رواية كويتيات كشفوا الخفايا -10
لما يكون حب شريف ما فيه نوايا خبيثه ومافيه ناس تستغله عشان تشبع غريزتها
ريم: قولى لى شسوي تكفييييين ااسيل انا مابى مشاكل ولله مابى مشاكل
اسيل: انتى قولى لى كل شى صار بالضبط
قالت ريم حق اسيل كل شى صار بالضبط وكل شى قالته حق خالد وكل شى قاله خالد لها
اسيل: زين انج سويتى نفسج موخايفه ولاتخافين ياريم صدقينى ماراح يقدر يسوي شى ولايلمس شعره منج لانه يدرى من ورا هالموضوع كله ماحد بروح فيها غيره طنشى بالموضوع ولاتردين على اتصلاته وولاشى
ريم: مامدانى اتهنى بتلفونى لما ردته لى امى خرب على هالواطى
اسيل:حبيبتى طنششششششششششششششى الى يهدد مايسوي شى وايدينه قصيره ماتوصل لشى
انتى روحى غسلى وبدلى لانه بعد نص ساعه بمر عليج نروح الخياط
ريم تمسح دموعها: وافق نواف
اسيل: ايه بعد عناء طويل ويقول بيلحقنا بعد بسيارته
ريم:هههههه ولله ضحكتينى وانا حدى متضايقه ولله يااسيل من كل قلبى اتمنى انه لله يوفقج معاه مشاءلله عليه رجال قول وفعل ويحبج من قلبه ديري بالج عليه
اسيل: ان شاءلله يلا روحى بدلى
طرشت اسيل مسج لنواف وقالت له متى بتطلع
بعد مابطلت وخلصت انزلت تحت عند امها
كانت امها بصاله ومعاها سديم
امها كانت تكلم لميس بتلفون
اسيل: هاي
سديم:هايات
اسيل لفت صوب امها بعدين طالعت سديم: منو تكلم امى
سديم: تكلم لميس
اسيل راحت صوب امها: يمه ترا بروح
امها اشرت لها بأدينها وقالت لها روحى
اسيل: والفلوس
ام محمد: لحظه لحظه لميس يمه
ام محمد: روحى جنطتى على الطاوله اخذى الفلوس تلاقينها داخل
اسيل: اوكيك ان شاءلله سلمى على لميس
خذت اسيل الفلوس وطلعت وقفت عند بابهم وقامت اطالع الشارع لو سياره نواف موجوده مالقتها
بعدين نادت السايق وركبت السياره وراحت بيت ريم عشان تاخذها معاها
ام محمد: وبعد شنوتحسين فيه
لميس: يمه ولله ادوخ وايد وكله لايعه جبدى
ام محمد: ههههههههههههههه
لميس:ليش تضحكين يمه
ام محمد: اسمعينى قولى حق فهد يجيبج باجر عندى عشان اوديج الطبيب يفحص عليج
لميس:ليش يمه
ام محمد: انتى تعالى لى وانا افهمج كل شى
لميس: ان شاءلله
ام محمد : لاتنسين عرس احمد ولد خالتج ام احمد يوم الخميس
لميس: لايمه ماراح انسى
ام محمد: خلاص يابنيتى اخليج الحين تبين شى
لميس: سلامتج سلمى على البنات
ام محمد ان شاءلله يلا مع سلامه
سديم: يمه اشفيها لميس ليش بتودينها الطبيب
ام محمد شربت من الجاي الى قدامها : تعبانه شوي وببين كل شى
سديم: مسكينه اختى ماتشوف شر
ام محمد تبتسم : مافيه الا الخير ان شاءلله
وصلت اسيل بيت ريم
اسيل: راجو سوى هرن
طااااااط طااااااااااط
اسيل: اووووووه هاذى جيرانهم كلهم بيطلعون واهى ماتطلعت
ادق عليها احسن
اول مامسكت موبايلها تبى تتصل الا تطلع لها
ريم: هايييييييو
اسيل: تو الناس
ركبت ريم السياره وسكرت الباب وراها
ريم: بوسه بوسه
سلموا على بعض
ريم لفت ورا تبى تشوف لو نواف موجود او لا
ريم: رميو ورا
اسيل: ايه لوسمحتى هذا مو رميو هذا بدى قاردى الشخصى
اسيل: يلا راجو حرك
حرك السايق السياره ووصلوا صوب المكان الى كان واقف نواف بسيارته فيه وصار وجه بوجه اسيل وشافها وابتسمت له وسوت له بيباي
شوي الا يرن موبايلها
اسيل:هههههههههههههه نواف
اسيل: توك شفتنى بهالسرعه اشتقت لى
نواف: انتى قلتى رايحه خياط على مااعتقد مو عرس
اسيل: ايه
نواف: الحمره الى على شفايفج ليش لازم تحطين حمره حمرا حيل
اسيل اطلع منظره من جنطتها واطالع حمرتها: نواف ولله خفيفه
نواف: امسحيها الحين الحين الحين
اسيل: نواف تبينى اروح الخياط وشكلى يلوع الجبد
نواف: رايحه تنخطبين انتى من هناك بطلعين ملابسج وبتردين بس
اسيل: اووووووف مابى مابى مابى
نواف: امسحيها لاادعم سيارتكم الحين
اسيل: لالالالالا خلاص الحين امسحها
نواف: اوكيك يلا بيباي
ريم:هههههههههههههههههههههه ياحرام ياحرام واخيرا حبت اسيل وصار فيه احد تسمع كلامه
اسيل حذفت علبه الكلينس على ريم: جب جب مو شغلج
ريم: على اساس ماخاف من احد
اسيل: قال بيدعم السياره لو مامسحتها ولله يسوها
وانا مالى خلق
قرب نواف جنبهم بسياره وصارت سيارته جنب دريشه اسيل
اسيل كانت تدرى انه جنبهم بس مالفت عليه وسوت نفسها معصبه وطالعت قدام
عند الاشارع فتح نواف دريشته: احبها يااااانااااااس فديت الى تسمع الكلام
طالعت اسيل بطرف عينها واتبسمت له ابتسامه من غير نفس
ودقت عليه
نواف: حيااااتى هلا هلا اثر فيج كلامى وخلاج تشتاقين لى
اسيل: طبعا لا بس لو سمحت لاتسوي لنا شبه بشارع
نواف: من عيون عيون عيونى
اسيل: اعوذ بالله جم عين صاروا
نواف: عشانج يصيرون الف
اسيل: يلا كانا وصلنا يلا سكر
نواف: يلا انا بنطركم لاتتأخرون
اسيل: دش معانا اخاف فيه شباب داخل يغازلونا
نواف: ودى
نواف: هههههههههههههه بيباي
وقف السايق عند الخياط ونواف كان واقف شوي بعيد عنهم بس كانو واضحين بالنسبه له ويقدر يطالعم
لفت اسيل عليه وجتها فكره حلوه عشان تقهره
واهى واقفه عند سيارتهم طلعت من جنطتها منظره وقامت تعدل شكلها وتترتب
نواف شافها: هههههههههههههههههههههههههه فديتهااااا تبى تقهرنى
بس ماشى
بعد ربع ساعه طلعوا من الخياط
اول ماطلعت اسيل وقفت تشوف وين نواف ومالقته
اسيل: اخاف زعل من الحركه الى سويتها
ريم: لالا مااتوقع تلاقينه منى ولامناك
اسيل: يلا كاهو السايق
لما ركبوا السياره عطاهم السايق كيس
اسيل: شنو هذا
راجوا: هذا اخو مال ماما ريم يقول حق انا عطى هذا كيس حق ريم
ريم : اخوى احمد؟؟؟؟؟
اسيل: وجبات من ماكدونلز بالكيس
وشوي ولايوصل مسج حق اسيل من نواف
حبيبتى بالعافيه عليج انتى وريم انا ادرى بتقولين لى بروح ماكدونلز مشتهيه وجبه من عندهم فأانا جبت لج
وسورى انى مانطرتج لانه عندى شغله ضروريه
اسيل ورت المسج حق ريم
ريم:هههههههههههههههههه
اسيل: كان ودى بماكدونلز
وصلت اسيل ريم لبيتهم ورجعت على طول حق بيتهم
فى اليوم الثانى ساعه 9 الصبح طق باب بيت اسيل
فتحت الخدامه الباب
الخدامه: هلا مدام لميس
لميس: وين ماما
الخدامه: روحى ماما داخل صاله
اول مادشت لميس الصاله شافتها امها
ام محمد : هلا هلا هلا ببنيتى تو مانور البيت
لميس سلمت على امها وباستها: على فيج يمه
ام محمد: شلونج يابنيتى شخبارج
لميس: ولله الحمدلله
ام محمد: شلون فهد معاج
لميس:آآآآه يمه شقول شخلى فديته يمه مريحنى ومريحته والحمدلله كل شى اوكى بينا
ام محمد: الحمدلله لله يوفقكم
لميس: يمه وين البنات
ام محمد : نايمين
بروح اهجم عليهم
دشت على طول غرفه سديم
لميس: ياربى شنو اسوي شنو اسوي عشان اخرعها
ايه عرفت
راحت شغلت رنه فى موبايلها تخرع صوت صراخ وصوتها حيل حيل حيل مزعج
قربت تلفونها على اذن سديم وشغلتها
اول ماطلع الصوت
سديم نطت من النوم وقعدت تصارخ
لميس اخترعت وامسكت سديم:ياخبله انا انا اختج
سديم قرصت لميس: يعنى لوانا ميته تسوي عليج يعنى
لميس: هههههههههههههههههههه مالت بدال ماتقومين تبوسينى وتقولين مشتاقتلج تقولين عنى خبله شكرا شكرا
سديم: نطرينى اغسل لحظه
لميس: ياسلام
راحت سديم غسلت وطلعت من الحمام
وركضت ونطت على لميس الى كانت قاعده على السرير وطاحت فوقها
لميس: قووووووووووووووووووووووووومى ذبحتينى ذبحتينى
سديم: هههههههههههه وحده بوحده
لميس: آي آي كسرتى ظهرى
سديم: احسن
لميس قامت: قومى قومى هجوم على اسيل
سديم: يلا ههههههههه
دشوا غرفه اسيل
الى كانت متغطيه من فوق لتحت بفراشها ومومبين منها ولاشى
سديم: هاذى شلون تتنفس
لميس: مادرى الظاهر مومثلنا
سديم: ههههههه يمكن
لميس: شنو نسوي لها
سديم قعدت تفكر واطالع بالغرفه شى ممكن يخرع اسيل: لقييييييييييتها شوفى انتى حطى النغمه الى حطيتها لى وانا بكت على راسها الماي يعنى مع الصوت انا اسوي مؤثرات
لميس:حلوه حلوه ههههههههههههههههههههه
جابت سديم الماي وجهزت لميس النغمه
لميس تأشر بأدينها حق سديم وتقول واحد اثنين ثلاث
شغلت لميس النغمه وكتت سديم الماي على اسيل
وكانو ناطرين أي حركه او تعبير من اسيل لكن العكس اهو الى صار ماتحركت وولاشى
سديم: اشفيها ماحست
لميس: امبيه لايكون ميته
سديم : ودج
شوي الاي يسمعون صوت الحمام تبطل
لميس: يمه فيه اشباح بغرفتها
سديم: امشى ننحاش
وقامو يركضون يبون يطلعون من الغرفه
لكن الى وقفهم صوت ضحكه
لما لفوا وارهم لقوا اسيل طالعه من الحمام وتضحك
اسيل: يعنى تبون تخرعون
يااذكياء ثانى مره وانتوا تسولفون بخططكم التافه قصروا صوتكم عشان مااسمع
لميس: يعنى بدال مانسويها فيج صارت فينا
سديم: مالت عليكم انتو الثنتين انزل عند امى احسن
راحت سديم عند امها تحت
اسيل: شفيج واقفه بعيد للحين خايفه تعالى بسلم عليج
قربت لميس منها وباسو بعض
اسيل: مشتاقتلج وايد
لميس: وانا بعد
امشى ننزل تحت عند امى
واهما نازلين من الدرج
سمعوا سديم تنادى
سديم: لمييييييييييييس يلا امى جاهزه عشان توديج الطبيب
لميس: كانى نازله
اسيل: شفيج
لميس: مافينى شى بس دوخه وامى خايفه الا تودينى الطبيب
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
راحت ام محمد وبنتها لميس للمستشفى
لميس: يمه مو لازم نروح طبيب خاص احنا بس بنسوي فحص يعنى خلينا نروح طبيب عادى
ام محمد: لاياحبيبتى خلينا نروح طبيب خاص عشان بالمره افتح لج ملف هناك عشان تراجعين على طول بالمستشفى الخاص
لميس: يمه ليش اقولج فحص عادى
ام محمد طنشت بكلامها: راجو روح مستشفى ((....))
راجو: اوكي ماما
لميس: يووووه يمه تحبين تكلفين على نفسج
اسيل: ياااريم شفيج ماكو فشله تعالى عندى وشنو يعنى لو كان الصبح
ريم: لالافشله الحين الساعه 10 الصبح فشله اجى
اسيل: ولله ماكو احد بس انا امى واختى لميس رايحين الطبيب وبيطولون وسديم رايحه عندها دوام اليوم
ريم: دوام شنو؟
اسيل: قاعده تتدرب بمستشفى عشان تشتغل
ريم: خلاص انا اكلم امى واجى بس اذا وافقت
اسيل : اوكيك ناطرتج
وبعد نص ساعه كانت ريم عند اسيل بيت ريم ماكان بعيد وايد عن بيت اسيل كان قريب منهم
اسيل: هلا هلا هلا تو مانور بيتنا
ريم:هلا فيج... ويه الحين اكتشفت ليش رفيجتى مقعده نفسيه طلع من القعده بروحج
طقتها اسيل على ظهرها: خلصينى دشى داخل بلا كلام زايد
ريم: على فكره انا يوعانه
اسيل: ولله ماحد قالج ماتاكلين فى بيتكم
كانت اسيل مجهزه الريوق وحاطته بالحديقه
اسيل: امشى نروح الحديقه
ريم: حر موت برا
اسيل: كيفج ماتبين تاكلين يعنى
وبعدين جذابه وين حر الجو حيل حلو اليوم وبراد
ريم: مابى آكل بره استحى
اسيل: تكفيييييين منو بشوفج انا قلت لج بالحديقه مو بشارع العام
طلعوا بالحديقه وكانت حديقه بيت اسيل وايد حلوه وكان الجو احلى واحلى كانو قاعدين عند النافوره الى كان يطلع منها ماى بارد ويبرد الجو شوي
وبالوقت الى اهما مندمجين فيه بالسوالف وكان ضحكهم واصل لى آخر الشارع سمعوا صوت خلاهم يسكتون فجأه
ريم بصوت واطى: منو هذا
اسيل: يمكن ولد جيرانا احمد
قومى قومى نشوفه يهبببببببببببببل عليه جمال مو طبيعى ودمه خفيف
ريم: ياسلام وانتى شدراج انه دمه خفيف
اسيل: ساعات لما اقعد بالحديقه اسمعه يتكلم مع ربعه بتلفون ويطنز عليهم
يلااااااا قومى قبل مايروح
قامو ثنتينهم وراحو صوب سور الحديقه الى يطل على جيرانهم ولكن وقفوا ورا الشجر عشان ماينتبه عليهم
احمد 22 سنه شاب حييييييييل حلو وجسمه حلو كان رياضى من الدرجه لاولى ودمه حده خفيف
ريم: وااااااااااااي هذا ولد جيرانكم وانا ماادري
اسيل: شفتى شلون شحلاته ياحظ زوجته او حبيبته
ريم: أي ولله يا حظها اسيل بعد اذنج ممكن تستقبلينى اعيش عندكم
اسيل: لاولله موناقصين مصرف زياده
ريم دزت اسيل: مالت عليج
اسيل طاحت على لارض احمد على طول لف على مصدر الصوت وماكان مبين انه فيه احد ورا الشجر
مشى بسرعه وقرب من صوب السور ولما قام يركز على الشخص الى طاح عرف انها بنت
ريم: انا آسفه اسول ومدت ايدينها تبى تساعد رفيجتها عشان تقوم
قامت اسيل بحركه نذاله سحبت ايدين ريم وطاحت اهى بعد على لأرض وقعدوا يضحكون على اشكالهم
وماانتبهوا انه احمد يطالعهم
احمد: تبون مساعده
سكتوا ثنتينهم فجأه وقامو يطالعون بعض بعدين لفوا على مصدر الصوت
احمد:ههههههههه شنو تسوون اهنى
بسرعه قامت اسيل وريم ووقفوا وقامو يطالعونه وللحين مو مستوعبين انه الى قدامهم احمد الى كانو يطالعونه
احمد: شنو عايشين دور قطاوه قاعدين اهنى
اسيل: لا وانت الصاج ارانب
احمد:هههههههههههههههه انتى اكيد اسيل
اسيل: ليش انت تعرفنى
احمد: موبنت جيرانا
اكيد لازم اعرفج
اسيل: ايه صح يمكن
ريم شهقت شهقه موطبيعيه: ههىىىىىىىىىىىىىىىىىئ
اسيل: شفييييييييج
احمد: بسم لله شفيج
ريم : اسييييييييل شعرنا طالع
اسيل: ويييييييييييييييه
وركضوا ثنتينهم ودشوا داخل
ولما دشوا داخل
ريم : كله منج انتى السبب
اسيل: انا شكو
ريم: انتى الى قلتى امشى نطالعه حلو يهبل
اسيل: لاولله ومنو الى خلاه يشوفنا موانتى طيحتينى
ريم: انتى قمتى تسولفين معاه
اسيل ترفع راسها وايدينها: يارب سامحنى يارب كله من ريم
ريم: يارب لاتسمع كلامها اهى السبب يارب وانت شفت الى صار
وبعد هالموقف المحرج صعدوا غرفه اسيل
كانت اسيل نايمه على السرير وتكلم نواف
وريم كانت تفتش بلأغراض اسيل
ريم: اسيييييييييييل مليييييييييت
اسيل: هههههههههههه ايه نواف وبعدين شنو صار
وتأشر لريم بأدينها وتقول لها لحظه
ريم: يااااااربى خلصينى
اسيل: اوكي حياتى انا اخليك الحين حرام مخليه ريم بروحها
نواف: سلمى عليها
اسيل: يوصل يلا بيباي
نواف: ديرى بالج على نفسج باي
وسكرت التلفون
اسيل: ها سكرته شتبين
ريم قعدت جنب اسيل: اسيل انا خايفه لايسوي خالد شى
اسيل: انتى لاتبينين انج خايفه عشان مايستغلج او يستفزج
ريم: انا بقول لبدر يساعدنى
اسيل: وبدر شعرفه بخالد
ريم: مره اتصل على وقالى ديرى بالج منه
اسيل: ليش موانتى قلتى انج ماتبينه
ريم:ادرى بس اهو طرش لى مسجات وايد وقالى ابيج ضرورى ومادرى شنو
اسيل: من وين خذا رقمج
ريم:من روان بنت خاله مواهى رفيجتى وتمشى معاى
اسيل: انزين خالد لحد الحين ماسوا شى عشان يساعدج بدر
ريم:ابيه يوقف عند حده قبل مايسوي
اسيل: خلاص انتى كلميه واذا ماقدر يتصرف معاه انا عندى حل
ريم: اوكيك
بعدها راحت ريم لبيتهم ووصل ام محمد ولميس للبيت
لميس قعدت على الكنبات: اوووووف يمه تعبت
ام محمد: هههههههههههه ياحبيبتى التعب توه
اسيل كانت تركض على الدرج تبى تشوف شنو فيها لميس
اسيل: هااااااااااااااااااااااااااي
ام محمد: شوي شوي لاطحين
اسيل: ها شنو فيها لميس
لميس: يمه لاتقولين لها خليها تولى
اسيل تحط ايدينها على خصرها: لااااااااولالله
لميس: شتبين شى مايخصج
اسيل: صج ولله يلا يلا برا بيتنا روحى بيت زوجج شتبين قاعده عندنا
ام محمد: ولله انا قاعده فى بيت امى
انفتح باب الصاله ودشت دسيم
دسيم: سلام عليكم
اسيل: وصلت الدكتوره
دسيم: جب جب موشغلج
ام محمد: شلونج يمه
سديم: زينه ها شنو طلع فيج لميس
لميس: بقولج بس خلى هاذى تروح مانبى تسمع سوالفنا
اسيل سوت نفسها زعلانه: اوكيك انا ادرى انى مو اختكم انا ادرى انكم لقيتونى مقطوطه عند المسجد شكرا شكرا
وطلعت من الصاله
لميس وسديم:ههههههههههههههههههههههههههههههه
ام محمد: تعالى حبيبتى تعالى بقولج مالج شغل فيهم تعالى
وقفت اسيل عند باب الصاله : مابى خليهم ثنتينهم يقولون لى آسفين
سديم: انسسسسسسسسسسسسسسسسسى
لميس: تعالى حبيبتى انا آسفه بقولج يلا تعالى
ام محمد: يلا يالميس قولى لخواتج وفرحيهم
لميس : ان شاءلله
قعدت اسيل وسديم جنب بعض وناطرين الكلام الى بتقوله لهم لميس
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك