رواية اول انسان احبه -10
خرجوا وركبوا العربية وسليم ساق بسرعة عشان يلحقوا الاوبرا ودخلوا وقعدوا فالبلكون اللي سليم حجزها
سليم: بيقولوا اننا هنشوف اوبرا اسمها شهرزاد لريمسكي كورساكوف
دانة: انا قلتلك مليش فيها بس يارب تطلع حلوة
سليم: حلوة او مش حلوة مش مهم المهم انك معايا
دانة:شكلها هتبدا
سليم: يؤبرني الخجلان
بدأت الاوبرا
يُعتَبَر Rimski Korsakov أحد الموسيقيين والمبدعين الكبار في تاريخ الموسيقى العالمية وفي روسيا بالذات ،إلى جانب كل من ميلي بالاكرييف، و ألكسندر بورودين، وسيزار كوي،وموديست موسورسكي وغيرهم.
وُلِدَ نيكولاي ريمسكي كورساكوف يوم 18 مارس عام 1844 من أبوين روسيين في مدينة تيكفين Tikhvin على بعد 200 كيلو متر من مدينة بطرسبرج . تعلم كورساكوف مبكراً العزف على البيانو. وبالرغم من موهبته الخارقة و تعلّمه السريع للموسيقى ،فإن أبويه لم يهتما به ،لأنهم كانوا يريدون منه أن يمارس عملا مغايرا . وبالفعل عندما بلغ سن الثانية عشر ، تم إرساله إلي العاصمة بطرسبرج و إلحاقه بالمدرسة البحرية كي يسير علي نفس درب أخيه الأكبر .
لم يكن قرار التحاق ريمسكي كورساكوف بالبحرية مانعا من متابعة اهتمامه بالموسيقى ، لكنه تردد على مسارح الأوبرا ، و حضور الحفلات الموسيقية إلى أن حقق الكثير من الإبداعات الموسيقية من بينها سيمفونية شهرزاد .
سيمفونية شهرزاد ذكَّرت المهتمين و عشاق الموسيقى بألمانيا بقصص ألف ليلة و ليلة ، وخاصة قصة الملك شهريار الذي يعلم عن طريق الصدفة بخيانة زوجته له فيأمر بقتلها رأسها، من ينذر على أن يتزوج كل ليلة فتاة من مدينته ويقطع رأسها في الصباح انتقاما من النساء، حتى أتى يوم لم يجد فيه الملك من يتزوجها فيعلم أن عند وزيره له بنتا نابغة اسمها شهرزاد فيقرر أن يتزوجها وتقبل هي بذلك.
شهرزاد لم تقل الكثير ممَّا أرادت قوله، وأنَّه ما يزال لديها الكثير لتقوله. لقد ظلت شهرزاد (ألف ليلة وليلة) كتابا مفتوحا لحد الساعة. فالسيمفونية السالفة الذكر زادها روحا جديدة و خلودا من نوع خاص. فالرقصات السيمفونية لشهرزاد تتضمن وصية موسيقية لراشمانينوف أبدعها نيكولاي ريمسكي كورساكوف وأخرجها في قالب من الألوان و بأدوات موسيقية الحديثة ، تقسيم موسيقي قوي و دينامكية فنية و جمالية لا تقاوم . لقد توقَّفت شهرزاد والتزمت بالصمت حتى صار أمرها نصا مفتوحا أمام كل التأويلات و و القراءات التي لا تخلو من إبداعية راقية. فحضورها الحي ببرلين أضفى عليها حياة جديدة لا تقاس بالأزمنة، بل بمدى ارتباط عشاق الموسيقى بإحدى أروع السيمفونيات العالمية. 1844_1908
سليم: اية رايك فيها
دانة: عجبتني اوي
سليم: وانا كمان بس انتي عجبتيني اكتر
دانة: سليم بس بقي
سليم: هوه انا لسه قلت حاجة تعالي بس نتعشا
دخلوا مطعم من افخم مطاعم باريس وطلبوا العشاء سليم كان متفق مع واحد مصور يجي يصزر اللحظات السعيدة اللي هتتم فالمطعم
سليم مسك ايد دانة: غمضي عنيكي
دانة: لية
سليم: اسمعي الكلام بس
غمضت دانة ولبسها سليم دبلة الماس فايدها : فتحي عنيكي
دانة: سليم
سليم: يا عيون سليم دي دبلتك صحيح جايه متاخره بس انا اسف ياعمري سامحيني
دانة: بحبك
سليم رفع ايدها وباسها: مش عاوزة تلبسيني دبلتي (وعطاها العلبة اللي فيها الدبلة)
دانة مسكة الدبلة ولسه هتلبسها لسليم شافت دبلة داليا اللي لابسها
لو اقول الزمن وقف عند الصدمة دي دانة كانت طايرة من لحظات وسليم كان سعيد وفرحان وفجاة انقلبت كل حاجة اول ما دبلة داليا بانت
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء السادس عشر
من رواية اول انسان احبه بقلمي همس العاشق
مرت سنة علي ابطالنا اتغير فيها حاجات كتير وانكسر فيها احلام كتير واتبنت فيها احلام كتير طبعا الكل مشتاق يعرف ايه اللي حصل فالسنة اللي فاتت بس هنعرفها مع الوقت
بباريس
سليفيا(سكرتيرة دانة): مدام دانة جبت لحضرتك تذاكر الاوبرا وحجزت المطعم اي اوامر تانيه
دانة: اوك التصميمات دي اعمليلي اوردر بالخامات المطلوبة ليها عاوزاها تكون عندي اخر الاسبوع
سيلفيا: اوك مدام والاجتماع مع مدام غادة بعد ربع ساعة
دانة: اوك والغي اجتماعاتي بتاعت بكرة
سيلفيا: بس فيه اجتماع مهم جدا الساعة واحدة بكرة عشان نلحق السيزون وننزل الكوليكشن
دانة: طيب خلاص متلغيش الاجتماع ده
خرجت سليفيا من عند دانة ودانة اتجهت لغادة
غادة: دانة انتي عارفه ان باقي شهر وتبدأ الدراسة تاني وف نفس الوقت شغلك الرائع جذب ناس كتير ومطلوب منك شغل كتير فالشركة
دانة: انا بافكر اشوف مصممين ازياء من زمايلي المميزين جدا نستفيد من خبرتهم ونطور الشغل وان شاء الله الدراسة مش هتأثر علي الشغل
غادة: دانة انتي اثبتي نفسك بسرعة وعملتي اسم كبير من اول عرض عملتيه حاولي تركزي فالعرض الجاي لان اسمك بقي حساس
دانة: انا فعلا طلبت الخامات عشان ابدأ اجهز الكوليكشن للعرض وهتتفاجئي ان شاء الله
انتهي اجتماع غادة ودانة وخرجت دانة راحت شقتها فتحت الباب ودخلت علي اوضتها رمت نفسها علي السرير وظبطتت المنبة عشان تصحي الساعه 6
في مكان اخر
في بيت الضيوف في فيللا عبد الرحمن
غير سليم ديكوره وحوله لمكانه الخاص مش مسموح لاي حد مهما كان انه يدخله
صوت الموسيقي الحزينة كان منطلق وبعدها بدأت اغنية
انا كل ليلة فبعدنا يصعب علية
تخلص حكاية حبنا قدام عينية
قرب شوية
بص ف عنيه
من غير هواك مقدرش اعيش فالدنيا
انا كل ليلة فبعدنا يصعب عليه
تخلص حكاية حبنا قدام عنيه
قرب شويه
بص فعنيه
من غير هواك مقدرش اعيش فالدنيا ديه
دايب جوه سحر عنيك
كل ليلة بافكر فيك
امته تبقي ما بين ايديه وتبقي ليه وانا ابقي ليك
انا كلي ليك وحيات عنيك ماتغيب عليه
تشهد عليك لمسة ايديك مانت اللي ليه
قرب شوية
بص فعنيه
من غير هواك مقدرش اعيش فالدنيا ديه
دايب جوه سحر عنيك
كل ليلة بافكر فيك
امته تبقي ما بين ايديه وتبقي ليه وانا ابقي ليك
سليم: ايه الاخبار عندك
ايهم: تمام انت مش ناوي تيجي باريس قريب
سليم: انت عارف اني اتمني اجي بس مش قبل ما تتغير الظروف انا وعدت دانة
ايهم: سليم يعني انتو ذنبكو ايه انت مش عارف دانة عايشة ازاي دانة بقت مدمنة شغل حياتها دراسة وشغل وذكريات مبقتش تخرج معانا زي الاول ولو خرجت بتحب تبقي لوحدها
سليم: انت عارف الكلام اللي انت بتقوله ده بيحرق قلبي من جوه انا مش سعيد مع داليا ابدا ومش قادر اسعدها كل واحد فين فاتجاه بقالنا سنة اهه ومش عارفين حتي نبقي كويسين مع بعض ديما مشاكل
ايهم: انت الغلطان من الاول لو كنت فسخت الخطوبة وكملت مع دانة كنت ارتحت وداليا ارتاحت
سليم: داليا بنت عمي يا ايهم اسيبها قبل الفرح باسبوعين ازاي سمعتها تبقي عامله ازاي واعمل مشاكل بين بابا وعمي يعني يبقي عشان سعادتي ادمر العيلة كلها وغير كده دانة هيه اللي اصرت اننا نبعد واتجوز داليا وهيه اللي لفتت نظري للي ممكن يحصل لو كنت فعلا فسخت مع داليا
ايهم: يعني هتفضلوا كده لامته
سليم: مش عارف بس وحشتني اوي يا ايهم
قفل سليم المكالمة مع ايهم وقعد فالمخبأ السري بتاعه اللي ديكوراته كلها كانت بنفس ديكور شقة دانة سليم كان بيحاول يحسس نفسه انها معاه وهوه معاها وصورها كانت فكل مكان
خرج سليم من بيت الضيوف ودخل الفيللا
رقية: حمد الله عالسلامة يا حبيبي
سليم: الله يسلمك يا امي عليا فين
رقية: مع باباك فالمكتب بتتمرن معاه عالشغل فرصة بقي تستغل الاجازة فالتدريب معاكو
سليم: وداليا
رقية: مشفتهاش النهاردة انت اتغديت
سليم: لا خليهم يجهزولي الغدا وانا هاطلع اشوفها فين
طلع سليم ودخل الاوضة
سليم: داليا
داليا: ثواني ريهام .....ايوة
سليم : خلصي تليفونك الاول
داليا خرجت بره الاوضة
داليا: ايوة كملي
ريهام: بقولك يا ستي ملك اتطبت وعاملة بارتي بالليل فالنادي هتيجي ولا لا
داليا: مش عارفه سليم هيوافق ولا هيعمل مشكلة زي كل مرة
ريهام: حاولي معاه بقي انا مش عارفه انتي طايقاه ازاي
داليا: انا اصلا بدأت امل منه ومن طريقته كل حياته شغل فشغل او قاعد فالبيت مفيش سهرات خروجات اي حاجه
ريهام: انتي اللي اصريتي تتجوزيه من البداية اتحملي بقي
داليا: طيب اقفلي دلوقتي هاروح اشوف هيوافق علي سهرة بالليل ولا لا
دخلت داليا الاوضه
داليا: حمد الله عالسلامة
سليم: الله يسلمك
داليا: انا هاروح النادي بالليل فيه خطوبة واحدة صاحبتي ولازم اروح الشلة عاملين بارتي
سليم: بس انا مش فاضي وانتي عارفه عندي شغل وبحب انام بدري
داليا: اوك نام بدري براحتك مش مشكلة وانا هاروح البارتي براحتي
سليم: استغفر الله العظيم ازاي يعني هتروحي بارتي بالليل لوحدك وترجعي لوحدك وانا ايه ان شاء الله مش راجل بردو ولا ايه
داليا: مش بتقول عندك شغل انت خليك فشغلك وسيبني اعيش حياتي بالطريقة اللي تناسبني
سليم: ده لما تبقي حرة والكلام اللي كان بيحصل زمان قبل ما تبقي مراتي مش هيحصل دلوقتي ومفيش شلة ومفيش نادي ومفيش سهر بره البيت
داليا: وده بامر مين بقي
سليم: داليا متنرفزنيش انا قلت مفيش خروج يعني مفيش خروج
خرج سليم من الاوضة ونزل الحديقة يغير جو ويشم هوا وهوه ندمان ندم عمره لما فكر فبنت عمه
داليا نزلت تحت وشافت مرات عمها قاعده
داليا: هاي
رقية: اهلا فينك من الصبح محدش شافك
داليا: لا عادي سليم خرج ولا ايه
رقية: انتي زعلتيه بردو يا داليا
داليا: اوووووووووووووف بقي هوه اللي بيزعل لوحده انا معملتلوش حاجة
رقية(يا صبر ايوب): يا بنتي المفروض لما يجي من شغله يلاقيكي فاستقباله تغديه تطمني عليه
داليا: ليه يعني الدادا بتاعته وبعدين مال الشغالين موجودين يطلب منهم الغدا اللي هوه عاوزة
رقية: يابنتي الراجل مهما كان محتاج يحس باهتمام مراته
داليا:........
رقية: طيب مفيش جديد
داليا: فاية
رقية : يعني حاجه جاية فالسكة
داليا: لا طبعا هوه انا مجنونه
رقية : لا حول ولا قوة الا بالله هما الاولاد دلوقتي بقوا جنان ده انتو بقالكو سنه اهه
داليا: حتي لو بقوا عشر سنين انا مش عاوزة يبقي عندي اولاد اضيع عمري وشبابي عليهم وجسمي يبوظ وافضل مربوطة بيهم ويقيدوني
رقية: لا انتي الكلام معاكي ملوش فايدة اما اقوم احسنلي
رن جرس المنبة وفاقت دانة من النوم دخلت تاخد دش وخرجت لبست فستان اسود حرير طويل باكمام طويلة ومطرز تطريزات رقيقه جدا وعملت مكياج رايق ورفعت شعرها باناقه كله وحطت فيه اكسسوار علي شكل وردة سودا ولبست طقم الالماس هدية سليم ونزلت السواق كان مستنيها تحت راحت علي الاوبرا اتفرجت علي اوبرا شهرزاد وفضلت تسترجع ذكريات يومها مع سليم
كان فيه واحد بيتاابعها من بعيد وكل شوية يصورها وبعد ما خلصت الاوبرا راحت نفس المطعم اللي كانت فيه مع سليم وبردو المصور الخفي وراها اتعشت بهدوء وهيه بتلعب فالدبلة الاماس بتاعتها وبعدين فتحت علبه صغيرة اتفرجت عليها شوية وقفلتها وقامت خرجت من المطعم وروحت البيت
المصور: خلاص روحت بيتها
..........: كانت لوحدها فالمطعم والاوبرا
المصور: ايوة والصور هتكون عندك بعد ساعة
............:اوكي بس خللي بالك منها وكل مكان خليك وراها
المصور : اوك
عبد الرحمن: عليا ركزي معايا الصفقة دي اهم صفقة لينا لو عملنا الدمج مع الشركة دي هنبقي احنا نمبر ون فالسوق
عليا: انا مركزة يا بابا متقلقش
سليم: ممكن اقاطعكو يعني ولا
عبد الرحمن: لا انت جيت فوقتك كنا بنتكلم عن الدمج
سليم: اه انا كلمت البشمهندس احمد وقالي انهم هيعملوا اجتماع بكرة ان شاء الله وطلب مننا اننا نحضر ونتناقش فالشروط
عبد الرحمن: خلاص معاد الاجتماع ده امته
سليم: بكرة الساعه 3
عليا: ينفع اجي معاكم
سليم: لا طبعا
عبد الرحمن: لا ليه .. هيه اتمرنت معانا واشتغلت كويس وخليها تيجي تحضر الاجتماع معانا عالاقل تحس باللي بنعمله وتشوف الامور بتمشي ازاي
عليا: اقوم انا بقي انام بدري عشان اكون مركزة معاكو بكرة
سليم: ورينا شطارتك بس ولا انتي بق عالفاضي
عليا: شايف يا بابا سليم بيحبطني ازاي
سليم: انا باقول الحق اثبتي شطارتك غير كده معنديش كلام تاني
بعد ما خرجت عليا
عبد الرحمن : انا كمان هاروح ارتاح تصبح علي خير
سليم : وانت من اهله
دخل سليم اوضته وداليا مش موجودة
سليم: الو انتي فين
داليا: فالنادي
سليم: مش انا قلت مفيش خروج
داليا: الكلام ده تقوله لحد غيري مش ليه انا انت عارف اصحابي وحفلاتي اهم حاجه فحياتي ومستحيل تمنعني عنهم ويللا مش فاضيالك انا بقي
سليم: ماشي يا داليا بس متجيش عالبيت روحي بيت عمي لان لو شفتك قدامي مش هيحصلك كويس
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
عبد الله: يعني انتي ايه اللي جايبك هنا دلوقتي
داليا: كنت فعيد ميلاد وابن اخوك مكانش راضي اني اروح فقالي ماروحش عالبيت
عبد الله : يعني لما هو مش موافق ايه اللي خلاكي تروحي
داليا: هوه معقد اوي وكل شوية مفيش خروج مفيش سهر وكانت خطوبة واحده صحبتي
عبد الله : يعني صحبتك ولا جوزك
داليا: يووووووه بقي انا هاقوم انام انا تعبانة من الحفلة
عبد الله: قومي ولينا كلام تاني بعدين
انتهي الاجتماع
واتفقوا علي بنود عقود دمج الشركات وهيعملوا حفلة كبيرة في نهاية الاسبوع
عليا: دندونه وحشتيني
دانة: وانتي اكتر مش ناوية تيجي باريس
عليا: كنت مشغولة مع بابا باتمرن عنده فالشركة ويمكن اجي باريس اخر الشهر اغير جو قبل الدراسة
دانة: اوك لو هتيجي عرفيني عشان ارتب اموري
عليا: ايوة اعمليلي فيها مشغولة بقي ومهمه بمناسبة الشغل عاوزاكي تبعتيلي فستان علي ذوقك عندي سهرة اخر الاسبوع بمناسبة دمج الشركات
دانة : مبروك هاكلم عمي اباركله وانتي باركي لسليم هوه اخباره ايه
عليا: للامانه مش سعيد ابدا بس نعمل ايه نصيبه كده
دانة: ربنا يسعده متنسيش تباركيلهم وانا هابعتلك الفستان ومعاه بدلة لسليم
عليا: اوك خللي بالك من نفسك يا دانة
دانة: متقلقيش عليه
عبد الله : سليم تعالا عاوزك شوية
سليم : ايوة يا عمي
عبد الله : ايه اللي حصل بينك وبين داليا
سليم: زي كل مرة يا عمي رافضة وجودي فحياتها مش عارف او يمكن مش عاجبها المهم انها مبتومش بدورها كزوجه ابدا كل حياتها عايشاها للتفاهه وبس خروج وشوبينج وبس انا متاكد انك لو سالتها انا بحب ايه فالاكل ومبحبش ايه مش هتعرف ديما عاوزة تخرج وتسهر وتتاخر وانا الكلام ده ميناسبنيش واظن انها عارفة ده كويس عني من قبل كده
عبد الله: طيب انا هاتكلم معاها وانت تعالا خدها بالليل ميينفعش كده
سليم: ان شاء الله يا عمي بس ياريت تنبه عليها انها تسمع كلامي وتحترمني لان تصرفاتها دي بتلغي بيها وجودي ومش بتحترمني خالص
عبد الله : متزعلش وانا هاظبطهالك
عبد الله: داليا اسمعيني كويس احنا لما جوزناكي قلنا جايز تعقلي بس الظاهر اني غلطت فتربيتك بس من هنا ورايح مش عاوز اسمع انك زعلتي سليم سليم زي ابني بالضبط ومش مقصر معاكي فحاجة
داليا: بس بصراحة بقي انا لما اتجوزته كنت فاكره انه هيلففني العالم ويخرجني ونسهر وننبسط مش الحياة اللي احنا عايشينها دي
عبد الله : الراجل بيشتغل عشان يوفرلك الحياة اللي انتي عاوزاها وكل طلباتك بتتنفذ يبقي ملكيش حق تتكلمي ابدا خليكي زوجة كويسة مش كل مرة انا هاجي عليه ده ابن اخويا واكيد اخويا مضايق من وضعكو وكل ما مشاكلكو هتزيد هتعمل فجوة بيني وبينه فوقي بقي وركزي علي الاهم فحياتك والا والله مش هتتخيلي انا ممكن اعمل ايه عشان اكسب اخويا خصوصا وانا متاكد انك غلطانة مية المية
داليا: هاحاول بس خليه يسيبني اخرج مع اصحابي براحتي
عبد الله: انا باقول ايه وانتي بتقولي ايه وبعدين متشدي حيلك وتجيبيلنا طفل يشغلك ويربط بينكو ويقربكو من بعض كفاية مشاكل بقي
داليا: طفل ايه اللي اجيبه متحلموش انا مش عاوزة اطفال ومش ناوية اجيبهم ابدا
عبد الله: قومي البسي وروحي بيتك متقعديش قدامي انتي عاوزة تموتيني عليتي ضغطي من كام كلمة يا شيخه حرام عليكي قومي
رجعت داليا البيت ومازالت علاقتها بسليم من سيء لاسوا ومروا يومين
عليا: دندون بجد بجد ذوقك يهبل يا بنتي ايه الفستان التحفة ده
دانة: تصميم حصري لحبيبة قلبي المهم عجبك
عليا: يجنن تسلم ايدك
دانة: لو عاوزة اي حاجة عرفيني فورا وانا ابعتهالك
عليا تسلمي
دانة: طيب وبدلة سليم عجبته
عليا: سليم لسه فالشغل هاستناه لما يجي واعطيهاله
دانة : اوك وسلمي علي ماما وبابا
عليا قعدت فالحديقة تستني سليم ومعاها البدلة عشان داليا متشوفهاش وتسال منين
سليم: ايه اللي مقعدك هنا كده
عليا: اعمل ايه حكم القوي معايا ليك هدية ولازم اوصلها هنا
سليم : هدية ليه انا ؟ من مين؟
سليم: خدها وانت تعرف
اخد سليم الصندوق وكان فيه بدلة شيك جدا جدا والقميص والكرافات وساعة انيقة فيها ونظارة شمس شيك وشوز شياكة بردو وعليبة فيها دبوس وزراير للبدلة والكرافات
سليم: يا عيني اهي دي البدل بس يا لولي دي اكيد قضت علي تحويشة عمرك يا حبيبتي
عليا: لا دماغك راحت لبعيد انت متخيل اني ممكن اجيبلك هدية كده يعني ده انت بتحلم لا اصحي مش انا ابدا ومتعشمش نفسك
سليم: خلاص خلاص عرفت انها مش منك ايه اللسان ده ربنا يعين اللي هياخدك من مين الهدية دي
عليا: اسال قلبك
دخلت عليا البيت وسابت سليم مع قلبه بيساله ويجاوبه وعرف طبعا انها من دانة
يوم الحفلة سليم لبس البدلة واتشيك عالاخر وعليا لبست فستانها وداليا لبست واتجمعوا فالبيت تحت عشان يروحوا سوا
داليا: حلو اوي فستانك ده جبتيه منين
عليا: ده تصميم حصري من المصممة العالمية حبيبه قلبي دانة بعتتهولي امبارح عجبك
داليا: عادي يعني فيه الاحلي منه
عليا : اووووووووه سليم ايه الشياكة دي بس منقدرش علي كدة
داليا: شيك بجد حلوة اوي البدلة والساعة جبتهم امته اول مرة اشوفهم
سليم: المهم عجبوكي
عليا: تجنن استني بقي اما اصورك عشان ابعت اقصد احتفظ بيها للذكري
طبعا سليم فاهم انها هتبعت الصورة لدانة
خرجوا راحوا الحفلة وانبسطوا هناك ورجعوا البيت عليا بعتت الصورة لدانة
بدأت الدراسة
عند دانة وانشغلت اكتر مع الدراسة وعرض الازياء بتاعها وكان عندها ضغط شغل جامد والمصور الخفي بردو متابعها لحظه بلحظة بيصورها وبيبعت صورها لشخص ما مش هاقول هوه مين دلوقتي
وعند سليم مشاكله مع داليا هيه هيه بتزيد مع الايام وعليا بدات دراسة وفيه واحد معجب بيها ومتابع اخبارها اول باول (واضح ان عندنا قصة حب جديده هنا)
مرت الاسابيع
عليا : سليم سليم
سليم : ايه اهدي كده ووطي صوتك
عليا: انا الغلطانة اللي جاية اوريك حاجة بتحبها
سليم : ايه دي
عليا: تعالا معايا فاوضتي نشوفها براحتنا احسن
داليا: طيب متفرجينا هنا كلنا
عليا: لا دي اسرار بيني وبين اخويا قوم ييلا قبل ما يخلص
قامو ودخلو الاوضة وعليا قفلت الباب وفتحت التليفزيون وكان فيه عرض ازياء
سليم: بزمتك هيه دي الحاجة اللي قالبة عليها الدنيا عرض ازياء
عليا: ديما مستعجل اصبر واتفرج وركز
سليم: امري لله
شوية وهلت دانة علي الشاشة في ختام العرض بين العارضات بجمالها وبرائتها المعهودة بفستان اسود انيق
طبعا ده كان عرض الازياء بتاعها اللي قلب الدنيا وعجب ناس كتير جدا
عليا: مالك يا سليم
سليم: تعبان اوي من غيرها وحشتني
عليا: طيب متروحلها اعمل لها مفاجاة وهنيها عالعرض
سليم: نفسي بس ازاي
عليا: انا اقولك روح تابع فرعنا اللي فباريس واطمن عالاحوال هناك وشوفها وتعالا
سليم: اوك هاقول لبابا واروح
اتفق سليم مع باباه انه هيروح الفرع اللي فباريس يتابعه
داليا: متاخدني معاك باريس
سليم: انا رايح فشغل ومش هابقي فاضيلك
داليا: شغل واللهي انا عارفه انك رايح لدانة سمعتكو وانتو بتتكلموا انت واختك
سليم: والله مسمهاش سمعتكو بقي اسمها حاجة تانية عيب اوي لما تعمليها وبما انك عارفه اني رايح لدانة فاظن انه ملوش لزوم انك تيجي معايا بقي
داليا: يا بجاحتك وجتلك الشجاعة تقولها قدامي
سليم بنرفزة: احترمي نفسك وانتي بتكلميني وبعدين انا رايح اشوف مراتي واهنيها بنجاحها مش رايح لعشيقتي او اعمل حاجه غلط
داليا: ماهي بردو عشيقتك هيه ايه يعني ولا انت فاكر انها مخلصالك اوي تفتكر قاعده فباريس كل ده يعني لله
سليم رفع ايده وضربها قلم
داليا : انت بتضربني عشان الزبالة دي
سليم:ده عشان تحترمي نفسك وانتي بتتكلمي عن دانة ولو زودتي فالكلام مش هتعرفي انا هاعمل فيكي ايه
واخد شنطته وراح المطار
نزلت داليا تحت وكان عبد الرحمن ورقية قاعدين
داليا: عمي لو سمحت خللي سليم يطلق دانة يا اما يطلقني انا مش هافضل معاه طول ماهيه مراته
عبد الرحمن: اهدي وسلمي الاول وبعدين اعقلي الكلام واوزنيه
داليا: انا عارفة انا باقول ايه يانا يا دانة
عبد الرحمن: والله انتي بنت اخويا ودانة بنتي وانتي مراته التانيه يعني متجوزاه وهيه علي زمته وكنتي راضية ايه اللي اتغير بقي
داليا: لا كان جوازهم صوري الاول لكن دلوقتي مبقاش صوري وسليم رايحلها باريس
عبد الرحمن: اطلعي اوضتك يا داليا دلوقتي واما يرجع نبقي نشوف الموضوع ده
بعد ما طلعت داليا
عبد الرحمن: كده ياسليم دي الامانة يعني
رقية: هما معملوش حاجه غلط دي مراته بردو
عبد الرحمن: مقلتش حاجة بس عالاقل كان يعملها فرح ويعرفنا انهم اتجوزوا بجد مش اعرف من مراته التانيه
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك