رواية اخذتي عقلي من النظرة الاولى -11
السلام عليكم
الجزء السادس عشر
طلعت لهم الدكتورة وعليها إبتسامة.:ماحصلش حاجة للبنت بس إلي لكم بشارة ..
رفعت راسها وشافت الدكتور وبعد ماطمنتها حطت يدها على صدرها وقالت.:الحمدالله
الدكتورة.:المريضة حامل وهذه كلها أعراض الحمل
أنصدمت لا وأستغربت زياده متى قرب لها وومتى متى .أسئلة كثيرة في بالها قالت لاأرتاحت بسأل عنها ودخلت للغرفة استغربت توقعت بتبكي وتنصدم وتزاعق بس الي شافته انها مبسوطة وحاطة يدها على بطنها رفعت راسها وقالت.:شفتي طلعت حامل ..ورجع نظرها لبطننها وقالت.:اااااه احس الدنيا مو سايعتني من الفرحة انتي تدرين شكثر احب الاطفال
دانة جلست جنبها وأبتسمت لها وقالت هي تميل شفايفها.:اجل حامل.؟!..ومن مشعل ..ايه مشعل الي ماتطيقيه وتكرهيه هذي نهايتها حامل منه.!!
إسراء وتتجنب كلام دانة وقالت.:ماهمني ااااه احلا هدية بهالكون يكون عندك أطفاال .
قطع عليهم دخول الممرضة.:مرحبا
اسراء ودانة.:اهلا
راحت لاسراء وعطت لها المغذي وخلتها ترتاح وطلعت
إسراء.:دانة أتصلي على ماهر وخليه يجي
إسراء.:إيه احين بيجي يأخذني
إسراء وهي مخططة لشي
************************************************ بعــــــــــــــــــــــــــــد يومــــــــــــــــــــــــــــــــــــين
عند ريم ومؤيد بحياتهم لا جديد
في الساحة الخضراء بروما
عند ريم الي تمشي بسرعة وتناظر بالورود وتكمل مشيها ومؤيد الي طفشان وهو وراها يمشي كأنه بودي القارد حقها
فجأ تلف له ريم وبيدها ورد احمر وبإبتسامة غريبة.:تفضل
(ومدت يدها لمؤيد)
مؤيد بإستغراب.:لي؟!
ريم وتناظر الورد.:إيه لك اعتبرها هدية مني لك ي زوجي العزيز
مؤيد خذ الورد وشمها.:وإيش المناسبة ي (ويقلد صوت ريم).:زوجتي العزيزة.! ورد هه ولونها احمر
ريم وهي تمشي وردت بهدوء.:امم اللون الاحمر يدل على الحب والورج يدل على الرومانسية
مؤيد بسخرية.:إيه ووش مناسبة هالمعلومة ووش دخل لها الحين
ريم وفهمت نبرة مؤيد وقالت.:ليش ي حبيبي الا لها دخل ونص ..انا من ايام ابي اعلمك كيف تكون رومانسي زي الحين تجيب لي ورد هذا يكفي ويوفي ويدل على انك رومانسي
مؤيد.:عاد انتي الي تعرفين بهالامور تفصحي نفسك وتعالي تكلمي علي
وانا من تزوجنا ابيك تكونين مثل أي زوجة مع زوجها وتصرفاتها وتعاملها.!
ريم.:افش فيك هجيت علي انت الي ماتفهم ودايم اقول لك ع...
قاطعها مؤيد وهو يزفر بعصبية.:انتي ماشاءء الله عليك زوجة على عسل وذكية تدرين اني مبسوط لاني تزوجتك لانك غير عن الكل
(وراح وخلاها وهي تتافف منه)
************************************************** ********عند لجين الي تكلم منى على الجوال.:انتي من جدك؟!
لجين.:إيه من جدي
منى بتفأجا.:يعني بترجعين لراكان لالا انتي تكذبين علي؟!
لجين.:إيوه وبعدين ليش اكذب علي جانا قلت لك هو رجع وقال لظافر وسألني وكل الي سويته وافقت
منى بهدوء.:وليش وافقتي؟ غريبة مو تقولين نسيته ولاعاد يهمني
لجين تصرف.:المهم بكره بتيجين مع خالتي صح
منى.:حلوة التصريفة ي لجين بكره لي كلام كثير معاك
لجين.:خلاص عاد منى بقفل وراي زواج صحبتي وماتجهزت
منى.:اوك مع السلامة
لجين.:سلام
وقفلت منها وهي تتنهد.:ماهمني كلام الناس اهم شي اني بكون مع راكان وبس
ورفعت يدها وهي تناظر الساعة.:يووه تاخرت الساعة6 وماتجزهت
وقامت بسرعة وهي تتجهز لزواج جوودي
************************************************** ***
عند جودي ومعاها ام زياد وام حمد وساره وسمر حوليها
ساره.:.جودي حبيبي لاتتحركي عشان تزبط الكوفيرة المكياج
جودي بتوتر.:كم باقي وتروحين للقصر
ساره.:مدري واالله نص ساعة يمكن
جودي.:خليك معاي ونروح مع بعض
ساره.:ماقدر لازم اروح اشوف القصر وبعدين سمر بتجلس معاك
ام زياد راحت لـ جودي وهي تبتسم.:طالعة قمر وي ي بعدي انتي الله يحفظك ويحرسك (ولفت لام حمد).:شرايك فيها ي هاجر ماشاء الله عليها
ام حمد تبتسم مجاملة لمنال وولا كان ودها جودي لمروان ولدها
جودي تناظر نفسها بالمرايا وهي مبسوطة بس بقى لها لمسات اخيرة
بـــــــــــــــعد نص ساعة تقريبا خلصت جودي
وسمر كانت تساعدها بلبس الفستان كانت تبي تروح لها وتبارك لها وتعتذر على كل شي بس شافتها مبسوطة وماحبت تعكر مزاجها
فجـأء تدخل لهم جمانة وبإبتسامة.:يلا ياعروسة ريان اخوك ينطرك بره
جودي.:طيب (والتفت لسمر).:خلص شكلي زابط
سمر.:إيه حبيبتي تعالي بساعدك
وبعد ماخلصوا ولبسوا العبايات طلعوا لريان الي كان ينتظرهم تحت
ووصلوا القاعة بعد نص ساعة من الزحام
جودي تعكر مزاجها ونزلت مع جمانة.:اف الوقت راح
جمانة.:لا ويين حبيبتي لسه بدري يلا ندخل
ودخلوا القاعة وراحوا لجناح العروس
(راح اوصف بسرعة وأي كلام لاني مابحب اوصف)
بعد ما خلصت الكوفيرة تزبيط شعر جودي كان ناعم مرة تسريحة شعر جودي كيرلي ومفلووت على كتفها
وبعد ماخلصوا وكل شي وحان زفة جودي
طفت الانوار وتداخلت اضواء خافتة بالاصفر طالع شكل الصالة رووعة
وبالذات شكل الصالة على طراز اندلسي وترتيب الكوشة اندلسي
يا ما شاء الله عليك وجمال الكون إللى فيك
لو في مثلك كثير الدنيا صارت بخير
صدقني وبكل صراحة كل شيئ بخير
يا ماشاء الله عليك وجمال الكون فيك
رزقة وجمال وحلال
تسكن القلب بسهولة وتسعد بلحضة الغضب
ياماشاء الله عليك وجمال الكون اللي فيك
كثر من يعشقونك وبدهم يوصلولك
جلست بالمكان المخصص لها وكل المعازيم جو لها ويسلمون عليها والي تبارك
وام زياد بعد ماتصل عليها ابو زياد عشان زياد يدخل
وبالطاولة الي عليها ملاك وبعض المعازيم
ملاك.:ويه ايه على قولتك حتى تخيلي تصوير ماصورت
ريناد.:فيه حد ليلة زواجه مايتصور اما هذي لازم تدخل موسوعة جينيس
لجين الي كانت جالسة معاهم وتسمع لكلامهم احتقرتهم وحست انهم بنات متخلفات كل همهن الموضة والتفااهات
وراحت لجودي سلمت عليها.:مبروك ي جودي
جودي.:الله يبارك بعمرك
ساره تهمس لها.:جودي يلا ندخل داخل العروس ينطرك ههههه
جودي توترت وفرحت بنفس الوقت لانها بتشوف طبعا زياد
وقامت مع ساره للداخل
ساره.:انا بطلع وهييه خلي عندك شوي خجل وسوي روحك خجلانة وردي بصوت خافت ولاتنسين ب
جودي قاطعتها.:هيه اكيد بكون خجلانة وخلي هالقواعد لك
ساره تضحك ولما شافت زياد قدامها بالممر طلعت بسرعة
زياد دخل وطول الوقت صابر على نفسه يبي يشوفها اشتاق لها .:احمم السلام عليكم
جودي دق نبضها بالقوة لما سمعت صوته وقالت بهمس.:وعليكم السلام
زياد ويثقل نفسه ومايبي يحتك بها الحين.:كيفك
جودي بخجل.:الحمدالله وانت كيفك
زياد جلس وقال ببرودة.:تمام مبروك
جودي.:الله يبارك بعمرك ومبروك لك
زياد ماعلق وطلع الخاتم من العلبة ولبسها لـجودي وجودي بعد لبست له الخاتم
وطلعت جودي لسمر ولبست العباية وطلعت للسياررة كان يسوقها خالد وجلست ورا مع زياد
خالد لف المرايا لجودي وأبتسم وساق
وصلهم للفندق ونزلوا زياد وجودي دخلوا الجناح
وزياد مايبي يتكلم معاها ولامتشقق من الوناسة
رمى الشماغ دخل للحمام بدون مايعلق
جودي استغربت من هدوئه وسكوته دخلت للغرفة وطلعت لها ملابس
عند زياد بعد ماطلع مالقاها موجودة عرف انها بالحمام الثاني كان بس لابس فوطة وجلس على السرير وهو يتذكر اللحظة الي كان بيرتبط فيها
صح ماعرف انها جودي الا قبل يومين كان مبسوط
ومن كلام ريان المسكين الي مو عارف السالفة
قطع افكاره دخول جودي الي استغربت انه لسه جالس وماغير ولا شي
نزلت رأسها بخجل وقالت.:أسفة ..(وجت بتطلع)
لكن زياد وقفها وقال.:لا انا طالع للغرفة الثاني خذي راحتك بهالغرفة ..هذيك غرفتي لابغيتي أي شي انا هناك
وطلع وخلاها وسط إستغرابها
جلست على الكرسي وحطت لوشين على جسمها ولبست الروب وجت بتنام لانها مانامت اليوم كلله حطت راسها على الوسادة ونامت
عند زياد بعد مادق الباب عشان تتعشى معاه وماسمع ردها دخل بشويش ولقاها نايمة وقاطبة حواجبها ابتسم على شكلها البريء جلس جنبها وحط يده على وجهها برقة وصار يلمس عيونها بهدوء وخشمها وشفايفها
حس على نفسه وخاف انها تقوم وتشوفه
باس وجهها بهدوء.:تصبحين على خير
(وطلع من الغرفة)
********************************
في نفس هالوقت
عند إسراء الي جالسة على السرير وتهز رأسها بلا.:مابي اروح معاه
ام ماهر.:ي بنتي الولد بره ينتظرك وهذا مو أي واحد غريب هذا زوجك
إسراء.:انا قلت بجلس عندكم اسبوع واكثر مابا اروح البيت الحين
دانة.:خلاص يايمه لاتظغطين عليها خليها وهو الحين تذكرها وجاء ياخذها
إسراء ابتسمت لدانة وقالت:.صح ليش دوبه يجي
ام ماهر.:عشان اخته جت وماكان فاضي
دانة وإسراء بإستغراب.:أخته؟؟؟!!
ام ماهر جلست جنب إسراء.:اخته كانت تدرس بره
وقبل كم يوم جت
إسراء.:يعني عنده اخت غريبة وماقال لي
ام ماهر.:مدري عنه ياإسراء خلاص
وطلعت لمشعل وقالت.:خلاص ياولدي خلها هاليوم عندها وتعال بكره خذها طيب
مشعل انقهر منها وقال بهدوء يخفي عصبيته لخالته.:إن شاء الله ياخالة بكره باجي وخلينا نشوف تطلع ولالا
ام ماهر ابتسمت له قالت.:تصبح على خير ياولدي وسلملي على ريماس
مشعل قام.:إن شاء الله ياخالتي يوصل يلا مع السلامة
ام ماهر.:بحفظ الرحمان
طلع مشعل للسيارة وصار يسوق بعصبية
وصل البيت وكانت اخته قدامه وكانت تلف راسها وتدور على شي.:وينها وين زوجتك ماجت
مشعل بعصبية وهو طالع.:الحمارة بكره بروايها
ريماس استغربت من عصبيته وخاب ظنها كانت تبي تشوفها وتحمست بس ماجت
**********************************
علي جلس عند ابوه بعد ماقامت امه شاف هذي فرصته يكلم ابوه.:يبه
ابو علي.:سم ي وليدي؟ّ!
علي بعد تفكير.:أنا قررت اتزوج
ابو علي لف له وبإستغراب.:ومن متى قررت
علي.:وش فيك ي يبه كانها م عاجبتك الفكرة وبعدين ابي اكمل نص ديني
ابو علي ابتسم له وقال.:حشى من قال اني مو مبسوط بالعكس فرحان لك وخلني اقول لامك تروح تدور لك على عروس
علي قاطع ابوه.:لالالا انا لقيت عروس وخلاص قررت اني اخذها
ابو علي رافع حاجب وقال.:ومن وين تعرفها يالاخ
علي ابتسم بتوتر.:اخت صاحبي ماشاء الله اخلاق وجمال الكل يممدح لها ها وش قلت؟!
ابو علي.:حلو اشوف امك وتروح تخطبها لك إن شاء الله بأقرب وقت
علي باس يد ابوه وقال.:تسلم ي يبه
وراح لغرفته وهو مبسووووووووووووووط
****************************
لجين عند التسريحة وتمسح الماكياج من وجهها
دق جوالها على بالها منى وخذته وهي تكمل تنظيف.:الو
..:هلا لجين
لجين بعد السماعة بصدمة وشافت الرقم رجعت الجوال وعدلت صوتها.:راكان؟!
راكان.:إيه راكان كيفك؟!
لجين حطت يدها على صدرها وهي تتنفس الصعداء.:الحمدالله وانت كيفك
راكان.:تمام ...(وسكت مو عارف وش يقول لها بس اهم شي سمع صوتها)
ولجين ساكتة تنتظر يقول شي
راكان.:جهزتي كل شي
لجين.:إيه
راكان.:إذا محتاجة أي شي انا عندك
لجين.:تسلم ماتقصر ..
راكان.:طيب تصبحين على خير وانتبهي لنفسك
لجين.:إن شاء الله سلام
قفلت بدون لاتسمع رده
ابتسمت بشوق ورمت القطن وجلست على السرير.:ااااااااااه خلاص بكره وخلاااااااااااص واخيييرا ي لجييين
*************************************
إن شاء الله عجبكم ويارب مايكون بالنسبة لكم قصيير هالبارت
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء السابع عشر
بالصبــــــــــاح
جودي قامت من النوم وهي تتمغط وتتثاوب لفت جنبها مالقت ياسر استغربت انه صحى بدري
راحت للحمام وخذت شاور وطلعت ولبست ملابسها وجلست على الكرسي الخاص بالكومدينة وهي تجفف شعرها بهالحظة دخل زياد.:صباح الخير
جودي بإبتسامة.:صباح الفل والورد
زياد جلس ع السرير وتكلم ببرودة.:أتجهزي عشان مرة وحدة رايحين لاهلك
جودي بإستغراب.:وأهلك؟!
زياد.:أهـلي بعدين ..المهم الحين روحي أفطري وتجهزي زين
جودي بعد ماخلصت قامت.:طيب
وطلعت للصالة كان الفطور جاهز وجلست تفطر
زياد بعد مالبس وخلص خرج لجودي وكانت حتى هي خلصت وجهزت وجالسة تلبس العباية
زياد.:خلاص
جودي بعفوية.:ايه حبيبي
زياد من داخله فرح من هالكلمة ومابين.:يلا اجل
وطلعوا
**********************************
ريم بعصبية.:هيييه انت وش تسسوي
مؤيد بكل هدوء وبرودة.:شوفة عينك
ريم عصبت وصرخت.:انت بزر خل حركاتك المبزرة لك لاتطلعها قدامي ومسوي فيها
مؤيد مسح يديه ولف الصينية لها.:ترااا تراا شرايك
ريم.:معفنة زيك وزي وجهك أقول مسح المطبخ مانيب ناقصة امسح بعدك ..(وجت بتطلع بس لفت نظرها ششي).:ياحــــــــــــــــــــــــــــيوااااااااااا اان
مؤيد نقز.:بسم الله صوت حمار ولاصوت بنت
ريم تأخذ بلوزتها الي صاارت وسسخة.:شايف بلوزتي منشفة انت ووجهك ي حمار اعمياان انت ماتقدر تفرق بين منشفة وبلوزة
مؤيد توقع بتنبسط لما عمل لها الكيك عشان عيد ميلادها وقال بحزن بعد ماطلع من المطبخ.:اجل احتفلي بنفسك وانا رايح ارتاح
ريم.:اخخخخ احتفل بوش..(طنشت وراحت للمطبخ وشافت الكيك الي سواه مؤيد كان بالفانيليا والفروالة وطبقتين ومكتوب بالكريمة كل عام وانتي بخير على مرور 19 عام)
فرحت وقالت.:الللله نسسيت اليوم عيد ميلادي
بس خساره لو سويته حفلة وبالسعودية
(راحت للصالة تتفرج التلفزيون ونست ام الكيك ومؤيد)
*********************************
إسراء خذت العباية وطلعت وهي معصبة ولاسلمت على حد
ام ماهر تناظرها وهي طالعة لمشعل للسيارة
دانة.:نهاية اللقافة يمه هههههههههه
ام ماهر عطت نظرة لدانة ارعبتها.:انت اسكتي..قفلي الباب وراك وتعالي الحقيني لغرفتي
دانة بإستغراب من كلام امها قفلت الباب وراحت لغرفة امها
ام ماهر.:أجلسي
دانة جلست قدام امها.:وش فيه يمه!!
ام ماهر تنهدت ورمت الكتاب الي بيدها وعدلت جلستها
دانة.:يمه حسستيني اني مسوية جريمة وش عندك؟!
ام ماهر ابتسمت عشان بنتها وقالت.:كم بينك وبين إسراء
دانة.:اممم ثلاث دقائق..ليش!؟
ام ماهر.:والثلاث دقائق زي ثلاث سنوات يعني انتي اكبر من اختك إسراء بثلاث سنوات صح
دانة.:إيه
ام ماهر.:عيل حلو اختك اصغر منك بثلاث سنوات وتزوجت وماقالت شي وانتي ان شاء الله قريب ونشوفك عروس
دانة بإستهبال وترمش عينها.:قرررريب ايه
ام ماهر.:أهجدي ي بنت .. طيب ولو اقولك ماشاء الله انتي كبرتي وصار عمرك 20 وجاك خطاب
دانة.:اكيد ي كثرهم بيقدون الباب عشاني ويه فديتني
ام ماهر عصبت.:ي بنت تر ماأستهبل معاك الكلام ماينفع معاك الاختصار جا لك خطاب
دانة.:من جد ومن هم ومن أي عائلة و..
ام ماهر قاطعتها.:مدري والله
دانة.:وشلون ماتدرين وترمين بنتك لناس ماتعرفيهم
ام ماهر.:اقول اعتقد اني امك والاحترام لها اول..مادري قلت لك ابوك بس خبرني وكل الي اعرفه انه أسمه علي
دانة بعد صدمة ورا صدمة ابتسمت
ام ماهر.:ماورا هالابتسامة الا !؟؟
دانة تصرف.:وانتم شرايكم فيه<<مسوية فيها ماتعرفه.
ام ماهر.:والله ابوك يمدح فيه رجال وكفو
دانة.:وانا رأي من رأيكم
ام ماهر.:يعني وش اقول لابوك ايه ولا..!
دانة.:الي تشوفوه يمه دام ابوي عاجبه ويمدح فيه
ام ماهر.:إيه...
دانة تقوم.:الي تشوفوه قلت
ام ماهر.:موافقة؟!؟!
دانة.:أبوي موافق ولا
ام ماهر.:قلت لك مددري بس يقول انه ولد أصل واجواد
دانة.:وش قرراركم انتم
ام ماهر حست ان دانة زودتها.:اقول ايه ولالا
دانة ماتبي تقول إيه قدام امها.:اممم رأي من رأي ابوي ورأيك
ام ماهر.:إيه يعني
دانة وهي تحاول تهررب.:إيوه
وراحت لغرفتها وهي تبتسم وفرحااانة دقت على صحبتها رند وحكت لها كل ششي
*****************************
إسراء دخلت وأستغربت من الي قدامها.:مرحبا انا ريماس
إسراء ومو طايقة حد تعدتها وقالت هي تطلع الدرج بتعب.:مرحبتين
مشعل دخل وسكر الباب بالقوة
ريماس ولاحظت عليه.:مشعل اشبك؟!
مشعل طنشها وطلع لفوق فتح الباب وسكره بالقوة.:وش صار لك انتي طاقة رأسك ومطنشتني ولاكأني زوجك
إسراء تكتفت وردت ببرودة.:تعبانة وابي ارتاح عند اهلي وكلها كم يوم مو شهور
مشعل بعصبية.:بس ولو تخبرريني ولاتخليني زي الحمار انتظرك
إسراء وتبي تقهره بأي شي وقالت هالشي بدون وعي.:هه وليش تشبه نفسك وتقول زي الحمار مهو أنت حمار
مشعل عصب وراح لها ومسكها من ذقنها بالقوة واليد الثانية على كتفها وغرس اصابعه بـكتفها وصار يألمها.:ي الحقيررة انا زوجك وتقولين هالكلام قدامك خسارة تعب اهلك تربيتهم فيك
إسراء بألم.:مـ ـششعل أـتركني
مشعل رماها بالقوة ع الارض وهي صرخت ولاحظ نزول دم من تحتها
حط يده على فمه وقال.:إسراء
إسراء بصراخ.:اااااااااااي مشعل بطني
مشعل بربكة حملها ولبسها العباية ونزل بها للسيارة
بالسيارة مشعل يسوق بسرعة عشان إسراء
إسراء بألم ودموعها طايحة.:والله العظيم ي مشعل لو صار شيء بالجنين طول عمري مارح أسامحك
***************************
لجين وتلبس الشال.:منى
منى وتبتسم لاجل لجين دعت داخلها ان الله ييسر لها امرها من راكان وقالت.:أمري ي عيون منى
لجين.:تسلم عيونك..انا مرة فرحانة ي ممنى وربي وللايوم فرحت بهالقد ..
منى تبوس خدودها.:ي حيااتي انتي ي جعل الفرح والابتسامة طول عمرك الله يوفقك ي لجين انتي وراكان وربي فرحانة لك
لجين ضمتها بالقوة وشددت عليها.:يشهدالله انك مثل اختي الي ماجابتها امي ي منى حتى ميهاف ماخبرتها للحين
منى.:ايه صح على طاريها مبروك لها
لجين بإستغراب.:نعم
منى.:سمعت ظافر يكلمها ويبارك لها ولدت
لجين بفرح.:جد
منى.:أعتقد جابت تؤام بكره إن شاء الله ازورها
لجين.:وانا بعد لازم اروح لها وريم العلة هي ومؤيد مو ناوين يرجعون
منى تضحك.:الله وأعلم وش جالسين يسون الحين يتمشكلون ولا
لجين.:وحشتني ريم البيت بدونها مظلم متعودة عليها
منى تضرب كتوف لجين بخفة.:هييه ترا زوجك بره وانتي جالسة تبربرين
لجين ضحكت وعدلت الحجاب وسلمت عليها وعلى ظافر وطلعت لراكان.:السلام عليكم
راكان شال النظارة الشمسية عليه وأبتسم وهو يناظرها.:هلا وعليكم السلام.
(وحرك)
راكان.:كيفك لجين
لجين بربكة.:تممام وانت؟!
راكان.:من شفتك ي عيون راكان
لجين أسكتت
راكان مسك يدها وباسها بهدوء ورجعها.:اوعدك ي لجين الماضي أنسيه واحين انا راكان واحد ثاني يبي يسعدك
لجين ماردت
وراكان احترم سكوتها وكمل مشوار
*********************************************
نرجع ونشوف زياد وجودي شصار عليهم (*)(*)
وصلوا لبيت ابو خالد وكان هناك منال ام زياد
بعد ماسلمت عليهم جودي جلست جنب ساره
ساره.:كيفك من بعد امس
جودي.:الحمدالله
فجأء تدخل لهم سممر.:احمم ممكن شوي جودي
جودي قامت وطلعت لها.:نعم!؟
سمر.:جودي امم انا ...أنـا اسفة ي جودي
جودي.:على ايش؟!
سمر.:اسفة على كل شي اسفة على تصرفاتي السخيفة وكلامي السخيف الي دايم ارميه عليك و..
جودي قاطعتها.:سمر انتي اختي مستحيل ازعل عليك يوم من الايام
سمر أحضنتها.:وفديتك ي أحلى أخت
جودي باست خدها.:أمشي ندخل والله الحين عمتي تزعل
سمر دخلت معاها وتموا سواليف وياه منال ام زياد
**********************************************
..:نعم؟!
زياد.:أتجهزي وخلي أمي تتجهز
جودي.:ليش ماشين احين
زياد.:ايه لاتتأخرون
جودي.:إن شاء الله
وقفلت منه وراحت لمنال.:عمتي زياد يقول يلا ماشين
منال.:طيب
ساره راحت تجيب عباية منال وجوي وعطتهم هي
ساره تهمس لها.:وقسم عليكم بروده
جودي بنفس مستوى الهمس.:مين
ساره.:انتي وزياد
جودي فهمت قصدها وقالت.:زياد عنده شغل ومايقدر يأخذ إجازة عشان كذا ماسافرنا وانا قلت له مو شرط
ساره ابتسمت لها وقالت.:يلا حظ سعيد وياه
جودي سلمت عليها وعلى سمر وطلعت لسيارة زياد هي ومنال ام زياد
وصلوا البيت
جودي طلعت للبيت
منال دخلت وبإبتسامة.:تعالي اوريك وين جناحكم
جودي وكأن منال فهمتها وراحت معاها لفوق
عجبها الجناح كان لابأس به يكفيها هي وزياد
رمت عبايتها وخذت ملابس للبيت بس انيقة *ــ^
ورفعت شعرها ذيل حصان ونزلت لتحت
كان موجود ابو زياد وزياد
ابو زياد.:يالله تحيها
جودي راحت تسلم عليه.:كيفك عمي؟!
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك