رواية ذكريات مراهقة -14
البارت (22)
مهى : امممم ........ روحي جيبي لي من وحدة من الممرضات بندول لأن راسي صدع
ريما : اوكي ....... بس لا تلعبون الا اذا جيت
البنات : اوكي
جت ريما وعطت مهى البندول و كملنا لعبنا وطلع على عبير تسأل العنود
عبير : سؤال ولا امر ؟
العنود : سؤال
عبير : تحبين ؟
العنود : للأسف لا
انا وانا رافعة حاجب : للأسف ؟
العنود وهي مبتسمه بعبط : ايه
انا ابتسمت على هبال اختي : اقول كملو اللعبة
بعدين لفينا قارورة الموية وطلع على لمياء تسأل الهنوف
لمياء : سؤال ولا امر
الهنوف : امر
لمياء : روحي افتحي باب الغرفة الي قدامنا و ارقصي عندهم وتعالي
الهنوف : تستهبلين ؟
لمياء بدلع : لا
الهنوف : طيب يمكن نايمين
لمياء : مالي دخل انتي اخترتي الامر
الهنوف : اوكي بس تحملي الي بيصير
لمياء بدلع : اوكي ..... بس روحي انتي الحين
(بعدين راحت الهنوف و دخلت الغرفة الي قدامنا بدون ما تطق الباب و قعدت ترقص و طلعت من الغرفة بس الحمدلله ان الي فيها كانت عجوز وكانت نايمه ولا شافتها)
في الغرفة
انا و البنات فقعنا ضحك على الهنوف الي هي نفسها فقعت ضحك معنا وكل هذا ورغد كانت تصورنا
مر اليوم عادي بس طلعوني من المستشفى وطبعا عمي فيصل وعياله وزوجته راحو وسكنو في بيت الجد لين يصلحون بيتهم و ام مهى ومهى وغادة وبشاير و دانة راحو يخطبون البنت لراشد و اهلها قالو بنرد لكم خبر بعد اسبوع
في بيت عمي نايف كنا مجتمعين في غرفة لمياء
غادة : لموي روحي جيبي فلم نشوفه
لمياء : افلامي كلها خذاها مشعل
انا بأستغراب : مشعل يشوف افلام رومانسية ؟
لمياء : ايه
البنات : هههههههههههههههههههههههههههههههههههههههههههههههههه ههههههههههههههه
انا وانا امسح دموعي من الضحك : لالالا اكيد تمزحين
لمياء : لاوالله صدق حتى هذيك المرة هو الي جاب لي فلم
البنات : هههههههههههههههههههههههههههههههههههههههههههههههههه ههههههههههههههههههههههههههههه
مهى وهي طايحة على الارض من الضحك : خلاص لمياء خلاص ترا بموت من الضحك
لمياء ابتسمت على اشكالنا و رغد كانت تصورنا وتضحك
لمياء : بنات بروح اشوف اذا مشعل عنده فلمي الجديد بجيبه
البنات : هههههههههههههههههههههههههههههههههههههههههههههههههه هههههههههههههههههههههههههههههه
طبعا اصوات ضحكنا موصلة اخر البيت و بدر مر من جنب غرفة لمياء وسمع اصواتنا و احنا نضحك وابتسم
وطق الباب
لمياء : مين ؟
بدر : انا ......... بسلم على البنات
لمياء : طيب دقيقة .......... بنات تحجبو بدر عند الباب بيدخل
تحجبنا ودخل بدر
بدر : كيفكم بنات ؟
البنات : بخير الحمدلله انت كيفك ؟
بدر : تمام الحمدلله .....(بعدين ناظرني)..... كيفك نوف ؟
انا وانا منزلة راسي : بخير الحمدلله
بدر ابتسم : يلا انا بطلع الحين تبون شي ؟
البنات : لا ....... سلامتك
طلع بدر وسكر الباب
العنود بهمس : نصيحتي انك تتركين ماجد وتاخذين بدر على الاقل محترم
انا : مدري ....... بس بصراحة حتى ماجد محترم بس يمكن لأنه يحبني صار جرئ ويبي يثبت لي حبه
العنود : يمكن ....... ليش لا ؟
(مر الاسبوع مثل اي اسبوع استهبالات ومزح وسهر وكل يوم كنا نروح بيت واحد من عماني او بيت جدي او بيتنا)
في بيت عمي محمد كنا مجتمعين بالصالة الي فوق وشوي ويرن التليفون وترد ام مهى
ام مهى : الو ....... اهلين ........... وعليكم السلام ......... الحمدلله ......... انتم كيفكم ......... دوم انشالله ........ صدق ؟ .......... الحمدلله ......... الله يبشرك بالخير .......... والله فرحتيني ........ انشالله ........ بنرد لكم بعدين ........... يلا مع السلامه
(سكرت السماعه و التفتت علينا وهي مبتسمه)
غادة : وش سر هالابتسامه ؟ ........ لا تقولين وحدة من العوانس انخطبت ؟
خالتي ام مهى : غادوه ...... عيب عليك ......... بعدين هذولا اهل العروس ووافقو على راشد
البنات بانت الصدمه على وجيههم وعبير نزلت منها دمعه بس مسحتها بسرعة بدون ما تنتبه ام مهى
وشوي ونسمع صوت راشد و نتحجب كلنا بسرعه
راشد راح وحب راس امه وسلم علينا وجلس جنب امه
ام مهى : ابشرك يا ولدي توهم داقين وعطونا الموافقة ....... وانا قلت لهم اننا بنحدد الملكة اذا شاورتك
راشد بفرح : جد ؟ ....... خلي الملكة بعد اسبوعين
ام مهى : بس مو كأن اسبوعين قريبة خلها بعد ثلاث اسابيع على الاقل
راشد : لا يايمه ابيها بعد اسبوعين
ام مهى : اثقل يا ولدي اثقل ........ الشكوى على الله برد لهم بكرة
راشد حب راس امه وقال : الله يخليك لي يايمه
ام مهى : ويخليك لي
راشد : بروح ابشر ابوي
ام مهى : انتبه وانت تسوق يا ولدي
راشد : انشالله ........ (وطلع)
مهى بهمس لبشاير بحزن : يعني ادور لي على هدية ثانية لعبير بيوم ميلادها
بشاير بحزن : الظاهر انك بتدورين لك على هدية ثانية
مهى : الحمدلله ان يوم ميلادها بعد بكره عشان تنسى شوي على الاقل
بشاير : من جد
(مرت هاليومين حزن كبير على عبير وعلى البنات الي كانو حزنانين على حزنها)
اليوم هو يوم ميلادي انا وعبير
في بيتنا الساعة 6 المغرب انا دخلت على العنود بغرفتها
انا : العنود وين بتروحين ؟
العنود : انا وصديقاتي متفقات نسوي حفلة بمناسبة خطوبة صديقتنا الثانية و بروح من الحين عشان اساعدهم
انا : اها ........ طيب اذا خلصتي ترا انا وريما بنروح لبيت عمي فيصل رغد قالت لنا تعالو
العنود : ريما بتروح معي
انا وانا رافعة حاجب : شمعنى ريما تروح وانا لا ؟
العنود : لأن اخت صديقتي تصير صديقة ريما
انا : اها ........ طيب انا بروح لبيت عمي فيصل رغد تقول ان صديقتها مسوية حفلة و قالت لرغد تجيب خواتها والهنوف بتروح لبيت صديقتها و انا بروح بدالها
العنود : اها
انا : الا وش البس فستاني الاسود ولا الاحمر ؟
العنود : الاسود احلا
انا : اوكي شكرا ..........(وطلعت من غرفتها)
في بيت عمي فيصل
عبير : رغد والله مالي نفس اروح
رغد بدلع : حلفت عليك تروحين ....... عبور تكفين لا تفشليني عند صديقتي
عبير : اوكي
رغد تبوس عبير على خدها : تسلمين يا احلا اخت
عبير : ترا بس عشانك
رغد ابتسمت : يلا روحي البسي احسن شي عندك
عبير : اوكي .....(وطلعت)
طبعا البنات كلهم راحو للقاعة عشان يجهزون الاغراض ويشرفون على الكيك و البوفيه و الدي جي وعلى الساعة 9 امتلت القاعة بنات
و كنت انا ورغد وعبير بالسيارة
انا : رغد القاعة بعيدة ؟
رغد : لا مو مرة
عبير : بس ترا شوي ونرجع ماراح نتأخر
رغد : انشالله
نزلنا ودخلنا القاعة وفصخنا عباياتنا وعطينها المسؤولة عن العبايات
ودخلنا للقاعة بس سبقتنا رغد وقالت لنا انها لازم تروح عشان صديقتها تبيها ضروري
و انا وعبير اول ما دخلنا القاعة كانت ظلام ما فيه الا نور بصيط على الباب و اول ما دخلنا طاحت علينا اوراق ملونة ونسمع اصوات البنات يصفقون ويصفرون وبعدين اشتغلت الاغنية المعروفه Happy birthday
و انا وعبير بالبداية ما كنا ندري شسالفة بس بعدين استوعبنا ان اليوم يوم ميلادنا
و بعدين دخلت كيكتين كباااار وحدة كانت لي والثانية لعبير و كل وحدة نفخت شموع كيكتها و المصورة كانت تصورنا ورغد تصور فيديو
وكل البنات باركو لنا وكان في كثير بنات
صديقات مهى وغادة وبشاير ولمياء وعبير ورغد والهنوف و العنود وريما وانا و صديقات دانة وخواتها
خلوني اقول وش كنا لابسين
انا فستان اسود لنصف الفخذ من فوق اكمامه طوال وواحد منها طايح ووسيع لعند الخصر و من تحت ضيق
عبير فستان بني فاتح سيور فوق الركبة بشوي وكانف فيه كرستالات صغار مررره وكانت مغطية كل الفستان وكان لونها بني غاامق
رغد فستان احمر توب ضيق لحد الخصر بعدين يصير وسيييع لفوق الركبة بشوي
الهنوف فستان ابيض كت مطرز تطريز ناعم بالخرز الابيض عند الصدر و ضيق من عند الصدر و بعدين يصير عادي بس طبقتين من القماش والطبقة الي تحت اطول شوي من الي فوقها
العنود فستان موف فاااتح سيور ضيق لعند الخصر بعدين يصير عادي ومن عند الخصر شريطة موف غامق ناعمة
ريما : بلوزة سماوية كت وسيعه وتنورة نيليه وتلمع لنص الفخذ و التنورة مو وسيعة ولا ضيقه يعني وسط
بشاير فستان زهري فاتح توب وضيق و من ورا في فيونكه كبييييرة و الفستان لفوق الركبة
مهى فستان رصاصي توب ولنص الفخذ من فوق وسيع و بآخر الفستان يكون ضيق فوق في تطريز خفيف بالرصاصي
لمياء تنورة بيج حرير لنص اللفخذ و بلوزة بيضا كت ومن فوق فيه زي الكشكشات ناعمه
دانة فستان بني سيور مخصر على جسمها لفوق الركبه ومن تحت في تطريز ناعم بالخرز الاسود
و قعدنا نرقص وعلى الساعة 12 دخلنا للبوفيه و بعدين خلصنا اكل على الساعه 1 وقعدنا نرقص وعلى الساعة 2 فضت القاعة ما بقي الا انا و البنات ودانة وعلى الساعة 2 ونص وصلنا بيوتنا و بدلنا
بس انا لقيت على سريري هدية صغيرة وجنبها ظرف
يحكم هواك بدون دستوور
في وسط قلبي يا محبي
يبني ويعلي بالحشاآآ سوور
والأمن فيهاآآ مستتب ِ
عسكر هواك تلف وتدور
ساحات قلب(ن) لك محبي
وصرح الغلا بالرووح مذكوور
النفس له قاآآمت تلبي
شيدت من أشعارك قصوور
وارست قواآآعدها بكتبي
وأديت لك تحية شعوور
وراية غلا في وسط قلبي
أعلن هواآآك بوسط جمهوور
ماآآفيه سر ولاآآ أخبي
واضح معك مافيه مستوور
يا دواآآ الفواد ياآآ طبي
انته غناتي وعندك الشور
وانته بعد قوتي وشربي
احكم وأنا خلك وماموور
خاضع لأوامر من يحبي
موجة هواك عن سبعة بحور
ولا غلاك غيمي وسحبي
يهطل على بحري ولبروور
وأقوول لريح القرب هبي
محفل غرامك صار معموور
كلي أمل وانته بقربي
مأجوور يا خلي تراك مأجوور
دعيت لك من كل قلبي
يسعدنا الله بساعة حضوور
والحمد كله،، لأجل ربي
...............................
كل عام وانتي بألف خير وعافية
عقبال مية سنة انشالله
"بدر"
انا ابتسمت غصب عني كانت الابيات روعه و راقية
انا بصوت عالي : العنود ....... العنود
العنود جت ودخلت غرفتي
العنود : شفيك ؟
انا وانا اوريها السلسال : شرايك ؟
العنود : مررررره كيوت ....... مين عطاك اياه ؟
انا : مين تتوقعين ؟
العنود : لمياء
انا : لا
العنود : رغد ؟
انا : لا
العنود : دانة ؟
انا : لا
العنود : مين اجل ؟ ...... هذولي هم الي اذواقهم كذا
انا : بدر
العنود لمعت عيونها : مين ؟
انا : بدر
العنود : يحليله بدر ........ بس شلون عطاك اياه ؟
انا : مدري ....... لقيته على السرير
العنود : بس مستحيل بدر يدخل غرفتك
انا : شرايك ادق على الحارس و اسأله
العنود وهي تجلس على السرير : يلا دقي
انا دقيت على الحارس : الو
الحارس : هلا يا عمه بغيتي شي ؟
انا : في احد دخل اليوم من الشباب لبيتنا ؟
الحارس : لا يا عمه ........ بس العم بدر اعطاني علبة وظرف وقال انها هدية من العمه لمياء و لازم اعطيك اياها
انا : اها .......... ما قال شي ثاني ؟
الحارس : لا والله يا عمه
انا : اها ...... طيب مشكور
الحارس : ولو هذا واجب ......(وسكرت الخط)
العنود : وش قال ؟
انا : عطا الهدية الحارس وقال له انها من لمياء و اكيد الخدامة حطتها على السرير
العنود : اها ......... طيب وش مكتوب بالظرف
انا بأرتباك : مكتوب كل عام وانتي بخير بس
العنود وهي رافعة حاجب : بيكتب بس كذا بظرف كامل ......... انا لو مكانه بكتبها بكرت صغير
انا تنهدت : سر
العنود سحبت مني الظرف وقعدت تقرا بعدين قالت : والله مو بسهل هالبدر
انا بخجل : عطيني الظرف
العنود وهي تعطيني اياه : شكل آخرتك بتتزوجين بدر
انا : مدري بصراحة محتارة اختار بينهم
العنود : شوفي الي يناسبك اكثر
انا : اوكي ...... بس ما اعرف
العنود : خلي الايام تثبت لك هالشي
............................................نهاية البارت..........................................
ملاحظة : الابيات بعنوان (يحكم هواك بدون دستور) للكاتبه "عهود منسية"
اتمنى يكون البارت اعجبكم
واتمنى اشوف ردودكم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت (23)
في بيتنا
بعد ما قرأت الظرف مليون مره تقريبا نمت
باليوم الثاني
قمت من النوم ونزلت تحت افطرت مع اهلي
ابوي يناظرني ويبتسم : والله وكبرتي يا نوف وصار عمرك 20
انا ابتسمت له وانا اشرب العصير
ابوي : وصرتي عروسه
انا هنا شرقت بالعصير وريما جتها جلطة و العنود لمعت عيونها
ابوي : امس عمك فيصل خطبك لماجد
انا بصدمة : هاه ؟
فهد وماجد فاقعين ضحك على شكلي
ابوي : ونفس الشي خطبك نايف لولده بدر
ريما : يبه قل لهم ما عندنا بنات للزواج .......... نوف بتعنس معي
ابوي بأستخفاف : ومين قال انك بتعنسين ؟ ......... وانتي يانوف فكري زين قبل ما تختارين
انا : انشالله
رائد بأستهبال : لا ما اصدق بدر الرومانسي يخطبها ؟ ....... ماتصلح له هي دفشة تفهمون معنى دفشة ؟ ........ هذي لو تتزوج مصارع صار رومانسي بالنسبة لها ....... و ماجد ....... ماجد ابدا ما يصلح لها هي بالشرق وهو بالغرب
انا بجد جرحني كلام رائد وقمت من السفرة ورحت فوق وقفلت علي بغرفتي وقعدت ابكي
تحت بالسفرة
امي : اعجبك الي سويته ؟ ......... هذا كلام تقوله لأختك ؟ ......... انت مو اخو انت عدو
رائد : شفيكم انا كنت امزح بس
فهد : حتى لو كان مزح ......... رائد انت جرحتها بكلامك ........ اعتذر لها
ابوي : بعدين هذا زواج ....... واكيد بتعقل اذا تزوجت
ريما : الي يسمعك يقول مقطعتك الرومانسية ......... اعتذر لها بسرعه
العنود : مالت عليك .......... الحين اكيد قاعدة تبكي بسببك
رائد وهو يقوم : طيب...طيب ........ بعتذر لها
(بعدين راح وقعد يطق باب الغرفة ويقول)
رائد : نوف ...... نوف افتحي ترا انا كنت امزح ولا انتي احلا وارق ما خلق ربي
انا ابكي : ...........
رائد : نوف تكفين لا تبكين ........ انا كنت امزح .... واسف
انا وانا امسح دموعي : بس انت جرحتني بكلامك
رائد : اسف ..... والله اسف ........ ما كان قصدي
انا : اوكي مسامحتك
رائد : طيب يلا البسي بطلعك مشوار
انا بأستغراب : الحين ؟
رائد : ايه الحين يلا قومي غيري
انا : بس الحين بدري شوي ....... خليها بعدين
رائد : لا بعدين ولا قبلين يلا البسي و انتظرك تحت .......(وراح)
انا : لبست لبس عادي ونزلت تحت ولبست عبايتي وطلعت مع رائد وركبت السيارة
انا : وين بتوديني ؟
رائد : مفاجأة
انا : لا جد وين بتوديني ؟
رائد : قلت لك مفاجأة
انا : افف
رائد بأستهبال : لهالدرجة ما تبين تقعدين معي ؟
انا : لا مو قصدي بس ابي اعرف وين بتوديني وانت مصر انها مفاجأة
رائد ابتسم :" المشكلة انا صدق وين بوديها ...... ما اعرف اماكن تفتح بهالوقت ........والله اني توهقت ....... لقيتها عرفت وش بسوي " تدرين شلون برجعك وبالليل بتعرفين
انا : لالالالا ما اقدر اصبر ترا بموت
رائد : "يا انها توهق الواحد" بس انتي قلتي خليها بعدين يوم كنا في البيت
انا : هذا قبل ما اعرف انها مفاجأة
رائد : لا تخافين ....... بالليل بتشوفين شي بيعجبك بس انتي قولي للبنات يروحون لبيت جدي بالليل و انا بقول للشباب
انا بأستغراب : ليش ؟
رائد : انتي سوي الي قلت لك عليه وبس
انا : اوكي
(رجعنا للبيت وبدلت ملابسي لبست بجامة طبعا بما اني بالبيت)
وكنت انا والعنود و ريما و امي بالصالة الي فوق و امي تعطيني محاظرة عن المسؤولية اذا تزوجت وريماو العنود يضحكون علي ويصوروني
انا : يمه خلاص تكفين ......... يمكن ما اوافق على اي واحد فيهم
امي بأستخفاف : ليش ؟ ......... في وحدة يحصلها تنخطب من ماجد ولا بدر وترفضه ؟
انا : يمه بس هم ما يتناسبون مع شخصيتي
امي : لا يهمك كلام رائد يا بنيتي
انا : مو على كلام رائد ........... بس هذي الصراحة
امي تنهدت وقالت : براحتك بس فكري زين واستخيري ........ معك شهر كامل تفكرين
انا : اوكي
امي : المهم الحين انتي لازم تحطين زوجك تاج فوق راسك وتحترمينه و........
انا قاطعتها : يمه لو سمحتي خلاص عدتي هالكلام مليون مره
امي : حتى ولو يا بنتي التكرار يعلم الحمار
هنا العنود وريما انفجرو ضحك
ريما : هههههههه يعني هههههه نوف ههههههههه حمار ههههههههههههههههههههه
العنود : ههههههههههههههههههههههههههه
امي : عيب عليكم ......... بعدين هذا مثل وانا ما اقصد ان اختكم حمار
انا : تضحكون ؟ ........ هين...هين ان ما وريتكم ما اكون نوف
ريما+العنود بأستخفاف : وش بتسوين مثلا ؟
انا ابتسمت بثقه : بتشوفون ..........(بعدين رحت لغرفتي)
العنود : اقول شسويتي انتي تعرفين نوف اذا ابتسمت كذا معناته بتسوي شي كبير
ريما : مو انا بس حتى انتي
العنود : مو مهم.....الحين نبي حل شلون نرضيها
وشوي ويجيهم صوتي من وراهم : بنات
العنود+ريما : بسم الله الرحمن الرحيم
انا وانا رافعة حاجب : خير ....... لا يكون شايفين جني و انا مدري
ريما : اقول اخلصي وش تبين ؟
انا : تعالو لبيت جدي اليوم بالليل
ريما+العنود بأستغراب : ليش ؟
انا بفهاوة : مدري
العنود : شلون ما تدرين ؟
انا : رائد يقوله
العنود : الله يستر منه هالرائد ما وراه الا المصايب ........ بس يالله نروح لبيت جدي ونشوف
ريما : من جد
انا دخلت غرفتي ودقيت على مهى : الو
مهى : هلا والله وغلا بالغلا كله
انا بسرعه : خطبوني كلهم من ابوي امس >>>>>>>> ما عندها وقت
مهى : الناس تقول اهلين ....... كيفك وانتي على طول ماسكة خط .......(بعدين استوعبت وش قلت)....... نعم ؟!!
انا : خطبوني كلهم من ابوي امس
مهى مصدومة : مين خطبك ؟
انا : يعني مين ؟ ......... ماجد وبدر
مهى : ليش انتي قلتي لأحد منهم انك وافقتي عليه ؟
انا : لا
مهى : طيب ليش خطبوك ؟
انا : مدري عنهم ......... بس والله محتارة مين اختار
مهى : تذكري ان هذا مستقبل ولازم تختارين احسن واحد فيهم
انا : عارفة والله عارفة ....... فاتك اليوم امي ماسكة خط قاعدة تقولي محاظرة عن الاخلاق وان البنت اذا تزوجت تعقل
مهى : ههههههه ........ مسكينة على نياتها خالتي
انا : والمشكلة العنود وريما يضحكون علي ويصوروني
مهى : حراااام رحمتك والله .......... الا نوف تعالي بيتنا تكفين والله طفشانة
انا : اوكي .....(بعدين تذكرت كلام رائد)..... لالالالالالا
مهى : وش الي لا ؟
انا : ما اقدر اجيكم
مهى : ليش ؟
انا : تعالو بيت جدي رائد يقول بيسوي لي مفاجأة
مهى : وشي المفاجأة ؟
انا : ما قال لي
مهى : اها ........ طيب باي بقول للبنات عشان نجهز اغراضنا و انا باخذ لي شور سريع واكلمك
انا : اوكي ....... باي .......(وسكرت الخط)
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك