رواية كويتيات كشفوا الخفايا -11
ام محمد: تعالى حبيبتى تعالى بقولج مالج شغل فيهم تعالى
وقفت اسيل عند باب الصاله : مابى خليهم ثنتينهم يقولون لى آسفين
سديم: انسسسسسسسسسسسسسسسسسى
لميس: تعالى حبيبتى انا آسفه بقولج يلا تعالى
ام محمد: يلا يالميس قولى لخواتج وفرحيهم
لميس : ان شاءلله
قعدت اسيل وسديم جنب بعض وناطرين الكلام الى بتقوله لهم لميس
لميس: انا آسفه انى بقولكم هالخبر بس انتى لازم تفهمونى وتعرفون انه هالشى مو بأدينى وهذا قضاء وقدر من لله
سديم واسيل يطالعون بعض ويطالعون امهم الى كانت مبتسبه وساكته
لميس: انا ماودى انى اكبركم بس انتو كبروتوا لانه هذا شى طبيعى
انا ماودى تزعلون منى وتفهمون موقفى
اسيل وسديم ملامح الخوف طلعت على وجهم وكانو حاسين انه فى مصيبه بتقولها لهم لميس الحين
لميس لما شافت خواتها انهم بموتون من الخوف قررت انها تقول لهم الخبر
لميس مسكت ايدينها على بطنها وطالعت خواتها وابتسمت: بتصورون خالات
وقفت سديم: يعنى حامل؟؟؟؟؟
لميس: ايييييييييييييييييه
نطت سديم واسيل ولموا بعض وقعدوا جنب لميس وقامو يبوسونها
اسيل: مبروووووووك مبروووووووووووووك
سديم: مبروووووووك يااحلى مااما بدنيا
لميس:هههههه لله يبارك فيكم
اسيل: شوفى من الحين اذا صبى تسمينه نواف
لميس: اشمعنا يعنى نواف
اسيل استوعبت الى قالته وعلى طول رقعت الموضوع: حلو اسم نواف وماحد عندنا بعايلتنا اسمه نواف
سديم كانت عارفه بعلاقه اسيل ونواف وكانت تبى توهق اسيل وتحرجها: بس فيه كذا اسم موموجودين بعايلتنا غير نواف اشمعنا هاللأسم يعنى
اسيل قامت تخز سديم: نواف فهد اسم فنى وحلو ولايق على بعض
لميس: ايه صح كلامج
انتى يمه شنو ودج تسمينه لو ولد
ام محمد: ياحبيبتى تو الناس على هلأشياء
سمعى يمه دقى على اخوج وقولى له
لميس: انتى تدرين فيه يمه مايحب يعرف عنا شى وعايش مع زوجته وعياله وناسينا
ام محمد: ياحبيبتى بظل اخوج ومالكم غيره
سديم: وليش اهو صار له غيرنا ونسانا
ام محمد: بس بلأول ولاخير اخوكم
لميس: خلاص يمه بليل بكلمه
رن موبايل اسيل
(((اختلفنا مين يحب الثانى اكثر واتفقنا انك اكثر وانا اكثر.....)))
اسيل: هاذى ريم عن اذنكم بشوف شنو عندها
وطلعت من الصاله
وراحت لصاله الثانيه
اسيل: هلا ريم
ريم: اسيييل لحقينى
اسيل: شفيييييج ليش تبجين
ريم: خالد اتصل ويهدد
اسيل: وشنو اليديد اهو ماعنده الا هالأسلوب
ريم: يقولى ماراح افضحج بس ابى اكسرج وادعمج
اسيل: ياحليله الدنيا سايبه صح وين قاعدين احنا
حبيبتى سمعينى لاتخافين منه يخسى يسوي شى اهو بس يتكلم لانه مايقدر يسوي شى غير التهديد
ريم:قعد يحلف ويقول اطلع موريال لو ماخليتج تندمين
اسيل: قلتى لبدر
ريم: ايه قلت له وقالى خليج برا الموضوع وانا بتصرف
اسيل: خلاص ريوم لاتخافين صديقنى هالنوعيه تهدد من غير ماتسوي شى
ريم:اوكيك خلاص
اسيل: شوفى أي شى يصير قوللى وديرى بالج اوكيك
ريم: ان شاءلله
ردت اسيل حق خواتها امها الى كانو فرحانين بالخبر الفرش
ام محمد: ها شفيها ريم
اسيل: مافيها شى داقه تسولف
يمه انا بروح انام لاحد يقعدنى
ام محمد: والغدا
اسيل: تونى ترقيت انا وريم على ساعه 11 موجوعانه
ام محمد :على راحتج
صعدت اسيل غرفتها وكانت متضايقه من الى يصير مع رفيجتها
(((اسيل))) ريم الى وصلت لنفسها لهالشى اهى الى عطته مجال بالبدايه وكسرت كل الحدود الى بينهم
واهى الى حبته من غير ماتفكر
معقوله كل الحب الى كان يبينه لها بدقيقه يطلع كلام
لحد الحين ماشفت وحده اتوج حبها بالزواج وبعدين الكل يقول انه الواحد يحب عشان يتسلى والعكس
ياترا نواف مثلهم
يارب مابى اندم على انى فتحت قلبى لنواف مع انه بحياتى مافتحته حق احد
يارب لاتخلينى اندم لانى فتحت قلبى لواحد مع انه كنت مقتنعه انه مافى حب هالايام
الا واحد بأميه
ياريت يكون نواف اهو الواحد بأميه
ماكان فيها نوم بس اهى قالت جذى لانها كانت حابه تقعد بروحها شوي
بالوقت الى كانت تفكر هل بيجى اليوم الى يقولها نواف بيباي انتى مجرد حب وانتهى
او بيجى اليوم الى يقولها نواف انا احبج بس مااقدر اتزوجج
رن موبايلها
اسيل : الوو
نواف: هلا حبيبتى شلونج
اسيل: تمام شخبارك
نواف: تمام .. دنيتى شفيه صوتج
اسيل تاخذ نفس: لامافينى شى بس قاعده
نواف: لاامبلا صوتج فيه شى تعبانه انتى
اسيل: لا
نواف: قولى ولله
اسيل: ولله ....نواف انت تحبنى من قلبك
نواف:مو بس من قلبى ومن روحى ومن عقلى وتفكيري ومن كلامى احبج
اسيل: اكيييد؟
نواف: انا ماراح اقولج احبج واموت فيج واحلف ومادري شنو انا بخلى لأيام تثبت لج انى حبيتج حب ماحبيته حق أي احد بدنيا كلها ولأيام بتثبت لج انه حبى لج غيري مليون درجه للاحسن وبديتج على وايد ناس
اسيل: احبك لاتخلينى اندم انى حبيتك ووثقت فيك
نواف: اموت ولا اخليج تندمين
تطمنى اسيل انتى لى وانا قدرج المحتوم وماراح ياخذج غيري انتى لى وانا لج وبتشوفين
ومهما صار ومهما قالوا ماحدياخذج منى
اسيل: لله لايحرمنى منك
نواف: بعد دنيتى كلها انتى.... المهم سمعينى انا بقولج شغله بس لاتزعلين انا بعد شهر بسافر برا عشان انا سجلت بدوره برا الكويت عشان انتى تدرين انا موعاجبتنى الكليه الى انا فيها مالها مستقبل حيل حلو ودوره هاذى 6 اشهر فا انتى شرايج
اسيل:.........
نواف:دنيتى شفيج ساكته
اسيل: مافينى شى بس نواف 6 اشهر وايد
يعنى هالدوره بس هالسنه
نواف: امبلا فيه السنه اليايه بس بتكون سنتين
اسيل:لالالالالالالالالالالالالالالا 6 اشهر اهون بتحمل دام هذا بمصلحتك ومستقبلك عادى اتحمل بس بشرط
نواف: شنو الشرط
اسيل: ماتنسانى
نواف: انا انساج الله مايرضى انساج انسى روحى ولاانساج
اسيل: الحمدلله
مر هالأسبوع بسرعه وصار يوم الخميس الى اهو موعد عرس هيا ويوسف
كان العرس اكثر المشاعر الى غالبه عليه اهو الزعل لانه ريم كانت زعلانه حيل انه اختها الكبيره الى كانت حيل معاها صح انه اختها هيا كانت تحب تتحكم بريم لكن ماكانت تتحكم فيها من غير سبب بالعكس كانت تتحكم فيها عشان خايفه على اختها من وقتنا هذا كانت ماتبى اختها تغلط او تمشى بطريق الغلط
يوسف 28 سنه كان اكبر من هيا بسنه ويشتغل بالبترول انسان طيب وحلو مؤدب
لما دشت هيا صاله العرس كان شكلها حلو كانت عروس وايد كيوت ماكانت مسويه وايد شغلات بنفسها
لكن الوضع كان عادى بالنسبه للبعض يعنى عروس عاديه مثل الباقى
وحتى لما دش يوسف كان الوضع بعد عادى ومشهد متعودين عليه
لكن متى كان الوضع مو عادى بالنسبه لكل شخص عرف بقصه يوسف وهيا
لما مسكوا ايدين بعض واستعدوا لزفه واستعدوا انهم يروح لبيت الزوجيه
كانت كل بنت عارفه بقصه الحب الى جمعت هيا ويوسف
تتمنى انها تكون بمكان هيا وتتمنى انها تكون عروس حلوه واموره وتكون عروس بالليله عرسها قاعده عند لانسان الى حبته واختارته من بين كل الناس عشان تعطيه قلبها
موعند انسان ماعرفته ولاشافته الا بليله العرس مو عارفه اهو شنو شنو تفكيره شنو اخلاقه شنو يحب وشنو مايحب
شخص ماتعودت عليه ابدا
اسيل: يااااارب عقبالنا
ريم: انا غسلت ايدينى منهم
اسيل:ههههههههههههههههه لله كريم واحنا نستاهل
ريم: ان شاءلله
ريم كانت اطالع اختها وناسيه كل شى حواليها كانت اطالع اختها كأنها ماراح تشوفها مره ثانيه
اسيل: لاتبجين علينا ويخترب الميك آب ترا مورايحه المريخ بتشوفينها
ريم:هههههههههههههههههههه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بعد ماعرف بدر بسالفه خالد والمكالمات والمسجات الى كان
دايما خالد يهدد ريم فيها قرر انه يوقفه عند حده
بدر: انزين انت تقول انك تعرف واحد يعرف خالد وحيل وياه بس مااتوقع انه بخون برفيجه وبساعدنا عليه
فواز: مواحنا ماراح نروح له اشكره ونقول له السالفه كلها
بدر: شوف اول شى نبى نشوف لو صج مصورها فيديو او لا ونبى نعرف لو اهى الى بفيديو او لا
فواز: خلاص شوف انا ادق الحين على ناصر الى اهو رفيج خالد واقوله انى ابى اشوفه اليوم على اساس انى مشتاقله ومن زمان ماشفته ونتواعد انا وياه بالكافيه الى يقعد فيه خالد وناصر اوكي
بدر: اوكى خلاص
فواز : بس شوف من الحين اقولك حد معاك بسياره أي شى ممكن ادافع فيه عن نفسك ترا موهنين هذيل وماتدرى يمكن يصير شى
اتفق فواز وناصر على انهم بشوفون بعض اليوم وبنفس الكافيه الى قال عنه فواز
بدر:ريم لاتخافين ماراح نسوي شى وانتى برا السالفه بس انا بشوف الفيديو الى قالج عنه بس وبخليه يوخر عنج
ريم:بدر ترا لو وصل أي خبر حق اخوي ولله بيذبحنى ولله وبعدين ترا خالد يدل بيتنا ويعرف اسم اخوي بليز انا مالى شغل
بدر: صدقينى لو صار شى اسمج ماراح يطلع ولاراح اجيب طاريج بشى
ريم: اوكيك
بالكافيه
كان خالد قاعد على الطاوله ووصل له ناصر وفواز وبدر
ناصر: سلام عليكم
خالد وقف : وعليكم السلام
وسلم على ناصر
ناصر: هذيل ربعى فواز وبدر الى قلت لك عنهم
بدر قرب من خالد وسلم عليه:شخبارك
خالد: هلا تمام الحمدلله
فواز سلم على خالد وقعدوا كلهم
ناصر: ها شلون الشغل معاك
خالد: ولله تدرى انا ماعندى شغله محدده ساعات يكون فيه شغل وساعات لا
بدر: ليش ماتقدم على ديوان الخدمه
خالد : ولله ماقدر اقدم عليه
فواز: ليش
خالد: انا موكويتى انا بدون(بدون =غير محددى الجنسيه)
بدر انصدم من المعلومه الجديده هاذى الى اكيد ريم ماكان تدرى فيها
فواز: انزين روح قطاع خاص
خالد: انا ماكملت رابعه ثانويه
ناصر كان عارف بموضوع الى سواها خالد لريم وكان حاب يساعد فواز وبدر ويساعد بعد ريم
ناصر: خالد عطنى مفتاح سيارتك ناسى اغراضى عندك امس بسياره
خالد على طول عطاه المفتاح من غير مايفكر لانه دايما متعود انه يعطى سيارته لربعه واصدقاءه وكل ربعه كانو مثل الطريقه يعطون خالد سياراتهم من غير أي تفكير او أي مقابل
راح ناصر لسياره
بدر: انا بروح الحمام
بدر سوا نفسه رايح جهه الحمام لكن طلع من الباب الثانى وراح عند ناصر
بدر:ها ناصر لقيت شى
ناصر: روووح رووح لايجى ويشوفنا ويعرف كل شى
بدر مارد على كلامه وفتح باب السياره الثانيه وقعد يدور
اما ناصر وقف وراه يحاول يطلعه
ناصر: بدر تكفا روح وانا بدور بكل مكان بسياره
بدر: خلصنى بسرعه دور من الصوب الثانى
ناصر :اوووووف امرى لله
بدر: لحظه لحظه فيه شى اهنى تحت الكشن
ولما مد ايدينه لقا تلفون
ناصر: ها لقيت شى
بدر: ايه تلفون ..شوفلى لو فيه ميمورى كارت
ناصر: اوكى
وبعد مادورا بكل مكان بسياره وبكل جزء لقوا تلفون وميمورى كارت
بدر: شوف انت الحين روح له وقوله انك مالقيت اغراضك اوكيك
وانا بروح الحمام
ناصر: ماشى
راح ناصر حق فواز الى كان قاعد على اعصابه ولخالد الى ماكان بحاس شى
اما بدر فتح الموبايل ولقا كل صور ريم فيه وحط الميمورى كارت بموبايله وقعد يدور على الفيديو
وبعد دقايق لقا فيديو ولما فتحه شاف وحده وكان مبين انه هالبنت شابكه على النت فاتحه الكام حق احد
ومصورينها ومصورين الكلام الى بالمسنجر
وبعد مادقق بصوره عدل طلعت ريم لكن ماكان متأكد
وعلى طول راح لهم
بدر: هاااي
خالد: اووولله كل هذا حمام
بدر: لالقيت واحد اعرفه وقعد معاه شوي وجيت
غمز بدر لفواز وفهم فواز انه لقا الى يبيه
وكانو متفقين فواز وبدر انهم اذا لقوا الى يبونه بعزم فواز خالد على أي مكان عشان كانو يبون ياخذونه بروحه بمكان بعيد عن الناس
فواز: خالد عندك شى الحين
خالد:لاولله قاعد
فواز: شرايك تروح معاى الشاليه مالنا مسوين حفله على كيف كيفك
خالد: فيها بنات
فواز لف على بدر: ايه فيها كل شى تبيه
وعشان ماا يشك خالد بشى قال بدر لناصر
بدر: ناصر تروح معاانا
وكان بقلبه يدعى انه يقول لا
ناصر: ولله ودى بس ماقدر
فواز:خلاص ان شاءلله مره ثانيه تروح معانا احنا كل خميس نسوي حفلات
فواز:ها شقلت خالد
خالد وقف : اوكي موافق بس بروح الحمام وارجع ثوانى
وبعد ماراح عنهم خالد
ناصر: ها لقيت الى تبيه بدر
بدر: لامالقيت شى الظاهر مواهو الى كنا نبيه وبعدين انا من اول ماشفته حسيت انه مواهو الى احنا ندوره
هاك التلفون وميمورى داخله ردهم له
بدر كان مبدل الميمورى الى لقاها بميمورى ثانيه والميمورى الى كانت بتلفون وفيها صور ريم خذها معاه
ناصر على طول خذا الموبايل من غير مايتأكد من شى
خالد: يلا انا جاهز بتروحون معاى بسياره
بدر:لاانا سيارتى معاى امش معانا
خالد: وسيارتى
ناصر: انا اردها بيتكم
خالد: اوكي يلا مشينا
بمكان ثانى من نفس اليوم
كان احمد قاعد مع ربعه ويفكر فى البنت الى غيرت احمد فجأه والى خلته من واحد يعلب الى واحد تعلق من اول مره
عبد الرحمن: هااا احمدوو شفيك اليوم اول مره موماسك التلفون وتتكلم
احمد: ولله مليت من التلفون ومن البنات الى اكلمهم بتلفون وكل شى
عبدالرحمن:ههههههههه سبحان الى غير الأحوال
رن موبايل احمد
(تغيب وتتغلا يعنى دلع ولا بقلبى تتسلى)))
احمد: ها لو طالب مليون احسن لك كاهى وحده منهم تتصل
عبدالرحمن: ماتبى ترد عليها
احمد: لاخلها تولى
عبداالرحمن: احمد بينى وبينك جم بنت لحد الحين تكلم
احمد:مريم وعايشه شوق شروق فاطمه ياربى ومنو بعد مادرى بس هذيل الى ذاكرهم
عبدالرحمن:ماتضيع بينهم
احمد: لا مرقمهم
عبدالرحمن:هههههههههه شلون
احمد: يعنى مثلا مثلا فاطمه الى ادق الحين حاط اسمها واطيه رقم 1
عبدالرحمن:هههههههههههههههه حلوه حلوه الحركه
احمد: بس شفت وحده بتخلينى امسح ارقام كل هالبنات
عبد الرحمن عدل قعدته:اووووه اووووه منو هاذى
احمد: بنت جيرانا اسيل من زمان اسمع فيها من امى انها خوش بنت ومؤدبه ومحترمه وكنت دايما اشوفها واهى داشه وطالعه بصدفه بس كله من بعيد وقبل كم يوم شفتها ووجهى بوجها
عبدالرحمن: بنت جيرانكم يعنى المسافه قصيره بينكم وتقدر ترقمها
احمد: لالالا مااتوقع هالبنت من البنات الى يلعبون
عبدالرحمن: وشنو تتوقعها من أي نوع ياخبير البنات\
ورن موبايله مره ثانيه
((تغيب وتتغلا يعنى دلع ولا بقلبى تتسلا )))
احمد: هاذى عايشه هاذى بنت فصله بكلمها عشان اضحك
يلا بروح على الطاوله الثانيه
عبدالرحمن:هههههههههههه وين الى مليت منهم قبل شوي
احمد يأشر لعبدالرحمن بأدينه ويسويله باي
بشاليهات وداخل شاليه اهل فواز
خالد: وين الحفله ووين البنات
بدر طالعه بنظرات تحقير: تبى بنات ها
وعطاه كف
خالد قرب يبى يطق بدر: لحظه لحظه مصدق نفسك انت
وقف فواز بالنص بينهم: بتفاهم كل شى يمشى
بدر: شوف انا موجايبك اهنى عشان اهينك وامصخرك مع انه هذا الى تستاهله
انا جايبك عشان اطلب من طلب صغيييييير
خالد مسك بدر من رقبته: شوف مانى خايف منك ولاخدام بيت ابوك عشان تطلب وانا انفذ
فواز مسك من ظهره ودزه على لارض
بدر: شوف انت شكلك تحب تنطق صح او لا
وبعد طق وعواش واهانه وتحقير وصل بدر حق الى يبيه وعلم خالد شلون يتهجم على بنت ويهددها
وبعد ماانتهى هاليوم
اتصل بدر على ريم بيوم الثانى وقالها كل شى صاار
وطلب منها يشوفها عشان يعطيها الفيديو وتشوف لو اهى الى بالفيديو او لا
وفعلا شافت بدر وشافت الفيديو وطلعت اهى البنت الى بالفيديو
اتصلت ريم على اسيل وقالت لها كل الى صار
ريم: ولله مااتوقعت انه خالد واطى لهالدرجه يعنى موحرام يلعب بأعراض الناس انا الى كنت احبه من كل قلبى ويشهد لله على كلامى يسوي فينى هالحركه
اسيل: خلاص ريم حبيبتى لاتبجين انتى من البدايه لازم تعرفين هالشغله وتعرفين انه هالحركات اهى حركات خالد وانه انسان عمره ماراح يحب وانسان ماخذ الحب عشان لاشياء الوصخه الى انتى وانا عارفينها
ريم: انا غبيه انا الى كنت مخليه الحياه ورديه وانه الناس كلهم طيبين وانه الحب ماحد يقدر يلعب فيه
انا تافه تافه تافه
اسيل: لاتقولين جذى انتى كنت بتجربه وغلطتى فيها عشان تتعلمين واحنا نغلط عشان نتعلم
ريم:....... وكانت بس تبجى
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اسيل: شوفى ريم حبيبتى انتى طلعتى من التجربه فاشله والحمدلله انج طلعتى مبجر منها وماكملتيها لنهايه
والحين اعتبريها ماضى وقطيها ورا ظهرج وعيشى لايام الجايه صح وان غلطتى عادى دوسى على الغلط وتعلمى منه عشان ماتغلطين مره ثانيه
كلنا نغلط بس الشاطر اهو الى يتعلم
ريم بصوت مبحوح: اوكيك صح كلامج
اسيل: ريم بقولج شى بس مادرى ليش اخطرت على بالى هالسالفه وادرى مووقته بس لازم تصارحينى وتقولين الصج انا رفيجتج واختج ولاتخافين من شى
ريم: قولى وبقولج الصج
اسيل: تتذكرين لما كنت عندج وكان خالد بيجى بيتكم ورحتى له تحت وبعدين لما رديتى بلوزتج كانت مقلوبه
ريم: ايه اذكر وعارفه شنو بتقولين ايه صار شى بس لاتخافين مو مثل الى بالج اشياء بسيطه
اسيل: ماراح اتهاوش معاج عليهم لانه راحت وانتهت بس انا كنت خايفه انه يكون صار شى قوي بس ماصار شى
ريم: اسيل انا امى تنادينى بروح اشوف شنو تبى
اسيل: لاتنتبه عليج انج تبجين
ريم:اوكيك بيباي
تعلمت ريم من هالغلطه او التجربه الفاشله الى مرت بحياتها ومن بعدها وخرت ريم عن أي علاقه مع واحد
لكن بدر كان يحبها وكان يكلمها بين فتره وفتره لكن اهى ماكانت معطيته أي وجه
باليوم الثانى قعدت اسيل من النوم مبجر وانزلت تحت وكالعاده كانت امها قاعده ومجهزه الفطور
اسيل: صباح الخير يمه
ام محمد: صباح النور ياهلا حبيبتى تعالى الريوق
اسيل: لا يمه مومشتهيه يمه وين سديم
ام محمد: سديم قعدت قبل شوي وشربت ماي وصعدت دارها شكلها تعبانه يمه روحى شوفى شفيها
اسيل: ان شاءلله الحين اروح اشوفها بس يمه انا بعد شوي ودى اروح الشوق بشترى لى اغراض
ام محمد: انا ابى السايق بعد شوي يودينى عند وحده بزورها بالمستشفى
اسيل: خلاص اكلم سديم نروح انا واهى
ام محمد: خلاص على راحتكم
اسيل: عن اذنج يمه بروح اشوف سديم
كانت سديم بدارها كانت قاعده بالبلكون وسرحانه
طقت اسيل الباب وماحست سديم بصوته فا قررت اسيل انها ادش الدار
لما دشت مشت شوي شوي شوي
اسيل بصوت عالى: بشنوووووووووووووووو سرحانه
سديم نطت من الكرسى وطقت اسيل من ظهرها: ويعه ويعه خرعتينى
اسيل: بشنو سرحانه
سديم: اسيل مالى خلق تكفين الى فينى كافى
اسيل سحبت الكرسى الثانى وحطته قدام كرسى سديم وقعدت: لالالالالالالالا شنو الى فيج ومكفيج
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك