رواية انتي نظر عيني دامك معي -16
حصه وتهاني
حصه: اوووف طفش
تهاني: ايه والله ..ياحظها للوش بأمريكا وناااسسه
حصه: وش اسم الولايه اللي هم فيها
تهاني: مدري والله نسيت يمكن ألاسكا أو نيوجرسي
وفجأة دخل عبدالله
حصه: تعااااااااال الله جابك
عبدالله : ليه وشو؟
حصه: وش اسم الولايه اللي راحو لها
عبدالله: نبراسكا
تهاني: اها والله اسمها قريب من الاسكا
عبدالله: لا يبا هذي وين وهذيك وين
تهاني: والله مادري. حصصصصصصه جوالك يدق
حصه: يوووه صامت ما انتبهت عليه..
تهاني: طيب منو
حصه: هذذذذي مشااااااعل
تهاني: الحمدلله وشكر طيب ردي عليها
عبدالله وينط عند حصه : لاااااااا تردين
حصه: ليييييييه طيب
عبدالله: انا أبي أرد تكفين
حصه: لا أخاف تخرعها
عبدالله: وشوو اللي اخرعها ليه وحش انا؟؟؟؟
حصه: طيب هااااك
و رد عبدالله ..
مشاعل: حصوووص وينك ماتردين
عبدالله: هلا والله
مشاعل جمدت: منو
عبدالله : انا زوجك
مشاعل: طوووووط طووووووط >> سكرت الخط
عبدالله : أفا يذا العلم سكرته
حصه : مالومها والله خرعتها انا زوجك حللللللللوة هذي
عبدالله: امزح معاها..اتصلي عليها طيب
واتصلت حصه ..
حصه: ألو هلا مشاعل
مشاعل وصوتها رايح من الفشله: عندك أحد؟
حصه: ايه عندي تهاني وعبود
مشاعل: اجل بعدين اتصل
حصه: لا عااااااد ميشوو بلا دلع يعني مستحيه
مشاعل: سراحه ابيك تروحين معي السوق نبي نجهز للترم الثاني
وقولي لتهاني
حصه: والله اليوم فكرت بهالشي
مشاعل: أجل تمشووون ألحين
حصه: طيب
مشاعل: انا امركم
حصه: لالالا حنا نمرك
مشاعل: طيب انطركم ..
:
:
:
:
:
:
طلعو من المركز الطبي وكان مشعل صاامت
وليلى كأن الأمل حيا في قلبها دقايق وماااااات
ليلى: ياليتني ماجيت..
مشعل: ليلى حنا اتفقنا ان مايكون بالموضوع زعل
انا قلت لك نجرب عشانك بس
ليلى: وشو نجرب..عقب الأحراج اللي تعرضنا له
وماينجح الموضوع .. مايصير لازم ينجح
مشعل: وش تخربطين انتي حنا مو اول اثنين خضعنا
لهالموضوع عادي اغلب الناس كذا وهالشي دارج بأمريكا
كثير
ليلى: يعني تبي تقنعني ان كل اللي عملو هالعمليه
نجحت
مشعل: والله ماقولك كلهم بس انا قريت ان عدد كبير
نجحت معهم وربنا ماراح ينسانا
ليلى وبدت تبكي: خلاص يامشعل سكر الموضوع مابي افكر
فيه
مشعل ويحاول يهديها: ليلى ياحياتي اشفيك ..مو انتي اللي
كنتي تشجعيني وتقولين نحاول ومتفائله وش اللي غيرك؟
ليلى وهي تبكي: مدري يامشعل وربي احس خايفه وبديت
افقد الامل وان روحتنا هذي بتروح عالفاضي
مشعل: لاياحياتي وش تقولين انتي..ليلى خلينا نرجع
الفندق ونرتاح شكلك تعباااااااااااانه ...!!!!
>>> طبعا إنتو دختو و ودكم تعرفون وش هالموضوع اللي
عملوه مشعل وليلى..
عملو عملية (ibf) وهي عملية التلقيح خارج الرحم ..
نرجع للقصة ...
:
:
:
:
((روحي بلقااااااك تفز فزززة حماامه وتحووم حوولك
من غلاك وأملها .. يالين منك نظرة غلا وابتسامه
ترد روحي الغالية في محلها .........إلخ ))
سمعت جوالها وجت ركض ترد عليه وهي شايلة
طرحتها...
مشاعل: هلا حصوووص
حصه: هلا ميشو إطلعي حنا عند الباب
مشاعل: طيب ثواني...........
:
:
:
:
بالسيارة .. مشاعل صاااامته ومصدوومه
ومتحلفه بحصة وتهاني لانهم ماقالو لها إن
عبدالله اللي موديهم ... وكانت بالطريق منحرجة
عبدالله : أخبارك مشاعل؟
مشاعل وبصوت مبحووووح : تمام
عبدالله: ها وين تبون أقطكم على العثيم والا الرياض
غالاري؟؟؟؟؟؟؟؟
حصه: الرياض غالاري طبعا ..
عبدالله : طيب طيب
وبالطريق عبدالله حط السي دي
وقال: إسمعو تراها إهداء خاص
تهاني: ههههه طبعا الاهداء لا لي ولا لحصة
عبدالله : أكيد على وشو أهديلكن انتو و وجيهكن
حصه: ليش وشفيها وجيهنا ..؟؟؟
عبدالله : والله مالكم داعي إسمعو الاغنيه بس ...
طبعا مشااعل متفشله وتدري ان عبدالله يقصدها
وجهها صار طمااطه من الاحراج و ودها ترمي
حالها من شباك السيارة >> يا سااااتر .. !!!
الموهم وشغل عبدالله الاغنيه ..لـ محمد الزيلعي
إغنيه المهلي ..
>> (( مرحبا بقدوم خلي يوم جاني في محلي..
ياهلا وألفين سهلا .. والمهلي مايولي..
يالله حيووه وحيو زوله..وحيو في دربن مشى به
عيني وقلبي أوقفو له ينثرو الورد لترابه
مرحبا باللي نصوني..ومن غلاته لي تعنى..
أشهد انه من جاني اسهل للفلب وغنى..إلخ))
مشاعل إنحرجت وكانت كلمات الإغنيه واضحه
إنها لها (أنواااع الإحراج) .. وطول ما كانت الإغنيه
شغاله ..عبدالله كان يسوي لها حركات بعيوونه بالمراية
غمزات وحركات حواجب >> مو صاحي عبوود
:
:
:
:
صحت من نومها بسبب النور اللي تسلل من شباك
الغرفة وخيم على عيونها ...
قامت وغسلت وجهها وصلت ...
وإن بدر نايم للحين ماصحى ...
وشافت ساعتها وإن الساعه 7 ونص صباحا
ولازم يكون بغرفة العمليات الساعه 9 تماما
حسب الموعد......
مريم : بدر ..بدر .. إصحى ترا الساعه 7 ونص
قربت تصير 8..
بدر: طيب انا صاحي اصلا .. بس ساعديني اروح الحمام
اغسل واتوضآ عشن أصلي ..
مريم وتمد يدها له : يالله ..شوووي شووي قوم
:
:
بعد ساعه بدر جأ مشعل ونواف وليلى للمستشفى
وكانو جالسين عنده بالغرفه ..كان جاهز تماما
بس باقي ياخذونه غرفة العمليااات ..
مشعل : بدر شد حيلك وإن شالله تقوم بالسلامه..
بدر: إن شاء الله ...
نواف: ترا توني كلمت امي وابوي يسلمون عليكم
ويقولون طمنوونا ..
مشعل: الله يسلمهم ..إن شاء الله مافي إلا الخير
طلع مشعل يشوف الدكتور وراح معه نواف ..
وطلعت ليلى لأنها حبت تخلي مريم لحالها مع بدر ..
بدر: كلمتي اهلك؟؟
مريم: إيه ..
بدر: وش قالو ..؟
مريم : يسلمون عليك..وقامت تبكي ...
بدر: مريم إشفيك؟؟؟؟؟؟؟؟؟
مريم: مدري بس خايفه عليك
بدر: مريووم حبيبتي ..وين كلامك اللي أمس
مريم: مدري يابدر ماحسبت اني راح اخاف كذا
بدر: مريم تعالي عندي
مريم وتجلس على السرير : بدر أوعدني تكون قوي
بدر ويمسك يدها: مريم ياحياتي لا تخافين انا قوي بفضل الله
مريم: وتمسح دموعها : ونعم بالله ....................
بعد ربع ساعه .. دخلو الممرضات وبعد الـتأكد من
إتمام كل شي أخذوه بدر لغرفة العمليات..
ومريم ودموعها اللي ما اللي ماوقفت ..
:
:
:
بالرياض الساعه 8 مساءا
مشاعل جالسة بغرفتها ترتب أغراضها اللي
شرتهم امس من السوق ...
وتدخل عليها أمها ...
مشاعل: وينك يمه قبل شوي كنت أدورك
ام محمد: كنت اكلم نواف انا وابوك
مشاعل: ايه وش أخبارهم ؟؟
ام محمد : والله ماعليه .. نواف قالي انه عنده
ويبون يدخلونه غرفة العمليات
مشاعل: الله يقومه بالسلامه
ام محمد: ايه والله وليدي والله اني شايلتن همه
مشاعل: لا يمه لا تشيلين هم الله بيكون معه ان
شاء الله
ام محمد : الله يسمع منك..والله لو نهرب من الهموم
والمشاكل نلقاها بطريقنا
مشاعل وبتعجب: ليش يمه فيه شي ؟
ام محمد: إيه والله ..نواف طلع مطلق إمرته قبل لا يمشي
مشاعل: إيـــــــش ؟؟؟؟؟؟؟َ!
ام محمد: اللي سمعتيه
مشاعل: طيب من قالك؟
ام محمد: والله توني مكلمه ام فهد وهي اللي
قالت لي وصوتها بالتلفون زعلان بالحيل
مشاعل: الله العالم وش مسوية مرام
ام محمد: يا بنتي لاتظلمين الحرمه يمكن الغلط مو منها
مشاعل: والله يمه ماني ظالمتها بس انا اعرف نواف زين
اخوي واعرفه مشالله عقله برااسه
ام محمد: ما يندرى والله بكرة اتصل عليه واتطمن على بدر
وأخذ علووومه
مشاعل: على خير ..........
:
:
:
نبراسكا في المستشفى..صباحا..
مريم: لا انا ابي اجلس هنا لين يطلع بدر
مشعل: والله الجلسه ما رح تقدم ولا تأخر
إرجعي للفندق وارتاحي
مريم: طيب كيف اعرف انه طلع
مشعل: نواف راح يجلس هنا
ليلى: مريم يالله خلينا نرجع تراك من امس
مو نايمه عدل وباين على وجهك
مريم: طيب راح ارجع بس بالله طمنووني
مشعل: لا توصين ..
:
:
رجعت مريم الفندق وإرتاحت وقلبها عند
بدر بغرفة العملياااات..
بعد ساعتين بدر طلع من غرفة العمليات
والوضع مستقر والحمدلله بس يبي له وقت
على مايصحى ..................
ومشعل وليلى راحو غرفتهم يرتاحون..
مشعل: قلتي لمريم ان بدر طلع ..
ليلى : ايه قلتها حرام والله شكلها ما نامت إلا لما
قلنا لها ...
مشعل: الله يقومه بالسلامه
ليلى: أمين ...... مشعل
مشعل: هلا
ليلى: متى تطلع النتيجه ؟
مشعل: أي نتيجه؟؟؟!!!!!!!
ليلى: أمداك تنسى ؟؟؟؟
مشعل: إيـــــه صح .. بعد عشر أيام
ليلى: عشررررررر أيااااااااام وهذا حنا بدوله
متطورة
مشعل: لا على ما يمر وقت على عملية التلقيح
وبعدين يشوفون نجح الموضوع وصار حمل ولا لأ ..
ليلى: اها..الله يسمع منك..جد احس اني متوترة
مشعل: لا تهتمين ولا تفكرين بالموضوع كثير
عشاان ماتتوترين وريحي اعصابك زين ياعمري؟؟
ليلى: زين
ϑمشعل: أيوا خليك كذا تعجبيني..
ليلى: مشعل
مشعل: عيوووونه
ليلى : الله لايحرمني منك
مشعل: ولا منك يارووحي..
:
:
:
:
وبعد مرور إسبووع بالتمام والكمال..
جأ موعد نزع الضماد من عيون بدر
اللي صحى بعد العمليه بيومين.....
لحظة منتظرة يمليها الأمل مع الخوف والتوتر
ومشاعر ملخبطه فرحه مع خوف من الانصدام
بواااااقع مرفووووض ومرير ...!!!
مريم موقادره تتمالك أعصابها دموعها ماتوقفت
وأثناء فتح الدكتور للضماد .. مشعل يحاول يهدي الوضع
مشعل: بدر إنت مؤمن بقضاء ربك وكلنا مؤمنين ومهما كانت نتيجة
العمليه لازم نرضى فيها لان هذا المكتوب لنا وياما حالات كثير
حصل لها وضعك والحمدلله ع كل حال
بدر: ........... لحظة صمت ما تكلم ولا كلمه ولا كنه يسمع شــي
كان مظهره متشوق إنه يشوف النور...........
:
:
:
:
بالرياض....
أم محمد: توني كلمت مشعل يقول اليوم يشيل الدكتور الضماد
من عينه
ابو محمد: الله يستر
ام محمد: لا تقول كذا..ان شاء الله خير .. >> أم محمد على أعصابها
ومو قادرة توازن أصابها وتحاول تهدي نفسها بأي كلمه,,وكافي إيمانها بالله..
ودخلت مشاعل ..
مشاعل: هااااه يمة كلمتووهم
ام محمد: ايه خلي جوالك معك يمكن يتصلوون ..
مشاعل: طيب
:
:
:
:
:
:
:
(( من بين الظلام الموحش والسواد الدامس
الذي لا مفر منه والذي يجعل جميع الطرق
المؤدية للنور مستحيله .. تظهر نقطة بيضاء
وسرعان مايتغير لونها إلى الأبيض المبيض
الذي صار يتمدد ويتمدد إلى أن أصبح عالما
آخر يملأؤه النور وتتعدد فيه الأشكال والألوان
بعكس العالم السابق الذي لا شكل فيه ولا لون ..
.. ومن بين هذه المناظر التي تسللت إلي عالمه
المظلم ..أصبحت تتغلغل أصواتا مألوفه
بل أصواتا كانت تعيش في ظلام وهي الآن تتواصل
في دخوله لعالمه الجديد و يكاد أن يرا أصحاب هذة
الأصوات ....
:
:
:
:
نواف: تشووووفني بدر ..بدرررر .. بدررررر
مشعل: بدر إنت شايفنا ولا لأ .. بدر رد علينا
مريم وبدت تبكي : ليه مايدر وشفيييه ..؟؟؟؟؟؟؟؟
وبدت الأبتسامه الصافيه تتسلل ملامحه المليئة بالتعب
وبصوت تتزايد حيويته : أهلي !! أشووفكم والله
إنتو قداااامي مشعل نوااااف ....مممرررييم
مشعل وبدهشه يغمرها فرررح: الحمدللله على
سلاااااامتك
نواف: بدييييييييييير يالدوووب طيحت قلوووبنا
الحمدلله على سلاااااامتك....
بدر ودموع الفرح عاااانقت خده : الحمدلله ياارب ..الحمدلله
هالنعمه ماحسيت فيها إلا يوم فقدتها وحسيت فيها أكثير يوم رجعت لي
الحمدللللللللله يارب ...
مشعل: أبروح اتصل على امي ابشرها ..
نواف : وانا ابروح اناقش الدكتور عشان اجراءات الخروج ..
طلعو كلهم بس مريم ..
بدر: مريم قربي أبي أملي عيوني بشوفتك..
مريم قربت وضمت بدر بأقوى ماعندها: بدر الحمدلله على
سلامتك ياقلبي..أخيرا ردت لك الضحكه ورديت مثل ما كنت ..
بدر: إشتقت لك ..إشتقت اناظر عيونك واناظر ملامحك وااناظرك
كلك وانتي قدامي ..أحبك يامريم أحبك
مريم وهي تبكي: وانا اكثر . الله لا يحرمني منك يا رووحي..
:
:
:
:
لكل دآآآآء دواء .. ولكل مشكله حل ..
وإن كان الحل صعبا فلابد من وجود المعقول
وإذا إنطفأ الأمل .. يشتعل من جديد بشعلة التفاؤل
فهذا هو حال الدنيا ....
مهما كان مر الأحزان لا بد من وجود حبة سكر
ينجلي المر بها ..ويذهب الحزن بعيدآآآ ليدع المجال
لأنتشار الفرح والأمل من جديد ..
:
:
:
:
:
مرت ثلاث شهووور وتبدلت الأحوال..
بدر >> رجع لحياته الطبيعيه وزادت
حيويته أكثر وأكثر بعد مارجع له بصره..وفعلا لا يحس بالنعمه
إلا فاقدها فكيف لو رجعت له ...؟؟ وأيضا رجع لوظيفته ومكان عمله مع
أصدقائه اللي فرحوووه بقدوومه ..وصار ينظر لكل شي بحياته أنه ذو قيمه
حتى لو كان بسيط لأن هذا أول درس تعلمه من تجربته..وأثمن ما بحياته
زوجته وحبيبته مررررريم اللي كل ما غابت عن نظرة دقايق فز قلبه : مررريم
وييينك فقدتك ؟؟! >>> شفتو كيف الأحساس بقيمه النعم
مريم >> زاااد حبها لبدر وخوفها عليه وصارت تتصل عليه باليوم مليووون مرة
لما يطلع ماتنلام والله وحرصت إنها ماتخلي بدر يطلع من البيت او ينام إلا وهو
مرووق عالأخر..لأن الغلطة البسيطة ممكن تؤدي نتائج وخيمه ..مما خلاها تحس
بقيمة الإنسان اللي تموووت فيه ويخليها تدعي باليوم مليووون مرة : الله لايحرمني منك
يابدر .....
طبعا ما ننسى إنها رجعت لجامعتها ودراستها وهي أيضا بإنتظار نونو صغيروون
يملي حياتها فرحة وبهجة ..
مشاعل >> أدركت قول الله-تعالى-" (( وعسى أن تكرهو شيئآ وهو خيرٌ لكم ))
لأن الشي اللي كرهته بدأ يتسلل لقلبها ويسلب تفكيرها اللي هو عبدالله .. وبدت تحبه
بكل إخلاص .. وأدركت إن الله أنعم على عباده بنعمة النسيان اللي ساعدتها انها تطوي
ذكريات حب صادق عاشتها مع فيصل ولكن هذا الحب ما إستمر وإنقطع بدخولها حياة جديدة
مع شخص ماله ذنب ..ولكن سبحان مغير الأحوال..لأن مشاعل من كثر ماصارت تحب عبدالله
صارت تغلط بأسامي الناس وتنادي : عبوووودي !!!!
فيصل >> دوام الحال من المحال .. وحط في باله لا مكان للحب دام الدرس موجود ..
قربت السنه تخلص واختبارات تثويه عامه عالابواب .. عايش حياته وكل مايتذكر مشاعل
يقول : الله يوفقك يامشاعل..
مشعل >> بعد التخرج صار يمسك إدارة شركة أبوه وصار مسؤول عنها..وفعلا لكل داء دواء
..أحواله مستقرررة والحمدلله ..وأدرك إن الإنسان لو يسعى لشي لازم يحاوول مرة ومرتين وثلاااث
والحمدلله الأمر بيد الله ..وبفضل الله راح يصير بعد عدة شهووور : أبو فيصل ...
ليلى >> مابقى شي على تخرجها ..صارت تداري زوجها اللي هو كل شي فيها حياتها حبها الأول والأخير و ......أيضا تداري دراستها ولا ننسى اللي ببطنها وأدركت إن السعادة لا صار الكل راضي عنها وعن وضعها يكون طعمها غير ..لأن أمها وأبوها وقفو من سالفة انهم يضايقونها بموضوع عقم مشعل لان الموضوع انحل بفضل الله ودعوات الاهل وصار العكس كل ما شافها ابوها أو امها قالو : يا هلا بأم فيصل و يا مرحبا بأم فيصل !!!
نواف >> صارت مناقشات كثيرة و واسطات عشان يرجع زوجته اللي قالت عنه : الردي ما يبين بعينه ..
ولكنها للأسف ما كانت تدري إن هالعبارة تنطبق عليهاااااااااااااااا..
إحتفظ بسبب الطلاق لنفسه وكل من سأله عن سبب طلاقه لمرام كان يتنهد يقول : السبب عندها..
مما خلا الكل يحتاااااااااار ...
والجديد بالموضوع إنه خطب حصه بنت عمه .. ويدعي الله يتمم له علي خير ......
ودااااارت الأحوال والأيام وكلن عاااااش حياااته بحب وسعادة وقناعه..
ودواااااااااام الحال من المحال والحمدلله على كل حال ...
كنتم مع روايتي
" إنتي نظر عيني دامك معايا"
لأبطالنا .. بدر ومريم ...
إنتهت القصه .....
ϑوأرجو المعذررره
والسلام عليكم ورحمة الله وبركااااته ..
تجميع : ^_^Remnants of wou^_^
اللهم لك الحمد حتى ترضى وإذا رضيت وبعد الرضى ,,, اضف تعليقك