
جرها فهد مثل الخروف ودخلها غرفتها وسكر عليها الباب ودخل عند جدته داخل
فهد شفتي الموضوع اللي كلمتيني فيه انا موافق وابيه باقرب وقت وبدون طقطقه ولا تعلمين فيه لا بحزة الحفله مابي احد يعرف غيرج وغير امي وابوي وعمي عبيد
الجدهـ عساه امباركعجل يوم الاثنين مع حفلة عمك
فهد خلاص من بكرا تشتريلها شيخه والبنات فستان الفرح وياليت مايكون ابيض يكون اسود احسن
الجدهـ اللي تبيه يصير ومالك شغل في حاجتها كله علي
طلع فهد من البيت وهو مشتت الافكار هل اللي سواه صح ولا انه بلحظة غضب قال هالكلام بس انا لا زم اذلها
اما الجده راحت عند الورد وكملة عليها انتي شمسويه يامسودة الوجه مافيج حيا وخذة عصات المخمه وظربتها وهذي حالة الورد من طلعت لي المجمع ورجعت
راح مكتبه وهو متنرفز كان رفيجه وكاتم اسراره موجود
فهد السلام عليكم
تركي وعليكم السلام خير فيك شي
فهد انا وين يجيني الخير وبنت الكلب عندنا
تركي شصاير يافهد
فهد ماصار شي بس يوم الاثنين بيصير
تركي شيبي يصير يافهد تعوذ من بليس
فهد ان يوم الاثنين بتزوجها وربيها على ايدي
تركي مصدوووم تزوجها وبنت خالتك وين بتكون
فهد بنت خالتي لها الحشيمه والكرامه هي تاج راسها
تركي انت مدخل نفسك في ورطه بس الله يهديك
فهد لا ورطه ولا شي المهم محد يدري غير امي وابوي خواني لا تجيب لهم طاري
تركي ان شاء الله

جزل ونعم فيني بنت امي بس انتي ماينعرف منو امج وابوج
صعدت لها ساره هوي ثايره يعني تعايريني والله ماهميتيني انتي ومامج
جزل ههههههههههه لونه ماهميناج ليه تغارين من امي
ساره تخسين اغار من هالعاقر
كلمتها عبير انا عاقر بس ماقطيت عيالي اشوفج انتي خليتي بنتج عندج
ساره بنتي مالكم شغل فيها هي ابر منكم
موضي وابرك منج مانكرت اللي ربها
ساره محد رباني انا تربيت نفسي
ام موضي هذي جزاتي ياساره صج العوج يظل عوج
ساره اقول انتي ياعجوز النار اكرمينا بسكوتج تراني محترمتج لا تخليني اطردكم
عبير تخسين لا انتي ولا عشره مثلج وبيتج هذا اشبعي فيه نطلع بكرامتنا
ساره اقول انتي يم كرامه انتي لو عندج رامه مادقيتي على نايف وترجيتيه يرجعج
جزل مشكلتج ياخالتي انتي وابوي نفس الطينه يعني انتو تصلحون لبعض
موضي جزل شهل الكلام
جزل هذا اللي صج ياخاله والله يعين على اللي جاي
صعدت جزل غرفتها فيضة كل مافيها وصلت في ابيوي يسخون امي مع اختها انا في حلم ولا علم
-----
دقت الجدهـ علي ابو فهد تبي تقوله عن فهد والورد
الجدهـ قوه ابو فهد شلونك
ابوفهد هلا هلا يالغاليه شلونج
الجدهـ بخير يمال الخير والله اني اليوم فرحانه يمك
ابو فهد عسى دووووم يمه شنو اللي مفرحج فرحيني معاج
الجدهـ شبشرك فهد يبي يعرس
ابوفهد الله يبشرك بالخير وعساه امبارك من يبي ياخذ
الجدهـ يبي ياخذالورد بنت اخوووك
ابوفهد بنت عبيد وليه يبي ياخذها ومن سمحله ياخذها انا مابيها
الجدهـ وليه شفيها بنت اخوك مهي مشرفتك
ابوفهد يمه لا تضحكين علي وعلى نفسك انا الورد مابيها لو لدي
الجدهـ اول شي مهو بيفك انا اللي احدد من ياخذ وبعدين ولدك يبها
ابو فهد اولدي يبي شوق بنت خالته
الجدهـ كلمتي ماثنيها عرس فهد يوم الاثنين مع عزيمت اخوك ترى محد يدري نبي نسويها مفاجئه


سكر من امه التلفون وتصلع على فهد
ابو فهد صج اللي سمعته
فهد اي صج ويوم الاثنين عرسي
ابو فهد انت ماتستحي على وجهك ماتقول عندي ابو استشيره
فهد محشوم يايبا بس والله جاني هاجس الزواج في بيت جدتي واخترت الورد
ابو فهد وشوق كنت تضحك عليها
فهد شوق هي عمري وحياتي وهي تاج راسها
ابو فهد انت ليه ماخذ الورد تبيها ولا تبي تطلع عيونها
فهد الاثنين يبا وانا ابيها زوجتي
ابوفهد والله يافهد مدري شنو اللي في راسك تراك بتتعب بالاخر
فهد انا اتحمل قراري وتفى يبا لحد يدري
سكر من ولده التلفون الله يعينك على اللي جاي يافهد شكلك تبي تظلم


اما فهد دخل بيته حب راس امه وسلم على اخوانه
فهد شلونج يالغاليه تعشيتو ولا لسى
ام فهد لا بس الحين نبي نحط عشنا
فهد عاد انا ميت جوع
مريم وهي جايه يخسي الجوع
لف فهد هلا مريومه انتي هنيه
مريم ههههههههههههههههههههه لا اني هناك
فهد هههههههههههههههه والله تنكتين شجايبك عندنا
مريم وهي مبققه عيونها ليسه ماتبيني جايبه بيت بابا
فهد ياروح ماما هههههههههههههههههههههههه
ام فهد جايه مسيره علي وحشتها
مريم والله انك وحشتيني


دخلت خلت غرفتها وهي تبكي وتحسب على ام هابس الله ينتقم منكم وتقول الله يسامحك يابو نوره خليت ابو هابس
يستلمنا ويذلنا في بيذلنا في بيتنا
دخلت عليها نوير يماااقومي اكلي خلص الاكل
ام نوره ماني مشتيه اكلي انتي واحتج
نوير يما لا والله وانا تعبانه عشانك قومي يالله
لفت علي بنتها وهي تبكي فكوني مابي اكل بروح اللي فيني كافيني
راحت نوير تنادي نوره تبي تشوف امها شفيها
جتها نوير وضمت امها يما شفيك وش اللي مضايقك
ام نوره00في غيرها ام هابس حسبي الله عليها
نوره00وشفيها يمه وشقايله عجوز النار
ام نوره تقول كفي بناتج عن رجلي وانتن ماتستحن حنا مانستحي يانوره
نوره00تخسي الا هي حنا احسن منها ماسحرنا ولا بقنا والله لوريج فيها
ام نوره خليها تولي الله يحاسبها
قامت نوره واخذت عبيتها وعلى طول بيت ام هابس طقت الباب ولا تفتح بنتها
منيره خير شتبين
نورهه00 وين الخير يجي وامج متولينا روحي ناديها
راحت منيره تركض تنادي امها جت ام هابس
ام هابس ها وش تبون ياسرقين الرياجل
نوره عيب عليج خافي الله في نفسج في يتما ظالمتهم
ام هابس انتن الشر يطلع منجن كفن عن رجلي وانا اخليجن
نوره لا تكلمينا احنا كلمي شايبج اللي اربعه وعشرين ساعه يطق بابنه
ام هابس اجل اطلعو من بيتنا
نوير البيت طالعين منه اشبعي فيه انتي وشايبج
ام هابس كووولوووليش فارجووو وفكوني
نوره الحمدلله والشكر خلي اللملالش لبناتج
تركتها نوره وهي تحس بنتصار لامها لانها قدرت ترد من اعتبار لامها لو شوي المهم قدرت ترد على ام هابس
نوره ولا يهمج يمه خذيت حقج منها وبيتهم نبي ترميه بوجيههم
ام نوره الله يخليكم لي وانا كلمت ام سليم وان شاء الله تبي تساعدنا وصت ولها يسال عن عمج في الرياض وين بيته
نوير هيااااااا بنروح الرياض ونترق الفقر
ضمت بناتها في حضنها الله يعينا على اللي جاي علبالكم عمكم ارحم منو ابو هابس
نوير خلينا نجرب يما يمكن لنا خيره
----
كان واقف في حديقة بيتهم يفكر في نفسه خوانه تزوجو وعيلو وهو لي الحين عايش في ذكرها
اي اعيش في ذكرها منى وينج ياريحة اهلي اشتاق اشمك اشوف عيونك اتمنى ضحتك
تذكرها وهي كيف تساله
منى تركي شكثر تحبني
تركي شفتي الدنيا هذي ماتسع حبج تدرين اموت عليج
منى يابعد راسي انت انا لو خيروني اتركك ولا اموت لختار موتي على اني مااتركك
تركتيني ورحتي اخترتي موتج وخليتيني وينج ابيج محتاجك صحى من تفكيره ومسح دمعه خانته ودخل البيت
تركي السلام عليكم
الكل وعليكم السلام
ام تركي تغديت يمك
تركي اي يمه تغديت مع فهد في الشركه
دانه يووو الشركه وفهد ماخذينك مني
تركي هههههههههه لا تخافين الشركه ماتخذني منك بس فهد يمكن
دانه متى تبي تخلي فهد وتجيني
تركي ابشرك فهد يبي يتزوج ويتركني
ابوتركي وانت متى ان شاء الله
تركي انسى يبا انا ماراح اتزوج
ابوتركي لي متى من 7 سنين وانت عايش على ذكرها
تركى يبا الله يخليك خلني على راحتي مابي اتزوج
ام تركي ابي اشوف اعيالك وافرح فيك
تركي الله يخليكم خلوني موكل ماشفتوني فتحتو السيره خلووووني
صعد لغرفته رمى شماغه على جنب واخذ صورت حبيبته حضنها وصار يكلمها مثل المجنون شفتي يامنى يبي
يزوجوني يبوني اخونج وانا مابي اخونج انا عايش على ذكراك مافي احد يحل مكانج

نرجع تحت الام تركي وابو تركي
دانه يبا الله يخليك اتركه لا تضايقه
ابو تركي لي متى يادانه راح عمره وهو عايش على ذكرها
دانه اذا انت كررت عليه راح يعاند اتركه يمكن يجيك
ام تركي الله يهديه والله ان قلبي متحسر عليه ضاع عمره وهو صغير

عيلة تركي تكون من امه وابوه واخوانه ابي اعرفكم عليكم
تركي34 سنه ارمل تزوج وهو في عمره26 تزوج زميلته في الهندسه منى اخذها عن قصة حب عاش معها سنه
وبعدها توفت بحادث سياره وهي رايحه الدوام مع السواق ومن بعدها عايش على امل ذكرها

سالم32 متزوج بنت خاله هيا وعنده حسن 6سنين وحور سنتين
حمده30 متزوجه ولد خالها اللي اهو اخو هيا وعندها خمس اطفال اكبر واد 12 وصغر واحد سنه
وضحه توها عروس جديده عمرها26 متزوجه ولد رفيج ابوها وهي حامل في شهرها التاسع
باسل عمره28 موظف في شركة النفط وهو مايفكر في الزواج
اما اخر العنقود فهي دانه عمرها 23 ملكه على ولد صديقة امها
هذي عايلة تركي

------
فهد مريومه ممكن تخليني مع امي شوي
مريم شعندك الله يستر لا يكون تبي تسافر
فهد وهو يعيب عليها ويغير صوته الله يستر لا يكون تبي تسافر اقول انقلعي بس ههههههههه
مريم زين الله يعين المدام عليك
ام فهد وشفيها يابختها ان اخذت فهد
فهد الله يخليج لي يما انتي اللي مرفعه معنوياتي
مريم اي انفخيه علينا
ام فهد اقول روحي مدام النفس عليك طيبه
راحت مريم وتركتهم يسولفون على راحتهم
ام فهد خير وش عندك يافهد
فهد مافي الا كل خير بس ابيك توعديني ماتعلمين احد
ام فهد ابشر عسى اللي تبي تقوله خير
فهد خير ان شاء الله يما انا ابي اتزوج الورد بس مابي احد يدري ابي احطهم امام الامر الواقع
ام فهد تبي تاخذ الورد خير وبركه بس ليه ماتبي احد يدري وليه الور انت وش براسك
فهد مافي راسي شي ابها وبس المهم سو غرفتي لا تغيرين عفشها بس جيبي بطنيات جديده وخليهم ينظفونها
ام فهد ومتى عرسك يافهد وبعدين شوق ماتبيها
فهد الا ابيها بس انا باخذ الورد اكسر خشمها
ام فهد خاف الله يافهد ترها ضعيفه وفتك من حوبتها
فهد يما الله يخليج سوي اللي قلتلج والعرس يوم الاثنين مع حفلة خالي مابي احد يدري
ام فهد ان شاء الله والله يهديك لها ترها خوش بنت

يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -