رواية في عمر الزهور مع الحب المنثور -8
وتعطيه اياه وبهالوقت دق تلفون شيخة على نغمة (( be easy ))
شيخة : هلا بيشو
بشاير : بيشو بس
شيخة : انا مع الاهل
بشاير : مممممممممممممممم مشتاقه لك
شيخة : انا بعد انتي وين الحين
بشاير : بالبيت
شيخة : ممممممممم شرايج تييين الوفرة معاي
بشاير : ما ادري يمكن امي ما ترضى
شيخة : شوفي اسأليها عندج ساعة ودقي لان بروح عندي فطوم وبروح معاها بسيارتها فإذا بتييين قولي لي امرج وترى بنام اهناك 3 ايام
بشاير : وناسة وكلهم معاك
شيخة : عشان اسويلج شي عجيب
بشاير : دقيقه اقول لامي وادق عليك
شيخة : ماشي ياقلبي انطرج
بشاير : باي اموااااااااااااااه
شيخة : باي
فيصل : صبي صبي مو بنت
شيخة : اسكت فصيل مالي خلقك
محمد : يا سلام عليج يا يبه تقولين لها يا قلبي وانا حتى حبيبي مافي
شيخة : بعد عمري هاذي غير ههههههههههههههههههههههههههههه
سارة : والله لوعتوا جبدي مر المطعم خلينا ناخذ صمون
محمد : انشالله
.................................................. .................................................. .................................................. .................................................. ...................
في بيت الجده
الجده: فطوووم يمه وينج
فطوم : شسوي اللزقة ريلي مو راضي يهدني يمه كله يتكلم بالتلفون
الجده : يحبج شسوي
فطوم : اوكي يحبني مو لزقة جذي اف غثني ?
الجده : قلتي له ايي الوفرة
فطوم عفست ويهها : ليش بعد يمه حرام عليج ابي استانس
الجده: يالله عاد دقي عليه واعزميه
فطوم : افففففف نزين
وتدق فطوم على خطيبها واسمه جراح
فطوم : هلا جراح شلونك
جراح : هلا حبيبتي هلا قلبي هلا روحي هلا عيوني
فطوم : هلا فيك امي تقول تعال الوفرة
جراح : امج واله انتي يمه يا عيارتج
فطوم كشت على التلفون وكملت واهي مبوزة : أي أي استحي خلاصصصصصصص
جراح : يمه فديييييييييييتها اوكي تبيني امرج
فطوم : لا لا لا شيخة بتكون معاي
جراح : عادي يا قلبي واله ترى ازعل
فطوم : جراح لا تصير جذي
جراح : مابي ابي اخذج
فطوم : نزين
جراح : شنو شكلج ما تبيني اييي
فطوم : لا شدعوه
جراح : حسبالي فديتج والله
فطوم : امي تناديني اشوفها وادق عليك
جراح : ماشي بااااي يا قمر
وسكر وقالت فطوم في قلبها : بااااي يا بقرة
.................................................. ......................................
الجده : هااا قلتي له
بهالحزه وصلوا بيت محمد
الجده : هلا والله بوليدي
محمد : السلام عليكم
الجده : وعليكم السلام هلا حبيبي هلا سارة وين العيال
سارة : بعد ما تعرفينهم يتهاوشون عشان يدشون
الجده : فديتهم
شيخة : سلام
الجده : وي وي وي شمسوية بشعرج
شيخة : اديدة خلصنا
الجده : والله عبالي صبي
شيخة بابتسامة ساخره : لااا
فطوم مو عاجبها الوضع : هلا شيخة شلونج ؟
شيخة تطالع فطوم من فوق لي تحت : هلا
فطوم : تعالي ابيج
وراحت وراااها شيخة : هاااااااااااا
فطوم : ليش مسوية بشعرج جذي
شيخة : شاليديد
فطوم : اللي بوصلنا جراح
شيخة : يوووووووه يمكن تييي بيشوو
فطوم : انا بعد لايعة جبدي لاحقني كل مكان قطيعة
شيخة : قولي له اني ما رضيت اركب معاكم
فطوم : تكلمينة وتقولين له
شيخة : زين دقي
فطوم : ماشي هاااج دقيت
شيخة : قوه جراح
جراح : هلا بو الشباب
شيخة : حمدالله والشكر
جراح : اقول انا ابوي مو راضي اركب معاكم انا وفطوم ولان رفيجتي بتييي
انت الحقنا وانا بروح مع فطوم وبيشو ماشي باي
جراح : لحظه
شيخة : شنو
جراح : ليش ما تروحين مع ابوج
شيخة : مابي
جراح : ماشي القاكم اهناك
شيخة : زين جاو
جراح : جاو
.................................................. .................................................. .................................................. ....................
شيخة : خلاص بنروح معاج
فطوم : واااي تدرين اشتقت لج
شيخة : صج وينج لا تسألين عيل
فطوم : انتي تغيرتي
شيخة : لا انا مثل ما انا
فطوم : وين شيوخ اللي تضحك وتتغشمر وين مغامراتنا وين الحب
شيخة : صج صج مراهقه
فطوم : يا معودة يا كبيرة
شيخة : كااا رضيييتي تتزوجين وتخليني
فطوم : والله ابي ارتاح
شيخة : من شنو بالله
فطوم : من اشياااء وااايد
..............................................
...............................................
...............................................
محمد : شيخة شيخة
شيخة : نعم
محمد : بتروحين مع جراح وفاطمة
شيخة : لا يبه بس انا وفطوم ويمكن رفيجتي بيشو
محمد : اها يالله احنا الحين ما شيين وترى معانا يدتج مو تطولون
شيخة : ماشي
محمد : يبه شيخة
شيخة : هلا
محمد : ديري بالج على روحج
شيخة مستغربة : زين
ويدق تلفون شيخة بهاللحظه ومنو يا ترى منو منو
شيخة : نعم يبه نعم
فواز : شفيج شيخة علي
شيخة : ترى لوعت جبدي شيسوى عليك اقول لابوي الحين
فواز : قولي له انا ولد عمتج مافيها شي
شيخة : لا فيها شي عيب صوت المره عورة
فواز : عورة زين زين
شيخة : الحين وبعدين معاك
فواز : قلت لج انا زوجج
شيخة : استريييح ولا تدق لان والله اكسره فوق راسك
فواز : فدوة راسي لج
شيخة : حمدالله والشكر
ولقت معاها خط انتظار
شيخة : يالله يالله رفيجتي تدق
فواز : لحظه
وسكرت شيخة منه وردت على بشاير
بشاير : شيوخ
شيخة : شيوخ !
بشاير : امي يمي تبي تكلمج
شيخة متوهقه : ليش :\
بشاير : مو مصدقة بييي معاج وتبي تسألج جم سؤال
شيخة : اوكي
ام بشاير : الو السلام عليكم
شيخة بأدب مصطنع خخخخ : وعليكم السلام ورحمة الله وبركاته شلونج خالتي
ام بشاير : هلا والله انا الحمدالله انتي شلونج وشلون الوالدة
شيخة : بخير يا خالتي
ام بشاير : حبيبتي انا عارفة اخلاقج بس ما اتطمن اخلي بنتي تيي معاكم
شيخة : ليش يا خالتي ترى احنا بنسوي بالوفرة حلقات قرآن وجلسات وندوات ولا تنسين انه امي داعية وخالاتي وبشاير تقول انه عندها اشرطة احاديث وقرآن وبغينا نستفيد
ام بشاير اعجبت بشخصية شيخة هذول واهم صغار دينين يا حليلهم : والله اذا جذي يا بنتي انا ما عندي مانع وراح اخليها تيي معاج ومتى بتردون انشالله
شيخة : بعد 3 ايام يا خالتي
ام بشاير : موفقين يا حبيبتي هاج بشاير
بشاير : هلا شيوخ ههه
شيخة : بس لا تضحكين مو تفضحينا لبسي نص ساعة ونمرج
بشاير : ماشي باي
شيخة : باي
.................................................. .................................................. ..........................................
احمد : فواااااااز وصمخ يالله
فواز : ياي ياي
احمد : يالله وريم شيلي اليهال وتعالي
ريم : وليش انت ما تشيلهم
احمد : ما تشوفين الاغراض
مزنة : خلاص يا يمه خلاص
فواز : بلا هواش انا اشيلهم
احمد : احسن بعد ويالله كلكم جدامي
.................................................. .................................................. .................................................. .................................................. ..
في بيت وضحة وزوجها بندر ...
بندر : ها حبيبتي خلصتي جنطة هيونة
وضحة : أي حبيبي
فهد : يمه شوفي هيون خذت الرغوة
وضحة : حبيبي عندنا وايد خلها تلعب فيها
بندر : اصلن فهود ريال وراح يفهم هالشي
فهد مبوز : أي انا ريال
وضحة : خلاص بندر الحين نمر البقالة ونشتري 5 علب رغوة حق فهود
فهد : هياااااا
بندر : أي محد ماكلها غيري ?
وضحة : يا حبي لك هههههههههههههههه
.................................................. .................................................. .................................................. .
في بيت خليل حيث الهدوء التام والاعصاب المشدودة .... ننسى كل الماضي مر على موتت سارة سنتين لا نتذكرها والانسان مو معصوم على الخطا وخليل غلط بس لي متى يا ابراهيم تحمل ابوك خلااص انسى
خليل : ابراهيم يبه روح نادي اختك
ابراهيم باحتقار : افف
لطيفة : عيب يا ابراهيم هذا ابوك
ابراهيم : خلصنا عاد لولو يالله تعالي
عزوز : وانا
ابراهيم : انثبر عند ابوك
خليل : الله يهديك
ابراهيم : هههههههه لحظه لحظه عيد مره ثانيه اول شي خليني اشغل الكاميرا واصورك واله اقولك ما ابي اوصخ كامرتي
لطيفة : ابراهيم ان عدت هالكلام مافي بانشي
ابراهيم : والله عشان البانشي بسكت
خليل : لطيفة لحقوني السيارة
ابراهيم : يمه ترى انا بروح مع بيت عمي فهد انتو روحو وانا الحقكم
لطيفة : انشالله وخلك عاجل
ابراهيم : زين
وراحوا وابراهيم خذاها فرصة يدق على شيخة اشتاقلها واهو على نياته بدى يحبها وشيخة تحسبه مثل خويييها هههههههههههههه
ابراهيم : الو قوة
شيخة : هلا الله يقويك
ابراهيم : شلونج
شيخة : تمام وانت ؟
ابراهيم : انا تمام
شيخة : مممممم ما رحت الوفرة غريبة
ابراهيم : لا ناطر عبود ولد عمي فهد بروح معاهم
شيخة : اها
ابراهيم : وانتي منتي رايحة
شيخة : لا من صجك وييع ماني يايه
ابراهيم منصدم : ليييييش ؟
شيخة : شفيك اتغشمر لا بيي اصلن انا ادري اذا ما ييت ما تحلو الطلعة
ابراهيم : مغرورة
شيخة : مممم
ابراهيم : مشغولة
شيخة : لا بس انا بالسيارة مع فطوم بروح اخذ رفيجتي ونيي انشالله الوفرة
ابراهيم : اها خلاص انا اشوفج اهناك انشالله
شيخة : اوكي باي
ابراهيم : باي
بسيارة فطوم ...
فطوم : اشوفج اخذتي على ابراهيم واايد
شيخة : ممممم مثل اخوي
فطوم : مثل اخوج وغمزت لها
شيخة : كلن يرى الناس بعين طبعة
فطوم : والله وكبرتي يا شويخ
شيخة : كل الناس تكبر
فطوم : ياليت يرجع الزمن لورى والله اشتقت لايامج يا شيخة
شيخة : مممم
فطوم : والله شيوخ ردي مثل اول
شيخة : انا مثل ما انا ما تغيرت
فطوم : اول كنتي تضحكين وكنتي كله معاي بنفس الخط الحين انتي بوية
شيخة : بوية ! وشنو يعني
فطوم : شيخو لا تتغيشمين
شيخة : مممممم بالعكس الحين احسن مو احبن بدال ما اكلم شباب
فطوم : كا تكلمين ابراهيم
شيخة : قلت لج مثل اخوي
فطوم : الله يهديج
شيخة : تكفين شوفي منو يتكلم عن الهداية
فطوم : انا صج كنت موزينة وكله اكلم بس انا خففت يعني الحين ما اكلم الا 3
شيخة : وانتي متزوجة مو حرام تخونين زوجج
فطوم : هاذي مو خيانة انا ما حبيت غيره بس اكلم !
شيخة :هههههههههههههه لا مو قاعده تخونينة
فطوم : نزين فكينا من هالسالفة رفيجتج أي قطعة ؟
شيخة : 3 وشارع3 ومنزل 3
فطوم : ذهبي يلعن خير بيتهم
شيخة: هذول الرفيجات
فطوم : دقي عليها خليها تطلع
شيخة : زين
ودقت شيخة على بشاير
بشاير : هلا حبي
شيخة : يالله طلعي
بشاير : زين يالله
شيخة : بااااي
.................................................. .................................................. .................................................. .................................................. ......
.................................................. .................................................. .................................................. .................................................. ......
والكل مشى وراح الوفرة بس خلونا نتوقف على هالشعر وناخذ بريك
خنتي الأمانة
خنتي الأمانة يوم قلبي تمناك
وش مقصدك يومك علينا تغلين
لالاحشى ما ودي اليوم لقياك
شوفي بدالي واحد به تسلين
خلي غرورك ينفعك مع سواياك
منتي مثل ماكان يومك تحبين
لا تحسبين أني أحبك وأهواك
يكفي ترى ماراح مايرجع الحين
حيث أني اعلنت للناس فرقاك
روحي على ماكان ودك تروحين
عساك ماعين من الناس ترعاك
وحياة من أنزل تبارك وياسين
واليوم أنا قررت ماعاد أرجاك
لوكان جرحك ينزف اليوم نهرين
روحي عسى هم من القوت يبلاك
وعلى الكلام أقسمت دين بأثر دين
للشاعر : الشيخ عيسى بن خليفة آل خليفة .....
.................................................. .................................................. .................................................. .................................................. ......
بالوفرة راح تصير اشياء وايد ويمكن تضيع فيها ناس ويمكن تتغير ويمكن تكره ويمكن تحب ............
محمد : يالله يا بندر ساعدني
بندر : الله يهداك انت مستعيل وايد
محمد : شنو نقعد على الرمل يعني
بندر : يالله كاهو احمد واهله وصله يعني لقينا احد يساعدنا
محمد : يالله خلنا نسلم ونفرش الخيمة بعدين
بندر : عيل يووو بوقتهم الله يهداك تعبتني
محمد : عيب على الرياييل لووول
ابرار : فيصل لا تروح بعيد واقعد مع عبود
فيصل : انت وميري تقدرون على عبود
ابرار : ترى والله اعلم ابوي
فيصل : مو جنه هذا بيت عمي فهد وصلو
ابرار حمر ويهها : وين
فيصل : يالطماطة كاه عمية ما تشوفين
ابرار : أي يالله نسلم عليهم
مر على الوفرة 3 ساعات والكل وصل ما عادا فطوم لان راحوا يفرون بشارع الخليج واييوون
المهم الكل سلم واللي فرش الخيام والله سوى الغدا وسوو الملعب وكل شي فيه الوناسه ونزلو البانشيات والبقيات والقواري للصغار وعند محمد وسارة واهم يتمشون
محمد : سارة بنتج واختي تأخروا
سارة : دق على بنتك واسالها
محمد : على فكرة صرتي قاسية على شيخة
سارة : بنتي تغيرت يا محمد وين شيخة اللي تضحك البنت الشيطانة الحين كله والله مرات اسميها فيصل مو شيخة فشلتني الكل يقول عنها صبي
محمد : ميخالف هاذي مرحلة وتعدي وراح تعرف الصح والغلط ولا تنسين سالفة حمني اكيد مراح تنساها
سارة : انا معاك بس مو جذي اهيي عبالها انها هي السبب في موتت حمني
محمد : لا حول ولا قوة الا بالله خليني اتصل عليها
ويدق على شيخة
شيخة : هلا يبه شنسوي زحمة ربع ساعة ونكون عندكم
محمد : نزين شفيج كليتيني يبتي رفيجتج
شيخة : أي معانا سويييتو الخيام والملعب
محمد : هههههه أي واحنا نقدر
شيخة : عبالي يالله زهبوا حالكم والحين اييي ونلعب
محمد : يالله ننطرج وقولي لفطوم بلا هياته وتعالو بسرعة 3
ساعات شتسوون بالله
شيخة : زحمة يا يبه زحمة
محمد : زحمة والحين الساعة 10 الصبح
شيخة : جنك مو مصدقني يبه
محمد : لا مصدقج يالله تعالو
شيخة : عد لي العشرة واحنا عندكم
محمد : يالله باي
شيخة : باي
.................................................. .................................................. .................................................. .................................................. ........................
شيخة :فطوم ترى الاهل شكو فينا
فطوم : وييي تعالي جراح داق فوق 20 مره
شيخة : والله هذا لوع جبدنا
فطوم : اصصص بدق عليه وانتو سكتوا
جراح : انتي وينج
فطوم : شسوي زحمة
جراح : زحمة هااا والحين الصبح
فطوم : شنو حبيبي مو مصدقني
شيخة : ههههههههههههههههههههههههههههههههههههه
جراح : انتي حاطه سبيكر
فطوم : الله ياخذج زين ها حبيبي لا
جراح : زين يا فطيم عندج ربع ساعة ان ما يييتي راح امشي ترى
فطوم : لا لا كاني يايه (( وكشت على التلفون ))
بشاير : واااااااااي بطني ههههههههههههههههههههههههههه
فطوم : زين اوريكم
جراح : شالسالفه شللي يضحك
فطوم : لا البنات ينوا واقعدوا
جراح : اها يالله بسرعة تعالي ولا تطولين
فطوم : زين باي
جراح : باي
فطوم : ممكن اعرف انتي وياها ليش تضحكون
شيخة :شكلج يضحك وانتي خايفه منه
فطوم : وانتي الثانيه بعد شنو ضحكج
بشاير :والله شيخة تسوي شي بويها يضحك ههههههههههههه شوفيها شوفيه
فطوم : هههههههههههههههههههههههه الله ياخذج هاذي سواااتج هياااا جنها شيخة بدت ترد على عاداتها القديمة
شيخة : عيل بكشر
فطوم : لا تكفين ترى اذا كشرتي ادق على جراح واخليج تضحكين غصب
شيخة : أي هههههههههههههههههههههههههههههههههه
.................................................. .................................................
ووصلت فطوم وشوشو وبيشو لووووووول
.........................................
.........................................
والكل تغدى واللي نام واللي تمشى والي يلعب خلونا بالملعب الحين
...
ابراهيم : شوفو شباب راح نقسم الفريق قادسية والعربي منو يبي القادسية ومنو العربي
وانقسموا نروح للقادسية : ابراهيم ، عبود ، نصور ، بندر واخيرا شيخة هههههههه
العربي : فيصل ، محمد ، جراح ، ابراهيم ولد فهد ، أحمد
وتبدي المباراة فريق التشجيع العمات للقادسية (( فطوم ، وضحة )) ورفيجة شيوخ بيشو
والعربي : باجي الاأهل
الشوط الاول
بندر : شيخة خلج حارس
شيخة : نعم نعم نعم لا عيوني انا هجوم ومافي أي تنازل
ابراهيم : خلاص انا بصير حارس
بندر : خلاص يالله قادسية
الكل : قادسية
أما العربي فالحارس فيصل هههههههههههههههههههههههه من حجمة قالول بصد الكرة
والمباراة نصها بجي ونصها صراخ وبالاخير النتيجة 5 \4
5 القادسية
4 : العربي
شيخة : هيا هيا هيا هيا كااااااااااااااك فصووول خلاص لا تبجي
فيصل : جببببببببب انتو غشاشين
شيخة : شنو غشاشين هاذي اللعب
فيصل : سكتي سكتي يا صبي
شيخة : هههههههههههههههههههه عبالك ببجي
ابراهيم : عيب عيب فيصل
فيصل : اسكت انت اصلن انت اكبر غشاش
شيخة : خله ابراهيم مالك شغل فيه
ابراهيم : تعالي ما شفتي فواز مالعب معانا المباراة
شيخة عفست ويهها : لا ما شفته
ابراهيم : نزين شفيج عصبتي
شيخة : لا عادي
بشاير : يالله شيخة فطوم تبينا
شيخة : يالله ابراهيم جاو
بشاير ابتسمت لابراهيم
ابراهيم رافع حاجب ويقول في قلبه (( شفيها هاذي ))
شيخة : هييييييييييييي شفيج يالله
بشاير :يالله حبيبي يالله
شيخة : عبالي بعد وراي يالله
فطوم : شيوخ شيوخ شوفي شوفي
شيخة : شنو
فطوم : شوفي فواز شمسوي
شيخة : شنو وين ؟
فطوم : طالعي فوق
وبطيارة ورقية فواز مسويها مخصوص عشان شيخة ومكتوب فيها (( شيوخ أحلى البنات ))
شيخة مصدومة وما تدري وين تروح
ابرار : يا حظج شيوخ شوفي
بشاير : شيوخ شعليج
فطوم : ابي ابي والله ادق على جراح يسوي لي جذي والله مالي شغل
فطوم : جراح انت وينك
جراح : تعبان من المباراة انا بالخيمة تعالي مافي احد عندي
فطوم : مابي انا زعلانة
جراح : افا افا افا ليش عاد ؟
فطوم : اطلع برة وشوف فوق
جراح : يالله ومنها نتمشى مع بعض
فطوم : يالله
شيخة : شالسخافة هاذي
منار : سخاااااافة بعيييينج والله موكفو
لولو : شوشو من صجج والله وناسة وكافي انج احلى البنات
شيخة : بشاير امشي نمشي
بشاير :يالله
شيخة : وانتو خلكم بهالسخافة بعد
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك