رواية لا ياخذك غيري ترى خاطري فيك -15
منصور:الله يوفقك يارب.
خالد:امين وياكـ اقول خلنا نسبح .
منصور:يالله بس شويات بشوف امي اذا محتاجه شي .
خالد:الله يرزقك بــــر عيالك قل امين والا يحرمك شوفتهم.
منصور:اميين يارب.
خالد:انتظرك اجل.؟
منصور:لالا انا اجيك روح انت سبقني.
خالد:اوك.
"مشى منصور متعدي خالد وهو يفكر ويتمنى انه يشوف حنان ولوو بالصدفه سمع صوت ضحك صادر من الاسطبلات ابتسم عرف انه البنات هناك"
دخل منصور جوا البيت وصوت:ياولــــد.
تغطت خالته ام مرام ودخل
منصور:السلام عليكم.
الكل:وعليكم السلام هلا وغلا.
مريم:تعال تعال جنبي ياوليدي.
ابتسم لها منصور وع حنانها:وشلونك ياعمه بشريني عن صحتك؟!
مريم:الحمدلله بصحه وعافيه اخبار الشغل معك هاه للحين تشتغل بالبنك؟
منصور:ايه للحين وماراح اتركه لاني تعودت عليه وبنظم عمري ع هالشي والله يعين.
مريم:الله يوفقك يارب.
منصور:امين يارب.
>وجلسو يسولفون ومنصور ناسي خالد خخخخ
استأذنت من البنات وطلعت دخلت للبيت وماكانت تدري انه فيه احد من الشباب
وقفت عند دورة المياهـ ومسحت دموعها اللي طول الطريق وهي تتهامل ع خدها
دخلت للحمام خووف من انه احد يشوفها .
منصور:الحين هذا وش بيزيله مايروح صح.؟
مريم:اغسله بمويه وصابون وجرب .
منصور ناظر ساعته وشهق:نسييت خالد هههههههه يالله يالله عن اذنكم ياويلي منه.
الكل:اذنك معك ههههههههههههههه.
"طلع منصور وهو مبستم دخل قسم دورات المياهـ وفتح المغسله يغسل القهوه اللي متروسهـ زعفران وانكبت ع ثوبه .
"سمع صوت بالحمام وماقدر يميز صاحبته ==>
مـــخرج~
مخطئهـ....
حينَ تظَني آنُ آلعين آلتيّ
إمتلأت بكككك
سـ/تعشِقُ غيرك !
انتهىا الـــــــــــــبارت
|>توقعااتكم ياحلويين أساس نجاحي :)<|
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
البارت الثاني عشر(:
تبكي بصوت مبحوح واضح كثرة البكي عليه:ليه طيب حرام انا ماسويت لك شي وانسحبت بهدوووء من دون ماسبب لك مشاكل
"انهارت وصارت تسب فيه":الله لايوفقك يااانذل الله يلهييك بنفسك حسبي الله عليك ونعم الوكيل.
منصور وقفت شياطينه من العصبيه بسبب هاللي تكلم واللي متعرض لها والواضح انه بيضرها ..
عهود توها داخله للبيت وتكلم رغد:حناااان وينها اختفت .
منصور سمع اسم حنان واشتب ناار وتوقع انها هي اللي جوات الحمام وهاللي يكلمها بسبب غلطتها معه
ابتسم بسخريه لانه ظنه "طلع بمحلهـ" وطلع بهدوء بنفس دخولهـ....
^^
عهود:اخيرا لقيتك وين كنتي ؟؟؟
حنان ابتسمت لها:رحت اشوف جوالي بالغرفه وانسدحت شوي تعرفيني ماقاوم السرير هههههه.
عهود:هههههه هين اعرفك انتي خبز يدي.
حنان:وين مرام مارجعت؟؟
عهود:لا إختفيتي انتي وياها مره وحدهـ.
حنان:بججد والله ماشفتها عاد.
عهود:اهااا
}|ِ{
دخل منصور ع خالد وهو يحس الدنيا مو واسعته من الضيقه.
خالد:لالا بدررري خلاص بطلع الحين.
منصور ضحك مجامله:حقك علي بس مسكتني عمتي ولهيت اسولف معها.
خالد:اهاا بتسبح؟
منصور:لامالي مزاج .
خالد:اجل يالله انا بطلع احس الجوع لعب فيني هههههههه
منصور:هههه يالله اجل اطلع وانا بسبقك للمجلس.
طلع من المسبح والمويه تتسلل ع صدره العاري أخذ فوطته وهو ينشف شعرهـ بروقآآن :اوكييي.
^^
دخلت للمجلس وشافت البنات يناظرونها خافت انه يكون واضح عليها شي .
حنان:هااه وين رحتي يالدوبا
مرام:اخذت لي غفوهـ .
حنان رفعت حاجبها:اخذتي غفوهـ وين ؟
مرام:بالغرفه يعني وين
حنان:انا جيت للغرفه ومالقيتك.
مرام برتباكـ:يمكن جيتي للغرفه وقت ماكنت بالحمام اتوضا.
عهود :كلكم اختفيتو ومره وحده بعد والغريب مالتقيتوووو!!!
حنان:اممممم قلت لتس كنت بالغرفهـ بس مرام شكلها منحاشه لمكان من ورانا "وغمزت لمرام"
مرام بضيقهـ:خلاص عاد ماني مجبوره اخبركم عن تحركاتي "ومشت وتركتهم"
هنا عهود فططططططست ضحك ع تلقيطت وجه حنان:
ياااااااربيي رباهـ لو مكانك حنان القط وجهي حبه حبه ههههههههاي
حنان:ههههههههههاي دوووبا عاادي تمون علي.
عهود:اسكتي الحين تجيك وتقول "تقلد صوت مرام"بعد تطلعين إشاعهـ علي ياحناانوووه..
حنان:هههههههههاي وقسسم لو تسمعك ان تموتين ع يدها.
مرام من بعيد تتكلم وهي تسولف مع العمه مريم:عمه خبري ام شوشه وخويتها اني اسمعهم ...
عهود:ههههههههههههههههههاي حشى حشى عليها آذان ههههههاي
حنان:يممه مغصني بطني منك مراموه مره شخصيه ههههههاي.
التفتت مرام بهدوء:خير مالاقت الشخصيه علي؟!
حنان:لالا ابد لايقهـ بس فكينا من هالنفسيه الزفت.
مرام بمزاج متعكر :عاد بتتحمليني والا منتي مجبوره تسايريني ..
ورجعت ل عمتها تسولف معها......^^
عهود بعد ماحست الجو توتر مسكت يد حنان ووقفتها معها وآثر الصدمه ع محيا حنان
عهود :امشي نطلع..
حنان بتفر من المكان قبل تتمشكل معاها:تعالي انشوف اذا مجهزين لنا حلا لبعد المغرب .
عهود:قوووو يالله.
"ام منصور تناظر مرام وحست بنكسارها بعد وفاة ابوها وتمنت لو انه منصور يأخذها برغبته مو تحت اصرار من ابوهـ .
""
ابو منصور يسولف مع زوج اخته مريم:والله مادري وش اسوي انت وش تشورعلي فيه ؟؟!
ابو عادل ابو عهود:انت خلك ع اصرارك ولاتغير رايك وبالبدايه بيتضايق بس بعدين بيعرف انه هالشي لمصلحتهـ.
ابو منصور:بس المشكله انه مايبي غير حنان .
ابو عادل:الله يعينك يابن الحلال خلها ع ربك وان شاءالله بتنحل.
"دخل عليهم منصور وغيرو السالفهـ"
في جهه ثانيه من المملكه بمكاان يبعد عن المزرعه كيلوااات
بوسط بيت هادي اشبهـ ببيت مهجور لشدة هدووئه
ورغم ذلك الهدووء الا ان المكان يحاوطهـ الدفء بقرب اشخاص تجمعهم اربعة جدران
ربما ذلك الشي الاغلب يفتقدهـ
"عبدالله يكلم امه:وش قلتي يمه بتروحون للمزرعه؟
ام عبدالله:نروح منها نغير جو ومنها نوجبهم .
عبدالله:ع خيرااات اجل اكلم منصور واعطيه خبرر .
ام عبدالله:ايه كلمه "شهقت"نسييت الطبخه ع النار .
عبدالله:يعني بنجلس بدون اكل ههههه.
ام عبدالله:لا افا عليك الحين اقوم اصرفها هههه.
عبدالله:زين اجل الحقيها تراني ميت جوع.
"قامت ام عبدالله للمطبخ والتفت يناظر اخته اللي تتابع التلفزيون "
عبدالله ابتسم لها:وانتي ماقلتي لي رايك ماتبين تروحين للمزرعه؟
سحر:عادي اذا امي بتروح بروح معاها مافي اشكل.
عبدالله:طيب سوسو انا تراني حرصت ع روحتكم للمزرعه علشان موضوع بقوله لك بس مابي يطلع لاحد.
عدلت سحر جلستها:طيب وشو اسمعك.
عبدالله:الحين عدلتي جلستك يوم عرفتي انه فيه سالفه عليكم حركاات يهالبنات هههه.
سحر:يالله عااد قول.
عبدالله:ابيك تجيبين لي خبر اللي سلبت عقل اخووك.
سحر بحمااس:انت تتتتتححححب.
عبدالله يتصنع العصبيه:وش احب انتي وجهك انا اكبر من هالاشياء بس انه لقيت بالبنت المواصفات اللي اتمناها وابيك تشوفين لي من هي بنته
سحر:توك تقول سلبت عقلي ماعرفت لك عبود.
عبدالله:اسمعي الاهم بس انا بقول لك مواصفتها وبكرى ابيك تشوفينها لي اذا هي تنفع لي خطبتها .
سحر:ابششششششششررر من عيوني ماطلبت شي بس وش هي مواصفاتها؟
عبدالله:امممممممم طويله وسمراء وفيها شي يجذب واممم
وشعرها لنص ظهرها يعني لاشفتيها تقولين هنديه وتراها موب ذاك الجمال بس فيها حلا.
سحر:الله الله كل هالمدح فيها الله لنا ههههههه.
عبدالله:بعدييين خلي فضيحتي بجلاجل اذبحك تراا ماحد يعرف بالموضوع غيرك.
سحر:سرك في بير ماله غطاااااء ههههههههههههاي
عبدالله ضربها بالمنديل:عارف بيرك انا منذو مبطي بس مدري وش اللي خلاني اقول لك ههههههه.
سحر:اكيييد مرتاح لي ههههه.
عبدالله:يالله عاد بكرى بينا اتصال واشوف اذا هي اللي انا اقصدها والا لا اوك.
سحر:اوووووك خيوووو.
""
في يوم جديد الكل استعد للعزيمه وتهيؤ نفسيا لها والبنات اكشخوو وصارو من احسن مايكون
ومنصور تكفل بالاستعدادات الكامله اللي بيحتاجونها
ونواف طاير من الفرحه انه اللي عاش نص عمره بيشاركهـ الجلسه اليوم بين اهله وناسهـ
الشخص اللي إعتبرهـ اب مسؤل عنه أم حنونه تضمه لصدرهـ وقت ضيقتهـ
أخ يوجهه وينصحهـ صديق يشاركهـ فرحتهـ ويبكي لزعلهـ
عـم يتمنى له الخير وخال دعوته تسبق كلامهـ
بختصار صار له كل شي بهالدنيا وماحسسه بنقصهـ
ع الساعه 5:00 العصر
دق عبدالله ع منصور وعطاهـ خبر انهم قريبين من المزرعهـ
ام منصور:يالله يابنات منصور توه مكلمني ويقول انهم حوول المزرعه.
مرام:يالله ياخاله انا جاهزهـ وطلعت من الغرفه
ام منصور تناظرها باعجاب: وش هالزين هذا كله
مرام مسكت طرف تنورتها وتمايلة بجسمها:جد حلوو تسلمين لي ياخاله عيونك الحلوهـ
ام منصور:اقرئ المعوذات بسم الله عليك.
مرام:يالبييييييييييه ياخاله ترا ماقوى كذا وهـ بس وين البنات يسمعون المدح.
ام منصور:ماعليك بمدحك لصارو فيه ههههههه.
مرام:لاعدمتك ياخويلتي.
"راحت ام منصور وهي مبتسمه "
التفتت مرام تناظر شكلها بالمرايه وهي تحس انه معنوياتها مرتفعه من كلام خالتها.
عدلت مكياجها وحطت القلووس ع روجها وعطاها جاذبيه اكثر
"لبسها يتكون من قطعتين تنورهـ لركبهـ ولونها ليلكي وصايرهـ موديلها غريب بحيث يصعب علي توصييل شكلها بالضبط لكم.
وجاكيت رسمي سكري ويتوسطه حزام ذهبي سخيييف مو واضح غير الالماسه اللي تتوسطهـ
وشعرها مسويته شنيون مرفوع ومسويه غرتها كيرلي وطالعهـ حلوهـ وشكلها مرهـ كيووت"...
دخلت مرام ع البنات بالغرفه تستعجلهم :يالله بسرررعه يابنات شكلهم وصلو.
حنان:يالله يالله انا خلصت بس تعالي سوي شعري مرام عورتني يدي من كثر مارفعتها وماضبط.
"نوقف لحظه عند لبس حنان وهوو فستان زيبرا قصير لتحت الركبه ويتوسطهـ حزام فوشي وصاير تحت الحزام طبقتين زيبرا صغيرهـ وزادت الفستان حلا اكثثر "
مرام:عطيني "واخذت الفرشه وسوت لها شعرها ذيل حصان مضبووط بشكل حلو ولفت عليه شوي من شعرها وطلع روعهـ
حنان:يسلمووو ياقلبي اتعبتك معي "وقامت تكمل شغلها"
مرام:تعبك راحه بس بسرعه خلصوو طفشت.
عهود:انا خلصت هاااه شكلي حلوو"ودارت بحركه سريعه لمرام"
مرام:ايه حلوو بس زودي كحلتك شوي .
عهود:لالا انا ماحبها كثيرهـ.
مرام:احسن انتي وخشتك .
عهود:لبسي راكز؟
مرام:ايه يهبل بس ليه لابسه كذا مالبستي شي افخم منه؟
عهود:انتم مختبات ترا مافيه احد وبعدين انا كذا طبعي ماحب اللبس الشاهر والخربطه الزايدهـ.
"لبسها يتكون من اربع قطع برمودا رصاصي غامق ووقميص جنز وسديري رصاصي نفس لون البرمودا
وجاكيت رصاصي دارج فيه اللون البني وحطت سكارف تايقر طالع لبسها حلوو""
وشعرها فاكته وماسكه نصه بتوكهـ تايقر وغرتها مسويتها ستريت"
لبس مشاعل اللي دخلت تركض وجزمتها بيدها :بناات بسرعه وصلوو.
"تنورهـ سوداء لنص الفخذ وتحتها كيلون لونه اسود وقميص ابيض موديله رافلز ويتوسطه حزام لونه فسفوري وردي عريض
ع الخصر صاير الحزام وفاتحه شعرها ومسويته ستريت"
ونجي للبس رغد الليجالسهـ بأخر الغرفه وماينسمع صوتها
"شورت كاروهات بني ببيج وتحته كيلون منقوش لونه بني ولابسه معه قميص بني وجزمتها بوت بني فاتح
ولابسه معه سكارف بيج وشعرها فاكته ومسويته ويفي عريض يناسب شعرها القصير "
مرام:انا بطلع واذا خلصتو الحقوني ملييت .
عهود:لالا انا خلصت يالله مشينا جميع.
"وطلعت مرام وعهود سوا"
ع طلعتهم شافو سحر واقفه عند المرايا تعدل شكلها ابتسمت لهم اول ماشافتهم ودققت فيهم تتأكد اذا هي معاهم اللي يقصد عبدالله
مرام:هلا والله كيف الحال.؟
سحر :هلا فيك الحمدلله تمام انتي كيفك.؟
مرام:بخير زارتنا البركهـ.
سلمت على عهود وسألو عن الحال وبعدها ابتسمت لها عهود:يالله اجل نتركك تكملين واحنا بنروح نساعد خالتي.
سحر:اوك يالله لاحقتكم انا.
ابتسمو لها وتقدمو عليها علشان تأخذ راحتها..
مرام:حلوهـ البنت صح.
عهود:ماعليها .
مرام ناظرتها وضربت راسها بخفه:انتي مدري من يعجبك .
عهود:ماحد يملئ عيني غيري "ورمشت بعيونها بدلع"
مرام:ههههههههههههههه انتي شفتي نعومتك ونعومتها .
عهود افتحت عيونها ع الاخر:تقل تسبيني ؟؟؟؟
مرام:لالا سلامتك ماعاش من يسبك ههههه.
"المهم خلال ساعه الكل صار موجود بالمجلس وتجمعو مع الضيوف ام عبدالله وبناتها الثنتين سحر وأم خيال الكبيره بالسن اللي فقدت زوجها بعمر صغير بس الدنيا وهمومها كبرتها مية سنه وكل هالسنين اللي تحمل مسؤليتها ومسؤلية عيالها الاثنين الصغار قصي وعدي
ولدها خيال اللي يبلغ من العمر 27 سنه ووقت وفاة ابوهـ كان عمرهـ 17 سنه
وصار الاب صار عامود عائلتهم كله مرتكز عليهـ
وطول الوقت وهم ضحك وسوالف والبنات خلو سحر تأخذ عليهم وصارت كانها وحدهـ منهم .
ابتسمت رغد لاام عبدالله:فنجالك ياخالتي.
"مدت ام عبدالله الفنجال وصبت لها:سمي ياخاله.
ام عبدالله:تسلمين .
عهود:عن اذنكم شوي.
الكل:اذنك معك.
"مشاعل ناظرتها وعهود فهمت من نظرات مشاعل لها انها تسألها وين بتروحين بس ماعبرتها وقامت.
حنان ابتسمت لمشاعل وهي تشوفها منصدمه من حركت عهود"
طلعت عهود ووقفت برا وهي تحس الهوااء معدوم جواا
تحس قلبها ناغزهـا بس ماتدري ليه...
دق جوال سحر وابتسمت لما شافت الرقم وقامت ترد عليه:هلا والله ........"وطلعت براا"
سحر:هههههههه وش هالحماس هذا كله لاقلت انك تحب صدقني .
عبدالله:طيب شفتيها؟
سحر:اممممم تقريبا بس مادري اذا هي اللي تقصد .
عبدالله:طيب حاولي تطلعينها معك برا وكاني اشوفها بالصدفه واقولك اذا هي اللي انا اقصد او لا.
سحر تفكر:لالا اخاف.
عبدالله:من وش هيه ترا قصدي شرييف بتزوجها انا بمجرد مانرجع بتقدم لها بس ابي اعرف مين .
سحر:اوك احاول.
عبدالله:شوفي وردي لي خبر انتظرك.
سحر:طيب يالله بروح عندهم.
.."وسكرتها منه"
من غيرماتنتبهـ لشخصهـ اللي وراها<<متعوب عليها هــع
دخلت سحر وهي تعدل لبسها الرسمي وتدخل بكل ثقهـ تخالجهـ نوعاً ماا من الفرحهـ بسبب وجودها بين هالبنات العسل.
عهود بتفكير"وش السالفه وش اللي تخاف منه سحر ومن كانت تكلم...اسئله كثيرهـ صارت تتردد في ذهنها وزاد تعبها واشغل تفكيرها اكثر"
.....
................
بـــــــــــــــآإأك
نوقف اللقطه شويات عن الحريم ونروح لجمعة الرجال ونترقب وضعهم بحركه سريعهـ......^^
خالد:تونا ع الزواج وش ورانا لاحقين عليه.
عبدالله:بس الزواج استقرار.
خالد:صحيح استقرار بس بالنسبه لي مافكرت اتزوج الحين الا انت ياعبدالله كم عمرك؟
عبدالله:30 ادري اني شاايب هههههه.
خالد:ههههههههه يعني نفس العمر ماعليه الزواج متأخر احسن شي .
عبدالله:عاد افكر اتزوج انا بس للحين ماعلنت هالشي للوالدهـ
خيال:اجل اوصل انا الخبر لجدتي هههه.
عبدالله:تسويها .
خيال:افا علييك اكيييد بعد بكون مبسوط.
ابو منصور:بعد حنا قريب بنعلن زواج منصور "وناظره وابتسم له"
منصور منصدم من كلام ابوهـ وحس بااحراج من نظرات اللي حولهـ وماحب يعلق ع كلام ابوهـ ويفشله قدامهم...
وقف خيال وابتسم:عن اذنكم شوي...."وطلع براا"
وقف ع طرف المزرعهـ وهو يتأمل جمالها وصار يطل ع جهة حوض السباحهـ طلع زقارتهـ وولعها وصار يشفطها "يمزها" بقوهـ وينفث دخانها وهو تفكيرهـ بشغله وطفش من جلسة المزرعه اللي ماتعدت ساعتين ع بعض .
لفت انتباهه بنت تمشي قريب من حوض السباحهـ تأملها وهو واثق انها مستحيل تناظرهـ .
جذبته البنت وغصب عنه ماقدر يغض بصرهـ عنها ..
خالد من وراهـ:وش عندك واقف هنا؟
التفت خيال مرتبكـ:ابد بس جالس ادخن والجو حلو احلى من الجلسه بين هالجدران.
خالد ابتسم لهـ:اهاا اجل انت تدخن من متى؟
خيال ابتسم:والله من سنين لي فتره طويله.
خالد:واوقات طبعا تدمن عليها بشكل مبالغ صح؟
خيال:ايه والله وقت ماكون متضايق عادي اخلص 4 باكيت او اكثر احيانا الله يقويني ع تركهـ وانا اخوك.
خالد:اميين يارب
خيال:وين اجل اخوك ابو عادل .؟
خالد:مادري توهـ كان هنا يمكن راح يتمشى.
"ابو عادل اهو ابو عهود وينادى بابو عادل لانه متزوج ع ثنتين وله من الزوجه الثانيه ولد اسمه عادل بس العمه مريم حالفه انها ماتشوف زوجته الثانيه لانه خان زوجته ام عياله معهاا بالبدايهـ ماكان بالحلال"
سمعو صرخة العامل "مقبول >>صعيدي"
مقبول جاي يركض:الحقني ياعم خاااالد منيل بنيله .
خالد بخوف:وش فيه يامقبول ؟؟!!
مقبول:العم ابو عادل حصلتو واقع ع الارض وعقربهـ سودهـ لدغاه .
خالد ركض والحقه مقبول وخيال
خالد وهو يركض بخووف:وينه فيه يامقبوول.
وتقدم عليهم مقبول ولحقوهـ ولما وصلو عندهـ لقوهـ رجله مزرقه واضح انه السم انتشر فيها
خالد بصراخ:بسرعه ياخيال افتح سيارتك خلنا نلحق عليه نوديه للمستشفى.
ركض خيال لسيارته وخالد يركض وراه واخوه بين ادينه غايب عن الوعي.
خالد يتنفس بصعوبهـ بسبب ثقل اخوهـ وبسبب خوفه عليهـ.
ركبوهـ السياره وخالد يكلم مقبول: بلغ خالي ابو منصور لاتنسى.
وع طووووول راحو لاقرب مستشفى ودخلوهم بسرعه لانو تقريبا المستشفى فاضي ماعليه زحمه .
طلع لهم الدكتور بعد عشر دقايق :قلت لي انه لدغته عقرب سوداء؟
خالد:انا ماشفته بس العامل اللي شافه يقول.
الدكتور:اللي اتضح عندي انه ملدوغ من قبل افعى ومن الضروري تجيبون لي الافعى او ع الاقل نعرف نوع الافعى .
خالد:كييف يادكتور احنا في مزرعه ومن الطبيعي انه يكون فيه اكثر من حشره وكيف بنلاقيها من بينهم .
الدكتور:ع الاقل نعرف النوع قبل مايسري السم بجسمه .
خالد:طيب يادكتور بحاول اعرف لك نوعها.
"اتصل خالد ع خاله ابو منصور وطلب منه يتأكد مكان مالقووو اخوهـ طايح يمكن تكون هالافعى قريبه منه.
ابو منصور يكلم خالد:هلا خالد ابشرك لقيناها بس تراها ميته واحنا هذانا بالطريق وجايبينها معانا.
خالد:زين زين يالله ننتظركم.
"
"
العمه مريم تهدي ام عهود وعهود:خلاص الحمدلله ماصار له شي وهالحيه لقوها يعني الحمدلله الوضع تمام.
عهود تبكي:والله والله قلبي من اليوم ناغزني وحاسه انه ابوي فيه شي كم صار له غايب عن الرجال ومادروو عنه
مشاعل:عهود قلبي هدي شوي خلاص الحمدلله اخوي ومافيه شي والسم سهل امره .
عهود تشاهق من كثر الصياح:طيب بروح اشوفه.
مريم:بنروح بس مو اليوم .
ام عهود:ليه مو اليوم ياخاله .
مريم:اليوم ماراح يخلونا نشوفه وبعدين خلاص طمنونا عليه ليه كثر البكي مووو زين يابنيتي.
حنان:تعالي عهود نطلع براا ترتاحين شوي.
"قامت معها عهود بثقل"
بعد ماطلعو حنان تكلم عهود:استودعيه ربي عهوده ومايصلح هالبكي .
عهود:وانا املئ بالله كبير ومتفائله خير ان شاءالله.
حنان:طيب وش فيك احسه جوك متعكر اليوم؟
عهود:مادري بس قلبي ناغزني اتوقع علشان ابوي.
حنان:اهاا الحمدلله اجل ارتاحي وابوك وتطمنا عليه مايحتاج كل هذا.
عهود:حنو مادري شفيني انا اليوم احس اني صايره حساسه ومو من طبعي "وتنهدت بضيقه"
حنان:اكييد شي مضايقك .
عهود:مادرري سكري ع الموضوع.
"
ابو منصور:لا الحمدلله شكله يطمن بخيير وان شاءالله انها عدت سليمه.
عبدالله:والله اني فرحت يوم شفته الله يقومه بالسلامه ويخليه لنا والا يحرم عياله من شوفته.
خيال:انا برجع للمزرعه ماينفع تاركين الحريم لحالهم هناك.
ابو منصور:ايه والله زين ماتسوي ياوليدي انت ومنصور ارجعو واحنا نبقى هنا.
خيال:يصير خير بس وينه منصور.
"وراح يدورهـ لقاهـ جالس ع الكراسي اللي في بداية المستشفى جلس جنبه وقال بصوته الرجولي:هاه مانت راجع للبيت.؟
رفع راسه منصور:لا بجلس عندهم اخاف يحتاجون شي.
خيال:ماراح يحتاجون شي وبعدين خالد فيه الحريم لحالهم هناك.
منصور:رح انت الحين وشوي وارجع انا
خيال:اوك براحتك.
:
:
دخل خيال للمزرعه وجت له تركض امه :هاه بشر كيف الرجال عساه بخير.
خيال:لا الحمدلله طيب وطمني اهله انه بخير وكلها يومين ويخرجونه.
ام خيال:الله يطمن قليبك ياوليدي يالله اجل بروح اطمنهم .
خيال:خوذي راحتك يالغاليه.
"راحت ام خيال وطلع له زقاره ولعها وقام يشفط منها وهو تفكيره بمحل ثاني".
الساعه 2:00 بالليل
ارتاحت نفسية عهود وصارت تضحك مع البنات
وطبعا خالد جلس بالمستشفى ومنصور رجع هو وابوه.
المهم"
دخل منصور للخيمه:متى بتنام ؟
خيال:شوي ماحس فيني نوم الحين عاد تراني متعود ع السهر.
منصور:اجل انا صاحي بدري بروح انام عن اذنك.
خيال:اذنك معك ونوم العوافي.
منصور:ههههه عبدالله نايم من بدرري غريبه
خيال:هذا طبعه ينام بدري.
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك