رواية ذكريات مراهقة -12
(مرت هاليومين بطلعات و وناسة بس طبعا الحين جا وقت الرجعه لأرض الوطن)
في المطار
النداء الاخير لرحلة ...... المتجهه للمملكة العربية السعودية مدينة الرياض الرجاء من الركاب الاتجاه الى البوابة رقم ....
انا : اوففف يعني كان بيضر لو جلسنا شوي بلبنان ؟
البنات : من جد
عمي فيصل : بلا كلام فاضي ويالله اركبو الطيارة
البنات : اوكي
(الحمدلله وصلنا للرايض من لبنان بسلامه و الكل راح لبيته)
بغرفتي
انا : اخيرا وصلنا
العنود+ريما : من جد
ريما : يلا بنات انا بروح انام تصبحون على خير
انا+العنود : تصبحين على نور
العنود : انا بروح ارتب اغراضي بما ان ما فيني نوم
انا بتردد : لحظة
العنود التفتت لي يعني وش تبين
انا : عادي اكلمك بموضوع
العنود : طبعا عادي
انا : تعالي اجلسي
العنود : اوكي ....... (وجلست جنبي على السرير)
انا : يوم كنا بلبنان جا بدر وقالي انه يحبني و سألني اذا و خطبني بوافق ؟
العنود بعيونها الي تلمع : جد يحبك ؟
انا : ايه جد ....... بس مو هذي المشكله
العنود : وشي المشكلة ؟
انا : ماجد جاني بنفس اليوم وقالي نفس الكلام
العنود بعيون تلمع اكثر من قبل : الله يعني في قصة حب جديدة بتصير
انا : عنود بلا استهبال ...... الحين انا ابي رايك بما انك اختي و تهتمين بمصلحتي ....... بس لو اني دارية انك كذا كان ناقشت مهاوي وغبيت عليك
العنود : لا وش دعوه ........ بس مهى تدري ؟
انا : ايه
العنود : ومين بعد يدري ؟
انا : لمياء ...... بس لمياء تدري عن بدر بس يعني ماجد لا
العنود : اها ........ طيب انتي مين ترتاحين لها كثر ؟
انا : مدري ...... مدري
العنود : انتي استخيري وشوفي وش يصير معاك
انا : اوكي
العنود : و اي شي مساعدة لا يردك الا لسانك ...... نوف صح انا اصغر منك بس ترا انا اختك و ريما نفس الشي
انا ابتسمت : اوكي لا تخافين اعرف
العنود : يلا انا بروح ارتب اغراضي تبين شي ؟
انا : لا روحي
العنود : اوكي ...... (وراحت)
............................................نهاية البارت..........................................
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
البارت (20)
العنود : يلا انا بروح ارتب اغراضي تبين شي ؟
انا : لا روحي
العنود : اوكي ...... (وراحت)
في بيت عمي محمد
غادة بصوت عالي وهي تركض قدام الغرف : رششوووود بلا سخافه رجعها بسرعه
راشد وهو ينحاش من غادة : بأحلامك يا حلوة
وشوي وتطلع بشاير من غرفتها بصراخ وعصبية يسمعونها الجيران : وجع الحين قلت لأبوي يفصلني عن غرفة مهى عشان انام على راحتي تجون انتم تركضون قدام غرفتي ......... يعني ما تحلا المشاكل و النقاشات الحادة الا قدام غرفة واحد نايم
وشوي ويطلع عمي محمد من غرفته بصراخ : بشاير وش ذا الصراخ الحين الناس راجعة من السفر و تعبانة تجين تنكدين عليها
بشاير : بس غادة و......
قاطعها بصراخ : غاده يلا على غرفتك بسرعه الحين الناس الي راجعه من السفر المفروض تنام واذا مافيك النوم تقعدين ترتبين اغراضك ...... يلا بسرعه بشاير و غادة على غرفكم ..... يلا (ودخل لغرفته)
(طبعا بما ان عمي قاطعها ولا خلها تمكل كلامها عشان كذا ما يدري ان راشد له دخل بالسالفة)
وراشد فاطس ضحك عليهم وهم مقهورين بس دخلو غرفهم وسكرو الباب بقوة
راشد راح ودخل على مهى بغرفتها
مهى : اطلع برا وطق الباب قبل ما تدخل
راشد : يوووه عاد دخلت
مهى بعناد : اطلع برا وطق الباب
راشد : اففف .... اوكي ......(وطلع و طق الباب)
مهى : ادخل
راشد دخل الغرفة قعد على الجلسة الي قدام السرير
مهى وهي تدخل ملابسها : وش تبي ؟
راشد : اجلسي واقول لك
مهى : لازم ؟
راشد : ايه
مهى : اوكي ....... (وتركت الي بيدها وراحت جلست جنب اخوها)
مهى : شعندك ؟
راشد : بصراحة بما انك اقرب وحدة من خواتي لي حبيت استشيرك
مهى بأستغراب : بأيش ؟
راشد : بزواجي ....... يعني انا مو متأكد
مهى لقتها فرصة عشان تشيل الفكرة من راسة و بنفس الوقت تصير هذي هديتها لعبير بيوم ميلادها : لا تتزوج
راشد بأستغراب : ليش ؟ ....... انتي سامعه عن البنت كلا مو زين
مهى :" انا اقدر اقول ايه ويشيل الفكرة من راسة بس حرام اظلم البنت " لا بس هي مغرورة
راشد : شلون يعني ؟
مهى : يعني شايفة نفسها علينا وطول الوقت تتكلم عن سفرهم و ملابسها و هي واضح انها تكذب
راشد رافع حاجب : وانتي وش دراك ؟
مهى : هي اول كانت تجي تزورنا مع امها و دايم شايفة نفسها علي انا و البنات
راشد : يعني ما اتزوجها ؟
مهى : ايه
راشد تنهد : يعني غادة و بشاير يقولون نفس الشي ؟
مهى : ايه .......(طبعا لازم تعرفون انها الصراحة و ان مهى ما كذبت لأن البنت شايفة نفسها عليهم)
راشد : بس هي اعجبتني و انا اقدر اغيرها و اشيل التفكير هذا من راسها
مهى : "يليل شكله مطول ذا" وش يثبت لك انك تقدر تغيرها ؟
راشد : نحاول
مهى : راشد هذا زواج مو لعبة افرض انك ما قدرت تغيرها بتبتل طول الوقت متعذب من شخصيتها الغبية ؟
راشد : تدرين شلون انا بخطبها والي يصير يصير
مهى : بس.......
راشد قاطعها : لابس ولا غيره ...... انا خلاص قررت
مهى تنهدت بأستسلام وقالت : براحتك بس انا ما انصحك بصراحة
راشد : انا الي بتزوجها مو انتي ..... وتصبحين على خير بنام
مهى : اوكي ...... تصبح على نور .......(بعدين طلع راشدمن الغرفة)
مهى وهي تكلم نفسها :"افف كان عندي فرصة بس راحت مني ....... بس انا حاولت بكل الطرق وما نفع اففف يا انك عنيد يا راشد)
بجناح خالد ودانة
دانة : هو كان بالشنطة الصغيرة
خالد : لا كان بالكبير
دانة : لا بالصغيرة
خالد : قلت لك بالكبيرة
دانة : بس هو بالصغيرة
خالد : الكبيرررة انا متأكد من هالشي
دانة : الصغيرة كم مره اقولك
خالد : بس هي بالكبيرة
دانة : طيب خلنا نشوف الشنط
(بعدين راحو فتحو الصغيرة والكبير ولا لقوها)
خالد وهو يحك راسه بحيرة : وين الملف اذا هو مو بالكبيرة ولا الصغير ؟
دانة : يمكن بالوسط
بعدين فتحوها ولقو الملف فيها
دانة : شفت يعني ماكان بالكبيرة
خالد : بس ما كان بالصغيرة
دانة : طيب يلا نفتح الملف نشوف النتجية
خالد : الا دانة ليش ما خليتينا نشوفها بلبنان ؟
دانة : اخاف تطلع النتيجة ان فيني عقم وانا ابي اوسع صدري بلبنان قلت اذا رجعنا للرياض احسن
خالد وهو يضحك : الحين انتي وش همك ساعة الصدر و الا اذا في احد مننا عقم
دانة كشرت : هذا جزاي ابي استانس
خالد : فديتك والله ........ بس يا خوفي يطلع فينا عقم ...... ترا احنا لنا سنتين متزوجين ولا حملتي
دانة : خلينا نشوف
خالد : طيب يلا تعالي اجلسي
دانة جلست جنب خالد على الكنب و فتحو الملف وقعدو يقرون التقرير مع بعض و فتحو عيونهم بقوة بعدين دانة بدت تبكي ورمت نفسها بحضن خالد
في بيت عمي نايف في غرفة مشعل
مشعل : فديتك والله ...... والله اني احبك وربي
عمي نايف مر من جنب غرفة مشعل و سمع الكلام وقعد يتسمع
مشعل : وه بس والله اني احبك
بدر بأستغراب : يبه وش تسوي ؟
عمي نايف : اشش ....... قاعد اتسمع على مشعل شكله يغازل
بدر وهو يضحك : يغازل ؟ ........ ومين بيغازل ذا البزر ؟
عمي نايف : مدري بس تعال اسمعه
(بعدين قرب بدر وحط اذنه على باب غرفة مشعل)
مشعل : فديييييتك والله اني اشتقت لك موووت
بدر وهو فاقع ضحك : اقول يبه ........ روح ادبه ..... ما بقي الا بزران و يغازلون
عمي نايف بجدية : وهذا الي بيصير ......(بعدين فتح باب غرفة مشعل وشافه جالس على السرير وبحضنه لوسي(كلبته)
عمي نايف وهو يشوف جوال مشعل على الطاولة : شلون تكلم و الجوال على الطاولة ؟
مشعل بأستغراب : بس انا ما كنت اكلم
عمي نايف : بس انا سمعتك تكلم بنت
مشعل وهو يضحك بعد ما استوعب : انا قاعدة اكلم لوسي و اقولها اني اشتقت لها
هنا بدر ما قدر و على طول انفجر ضحك وقعد على الارض من كثر ما يضحك
عمي نايف : الحمدلله والشكر ........(وطلع)
مشعل : اقول بدر ما ودك تفارق ابي اقعد مع لوسي لحالنا
بدر وهو يوقف : انشالله بتركك على راحتك انت وكلبتك ذي
مشعل : لو سمحت لا تغلط على لوسي
بدر بأستغراب : وش قلت انا ؟
مشعل : قلت كلبتك
بدر وهو يضحك : وهي ايش ؟ ......... موكلب ؟
مشعل : بس لها اسم
بدر بأستهبال : اقول مشعل رح خل امي تقوس حرارتك شكلها مرتفعه
مشعل : من غير مطرود اطلع برا
بدر : من زينك اصلا طالع من غير ما تقول لي .......(وطلع بدون مايسمع رد)
في بيت عمي فيصل
الهنوف قاعدة ترتب اغراضها و عبير و رغد يسولفون
عبير : الا الهنوف انتي تحبين وليد اعترفي
الهنوف قلب وجهها الوان : ايه
عبير : يالنذلة ليش ما قلتي لنا ترا احنا خواتك على فكرة
الهنوف : على بالي وصلك الخبر ترا البنات وعارفتهم ما يسكتون
عبير وهي تضحك : والله انك صادقه
رغد : الا شرايك حلو فستاني الي شريته
عبير+الهنوف : اي واحد ؟
رغد : السماوي
الهنوف : اكثر شي عجبني فيه لونه
عبير : ايه حتى ستايله
رغد : الحمدلله اني شريته اجل
عبير+الهنوف : الحمدلله
في بيتنا
انا اكلم نفسي : اخيرا رتبت اغراضي كلها ....... بروح ارتاح شوي (ورحت انام بس من وين يجيني النوم و انا افكر في بدر و ماجد)
انا :"افف حتى بوقت النوم افكر فيهم ........ بس انا مين بختار ؟ ........ والله شي يحير ........ بس انا بستخير واشوف ......... وبتركها للأيام تبين لي ونشوف وش بيصير"
في بيت عمي محمد بجناح خالد ودانة
جلسو على الكنب وقعدو يقرون التقرير مع بعض و فتحو عيونهم ورمت دانة نفسها على خالد وقعدت تبكي
خالد وهو مصدوم ويهديها : خلاص يا قلبي خلاص
دانة وهي تبكي : والله ما اقدر ........ دموع الفرح
خالد وهو يضحك : يعني انا بصير اب ؟
دانة : و انا بصير ام ؟
خالد : طيب تتوقعين بنت ولا ولد ؟
دانة : انا ابي ولد
خالد : انا ابي بنت
دانة : ولد
خالد : بنت
دانة : ولد
خالد : بنت
دانة : ولد
خالد : بنت
دانة : ولد
خالد : بنت
دانة : افف شرايك نتراهن ونشوف
خالد : اوكي ...... اصلا انتي بالشهر الثاني وهو ما يبين الا بالشهر الرابع
دانة : خلاص طيب ........ بس على ايش نتراهن
خالد : اذا بنت انا بسميها واذا ولد انتي سميه والي بيجي بعده انشالله يسميه الي يفوز
دانة : اوكي ....... موافقة
خالد تنهد : ما اصدق اني بصير اب
دانة : ولا انا
خالد : طيب كيف نقولهم
دانة : بكرة بنجتمع ببيت الجد صح ؟
خالد : ايه
دانة : نقولهم هناك ........ بنفس الوقت بيكون الكل مجتمع
خالد : اوكي
دانة جت بتقوم بس خالد مسكها وقعدها
خالد : وين بتروحين ؟
دانة : بروح اجيب لي شي اشربه
خالد بحنان : لا ولا تفكرين تتحركين انا بجيب لك الي تبينه ....... بس وش تبين
دانة : اوكي شوف فالثلاجة بيبسي عطني اياه
خالد : تستهبلين ولا تستهبلين ؟
دانة بأستغراب : ليش ؟
خالد : حامل وتشربين بيبسي ؟
دانة : ايه
خالد : لا طبعا ........... و اذا انتي بايعة نفسك انا ما ابيع بنتي وزوجتي
دانة : وانت ليش واثق انها بنت قلت لك ولد
خالد : بنت
دانة : ولد
خالد : بنت
دانة : ولد
خالد : بنت وتشوفين
دانة : ولد وروح جيب لي بيبسي
خالد : لا طبعا
دانة : طيب بيرة
خالد : بتجيب لي جلطه هالمره
دانة : يووه عاد خلود يلا عاد
خالد : غيره
دانة : افف طيب ابي عصير برتقال
خالد : طيب دقيقة بنزل اسويلك و اجيك
دانة : اوكي ........ ولا تتعب نفسك
خالد : اوكي ........ (ونزل بعدين بعد 5 دقايق رجع وهو يضحك)
دانة : شفيك وين العصير ؟
خالد وهو يضحك : مافيه برتقال
دانة : افف ......... الحين وش اشرب
خالد : اي شي خير البيرة و البيبسي
دانة قعدت تفكر بعدي ابتسمت وقال : طيب ايس تي
خالد : تستهبليييييين ؟
دانة : طيب خلاص ابي موية
خالد : ايه خلك كذا تسمعين الكلام ...... دقيقة اجيبلك الموية واجي
دانة : اوكي
في اليوم الثاني بعد صلاة المغرب الكل كان ببيت الجد
طبعا بعد الصلا الكل لازم يكون بالمجلس الرئيسي البنات و الشباب و عماني و الامهات مع بعض الى ان يأذن العشا و بعدها الرجاجيل يطلعون يصلون و احنا نطلع و اذا رجع الرجاجيل من الصلاة يقعدون لحالهم
في المجلس خالد كان شاق الأبتسامة الى اذنينه
جدي : شعدنك مبسوط اليوم يا خالد ؟ ....... فرحنا معك
خالد : و الله ياجدي انا كنت ناوي اقولكم بس مو عارف كيف بس بما انك فتحت الموضوع بقوله بدون مقدمات
جدي : شعندك ؟
خالد : والله يا جدي ...... دانة حامل بالشهر الثاني وتونا دارين امس
طبعا الشباب وعماني قامو باركو لخالد و خالتي امل (ام مهى) فرحت فرح مو طبيعي لأنها كان ودها يتزوج ثانية ويكون عنده عيال تفرح فيهم بس هي تحب دانة وما فكرت حتى تفتح الموضوع مع خالد عشانها صح هي عصبية بس كانت تحب دانة كأنها وحدة من بناتها
ام عبير : مبروك يا دانة و مبروك يا خالد
دانة+خالد : الله يبارك فيك خالتي
رغد : وش بتسمونه او بتسمونها ؟
دانة : انا عن نفسي متأكدة انه ولد عشان كذا بسميه محمد على ابوي محمد (ملاحظة : دانة تسمي عمي محمد ابوي وخالتي امل امي من باب الأحترام)
محمد : مشكور يا بنتي بس اذا خاطرك بأسم ثاني ترا عادي لا تشيلين همي وسمي الي تبين
دانة : لا يبه ....... اصلا اسم محمد حلو وما يعيبه شي
خالد : لحظة لحظة لحظة ...... الحين مين قال انه ولد ...... انا متأكد انها بنت
دانة : ولد
خالد : بنت
دانة : ولد
خالد : بنت
دانة : ولد
خالد : بنت
دانة : ولد
عمي محمد : خلاص عيب عليكم الي يجي من الله حياه الله
دانة+خالد : من جد
غادة بثقه : طيب لو بنت اكيد بتسمونها غادة صح ؟
دانة : لا بنسميها امل على امي
ام مهى : حلفت عليك ما تسمينها بأسمي
دانة : ليش ؟
ام مهى : حلفتك ما تسمينها امل وبس
دانة ابتسمت لأنها ما كانت تبي تسمي بنتها امل بس هي تقول ان خالتي امل تستاهل اسميها عليها فهي فرحت ان خالتي ام مهى حلفت عليها بس ما حبت تبين هالشي
دانة : طيب ....... امم شكلي بسميها فجر عشان ادلعها فجورة
خالد : ايه فجر حلو
انا : لااا لاتسمينها فجر
دانة بأستغراب : ليش ؟
انا بأندفاع : هذا اسم صديقتي الي كانت معي من الأبتدائي و ابي اسمي بنتي الثانية عليها و بنتي الاولى مهى
انا بالبداية كنت عادي بعدين استوعبت وش قلت و استحيت وحمر وجهي ونزلت راسي للأرض
وطبعا بدر وماجد سمعو كلامي و ابتسمو بنفس الوقت
مهى تبي تصرف الموضوع : فديت الي بيسمون علي ...... ترا حتى انا بسمي عليك
عبير : و انا بسمي بنتي خلود على احلا ام بالدنيا كلها
العنود : انا بعد بسمي بنتي نوره على امي
غادة : انا بسمي بنتي ليان على صديقتي
بشاير : مالت عليك انتي واختك ولا وحدة بتسمي على امي ........ انا عن نفسي اشوف ان مافيه اسم احلا من اسم امل و بسميه بنتي
لمياء : انا بسمي بنتي منار و الثانية انشالله بيكون اسمها لولوه
الهنوف : انا بسمي بنتي شيخة عشان اسميها شيخة البنات واخلي بناتكم يغارون منها
رغد بدلع : وانا بسمي بنتي حنان عشان تصير حنونة
عمي نايف بأستهبال : مشالله خلاص يعني خططتو انكم جبتو بنات ما ينقص الا انكم تخطبون لكم بدالم ما تنخطبون
البنات تقلبت وجيههم
ريما : انا عن نفسي بكون عانس
امي : استغفري ربك .......وش هالكلام يا ريما
عمي محمد : الا يا ام خالد متى بتروحون تشوفون البنت ؟
خالتي ام مهى : كلمتهم و انشالله بعد بكره بروح نشوف البنت انا ودانة و بشاير و مهى و غادة
غادة : انا عن نفسي ماراح اروح معكم
خالتي ام مهى بأستغراب : ليش ؟
غادة بكل جرأة : لأني مو موافقة ياخذ ذا المغرورة الي شايفة نفسها علينا ومدري على ايش
بشاير : ترا حتى انا
مهى : وانا بعد
خالتي ام مهى : اكيد انهبلتو في احد ما يروح يشوف زوجة اخوه
غادة : انا ماراح اروح وقلت الي عندي
مهى+بشاير : واحنى بعد
خالتي : اقول شب ولا كلمة ....... بتروحون كلكم فاهمين ؟
غادة : انا عن نفسي ماراح اروح
خالتي ناظرت بدانة وقالت : لايكون انتي بعد ماراح تروحين معي بعد ؟
دانة استحت تقول لا عند خالتها ونزلت راسها في الارض وقالت : بشوف اذا كنت مو تعبانة رحت
خالتي : انتي معذورة عشانك حامل بس البنات لا ....... وكلهم بيروحون
عمي محمد : خلاص نقاشكم هذا خلوه في البيت
(طبعا انتم بتستغربون التغير الكبير بما انها اول كانت تبي عبير هي الي تتزوج راشد بس لا تنسون انها تبي مصلحة عيالها حتى على سعادة غيرها و بما ان ولدها يبي هذي البنت فطبيعي تنسى عبير)
مر الوقت و رجعنا مع الهنوف ورغد وعبير الي اشتغلت بكي من اول ما رحنا لبيتهم
العنود : ترا يمكن ما توافق يعني لا تبكين
عبير وهي تبكي : انتم تعرفون ان راشد رجال ما يعيبه شي كامل والكامل الله قلولي شلون بترفضه
مهى : يمكن تحب واحد ....... او يمكن تكون مخطوبة وانتم ما تدرون
عبير : بس خالتي تقول انهم حددو موعد يعني مو مخطوبة ويمكن ما تحب
رغد الي تبكي على اختها : خلاص عبير الله كتب هالشي ويمكن فيه خيرة لك
عبير وهي تبكي : بس احبه والله احبه
انا : هذا قضاء وقدر ولازم تتقبلينه ....... بعدين ما تدرين يمكن الله يرزقك بواحد احسن منه
عبير : بس مستحيل احبه و انا احب راشد
بشاير : الله فوقك يا عبير ورحمته مستحيل يكون لها حدود وصدقيني الله بيشيل راشد من قلبك رحمة لك
عبير تبكي : تهقين ؟
بشاير ابتسمت وقالت : يعني تشكين بقدرة الله سبحانه ؟
عبير وهي تمسح دموعها : لا طبعا ....... ونعم بالله
غادة : انا ما راح اروح اشوفها
عبير : غادة ....... انتي روحي شوفيها ولا تخافين انا ماراح ازعل
غادة : بس
عبير قاطعتها : هذي امك ولا تعصينها عشاني ....... اصلا انا مستحيل ارضى بهذا الشي وبزعل اذا ما رحتي تشوفينها
غادة تنهدت وقالت : اوكي
............................................نهاية البارت..........................................
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت (21)
طبعا باليوم الثاني صحينا من النوم
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك