رواية ذكريات مراهقة -10
البارت (17)
غادة : مهى.....بشاير ترا انا ابي نروح للمحل الي اول رحنا له
مهى : لا ........ ما احبه مو حلو مره
بشاير : خليها يوم ثاني
غادة : لا انا ابي اليوم يعني ابي اليوم
رغد : خلاص انا بروح معك
العنود : وانا بعد
بشاير : بس هو بمول ثاني
انا : عادي يوصلنا بعدين يوصلهم
بشاير : اوكي
وصلونا للمول وكنا ننزل من السيارة و بنفس الوقت كانو الي بالسيارة
......... : اففف الحين مين تتوقع هي نوف ؟
......... : مدري ما انتبهت للبسهم
......... : قهر بس تصدق شكلها الي بالسيارة ........ (كان يقصد العنود يحسبها انا)
......... : ايه صح
......... : شوف انت الحق السيارة
السواق : اي تكرم عينك
عند البنات
انا : تعالو شوفو هذا المحل شكله حلو
الهنوف : انا بروح محل الاكسسوارات مين تجي معي
ريما + لمياء : انا
الهنوف : يلا
مهى : احنى بهذا المحل
الهنوف+ريما+لمياء : اوكي (وراحو)
عند العنود+غادة+رغد
رغد : شرايكم بالفستان ؟
العنود : يجنن بس خذي الزهري احلا
غادة : لا بالعكس خذي الاسود
رغد : بس انا ابي يكون لونه ابيض
العنود : براحتك ....... بس شوفو البلوزة مو حلوة ؟
رغد+غادة : تهبل
العنود : شكلي باخذها
رغد : بنات انا ابي اشتري هدية لنوف و عبير
العنود : ايه صح هم ميلادهم بنفس اليوم
غادة : بنسوي لهم حفله كبيييرة اذا رجعنا
العنود+رغد : طبعا
رغد : بس انا ابي اشتري الهدية من هنا
العنود : ايه عشان تكون مميزة
غادة : اعرف محل حلو
و كان في شخصين يتسمعون عليهم
......... : يعني الحين هذي العنود مو نوف
......... : يتشابهون بس بصراحة نوف احلا
......... : من جد ...... بس لا تنسى اننا لازم ننتقم منها
......... : طبعا ما نسيت
......... : اقول تروك خلينا نشتري لعبير و نوف هدية من الحين
تركي : بس مو قلت انك تبي توريها معنى كلمة ملقوف لين تعتذر ؟
......... : صح ...... بس هذا يوم ميلادهم لازم نشتري لهم هدية
تركي : مشعل خلينا نقول للشباب عشان يساعدونا بأختيار الهدية
مشعل : والله فكره ........ اوكي
تركي : طيب الحين خلينا نطلع
مشعل : يلا
(وراحو)
عند العنود+رغد+غادة
رغد : وشو المحل ؟
غادة : اسمه .......
رغد بدلع : اها ....... طيب بعيد
غادة : لا مو مره
العنود : بس نوف بثرة ....... بتقعد تفتش بالاغراض الي شريتها و اخاف تشوفها
رغد بميوعه : انا بعد عبير بتقعد تشوف وش شريت
غادة : خلاص انا باخذ هداياكم وبخليها عندي
رغد+العنود : اوكي
العنود : شكرا ....... كذا يكون احسن
رغد : ايه والله
غادة : يلا العنود ورغد اشترو الي بيدكم عشان نروح للمحل
رغد+العنود : اوكي
عند البنات باقي البنات
انا : ريما وين رحتو غير محل الاكسسوارات ؟
ريما : رحنا محل ذهب عنده اشياء كيوت مره
انا : اها ....... طيب وش شريتي ؟
ريما بأرتباك : هاه ...... لا بس ما شريت شي هذي كيسة الهنوف
الهنوف وهي تاخذ كيسة ريما : ايه صح
انا بشك : اها
عند فواز و راشد و رائد و وليد و بدر
رائد : اقول هذولي مو كأنهم البنات
وليد : الا والله
راشد : خلنا نروح نستهبل عليهم شوي
الكل : يلا
راشد وقف ورا مهى وحط يده على عينها وصار يسحبها و مهى على طول قامت تصارخ
مهى : بيخطفني ....... بيخطفني ساعدوني بيخطفني
و الشباب منفجرين ضحك
انا : مهى الله يفشلك الناس صارت تناظرنا
مهى : نوف ..... نوف تكفين ساعديني دقي على راشد قوليله ينقذني
هنا راشد فقع من الضحك وفك مهى
مهى وهي تلتفت : يا حقير
راشد وهو يضحك : هههههه ليش حقير شوفيني جيت انقذك ههههههه
هنا الشباب انفجرو ضحك
مهى وهي متفشله : مالت عليكم بس
انا و انا مبتسمه : خلاص عاد ما صارت
بدر وهو يحاول يوقف ضحك : خلاص عشانك بنسكت
انا : ايه خلكم كذا مثل بدر
بدر : ايه خلكم مثلي مؤدبين
راشد : مره واضح الادب
انا : مالت عليكم يلا بنات خلونا نطلع قبل ما يجينا فيروس السخافه من الشباب
رائد بأستهبال : لا بصراحة اول مره اسمع بهالفيروس لا يكون خطير ؟
انا : ايه يسبب جنون البقر بعدين نصير بقر مثلكم
فواز : احنا بعد بنطلع اخاف يجينا فيروس من البنات
رائد : بعدين يقلبنا قرود مثلهم
الشباب : هههههههه
لمياء بدلع : حرااام عليك كل هالجمال وتقول قرود
رائد :"وه بس فديتك" لا بس قصدي مثل بعض الناس الي يبى اسمهم بـ ن و ينتهي بـ وف
انا : لا صراحة ما عرفناه يليت توضح اكثر
راشد : مو كأنكم ناقصين ؟
بشاير : ايه غادة والعنود ورغد راحو لمحل بمول ثاني و عبير تعبانه
وليد : ليش سلامات شفيها ؟
الهنوف بغيرة : مافيها شي بس صداع
وليد ابتسم على غيرة الهنوف الواضحة : اها ما تشوف شر
انا : يلا بنات خلونا نروح
لمياء بهمس للهنوف : خفي شوي على اخوي
الهنوف بهمس : والله مو بيدي بس هذا ......(وتأشر على قلبها)...... يخليني اغار
لمياء ابتسمت : ههههه يحليلكم بس ما اصدق انكم بتصيرون زوجات اخواني
الهنوف بأستغراب : مين احنا ؟ ....... انا ما اعرف ان وحدة من البنات تحب بدر
لمياء بأرتباك : هاه ....... لا انا قصديي ....(تنهدت تنهيدة قوية) انا قصدي الي يحبها بدر
الهنوف بحماس : لمياء بسرعة مين هي ؟
لمياء : بس توعديني ما تقولين لأحد ؟
الهنوف : اوعدك ما اقول لأحد بس مين ؟
لمياء تنهدت تنهيدة اقوى من الي قبلها وقالت بأستسلام : الي يحبها بدر هي.....
الهنوف : هئئئ ....... يعني الي يحبها بدر هي .......
لمياء : ايه
الهنوف : طيب شلون هو شافها بس يوم كنا على البحر
لمياء : هو يحبها من يوم ما كانو صغار ....... اتوقع تتذكرون يوم كنا صغار كنتو تجون لبيتنا عشان ابوي يعطينا حلاو
الهنوف ابتسمت : ايه اتذكر وكان كل يوم يعطينا شي جديد اشتقت لطفولتنا بس الحين .......
لمياء قاطعتها بأبتسامة : بالمستقبل اذا كتب الله لنا عمر بنقول اشتقنا لذكرايات مراهقتنا
الهنوف : صح ........ يلا خلينا نروح للبنات
لمياء : بس خلي الوضع عادي عندها عشان ما تعرف بدر يقول يبي يعترف لها هو بنفسه
الهنوف : اوكي لا تشيلين هم
لمياء : انشالله
وشوي وجت ريما لهم
ريما : بنات شفتو نوف كانت بتكشفني
الهنوف : من جد .......... لمياء شكلنا بنخلي الهدايا عندك عشان ما يشوفونها عبير و نوف
لمياء : اوكي
عند رغد+العنود+غادة
رغد بدلع ك بصراحة ذوق مرره حلو يا غادة المحل خياااال
العنود : ايه بصراحة احترت وش بجيب لهم
غادة : شكرا ...... يلا السواق ينتظرنا
رغد+العنود : يلا
عند البنات الباقين
انا : اففف صراحة البنات لهم فقدة
مهى : من جد
بشاير : حتى دانة خلونا نناديها معها المره الجاية
انا : من جد طول الوقت مع خلود اخوك ما تطفش ؟
ريما : الا نوف دقي على العنود مو كأنها تأخرت
انا : طيب بدق عليها الحين
انا بعد ما دقيت : الو
العنود : هلا نوف
انا : وينكم مو كأنكم تأخرتو ؟
العنود : هاه .... ايه .... لاما تأخرنا بس شفنا المحلات الي جنب المحل الي تبيه غدوش و الحين احنا بالطريق
انا : طيب وحاولو ما تتأخرون عشان الفلم بيبدا
العنود : اي فلم حجزتي لنا فيه ؟
انا بأستهزاء : رومانسي طبعا ...... لميوه اختارته لكم ادري فيكم مقطعتكم الرومانيسه
العنود : اوكي ....... باي
انا : باي
ريما : وينهم ؟
انا : في الطريق ....... بعدين كل هذا مشتاقه للعنود وش ذا الحب الي نزل عليك فجأة ؟
ريما بأرتباك : لالالالالالالالا ولا شي
انا : طيب خلاص اهدي ترا منيب ماكلتك
ريما بثقه : ادري ....... اصلا ما تتجأين
انا : الحمدلله على نعمة العقل بس
بشاير لمهى بهمس : مهى ....... مهى
مهى بصوت عالي : نعم !!
بشاير : اسكتي الله يفضحك فضحتينا
مهى بهمس : شسالفة وش صاير ؟
بشاير : وش نشتري لنوف وعبير تدرين يوم ميلادهم قرب
مهى : انا عن نفسي بشتري لها سوارة او سلسال و بخيلهم يحفرون فيه Friends forever
بشاير : وانا وش اجيب لها ؟
مهى : جيبي لها حلق الماس ناعم او ماركة
بشاير : اوكي ....... شكرا ...... طيب وعبير ؟
مهى : عبير نفس الشي جيبي لها حلق الماس او ماركة
بشاير : انتي وش بتجيبين لها ؟
مهى ابتسمت : دبلة خطوبة
بشاير : نعم ؟ ........ ليش دبلة خطوبة ؟
مهى : انا قصدي اني بخلي رشود يحبها و بتكون الهدية هي دبلة الخطوبة انا الي بقول لها ان راشد بيخطبها
بشاير : بتكون احلا هدية
مهى ابتسمت
انا : وش عندكم
بشاير بأرتباك : كانت توريني هذا الفستان
انا و انا اناظر الفستان : موب شين بس لو لونة ابيض طلع احلا
مهى : ايه عشان كذا منيب ماخذته
انا : بكيفك
الهنوف : ريما
ريما : هلا
ريما : صح ....... بس نوف مالت عليها ملقوفة
الهنوف : حسيت
لمياء بدلع : اففف رجلي تعورني مرره
........ : يا بعد قلبي تبيني اشيلك عشان ترتاحين
لمياء التفتت بسرعة : انتي ؟؟!!
رغد : ايه انا
لمياء : وه بس فديت الي يبون راحتي
رغد : تسلمين
انا : حسيت انكم بنت و ولد
مهى : من جد
رغد بدلع : اوفف ترا مو فاضين للطنازة
انا : ترا فلمكم بيبدا بعد نص ساعة روحو عشان تشترون لكم خرابيط
رغد+لمياء+العنود+غادة : ايه صح
مهى بدهشة : حتى في الكلام نفس بعض
رغد+لمياء+العنود+غادة : ايه
انا+مهى : هههههههه
العنود : يلا بنات خلونا نروح
ريما : العنود لحة
العنود : بغيتي شي ؟
ريما بعد ما شافتني واقفة معهم : لا خلاص
انا : خير عشاني موجودة
ريما : لالالالا بس عشان مهى
مهى : وتقولينها كذا بوجهي ؟
ريما : انا على اختي نوف ما احب اجامل ابدا
انا : ايه ما نحب نجامل ابدددددددددددددددا
مهى : طيب خلاص احسك سويتي اعصار عشان تنظقين حرف الـ د
انا : ههههههههههه بس انا كذا احب امدد الحروف
مهى : بس مو لهالدرجة عاد
انا استعبط : عاد ولا ثمود
مهى : هه هه هه باااايخة
انا : جاملي على الاقل
مهى : انا على بنت عمي نوف ما احب اجامل ابددددددددا
انا+ريما : هههههههههه
العنود بملل : ريما تبين شي ولا اروح عشان الفلم
ريما : لا ...... روحي
العنود : اوكي
............................................نهاية البارت..........................................
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت (18)
خلصنا الافلام ورجعنا للفندق ويدينا كلها اكياس
في السويت حقنا الصالة كانت كلها اكياس
مهى بصوت عالي : وين الفستان الاحمر الي شريته
رغد بدلع وبصوت عالي : في احد شاف بلوزتي الزهرية
انا بصوت عالي و انا موقفة على الكرسي : في احد شاف الكعب الي شريته
ريما بصوت عالي : وين بلوزتي السودا ؟
بشاير: في احد شاف التنورة البيضا الي شريتها ؟
لمياء بفهاوة : في احد شاف سوارتي الي شريتها لنو
ما كملت كلامها لأن ريما جت مدرعمه وتصقع فيها وتطيحها على الارض
انا بعصبية : وجع انشالله ....... ريما شفيك على البنت ؟
ريما : بالغلط على بالي شفت الكعب حقك بالارض
انا بعدم تصديق : ايه ايه واضح لأنك مسالمة
ريما : خلاص عاد ما صارت شوفيها قدامك ما فيها شي
لمياء بألم : احس ان عظامي اختفت
انا بعصبية : شفتي ؟
ريما : خلاص عاد ....... اسفة لمياء
شوي وتطلع عبير من الغرفة
عبير بدهشة : اوف اوف ........ وش ذا كل هذي اغراض ؟
العنود : ايه ليتك معنى كان احسن
عبير بأستهزاء : عشان تضيع اغراصي معكم ؟ ....... لا شكرا
الهنوف الي كانت تدور بالاغراض : لقيتها و اخيرا
عبير : وش لقيتي ؟
الهنوف : هاه ....... لا ولا شي
عبير : الحمدلله بس
غادة : وين الجكيت حقي ؟
انا بأستغراب : جكيت ؟ ....... ترانا في الصيف اذا انتي ناسية
غادة بعناد : عاااادي اعجبني وشريته
انا طنشتها : العنود وريني وش شريتي
العنود : شريت فستان زهري وبلوزة زرقا وبلوزة بيضا وفلات احمر وفلات ملون وفستان ازرق وكعب ابيض و......
انا بدهشة : بس بس ........ كل هذا شريتيه بيوم واحد ؟ ........ وش بقيتي للمحل
العنود بفخر : انا احب تكون غرفة ملابسي زحمة
انا : احمدي ربك على النعمة ........ غيرك يبغون ملابس مستعملة مو غرفة ملابس زحمة والمشكلة نصها ما انلبست
العنود نزلت راسها للأرض : معك حق واحنا نرمي الملابس و احنا ما لبسناها
انا ابتسمت : بنات شرايكم اذا رجعنا ناخذ الملابس الي ما نبيها و ننظفها بعدين نعطيها جمعية خيرية
الكل : اوكي
بشاير : طيب شرايكم بعد نروح لدار الايتام و نجيب معنى هدايا نوزعها عليهم ؟
الكل : اوكي
عبير : و نجمع من عائلتنا الموقرة و صديقاتنا و الجيران و اي احد نعرفه فلوس و نعطيها الفقراء
الكل : اوكي
لمياء : خلاص اذا رجعنا سوينا كل الافكار
الكل : اوكي
انا و انا اناظر لتحت : اوه ...... لقيت كعبي
العنود فجأة صرخت : ننفس كعبي
انا : من جدك انتي ؟
العنود : والله العظيم نفسه ......... اففف يعني بكره بروح ارجع الكعب للمحل
لمياء : ليش ما تتصدقين به ؟
انا : ايه تصدقي به ........ سعره ما راح يأثر علينا
العنود : اوكي
(خلونا نروح عند ناس من زمان ما رحنا لهم)
الأمهات
طبعا الأمهات طالعين مع بعض للروشة
عماني
نفس الشي بالروشة
عند الشباب
ماجد : انت متأكد لأني نسيته
تركي : ايه متأكدين و البنات راحو يشترون الهدايا
بدر : معناته لازم ندور لهم هدايا من الحين
رائد : بس اكيد البنات بيسوون حفله خاصة فيهم عشان يعزمون صديقاتهم
الشباب : صح
فهد : عادي نسوي حفلة خاصة بالعائلة و نعطيهم الهدايا
وليد : معناته لازم ندور من الحين
راشد : خلاص بكره نطلع للمول ونشتري لهم هدايا
الشباب : اوكي
عند البنات
شوي ونسمع صوت طق الباب
انا : رغود انتي اقرب وحدة افتحي الباب
رغد : اوكي ........(فتحت الباب)........ دانة ..... تعالي ادخلي ادخي
دانة : اهلين بنات
الكل : اهلين
الهنوف : وينك من اول ما جينا لبنان و انتي مو معنا
دانة : هههههههه .......... لا بس تعرفون خلودي كل يوم موديني مكان
العنود : خلاص من بكره انتي محجوزة لنا
دانة : اوكي ........ الا شفيكم اصواتكم واصلة للأصنصير
عبير : يعني ما تشوفين حوستهم ؟ ........ ضيعو اغراضهم و ازعجونا
دانة جلست جنب عبير : ليش ؟ .......... انتي ما كانتي معهم ؟
عبير : ايه
دانة بأستغراب : غريبة ..... ليش ؟
عبير نزلت دمعة منها و مسحتها بسرعة و قالت : مالي خلق اطلع و انتي تعرفينهم اذا راحو للمول مافي محل ما يدخلونه
دانة : عبير ..... حبيبتي انا ما تمشي معي هذي الحركات بسرعة وش فيك
عبير قالت لدانة كل شي انها تحب راشد و انه لما قال لهم انه بيخطب انصدمت و انسدت نفسها و ان الامل الوحيد ان البنت ترفض راشد
دانة : خلاص يا عمري لا تخافين سرك ببير ........ هذا غير اني زعلانه عليك
عبير : ليش ؟
دانة : معقولة تخبين علي و انا مثل اختك الكبيرة
عبير ابتسمت وحضنت دانة : احلا اخت كبيرة
مهى : خلاص عاد خلصونا من الفلم الهندي
دانة تستهبل : وانتي وش دخلك بكيفي
بشاير : لقيت الساعة
انا : مبروك ....... واذا لقيتي فستاني قوليلي
بشاير : خليني القى اغارضي الحين
لمياء بدلع : الله هذي البلوزة تجنن ....... حقت مين ؟
انا بفرح : حقتي ....... اخيرا لقيتها
لمياء بدلع : مررره روعه ....... تلبسينها بالهنا
انا : شكرا ........(وخذيت البلوزة منها)
مرت ساعة و احنا جالسين نسولف و بنفس الوقت ندور اغراضنا طبعا اخيرا لقيناها كلها و رتبناها وطلعنا مع دانة نتعشى
دانة : خلونا نروح عندهم بالروشة
انا : والله فكرة ........ شرايكم بنات ؟
البنات : اوكي
(وقلنا للسواق يوصلنا للروشة عند عماني و الامهات)
لمياء : يالله انزولو بنات
البنات : اوكي
دخلنا للمطعم و شفنا اهلي جالسين الأمهات بطاولة و عماني بطاولة
طبعا اول شي رحنا سلمنا على عماني
عمي محمد : هلا وغلا والله بالبنات ......... وينكم فيه لنا يومين ما شفناكم
عمي فيصل : المفروض تقعدون معنى شوي مو من اول ماجينا للبنان تهيتون
انا : نبغى نستانس شوي بعدين توكم شايفينا بالعشا الي عزمنا فيه راشد و بدر توه راجع من السفر وطول الوقت مع الشباب ولا قلتو له شي و الشباب ما قلتو لهم شي و حتى تريك و مشيعيل يعني جت علينا
عمي نايف : اعوذ بالله ...... ما تسكتين طول الوقت تقرقين
انا ابتسمت
ابوي : خلوهم على راحتهم كلها 4 ايام ونرجع
البنات الا دانة : هئئئئئئ
مهى : يعني بعد 4 ايام بنرجع ؟ ........ انا على بالي باقي اسبوعين
العنود : بعدين مارحنا الاماكن الاثرية بلبنان
عمي فيصل : احنا رحنا لها
رغد و الدموع بعينها : بس انتم قلتو بنقعد بلبنان اسبوعين وكم يوم
عمي نايف : ابوي (يعني جدي) يقول تعالو عشان الشركة
بشاير : طيب انتم ارجعو و احنا بنقعد مع الشباب و امهاتنا
عمي فيصل : قلنا لكم لا يعني لا و كلمة الرجاجيل ما تنكسر
عمي محمد : معاكم اربع ايام روحو للي تبونه
انا : قصدكم ثلاث ايام لأن اليوم الاخير بنقعد نتجهز
ابوي : مشو نفسكم بهالثلاث ايام
البنات بأستسلام : يعني مافيه امل ؟
عماني+ابوي : لا
البنات تنهدو وقالو : اوكي
انا : نستأذن بنروح مع امهاتنا
عماني : اذنكم معكم
بعدين رحنا سلمنا على امهاتنا وجلسنا على طاولة بعيدة شوي عنهم لأن مافيه طاولة تكفينا لكنا الا بعيد عنهم
انا وانا اناظر البحر : المنظر حلو ...... ايه صح ...... رغد ليش ما صورتينا يوم جينا لبنان ؟
رغد : مين قال اني ما اصوركم انا كنت اصوركم طول الوقت واذا تبون اصوركم الحين ما عندي مشكله
ريما : ايه رغد صورينا صور عادية بعدين فيديو
رغد : اوكي
العنود : صوريني مع خواتي ......(بعدين قربنا مع بعض وصورتنا رغد)
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك