رواية انتي نظر عيني دامك معي -14
طبعا فيصل مستانس وبغرفته وفاتح اللاب توب
وإغنيه الجسمي _الطير
((عمرك سمعت بطير يحب سجااااااااانه
إن شافك إنت نسى وش تعني جنحانه
أنا تراني الطير اللي يحبك مووووووووت
لو حب قلبي غيرك بدعي علييييه يموووووووووووووت..
في قربك إنت نسى إنه ياعمري طير
ماتشد عينه السما ولا يريد يطير
هذا الغلا والحب من الله سبحانه عمرك سمعت بطير ويحب سجانه ؟ ))
فيصل ويتصل على مشاعل..
ويرن جوال مشاعل:
((روحي بلقاك تفز فزززة حمامه
وتحووم حولك من غلاك واملها
ياللي منك نظرة غلا وإبتسامه
ترد روحي الغاليه في محلها..))
مشاعل كانت قاعدة ووعلامات الحزن طافيه
على ملااامحها ..
فجآة شافت جواااالها
ـ>> "يايمه حبيته" يتصل بك
فز قلبها وكن روحها ردت لهااااااا
مشاعل: هلا فيصل
فيصل: هلااااااااابك اكثر ..أخبارك؟؟
مشاعل وبقلبها تقول مو بخير: بخير الحمدلله وإنت..؟
فيصل: كنت مو زين والحين صرت زيييييين مرررة
مشاعل: دووووووم
فيصل: أبشرك..
مشاعل وبقلبها ماظن فيه بشارة حلوة بعد اللي صار لي: وشو؟
فيصل: توني طلعت نتيجتي ..
مشاعل وزاد إهتمامها: كم؟؟؟؟؟؟
فيصل: كم تتوقعين؟؟
مشاعل: إإإمممم مدري والله أمانه فيصل لا تلعب بأعصابي ..كم النسبه؟؟
فيصل ويضحك: هههههههههه 96%ـ
مشاعل: جد؟؟؟؟
فيصل: والله العظيييييييييييييييييييم 96
مشاعل: مبروووووووووووك..وربي إنجاااز ياخطير
فيصل: اول مارحت وان النتايج كلها طالعه
انا جيت اول واحد
مشاعل وبقلبها تقول: اليوم نتايجك ونتايج تحاليل زواجي
فيصل: ميشووووو شفيك سكتي
مشاعل: هااا؟ لا مافي شي
فيصل توه يستوعب: شفيه صووووتك؟
مشاعل وخنقتها العبره: لا مافيه شي
فيصل وبإصرار: إلا صوتك تعبان مشاعل إشفييييييك
مشاعل وماسكه نفسها لاتبكي: بس تعبانه شوي مزكمه
فيصل: يالبى قلبك إن شاء الله فيني
مشاعل: إسم الله عليك ..
:
:
:
في غرفة مريم وبدر..
مريم قاعدة تجهز للسفر..وتحط الأغراض
وبقلبها فرحه وحزن وقلق .كانت مشاعرها
مختلطه ..بس كانت ثابته على قناعه وهي اللي
مخليتها متوازنه ..وهي اللي كاتبه لنا الله
انا راضيه فيه مهما كااااااااااااااااااااااااان >> ونعم بالله
بدر: مريم حطي بنااادول
مريم: حطيت كل شي..عاد إن شاء الله
ماكون ناسية شي..
بدر: إن شاء الله ماتكونين ناسيه شي..
مريم: ياااااه جد راح يكون يوم متعب..>> لأن وقت سفرتهم بوقت ملكة مشاعل
بدر: إيه والله ..الله يعين مشاعل
مريم: لا ماعليك مشاعل قوويه وانا أعرفها
بدر: الله يوفقها..جد أبوي ماله حق باللي سوااه
مريم: صح كلامك حاجه تقهر..بس ماتدري
يمكن خيره لها>> قال تعالى: " وعسى أن تكرهو شيئا وهو خيرا لكم"ـ
بدر: والله يامريم الواحد مايدري وين خيرته
مريم: ليه بدر شقصدك؟
بدر: يعني موضوع السفر والعمليه
مريم: لا بدر وش تقووول إن شاء الله بيكون خيره
وين بدر القوي اللي أعرفه..
بدر: والله كنت متأذي كثير لأن كان موعد السفر بعيد وألحين يوم
قرب ..مدري أحس ماني متشوق كثير
مريم: بدر وش تقوووول الله يهداك المفروض تفرح وان شاء الله ربك يفرجها
بدر: مريم انا خايف انصدم مرة ثانيه العمليه مو أكيد نجاحها..
مريم: بدر لا تفكر سلبي خلك متفاؤل.. إنت قوي وانا اعرفك
بدر: تدرين أحس تعودت على كذا .. مرات أفكر ماودي أعمل العمليه
وانصدم مرة ثانيه تعودت على الظلمه
مريم: بدر إنت من جدك..في أحد مايبي نظر عينه يرد له
المفروض تتحمس أكثر وتحسن الظن بربك
بدر: مريم..إنتي نظر عيني دامك معاي
مريم وتضم بدر بقوووة: بدر الله يخليك لي..لا تتخاذل
صدقني انا بتم وياك بس والله يابدر انا مو دايمه لك..يمكن أموت
بدر: ياحياتي لاتقولين كذا..
مريم: خلاص أجل لا تخاااف ولاتفكر كذا مرة ثانيه
لازم تستعد للعمليه بكل ماعندك..
بدر وخنقته العبرة: أوعدك..
:
:
:
:
:
((إتعب علي لو تبغي توصل إنت لي
إعمل عشاني أي شي إتعب علي...إلخ))
مرام: هلا هنووده
هند: أخبارك يا نبراسكا
مرام: هههههههااااي ياشين الحره
هند: وااااااه بس ياحظك لا وبتشوفين بدر
مرام: وانا شكو فيه
هند: يؤ صح نسيت
مرام: إيه أنا مخططه اول مانوصل للمطار نروح فندق بعيد
مالي خلق لدوخه الراس
هند: هالله هالله بالسوق
مرام: من جدك؟. اصلا السوق أول شي مخططه أفرفر عليه
هند: طيب خوذي لك طله عليهم شوفي متى وقت العمليه
مرام: إنتي من جدك خلهم يولووون بس
والله ماني طاله عليهم ولاني جايه أبي أستانس طفش وربي
انا رايقه لمستشفى وريحتها ويييييييع
هند: هههههههههه حمدلله والشكر اللي يسمعك يقول يبون
يسوون العمليه لك إنتي
مرام: ويييه إسكتي بس الله لايحطنا مكان هالأعمى
لا والمصيبه منو رايح؟
هند: منو
مرام: العائله الكريم ..مشعل ومرته وبدر ومرته
ترااه علاااج مووو لعب باقي بس ياخذون بيت الجيران ههههه
هند: ههههههههههاي
طبعا سبايدر مان أقصد نواف كان يتسمع عليها
مالقى غير احتراف التجسس بعد ماعرف خباثة زوجته
ودخل : مرام
مرام: خيييييير ماتشوفني أكلم >> بعد ماظمنت السفرة شوفو الإسلوب
نواف: جهزي جنطتي انا أبروح
مرام: لا حبيبي روح إنت جهزها انا مايمديني على أغراضي
نواف وبنظرة: مااااااااشي حبيبتي
:
:
:
(( على الأحباب تتغلى ولا تسال ولا تشتاق
على بالك انا ولا نسيت الود والأشواق....))
ليلى: هلا حصوووص اخبارك؟
حصه: بخير.. إسمعي نبي نروح انا وتهاني للسوق
نبي ندور فساتين عشان ملكة عبدالله
ليلى: لا ماني فاضيه قاعدة اجهز للسفر..
حصه: يحليلك إنتي تجهزين لسفرك وحنا محتارين ماندري وش نلبس..
ليلى: كلن على همه سرااا..ماقلتي أي سوق تروحون
حصه: الرياض غاليري
ليلى: اها..طيب شريتو شبكه وكذا
حصه: لا بكرة عبدالله وامي يبون يروحون يشوفون
ليل: أها على خير
حصه: امانه وش اخبار ميشووو
ليلى: ههههه تخيلي ماتطلع من غرفتها حرام مستحيه
حتى وماكلمتها من زمان..إن شاء الله أقعد معها قبل لا أسافر ..>> بعد الملكه يعني
حصه: ياااااو فديتها ذا البنت..يالله أخليك نبي نمشي
ليلى: اوكي باي وسلمي عالماما وعبود
حصه: يوووووصل..باااااااااااااااي
:
:
:
:
مرررت أيااااااام ثقيله ويطغوها الحزن على مشاعل
وفيصل كان يسيطر عليه الشك ولكن كان يطووووف
بالرغم من إحساس إن مشاعل فيها شي ...
طبعا مرام كانت طايرة من الفرح.. تجهز الملابس الثقيلة
حق السفر..ونواف اللي جته لحظة صمت من تصرفااتها
الحقيرة بالرغم من إستغرابها من هالصمت وبنفس الوقت طنشت
تبي الوناسه وكانت تحسب إنها مسيطرة على نواف>> للأسف
بدر حاس بتردد وخوف بخصوص العمليه مايبي
ينصدم مرة ثانيه بالواقع اللي صحى عليه بعد الحادث
وكل ماجيه هذا الشعور..سرعان ما مريم تطفئ
مشاعر التردد والحيرة والإنسحاب اللي توقد نارها
في كيان بدر..........
مشعل ليلى أيام عاديه ولكن ليلى كانت تنتظر من مشعل
إنه يفتح معاها موضوع العيال ولكن كان ينسحب من النقاش
حول هذا الموضوع قام يضايقه كثير بس ما قول غير ربنا يفرجها
>> طيارة المسافرين الساعه 11 ليلا
طبعا بيحضرون الملكه وبعدها يغادرون بحفظ الرحمن
العصر ..
أم سالم تتصل على مريم
((تتصل بي ياهلا بك من بعد طول غيابك
إتصالك غير عندي مرحبا بك مرحبا بك....))
مريم: هلا يمه
ام سالم: هلا بك وشلونكم
مريم: بخير وانتي كيفك وكيف أبوي وفيصل
ام سالم: الحمدلله ماعلينا
مريم: يممه ترا خالتي تقول تعالي اليوم على الملكه
ام سالم: يا بنتي فشله الحفله خاصه مانقدر نجي
مريم: أدري بس عزمتك إنتي ومنها تودعيني قبل لا أمشي
ام سالم : على خير إن شاء الله ..زين متى يملكوون على مشاعل
مريم: الحين يمه الملكه وبعدها راح اروح الصالون معها انا وليلى
ام سالم: يالله ألله يوفقها إن شاء الله..
فيصل كان جاااالس عند امه وسمع كل الحوار
ـ((متى يملكون على مشاعل)) هالكلمه جت مثل السهم بقلبه
إنصدم وطااااااااااااااااااااااااار لبس ملابسه وطلع من البيت
ولسيارته على طووووووووووووووول
إتصل عليها
:
:
:
:
كانت جالسه وغارقة بدموعها خلاص فات الأوان
ألحين الملكه والمأذون بالمجلس وكل شي بيتم بأسرع وقت
وفجأة ((روحي بلقااااااك تفز فزة حمامه
وتحووم حووولك من غلاك واملها..إلخ))
دموعها شلال وحزنها جباااااااال
وحبت تهدم جبل حزنها لما تسمع صووته
ورررردت..
مشاعل وبصوت حزين فاقد الأمل : ألو
فيصل:..................؟؟؟
إنتهى البارت
تتوقعوون وش راح يقول لها فيصل؟؟
و وش اللي مجهزه نواف لــ مرام.؟؟
كيف راح تكون الأمور في الأيام القادمة؟؟
كل هذا في البارت القادم..
وقربنا نخلص .. :)
تواصلو معي..
((أحبــــــــــــــــــــــــــــــــكم))
البارت الثامن عشر
كانت جالسه وغارقة بدموعها خلاص فات الأوان
ألحين الملكه والمأذون بالمجلس وكل شي بيتم بأسرع وقت
وفجأة ((روحي بلقااااااك تفز فزة حمامه
وتحووم حووولك من غلاك واملها..إلخ))
دموعها شلال وحزنها جباااااااال
وحبت تهدم جبل حزنها لما تسمع صووته
ورررردت..
مشاعل وبصوت حزين فاقد الأمل : ألو
فيصل وبندفااع: مشااااعل صحيح اللي سمعته ؟؟؟؟
مشاعل قامت تبكي ولا نطقت بأي كلمة: ..........
فيصل: مشاااااااعل ردي علي الله يخليك
مشاعل وبين دموعها: إيييييييه
فيصل: طيب وأنا مشاعل أنا أحبك
مشاعل وأندفعت وهي تبكي: وش أسوي يافيصل مو بإيدي
والله أبووي طلع مسوي كل شي بدون لا يآخذ راااي
فيصل ويحاول يسيطر على دموعه: طيب لييييييه ماقلتي لي
مشاعل: أقولك كل شي صار بسرعه..
فيصل: ليييييييييييه يااارب لييييييييييييه كذا
مشاعل: خلاااص يافيصل انا مو لك وانت مولي هالموضوع بإيدينا
فيصل وصارت بصوته بحه وبدى يبكي: مشاعل انا أحبك
مشاعل: وأنا أكثر
فيصل وهدأ : يعني خلاااااااص؟
مشاعل وتبكي بقهر: فيصل أبي أسكر
فيصل: مشاعل تكفين إوعديني ماتكون هذي اخر مرة اسمع فيها
صوتك..
مشاعل: أوعدك
وسكرت مشاعل الخط وهي تبكي ومقهورة ..
:
:
بعد صلاة المغرب
بيت نواف ...
مرام طايرة وتجهز الأغراض للسفر..لنبراسكا
وتحط وتشيل بالأغراض مسكينه كنها اول مرة تسافر..
راحت وإتصلت على نواف: أبي أشوف متى
يجي عشان المشيه للمطار..
وإتصلت بس ماكان يرد عليها..
مرام مستغربه: وشفيه هذا ماقاعد يرد .. والله لأحرقه إتصالات
لين يرررد علي..وربي بااارد اليوم سفرة ولا كنه بيسافر
...
كان المأذون جالس بالمجلس وعاليمين نواف ومشعل
عاليسار عبدالله وأبو عبدالله وأبو محمد ..............
كان المأذون يؤدي طقوس الملكه >> وعزاه بس
وكان نواف جالس ويطالع جواله ..ومرام تتصل عليه
وكان يحط صامت ومايرد ..لانه عارف وش عندها !!!!!
وكان ناوي يروح البيت بعد الملكه عشان يجيب اغراضه
>>> وش ناوي عليه يانواف ...
المهم تمت الملكه اللي يظن عبدالله إنه سعيد بهذا القرار
وإنه بدا يبني سعادته وإستقراره على
تعاسه مشاعل اللي ماكان يدري عنها ولا راح يدري
عنهااااااا ...
:
المأذون : ألف مبروك ياولدي وحط البنت بعيونك
أبو عبدالله : لا توصي ولدي وانا عارفه زين
أبو محمد: فيه الخير
المأذون: يالله ياجماعة الخير أستأذن أنا والله
يوفقك ياولدي ويسعدك فيه حياتك الجديده
عبدالله: جزاك الله خير ياعم وماتقصر..
طلع المأذون و طلع وراه عبدالله وأبوه
مشعل: نواف حنا ساعه كذا وطالعين المطار
روح البيت إرتاح وحنا نمرك مع محمد
نواف: لاااا انا ابقعد لين تمشون وإذا رحنا المطار
وقفوني عند بيتي آخذ أغراضي بس
مشعل: طيب براحتك..إمش عند مشاعل
نشوفها..ونكلمها قبل لانشمي
نواف: ليه وشفيها
مشعل: لانها مو مواقفه
نواف: إحلللللف..وليه ملكتو؟؟؟
مشعل: أبوك الله يهديك معطي عمي كلمه
وقبل الفحوصات بيوم قايل لها
نواف: والله ماني مستغرب ..أبوي كذا
تذكر يوم زواج محمد وإلا زواجي؟
مشعل: إيه والله راح عن بالي ..الله يهديه ماياخذ براي أحد
وخصوصا اذا عزم على شغله..
نواف: بس الحمدلله جأ الموضوع خيره وكل من مستقر
في بيته
مشعل: بس مشاعل بنت وحرام مايكون لها راي
نواف: ماتدري يامشعل يمكن خيره لها
وبالنهاية عبدالله ولد عمها ومشالله عليه مو عشان هو ولد
عمي بس انا عارف أطباعه زين
مشعل: إيه والله صادق..
يرن جوال مشعل: هلا ليلى
ليلى: مشعل تودينا الصالون
مشعل: صالون؟ ليه؟
ليلى: أمدااااك نسيت ؟ >>> لان فيه حفله
بسيطه ..تلبيس دبل وحركات ذي ..
مشعل: إيه طيب..بس انتي
ليلى: لا انا ومشاعل ومريم
مشعل : يالله عشر دقايق واجهزو
ليلى: طيب ..
:
:
:
طبعا راحو الصالو وتمت التجهيزات
مشاعل طلعت مثل الملكه مشالله بس كانت طاغيه عليها
ملااامح الحزن اللي كل من شافها فسرها إنها خجل البنت الطبيعي
اللي خايفه من دخول حياة جديده..
:
:
مشاعل كانت بكامل أناقتها
لابسها فستان مرة روعه عليها..ما عرف أوصف
عشان ما أشوش الخيال عندكم ..فأزودكم بصورة وتخيلو إنتو عاد....
كانت جالسه وعندها بالغرفه مريووم...
مريم: وربي كنت حاسه إن الفستان راح يضبط عليك> لان مريم هي جابته
لها
مشاعل: ...........لا رد
مريم حست فيها: مشاعل أدري إن الموضوع لابيدك
عمي أبو محمد تسرع وش تبين يسوون يعني
مشاعل: بس هم عارفين اني مو موافقه
مريم: مشاعل ياعمري هالكلام ماينفع الحين الناس كلهم تحت وبعد شوي
بتنزلين...
مشاعل: طيب..انا راح اتزوج وماني قايله شي
ب والله يامريم خليك عارفه طول عمرك إني مغصوبه مو زي البنات
اللي يفرحون بوقت عرسهم..
مريم: مشاعل حبيبتي بكره تتغير الأمور بس إنتي إصبري...
ودخلت أم محمد: ها يابنتي جاهزة عشان الولد بيدخل
مشاعل: ................ لارد !!
مريم: إيه خاله جاهزة بس إنها مستحيه >> ترقع الموقف حق صديقتها
مشاعل وبدت تبكي بس عالحفيف..
أم محمد : ياويلي لا تبكين تخربين مكياجك
يابنتي بس خل يخلص الحفل وبعدها إبكي على كيفك..والله إني حاستن فيك
مريم: إيه والله مشاعل حاسين فيك ..ب لازم نقدرموقف الضيوف
مانبي نحرجهم الناس تنطر >>> وتعدل لها مكياجها
:
:
:
المهم نزلت مشاعل ومعها مريم ماسكتها من يدها
اليمين..
مشاعل كانت حزينه وكأن ماخذينها للمووت ..وتفكر
بينها وبين نفسها: يمكن هالموضوع خيره ويمكن لأ
عمووما انا ماني راضية بحكم أبوي الله يسامحه
ليتهم يدرون إن قلبي مو خالي آآآه بس .............
دخلت وقعدت كانت حزينه .. ومريم جمبها
مريم تبي تقوم ..بس مشاعل مسكت يدها وهمست : مريم لا تروحين الله
يخليك
مريم: ياحياتي طيب بس عبدلله الحين يدخل بس
أبي أجيب طرحتي
دخل عبدالله كان مبسوووط وكاشخ
ومسوي هالسكسووكه ياسلااام ....وجلس
بجمب مشاعل عند يسارها .. ومريم كانت متغطيه وجالسه
على يمين مشاعل..طبعا اول ماقعد عبدالله مشاعل مسكت ايد مريم
بقوة ((يعني لاتخليني))...
عبدالله كان يفسر هالشي خووف طبيعي وحيا البنات..((ليتك تدري ياعبدالله))
عبدالله غمز لحصه .. >> كان بينهم إتفاق إنها تحط إغنيه هو طلبها أول مايدخل
وفعلا حصه حطت الأغنيه اللي خلت كان متشقق عبدالله اول مابدت وانوااع الخيالات
والرومانتيك ولكن للأسف كسرت قلب مشاااعل......
وسط أجواءالحفله البسيطه والإغنيه اللي شغلتها مشاعل..
كان إغنيه روحي بلقااك – ماجد المهندس !!!!!!!
هالأغنيه من فيصل..كانت تذكرها فيه .....
((روحي بلقااك تفز فزة حمامه
وتحوم حولك من غلاك واملها
ياللي منك نظرة غلا وإبتسامه
ترد روحي الغاليه في محلها
لك في فضى صدري فؤادن غرامه
يحمل محبة انسى تلقى مثلها
يعني إذا قلت احصى شوقه وهيامه
تقدر تقول بكثر هالدنيا كلها
أهواك وأرسم للتعجب علامة
كلما بنورك عيني خطت كحلها
وأسأل هواك اللي عظيمٍ مقامه
هل خلا فيني ذرةٍ ما وصلها
رح للقصيد ودور أعذب كلامه
ون جبت كلمة توصف إحساسي قلها
دامي عجزت ألقالي وصف ومدامه
حبك يسد بلاد ويكفي أهلها)))
من جانب آخر كان فيصل واقف بسيارته
عند بابهم ويناظر للباب ويبكي.....: أدري
إنه معك ألحين ..خلاص يامشاعل إنتي مو لي
الله يوفقك مع ولد عمك..يمكن راح يسعدك أكثر مني
الله يوفقك يأ أعذب بنت .......................
وأرسل لها رساله :
(( أفترقنا ياحياتي ..أدري والله رحتي مني
حبك بقلبي وذاتي..ورسمتك عشقي وفني
يوم فرحتكم مماتي..صرت أنا أبكي وأوني
ليتك بس ياغناتي..صرتي إنتي بنت عمي
لكن الدنيا سبايب ولا صرتي بنت عمي ..!))
:
:
بهاللحظة مشاعل جت دخلت غرفتها والمسافرين مشو للمطار
شافت الرساله وبكت ..
أرسلت له :
((أحبك..ومهما الأيام فرقتنا بظل أدعي لك
بالتوفيق يافيصل ..))
:
:
في سيارة محمد واقفبن عن بيت نواف ينطرووون
نواف يجيب أغراضه.....
نواف دخل لقا مرام والشرار طالع من عيونها: إنت وينك بالله متى يمدي نمشي المطار
طبعا دخل بسرعه وأخذ جنطته ولا ر د عليها
مرام: هييييييه أكلمك أنا ليه ماترد..
وهو متجه عند الباب.
مرام: طيب إنطر .......
نواف: رووحي لأهلك.مافييييييه سفر >> يلعن ام النكبه
مرام وبذهووول وعصبيه: يعني وشوووو ..وربي إن مو رجال
الرجال ياخونون الوعد
نواف وبملاااامح حاده يمليها الجد: يعني إنتي طااااااالق ماتلزميني
وطلع .....................!!!
مراام وبجنوون: نواااف تعاااااال خلاص ماني مسافره ..نوااااااف
طبعا نواف ولا رد عليها..
مرام إنجنت وقامت تبكي وتخربط: الله ياخذهم الله يمووتهم
هم اللي قالو له طلقها ..مايبوني اسافر ادري منقهرين مني ادري والله...
طبعا جلست في بيتها .. وهي مقهوووورة >> هذا جزا الظالم
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك