رواية انتي نظر عيني دامك معي -12
دخلت الشقه كانت فااضيه دخلت غرفة النوم تبي تحط الأكياس
لكنها ماتوقعته موجود
مريم: بدر متى جيت؟
بدر وكان مررة متضايق: خلصتي من السوق؟
مريم وإستغربت: إيه..فيك شي بدر؟
بدر: ليه وش شايفه يعني
مريم: ولا شي..بس
بدر ويقاطعها: طيب خلاص ماعندك شي إطلعي وسكري الباب وراك
مريم: بدر إشفيك؟
بدر وصوت يعلي: قلت ماااااااافي شي خلاص أطلعي خليني
لحالي
مريم وصدمه: طيب
:
:
مشاعل: أمي للحين ماجت وهم أبوي
والبنات كل وحده راحت غرفتها وانا لحالي ملللللللللل
وفجأة
((روحي بلقاااااك تفز فزة حمااااامه
وتحوووم حولك من غلاك واملها....إلخ))
مشاعل: أهليييييين وربي بوقتك
فيصل: ونااااااسه
مشاعل: لا جد محد بالشقه امي للحين ماجت
فيصل: من جدك تو الناس الساعه 8
مشاعل: يووؤ والله راح عن بالي من كثر الهدوء
اللي بالفندق الساعه كنها 12 بالليل تخيل البنات كلهم دخلو
يرناحون
فيصل: إنتي قلتي مافي أحد بالشقه
مشاعل: أقولك أمي ماجت وأبوي بالحرم مع أبوك شيبان وتقابلو هههه
فيصل: هههههههه طيب إطلعي عند الباب
مشاعل: وشو لالا اخاف فيه احد
فيصل: من جدك إنتي المكان فاضي خاصتن الطابق اللي حنا في
مشاعل: طيب والمطلوب؟
فيصل: والله مشاعل ابي أحط لك شي
مشاعل : طيب
:
:
:
حصه: أباخذ لي شور أحس مرررة عفنت مرة الفره بالسوق
تهاني : من جدك إنتي قولي تكسرنا
حصه: إيه والله ..
تهاني:يالله عشان الساعه 12 السهر عندنا
حصه: صح عبدالله قال ماني جاي بيتمشى مع مشعل
تهاني: اجل بعد مانرتاح نتصل على البناات
حصه: طيب صاار
:
:
:
قاعدة بالصاله وتفكر : شفيه بدر..كذا من الله
تضايق..ما كان لازم اروح السوق لازم اكون معه
عشان كذا هو تضايق..لالالالا ماظن السبب روحتي
للسوق اجل وشفيه كذا صرخ علي..ااه يا بدر
كل يوم لك مزاج..متى ربي بيفرجها بس..
وفجآة يجيها مسج فتحته من ريم
(مرحبا مريم اخبارك؟..تقبل الله طاعتك
ها دعيتيلي,,؟ :) )
ردت مريم:
((هلا ريم..منا ومنك صالح الأعمال
انا بخير وانتي أخبارك واخبار الرياض بدوننا؟ ولا تخافين دعيت
لك))
ريم:
(( ااه فديتك ماتنسين أختك..طيب جبتي لي
البخور اللي وصيتك عليه(مصلحه)وعلى فكره الرياض
مووووووو شي تعالو يلااااااا ههه))
مريم:
((إيه جبت لك بس علبته مرره صغيره عشان كذا جبت
لك علبتين..وبكره ترانا راجعين ))
ريم:
((تسلمييييين ..يالله ترجعوون بالسلامه))
حطت الجوال : زين طلعتلي ريم نستني الموضوع والله
أبروح آخذ لي شور....
وصووت مسج فتحته
وإنه من
"يالبى قلبه"
من بدرررررررررررررررررر
(( أنا اسف..تعالي))
>> معلومه اللي مايشوف يقدر يكتب مسج ويدل
مكان الحروف وذلك من خلال النتوء البارز في الزر
رقم 5 من خلال اللمس يعرف أماكن باقي الأرقام والحروف
اللي فيها شوفو جواراتكم وجربو (حقيقه)ـ
:
:
:
:
مشاعل طلعت وشافت الهدية وأخذتها داخل وفتحتها
مشاعل: واااااااااااااااااااااااااااااااو
وربي ذووووووووووووووق يافيصل
((الهديه كانت عبارة عن فستان طويل لونه بيج
وعليه كله زي الورود صغار الفستان كان مرة ناعم
مابي أبالغ بالوصف عشان ماأشوش الخيال عندكم تخيلو
براحتكم))
وصوت مسج
من "يايمه حبيته" مكتوب :
((ها وش رايك أعرف أختار ولا لأ))
ردت :
((فيصل وررررربي يجنن
بالله كيف أردها لك ياروحي))
"يايمه حبيته" :
((إنتي رووحي..بس أنا أبيك
تردينها لي بطريقة غير))
ردت:
((كيف))
:
:
:
دخلت مريم الغرفه...
بدر: تعالي مريم
مريم: بدر إنت زعلان عشاني رحت للسوق
بدر: لا..بس كنت متضايق شوي
مريم: ماعليه حياتي
بدر: مريم أنا آسف
مريم: لا عادي
بدر وهو منسدح: طيب إرتحتي؟
مريم: لا على قعدتي من العصر
بدر ويمد يده : طيب تعالي إنسدحي هنا على إيدي
جت مريم وحطت راسها على ذراع بدر..كانت جد
تعبانه جسديا من الفراره بالسوق
بدر ويضمها لصدرها: مريم لاتزعلين
مريم وقلبها يدق بقوة: لا انا مو زعلانه
بدر: بس صوتك يبين شي ثاني
مريم: لا عشان تعبانه
بدر: مريم لا تلوميني مرات والله
أكون مو طايق نفسي وانتي عارفه
مريم: خلاص بدر لاتكمل ياحياتي وانا عرفتك وفاهمتك
وصدقني مابيوم أزعل عليك
بدر: طيب لاتلوميني عشاااان..ويآآخذ نفس
مريم: عشان وشو؟
بدر ويسحب مريم بيده الثانيه على صدره بقووة: عشاني أمووووووت
فيك
مريم ومنحرجه من بدر كيف رفعها كلها على صدره وهو منسدح ((والله قوي خخخ)):مابلووومك
بدر: أبي أخذ لي شور >> إنتهت الرومانسيه
مريم: خلاص إمش معاي
:
:
:
:
يررررن جوال نواف : هلاااا والله سعدون
سعدون: اخبارك
نواف: بخير وانت
سعدون:والله تمااااااامو ..اقول نواف
نواف: أمر
سعدون: أتصل على جوال مشعل مايرد
بغيت أسأل عن احواله
نواف: والله مدري انا من ساعتين مكلمه
ماعليه
سعدون: إيه زين والله وكيفه وكيف بدر
نواف: والله كلهم ماعليهم
سعدون: طيب متى يرجعون؟
نواف: إن شاء الله بكرة المشيه
سعدون: على خير..بالله سلم عليه
نواف: يوصل..
سعدون: يالله سلام
نواف: فمان الله
وتدخل مرام
مرام: منو كنت تكلم؟
نواف: هذا صاحب بدر
مرام: ليه وبدر للحين عنده أصدقاء يذكرونه
نواف وبنظره: إييييه فيهم الخير..مو هم
اللي مافيهم خير ينسون صديقهم
مرام إنحرجت: ايه ايه صح
نواف: حطي عشا مامنك فود
مرام: وشووو ماني فود..اجل المطاعم مفتوحه
حبيبي
نواف: مراااااااام حطي عشا ترا مالي خلللللللللق
مرام: طيب طيب لا تناااافخ
نواف: أقول ماني واحد من عيالك عدددلي إسلوبك
مرام: طيب وبصوت واطي تقول: مابقى إلا أخو
طه حسين يعلمني إلاسلوب
نواف: وش قلللللللللللللللللللللللللتي؟
مرام: قلت اخاف ان العشااااا بررررد
:
:
:
فتحت باب الشقه ودخل فيصل
مشاعل منحرجه إن فيصل قدام عيونها: يعني مافي غير هالطريقة أرد لك
فيها الهديه؟ بس للحين مافهمتني كيف اردها
فيصل: إشششششششش
مشاعل وتوتر وااااو: وشو؟
قرب منها ومسك إيدها بقووة ضغط عليها وجلس يناظر لنفسه بعيونها
ومشاعل قلبها بدق بقووووة : فـ..فـيصل وشفيك سكت؟
رفع يدها وحطها على وجهه ((ناقص حنان)) :مشاعل إيدك ناعمه
مشاعل وجهها أححححححمر ويدها ترجف ولا ردت
فيصل كان حاس بدفء يدها وهو بعد كان قلبه يدق بقووووة وهو حاط
يد مشاعل على خده : مشاعل والله أحبك لا تساليني كيف وليه
أحبك وبس واللي خلقتني اموت فيك
مشاعل ((ولا كلمه)) وعيونها فيها لمعه ومركزتها بعيون فيصل
وحست إن الزمن توقف بالنسبه لهم هم الأثنين >> واااااااااااه بس
فيصل باللحظة حس على نفسه ونزل يدها ببطئ: يالله أبي أمشي ألحين
مشاعل: طيب ماقلت لي كيف أرد الهديه
فيصل وبنظرة تدووووخ: للحينك تسألين؟ اللي صار قبل شوي أحلىىىىىى هديه
وطلع.........
سرحت بخيالها والله أحبك يافيصل نظرتك كلامك
لمستك إحساسك كله أحبه..وتتذكر لمسته وصدق كلماته
وحرارته أنفاسه على يدها لما كانت على خده (واااااه بس) وفجأة
يرن جوالها خرعها صوت الجوال
مشاعل: هلا حصوص
حصه: أسمعي ميشو.. بعد تعالي..السهرة عندنا
مشاعل: طيب ليه مو متأخر تخلونها
حصه: والله نويناها الساعه 12 بس نبيها ألحين عشان ننام بدري
مو انتي عارفه بكره المشيه
مشاعل: إيه صح
حصه: يالله أخليك أبي ادق على ليلى ومريوووم
نبي نستااانس بهالكم ساعه اللي بقو لنا
مشاعل: ههه ايه والله يالله أجل أخذ لي شور وأجيكم
حصه : حيااااااااااااك..
:
:
:
مرام: يؤؤؤؤ !! شكله عصب
أبي أراضيه ..بعد وش أسوي وراي سفرة لازم أضبط نفسي
وفجأة((إتعب علي لو تبغي توصل إنت لي
إعمل عشاني أي شي إتعب علي...إلخ))
مرام: وربي كرهت نغمة جوالي والسبب إنتي
هند: ههههههه وش دعوة
مرام: وربي شكلي أبمسحها
هند: ههه ماعلينا ..وش تسوين
مرام: بالمطبخ أحط العشا
هند: ااه ماتعشيت وشو عشاكم
مرام: فته وصينيه دجاج وشبس وسلطة خضرا
هند: الحمدلله والشكر مسويه سلطتين ليه
مرام: عادي تنويييع
هند: طيب متى يجون الحبايب
مرام: أي حبايب؟
هند: عمتي والباقي
مرام: اها قصدك "طه حسين" وشلته
بكرة يجون
هند: أجل بعد مايجون بيومين نبي نجي انا وأمي
نزورهم
مرام: تزورنهم؟؟
هند: ايه ليه مستغربه؟
مرام: وليه منو جاي السفراء وانا
مدري..
هند: لا بس فشله من الواجب نجيهم ونتحمد بالسلامه
مرام: ياعيني با ام الواجب مالت عليك وعليهم
والله لو يجووون من القمر ماني رايحه لهم
طبعا المسكين اللي إسمه نواف كان قاط إذنه ويتسمح
أحترف هواية التجسس من أخذ هالحشاشه اللي عنده
نواف وبقلبه: إصبري علي يامرام ماتروحين لهم هاااااه ؟ ؟ ماشي
:
:
:
مشاعل وحصه وتهاني و مريم وليلى
وسهرررة على كيف كيفكم وسوالف ومواضيع ماتطري عالبال
مريم: والله انا مرات اطول ما انام اقعد أستودع كل من اعرفه
ليلى: طيب كيف تستودعين علمينا
مريم: يعني قبل لا انام اقول" اللهم إستودعتك نفسي ومالي وعرضي
وزوجي وبيتي اهلي...إلخ" والله يابنات من أستفتح الدعاء ما انام إلا الفجر
أقول كل الأسماء أخاف انسى احد
مشاعل: ههههههههههههههههههههه مرة ثانيه إكتبي الأسامي بورقه
عشان ماتنسين احد سوي نفس كشوفات الغياب بالجامعه خخخخخخخخ
مريم: ايه والله مراات أكون قاعدة بالصاله اللي قدام غرفتي واقول دعاء الإستوداع وربي
بدر ينادي ما أرد عليه لين أخلص
ليلى: ههههههههههههههههههههههههههههههههههههههههههههههههه حلللللللللوة
طيب حلاتها تقولين "اللهم إستودعتك نفسي ومالي وعرضي وزوجي وكل من اعرفه"ـ
كذا ماتوسوسين وتخافين تنسين احد
مريم: لالالالا لازم اقول كل من اعرفه وربي مرات أقول اسامي بيوت من جماعتنا واسامي بناتهم و
عيالهم حتى خدامتهم ..اذكر الكل بالأسم عشان أخاف انسى احد
حصه : ههههههههههههههه والله انك عجيبه من جدك خااايف تنسين أحد
تهاني: هههه طيب طيب خلااااص انا عندي فكره جيبي ورقه وإكتبي فيها اللهم إستودعتك نفسي ومالي
عرضي وزوجي " وإكتبي تحتها كل أسامي الناس اللي تعرفينهم بقارة آسيا وبكذا تكونين خلصتي
قارة آسيا
مشاعل: طيب إفرضي خلصت قارة آسيا كلها..يبقى لها أوروبا منو عندنا بأوروبا نعرفه
حصه: ولا قارة أفريقيااا والباقي القارات لازم نسوي إحصائيه
الكل فطسو ضحك لانهم كبرو الموضوع وعقدووووو زياده عن اللزوم : هههههههههههههههههههههه
ههههههههههههههههههههههههههههههههههههههههههه
هههههههههههههههههههههههههههههههههههههههههه
( سالفه اللي توسوس لما تقول دعاء الإستوداع حقيقيه هههههه))
عدت السهرة كلها ضحك وفصله ومواااقف مضكه
الموووهم
طبعا رجعووو من العمره
وبعدها بيومين
مرام تبي تراضي نواف عشان مصالحها: نواف لايكون زعلان
ترا والله كنت اضحك معك
نواف: لالاعادي >> إيه هين
مرام: طيب إنت تعبان >> وتحط يدها على جبهة نواف
نواف ويبعد يدها: لا لا وخري مافيني شي
مرام: طيب للحينك عند رايك نسافر نبراسكا
نواف وبنظرة: أفااااا عليك قولي ألف العالم كله
فيك..مااااااطلبتي شي وربي راح أسفرك سفرة ماتنسينها
مرام: واااااو صدق
نواف: افا عليك بس
وبقلبه يقول: ماشي يامرام ماني طرطوور عندك
:
:
:
طبعا البنات كلهم كاشخين مريم ومشاعل ليلى
وقاعدين بالصالة
وعندهم هند
هند: ها وش اخبار العمره؟
مشاعل: تمام تهبل ونااااااااااااسه
هند: اها..طيب مريم كيف بدر مرتاح ألحين >> إنتي شكو
مريم: إيه الحمدلله
هند: طيب متى السفرة؟
مريم: بداية الترم الجاي
هند: يعني مابقى شي..طيب تروحين صح
مريم: إيه بروح
هند: وييييييع وش لك بالغربه لو اني منك اكمل اللي طافني
بالجامعه
مشاعل وتقاطعها: والله عاااااااااااد كيفها البنت خايفه على
زوجها ماتبي الكافرات يقومن فيه
هند: ايه والله وخصووووصا انه حرام مايشوف
يبي المساعده من أي احد
مشاعل: ليه بالله هو شاكي لك الحال ولا طالب منك مساعده
هند وفرصه عشان تقهر مريم: ايه يوم كنا عندكم
والله نسيت اقول لكم شفته بالمطبخ وربي بغى يمسك ايدي
يبيني اوصله بس انا بعدت
مريم ماسكه اعصابها: إيه اكيد يحسبك انا
هند: لالالاااااااااااا يدري ان انا هند
قلت انا هند يقول عادي مااااااتوقعت يقول كذا صدمني
:
:
بعد ماراحت هند وامها
مشاعل: يممممممممه وربي وقققققحه
ولا في وحده تقول كذا
مريم: عطيها طاف ادري انه مو صدق
ليلى: مريم ماعليك منها هي طبعها من زمان
كذا لاتقهرين نفسك
مريم: انا ماني منقهره بس انا فهمت قصدها
مشاعل: خليها تولي وربي هند اعرفها زين ماتمشي
الا بالزف بكذا تسكتينها عددددددددل
:
:
:
بغرفة مريم
مريم متضايقه و ودها تقول لبدر
وبنفس الوقت كانت حاسه ان فيه شي واليوم
تأكدت من كلام وهند ومررة ضايقها الموضوع
بدر: مريم
مريم: نعم
بدر: عطيني مووووووويه
مريم: طيب هااااااك
بدر: بس ما رح أشرب
مريم : ليه؟
بدر: إِشفيك أول؟ قوليلي
مريم: مافيني شي
بدر: مريم من دخلتني وانتي تتكلمين
بنفسيه و واضح من صوتك
مريم : طيب أقولك بس ما تخبي علي شي
بدر: أوعدك
وقالت له الموضوع كله وكان بصوتها نبرة عتب قوووووية لبدر
وبدر إنصدم : وإنتي مصدقتهااااااااااااا؟؟؟
مريم: ليه ما اصدقها؟
بدر: طيب إسمعي..................
إنتهى البارت
تتوقعون بدر رااح يقول لمريم عن موقف هند معه؟؟
ونواف وش رااح يسوي بخصوص مرام..؟
وكيف راح تكون الأيام الجاي على مشاعل وفيصل؟
وكيف راح تكون الأيام الجايه
كل هذا في البارتات القادمة
إنتظروني
((أحبــــــــــــــــكم))
البارت السادس عشر..
أبو عبدالله: ترا ولدك كبر وثابت بوظيفته ليه ماتخطبين له
أم عبدالله: إيه والله يابو عبدالله انا من فترة مفاتحته بالموضوع
أبو عبدالله : أجل وش تنطرين دوري له بنت الحلال اللي تصلح له
ام عبدالله: اللي تشووفه
:
:
:
مريم وبصدمه: إيـــــــــــــــش ؟؟
بدر: اللي سمعتيه..
مريم: طيب ليه ماقلت لي من زماااااااااان؟
بدر: ماكنت متأكد انها هي حنى لو كنت متأكد ماكنت راح اقول لك
مريم بإندفاع وغيره: ليه ماتبي تقول لايكوون بينك وبينها شي
بدر: والله العظيم مابيننا شي أصلا ماذكرها شكلها مااااعرفها وربي
مريم إشفييييييييييك كبري عقلك
مريم: اوووف طيب ليه تسوي كذااا؟
بدر: مدررررري عنها خلااااص خليها تولي
مريم: بس مسسسكت إيدك
بدر: هي مسكت إيدي بس ما مسكت قلبي>> فديتك يابدر
عرف كيف يتدارك الموقف
مريم بإبتسامه ورضا: بس ياابدر .......
بدر ويقاطعها: مريم تشكييين بحبي لك؟
مريم: لا
بدر وبإبتسامه تجنن: طيب وين البوسه
و.................... (( تخيلووو براحتكم لووول))
:
:
:
مشعل ويرمي الكتاب: آآآه مابغيت أخلص
ليلى: آآخ باقيلي فصل كامل ماجيته
مشعل: سبقتك ههه خلي الجلسه مع الحريم تنفعك
ليلى: فشلللله تبيني أجلس هنا لازم انزل من جدك إنت
مشعل: يووووه قامت تتفلسف الدووبه
ليلى: ههههههههه يالله عااااد
مشعل: أمزح معك.. إسمعي أبي انام الحين
صحيني الساعه 6 تماما إنت تأخرت
رآآح يكون يوم بحياتك
ليلى: ههههههههههه طيب متى إختبارك
مشعل: الساعه 8
ليلى : يؤ طيب..انا شكلي أروح الجامعه سهرانه
شكلي مطووله
مشعل: هههههههاااي قزريها يالله تصبحين على خير
:
:
:
مرت الأيام على بدر ومريم يوم مشكله ويوم تمام
ومشعل يجهز للتخرج..وفيصل دراااسهxدراااسه
ومشاعل لحاااالها بالجامعه ومرات تقعد مع حصه
بس ماتشوفها كثير بغض النظر عن ملاقات هند وشلتها
ونواف يراجع حساباته بخصوص زوجته المنافقه اللي
تلخبطت مشاعره تجاهها وصار يشوف حياته غير واضحه
بل ملخبطه لانه مو قادر يتقبل وضع جديد وهو انه إكتشف
ان شريكة حياته دايمه له لمصالحها الشخصيه ولا تكن الحب
له ولا لأهله ((فما الحل يانواف))؟؟؟؟؟؟؟؟؟؟؟؟؟
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك