رواية اول انسان احبه -11
عبد الرحمن: كده ياسليم دي الامانة يعني
رقية: هما معملوش حاجه غلط دي مراته بردو
عبد الرحمن: مقلتش حاجة بس عالاقل كان يعملها فرح ويعرفنا انهم اتجوزوا بجد مش اعرف من مراته التانيه
رقية: بنت اخوك بتكدب يا عبد الرحمن ولا انت يعني مش عارفها هوه سليم راح باريس امته عشان يتجوز دانة اصلا وابنك وانت عارفه لو هيفكر يتجوزها بجد هيعملها فرح ويشهد الدنيا عليهم لانه بيحبها وانا وانت عارفين
عبد الرحمن: وداليا بتقول كده ليه
رقية: مش عارف يعني تلاقيها مضايقه انه راح باريس وهيشوف دانة وهما علاقتهم ببعض وحشة اوي
عبد الرحمن: انا لازم اشوف حل للموضوع ده مع عبدالله هيه بردو يهمني سعادتها ويمكن يكون ليها نصيب مع حد تاني يسعدها
رقية: ربك يسهل قوم ارتاحلك شوية من التعب بتاع الشغل
وصل سليم باريس وكان ايهم فاستقباله
ايهم : اخيرا يا اخي حنيت علينا وجيت
سليم: والله وحشتوني كتير بس عليا بقي هيه اللي شجعتني
ايهم : طيب يللا بينا نروح البيت ترتاح شوية من الشفر ونتكلم الصبح
سليم: يللا بينا
وصلوا البيت عند غادة وسلموا علي بعض وناموا
تاني يوم الساعه 8 دق الباب عند دانة
دانة: مين اللي هيجيني بدري كده وقفت ورا الباب مين؟
محدش رد عليها خافت دانة وقفلت الباب بالسلسلة واتصلت بايهم
دانة: الو ايهم
ايهم: صباح الخير
دانة: صباح النور تعالا بسرعه فيه حد بيخبط عليه ومش راضي يقول هوه مين ومش واضح من العين السحرية
ايهم: طيب افتحي الباب بس دي مفاجاة هتعجبك انا عارف مين اللي بيخبط
دانة: مين
ايهم: افتحي الباب وسيبيني انام بقي حرام عليكو تعبتونا معاكو بقي
دانة: نام يا ايهم نام مش عاوزة منك حاجه انا غلطانة اصلا اني اتصلت بيك
ايهم: ده جزاتي ماشي يا دانة حسابنا بعدين اما تفتحي الباب
قفلت دانة وراحت فتحت الباب بس والسلسلة لسه موجوده بردو كانت خايفة
لقت فوشها بوكية ورد جوري احمر معرفتش بردو مين اللي علي الباب
فتحت السلسلة والباب
سليم: مبروك نجاح المصممة العظيمة
دانة :..........
بكده انتهي الفصل السادس عشر وياريت توقعاتكو ايه اللي هيحصل بين دانة وسليم وداليا هتعمل ايه ومين المصور الخفي
مع تحياتي همس العاشق
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اسفة جدا علي التأخير وده البارت الجديد
الجزء السابع عشر
سليم : دانة
دانة: انت بجد ولا تهيؤات
سليم قرب منها ومسك ايدها : اكيد بجد
وباس ايدها
سليم: هنفضل عالباب كده
دانة: سوري انا امعلش مش مستوعبة بس اتفضل طبعا نورت البيت
دخل سليم البيت وشاف صورته مرسومة ومتعلقة فالصالون عند دانة
دانة: حمد الله عالسلامة جيتو امته وفين بابا وماما وعليا
سليم قعدوهوه ماسك ايدها وقعدها جنبه : الله يسلمك وانا هنا لوحدي
دانة وقفت : تشرب ايه
سليم :لا انا داخل علي طمع بصراحة وعاوز افطر معاكي موافقة
دانة : اوك ثواني والفطار هيكون جاهز
دخلت دانة مطبخها تجهز الفطار وسليم اخد جولة فالشقة فتح باب اوضة واضح انها اوضة دانة لان السرير كان مش مترتب وهيه كانت لسه صاحية دخل قعد علي السرير واخد المخدة شمها وكانت فيها ريحة دانة وحضنها وراح للمراية يتفرج علي ترتيب دانة لمكياجها وعطورها وشاف صورة ليهم سوا علي جنب في اطارها
خرج من اوضة دانة وراح الاوضة التانيه اللي المفروض انها كانت متجهزة ليه فتحها وكانت مترتبة شاف صورة تانيه ليهم جنب السرير في اطارها واطار كبير فوق السرير فيه صورة مرسومة لسليم وشاف برفانات رجالي جديده جنب المراية فتح الدولاب شاف مجموعة من البدل الجديدة والبيجامات (طبعا دانة كانت بتجيب الحاجات اللي تعجبها لسليم كأنه عايش معاها فعلا )
دانة: سليم
خرج سليم وراح لدانة وقف عند باب المطبخ
دانة : تشرب قهوة ولا عصير
سليم: اي حاجة من ايديكي
دانة: يبقي عصير صحي ومفيد اتفضل يللا الفطار جاهز (لاحظت دانة انها لسة بالبيجامة ) انا هاستأذنك شوية وطبعا البيت بيتك خد راحتك
سليم: افطري معايا الاول وبعدين اعملي اللي انتي عاوزاه ممكن
دانة: اوك
قعدوا يفطروا سوا ودانة متوترة من وجوده معاها وهوه مستمتع بتوترها وبوجوده معاها
دانة: اخبار بابا وماما وعليا و....وداليا
سليم: كلهم كويسين انا جاي اتابع الفرع بتاع الشركة اللي هنا هاقعد اسبوعين انظم الشغل وبعدين ارجع مصر
دانة: ربنا يوفقك
سليم: انتي اخبارك ايه
دانة: كويسة الحمد لله الشغل ماشي معايا كويس والدراسة مرتبه اموري بحيث اني مكثفة دراستي عشان اخد منهج سنتين فسنة واحدة عشان اخلص بسرعة واركز فالشغل اسرع
سليم: عملتي اسم كويس بسرعة وتصاميمك جميلة انا شفت اخر عرض ليكي وكنتي متالقة
دانة: ميرسي
سليم : انا خلصت فطاري وعندي اجتماع بعد ساعة
دانة: بالهنا والشفا انا كمان عندي شغل بعد ساعة هاستأذنك استعد واجهز
سليم: اتفضلي وانا هجهز للاجتماع
دانة: هاخد اوراقي واجهزلك المكتب
دانة راحت اوضتها اخدت دش ولبست تايير اسود قميصه فضي لزوم الشغل بقي وفيه بروش فضي فالجاكيت ولبست ساعة فخمة مناسبة ورفعت شعرها بطريقة انيقه وحطت مكياج خفيف واخدت شنطتها ولبست شوز كعب عالي انيق وخرجت من الاوضة
فالوقت اللي دانة كانت بتستعد للشغل فيه كان سليم بيستكشف مكتب دانة الانيق كان فيه مكتبه انيقة فيها كتب تتعلق بشغل دانة وكتب ادبية وشعر وطبعا دانة كانت مزينة المكتبه بصور شخصية لسليم او ليهم سوا فاطارات صغيره وكمان المكتب كان عليه صورتين واحدة لسليم وواحدة ليهم سوا يوم الاوبرا فتح سليم الادراج وشاف تصميمات دانة الحديثة ورسوماتها
قعد سليم مسترخي علي الكرسي فاوضة المكتب وهوه بيفكر فدانة ودخلت دانة عليه المكتب
دانة: سليم يللا عشان تلحق اجتماعك
سليم معجب بشياكة دانة واناقتها : اوكي هاوصلك وبعدين اروح اجتماعي ممكن نتغدي سوا النهاردة
دانة: الحقيقة مش هينفع النهاردة انا عندي اجتماع بعد نص ساعة وهاتابع شغل المشغل والساعة واحدة هاروح الجامعه مضغوطة جدا النهاردة
سليم: طيب ممكن تبقي عشا
دانة: اوك بس انا هاروح الشغل بعربيتي مش هينفع توصلني لاني هابقي محتاجة العربية النهاردة فمشاويري
سليم: امرك
نزلوا سوا ووصلها لعربيتها واول ما ركبت وقبل ما تمشي
سليم: دانة انتي وحشتيني اوي واتمني ان زيارتي دي متضايقكيش
دانة(وانت كمان وحشتني بس ظروفنا كده): لا ابدا بالعكس انا كان نفسي اشوفك واشوف ماما وبابا وعليا .... انا هاروح بقي عشان ماتاخرش وانت كمان متتاخرش واشوفك بالليل صحيح انت قاعد عند طنط غادة ولا فين
سليم(وحشتيني يا بنت الايه ): والله انا حاليا عند غادة ومستنيكي تعزميني اكون ضيفك الاسبوعين دول مش كنا متفقين اني لما اجي باريس انزل عندك ولا رجعتي فكلامك
دانة: لا طبعا ده بيتك قبل ما يكون بيتي انت مش محتاج عزايم
سليم: عموما انا هافضل عند غادة لحد ما احس انك فعلا عاوزاني اكون ضيفك اشوفك عالعشا الساعه 8 اجيلك اوك
دانة: اوك سلام
راح سليم اجتماعه وخلصه وراح فرع الشركة نظم الامور هناك وتقريبا هيبقي فاضي الاسبوعين الجايين لان مكانش فيه شغل يستدعي انه يروح باريس بس هوه راح لدانة خلص اجتماعه وراح بيت خالته اتغدي معاهم وارتاح شوية عشان معاده مع دانة
دانة حضرت اجتماعها وبالها مع سليم اللي جالها الصبح (راجع ليه بس يا سليم دلوقتي كنت عايشه علي الذكريات واقلمت نفسي عليها راجع تلخبط موزين حياتي ليه ) راحت دانة الجامة وخلصت اللي وراها ورجعت الشقة الساعة 5 ارتاحت شوية وصحت الساعة 7 تستعد لسليم اللي هيروحلها يتعشوا سوا
الساعه 7 ونص سليم الانيق ببدلته السودا الشيك وصل عند دانة
دانة استقبلته طبعا مكانتش جاهزة لانها يدوب صحت من نص ساعة بس
سليم: اسف جيت بدري بس كنت عاوز اشوفك
دانة: اسف ايه بس خد راحتك فالبيت انا هاكمل لبسي بس ونخرج نتعشي
سليم : خدي راحتك
دخلت دانة لبست فستان احمر لنص الساق مجسم وانيق و ولبست شوز اسود انيقه واكتفت بالدبلة الالماس وحلق احمر طويل ورفعت شعرها من الجوانب بس وسابته مفرود علي ضهرها وكان مموج بطريقة مرتبه وانيقة اكنت مفعمة بالانوثة فاللون الاحمر عامله زي ماتكون صورة غلاف لمجلة وعملت مكياج انيق مناسب للسهرة كان مميز بالروج الاحمر الهادي وسموكي ايز برزت جمال لون عيونها ختمت اللوك بالبرفان الساحر واخدت شنطتها السودا وخرجت من الاوضة
طبعا سليم المرة الوحيدة اللي شاف دانة باناقتها كانت يوم الاوبرا وكانت لسه بنوته صغنونه مش انثي او امرأة متمرسة فالموضة والازياء فكلمة انبهر بدانة هتكون اقل بكتير من الاحساس اللي حسه اول ما شاف دانة وقفها وقعد يلف حواليها وهوه مبهور مش متأكد اذا كانت حقيقه ولا تخيلات
دانة محرجة جدا لانها ديما بتلبس اسود فغياب سليم بس اول مرة تلبس احمر من فترة طويلة جدا
دانة: ايه فيه حاجة غلط فشكلي
سليم: ده انا اللي شكلي جنبك غلط ايه الكمال ده مش هاقول جمال بس انتي بجد so good to be true
دانة (ياويلي من حبه يا ويلي ) : ميرسي عالكومبليمون
سليم مسك ايدها ولفها لفه كامله : دي مش مجاملة دي حقيقة انتي ارق واحلي ملاك ممكن الواحد يتخيل وجوده
دانة فمنتهي الاحراج وشوية وهتهرب من قدامه : طيب مش يللا بينا نخرج عشان نتعشي
سليم: انا مش عاوز اخرج خلاص
دانة: ليه بس
سليم: مينفعش حد يشوفك كده اخاف تتخطفي مني واندم عمري كله اني مقدرتش احافظ عليكي
دانة: مش للدرجة دي هاصدق نفسي وهاتغر عليك
سليم: اتغري يا قلبي اتغري الغرور اتخلق علشانك ( وقرب منها وهمسلها) بحبك
دانة اتلخبطت وكيانها كله اتلخبط والبرود اللي كانت مغلفه قلبها بيه عشان مينهارش قدام سليم كله داب بكلمة بحبك
دموعها غلبتها ونزلت دمعة حزينة علي حب مش مكتوبله يعيش حد فالدنيا يقدر يكون بيحب ومتجوز حبيبه ومحروم منه فنفس الوقت
ظروف قاسية وغريبه حكمت عليهم بوضع مجنون
سليم قرب من دانة ورفع وشها بايده ومسح دموعها : ليه حبيبي الدموع بس ملاكي انا متبكيش عشان خاطري
دانة : هاظبط مكياجي مش هاتاخر
سليم: اوك مستنيكي
دخلت دانة ظبطتت مكياجها وخرجت لبست جاكيت طويل اسود وخرجوا يتعشوا
بعد العشا سليم طلب من دانة يتمشوا شوية
سليم: دانة السنة اللي فاتت بعيد عنك دي كانت صعبة اوي عليه انا مش سعيد ابدا بالبعد ده لازم يكون فيه حل
دانة: سليم احنا ظروفنا هيه اللي خلتنا فالموقف ده بنت عمك مكانش ينفع تسيبها وخلاص الامور اتحسمت مفيش بايدينا اي حاجة
سليم: دانة انتي بتحبيني
دانة: انت عارف
سليم : نفسي اسمعها
دانة: مش دلوقتي لازم يكون الوقت مناسب
سليم:دانة انا هاتنازل عن اني اسمعها دلوقتي بس غنيلي
دانة بدأت تغني :
انا من غيرك باكون
ليل من غير قمر
مركب من غير شراع
نبات محتاج مطر
انا من غيرك باكون
خطوة من غير طريق
غنوة من غير كلام
حياة من غير بشر
انا من غيرك باكون
قصر كان مليان قلوب سهرانة وفلحظة اتهجر
قلب كان ماسة فايديك سبتها صبحت حجر
انا من غيرك كده انا من غيرك باكون
***************
انا من غيرك باكون
شوق من غير لقي
دمعة من غير عيون
غربه من غير سفر
انا من غيرك باكون
*************
انا من غيرك باكون
جراح ملهاش دوا
فوجودك الامان
فغيابك الخطر
انا من غيرك باكوووون
خطوة من غير طريق
غنوة من غير كلام
حياة من غير بشر
انا من غيرك باكون
قصر كان مليان قلوب سهرانة وفلحظة اتهجر
قلب كان ماسة فايديك سبتها صبحت حجر
انا من غيرك كده انا من غيرك باكون
انتهت سسهرة دانة وسليم ورجعوا الشقة
دانة: تعالا ادخل ولا مستني عزومة
سليم: الوقت اتأخر وانا متحاج ارتاح
دانة: اوضتك موجودة ارتاح فيها احنا اتفقنا انك هتكون ضيفي
سليم (عارف ان الاوضة جاهزة ومش هيحتاج حاجة ): بس كدة انا هابات ببدلتي اروح اجيب شنطتي من عند غادة
دانة: اوضتك كاملة من كل حاجة ومش هتحتاج حاجة انا مجهزاها بس لو عاوز حاجاتك روح هاتهم عادي اعمل اللي يريحك ودي نسخة من مفتاح البيت عشان تدخل وتخرج براحتك
سليم: لا انا مش محتاج حاجة هانزل بس اجيب اللاب توب من العربية واطلع
دانة: اوك وانا هابقي فاوضتي لو عاوز حاجة تصبح علي خير
سليم:وانتي من اهله
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
التأخير بس كان عندي ظروف وده بارت صغير وان شاء الله هانزل بارت لعيونكم الحلوة بكررة يكون اطول شوية
الجزء الثامن عشر
المصور: انا صورتهم بس الراجل اللي معاها لسة منزلش من عندها نزل اخد شنطة من العربية ورجع تاني
..........: ابعت صورهم فورا وخللك وراها لا تتركها ابدا رح ابعتلك وائل يراقب الرجال اللي عندها واول ما ينزل اتصل فيني
المصور : تحت امرك
في مصر
داليا: انا اتخنقت منه ومن الحياه معاه واخرتها راح باريس عند ست الحسن بتاعته
ريهام: داليا انت لازم تكسبيه جوزك مركزه زاسمه بيكبر وانتي اللي اخترتيه ماظنش ترضي انه يطلقك وتبقي مطلقه او انه حتي يتجوز عليكي لازم يكون عندك منه ولد يربطه بيكي اكتر وحاولي تتعاملي معاه بطريقة تشده ليكي
داليا:طلاق ايه بس لا طبعا انا اخترته واتجوزته لان هوه اللي هيناسبني ومستقبله كويس وانتي شايفه السنة اللي عدت دي حقق فيها انجازات كبيرة
ريهام: يبقي لازم تحافظي عليه وبطريقتك دي ممكن يتجوز دانة فعلا ويبقي جوازهم مش علي ورق بس
داليا: لا مستحيل سليم ميعملهاش ويتجوز عليه هيبقي شكلي قدام الناس ايه
ريهام: انا حذرتك فكري فكلامي وحاولي تخليه يتعلق بيكي
داليا: اقفلي دلوقتي يا ريري سلام
قفلت داليا من ريهام وهيه بتفكر ازاي تتخلص من دانة وترجع سليم ليها وينسي دانة وكل ده عشان بريستيجها فالمجتمع وصورتها قدام الناس
عبد الرحمن: رقية تفتكري سليم فعلا عند دانة دلوقتي
رقية: مش عارفه والله بس لو عندها هتبقي مشكلة
عبد الرحمن: ليه مشكلة
رقية: لانه كل شوية يظهر فحياتها بعد ما تكون اتعودت علي بعده يطلعلها يعذبها شوية ويرجع يسيبها تاني انا شايفه ان بعدهم عن بعض احسن ليهم
عبد الرحمن: انا شايف كده بردو بس البنت مش عاوزة تتطلق منه نطلقها بالعافية يعني حرام وبعدين انتي مش حاسة ان سليم من يوم ما اتجوز داليا وهوه ديما عصبي ومش بيحب يقعد فالبيت اكيد حب دانة ومش هيقدر يطلقها
رقية: والله انا مش عارفه حل للموضوع ده يا ريتها رجعت معانا عالاقل كانت هتبقي جنبه هنا ومتطمنين عليهم ويمكن نتمم جوازهم
عبد الرحمن: سيبيهم براحتهم بلاش ندخل فحياتهم اكتر من كده احنا جوزناهم فالاول واحنا سبب المشكلة دي كفاية اللي عملناه لحد دلوقتي
رقية: ربنا يسهل امورهم ويصلح احوالهم
عبد الرحمن: يارب
في غرفة عليا
عليا بتذاكر وفجاة رن الموبايل برقم غريب
عليا: الو
......: الو مساء الخير
عليا: مساء النور مين معايا
........: انا ااحمد السليماني
عليا: مش واخدة بالي مين حضرتك وعاوز ايه
احمد: انا احمد شريك الدكتور عبد الرحمن و بصراحة عاوز رأيك فموضوع قبل ما اخطي فيه اي خطوات لانه موضوع حساس شوية
عليا: بشمهندس احمد اظن مفيش مواضيع بينا ومينفعش حضرتك تتصل عليه لاي سبب من الاسباب ولو عندك مشاكل فالشغل تقدر تكلم بابا او سليم لكن انا مليش علاقة بالشغل حاليا
احمد: انا اسف اني اتصلت بيكي بس الموضوع ملوش علاقة بالشغل الموضوع ليه علاقه بيكي وانا كنت عاوز اتجنب الحرج اللي ممكن يحصل لو تجاوزتك وطلبت الموضوع من والدك متنسيش اننا شركاء جدد وممكن يكون الوضع مش مريح ليه ولوالدك وليكي
عليا: ممكن اعرف ايه الموضوع بالضبط انا مش فاهمه حاجة
احمد: الحقيقة انا صريح شوية مش باحب اللف والدوران عشان كده انا عاوز اتقدم ليكي وعاوز اعرف رايك قبل ما اتقدم عشان لو رافضة الغي الفكرة من بالي قبل ما اطرحها علي والدك عشان ميبقاش بينا حساسيات
عليا:..........
احمد: انسة عليا اناشفتك فالحفلة وفالاجتماع واعجبت بيكي و باسلوبك وده غير طبعا انك بنت استاذي الدكتور عبد الرحمن يعني نسب مشرف اي حد يتمناه واتمني اني انول الشرف ده
عليا: بشمهندس احمد معلش انا مقدرش اتكلم معاك فاي موضوع حتي لو كان الموضوع ده انا مقدرش اخون ثقة والدي فيه واخد قرارات بدون رايه
احمد: انسه عليا حاولي تقدري موقفي انا فعلا مش عاوز اتحط فموقف مش حلو لو اترفضت بعد ما اتقدم رسمي لان هيبقي بينا تعاملات ديما وهيبقي فيه حساسيات بينا ديما
عليا: مع السلامة يا بشمهندس انا مقدرش اتكلم معاك اكتر من كده
قفلت عليا المكالمة وراحت لباباها فالاوضة
عبد الرحمن: تعالي يا لولي عاوزة حاجة
عليا: ايوة عاوزاك فموضوع مهم
عبد الرحمن: خير
عليا: بابا انا طول عمري صريحة معاك ولو حصل اي حاجه باقولها ليك وباخد رايك فكل حاجة صح
عبد الرحمن: من غير مقدمات ايه اللي حصل
عليا: بصراحة انا...
ورن موبايل عبد الرحمن
عبد الرحمن: استني بس شوية (ورد علي التليفون ) السلام عليكم
احمد: وعليكم السلام انا اسف اني باتكلم فوقت متأخر كده يا دكتور بس انا عاوزك فموضوع ميستحملش التأخير
عبد الرحمن: لا عادي الوقت مش متاخر ولا حاجة تقدر تتكلم فأي وقت
احمد: الحقيقة انا عاوز اجي البيت انا والوالد والوالدة وياريت تحددلنا معاد
عبد الرحمن: تشرفونا فاي وقت
احمد:بكرة الساعة 8 يناسب حضرتك
عبد الرحمن: ان شاء الله
احمد : اوك علي معادنا بقي ان شاء الله
عبد الرحمن: في رعاية الله
احمد: مع السلامة
انتهت المكالمة عبد الرحمن: لولو معلش روحي قولي لماما اننا هيجيلنا ضيوف بكرة الساعة 8
عليا : مين الضيوف دول
عبد الرحمن: احمد ووالده ووالدته
عليا(ياربي ):اوك عن اذنك يا والدي العزيز سأذهب لابلغ جلالة الملكة رقية
عبد الرحمن:هههههههههههه اذهبي يااميرة القصر
عليا: اميرة بس !! امرنا لله
عبد الرحمن: صحيح كنتي عاوزة ايه
عليا : ياااااااااااااااه انت لسه فاكر ده انا نسيت لما افتكر هابقي اقولك
راحت عليا بلغت مامتها عن الزيارة المرتقبة وراحت اوضتها تفكر فالكلام اللي احمد قاله ليها ولو فعلا اللي قاله صحيح يبقي جاي بكرة عشان يطلب ايدها وقررت تكلم دانة تبلغها باللي حصل معاها وتاخد رايها تلبس ايه
نرجع باريس عند دانة وسليم
كل واحد راح اوضته ينام بس فضلوا يفكروا فوضعهم الغريب وعلاقتهم وحبهم
اما فالشارع كان المصور واقف مع وائل وومعاه الصور اللي صورها لسليم ودانة عشان وائل يعرف شكل سليم
المصور (سمير ):شوف الصور وركز فيهم كويس وعموما انا معاك لما هينزل هاقولك
وائل: اعملي نسخة من الصور
سمير: اوك انا هاغيب عنك ساعة وراجع لو حصل اي حاجه كلمني ورقمي ******
وائل: اوك
بعت سمير الصور لشخصيتنا المجهولة
في بريطانيا
..........:I need all the information about the man in the pictures as fast as you can
مايكل: ok sir
تيم:جوليا حياتي كيفك
جوليا: بالله لساتك متذكرني هلأ وينك من زمان عنا
تيم: حبيبتي انتي فبالي دايما طمنيني عنك
جوليا: every thing is ok
تيم: جوليا بدي اسالك عن شغله
جوليا: هيك لكان يعني منك متصل لتسال عني ولا شي
تيم: جوليا انتي بتعرفي المسئوليات والشغل اكتر مني وكيفو حبيبي تيم الصغير
جوليا: بيبوسك كتير وبيقلك اشتقتلك خالو
تيم: جوليا بتتذكري لما كنت معك بالفاشون شو الحصري
جوليا: اي باتذكر ليش عم تسأل
تيم: شو بتعرفي عن المصممة
جوليا: ولا شي غير انها مصممة جديدة وتصاميمها كتير حلوين حتي انا اخدتلي كام فستان من عندها وهلأ بتعامل معها بس علاقتنا كتير سطحية شو شايفتا شاغلتلك بالك
تيم: لا بس بتعرفي ان تصاميمها عجبتني كتير وعم فكر اشتغل معها
جوليا: شوووووو تيم انت شو علاقتك بالفاشون والازياء
تيم: بس عم فكر انه وسع نطاق اعمالي واشتغل معها
جوليا: تيم خلك صريح معي انا اختك وبعرفك اكتر من حالي
تيم: خلاص جوليا لا تفكري كتير اذا بتعرفي عنها شي قوليه
جوليا: كل اللي باعرفه قلته وعندي موعد معها بعد شهر و تحب تعرف حاجه عنها قولي ابقي اسألها بس مش قبل ما اعرف ليش عم تسأل
تيم: عن جد رايحة بعد شهر باريس
جوليا: اي رايحة وبعد باريس رح اجي لعندك شوي تيم كتير اشتقلك وبدي انه يدرس فبريطانيا
تيم : خلاص حبيبتي لا تقلقي رح دبر امور تيم وانتظرك وانسي موضوع المصممة مؤقتا
جوليا: اوك حبيبي دير بالك ع حالك
تيم: وانتي كمان وبوسيلي تيم الصغير كتيييييييييييييييير
***********
في الصباح
دانة اخدت شاور وغيرت لبسها ولبست جينز سكيني اسود وبلوزة لونها اخضر وخرجت جهزت الفطار ودقت الباب عشان سليم يصحي يفطر
سليم: صباح الخير
دانة: صباح النور نمت كويس
سليم: ايوة صاحية من زمان انتي
دانة: ا مش من بدري اوي يعني سليم انا عندي جامعة النهاردة ضروري يعني هاسيبك لوحدك كتير مش عاوز حاجة مني
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك