رواية كويتيات كشفوا الخفايا -13
ام محمد: ياحيا لله من جانا
ام فيصل: لله يسلمج يارب
ولله ياام محمد مااحس انى ضيفه احس انه البيت بيتى
ام محمد: وانتى قلتيها البيت بيتج ولانسيتى سهراتنا الى كان بالبيت لما كنا نتجمع كلنا مع بعض
ام فيصل:ههههههههههه ولله ايام تهبل اختى مريم كل مادقت على تقولى ياريت ترجع هذيك لأيام
كانت سديم تحس بالملل بينهم وتحس انه سوالفهم موحلوه ولاكانت تعجبها فا قررت انها تطلع من الصاله
واول ماطلعت تكلمت ام فيصل بالموضوع
وكلم ابو احمد محمد بالموضوع ووعده انه يرد له خبر بعد جم يوم ان شاءلله
احمد عمره 22 سنه يدرس بالجامعه وكان بنفس الوقت يشتغل بتجاره ابوه وكان من عايله معروفه وناس اصيلين
طبعا الى صار عكس الى صار مع سديم
محمد كان شايف احمد انه زوووج مناسب لى اسيل ولاهم انه نسبه يشرف وينرفع فيه الراس ومناسب لعايله اسيل
محمد: ها يمه ماسألتى اسيل برايها
ام محمد: لاولله ماسألتها ان شاءلله بعد شوي بقولها
سديم: بشنو تسألونها يمه
ام محمد:تقدم لها احمد ولد جيرانا
سديم انصدمت: شنووووووووو
ام محمد: شفيج
سديم: لامافينى شى
محمد: المهم يمه انا ماشى وقولى لها لاتضيع هالفرصه تراه خوش ولد وانا بسأل عنه
ام محمد: ان شاءلله
سديم كانت ساكته لانه عارفه شنو بكون رد اختها وعارفه بكل شى بصير لما تعرف اسيل بالخبر
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
كانت اسيل قاعده بغرفتها وتكلم ريم
ريم: ههههههههههه وانتى ليش محبوسه بالغرفه
اسيل: جب جب لاتضحكين شدرانى عندنا خلود جارتنا ومادرى منو معاها وامى ماخلتنى اقعد معاهم
ريم: منو خلود
اسيل: ام احمد
ريم: ومنو احمد؟؟؟ لايكون اخوي؟؟؟
اسيل: لايابهيمه احمد ولد جيرانا الى شفناها
ريم: اييييييييييييييه شحلاااااااااااته يهبل يهبل ياحظ حبيبته فيه
اسيل:هههههههههههههههههههههههههه حبيه
ريم: لاااااااا انا خلاص بطلت قلبى وقفلته بس مابى
طق طق طق
اسيل: شوي واكلمج الباب يطق
تفضل
ام محمد: هااا بنيتى الحلوه شنو تسوي
اسيل: هلا يمه بعد شسوي قاعده بالغرفه موانتى مسويه حظر تجول ولانسيتى
ام محمد:هههههههه تعالى تعالى قعدى جنبى بكلمج
وقعدت اسيل جنب امها على السرير
وتكلمت ام محمد مع بنتها بالموضوع وقالت لها كل شى
اسيل وقفت: يمه لا مابيه
ام محمد : ليش يابنيتى
اسيل: خلاص مابى اتزوج تونى صغيره وابى اخلص الجامعه
ام محمد: ولله خالتج خلود طيبه ولدها اسم لله عليه كامل والكامل لله
واخوج محمد راضى عنه
اسيل مسكت ايدين امها وقعدت تبجى
يمه تكفييييين تكفييييييين مابيه مابيه مابى اتزوج يمه تكفين لاتغصبينى على شى مابيه
ام محمد : قومى يابنتى قومى خلاص ياحبيبتى ماتبينه كيفج
طلعت ام محمد من الغرفه واهى مكسور قلبها لانه ماتوقعت بنتها ترفض احمد
و كانت تتمنى انه بنتها تتزوج واحد مثل احمد
دخلت سديم على اسيل الى كانت تبجى
سديم: خلاص يااسيل انتى قلتى لا وامى بتقول حق محمد انج ماتبين وانتهت السالفه
اسيل: لا لا انتى عارفه محمد ممكن يغصبنى مثل ماسوا بلميس
سديم قعدت جنب اختها وباستها: لا وضع لميس غير لميس المعرس كان ولد عمى اما هذا ولد جيرانا
اسيل: لله يخليج انا مابيه قولى لهم ساعدينى انا مابيه
انا ابى نواف واحبه ونواف واعدنى بعد ماتنتهى الدوره بيرجع ويتقدم لى وانا مابى غير نواف تكفين
سديم:خلاص خلاص لاتبجين ان شاءلله ما يصير الا كل خير
يلا انا بطلع اشوف امى
طلعت سديم وراحت عند امها بغرفتها
طق طق طق
سديم:يمه انتى نايمه
طق طق
سديم:يمه بطلى الباب
ام محمد:دشى سديم
سديم: شفيج ماتفتحين
ام محمد:.............
سديم:افا افا اغلى عيون على قلبى تدمع ليش يمه
ام محمد:يابنتى انا ماراح اظل لكم وانتى عارفه اخوج محمد مامنه خير وانتو كل ماخطبكم واحد ترفضونه او يرفضه اخوج يابنتى النصيب مو كل مره بيجى ومو كل مره بيجى واحد ويخطب وان ضاعت الفرصه مره ماراح تتكرر
سديم:لاتزعلين يايمه هذا نصيبنا وهذا الى كاتبه لله ولله يخليج لنا ان شاءلله ولايحرمنا منج
بغرفه اسيل
اسيل: ياريم افهمينى انا احب نواف ومستحييييييل يرجع ويلاقنى متزوجه مستحيل شنو موقفى قدامه
ريم: حبيبتى نواف لو يبيج يتقدم لج اخاف تضيعين هالفرصه من ايدينج ومايتقدم لج نواف بعدها شنو بتسوين بتعضين اصابع الندم
اسيل: لامايسويها مستحيل
ريم: انا قلت لج وانتى كيفج القرار لج انتى
مر يومين على الموضوع واسيل كانت رافضا تماما هالفكره لكن اخوها محمد قرر انه يجبرها على الزواج
واسيل ماكانت قادره تقنع اخوها انها ماتبيه لانه ماكان عندها سبب مقنع
وبعد يومين اتصل احمد على محمد يشوف شنو صار بالموضوع
محمد كان فى بيت خواته وقاعد مع امه
ام محمد: لاتبجر البنت على شى ماتبيه ترا ذنبها بالرقبتك
محمد:يمه هذا موذنب البنت الصغيره وماتعرف مصلحتها
سديم:بس اهى ماتبيه مافى شى بالغصب
محمد: انتى مالج شغل لما يتكلمون الكبار الصغار تسكت
سديم:هذا الحق وانا ماقلت غيره
ام محمد: يامحمد مالها نصيب فيه خلاص
رن تلفون محمد
محمد: الووو
احمد: هلا محمد شلونك
محمد:هلا هلا احمد تمام الحمدلله شخبارك انت
احمد: ولله لاخبار عندك ها شصار على موضوعنا
محمد طالع امه واخته: لله كاتب لك نصيب فيها البنت وافقت وكل موافق وماعندنا أي مانع
ام محمد وسديم انصدموااا من كلام محمد
احمد: خلاص ان شاءلله الخميس الجاي نجى نملج عليها رسمى
محمد:حياكم
احمد:يلا مع سلامه
ام محمد: ليش ياولدى تسوي جذى هاذى اختك واهى رافضته مافيه شى بالغصب
سديم: تبى تسوي لها مثل ماسويت مع لميس مو من حقك هذا مستقبلها اهى وحياتها اهى انت مالك شغل فيها
وطبعا محمد معروف فى برود لاعصاب كان ساكت ويطالعهم واهما يتكلمون
ام محمد:لاتحرق قلب البنت يامحمد
محمد:عندها سبب يخليها ترفض بتقولى الجامعه تكملها فى بيت زوجها وغيره فيه
سديم:ايه فيه
فيه انها ماتبيه
محمد وقف:يلا انا عطيت كلمه لرجال وانتهى الموضوع مع سلامه يوم الخميس جايين
وطلع
سديم: يمه مايصير مايصير تضيعونا معاكم
وراحت حق اختها
طق طق طق طق
سديم: بطلى اسيل
اسيل:.............
سديم: اسيل نايمه؟؟؟
سديم: اسيييييييييييييييييل
اسيل: روحى عنى مابى اكلم احد
سديم:شفيج
اسيل: خلاص روحى ماله داعى تقولين لى شى كل شى سمعته روحى
كانت لأيام تمشى بسرعه وماباقى على يوم الخميس الا يوم وللحين لاوضاع مثل مااهى عليه
احمد موشايلته الدنيا من الفرحه لانه اسيل بتكون له
محمد مصر على رايه
ام محمد حاولت بولدها لكن ماقدرت
سديم لاحول ولاقوه لها
اسيل لاتاكل ولاتشرب ودموع ماتوقف و لاتطلع من دارها
يوم لاربعاء الصبح
اسيل كانت سهرانه وماكان فيها نوم
ساعه 7 الصبح اتصلت على ريم
اسيل: صباح الخير
ريم:هلا اسيل شفيج
اسيل: وتسألينى شفينى باجر الخميس وانا ماسويت شى ولاتغير شى
ريم انا ماابيه ماابيه مابى نواف يخلص الدوره ويلاقينى صرت لغيره تكفين مابى اتركه انا له واهو لى ومابى اكون لغيره
ريم:مادرى يااسيل حاولنا بأمج وماقدرت تسوي شى واخوج لاحياه لمن تنادى شنو نسوي بعد
اسيل: يااااااااااااااااااارب ياااااااااارب ساعدنى مافى غيرك
ريم:اسسسسسسسسسسسسسسسسسيل عندى فكره
اسيل: قوووولى بسرعه
ريم:مافى الا احمد
اسيل:احمد؟؟؟؟
ريم:ايه روحى كلميه قولى كل شى عندج
اسيل: شلون اكلمه ووين اشوفه
ريم: موانتى تقولين كل يوم العصر يسوي رياضه بالحديقه
اسيل:ايه
ريم:خلاص طلعى حديقتكم العصر وقولى له ابيك بموضوع وعطيه رقمج وقولى كل شى عندج واذا ظل متسمك برايه وماوخر عنج بيطلع ماعنده كرامه
اسيل:اخاف اجرحه اخاف يكون يحبنى واجرحه
ريم:نواف ولااحمد؟؟؟
اسيل :خلاص خلاص بحاول
اول ماصكرت قعدت تفكر بكلام ريم
ياربى لو رحت له شنو بقول له ؟؟؟؟
واذا مالقيته شنو بسوي؟؟؟؟
اخاف اجرحه؟؟ لالالا انا مااعرفه ولااحبه وولاشى اجرحه احسن من انى اجرح نواف خلاص انا بكلمه
دايما بفتره العصر يكون بيت اسيل هادى تكون امها واختها نايمين يعنى ماكو احد قاعد غير اسيل
على ساعه 3 العصر نزلت الحديقه
قربت من صوب الشجر تبى تشوف لو موجود او لا ومالقته
قعدت تنطر وتنطر ومر الوقت ولافيه أي شى جديد
ياربى شكله ماراح يطلع اليوم؟
اووووف مووقته كلش
خلاص بدش داخل اشرب ماي وارجع
وفجأه سمعت صوت باب يفتح على طول راحت صوب الشجر الى بينهم وبين بيت احمد
تبى تشوف لو اهو ولا لاء
اول ماشافته
اسيل: احمد احمد
احمد انتبه لصوت وقام يتلفت يبى يشوف من وين هالصوت
اسيل: احمد انا اسيل تعال شوي
احمد استغرب ليش تبينى اسيل لكن بنفس الوقت فرح لانه وده يكلمها
احمد: هلا اسيل ولله مومصدق انج جدامى
اسيل: احمد مااقدر اطول ابيك بموضوع ضرورى هذا رقمى اتصل على بس ياريت يكون بسرعه واليوم
احمد خذا الورقه منها: ليش عسى ماشر
اسيل: اتصل وبتعرف باي
دخلت اسيل داخل وراحت غرفتها واتصلت على ريم
كانت ريم بهالوقت تتجهز وتسوي شعرها لانها بتروح عزيمه عند بيت عمها
(((حبيبى وانت بعيد مشتاق لى لمسه اييد))
ريم: الووووو
اسيل: هلا ريم شهالصوت لازعاج الى عندج
ريم: قاعده اسوي شعرى استشوار بروح بيت عمى
اسيل: انزين سمعينى سويت الى قلتى
ريم:شنو مااسمع على صوتج
اسيل: ماااقدر اعلى صوتى سكرى لاستشوار
سكرت ريم لاستشوار:هلا يلا قولى شعندج
اسيل: سويت الى قلتيه
ريم: ودق؟؟
اسيل: لابعده
ريم: خلاص ان شاءلله يدق وانا اول مارد من بيت عمى بدق عليج اوكيك
اسيل: اوكيك
نرجع لريم
بعد ماخلصت شعرها فتحت كبت ملابسها ادور لها لبس ملابس
لو البس جينز ماراح يضبط لانه عزيمه عشا ؟؟؟
ولو بلبس نفنوف هم بعد مايمشى لانه انا كل نفانيفى نفانيف سهره
مافى الا البس تنوره
واختارت لها تنوره طويله لونها ابيض فيها ورد اسود على بدى ابيض
وحطت ميك آب خفيف
ولبست ملفع ابيض بأسود
طق طق طق
ريم: منوووو
معالى: انابطلى
ريم:دشى الباب مفتوح
معالى كانت ماسكه عبايتها بأدينها : يلا بنروح
ريم: خلصت يلا بس آخذ جنطى وموبايلى والحقك
معالى: موتأخرين ترا نروح ونخليج
نزلت ريم وراحو بيت عمهم
وبالسياره اتصلت بنت عم ريم شوق الى اهى بعمر ريم
ريم: هلا شوق
شوق: هلا فيج ريوم شلونج
ريم:تمام ماشى الحال
شوق: بتروحين بيت عمى حمد للعزيمه
ريم:ايه تونا طلعنا من بيتنا
شوق: شرايج تجين بيتنا كل الى بالعزيمه حريم كبار والبنات كلهم بيجون بيتنا تعالى انتى ومعالى
ريم: صج؟؟ خلاص دقيقه اكلم امى
ريم: يمه كل البنات راحوا بيت شوق بنت عمى مافى احد من البنات فى بيت عمى حمد نبى نروح لها تقطينا انا ومعالى هناك
ام احمد: لالالالالا مافيه خلو طريقنا واحد
معالى: يمه تكفين نقعد عندكم انتو شنو نسوي
ريم: بلييييييييز ماماتى
ام احمد: خلاص انزين الحين اقطكم بس فكونى من حنتكم
ريم: شووووق خلاص الحين بنجى عندكم
شوق: اوكى يلا نشوفكم
ريم:باي
وصلوا البنات لبيت شوق الى كانت قالبه بيتهم دسكو
اول مادخلت ريم ومعالى من الباب
ريم: يمه يمه كل هاذى اغانى
معالى: لايكون مضيعين بالبيت
ريم: لاياخبله هذا بيتهم بس وينهم الباب مفتوح وماكو احد بالصاله
معالى: لايكون قصت علينا وكالعاده اهى ومقالبها الخايسه
ريم: انزين منو الى مشغل اغانى
معالى : الظاهر البيت مسكون
ريم طقت معالى على ايدينها:لاتخوفينى كافى الرعب الى عايشته بسبتج بالبيت
معالى: انزين دقى عليها شوفى وينهم
خذت ريم موبايلها عشان ادق
ولاتشوف معالى الخدامه نازله تحت السرداب
معالى: هى هى انتى تعالى
الخدامه: نعم ماما
معالى: وين مس شوق
الخدامه:تعالى ماما السرداب كلو بنات تحت
ريم: سرداااب اشفيها هاذى تبى تقعد الجنانوه علينا
معالى : امشى امشى نشوف
واهما ينزلون تحت شافو اضاءه السرداب منخفضه وصوت اغانى عالى وناس تتحرك تحت
ريم: يمه شنو هذا
معالى: اقولج داشين دسكو بالغلط ماتصدقين
انتبهت عليهم شوق
شوق: بناااااااااااااااات رحبوا بأحلى بنات عم بدنيا
يلا تعالوا تحت
راحت ريم غيرت الاغنيه وحطت لهم اغنيه راشد
مشكلنى
ريم ماصدقت خبر وقعدت ترقص على طول من غير ماتسلم على احد
اما معالى اكتفت بتوزيع البوسات من بعيد لبعيد للبنات لانه عددهم وايد
كان البيت مافيه أي احد غير البنات وكانو ماخذين راحتهم لدرجه كبيره وكان الوقت كله رقص من خليجى لعراقى لمصرى ووصلوا حتى للاجنبيه طبعا بناءا على طلب من ريوم
ريم: شوق انا ابى ماي بارد بصعد آخذ من المطبخ فيه احد
شوق: لاماكو اخوانى كلهم برا
صعدت ريم فوق وكانت تغنى
الا ياوقت وين الى على بالى يجى ويروح
وكانت حيل مندمجه بلأغنيه
دشت المطبخ وشربت ماي وبعدها قعدت تغنى شوي وتشرب شوي واطالع نفسها بالمنظره المطبخ
وفجأه تسمع صوت احد يصفق لفت وراها
ريم: بسم لله الرحمن الرحيم
....؟: اسم لله اسم لله شبح قدامك
ريم:شتبى داش بيت مو بيتك ماتستحى انت
....؟: انا داش بيت موبيتى ولاانتى الى تشربين ماي مولج
....؟: لاولله هذا بيت عمى يعنى بيتنى
...: ياسلام ودليل انه بيت عمج
ريم..: شوق بنت عمى وانا ريم بنت عمها ريم
...: ولله وكبرتى ياريم وانا ولد عمج نايف
ريم: نايف الى كان مسافر
نايف: ايه
انحرجت ريم وطلعت بسرعه من المطبخ
نايف ابتسم : ياحليلها ريم كبرت وللحينها شيطانه
بس حليانه مشاءلله عليها
نايف 23 سنه ولد عم ريم كان مسافر برا يدرس هندسه طيران وماصار له فتره من رد الكويت
وطبعا ريم ماتتذكر شكله الا لما كان صغير او مراهق
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
كانت اسيل قاعده على اعصابها وناطره متى بيتصل عليها احمد
وخوفها الكبير كان انه مايتصل
كانت قاعده بغرفتها بروحها ونايمه على السرير وعيونها ماشلتها من التلفون
كانت تفكر بنواف
الى بدوره ومايدرى شنو الى صار لى اسيل
كانت تتذكر كلامته
اسيل انتى لى وانا لج ومانولد الى ياخذج
اسيل مافى احد مايقدر يتزوج وحده يحبها لو اهو يحبها من قلبه يسوي المستحيل عشانها
كانت تتذكر كلامها له ورايها بالشباب والزواج
تذكرت الموقف الى اقنعها بكلامه وحست انه نواف انسان محافظ ومتفتح بنفس الوقت وعنده تفكير وعقل مو عند احد
اسيل: كل الشباب يكلمون البنات بس مجرد تسليه وحتى لو كان فيه واحد يحب وحده ماراح يتزوجها
لانه انتو الشباب عندكم البنت نوعين بنت لزواج وبنت للحب
ودايما تبون بنت انتو ماتعرفونها ولاتعرفكم ولا اكثر شى يبط الجبد لما تقلون نبى بنت ماتعرف شى بدنيا
وينهم هالبنات الى مايعرفون شى بالدنيا كل بنت تعرف الى تحت لارض
نواف:شوفى انا مااجذب عليج قبل كان تفكيري جذى كنت اقول اكلم بنت واحبها بس اتزوج غيرها لانه دام هالبنت كلمتنى يعنى بتكلم غيري
بس الحين اقتنعت بفكره انه اغلب البنات كلموا شباب حتى لو ماكان بينهم علاقه وحتى لو كانت داقه مره تستعبط وبعدها مادقت
وبعدين آخذ وحده اعرفها وتعرفنى وادري وين تروح وترد عارفه انا شنو احب واكره وتحت عينى على طول
احسن من بنت انا ماعرفها كلش وماادري لو صالحه او طالحه
وهذا مايعنى انه البنت لما تكلم واحد انها بنت رايحه فيها بالعكس فيه بنات تخلى الصبى يحترمها غصبن عليه تفرض احترامها عليه وفيه بنت الى تكون لله بالخير وطبعا الشباب الحين يقدرون يميزون بين هالنوعين
اسيل: تدرى كلامك مقنع وايد اقنعتنى
وتذكرت آخر مره شافته فيها قبل مايدخل الدوره لما طلب منها انه تعطيه شى لها عشان يتذكرها
تذكرت لما كانو قاعدين على البحر ويتكلمون
وتذكرت شكله لما شاف الذكرى الى جابتها له
اسيل: ترا مانسيت الى طلبته جبت لك الى شى عنون يذكرك فينى
نواف: شنو
مدت ايدينها على جنطتها وطلعت باربيتها ياسمينه
نواف:هههههههههههههههههههههههههههههههههههههه
كانت اطالعه وتتمنى انه هالضحكه تشوفها دوم مرسومه على وجه وكانت تتمنى انها ماتكون آخر مره تشوف فيها هالضحكه
وفجأه صحت من هالذكريات على صوت موبايلها وكانت الساعه 12 بليل
((اسقينى حب اسقينى فرقا ان صبرت اشقا وان هجرت اشقا))
شافت رقم غريب وحست انه احمد
مسحت الدموع الى نزلت من عيونها من غير ماتحس بعد ماتذكرت ايامها مع نواف
اسيل: الوووو
احمد: هلا اسيل شلونج
اسيل: تمام
احمد: آسف تأخرت بس كان عندى شغله
اسيل: لامومشكله
سكتوا دقايق كان احمد ينطر اسيل تقول الى عندها واهى كانت تنطره يسألها شنو تبيه فيه
احمد: اسيل
اسيل: نعم
احمد: شنو الموضوع الى كنتى تبينى فيه
اسيل:............................
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك