رواية ذكريات مراهقة -9
ماجد من دون نفس : نوف ...... قولي مين هذولي احسن لك
انا بعصبية شوي : خير انت ترا انا ما اسمحلك تكلمني بهالطريقة
ماجد بعصبية : هذا جزاي اغار على بنات عمي
انا : انت قلتها بنات عمك يعني انت مو ولي امرنا
ماجد بملل : نوف انا اسف ....... بس تكفين مين ذولي
انا : شفت الثنين الي جالسين هناك ؟
ماجد : ايه
انا : هذولا هم
ماجد بسرعه : ولاحقينكم لهنا بعد ولا تكلمتو ؟
انا+مهى بخوف : اا...ايه
ماجد : بعدين اتفاهم معكم .....(وراح)
انا بخوف : مهى تتوقعين وش بيشوي لهم ؟
مهى بخوف : مدري ...... بس امشي نروح الحين يسوي فيهم شي و يروح فيها
انا : يلا
عند ماجد+نواف+احمد
احمد : هلا اخوي بغيت شي ؟
ماجد بهدوء : انت بصفتك مين تتحرش بخواتي >>>>>>يقصدنا
احمد : اي خوات ؟ ...... احنا ما تحرشنا بأحد
ماجد بقلة صبر : اسمع انا ما عندي وقت لأشكالكم بس ترا لو ادري انك مقرب منهم بتشوف شي ما يعجبك
احمد بعصبية : احترم نفسك ...... تجي تهددني و انا ما سويت شي
ماجد بعصبية : ولك عين تقول ما سويت شي بعد
نواف : خلاص يا شباب اهدو......اهدو احنا بمكان عام ما يصير كذا ( بس طبعا محد سمعه وبدا الضرب)
انا و مهى بعد ما شفنا الهواش
انا بخوف وبصوت عالي : بس بس ....... ماجد خلاص لا تتعب نفسك فيه هذي الاشكال ما تستاهل
مهى بترجي : ماجد خلاص وقف ماجد
وشوي جو البنات ورغد قعدت تصيح و لمياء راحت تنادي الشباب
(بعد ما جو الشباب)
رائد و نواف فرقوهم عن بعض
فهد : بس خلاص فضحتونا ..... بعدين شسالفة ليش تهاوشتو
احمد بنفاق : مدري عنه فجأة قام طقني
وليد : ماجد شسالفة ؟
ماجد : ولا شي امشو بس هالأشكال ما تستاهل احد ينزل لمستواها و يكلمها
(بعد ما رحنا كلنا من عندهم)
احمد بقهر : الحقير كيف يتجرأ يظربني
نواف يحاول يهديه : خلاص انسا البنت و انسا الي صار ودورلك على وحدة جديدة
احمد : هذا الي بيصير
عندنا
كانت رغد جالسة يمين ماجد تنظف جرحه و الهنوف جالسه يساره تسأله وش صار وهو ساكت
وليد : ماجد شسالفتك
ماجد : شباب تكفون سكرو على السالفة
الشباب : انشالله
الهنوف بحماس : انا ماراح اسكرها الا لمى اعرف وش سبب الهواش
هنا وليد ابتسم على حركات الهنوف
انا بهمس لمهى : اف ذا الهنوف يعني لازم تفضحنا هي واختها الفضيحة رغد
مهى : خلاص خلي الوضع عادي كأنك ما تدرين وش القصة
انا : اوكي
(رجعنا للفندق و ارتحنا وعلى الساعة 9 الليل الكل كان جاهز لعزيمة راشد)
عند الحريم
ام الهنوف : وش تتوقعون سبب عزيمة راشد على العشا ؟
ام مهى : والله مدري بس هو قال مناسبتين ...... وقال انه بيجيب صديقه معنى
امي : ومنهو صديقه ؟
ام مهى : هذا صديقه فواز الروح بالروح من يوم ما كانو بالأبتدائي و عيالكم يعرفونه
امي : اها
راشد : يلا انا بوصلكم بسيارتي (طبعا لاوم تعرفون ان الشباب مستأجرين سيارات)
ام مهى : يله
(طبعا توزعنا بالسيارات ووصلنا للمطعم وجلسنا بطاولة كانت كبيييييرة)
ابو راشد : وش هالعزيمة يا وليدي ؟
راشد : الحين بتعرفون
(وشوي وجا بدر)
ام لمياء بصدمه : بدر ...... وليدي بدر (وراحت حضنته)
ابو لمياء بعد ما سلم على بدر : بدر ...... وش عرفك اننا بلبنان يا وليدي ؟
بدر : سألت جدي
او لمياء : اها
طبعا الكل سلم على بدر و تحمدو له بالسلامه
راشد : مو هاذي المفاجأة بس
ابو راشد : وشي المفاجأة الثانية ؟
راشد : انا قررت قرار وابيك تسمعونه كلكم
الكل : وشو القرار
راشد : انا قررت اخطب
هنا عبير تجمدت مكانها
ام راشد بفرح وهي تناظر عبير : هذي الساعة المباركة يا وليدي و انا الي بخطبلك
راشد : لا يمه انا اعرف مين باخذ
هنا عبير دوروها ذابت من الخجل
ام راشد ابتسمت وقعدت تناظر عبير : مين ؟
راشد : بنت جيرانا القديمين قبل ما نسافر بأسبوع زرتهم وشفتها بالغلط و اعجبتني
ام راشد بصدمة : مين قلت ؟
راشد : بنت جيرانا القديمين
ام راشد بحزن وهي تناظر عبير : والله ما اعرف وش اقولك يا وليدي بس مو هذي الي ببالي
راشد : يمه تكفين ...... والله خاطري فيها اقولك شفتها بالغلط بدون مكياج وبدون شي وتهبل
ابو راشد : يلا عاد يا ام راشد ........ خليه ياخذ الي يبيها
ام راشد بأستسلام : انشالله ولو ان مو هذي الي ابيها
راشد راح وحب راس امه : شكرا يا احلا ام
عبير : استأذن بروح للحمام ......(وراحت بسرعه بدون ما تسمع رد احد)
لمياء+رغد : بنروح معها ......(ولحقوها)
انا كبيت علي شوي مويه على بالي بالغلط
بالحمام
عبير قاعدة تبكي و رغد تبكي معها
لمياء ودموعها بدت تنزل على شكل عبير : خلاص عبورة انتي تستاهلين احسن منه
عبير وهي تبكي : بس انا احبه تعرفين شلون يعني احبه
انا بعد ما دخلت عليهم : خلاص بيرو الف من يتمناك
عبير وزاد بكاها : انا ما ابي الالف انا ابيه هو
انا هنا خنقتني العبره وما عرفت وش اقول
رغد وهي تبكي : عبور ترا ما اقدر اشوفك كذا امسحي دموعك يلا عاد
عبير بنفس الحالة : ما اقدر والله ما اقدر
انا : اف صراحة ذا الراشد يعني هذا وقته
لمياء : عبير يمكن البنت ما توافق على راشد لا تخافي
عبير : واذا وافقت ؟
انا : اذا وافقت ابكي بس الحين لا
عبير وهي تمسح دموعها : بس هو حبها
انا : تحبها المصايب انشالله قومي بس مسحي دموعك الحين يشكون فينا
عبير: اوكي انتم روحو انا بلحقكم
انا+لمياء+رغد : اوكي .......(ورحنا)
(خلصنا العشا ورجعنا للفندق وكل واحد راح على سويته)
انا وانا ارمي نفسي على الكنب : ااااااه بس وش ذا التعب
ريما وهي ترمي نفسها علي : من جد
بشاير : يلا قومو غيرو ملابسكم ونامو عشان بكره نقوم بدري ونفطر برا
الهنوف بأستهزاء : ايه والي يسمعك يقول بتقومين بدري
بشاير : انتي شب ولا كلمه
الهنوف : افف ...... الواحد ما يمزح معكم
بعدين غيرنا ملابسنا ورحنا كلنا ننام
............................................نهاية البارت..........................................
انتظر ردودكم على احر من الجمر
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت (16)
في اليوم الثاني الساعة 8 الصباح كلنا قمنا من النوم
بشاير وكوب القهوة بيدها : وين تبونا نفطر ؟
انا : مدري بس غريبة
بشاير : ايش ؟
انا : قمتي بدري زي الناس و العالم
بشاير من دون نفس : ها...ها...ها تراك سخيفة على فكرة
انا طنشتها : الا بنات شرايكم اليوم نغير و نروح لوحدة من المولات ؟
الكل : اوكي
عبير : انا تعابنة شوي ما راح اروح معكم ...... وبروح انوم الحين لأني ما نمت زين (وراحت)
غادة بعد ما دخلت عبير للغرفة : حسبي الله عليك يا راشد من جد انك انسان حقير
لمياء : قصري صوتك لا تسمعك
الهنوف : الا صدق وش بنسوي اذا وافقت ؟ ......... عبير اختي و اعرفها بتنهار اذا وافقت
العنود : لا تخافون الحب دايم ينتصر في الاخير
مهى : العنود اكرمينا بسكوتك لو سمحتي
ريما : بس لازم نلقى حل قبل ما نرجع للرياض.........هذا غير انه حرام بتروح الاجازة على عبير على الفاضي
رغد : صح.......لازم نلقى الحل قبل ما نرجع للرياض و بنحاول نخلي عبور تنسى السالفة
الكل : اوكي
انا بتردد : هو فيه حل واحد نضمن ان راشد ما راح يتزوج البنت
الكل : ايش ؟
انا : نقول لها لا توافق عليه لأن في بنت تحبه بس طبعا بدون ما تعرف مين البنت ومين احنا
بشاير : والله فكره
لمياء : بس احسها صعبة شوي
العنود : بس هذا الحل الوحيد الي بنتأكد ان البنت بترفضه
الهنوف : طيب افرضو ان البنت طلعت نذلة وقالت انا بوافق عليه تدرون بعد راشد ما يتفوت
مهى : نسبة نجاح الخطة 85% ولازم نحاول عشان بالمستقبل ما نقول اننا ما حاولنا
بشاير : خلاص انا بحاول اطلع الرقم من امي ......... بعدين نكلمها
الكل : اوكي
عند الشباب
مشعل وتركي و بدر و راشد و فهد جالسين يلعبون بالبلاستيشن (طبعا اخونا العزيز تركي ماخذ البلاستيشن معاه)
رائد : الا رشود متى طقت براسك وقلت انك بتتزوج ؟
راشد : يوم شفتها ........ ياخي يا عليها جمال يذببببح
وليد : والله انك خبل ......... في واحد يوصف زوجته قدام اصدقائة
راشد : ايه صح ......... بعدين انتم مو اصدقائي انتم عيال عماني
وليد بأستخفاف : فرقت يعني ؟
راشد : ايه
ماجد : اقول شباب شرايكم نعزم معانا فواز ........ والله ارتحت له حسيته رجال و اخلاق وعقل ودين مشالله عليه
راشد بأستهبال : طبيعي يطلع كذا لأنه مثلي وخذا مني بعض الصفات الزينة ........ و تحسبوني اصادق اي واحد مثلك
وليد : ايه والله ارتحت له بصراحة
فهد : راشد قله يجي معنى
راشد : حسيت اني مثل الاطرش في الزفة ........ الواحد يستهبل ولا تعطونه وجه
بدر : لأننا لو عطيناك وجه بنهزئك وانت عاد اختار الي يعجبك نسكت او نهزئك
راشد يسوي نفسه بزر : لا خلاص والله اسف والله اسف
الكل : هههههههه
بدر : انا بنزل اتمشى شوي في احد بيجي معي ؟
ماجد : انا بجي معك
بدر : اوكي خلنا نبدل الحين
ماجد : اوكي ..... يلا
عند البنات
انا تنهدت تنهيدة قوية وقلت بملل : افففففف
مهى : شفيك ؟
انا : مدري بس فيني شي جواي يصرخ ويقول مين الي يحبها بدر
مهى : ههههههه ......... يعني لقافه
انا : افضل تسمينه حب استطلاع
لمياء : اقول خلو اخوي بحاله ........(بعدين سكتت وقالت بدلع)......... بس بصراحة ابي اعرف مين
الكل : هههههههه
العنود : لموي
لمياء : هلا
العنود : قولي لبدر ان العنود مستعدة تساعده بكل الطرق عشان يوصل للي يحبها
لمياء بدلع : اوكي
مهى : من جدهم ذولي
انا : خليهم ياخذون جوهم ....... اجل بتساعده العنود عشان يوصل لحبيبته الحمدلله والشكر بس
ريما+مهى+بشاير+الهنوف : من جد
الهنوف : طيب تتوقعون يحب من جوا العائلة او من برا ؟
بشاير : انا اتوقع من برا العائلة ........ لأنه كان مسافر ........ يعني بيحب وحدة مننا من اول نظرة مثلا ؟
انا : تتوقعون يحب وحدة اجنبية ؟
لمياء : انشالله لا ...... لأن امي مستحيل توافق
غادة : طيب شلون بيحب وحدة سعودية وهو كان برا ؟
انا : يمكن كانت مبتعثه
العنود : اااااه بس ودي اعرف
رغد بدلع : احسها بتكون كيوت ورومانسية مررررره
مهى تقلدها : مررررره
الكل : ههههههههههه
العنود : انا بطلع اتمشى مين تجي معي ؟
انا بأستغراب : الحين ؟
العنود : ايه
انا : خليها بالليل احسن
العنود : اوكي
رغد : افففف راسي مصدع مين عندها بندول
طبعا محد رد
رغد بدلع : يعني الحين بضطر اروح اجيب من مامي
ريما : جيبيلي معك امس قعدت اتشقلب على السرير وطحت
رغد : اوكي ....... بس بجد مالي خلق ابدل ملابسي و اطلع
انا : روحي كذا .......... بس حطي الحجاب على راسك
رغد : لا مستحيل اروح بهذا (كانت تأشر على لبسها الي عبارة عن بنطلون طويل اسود وبدي اسود مكتوب عليه بالانقلش كلام وجكيت اسود السحاب حقه ذهبي وفيه على جنب كلام انقلش بالذهبي يعني بالعربي كانت لابسه "ترينق"
مهى : عادي محد شايفك روحي بس
رغد تنهدت : اوكي
انا : يلا وقولي لخالتي (الي هي ام رغد) تقول لأمي تحول لي فلوس لأننا بنطلع اليوم للمول
رغد بدلع : اوكي ........ بس تكفين نوف تعالي معي تكفين
انا : اوكي جيبي حجابي من الغرفه
مهى : من جدك بتروحين كذا ؟ ....... على الاقل رغد الترينق حقها ساتر بس انتي لا
(كنت لابسة بجامة عادية برمودة و البلوزة حقتها نص كم و كان لونها زهري فاتح و محددة بالأسود و مرسوم على البنطلون قلوب مكسورة بالاسود)
انا : قلت لك محد شايفني بروح بسرعة واجي
ريما : طيب لو شافك واحد من الشباب ؟
انا و انا اتذكر : ايه صح ....... رغد ليش ما نشوف الشباب اذا عندهم بندول
رغد : اوكي ....... احسن حتى
انا : يلا امشي نروح لهم
رغد : اذا تبين رحت لهم لحالي
انا : لا عادي ...... انا بعد بكلم فهد
رغد : اوكي
و لفينا الحجاب علينا و طلعنا لسويت الشباب الي كانت بنفس الممر و كنا في الطريق لها و شوي و يطلع واحد من وحدة من الغرف
رغد بخوف و بهمس : طلع واحد الحين شنسوي ؟
انا : خلي الوضع عادي
رغد : بس لبسك
انا قاطعتها : عادي مو احنا نلبس كذا اذا سافرنا مدن اجنبية ومو عربية
رغد : بس حتى ولو
انا : عموما خلي الوضع عادي
رغد : بس فشيلة ...... شكله سعودي
انا : رغد ممكن تسكتين
رغد : اوكي
الرجال : اختي
انا التفت عليه : خير اخوي بغيت شي ؟
الرجال : لا ....... بس اختي بصراحة عليك عيون تذوب الواحد
انا عطيته نظرة ومشيت
الرجال : يا حلوة عطينا وجه شوي ترا والله بتذبحني هالعيون
انا بهمس لرغد : ترا اذا ما سكت بيتصفق
رغد :خلاص خلينا نروح بدون مشاكل
الرجال : يا حلووووة شفيك سافهتني عطينا وجه
انا التفت عليه : تبغاني اعطي وجه لأشكالك ....... تحلم حبيبي انا ما اعطي وجه اي احد
الرجال : خلاص اعتبريني مو اي احد
انا : ايه هين
الرجال : اوووووه وبعدين معاك ...... ما تطفشين انتي ؟
انا ببرود : لا ........ يلا رورو امشي نروح
(وطبعا ال جال جا لجهتنا ومسك يدي بقوة ولفني عليه)
انا : خير شتبي ؟ .......... ترا انا للحين محترمة معاك
(وطبعا بهالحظة طلعو بدر و ماجد)
بدر بحدة : خير شصاير ؟
رغد بخوف وراحت ورا ماجد : ماجد شوف هذا له ساعة يتحرش بنوف
ماجد هنا اعصابه تلفت وراح على طول يضربة بس رغد مسكت رجوله بقوة وما قدر يتحرك
اما بدر فراح و فك يدي منه وعطاه كف
انا و رغد شهقنا شهقة قويية
بدر : عشان تعرف تقرب من خواتي مره ثانية
الرجال : انت تظربني يا واطي
بدر قاطعه : مو اوطى منك يلا اذلف عن وجهي اذلف
(طبعا الرجال دخل لغرفته)
بدر التفت علي : بعدين ليش طالعين كذا ؟ ........ على الاقل رغد متسترة مو مثلك
انا : بدر لا تتدخل فيني لو سمحت
ماجد : لا ........ بدر يقول الصراحة انتي لبسك كذا غلط
انا : اووووه انتم نسيتو اني اذا سافرنا دولة اجنبية البس زي كذا ؟
ماجد : لا بس حتى ولو انتي بنت عمي وما ارضاها عليك
انا : بنت عمك يعني مالك دخل فيني
ماجد بأنفعال : بس قريب بكون ....(سكت)
انا : قريب بتكون ايش ؟
ماجد : لا ولا شي سلامتك
بدر هنا عطى ماجد نظرها ما قدرنا نفسرها
بعدين طلبنا منهم بندول وطلع عندهم وعطونا
عند البنات بعد ما رجعنا
انا طلعت لي بندول
رغد : عطيني بندول
ريما : و انا بعد
انا وانا اعطي رغد العلبة : افف صراحة ودي اصفقهم هم الثلاثة
مهى : مين ؟
انا : الرجال و ماجد و بدر
الهنوف : ليش ؟
انا قلت لهم القصة
بشاير : تستاهلين مين قالك اطلعي كذا
انا : تراني مو فاضية لك الحين افتكيت منهم تجين تزودين علي
باشير : طيب خلاص اعصابك
لمياء كانت فاهية وما كانت معنى
ريما : لموي عندك مسكرة ؟ ........ المسكرة حقتي ضاعت......لمياء......لمياء......لــــمــيــاء
لمياء بعصبية : نعم !! ....... تراك ازعجتيني لمياء لمياء لمياء وش تبين ؟
ريما : كنت اسأل اذا عندك مسكرة لان مسكرتي ضاعت
لمياء : تلقينها على الطاولة الي بالغرفة
ريما بأستعباط : اي غرفة من الغرف ؟
لمياء من دون نفس : الي انام فيها
ريما : اوكي
الهنوف : شفيك لموي شكلك متضايقة
لمياء تصرف : هاه ....... لا بس كنت افكر يعني تعرفين لازم اخذ وقت مع نفسي و انتم مشالله حشرتوني معكم
مهى وهي تشرب العصير : والله محد قالك تعالي معنى تبين تروحين سويت اهلك ....... الباب يوسع جمل
لمياء قامت وراحت جنب مهى و قالت بدلع : مهووووي انا ما كان قصدي كذا يعني استهبل بس
مهى : طيب خلاص بس بعدي عني عشان العصير ما ينكب علي
لمياء على بالها ان مهى ما رضت وقامت تهزها : مهوي مهوي مهوي يلا عاد سامحيني ما يكفي اعتذرت لك
(طبعا من هز لمياء العصير انكب على مهى)
مهى : هئئئئ......شفتي شسويتي يالخبلة اقولك بعدي عشان ما ينكب و تهزيني
لمياء : على بالي تصرفيني وانتي ما سامحتيني
مهى : لأنك فاهية بسرعة جيبي لي بجامة من الغرفة
لمياء : اوكي
انا بسرعة : لا لاتجيبين لها بجامة ......... بنطلع الحين البسي اي لبس
مهى : اوكي .......... خلاص لمياء اجلسي
لمياء : لا انا بروح اغير
مهى : اها
بعد نص ساعة الكل صار جاهز و نزلنا كلنا تحت الا عبير لأنها تعبانة على قولتها و لمياء الي تقول بكلم بدر شوي و اجيكم و احنا كنا ننتظر تحت عشان تجينا وكلها نص ساعة وجتنا
لمياء بدلع : معليش اخرتكم يلا نروح
الكل : يلا
وطلعنا وعند الباب شفنا تركي و مشعل
مهى : وين بتروحون ؟
تركي : بنتمشى شوي
مشعل : نوف لا تنسين الوعد الي بالسوبر ماركت
انا بأستغراب : اي وعد ؟
مشعل : اني بوريك اللقافة الصدق ترا ما نسيته بخليك تتعذبين لين تعتذرين قدام العائلة كلها بعد
انا بأسلوب مستفز : فــي احــلامــك
شوي ويجي فواز
فواز : انتم خوات الشباب صح ؟
بشاير : ايه
فواز : اها ...... كيفكم ؟
الكل الا مهى : بخير الحمدلله
مهى : شتبي ؟
فواز بأستهبال : ابيك
مهى : نعم ؟
فواز : لا سلامتك بس كنت ابي الشباب ......... الا بأي دور هم ؟
انا : الرابع
فواز : اها ......... شكرا تعبتكم معي
انا : لا عادي
بعدين دخل فواز للفندق و جا السواق و ركبنا السيارة بس الي ما كنا نعرفه ان فيه احد كان يلحقنا بسيارة ثانية
............................................نهاية البارت..........................................
لا تحرموني من ردودكم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت (17)
غادة : مهى.....بشاير ترا انا ابي نروح للمحل الي اول رحنا له
مهى : لا ........ ما احبه مو حلو مره
بشاير : خليها يوم ثاني
غادة : لا انا ابي اليوم يعني ابي اليوم
رغد : خلاص انا بروح معك
العنود : وانا بعد
بشاير : بس هو بمول ثاني
انا : عادي يوصلنا بعدين يوصلهم
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك