رواية الفئة المجنونة -12
بسرعة أعطتها جوال فاطمة وهي حافضتة من قلبها
لأن أحيانا تستخدمو معاها
المديرة تأشر لها تتطلع: أطلعي برا وأحضري
حصتك الأخيرة وبكرة تجيبي أحد من أهلك
هزت راسها أصالة بعد ماكتبت تعهد ولمت كتبها وشنطتها
وبدل ماتتطلع الفصل نزلت الساحة
لأن الحصة كانت الأخيرة
راحت على مقصف وشترت موية وجلست جنب باب البوابة
وهي تبكي وتفتح دفتر كشكولها إلي كاتبة فيه أشعارها
وجالسة تقطعة والأوراق مبتلة بدموعها
ضحكت بسخرية لمن أفتكرت كلام المديرة وهي تهزئها وتقول
إلي عملتة خطئية ماتتغفر في مكة
وأحترمي أرض مقدسة قبل لاتحترمي نفسك
أي خطيئة تتكلمو عنها وأنتو أرتكبتو أكبر ذنب
بحق أنسانة يتيمة وضعيفة
ظلمتوها وضربتوها وكذبتو عليها
وهذي مو خطئية بحقكم!!!
خطيئتكم بإنها مظلومة وأنظلمت بشدة
رفعت وحدة من الأوراق المشقوقة إلي كاتبته
فيها قصايد لفهد المساعد
قريتها لثوااني وقطعتها مثل بااقي أوراقها
~ $ (( deema ))$ ~
(($~ الفئة مجنونة ~$))
~ $ (( deema ))$ ~
بمكاان هاادئ والهوااء ملطف الجو
كانت تسمع أصواات بس مو فاهمة ولامركزة
أيش يقولو
فتحت عيونها بثقل وصعوبة ولمحت شئ أبيض قبالها
ركزت وعرفت أنه دكتور وقبالة أخواها حمزة
و بجوارها أمها جالسة في الكرسي وتناظر فيهم
الأختصاصي بهدوء وهوا يحااول يطمنهم :لا جداا
البنت طبيعية ومافيها إلا الخير
حمزة وهوا مو مصدق كلام الأختصاصي إلي يعيدو كم مرة
ويحااول يقنعة بإي طريقة: أنت ماتفهم
أقولك الجامعة أتصلت علينا وتبلغنا عن حالة أختي
حتى الوالدة بنفسها راحت الجامعة وهم قالو لها بإنها
كانت تصرخ ومعصبة وتضرب في خلق الله
وفي الأخير طاحت
عدلت نقابها أم حمزة وهي تنزل عيونها في الأرض
ومحتاااارة أيش أصااب بنتها
الأختصاصي :مافي إلا ترسلو ملفها للقسم النفسي أمكن
عندها مشكلة في جامعة أو مرض نفسي
لأن مالها علاج هنا
_ فتح ملفها وكمل كلامة_
وصحتها وحالتها جداا ممتازة حتى كشفت عليها
مرتين على شان أتااكد
حمزة: بس أختي منها مجنونة ليش أرسل......
الأختصاصي قاطعة وهوا يحاول يقنعة :مو كل مجنون يروح مصحة نفسية
نصيحة مني ياحمزة أنت أرسلها وشوف حالتها
هناك مرااح تخسرو شئ
حمزة ألتفت لأمة إلي كانت قصيرة ولابسة عباية راس
وناظرها بحيرة .. أم حمزة هزت راسها وهي
تعدل عبايتة راسها وتأشر لولدها بإنه يجي
راح حمزة عند أمه وقرب أذنه عندها وهي تقولة على حاجة
وتهمس في أذنه وهوا يهز راسة
غمضت عيونها سماهر وحست أنه أعراض التعب
والصداع والتوتر كلها أختفت
وحل بدالها الخمووول والنعاس
رفع راسة حمزة وهوا مؤيد كلاام أمه
وقال للأستشاري : ممكن تعطينا أجازة مرضية لأختي
لأن جامعتهم صارمة في مسألة الغياب
الأستشااري: من عيوني
~ $ (( deema ))$ ~
(($~ الفئة مجنونة ~$))
بمكآن ثاني وجديد.. بعيد عن مستشفى الملك عبدالعزيز
وبعيد عن سرير سماهر الأبيض
وبعيييد عن الثآنوية الأولى.. وبعيد من أصالة وبكاءها عند باب المدرسة
وبعييييد أبعد على الطريق الرئيسي ..تحديدا بسيآرة أبو قصي
وتحديدا عند أحلام نسرين الوردية
وبعيييييييد كل البعد عن عمارة أبو يونس..وخصيصا في الحمام
و فاطمة تتروش بعد مارجعت من الجامعة
وقريب كل القرب.. من سجن مراد وهوا جالس في الأرض
و مبسوط مع اليمنة وهوا يتونس معاهم
فتح باب الزنآنة .. وصرخ العسكري:مراااد قوم ؟؟
طنشة مراد وهوا يتكلم مع اليمنى ويقول: وكيف هربتو ل سعودية وأنتو
معاكم القات أنا سمعت أنه منتشر في أرض اليمن بكثرة مو صح؟؟
العسكري بنرفزة: تتريق أنت ووجهك..أقولك قوم قبل لا أوريك شغلك
اليماني:قم شوف أيش يبغو منك
قام مراد بملل وهوا يشيل شبشبة ويقول:وهذا أنا قمت..أيش تبغ..
قاطعة لمن مسكة العسكري و دفة خارج السجن
و دخلة عند مكتب الضابط أبو بكر.. أتغير ملامح مراد
لمن شاف عبداللطيف بلحمة وشحمة قبال وجهة..
يعني ماكفاه إلي سواله في صبآح
ماكفاه أسلوووبي
هذا الشيبة أبو كرشة مايمل
مقهور من يدة إلي يتمنى يكسرها ويلف السبحة في رقبتة ويخنقه
الضابط أبو بكر :أجلس يامرااد
جلس مراد قبال عبد اللطيف وقال وهوا يحط رجل
على رجل : وهذا أنا جي
قاطعه عبد اللطيف وهوا يضرب رجول مراد ويخليها تنزل في الأرض
وبحدة :نزل رجولك ياكلب وأحترم إلي أكبر منك
تراني في سن أبوك ياللي ماتعرف الأحترااام
نزل رجولة مراد وسكت لأن كلمة يزيد عليها لعبد اللطيف
راح ينزلة عليه الضابط أبوبكر أشد العقاااب
الضابط أبوبكر بهدوء : ياجماااعة أستهدو بالله كيف نحل
القضية ومصيركم بتصيرو أنسااب في بعض
شهقق مراد و وقف بصدمة: أيش تقصد بكلمة
نسيب ياضابط
الضابط بهدوء :أستهدي بالله وأجلس
مراد وهوا مو مصدق :لايكون قصدك إني بكون
نسيب هذا الشيبة
عبد اللطيف : الشيبة إلي تأشر عليه ياقليل التربية
راح تاخذ بنته إلي كلمتها وقابلتها
مراد: أوكي أعترف إني قابلتها وكلمتها بس
مافكرت إني أتزوجها
بنفعال وهوا يرمي السبحة في حضنة: ليييش
هما بنات الناس لعبة بيدك
مراد وهوا رافع حاجب : والله وحدة أشوفها في الكباين بفستانها ومكياجها وتمسك
يدي وتعاكسني وتسمعني كلام حلو وماتبغاااني أكلمها
إلا بكلمها وأكلم أمها بعد؟؟
الضابط: أهدء يا مرااد أستااذ عبد اللطيف
ماينفع نحل الموضوع بهذي طريقة
جلس مراد وأعصابة نااار :يالله حلو
موضوع بطريقتكم
عبد اللطيف بعصبية لو مو أحتراام الضابط كان مسح وجة بالأرض :مثثل ماكلمتها
وقابلتها واتصورت معاها راح تستر عليها وانت قايل لا إله إلا الله
مرااد بعناد: وأقول محمد رسول الله ومني ماخذها ولو على جثي
الضابط وقف وقال: ياعسكرررري يااااعسكرري
دخل العكسري وعمل تحية العسكرية: سم
الضابط بإمر: وقف مراد ورجعة للسجن
_ وناظرهم_
راح نقفل القضية إذا أنتو كل مانجمعكم
مع بعض تضاربو هذي ثاني مرة نجمعكم وأنتو ماتتفقو
و لا نقدر نخلص هذي القضية
عبد اللطيف وهوا عاض شفايفة بقهر: طيب راح أرجع
للمرة ثالثة ومعاي المملك
مراد: لو تعمل في قسم شرطة عزيمة بنتكم إلي خانتكم
وكلمتني من ورااكم مراح أتزوجها وكلام وقلته
الضابط بصرامة: راح نضطر أننا نسجن
قاطعه مراد وهوا يطلع من عند ضابط ومعاه العسكري
:حتى لو تسجنوني سجن مؤبد عااادي الموت أرحم بإني أتزوج بنتكم قليلة الأدب
~ $ (( deema ))$ ~
(($~ الفئة مجنونة ~$))
~ $ (( deema ))$ ~
مسدوحة في سريرها وغارقة بأحلامها الوردية
وأتمنت أنه حلمها يتحقق
ودعت ربها بإن أمنياتها يحقق لها
وهذي أول أمنية و أول حلم يتحقق لها ربها
بفستنانها الملكان الأبيض عاري الأكتااف
ضيق وماسك لجسمها
من خلف عند الذيل وردة كبيرة سوداء
وعند الصدر نفس الوردة السوده
مرجعه شعرها الكستنائي للخلف
عاملة تسريحتها
مثثثل تسريحة بطلة ديزني
يااسمين "" بفلم علاء الدين "
وطرحة خفيفة مغطية وجها الناعم
شدت على ورود البيضة ومشيت على الممر مظلم
وعلى جنب شموع تنير طريقها
كانت تمشي بهدوء ومنزلة راسها
وكان الموسيقى هادئة بصوت
نانسي عجرم وهي تلعب بجو الرومنسية
رفعت راسها وناظرت ب مراد
أمتلت عيونها لمن شافت مراد واقف ببشت الأبيض
ومبتسم لها ومبسوط
وقفت عندة وشال الطرحة من وجها البرئ
بهدوء قالت نسرين :حلم وتحقق يامراااد
باس جبينها وأنتفض قلبها رغم عنها :أحبك
مافي أعيش إلا معك مافي يكون إلا إلك
لون عيونك غراامي
دخلك سدق كلامي ألبي روحي معك
لو عنك بااعدوني تبأه وحدك لعيوني
تحكيني وأسمعك
مافي يعيش إلا معاك مافي يكون إلا إلك
لبسها الدبلة وباس يدها
وحضنها وهم يرقصو تحت الأنواار مسلطة
عليهم
وفقااقيع صابون المنتشر في كل مكان
غمضت عيونها وهي بحضنة وتغني بنعومة
تشم ريحة بأنفاسة وريحة عطرة و
لمست ايد برضى اكيد وبنسى انك كنت بعيد
كيف بتوب الهوى مابتوب يقسم قلبى تلات قلوب
قلب يحبك قلب يدوب قلب يغار عليك
خدنى بحضنك خاف عليا حسسنى بوجودك فيا
ما بعرف قيمة عنيا غير لما يشوفوك
وعدنى تبقى العمر بقربي وعدنى ماتفرقنا غربة
انا روحى وعنيا وقلبى خلقو يحبوك
اذا حدك مابقيت على كتفك ماغفيت
ياعنى انا ماعشت بعمرى وعالدنيا ماجيت
خدنى بحضنك خاف عليا حسسنى بوجودك فيا
ما بعرف قيمة عني غير لما يشوفوك
وعدنى تبقى العمر بقربى ……… وعدنى ماتفرقنا غربة
انا روحى وعنيا وقلبى خلقو تايحبوك
طرااااااااااااااااااااااااااااا خ
أنفتح الباب بالقوة
وصرخت هوااااااازن: ست نانسي أصحي
من أحلامك ياااموهية
صحت نسرين من أحلامها وأنتبهت أنها كانت واقفة
وترقص سلو مع خيالها وتغني أغنية لمسة أيد
هوزان بغيض :بس هذا إلي ناخذة منك فضاايح وبلااوي وطيحتي
راسنا بالأرض وفي نهاية مطنشة كل شئ وراكي ولا يهمك شئ
جلست في طرف سريرها وقالت :يعني أيش تبيني أسويلك
ضرب وأنضربت حتى جسمي باين فيه الأثااار ..وخصاام و أتخاصمت
وسمعت حتى ماشبعت والجامعة وأنفصلت
وأيش تبغو بعد ؟؟ منها وحلمي راح
هوزان: بس هذا إلي ناخذه منك بعد إلي سببتيه لنا
لسانك طويل وجااوبك تحت لسااانك وبسببك قصي
مرمي في المستشفى وكان راح يروح فيها بسبب الحيوان
الخسيس إلي تكلمية وأبوكي مهدد أمك بطلاق وانا شاك فيني
سكتت نسرين ونزلت راسها ومو عارفة أيش تقول لها
أصلا مرااح تقول شئ لأن مرااد قريب وياخذها
هوزان دخلت غرفة ورمت لها صورة وقالت :أتأملي
في شرفك إلي فضحتينا هوا
أنصدمت نسرين بشدة ورفعت راسها تناظرها بصدمة: أيش تقولي
هوازن وهي تأشر بأصباعها على صورة طايحة في الأرض
وتقول: بابا العزيز صور شرفك عشان يحطو
في برواز ويعلقة في البيت هههههههههههههههههههه
أرتجف جسمها بصدمة وهي تاخذ الورقة وتشوف الصورة
وتتأمل في شرفها إلي مو مصدقة أنه هذي صورة
صورتها وصورة بكارتها
هوازن ورافعة حاجب بحتقااار وهي تفتكر
كيف سرقت الصورة من مكتب أبوها
بدون علمهم وأخذتها علشآن تغيض أختها
قطعتها نسرين بحقد و شقت الصورة من نص
تحت دهشة وصدمة هوازن
~ $ (( deema ))$ ~
(($~ الفئة مجنونة ~$))
~ $ (( deema ))$ ~
فتحت باب غرفتها وهي تناظر إذا أحد دخل البيت ولا لاء
قالت وهي تعطيها كرتون المنديل: مسحي دموعك
إذا أحد شافك وأنتي بدموعك
والله راح يعملنا سالفة
وترجع تنزل: أصالة وهي تعبت من دموعها وتحاول تمسح دموعها
والله ظل لم وني أأن ا م اع رف أح د
فاطمة بحيره : والله مافهمت ولا كلمة إلي قلتية
أصالة غطت وجها بعبايتها ورجعت لصياحها
قامت فاطمة ورفعت قميصها لفوق ركبتها ودخلت الحمام عشآن تغسلة
:إذا غسلتي عبايتك بدموعك .. تعالي حكيني السالفةمن أولها لأخرها
علشاان أفهم أيش سالفة البكاء وإذا عرفت أنه السبب سخيف ومالة
داعي والله لا ألعنك وألعن قبيلتك
أنسدحت أصالة في البساط بمريولها وعاابيتها وهي تكتم بكاءها و عبآرتها
تكتم بكاءها وعبارتها في البسا
رفعت وجها وناظرت في الباب وهي تسمع صراخ جدها :
فاااااااااااااااااااطمة فاااااااااطمة
وبصوتها المخنوق:خالة في الحمآم
أبو يونس وهوا مفرصع عيوونة: وأنتي أيش جابك هنا إلحيين فتحت لكم شقة
وأنتي تجي عندنا تضيقي علينا
أصالة نزلت راسها وبهمس: كنت بأخذ شئ من عند خالة فاطمة
أبو يونس وهوا معروف بأسئلتة الكثيرة
والغثيثة : أيش هوا؟؟
كفاية دخلت في مشكلة ظلم وأفترااء بسبب
المديرة وبنات فصلها وألحين جدها أستلمها أسأله
ومراح يتركها إلا لمن ياخذ تقرير كامل منها
هي حدها مضايقة ونفسيتها تعبااانة للأخر
لو أمها درت أقرب طريقة تتعامل معاها
إلا بكفوف وضرب أو السلك إلي جربتة أمس
هي وعلااااوي
تحاااول هذي الأيام أنه أمها ماتعرف ولا تبين لها شئ
حتى ماتروح بكرة خالتها المدرسة
وتتفاهم مع المديرة
وتتقفل المشكلة والخبر مايوصل لأحد من أهلها
أما بنات فصلها إلي أفترو عليها
مراااح تحتك فيهم وتتجنبهم للأخر
ولا خالتها تروح عندهم أو تتفاهم معاهم بطريقتها الخاصة
أخذت من عندها أستشوااار :
أبو يونس: أمممممم وفين جدتك؟؟
عقدت حواجبها أصالة وهي متأكدة أنها ماشافت
جدتها لمن دخلت الشقة
لأن الشقة كلها على بعضها فيها 3 غرف وحمام واحد
والعادة بذا الوقت تكون أم يونس مسدوحة في صالة
مثل العادة وتتفرج على العربية أو على قناة فتافيت
ردت وهي عارفة وين مكانها بضبط: فوق عند ماما
أبو يونس: وانا جالس في البيت لحالي مافي أحد يرعااني ولا يهتم فيني
بس تبوني أمووت عشان تورثو فلوسي إلي جمعتها وكديتها..بس نادي أم يونس
إلي خلفت عيآل عاقين مايحترمو كبري ولا سني..كل واحد نفسة نفسة
إذا فيه أكبر علاامة أستفهااام على وجه الأرض
فأتأكد أنها فوق راس أصالة
إلي مو عارفة أيش سبب الصراخ إلي جاوبت على نفس سؤالة
وايش دخل سالفة الورث والموت والعقوق
ناظرتة بضيق وعتآب وهي مضايقة من حياتها في مكة
بس خصاااام هوااااش مشااااكل ضرب
عوااااااااار رااااس
سبحااان الله
لمن كانت في سكاكا ماكانت البيئة إلي عايشتها عند أهل ابوها
مثل ألحين إلي عايشتة عند أهل أمها
في العصرية تروح عند جدتها وعمانها مع أمها
تنبسط مع بنااات عمانها وعماتها وتحس أنها أجتماعية
بنات ديرتها وجيرانها وصحبتها في المدرسة
كانت الحياة حلوة هناااااك
عكس هنا وحيدة مالها أحد أنطوائية
ألتفتت لمن سمعت صوت جدها إلي زعلت منه بجد لمن سافر
على سكاكا وحضر دفنة ابوها مع خالها وبعدها نزل
على مكة بسرعة
وأعتذر للجماعة بأنه مشغول مرررة وثاني مرة لمن
فاجئهم وسحبهم ل مكة : هاه جدي
ماسمعتك أيش قلت
أبو يونس: أذنك وسخة ماتسمعي لااازم أعيد الكلااام كم
مرة بسألك كم عمر أمك ؟
أصالة وده أحد يضربها على راسها ويفوقها من صدمة
عاشت في مكة 4 شهور بتماااااام
والحين بعد ال 4 جااي يسألها عن عمرها : والله مادري
آنتهى الجزء السآدس
~ $ (( deema ))$ ~
(($~ الفئة مجنونة ~$))
~ $ (( deema ))$ ~
((الج السابع زء))
أبو يونس: أذنك وسخة ماتسمعي لااازم أعيد الكلااام
كم مرة بسألك كم عمر أمك ؟
أصالة وده أحد يضربها على راسها ويفوقها من صدمة
عاشت في مكة 4 شهور بتمآآآم
والحين بعد ال 4 جااي يسألها عن عمرها : والله
مادري ياجدي بس أذا تبغى تعرف أنا راح
أسألها عن عمرها ؟؟
: أبو حمزة وهوا يفرك حواجبه ويقول بهمس سكت
أصاله بتكشيرة: أيششش تقول؟؟
أبو حمزة بعصبية يصرخ: مشبك في حلقك أن شاء الله أذنك وسخة
ماتسمعي بس أذنك مفتحة للقلة الأدب و الوقاحة
رفعت حاجب أصاله وعلى وجها ميلون علامة تعجب
وأستفهام: ؟؟؟؟؟؟؟؟؟؟
أبو يونس وهوا ينسدح في فراشة ويقول: هي أمك خلصت العدة
أصاله بستغراب: أمي !! أعتقد ماخلصت العدة
سكتت وهي تفكر _ لا خلصت هذا الأسبوع من عدتها
لأن يوم الخميس رحنا الحرم معاها
أبو يونس وهوا يفكر بفكرتة الجديدة وقال وهوا يعدل من جلسته
وقال لأصاله: هاتي جوالي من طاوله
سحبت أصالة جوالة " العنيد " من فوق الخزنه وأعطته ل يد جدها
أخذ أبو يونس النوته من تحت مخدته وهوا يقرب النوته لعيونه
لأن نظره ضعيف مررره وقال وهوا يفرك عيونه لأنه سببت له صداع
:تعااالي دوري على رقم بو مصلح
أصاله بستغراب أخذت النوتة و مستغربة ليش مايخزن الأرقام في جوالة
بدل النوتة ..كان ودها تسألها وتلاقي أجابه
بس مشكلتها أنها خواافة وتخااف تسمع كلمتين منه
لو علاااوي كان سأله وأخذ الأجابة وهوا مطنش السب والصراخ
:رقم بو مصلح ######050864
ضغط بو يونس على الأرقاام وحط الجوال عند أذنه وقال لأصاله
:أطلعي وقفلي الباب ولاتنسي تهزمي جدتك
طلعت أصاله وقفلت الباب وراها
و مستغربة من أسأله جدها عن أمها
كم عمرها؟؟ ومتى خلصت العدة ؟؟؟
سؤال غريب ومحيرها
دخلت الغرفة ولقت فاطمة بتكنس غرفتها بمكنسة اليد
أصاله وقفت قبالها وبضعف: ساعديني خاله
فاطمة من غير نفس: ترااكي طفشتيني وجبتيلي الصدااع
فخليني أكنس البيت ولا تزعجيني
أجتمعت دموع بعيون أصالة وفكها يهتز: واالله م الي
ذن ب ه م الس بب إلي صااااار
ناظرتها فاطمة بشك ونزلت المكنسة بيدها وقالت: أصالة
طحتي ب مشكلة كبيرة أو صار لك شئ في المدرسة
جلست أصاله في الارض وهي تبكي وتفتكر ضرب المديرة وملامحها
المعصبة والعصايا طويلة ودفتر أشعاااارها
ضربوني وانا مااالي ذنب أنظلمت يافاطمة:
أنظلمت وانا يتيمة
تركت فاطمة كنيسها وجلست قبالها بخوف
وهي تهديها وتهون عليها وتسمع السالفة
من البداية ؟؟ ؟؟
~ $ (( deema ))$ ~
(($~ الفئة مجنونة ~$))
~ $ (( deema ))$ ~
ردت الباب بهدوء بعد ماأطمنت أنه سماهر نايمة
حمدت ربها بإن دكتور النفسااني ماخذ هذي الأيام أجازة
أصلا منها مقتنعة بفكرة ال دكتور
بنتها طيبة والدكتور أكد على صحتها بعد
لييش عوااار الرأس وحجز موعد جديد
بس مالها رأي إذا حمزة قرر أنه يحجز لها موعد
عند الدكتور نفساااني بس عشاان يتأكد من سلامة سماهر
مسكت بطنها وهي تحس بضربااات خفيفة
الجنين هذي الشهور صار حركته كثيرة مرة
ومو مخليها ترتاااح مره
دخلت المطبخ بتحط الغدااء لكن مالقت الشغالة
فتحت باب الحوش ومالقتها
راحت على حمام ودقت الباب: وااااتي وااااتي
فتحت واتي الحمام بربكة وهي تقول: هاه مداام
أستغربت أم حمزة من واتي لأنها لابسة القميص ب مقلوب وقالت
:ليش لابسة ملابسك بالمقلوب وتعااالي حطي الغدااء
هزت راسها واتي بخوف وربكة وقفلت باب الحمام مرة ثاني
مشيت أم حمزة على صالة وقالت: الحين نحط الغدااء
حمزة وهوا يحط على قناة العربية: الدكتور راح يرجع من أجازة
بعد أسبوع وانا حجزت له موعد من بدري
سكت أبو حمزة وقال: والله مني مقتنع بفكرة الدكتور النفساني
سماهر طول عمرها عاقلة وهادية ألحين من يوم وليله
صااارت مجنونة
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك