رواية انتي نظر عيني دامك معي -1
رواية انتي نظر عيني دامك معايا
للكاتبه :قلبي بيتك
منتدى غرآ م
تجميع : ^_^Remnants of wou^_^.
مرحبا ..
اليوم راح انزل لكم قصة ((إنتي نظر عيني دامك معايا))
وأبطالنا مريم وبدر .. أتمنى لكم اوقات سعيدة في قرآآآءتها :)
" إنتي نظر عيني دامك معايا"
....مريـــــم & بــــــدر....
....للكاتبه: لــــولــــيتــــا
.
.
.
تعريف ببطلة القصه والشخصيات:(بيت أبوسالم)
أبوسالم: خلف عمره 50سنه
مريم(البطله): عمرها 19 خلصت الثنويه من سنة وتنتظر القبول بالجامعه..شخصيه حنونه وطيبه وخجوله
ريم: أخت مريم 24سنة متزوجه ولد عمها اسمه خالد وعندها بنوته (دانه)
فيصل: 17سنه ثاني ثنوي أدبي
مرح لأبعد الحدود ومزيووووووون
سالم:29 الأخ الأكبر مهندس معروف بالرياض متزوج بنت عمه أماني(أخت خالد) وعنده ولدين منها بشار وأحمد
بيت أبو محمد (الجيران )
أبو محمد: عزام عمره 55 سنه
محمد:30سنه مهندس وزميل سالم بالعمل ومتزوج نوره بنت خاله وعندهم عيال
بدر: سنه 28 يدرس طب بكندا ومو متزوج بس مخقق البنات ياويلي عليه
نواف:25 سنه يشتغل بشركة ابوه متزوج مرام بنت خاله وعندهم ولد وبنت
مشعل: 23سنه لازال يدرس بالجامعه إدارة أعمال ومتزوج من 3سنين بنت عمه ليلى وللحين مارزقهم الله عيال
مشاعل:19 سنه تنتظر قبول الجامعه حالها حال بنت جيرانها مريم وصديقة مريم المقربه
عبير:25 توأم نواف متزوجه ولد خالها فهد وعندها بنتين
.
.
.
بــــســــم اللـــ...ـه...
بدايــــة القصه......
في يوم من الأيام دخلت عليها أختها ريم وقالت...
مريم..مريم اصحي ماصار وانتي نايمه نزل القبول بالجرايد قومي شوفي يمكن طلع اسمك ..
ومريم طبعا ماصدقت خبر إلا وقامت بسرعه بدون شعور ونزلت وأخذت الجريد من اخوها "فيصل" وقالت وهي ميته من الخوف إنها ما تنقبل...أبي أفتح على صفحة القبول والله إذا اقبلوني لك اللي تبيه،(مريم كانت خايفه مره لانها قدمت مره وماقبلوها وماتبي تقعد بالبيت نفس المره اللي طافت لأن عمرها صار 19 وهي ماإلتحقت بأي جامعه)
.
.
وقعدت تدور وكان قلبها يدق من الخوف وفجأه صرخت وتقول: اقبلوني والله واقبلوني..
وبدون شعور انزلت من عينها دمعة الفرح..
وجت أمها خايفه من صرختها اللي ماكان أحد متوقعها وقالت..شسالفه وقف قلبي ..
وفيصل يسوي نفسه معصب ويحاول يخفي الضحكه..اقبلوها بالجامعه واذبحتنا شلون لو قابلينها ببعثه دراسيه للخارج...؟!
وقالت الام...خلها يافيصل معذوره، إنشاالله أشوف هالضحكه والفرح بعرسك يامريومه ...
خجلت مريم من كلام أمها وقالت...الله يهداك يمه تو الناس على عرسي خلينا ندرس أول..
وعلي ماأنهت مريم كلامها دخل "سالم"
...الســـــــــــــلام عليكم ..
فيصل...هلاوالله أبو بشار نور البيت
سالم...منور بأهله،ها شفيكم مبسوطين..؟!
أم سالم...بارك لأختك مريومه أقبلوها بجامعة الملك سعود
سالم...أفا يذا العلم أختي تقبل وأنامدري،ألف ألف مبروك هااا عاد وش التخصص اللي تبين تدخلينه..؟
مريم...انشاالله تربيه خاصه
وبعد يوم من القبول راحت مريم مع ريم للسوق اتجهز حق الجامعه من الفرحه ماخلت شي ماشرته شنط وقمصان وتيورات وأحذيه...
مر اسبوع سريع وبدأ أول يوم دوام وطبعا مريم كانت مرتبكه مره المهم راحت واعرفت طريقة تسجيل المواد عالانترنت والحمد لله عدى أول يوم على خير...
.
.
ومرت الأيام عاديه وطبعا سجلت موادها وساعدها فيصل لأنها ماتعرف للنت...
مضى أسبوعين على دوام مريم بالجامعه وعلى بداية الأسبوع الثالث يوم السبت الساعه 9:15 صباحا جت أم سالم وهي مسرعه فتحت الباب على مريم بغرفتها...مريم اصحي تأخرتي عالجامعه . . .
صحت مريم مفزوعه من كلام أمها وتناظر للساعه...يوووووووه راحت علي نومه نسيت أضبط المنبه...
وقامت بسرعه وأخذت شور ولبست بسرعه ونزلت وطلعت على طول بدون فطور وأم سالم تناديها...مريوم بنيتي أفطري عالاقل قبل ماتروحين
مريم وهي مسرعه...لا لا يمه يا عمري أفطر بالجامعه....
وهي طالعه كانت مسرعه مره وقبل ما تصعد السياره انظرت نظره عشوائيه على بيت جيرانهم وشافت رجال طالع من باب البيت طويل وحنطي البشره المهم كان شكله حلو وهذا اللي لفت نظرها ....
........
راحت للجامعه وكان هذا الشاب شاغل بالها طول اليوم وكانت طول ماهي بالدوام تفكر وتقول بقلبها...ياربي من ذا الرجال ،صار ثلاث سنين من سكنا بيتنا الجديد ما شفت ذا الرجال أول مره أشوفه..أكيد واحد مستأجر ببيت أبو محمد جارنا لأني أعرف كل عيالهم وبنتهم "مشاعل" معاي بالجامعه وهي أعز صديقاتي لأنها أول وحده تعرفت عليها..(وفجأه)...! تصحيها مشاعل:
مريم..مريم..شفيك سرحانه يلا وش تبين أطلب لك من الكفتيريا ؟
مريم..هااااا..؟! مافيني شي إي صح أبي فطيرة شوكالاته(فطيرة مريم المفضله) وحليب نسكافيه. . . .
ولما راحت مشاعل قالت مريم بينهاو بين نفسها: ليش ما أسأل مشاعل أكيد تعرف...؟
مرت عشر دقايق وجت مشاعل ومعاها الأكل وطالعت لها مريم وهي مستغربه: أعوذ بالله ساعه تجيبين الأكل.......!!؟
مشاعل: وش أسوي الكفتيريا زحمه مره<<<<
واجلسو ياكلون ويسولفون عن المحاضرات والدكاتره و خطر على بال مريم إنها تسأل مشاعل عن الرجال اللي شافته طلع من بيتهم وفعلا إسألتها: أقووول مشاعل بغيت اقولك شي.................
تتوقعووون مريم راح تسأل مشااعل ...؟؟؟
وإذا سألتها شنو رااح يكوون الرد
ومنو ذاك الشخص اللي شاافته مريم .....؟؟؟؟؟؟؟؟؟؟؟؟
أعزاااااائي مارح اكمل باقي الجزء إلا لما ألقى تشجيع منكم
لان اول موضوع انزله واتمنى اتوفق فيه :)
أرجو المعذره ..
هذا البارت الثاني
>> نزلته مرة ثاانيه بخط وااضح..
يالله نكمل ..
وفعلا إسألتها: أقووول مشاعل بغيت اقولك شي..
مشاعل:تفضلي........!
مريم وبكل تردد: اليوم وانا طالعه من البيت شفت رجال طالع من بيتكم طويل وبشرته حنطيه أول مره أشوفه...!
مشاعل وهي مبتسمه: وبعدين..؟
مريم: أبد بس حبيت أسأل منو ذا من باب الفضول...
مشاعل وبنظره: مممم من باب الفضوووول . . . . .
مريم وجهها أحمر من طريقة كلام مشاعل: شوفي مشاعل إذا بتجننيني ماله داعي تقولين لي...
مشاعل: وشفيك إنتي أمزح معك راح أقولك هذا أخوي "بدر" أمس الفجر وصل من كندا صار له أربع سنين يدرس "طب" يعني بعد سفره بسنه إنتوا جيتوا سكنتوا جنبنا يعني ماشفتوه..
مريم والصدمه بوجهها: ما توقعته أخوك بدر (مريم ارتاحت إنه طلع أخو مشاعل ولا يطلع واحد غريب )
ومرت الساعات بسرعه....
وطلعت مريم ومشاعل
مع بعض واليوم مشاعل طلعت مع اخوها بدر(طبعا بدر اول مره ياخذ مشاعل من الجامعه)وطلعت مشاعل مع مريم وشافت مريم بدر وقف بدر ينتظر مشاعل وكان بدر يناظر في بنات ديرته وجت مشاعل عند السياره وطبعا مريم ومشاعل كانوا يضحكون نفس كل يوم
وكانت مشاعل بسياره وبدركان يسولف عن البنات وسأل مشاعل عن البنت اللي
كانت معها (طبعا مشاعل قامت تضحك وقالت شرايك فيها أخطبهالك ولله حبوبه وتهبل)
وقال بدر: مشاعل
انزلي للبيت بدون مسخره...
وردت مريم للبيت وقعدت تفكر بالموقف اللي صار لما طالع لها بدر وكلم مشاعل ومع الأيام حست إنها مهتمه فيه
وخافت إنها تكون حبته وهو أخو لأعز صديقاتها وقبل ماتكون صديقتها تكون بنت الجيران وهذا الشي اللي ارتاحت له أكثر...
ومره من الأيام كانت تذاكر وفجأه سمعت صراخ وطلعت من غرفتها مفزوعه وأخوها سالم شايل زوجته ومريم عرفت إنها تبي تولد وراحو كلهم للمستشفى من كثر خوفهم عليها بس مريم ظلت لحالها بالبيت مع الشغاله . . . .وراحت نامت لأنها ماتبي تنتظرهم ..
~~. . . طلعت مريم من البيت وشافها بدر وجاها وسلم عليها: السلام مريم كيفك وكيف الدراسه معك . . . ؟
مريم: والله الحمدلله والدراسه ماشي حالها. . . .<
. .<وفجأه>. .
.
.
ررررررررن..رررررررررننن
فزت مريم من نومها مفزوعه من صوت الساعه واللي صارلها طلع مجرد حلم بسبب تفكيرها فيه كل يوم ..
المهم قامت عالساعه 8:00 وأخذت لها شور وراجعت شوي وقبل ماتطلع صادفتها أمها. . .
أم سالم: توك تروحين . . ؟
مريم: إي إمتحاني يبدأ 9:30 ليش تسألين ياالغاليه ..؟
ام سالم: أبد بس أبوك قعد الساعه 6:15 وقال يبي يوديك الجامعه حسبالي تمشين بدري ..
مريم: مممممممم...إلا أقول وش جابت أماني ...؟
أم سالم: جابت بنت ولا تكثرين أسئله تراك تأخرتي على الجامعه ...
مريم: يووووووه..نسيت يلا يمه ادعليلي..
وراحت مريم لامتحانها وبعد الامتحان حبت انها تقعد شوي هي ومشاعل بالكافتيريا قبل ماترد البيت،..كالعاده راحت مشاعل تشتري الأكل ومريم تنطرها..مريم تناظر لساعتها لأنها حست إن مشاعل تأخرت وأول ما ارفعت عينها من ساعتها شافت ورقه طاحت من بين كتب مشاعل أخذتها وفتحتها وإن مكتوب بالورقه "طلب وظيفة دكتور في أحد مستشفيات المملكه مع أخذ كورس تدريبي..وتحت هذا الكلام كان مكتوب بيانات بدر وشافت تاريخ ميلاده واعرفت من البيانات أن بدر عمره 28 سنه...
وعلى ماصكت الورقه شافت مشاعل جايه .،.طبعا مريم ارتبكت ...
مريم وبكل تردد: مشاعل طاحت من كتابك هذي الورقه شكلها من كتاب "سكلوجية ذو الاحتياجات الخاصه"
أخذت مشاعل الورقه: يووووو تذكرت الورقه ذي عطانياها بدر عشان أمر بيت عبير (أخت مشاعل متزوجه) وأعطيها الورقه عشان زوجها عنده واسطه لجل يوظفون بدر بمستشفى قريبه...
مريم..ليه وشفيها لما يتوظف بدون واسطه ..!؟
مشاعل...والله مدري هو يبي كذا..!!
وفجأه (يرن جوال مريم نغمة شيرين:حبيتو بيني وبين نفسي)...!
وردت مريم...ألووو....هلا يمه...طيب نص ساعه وجايه،،،
مشاعل...مريم وش السالفه ؟
مريم...لا بس أمي تبغاني أرد البيت عشان بتاخذ السايق بيروحون السوق.،تبين أوصلك معي .؟
مشاعل...مدام السالفه كذا أنا وش يقعدني بالجامعه راح أجي معك
وفي السياره...
مشاعل وهي تمزح...أقول مريم وش هالنغمه اللي بجوالك رومانسيه مرررره منو اللي ماخذ عقلك تحبينه بينك وبين نفسك؟؟
مريم وهي في بالها .بدر....تطمني مافي أحد ماخذ عقلي أعوذ بالله يعني ما أحط نغمه رومانسيه إلا في بالي أحد..
مشاعل...شفيك أمزح معك...على العموم مشكوره على التوصيل يلااا باااااي
وفي بيت ابو سالم وصلت مريم...السلام عليكم
الكل...وعليكم السلام
أم سالم...مريم تروحين معي للسوق
مريم...لا مرهقه مررره أبغى أناااام
الساعه 05:15 العصر نزلت مريم توها قاعده من النوم دخلت الصاله...مساء الخير
فيصل...مساء النور صح النوم
مريم...صح بدنك،،،وين أمي..؟
فيصل...أمي في بيت أخوي سالم قاعده عند أماني وشكلها تبي تمرح عندها
مريم...لييييش ؟؟!
فيصل...نسيتي إنها ولدت.؛
مريم...إيه صح وش سمو البنت ..؟
فيصل...والله محتارين بين اسم ساره والعنود
مريم...خلو يسمونها خلود اسم حلو أحسن من العنود
.......وفجأه....صوت جرس الباب راح فيصل يشوف مين ومريم تنطر وبسرعه جاء فيصل ومعاه بطاقه
مريم...وش ذا اللي معك.!؟
فيصل: بطاقه عرس من بيت جيرانا اللي قدامنا مكتوب عليها أم سالم
مريم: شف..شف متى عرسهم
ظل فيصل يقرا البطاقه وقال: يوم الخميس
أخذت مريم البطاقه من فيصل وراحت غرفتها وعلى طول اتصلت على مشاعل...ألووو مرحبا
مشاعل:هلا مريم غريبه ليش متصله؟!!
مريم: لابس أبغى اسألك جتكم بطاقه عرس من اللي قدامنا بيت ابو سلطان..؟؟؟
مشاعل: إييييه كرت لونه ذهبي إيه جتنا ليش تسألين؟
مريم: شرايك نتواعد بالعرس ونشبع رقص ونستانس ودي ارقص من زمان ما رقصت
مشاعل: تصدقين فكرة حلوه بس على شرط نلبس نفس اللون ونحط نفس المكياج
مريم: أوكي..)
يوم الخميس...........،
أم سالم: مريم بسرعه اخلصي ترى أمشي وأخليك
مريم: جايه...جايه
طبعا مريم ومشاعل متواعدين أنهم يلبسون نفس الشي وطبعا مريم كانت لابسه فستان أزرق فاتح ورافعه شعرها ومنزله منه خصل ومكياجها أزرق فاتح بوردي روعه وقمه في النعومه وعشان هي بيضه مرره كانت هذي الألوان لايقه علي رقتها وجمالها..
وفي العرس،.،...
مشاعل شافت مريم: شالجمال شهالحلاوه صدقيني لو يشوفك المعرس يخلي عروسته وياخذك . . .
مريم: ياحياتي ماعليك زود، على فكره حتي انتي حلوه مررررره ، ، ،
مشاعل:تسلمين، ترى مانسيت اتفاقنا على أي أغنيه نرقص أوكي ؟
مريم : أوكي
مرت أحداث العرس وجت العروس وكانت في قمة الجمال وطبعا جاء المعرس طاير من الفرحه وكان مستعجل قعد بالقاعه عشر دقايق وطلع بعد رقصة الرجال اللي تونس مرره وبعد هذا كله........
مشاعل: مريم قومي نرقص كلهم راحو واللي ويبي يرقص..يرقص!!
وعلي كل أغنيه قعدو يرقصون وكانت مريم روعه وأكثر من روعه رقصت بداوي ومصري وحضري وكان شكلها وهي ترقص فضيييييع مررررره . . .
ولما كانت ترقص كانت جارتهم أم محمد (اللي هي نفسها أم بدر) تناظر لمريم طول ماهي ترقص وكانت عاجبتها مرره وداخله مخها جمال ورقه ونعومه وفوق هذا أدب وأخلاق..
بعد العرس رجعت مريم البيت هي وأمها وكانت تعبانه مررره لأنها ذبحت عمرها بالرقص هي ومشاعل .،.،.
.
.
.
وفي بيت جارهم أبو محمد....
كانت أم محمد بالها مشغول بمريم لأنها عجبتها وطول ما هي تفكر أخيرا توصلت لقرار انها تخطب مريم لولدها بدر لأنه الوحيد اللي صار عمره 28 وما تزوج بسبب دراسته بكندا ..
.
.
أم محمد (بصوت عالي): مشاعل..مشاعل..؟؟!!
مشاعل: هلا يمه شعندك تصوتين لي..؟
أم محمد: وين بدر ؟
مشاعل: قاعد لحاله بمجلس الرجال ..
طبعا راحت له أم محمد وحبت انها تلمح لبدر فكرة الزواج قبل لا تفتح معه الموضوع
وهذا البارت الثالث ..
أم محمد: وين بدر ؟
مشاعل: قاعد لحاله بمجلس الرجال ..
طبعا راحت له أم محمد وحبت انها تلمح لبدر فكرة الزواج قبل لا تفتح معه الموضوع..
.
أم محمد: بدر ياولدي أبغاك بموضوع مهم وهالموضوع لمصلحتك ولسعادتك بعد.،
بدر ومستغرب: وش هو الموضوع يالغاليه؟!
ام محمد : شف ياولدي أنا فرحت بخوانك كلهم وما بقى إلا انت والحين انت عمرك 28 وقربت تصك الثلاثين وأخوانك اللي أصغر منك تزوجو بس انت
قاطع بدر امه بالكلام: يمه انا فهمت قصدك وانا حاضر بس انتي دوري لي بنت الحلال اللي تناسبني ومايكون خاطرك الا طيب..
ام محمد وهي طايره من الفرحه: بنت الحلال موجوده بس نحدد اليوم اللي بنخطبها فيه رسمي .
ومر اسبوع ومريم تدرس لأخر امتحان لنهايه الترم الأول وفجأه يدق جوال مريم: ألوو
مشاعل: مرحبا مريم كيفك؟
مريم: والله زينه ماعلي إنتي وش أخبارك؟
مشاعل: الحمد لله، أقول مريم خلصتي دراسه؟
مريم: إيه بس قاعده أراجع
مشاعل: شوفي مريم بكره بعد الامتحان مو تطلعين أبغاك بموضوع..
مريم: خلاص أجيك بالكفتيريا أوكي ؟
مشاعل: أوكي . . . باااي
.
.
.
مريم: وش هالموضوع اللي تبغاني به مشاعل يلا أنام الحين وبكره من أصبح أفلح
<
>
بعد الامتحان......
مريم: مرحبا مشاعل
مشاعل: هلا مريم..حياك اجلسي
مريم: وهذا احنا جلسنا ها وش عندك؟
مشاعل (وهي متردده إنها تفاتح مريم بوضوع بدر): هاا..؟ ما عندي شي بس أبغي أقعد معك شوي
مريم: مشاعل شفيك أمس متصله وقلتي أبغاك بموضوع والحين تقولين ماعندك شي خرعتيني قولي
مشاعل وتحاول انها تلمح لمريم : لا بس أخوي بدر يبي يجيني وقال انه
يبي يتأخر ودقيت عليك عشان تقعدين معاي مو أقعد لحالي انطره
مريم ومستانسه إن مشاعل جابت طاري بدر: ممممم قولي كذا من اول ،بدر هو اللي جاء خذاك قبل الامتحانات صح؟ (تخلي حالها ماتدري)
مشاعل ماصدقت على الله: أيوا هذا بدر شرايك فيه؟
مريم مستغربه: عادي زين !! وبقلبها تقول: يجنن
ومر الوقت وقعدت مشاعل تسولف بس ماقدرت تفتح الموضوع لانها كانت مستحيه من مريم..
في بيت أبو محمد....
ام محمد: ها مشاعل قلتي لها ؟
مشاعل: يمه بصراحه ما قدرت استحيت منها
أم محمد: مدام كذا بكره بعد صلاة المغرب انشالله أنا عند ام سالم وأخطبها والباقي على الله
في بيت ابو سالم ......
مريم تفكر: شعندها مشاعل أحس كان بعيونها كلام ودها تقوله بس وشو اللي منعها..
ومر هذا اليوم بسرعه وجاء ثاني يوم
ام سالم: حيا الله ام محمد البيت بيتك تفضلي
.
.
ودار كلام طويل بينهم وفي النهايه قالت ام سالم: والله يا ام محمد فيكم الخير والبركه والراي راي البنت وان حصل خير نرد لكم خبر عشان يجون الرجال..
و بعد ساعه فاتحت ام سالم مريم بالموضوع اللي ما كانت متوقعته نهائيا..،بعد اسبوعين تمت الملكه طبعا بعد موافقة مريم..
بعد يومين من الملكه اتصلت مشاعل على مريم: مرحبا عروستنا كيفك ؟
مريم وبداخلها ميته من الفرح: هلا..هلا بمشاعل
مشاعل: أقول مريم بدر يبغى رقم جوالك عشان يكلمك خلاص صار زوجك له الحق يسوي اللي بنفسه
مريم (وجهها أححححمر): شقصدك؟!
مشاعل: لاما قصدي شي يازوجة أخوي يلا قلت أعطيك خبر عشان إذا اتصل عليك ماتستغربين من الرقم بااي..
وقفلت مشاعل الخط لأن بدر كان عندها ويستعجلها تقفل الخط عشان يتصل على زوجته واللي راح تكون كل شي بالنسبه له...
بنفس الوقت مريم كانت مرتبكه وتفكر: سبحان الله بدر اللي سرق قلبي أول ما شفته وزاد اهتمامي فيه ومع الأيام صرت أحبه بجنون يصير زوجي يعني كل الحب اللي شلته له بقلبي وهو مايدري عني راح أقدمه له وأتمني انه يحبني كثر ما حبيته...........وفجأه........يرن جوالها ويصحيها من تفكيرها العميق....،وظلت تناظر للجوال عل الرقم اللي يتصل عليها وهي تدري انه بدر وتفكر: ياربي أرد وإلا لأ وكانت قلبها يدق باستمرار وأخيرا قررت انها ترد: ألوو
بدر (وبكل جرأه): مرحبا مريم
مريم(تسوي نفسها ماتدري من متصل): هلا..مين؟
بدر: أنا بدر...ليش مشاعل ماقالت لك اني بتصل يلا على العموم مبروك عليك أنا..!
مريم(مستغربه من جرأته): الله يبارك فيك.!!!
بدر: شكلك مستحيه مني كيف لو أقعد معك...!؟
مريم: لا بالعكس عادي!!
بدر: لا تحاولين أصلا مبين من صوتك انك مستحيه علي العموم حبيت ابارك لك ياحياتي والمره الجايه ابغاك انتي اللي تتصلين وتكلميني عن نفسك أكثر ولو أن مشاعل كلمتني عنك كثير..،اتفقنا..؟
مريم: إنشالله.
بدر: لأ..لأ قولي اتفقنا..
مريم وتضحك عالخفيف: اتفقنا
بدر: يلا أخليك ألحين مع السلامه
مريم: مع السلامه.....حطت إيدها على قلبها ومو مصدقه أن بدر كلمها وقال لها ياحياتي وما توقعت انه جريئ ومرح لهالدرجه ...وقعدت تناظر لسقف غرفتها وهي منسدحه وإلا جاها مسج قطع حبل افكارها ، فتحته طلع من بدر شعر حلوو مره
يقول:
((مساء الخير ياعمري.كيف الحال وشلونك!!دريتي بآخر أخباري!!شراييني سكنتيها"حياتي مالها معنى إذا لحظه ( نسيتيهاااااا )تبين الكذب مااحبك"تبين الصدق مجنوووووونك فديتك وش بقى فيني مشاعر ماأخذتيها))
..فرحت مريم من رسالة بدر وردت له:
((تمنيتك أنابالفعل
معك أمشي
وأشيلك من عيون الكل
وأقولك : عيش في قلبي
أبد ¤ لاهنت ¤
لأن الكون مايسوى
إذا في دنيتي
¤ ماكنت ¤ ))
مرت الأيام حلوه على مريم ومره من الأيام قرر بدر ان يزور مريم
بالبيت ويشوفها وجها لوجه لأنه ماشافها بالطبيعه بس شافها بالصوره
واللي خلاه يوافق انه يخطبها وصف مشاعل لها وكان واثق من ذوق امه
فعلا اتصل بدر على مريم..
بدر: مرحبا مريم
مريم: هلا بدر
بدر: شلونك ياعمري
مريم: زينه . . . !
بدر: شفيك مريم صوتك مو عاجبني فيك شي ؟؟
مريم: لأ.. بس بكره يبدأ أول يوم دوام بالترم الثاني
وبصراحه مالي خلق للجامعه عشان كذا متضايقه
بدر: أفا..هذا وإنتي أول سنه وشلون لو كنتي آخر سنه وش تسوين
مريم: والله مدري عالعموم دراستي راح تشغلني عن أشياء
كثيره وراح أرجع للروتين الملل كله دراسه وأكل قليل ونوم وبالنهايه يصيبني إرهاق وسوء تغذيه
بدر: بس الحين حياتك تغيرت(يقصد نفسه انه دخل حياتها وصار جزء منها)
مريم وهي فاهمه قصده: صدقني يابدر ماتغير فيها شي روتيني اليومي ماراح يتغير طول ما أنا بالجامعه..
بدر: أفا يذا العلم....وأنا وين رحت...؟!
مريم وتبتسم: إنت بقلبي..
بدر طاير من الفرحه لأن مريم أول مره تقوله كلمه حلوه: أجل وين كلامك اللي قلتيه إن حياتك ما تغيرت
مريم: أمزح معك والا ماتحب المزح ؟؟؟
بدر: آآه منك أموووووووووت فيك وبمزحك
مريم وجهها أححححمر وقلبها يدق بقوه من كلامه الحلو: ..........
بدر: يووه تذكرت شغله مهمه
بقولها لك....!
مريم: تفضل......
بدر: أبي أجيكم بكره عشان أقعد معك وأشوف
حلاوتك عالطبيعه طبعا بعد إذن عمي أبو سالم
مريم وخافت من طلب بدر لأنها تستحي وهي تموت
وقلبها يدق بقوه إذا سمعت صوته وشلون لو تقعد معه....
بدر: هاا مريم شقلتي ؟
مريم: ...............حياك الله
وطبعا جاء ثاني يوم ومريم كالعاده جايه من الجامعه
وتعبانه وكل تفكيرها أنها تروح تنام وهي
داخله البيت......السلام عليكم.،.،
الموجودين: وعليكم السلام
أبو سالم: مريم يابنتي أبيك بموضوع،،
مريم (وهي تدري إنه عن بدر) : سم يبه ؟
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك