رواية ذكريات مراهقة -13
البارت (21)
طبعا باليوم الثاني صحينا من النوم
ونزلنا تحت عشان نفطر وكلنا تحجبنا لأن ماجد كان موجود الا عبير و رغد و الهنوف عشانه اخوهم ما تحجبو
البنات : صباح الخير
عمي+خالتي : صباح النور
ماجد وهو يناظرني : صباح النور و الورد تو ما نور البيت بنات عمي موجودات ؟
خالتي : يلا يا بنات تعالو افطرو ولا تستحون ترا ماجد مثل اخوكم
ماجد وهو يناظرني : لا يمه الله يهديك وش مثل اخوهم ........ يمكن وحدة منهم تكون زوجتي
خالتي : هذي الساعة المباركة مافيه اسنع وارز من بنات عمك
عمي : انت بس اختار لك وحدة وانا بكلم ابوها
البنات تقلبت وجيههم الا مهى والعنود لأنهم عارفين انه يقصدني
العنود بأستهزاء : وليش واثق ان وحدة فينا بتوافق ........ من زود الجمال على غفلة <<<<<<طبعا العنود كانت تقول كذا عشان تمهد للي بيصير يعني لو وافقت على بدر وتركت ماجد ما ينصدم من هالشي مع ان هالقرار كان صعب بالنسبة لي وصعب اني اختار بينهم
ماجد : بصراحة صدمتيني ........ بس تطمني منيب ماخذك انتي
مهى : الحمدلله انا ونوف قررنا اننا بناخذ اخوان عشان نكون مع بعض <<<<<<<طبعا هي كانت قاصدة عشان ما تعطي ماجد الثقة اني بوافق عليه و قالت كذا عشان هو ماعنده اخوان
ماجد تقلب وجهه بس يصرف : تعالو افطرو شفيكم واقفين
البنات : اوكي
طبعا جلسنا على طاولة الاكل بس للأسف كان الكرسي حقي قدام كرسي ماجد وكان يناظرني ويبتسم طول الوقت وانا ما عرفت اكل بسببه
انا وقفت : الحمدلله ...... سفرة دايمة انشالله
خالتي : ما كليتي شي ياعمري
العنود عارفة السبب لأنها كانت جنبي : لا يا خالتي نوف من الاساس ما تاكل كثير
خالتي : براحتك دامك دايم ما تاكلين
مهى ووقفت : الحمدلله ........ سفرة دايمة انشالله
خالتي : لا تقولين انتي بعد ما تاكلين كثير ؟
مهى ابتسمت : لا ....... بس يا خالتي تعرفين انا ونوف كأننا توأم يعني اذا هي ما تاكل انا ما اكل
خالتي : ولو ان كلامك مو عاجبني بس براحتك
مهى جت وجلست جنبي على الكنب الي بالصالة بعد ما غسلت يدها
مهى : افف ذا الماجد مدري على ايش واثق انك موافقة ...... والمشكلة قزك قز ما خلاك تاكلين ..... الا غريبة العنود صرفت لك الموضوع شعندها ؟
انا : قلت لها عن ماجد وبدر
مهى : اها ........ بس انشالله ما استهبلت و قعدت تخربط عن الحب و انتي عارفة خرابيطها
انا : بالبداية بدت تخربط بس سكتها وتعدلت
مهى : زين ........ الا ما فكرتي مين بتختارين ؟
انا : لا ....... انا محتارة يعني كلهم يحبوني وكلهم رجاجيل و كلهم ما قد فكرت بيوم اني اكون زوجة واحد منهم
مهى تنهدت بعدين قالت : فكري زين ترا هذا الموضوع بيحدد كيف بتعيشين باقي حياتك و استخيري
انا : استخرت ...... بس مدري ما احس صار شي انا مرتاحه لهم كلهم بس بشوف الايام وش بتبين لي
مهى : نصبر ونشوف
انا : انشالله ......... بكرة بتروحون تشوفون البنت صح ؟
مهى من دون نفس : ايه ....... بس تكفين نوف سكري على الموضوع
انا : انشالله ........ ما اتخيل شكل عبير اذا وافقت البنت على راشد
مهى والعبرة خانقتها : نوف لو سمحتي خلااااص
انا : اوكي
(طبعا بعد ماخلصو البنات فطور وجلسنا كلنا مع خالتي و ماجد اما عمي راح للشركة)
خالتي : ماجد اليوم ماراح تروح للشركة
ماجد : لا يمه ........ اليوم مبسوووووط ولا ابي اخرب مزاجي بالشغل
خالتي : براحتك يا وليدي
ماجد : الا كيفكم يا بنات ؟
البنات : بخير الحمدلله
ماجد : الحمدلله انكم بخير
لمياء لرغد بهمس : مو كأنه يلمح انه يحب وحدة فينا ؟
رغد : الا ...... اخوي و اعرفه
لمياء : بس مين ؟
غادة : شكلها نوف لأن من اول ما نزلنا وعيونه عليها
لمياء الي حست بموية باردة انكبت على وجهها : هاه ؟
غادة : مثل ما قلت لك شكله يحب نوف
لمياء : "لالالالا مستحيل طيب وش ذنب بدر ؟......... انا لازم اقوله عن هالشي ........ بس اخاف تصير في مشكلة بينهم و اكون انا السبب ....... بس لازم اقوله ........ خلاص بقوله " وانتي وش دراك ؟
رغد : ما تشوفين نظارته لها واضح من النظرات اصلا
ماجد : اقول يمه
خالتي : هلا
ماجد : ماودك تفرحين بي ؟
انا هنا جتني جلطة
خالتي : الا والله يا ولدي
ماجد وهو يناظرني : قريب انشالله
خالتي : انشااااالله
انا للعنود ومهى : واثق اني ابيه ......... تدرون شلون شكلي برفضه بس عشان اقهره
العنود : لا نوف لا تسوين شي تندمين عليه ...... بعدين هذا من حبه لك ....... و انتي فكري زين مو من موقف تفكرين تتركينه خلاص
انا : اوكي
مهى : افف متى ينوي يوخر عيونه عنك ترا والله درينا انه يحبك
انا : مهى ترا اذا ما شال عيونه برقا فوق
مهى : اوكي ....... اقول ماجد
ماجد : هلا
مهى : ما كأنك حفظتنا ؟
خالتي : هااااو ماجد عيب عليك تقزز بنات عمك
ماجد : والله يمه ما انلام بصراحه
انا قمت من مكاني بعصبية
ماجد وهو يضحك على شكلي : وين ؟
انا بعصبية بس بصوت واطي : ما نمت زين بروح انام
ماجد : تصبحين على خير وورد ونور و كل شي حلو
انا طنشته ورقيت
وبعدها لحقوني مهى والعنود
انا من دون نفس : ترا بصفقه اذا ما سكت ....... يحبني اوكي بس مو يبالغ لهالدرجة
العنود : اصبري وشوفي وش تبين لك الايام وبعدين اختاري بينهم
مهى : بعدين ترا انتي مو مجبورة توافقين على اي واحد فيهم ....... بس يعني عشانهم رجاجيل وما يتفوتون
انا : مو هذا الي ذابحني انهم ما يتفوتون ورجاجيل و كل واحد احسن من الثاني بس يعني تعرفون
مهى+العنود تنهدو بعدين قالو : فكري براحة ولا تستعجلين
انا : اوكي ....... و تصبحون على خير انا بنام لأني لو قمت بقابل الوجه الجميل
العنود : هههههه تصبحين على نور
مهى : اذا بغيتي تنزلين بس مو متأكدة اذا كان ماجد تحت او لا دقي علي ........ و تصبحين على نور
انا : هههههه ........ شكرا
انا حطيت راسي على المخدة بس طبعا ماجاني نوم وقعدت افكر بكلامهم
انا :"بدر مايتفوت ونفس الشي ماجد بس انا كيف اعرف مين الاحسن ؟ ........ لقيتها ...... رائد وفهد اكيد يعرفونهم اكثر مني بما انهم 24 ساعة مع بعض .......... بس شلون اسألهم لأن بصراحة احسها صعبة اقولهم عن الي صار
اااااااه ودي بس اعرف مين اكثر شخص يناسبني منهم"
(طبعا النوم كان اقوى مني فطبيعي يغلبني ونمت وما قمت الا على صوت صراخ البنات وخالتي و ازعاج الجيران وصوت المطافي)
انا بصوت كله نوم : اففف وش ذا الصراخ وش صاير ؟ ....... كح كح كح <<<<<<<لاحظو اني اكح من الكتمه
انا : كح كح كح ....... وش ذا الدخان ؟ ....... كح كح
تحت برا البيت
كانو عماني وعيالهم مجتمعين وطبعا نص الجيران
والبنات وخالتي تحت يبون يقولون لهم شي بس محد يسمعهم
ماجد لرغد الي كانت تبكي : مو كأنكم ناقصين ؟
رغد وهي تبكي : الا ....... لنا ساعة نبي نقولكم
ماجد : شصاير ؟.......بسرعة قولي
رغد : نووووف يا ماجد ........ نوف جوا البيت نايمة ......(بعدين انفجرت بكي)
ماجد كأن احد كب عليه موية باردة : نوف ؟ ......... يعني نوف جوا البيت
" طبعا بدر سمع اخر جملة الي هي " يعني نوف جوا البيت
بدر راح للمياء يتأكد مو مصدق ان نوف جوا البيت
بدر : لمياء ...... لمياء ....... نوف صدق جوا البيت ؟
لمياء وهي تبكي ومتعلقة ببدر : ايه ..... ايه ...... بدر الله يخليك لا تخليها تموت
بدر ترك لمياء وراح بسرعة على جوا البيت بس واحد من الي يشتغلون بالمطافي رفض يدخله
الرجال : اخوي البيت كله محترق واذا دخلت بتحترق وتموت و اذا ما احترقت بتنكتم من الدخان وين داخل ؟
بدر بعصبية : خلوني ادخل ....... في انسانة جوا البيت ليش ما تفهمون ؟
الرجال : احنا بنطلعها يا اخوي بس يمكن مو حية
بدر : يعني شلون ؟
الرجال : يمكن تكون جثة
بدر بهستيرية : انت تستهبل ؟ ....... مستحيل تموت ....... انت تدري لو ماتت انا يمكن اموت (و وخر الرجال بقوة ودخل البيت)
بدر كان يركض بسرعة بالبيت ويدور بكل الغرف واخيرا وصل لغرفة عبير "الي كانت فيها نوف"
طبعا بدر شافني طايحة على الارض وعلى طول شالني وقعد يهزني ويقول : نوف ...... نوف ...... نوف اصحي نوف
انا بصوت واطي وتعب : ب...بدر.....اا....انا...ما....اق....اقدر....ات...ن فس ........(ما اقدر اتنفس)
بدر وهو يوقف وهو شايلني : لا تخافين بطلعك من هنا بس انتي خلك صاحية
انا دخت ولا قدرت ارد عليه
بدر شالني وقدر يطلعني من البيت وعلى طول دخلوني سيارة الاسعاف الي طلبها ماجد بدون ما يدري ان بدر دخل جوا
الي كانو بالسيارة رائد وفهد وبدر وماجد الي كان راكب قدام مع السواق
في السيارة كانو يحطون لي الاكسجين ويقوسون ضغطي
رائد : بدر يدك محروقة
بدر وهو يناظر الحرق : بعدين نعالجه ...... اهم شي الحين نوف
فهد : بصراحة ما اعرف كيف اشكرك ما ادري كيف بنقدر نعيش لو ان نوف ماتت
بدر ابتسم بحزن : لا عادي هذا واجب
طبعا قطع عليهم كلامهم صوت الي كان يقوس لي الضغط وهو يكلم : ايه ايه جهزو لها غرفة بالعناية
رائد بخوف : ليش العناية ؟ ...... اختي شفيها ؟
المسعف : حالتها صعبة لأنها طولت وهي جوا الحريق لازم تدخل العناية على الاقل بس هذي الاربعة والعشرين ساعة
خلونا نروح في بيت الجدة عند امي+ام مهى+ام لمياء+الجدة كانو قاعدين يتقهوون (طبعا ام الهنوف ما كانت معهم)
الجدة : وش ذا الازعاج الي برا ؟
ام لمياء : انا سمعت صوت الاسعاف و المطافي الله يستر بس
امي : الا ما كأن ام الهنوف تأخرت الله يهديها ؟
ام مهى : الغايب عذره معه
الجده : تينا ...... تينا (الشغالة)
تينا : يس مدام
الجده : روحي شوفي شسالفة الناس و الاسعاف والمطافي من الحارس
تينا : اوكي مدام .......(نزلت تحت وسألت الحارس وبعد عشر دقايق جتنا ركذ وهي خايفة)
الجده : تينا شفيك ؟ ....... شصاير ؟
تينا : مدام هزا ابد المجيد (الحارس) قول بيت مستر فيصل في نار
الجده وقفت : شلون يعني ؟ ....... البيت يحترق ؟ .......(مسكت راسها) ........ يويلي على ولدي
تينا : وهزا مدام نوف في روه مستشفى سوا سوا مستر فهد ومستر رائد ومستر بدر ومستر ماجد
امي بصراخ وخوف : بنتي ..... بنتي شفيها بنتي ؟
الجده بخوف وعدم تصديق وهي تلبس عبايتها : يالله يا بنات امشو نتأكد من عبد المجيد ولا هذي اكيد ما فهمت
امهاتنا لبسو عباياتهم بسرعه ونزلو تحت
الجده وهي واقفة بنص الحوش : عبدالمجيد ....... عبدالمجيد
عبدالمجيد وهو يطلع من الغرفة : نعم يا عمه
الجده بخوف : شصاير برا ؟ ....... شسالفة هالأزعاج ؟
عبدالمجيد بحزن : هذا يا عمه بيت العم فيصل يحترق و العمه نوف نقلوها بالاسعاف ومعها العم بدر والعم رائد والعم فهد و العم ماجد
امي وهي تبكي : ياحسرتي على بنتي ...... راحت بنتي راحت بنتي
ام مهى تحاول تهديها : انشالله بتطلع من المستشفى بخير لا تخافين
ام لمياء بخوف : عبدالمجيد ....... الله يعافيك روح تأكد وتعال عطنا خبر
عبدالمجيد : انشالله يا عمه .........(وطلع)
بعد عشر دقايق رجع
ام لمياء : هاه ..... بشر ؟
عبدالمجيد : ابشرك يا عمه الحريقة طفوها
امي وهي تبكي : مافي اخبار عن نوف ؟
عبدالمجيد : لا والله يا عمه
امي زاد بكيها وام مهى تهديها
طبعا على طول اماهتنا وعماني والجد الجده وعيال عماني و البنات كلهم كانو بالمستشفى عندي
مهى والعنود وريما منهارين ورغد ولمياء يبكون عادي وبشاير و الهنوف وعبير ودانة وغادة يبكون بصمت
(بس الي لازم تعرفونه ان غادة بعد ما دخلت العناية اتحسفت وقررت انها تقول لفارس انها بتتركه وارسلت له مسج وقفلت جوالها)
عند الشباب
كان بدر متوتر هو وماجد بقوة
ماجد :"بدر ليش ضحى بحياته عشانها ؟ ........ معقولة يحبها ؟ ...... انا بسأله وبشوف" بدر
بدر : هلا
ماجد : انت ليش انقذت نوف وضحيت بحياتك عشانها ؟
بدر من دون نفس : بنت عمي طبيعي اسوي كذا
ماجد : لا مو طبيعي ....... انك تضحي بحياتك عشان بنت عمك هذا مو طبيعي ابدا ..... الا اذا كنت تحبها
بدر : ايه احبها ..... ارتحت ؟ ........ وفوق هذا كله انا قلت لها بلبنان اني احبها و سألتها اذا خطبتها بتوافق ؟
ماجد : كل هذا عشان تقهرني
بدر : مو عشان اقهرك ........ انا قلت لها قبل ما اعرف انك تحبها
ماجد : عموما انا سويت نفس الشي وقلت لها وسألتها اذا خطبتها بتوافق او لا
بدر : نشوف مين بتختار بالمهاية
ماجد بثقة : اكيد انا ...... بعدين انا مستحيل اخلي نوف تروح مني مستحيل
بدر بأستهزاء : يعني شلون ؟ ........ بتاخذها غصب ؟
ماجد : انا احبها والله احبها ومستعد اسوي كذا و اكثر عشانها
بدر بعصبية : بس انا ماراح اخليك ....... اذا وافقت عليك بأرادتها هي حرة ....... بس انك تاخذها غصب انا اسف مستحيل اخليك
ماجد بغرور : ما يحتاج اخذها بالغصب ....... لأنها بتوافق علي
بدر : نشوف يا ماجد ....... نشوف
(مرت 24 ساعة و طلعوني من العناية)
في الغرفة كانت عندي امي وخواتي و البنات وامهاتهم
امي وهي ماسكة يدي : انشالله احسن يا بنيتي ؟
انا بصوت كله تعب : ايه ...... احسن
مهى : والله خفت تروحين مني بعدين ما اعرف شسوي من دونك
انا ابتسمت بتعب : لبى قلبك والله
العنود ابتسمت : ما اتخيل حياتي بدون ما تدخلين علي بالغرفة وتاخذين اغراضي من غير استأذان
ريما ابتسمت : وانا ما اتخيل حياتي بدون ما اجي لغرفتك و اقعد اغني وتدخلين جو معي ونغني مع بعض
انا : فديتكم يا احلا خوات بالدنيا
ام مهى : يلا انا بروح الحين ......... يلا يا بنات
مهى+غادة+بشاير : لا احنى بنسهر عندها
ام مهى : براحتكم
ام لمياء : لحظه امل وصليني على طريقك
ام مهى : انشالله
لمياء بدلع : ماما انا بعد بقعد مع نوف
ام لمياء : سوي الي تبينه حبيبتي
ام الهنوف : يلا انا بعد بطلع ...... وانتم يا بنات بتجون معي ولا تقعدون عند نوف
بنات عمي فيصل : لا بنقعد
ام الهنوف : بكيفكم بس قولو لأبوكم
الهنوف : قلت له وقال عادي
ام الهنوف : يلا اجل مع السلامة
وطلعو وما بقي الا انا وامي و البنات
وشوي ويطق احد باب الغرفة
امي بعد ما تغطت وتلثمو البنات : تفضل
(وانا غطيت شعري بالطرحة)
وشوي ودخلو عماني والشباب و البنات فكو لثمتهم
عمي نايف : شلونك يا بنيتي ؟
انا بتعب : بخير يا عمي
عمي محمد : انشالله احسن ؟
انا : ايه احسن
عمي فيصل : ولا يهمك يا بنيتي الشرطة بتلقى الي سبب الحريق وبتاخ حقك منه
انا بأستغراب : كيف يعني ؟ ........ ما فهمت
عمي فيصل : الحريق ما كان حادثة الحريق احد تسبب فيه ........ الشرطة لقت علب بنزين ورا البيت و ولاعه مرمية
ابوي : بس لا تخافين احنى مستحيل نسكت عن هالشي
انا بصدمة : يعني الي سوا الحريق ببيت عمي فيصل يبيني اموت ؟
ابوي ابتسم : لا طبعا ....... انتي وش دخلك ؟ ....... هو اكيد حب ينتقم من فيصل بشي بس ما ندري وشو
فيصل : بس الغريب اني ما عندي عداوات مع ناس ابدا
عمي محمد : عموما احنا طالعين تامرين على شي ؟
انا : سلامتكم
الشباب : الحمدلله على سلامتك
انا : الله يسلمكم
فهد جلس على السرير وحب يدي وقال : الحمدلله على سلامتك يا احلا اخت
انا ابتسمت : الله يسلمك
ماجد :"ااااه ليتني مكانك يا فهد و اقدر احب يدها" انشالله مافيه شي يتعبك ؟
انا : لا ...... الحمدلله
ماجد : ااااااه بس ....... الحمدلله انك بخير
انا استغربت من جرأة ماجد الي قدام الكل ....... كأنه حاب يتحداني فأنا حبيت اثبت له اني يمكن ما اوافق عليه وقلت :
انا : بدر
بدر : هلا
انا : شكرا
بدر بأستغراب : على ايش ؟
انا : على تضحيتك عشاني لو ما دخلت وطلعتني من البيت كان انا الحين بقبري
بدر ابتسم : لا عادي هذا واجب ....... بعدين لا تقولين كذا انا ما اتخيل كيف بنعيش بدونك
انا :"افف حتى هذا جرئ ........ بعدين لا يكون اخواني اختفو ....... المفروض يسكتونهم"
رائد : يلا يا شباب
الشباب : يلا ...... مع السلامة نوف مع السلامة يا بنات
البنات : مع السلامة
طبعا طلعو الشباب و امي رجعت للبيت بعد ما قلت لها ان البنات بيقعدون عندي
الهنوف بأستهبال : اقول بنات شرايكم بكره نحرق بيت عمي عبدالعزيز عشان ما تروح خالتي امل تخطب لراشد
انا بأستغراب : ليش ؟ ........ الحريق شدخله
غادة بفرح : امي اعتذرت لهم وقالت انها ما تقدر تجي بسبب ان بنت اخو زوجي بالمستشفى
انا : اها ........ افف طفش مافي شي نسويه
عبير : انا ميته من الجوع
ريما : امشو نطلب لنا شي من اي مطعم
مهى بأستخفاف : وش المطعم الي بيوصل لنا بهذي الساعة ؟
رغد بميوعه : شوفولكم حل انا بموت من الجوع
العنود : قولو للسواق يجيب لنا شي ناكله
لمياء بدلع : لا حرام السواق نايم ....... بعدين هو بالبيت الحين
انا : ارسلو واحد من سواويق جدي دايم يسهرون
بشاير : طيب انا بدق عندي رقم واحد منهم
البنات : اوكي
بشاير : من اي مطعم تبغون ؟
ريما+انا+رغد+عبير+غادة : ماك
مهى+الهنوف+العنود+لمياء : هارديز
عبير : تكفون عاد خلونا نطلب من ماك
مهى+الهنوف+العنود+لمياء : اوكي خلاص ماك
بشاير : خلاص اكتبو طلباتكم بورقه عشان اقولها مرتبه وما يلخبط فيها
العنود : انا معي ورقة وقلم
لمياء : انا ابي ماك شيكن
انا : انا بعد
العنود : انا بعد ....... في احد ثاني يبي ماك شيكن ؟
مهى+بشاير+عبير+غادة : انا
العنود : 7 ماك شيكن ......... و الباقين وش تبون ؟
رغد+الهنوف+لمياء : قراند شيكن
العنود : 3 قراند شيكن ....... في احد يبي شي ثاني ؟
البنات : لا
العنود : اوكي ........ خلاص بشاير دقي عليه
بشاير : اوكي
(طبعا السواق جاب الاكل وقعدنا ناكل)
انا : بقي شهرين ويخلص الصيف و احنى يمكن ما نسافر
مهى : افف بنمل اكيد
غادة : انا شكلي بسجل بدورة صيفية
انا : لا لاتسجلين ....... لأننا بنخطط معهم اننا نسافر للشرقية و انشالله يوافقون
البنات : انشالله
لمياء : بنات طفش شنسوي ؟
مهى : شرايكم نلعب لعبة الامر و الحكم ؟
البنات : اوكي
طبعا البنات تجمعو حواليني و انا على السرير و رغد خلت الكمرة تشتغل عشان تصورنا و احنا نلعب
طلع على رغد تسأل بشاير
رغد : سؤال ولا امر ؟
بشاير : سؤال
رغد : امممم ....... ليش تحبين النوم ؟
بشاير : احس فيه براحة نفسية
ريما : الحمدلله والشكر .......... شلون تحسين براحة نفسية وانتي تكونين نايمه ؟
باشير : انتي اسكتي مالك دخل
طلع على لمياء تسألني
لمياء : سؤال او امر ؟
انا : سؤال
لمياء : بتوافقين ؟
انا تقلب وجهي
عبير بأستغراب : توافق على ايش ؟
العنود : موضوع ما يخصك
انا : مدري والله مدري
لمياء : نوف تاكدي ان هذا اختيارك و اختيارك ماراح يأثر بعلاقتنا
بشاير : شسالفتكم تتكلمون بالالغاز ؟
العنود : قلت الموضوع ما يخصكم خلاص
انا : اعرف ....... بس محتارة
لمياء : فكري براحتك
انا : اوكي
الحين طلع على مهى تسأل ريما
مهى : سؤال ولا ....
ريما قاطعتها وقالت : امر
مهى : بسم الله الرحمن الرحيم ....... طيب على الاقل خليني اكمل الجملة
ريما : ما عندنا وقت ...... بعدين بسرعه قلت امر
مهى : امممم ........ روحي جيبي لي من وحدة من الممرضات بندول لأن راسي صدع
ريما : اوكي ....... لا تلعبون الا اذا جيت
البنات : اوكي
............................................نهاية البارت..........................................
ابي اشوف توقعاتكم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت (22)
مهى : امممم ........ روحي جيبي لي من وحدة من الممرضات بندول لأن راسي صدع
ريما : اوكي ....... بس لا تلعبون الا اذا جيت
البنات : اوكي
جت ريما وعطت مهى البندول و كملنا لعبنا وطلع على عبير تسأل العنود
عبير : سؤال ولا امر ؟
العنود : سؤال
عبير : تحبين ؟
العنود : للأسف لا
انا وانا رافعة حاجب : للأسف ؟
العنود وهي مبتسمه بعبط : ايه
انا ابتسمت على هبال اختي : اقول كملو اللعبة
بعدين لفينا قارورة الموية وطلع على لمياء تسأل الهنوف
لمياء : سؤال ولا امر
الهنوف : امر
لمياء : روحي افتحي باب الغرفة الي قدامنا و ارقصي عندهم وتعالي
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك