رواية وش ذنب دمعا على طاريك هليته -3
فيصل بعد ماراحت ريم أي صح صارت كبيره ولازم تغطي عنا
راحت ريم تكلم نهى
نهى : الو
ريم : هلا والله كيفك
نهى : هلا فيكي بخير وأنتي
ريم :بخير الحمدلله أيا يالخاينه تغطين وماتقولين
نهى :ش دراكي
ريم : فيصل قال لي
نهى : أها وش قال لك
ريم قالت لنهى كل اللي قاله لها فيصل
نهى : أي صح خلاص كبرنا ولازم نغطي عنهم وعن الكل
ريم : أي صح يالله أخليكي بروح أنام لي شوي
نهى : ماتشبعين أنتي نوم
ريم : آآآآآه وفيه أحلا من النوم
نهى : هههههههههه يالله يالله سلام
ريم : ههههههه سلام
****************
مرت الأيام وجات الدراسه صارت نهى ونورة وريم أولى ثانوي
وفيصل وخالد وعبد العزيز يدرسون في الجامعة
ف يصل تخصص تجارة , وخالد هندسة , وعبد العزيز طب
بدت تمر الأيام والبنات مايشوفون الأولاد والأولاد كذالك مايشوفون البنات
وإذا حصل وشافوهم يكونون مغطين
مر الفصل الأول بسلام والكل طبعاً نجح " عائلة متفوقه "
وجات أجازة اللي بعد الفصل الأول"بين الفصلين"
وطلعو العوائل للمزرعة كاالعادة "مزرعة أبو خالد"
وطلعو كل العوائل في الصبح وصلو على أذآن الظهر
وصلو صلو الظهر وتغدو وجلسو ليما العصر صلو العصر
وطلعو يتمشون لأن الجو كان روووووعه
البنات في الحديقة
البنات وهم يمشون
نهى :بنات وين تبونا نجلس
نورة : عند المراجيح
راحو عند المراجيح وها المره حطو لهم فرشة وجلسو
وحطو أغراضهم وجلسو يسولفون وياكلون
ريم :غريبة اليوم ماشفنا الشباب
نورة : تلاقينهم عند المسبح أو يلعبون بلوت كاالعادة
أما نهى اللي سرحانه في عالم ثاني طبعاً عارفين في مين " فيصل "
نورة تمرر يدها قدام وجه نهى
نورة: هي هي نهى وين سرحتي
نهى : ها نعم
نورة: اللي ماخذ عقلك يتهنى به
نهى نزلت راسها : لا ولا شي
ريم : ذكرنا القط جانا ينط
البنات كلهم تغطو يوم شافو الأولاد قربو لهم
الشباب : السلام عليكم
البنات: وعليكم السلام
جلسو الشباب
فيصل : أخباركم
نورة: تمام الحملله وأنت
فيصل : الحمدلله تمام
فيصل يناظر نهى اللي منزله راسها
فيصل : أشلونك نهى
نهى بدون ماترفع راسها وبنفس الوقت مستغربه أن فيصل يسأل عنها
نهى : الحمدلله تمام
فيصل يناظر السما : اليوم الجووووو روووووعه
خالد يناظر بعد السما : أي صح
عبد العزيز خسارة راح نفقد هذا الجو الحلو
نورة بتعجب : ليه
عبد العزيز: لأنا بنسافر
نهى : أيشششششش وووووووووووين
فيصل : بنسافر أنا وخالد وعبد العزيز نكمل دراستنا في الخارج
نهى : ليش وهنا
خالد : لأن هناك في تطور وشهادات عليا تفيدنا كثير
نورة: ووين بتروحون وكم بتجلسون
فيصل: بنروح المانيا وبنجلس أنا ثلاث سنوات وخالد سنتين وعبد العزيز ثلاث سنوات
ريم : راح نفقدكم كثير
عبد العزيز: يبتسم لها : وأنتم بعد
ريم أستحت ونزلت راسها
نورة بحزن : الله يرجعكم بالسلامه
خالد : الله يسلمك
نهى : ومنتى بتسافرون
فيصل : لما نرجع من المزرعه بنحجز وبعدها بنسافر
نهى : الله يرجعكم بالسلامه
ماقدرت تتحمل نهى وطلعت من عندهم إلا ونورة تناديها : نهى وين بتروحين
نهى : بدون ماتلتفت لهم : بروح أتمشى شويمشت عنهم
قعد فيصل معاهم وباله مشغول حاس أن نهى فيها شي
فيصل قام
خالد: وأنت بعد وين رايح
فيصل : أممم بروح أكلم فهد قال يبيني ضروري
خالد : أها طيب سلم عليه
فيصل : أنشاء الله
مشى عنهم وراح يدورها في الحديقه
شافها جالسة على وحده من المراجيح كالعادة
مشى بهدوء ليما وصل عندها بعدين دف المرجيحه بخفيف
نهى حسبته نورة
نهى: نورة بليزززز خليني أبجلس بروحي شوي
فيصل أبتسم على كلامها في باله " تحسبني نورة "
فيصل : وليش بتجلسين بروحك
نهى فزت يوم سمعت صوته وقامت ولفت عليه
نهى بهمس : فيصل ونزلت راسها ولفت وجهها ومشت عنه بهدوء
فيصل مشى وراها وهيا تحاول تتحاشى نظراته لها
فيصل : نهى وش فيكي
نهى : لارد
فيصل : نهى
نهى : نعم
فيصل : وش فيكي
نهى تحاول تتحاشى نظراته : لاولاشي بس بيوحشني خالد كثيررر لما يسافر
فيصل بخبث : بس خالد
نهى نزلت راسها والدمعه على طرف رمشها
فيصل حس فيها :خلاص على راحتك بس راح توحشيني قصدي راح توحشوني كثير
فيصل : نهى ما أوصيكي با أسافر وأرجع وأبي الاقيكي نهى اللي أعرفها ماتغيرتي
ولا أوصيكي على دراستك أدري أنك متفوقه بس أبيكي تكونين دوم متفوقه خلاص
نهى في بالها " ياخوفي أنت تتغير"
نهى رفعت راسها با أحراج:خلا ص الله يوفقكم وتروحون وتردون لنا سالمين
فيصل با أبتسامه : آآآآآآمين
نهى : عن أذنك ومشت عنه وهيا فرحانه وزعلانه بنفس الوقت
أما فيصل رجع للشباب لقيهم راحو الملعب يلعبون كورة فراح لهم
أما نهى فطلعت لغرفتها فتحت الباب ورمت عباتها وشيلتها على السرير
وجلست على سريرها وسرحت
دق باب غرفة نهى
نهى : مين
نورة : أنا نورة
نهى عدلت جلستها : تفضلي
دخلت نهى وراحت وجلست قبال نهى
نورة تناظر في نهى
نهى: وش فيكي تناظريني كا أنك أول مرة تشوفيني
نورة: نهى وش فيكي
نهى تحاول تتهرب من سؤالها : ها لاولاشي
نهورة : نهى أنا عارفتك زين أنتي فيكي شي ومخبيته عني نهى أنتي من متى تخبين
عني شي أنا مو بس بنت خالك أنا أختك وصديقتك ولا لا
نهى : أكيد وأغلا أخت بعد
نورة : أجل قولي لي وش فيكي وبصراحه وصديقني بيظل سر بيني وبينك
حكت نهى نورة عن كل شي عن حبها لفيصل وشلون أنه مايعرف أنها تحبه وأنه حب من طرف وأحد
نورة : وكل هذا بقلبك وساكته يانهى ليه ماقلتي لي من الأول
نهى : ماحصلت فرصه وكنت أحاول أنساه بس ماقدرت يانورة ماقدرت
نورة : صدقيني يانهى اللي يحب صعب ينسى بسهوله صعب
نهى : بس اللحين هو بيسافر
نورة : طيب ليش ماتصاريحيه قبل لايسافر
نهى :مسسسسستتتتحيييييل
نورة : ليششششششش
نهى : خايفه من ردت فعله بعدين صعب صعب أقله خلاص تعبت
أمكن لما يسافر أقدر أنسى شوي وأنشغل بدراستي
نورة : ولو أنه صعب تنسين لاكن حاولي مافي شي صعب على رب العالمين
نهى : والنعم بالله
نورة : يالله أذن خلينا نقوم نصلي
نهى : يالله
مرت الأيااااااااام بسرررررررررعه واليوم آآخرر يوم لهم في المزرعه
فيصل وخالد وعبد العزيز ودعو المزرعة
اللي قضو فيها أجمل أيام عمرهم با أمل أنهم راح يرجعون يوم من الأيام ويشوفوها
ويسترجعون ذكرياتهم فيها بس هل بيجي هذا اليوم ولا لا
رجعو العوائل لبيوتهم وأستعدو فيصل وخالد وعبد العزيز للسفر
ومر الأسبوع الثاني وجاء يوم الأربعاء "يوم السفر يوم الرحيل يوم الوداع"
اللي الكل مانام في ذاك اليوم
***************
في مطار الملك خالد بالرياض
أم فيصل وهيا تبكي : يمه فيصل لأوصيك تغطى زين يمه وكل زين ولا أوصيك
تتصل وتطمني عليك خلاص يمه
فيصل : أنشاء الله يمه لاتبكين أنشاء الله كلها كم سنه وأرجع لكم
أم فيصل : أنشاء الله يمه أنشاء الله
أبو فيصل : لاأوصيك يبه على نفسك ولاتنسى تتصل علينا وتطمنا عليك وأي شي تحتاجه لاتترد خلاص
فيصل : أنشاء الله يبه
ريم : راح توحشني وتوحشني مهاوشتك ومناقرتك ليا
فيصل : ههههههه وأنتي بعد راح توحشيني
باسل : لاتنسى تجيب لي هديه معاك
فيصل : هههه أنشاء الله
******
خالد : خلاص يمه لاتبكين كلها سنتين وبرد
أم خالد: راح أفقدك يمه
أبو خالد : خلاص يا أم خالد أنشاء الله يروح ويرد لنا بالسلامه
نهى : خالد أتصل فينا مو تنسى
خالد : وأنا أقدر أنساكم
نهى : مو خوفي تشوف اللي هناك وتنسانا
خالد : ههههههه لامابنساكم
***************
عبد العزيز: خلاص ولايهمك يمه أول مابوصل بدق عليكم وطمنكم وأعطيكم رقمي
أم عبد العزيز: خلاص يمه وحنا راح نتصل فيك
أيو عبد العزيز: لا أوصيك على دراستك يبه
عبد العزيز : لاتوصي حريص يبه
نورة: تروح وترجع بالسلامه
عبد العزيز : الله يسلمك
************************
تعلن الخطوط السعوديه عن موعد أقلاع الطائرة من مطار الملك خالد بالرياض الى المانيا
********
فيصل راح يودع عمه أبوخالد وعياله
فيصل يسلم على عمه أبو خالد : مع السلامه ياعمي
أبو خالد : مع السلامه وما أوصيكم على نفسكم ودراستكم
فيصل: لاتوصي حريص عمي
فيصل سلم على عمته أم خالد وبدر ولمياء
بقي نهى طبعاً الكل أنشغل يودعون بعض
فيصل با أبتسامه : مع السلامه يانهى
نهى والدموع بعيونها : مع السلامه الله يوفقكم وترجعون لنا بالسلامه
فيصل : الله يسلمك
ودعو هم ورجعو لبيوتهم
نهى على طول طلعت غرفتها ورمت نفسها على السرير
وجلست تبكي
نورة رجعت البيت وعلى طول اتصلت على نهى عارفه انا نهى محتاجتها في هذا الوقت
رن جوال نهى
نهى شافت الرقم وردت
نهى بصوت باكي : الو
نورة: نهى خلاص لاتبكين يكفي
نهى: مو بيدي يانورة مو بيدي
نورة: حاولي تنسين تنشغلين ضيعي وقتك بالدراسه
نهى : أحاول
نورة : عشان خاطري ولاتنسين هذي بعد وصيت فيصل وخالد بعد لكي
نهى: راح يوحشوني كثير حتى عبد العزيز
نورة: يؤؤ أسكتي أمي مسويه لنا مناحه في البيت
نهى: ههههه من سمعك حتى أمي بعد
نورة: هههه اي كذا أضحكي
نهى: مدري بدونك وش كنت راح أسوي
نورة بمزح: اممممممممم أمكن تجنين
نهى : مالت عليكي أقول ضفي وجهك
نورة : هههههههههه خلاص خلاص يالله باي
نهى : بااااااااااي
سكرت نهى من نورة وطلعت دفتر خواطرها وبدت تكتب
**********
" بتوحشني"
بتوحشني قول لي ليه
لأنك أغلا من الغلا
لأنك غلا قلبي الوحيد
الغالي من بين البشر
شفت الحلا في عيونك
واسحرتني نظرت عيونك
دي أتكون معايا
ياأغلى من سكن بدنيايا
روحك والله لي عطيه
مأبدلها بأي هديه
يكفي أنك دوم معايا
وطيفك ماغاب عن هوايا
***********
طبعاً هذي من كلماتي أنا الكاتبة" عذوب الغلا"
أنتهى البااااااااااااااااااااارت
أنتظروني ببارت جديد وأحداث جديده ومشوقه
توقعاتكم
وش راح يسير بالسفره
والأحداث اللي راح تسير في المدرسه
وتقبل الأهل لسفرهم
والمزيد من الأحداث
سوف تحدث بالبااااااارت والجزء السادس
تحياتي لكم أختكم " عذوب الغلا"
الجــــــــــــــــــــــزء الســـــــــــــــادس
********************************
في المانيا
********
وصلو خالد وعبد العزيز وفيصل
واللي أستقبلهم في المطار صديق فيصل بدر لأنه سبقهم وأستاأجر
لهم شقة عشان يسكنون فيها طوال سفرتهم في المانيا
******************************
في المطار
*****
بدر وهو يسلم على فيصل: الحمدلله على السلامة
فيصل : الله يسلمك
بدر سلم على خالد وعبد العزيز وبعدها طلعو من المطار متوجهين للشقة اللي أستأجرها لهم بدر
دخلو الشقة فرجهم بدر على الشقة
فيصل : الله ررووعة
عبد العزيز: أي ماشاء الله حلووة
بدربكل فخر : أحم أحم أدري إن ذوقي حلووووو
خالد : هههههههه مداح نفسة 000 عاد كملها
بدر: وأيش اللي مو عاجبك
خالد : بالعكس حلوة أمزح معاك
عبد العزيز: أقول بلاهذرة زايدة أبي أنام بدر لو سمحت دليني غرفتي
بدر : ه يالله تعالو أوريكم غرفكم
فيصل : لاتكفى لاتقول أنهم معاي في نفس الغرفة
خالد وهو يرفع حاجب : وليش أنشاء الله مو عاجبينك
عبد العزيز :ولابنضيق عليك
فيصل : لابس تراكم مزعجين
خالد : اللحين أحنا المزعجين والله مدري مين المزعج فينا
بدر : هههههههه لاتتهاوشون فيصل انت معاي بغرفتي وخالد وعبد العزيز بغرفة بروحهم
فيصل : أحسن عشان أخذ راحتي
خالد : والله حنا اللي راح ناخذ راحتنا
عبد العزيز : شكل أنتم مافيكم تعب
بدر :أقول أمشو وراي أدليكم غرفكم
خالد : يالله
*************************************
نرجع للرياض
********
وبالتحديد مدرسة البنات
فصل نهى ونورة
*********
"يارا بنت رجه تحب المزح والمغامرات"
يارا: بنات وش علينا اللحين
نهى : علينا أدب
يار: يؤؤؤؤؤ أكره شي عندي حصة هذي الأبلة غثه
نورة : من سمعك عاد أحنا اللي نموت فيها
نهى : أصلاً هذي مين يحبها بالله
رغد : أسكتو لاتجي اللحين وتسمعكم شكلكم ناويين اليوم على الوقوف
يارا :تخسي مابقى اللي هي توقفني
نهى : أكشخ يعني لو قالت لكي أوقفي ماتوقفين
يارا: وليش أوقف والله ماأوقف
نهى : تتحدين
يارا : أتحدى ونص
رغد: بنات جتني فكرة مين قدها
يارا: قدها وقدود وأنا يارا قولي بس
رغد : أوكي أسمعو إذا جات نطلع حرتنا فيها ونجننها
نهى : كيف
رغد : يارا جبتي معاكي مطاط؟
يارا : لحظة أشوف دورت يارا شنطتها اي جبت
ليه
رغد : شوفي حطي في المطاط ورقة الأبلة وهيا تكتب على السبورة أرمي عليها هابتسويها
يارا :وأسوي أبوها بعد أفا عليكي بس بطلع كل حرتي فيها
قصصت يارا الأوراق وجهزتها
نهى : ياخوفي ننفض اليوم والله بنروح فيها
نورة : والله ماراح نسلم لو عرفتنا
يارا: وش فيكم خايفين أنتم ماعليكم إذا صار شي وأنفضحنا أنا بتحمل كل شي
رغد : أي ماتقولين أنا قلت لكي
يارا: لاتخافين مابقول صدق خوافين
نهى : موخوافين بس هذي ماراح تعديها على خير لو عرفت انا احنا اللي نرمي عليها
رغد : أسكتو جات
المعلمة : السلام عليكم
الكل وقف : وعليكم السلام
جلسو البنات بعد ماردو السلام
نهى : وجع شوفو كيف مكشرة الناس يدخلون وهم مبتسمين وهيا عابسة وجهها ذا
يارا: اصبري بس والله لأوريها التعصيبه على أصولها لحظه بس
المعلمة : أصصصصصصصص ولاصوت يالله طلعو الدفاتر وأكتبو معايا
البنات بدو يكتبون ويارا بدت بالتنفيذ
وبدت ترمي عليها
المعلمة : وجع أنشاء الله من هذي قليلة الأدب اللي رمتها
البنات لارد هدوء
يارا في قلبها "اللي يوجعك يآآآآآآآرب"
نهى ونورة ورغد بيموتون من الضحك
ويارا ولا كا أنها هيا قاعده تكتب
رجعت المعلمة تكتب
يارا: صبرك علي وترميها
المعلمة بعصبية:تكلمو مين اللي رمت واللي الكل راح يوقف
البنات لارد هدوء
المعلمة بعصبية : منتم متكلمين طيب خلو اللي رمت تنفعكم كلكم وقوف يالله
الكل وقف الا يارا " طبعاً محد شاف يار وهيا ترمي الا نهى ورغد نورة "
المعلمة با أستهرزاء: وأنتي ياست الحسن والدلال ليش ماتوقفين معاهم ولا على راسك ريشة
يارا وبكل برود وهيا تلعب بخصلات شعرها وحاطه رجل على رجل : أمكن وبعدين ماسويت
شي عشان أوقف
المعلمة : أقلك أوقفي منتي با أحسن منهم
يارا: ماراح أوقف ماسويت شي
المعلمة عصبت : أقلك أطلعي بره بره
يارا وهيا توقف : يؤؤؤؤؤ فكة أطلع أشم هوى بدل ها الخنقة وطلعت
المعلمة بعد ماطلعت يارا: قليلة أدب بجد
نهى ورغد ونورة ساكتين وبيموتون من الضحك بس ماسكين نفسهم لاينفضحون
طبعاً ظلو واقفين طول الحصة ويارا المتسببة في المشكلة تتمشى بره هههههههه
بعد مادق الجرس
طلعو البنات يدورون يارا
نهى :الله الله والله منتي بهينه
يارا: أجل وش على بالكم بالله وش رايكم طلعت كل حرتنا فيها
نورة : أي والله عجبتيني بس تكسرت رجولي من الوقفه بس تهون
أهم شي طلعنا كل حرتنا اليوم فيها
رغد : ههههههههههوالله بغيت اليوم من الضحك
نهى : هههههههههههه من سمعك وأنا بعد
نورة : أنا كنت ماسكة نفسي ويوم طالعت فيني مسكت على فمي لا أضحك وننفضح
يارا: والله عادي ياليتكم طلعتو معاي كان سليتوني أحسن من حصتها اللي تغث
نهى : اي والله
نورة: يالله خلونا نروح لريم نخبرها وش سوينا اليوم
نهى : عاد ريم تموت في الأشياء هذي
البنات : يالله
****************************
في المانيا
*****
في غرفة فيصل
بدر يصحي فيصل
بدر: فيصل فيصل يالله قوووم ويجر الفراش
فيصل يسحب الفراش من يد بدر : يؤؤؤ خليني أنااااااام أفتكيت من خلود وعزوز وما أفتكيت منك
بدر : لامافي فكه مني قوم يالله صارت الساعة 9 الصبح يالله تاأخرنا على الجامعة
فيصل : يؤؤؤؤؤؤ نسيت يالله قايم قايم
بدر : في أحد ينسى دراسته
فيصل : على بالي باقي أجازه
بدر: أجل يالله قوم بروح أصحي عزوز وخلود وأرجع لك لا الاقيك نايم سامع
فيصل : خلاص روح وأنا بقوم
بدر راح من هنا وفيصل حط راسه من هنا بدر راح يصحي خالد وعبد العزيز ورجع لفيصل
بدر يصارخ : أنت للحين ماقمت
فيصل فزع : خلاص قايم والله قايم
" طبعاً بدر مع فيصل في كلية التجارة "
*********************
في الرياض
******
وبالتحديد عند باب مدرسة البنات
نهى : يالله باي أشوفكم بكرة
نورة +رغد + يارا : بااااااااااااي
راحت نهى للبيت
نهى : السلام عليكم
أم خالد: وعليكم السلام
نهى : يمى يمى ترى حدي جوعااااااااااااااانه
أم خالد : يالله روحي بدلي على ما أحضر الغدى
نهى : أوكي
*******************
في بيت أبو عبد العزيز
************
على سفرة الغداء
********
أم عبد العزيز: أبو عبد العزيز مادق عليك عبد العزيز اليوم
أبوعبد العزيز:دق اليوم وهو بخير ويسلم عليكم كثير السلام
أم عبد العزيز : الله يسلمك ويسلمه
نورة: والله له وحشة اشتقت للخناق معاه
أم عبد العزيز: الله يرجعه لنا بالسلامة
الكل : آآآآآآآآآآآآآمين
*******************
في بيت أبو فيصل
*********
تلفون البيت يرن
ريم وهيا طالعه من المطبخ وبيدها كاس عصير برتقال
وينهم محد يرد
ريم : الو
فيصل :هلا والله بريم
ريم : هلا فيصل أخبارك
فيصل : بخير أنتم أخباركم وأخبار أمي وأبوي
ريم : والله بخير أنت شلونك وشلون دراستك وشلون الوضع هناك
فيصل : والله تمام الحمدلله بدينا نتاأقلم مع الوضع
ريم : الحمدلله وشلون خالد وعبد العزيز
فيصل : والله بخير يسلمو عليك الا وين أمي
ريم : والله ما أدري أمن في بيت جيرانا
فيصل : اهاااااا
ريم : والله لك وحشة
فيصل : وأنتم بعد الا أقول أخبار نهى ونورة
ريم : والله تمام اليوم شفتهم بالمدرسة
فيصل : ها كيف أول ثانوي معاكم
ريم : الحمدلله زينة
فيصل: الله يوفقكم طيب سلمي على نهى ونورة كثير السلام
ريم : يوصل مابطول عليك يالله مع السلامه
فيصل : مع السلامه وسلمي على الجميع
ريم : يوصل
**************
توقعاتكم
هل ريم رااح توصل سلام فيصل لنهى ونورة
وش راااااااح تكووووووووون ردة فعل نهى
كله بالباااااااااااااارررررررررت الساااااااااااااااااااابع
*************************
أنتظروووووووووووووووووني قريبااااااااااااااااً
باذن الله
تحياتي لكم أختكم عذوب الغلا
ملاحظه
آآآسفه غلطت باأسم صديق فيصل وهو فهد مو بدر
الجـــــــــــــــــــــزء الساااااااااااااااااااااااااااابع
******************************************
طبعاً مرت احداث هذا اليوم عاديه
يوم جديد
في المدرسة وبالتحديد في " الفسحة"
البنات كلهم جالسين مع بعض
نهى :ههههههههههههههههه
نورة: خلاص يارا تكفين ههههههههههههههههه
رغد: يمى بطني هههههههههههههههههههههههههههههههه
يارا: ههههههههههه خلاص آخر وحده
"فيه خروفين بجنب بعض .. قال الأول : " بااااء " .. قال الثاني : " توني بأقولها " !!
الكل : هههههههههههههههههههههههههههههههههه
نورة: تكفين يكفي
ريم +هيام :السلام عليكم
الكل:وعليكم السلام
ريم : وش فيكم تضحكون ضحكونا معاكم
رغد:هذي يارا تقول لنا نكت ههههههه
ريم:طيب سمعونا
يارا:لاالبنات قالو يكفي
نهى:اي والله يكفينا ضحك
هيام: طيب يالله وحده بس عشانا
يارا:ها بنات أقول
البنات: خلاص قولي بس آخر وحده
يارا:أوكي
أسمعوووووووووووووو "فيه قروي عطوه سمبوسه ... فتحها يحسبها هدية "
الكل: ههههههههههههههههههههههههههه
شوي دق الجرس معلن عن انتهاء الفسحة وأبتداء الحصة الرابعه
قامو البنات ودخلو لصفوفهم
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك