رواية كويتيات كشفوا الخفايا -14
سكتوا دقايق كان احمد ينطر اسيل تقول الى عندها واهى كانت تنطره يسألها شنو تبيه فيه
احمد: اسيل
اسيل: نعم
احمد: شنو الموضوع الى كنتى تبينى فيه
اسيل:............................
احمد: اسيل شفيج ساكته
اسيل: لا ولاشى
احمد: ماتبين تقولين الى عندج
اسيل: امبلا بقول
احمد: يلا تفضلى اسمعج
سكت وكانت تشوف جدامها حياتها مع احمد لو ماتكلمت وقالت الى عندها وكانت تشوف نواف بين عيونها وموقفه لو عرف بشى الى صار
احمد: خلاص اسيل شكلج موحابه تقولين اخليج
اسيل: احمد انا ماابيك
احمد:............
اسيل: انا آسفه لكن انا ماابيك انا بقولك شى يمكن تستخدمه وسيله يخلى اخوي يزوجنى غصبن ويمكن يذبحنى ويطقنى لكن انا بقوله لك وانت وكيفك ممكن اطيح من عينك لكن الحب موعيب وحبى انا شريف مااستحى منه
احمد انا فيه انسان ثانى بحياتى وبتقدم لى
انا مادري لو انت تحبنى او لا مع انه انا اتمنى انك ماتحبنى لانه لو التحبنى بكون الجرح اكبر
لكن
اكيد انت ماترضى انه قلبين لبعض يتفرقون
وانا آسفه مره ثانيه
احمد : لله يوفقج يلا مع سلامه
اول ماسكرت تلفون منه
انهارت اسيل لانه حست نفسها جرحت قلب ماله ذنب واصعب مافى الدنيا اهو جرح القلوب
احمد طبعا مصدوم من الكلام الى اسمعه لانه فعلا من قلبه حب اسيل وشافها زوجه له وبنا آمال كبيره عليها
كانت هاذى اول مره بحياه احمد تدمع عيونه عشان بنت
اسيل ماكانت تشوف بأحمد أي عيب وكان مليون بأميه بتوافق عليه لو كان نواف مو بحياتها
لكن اهى فضلت حبيب قلبها بدال انسان عادى بالنسبه لها
انتهى هاليوم بجرح كبير بقلب احمد وبجرح اكبر بالقلب اسيل الى ماكانت تتمنى بيوم من لايام انها تكون سبب بجرح وكسره قلب أي انسان
<
>لا تحااول جرح قلبي او بلحظه تكوون شاطر ...
>
>.....خلك الغالي بعيني وخلك بقلبي نصيبـــــه
>
>ولو نجوم الليل تطلب قلتلك من العين حاظــر ...
>
>..... وخذها مني والله لو حتى البدر اييبـــــــــه
>
>ولو تريد الروح ورده وربي لاقطفها وااامـر ...
>
>.......بس ودي تكوون حاذر تجرح القلب وتصيبه
>
>كل شيء لرضااك هين الا تجريح المشااعر ...
>
فى اليوم الثانى احمد كان سهران لانه مانام من بعد كلام اسيل له
نزل تحت حق امه كانت امه قاعده بالصاله وتتكلم بتلفون مع اختها
خلود:لالالالا ان شاءلله بكون عرس ولدى احلى عرس بدنيا
سلوى: آمين يارب ولله يوفقه بهالبنت ان شاءلله دام اختارها اكيد لاقى الزين فيها
خلود: لااسم لله عليها اسيل بنت شاطره
نزل احمد ودش على امه بصاله
احمد: صباح الخير
خلود: سلوى المعرس قعد اخليج الحين
سلوى: سلمى عليه يلا مع سلامه
خلود: مع سلامه
ام احمد لاحظت على ولادها انه متضايق وتعبان
خلود: يمه شفيك شفى وجهك اسود
احمد: لامافينى شى بس مانمت عدل
خلود:عسا ماشر ليش مانمت عدل
احمد: بتروحون اليوم بيت ام محمد
خلود:ههههههه وهذا سؤال ياولدى ايه اكيد بنروح
احمد:.......................
خلود: يمه هذا موشكل واحد بيملج اليوم
احمد: يمه خلاص مابيها
خلود انصدمت: شنوووووووووو
احمد وقف: خلاص يمه الى سمعتيه
خلود: يمه ليش شنو السبب خلاص احنا عطيناهم كلمه
احمد: دقى الحين اعتذرى انا تسرعت
خلود: يمه هذا زواج مو لعبه
احمد : يمه خلاص خلينى على راحتى
وطلع احمد من البيت
راحت وراه امه تناديه
خلود: احمد احمد
بس احمد ماكان يرد ركب السياره وراح
دشت خلود داخل البيت وماتدرى شتسوي ياربى اشفيه هالولد استخف ولاشنو
دقت على اختها سلوى الى كانت حيل مع احمد وكان يحبها وكانت اهى تحبه وتعتبره مثل ولدها
وكان مايخبى عليها شى
خلود: الو سلوى
سلوى: هلا شفيج تونى صكرته منج
خلود: سمعينى احمد مادري شفيه
سلوى: بسم لله اشفيه
خلود: مادري يقولى خلاص مايبى البنت كلميه شوفى اشفيه
سلوى: ليش اشفيه امس مكلمنى ومستانس ويقولى ان ماكنتى موجوده خلاص ماراح اتزوج
خلود: يوووووه ياسلوى مادري دقى تكفين شوفيه وطمنينى ولله خبص قلبى
سلوى :خلاص الحين ادق عليه
دقت سلوى على احمد الى ماكان يرد ابدا ابدا
وحاولت وايد تتصل عليه لكن مثل الشى ماكان يرد وبلأخير صكر جهازه
اتصلت سلوى مره ثانيه على ام احمد خلود
سلوى: هلا خلود
خلود:هابشرى
سلوى: دقيت دقيت مايرد وآخر شى صكر جهازه
خلود: ياربى ولدى شفيه ليش غير رايه فجأه لايكون فيه شى
سلوى: شوفى انا بجى الحين عندج يلا مع سلامه
كانت الوقت وساعات ودقايق صعبه على اسيل وعلى اهل احمد كان كل واحد
اسيل الى كانت عايشه بخوف وعايشه من رده فعل احمد خافت انه يعاند ويتزوجها او انه يرفض نه يتزوجها بس يقول حق اخوها عن كل شى قالته له عشان ينتقم منها
احمد الى كان موقف التفكير بأي شى وموعارفه شنو يسوي او شنو يقول حق اهله سبب رفضه لى اسيل
خلود وسلوى كانو قاعدين بالبيت موعارفين شنو يسوون يتصلون على اهل اسيل ويقولون لهم الى صار
او ينطرون ولدهم عشان يفهمهم كل شى
على الساعه 7 بليل كان احمد قاعد على البحر
اتصل على امه
سلوى :خلود تلفونج يرن
خلود: تكفين مالى خلق حق أي تلفون موووقته
سلوى: يمكن احمد شوفى
خلود على طول خذت موبايلها وشافت من الى داق
خلود:احمد احمد
سلوى:ردى بسرعه
خلود:هلا يمه وينك شفيك
احمد: مافينى شى يمه انا على البحر انا دقيت عشان اقولج انا مابى اسيل خلاص وانا بسافر البحرين
خلود: انزين لييييييييييييش
احمد: خلاص هالبنت مابيها موحابها وانا تسرعت
دقى على اهلها وقولى لهم وبس
خلود: يمه مايصير
احمد: يمه تكفين تعبان لاتضغطين على
يلامع سلامه
خلود: الو الو احمد احمد رد على
سلوى:ها شصار
خلود :مايبيها
سلوى:خلاص هذا الى كاتبه لله دقى عليهم واعتذرى
اتصلت خلود على ام محمد وقالت لها الى صار واعتذرت لها وصكرت منها
محمد كان قاعد مع امه بصاله
محمد: اشفيها داقه
ام محمد: تقول خلاص الولد مايبى الزواج
محمد وقف وعصب: نععععععععععععم
ام محمد: هذا الى قالته
محمد: ليش الدنيا فوضه نلعب احنا يجى يتقدم لها وبعد ما وافقنا رفض ليش يعنى
انا الغلطان الى وافقت على واحد مو عند كلمته
وطلع من البيت معصب
كانت سيديم داشه الصاله واخوها طالع منها
استغربت سديم ليش معصب ووين رايح وناس بيجون
سديم: يمه هذا اشفيه
ام محمد: معصب
سديم: ليش وبعدين وين رايح والحين بيجون
سديم استانست: صصصصصصصصصصصصج
امها استغربت من رده فعلها
ام محمد: ليش مستانسه
سديم: ها لا بالعكس وين مستاانسه بس مايصير مولعبه هاذى وسبحان لله سديم ماكانت تبيه والحين صار الرفض منه الحمدلله على كل حال
ام محمد: الحمدلله
سديم: عن اذنج يمه
راحت سديم صعدت حق اختها اسيل الى كانت تكلم لميس وتبجى
لميس: حبيبتى يمكن هاذى خيره لج شوفينى انا بالبدايه كنت رافضه والحين الحمدلله عايشه ملكه فى بيت زوجى
اسيل: ياربى ليش ماحد يفهمنى انا ماابيه موغصب
لميس: اسيل بصراحه انا اختج وابيج تصارحينى
انتى بحياتج احد
اسيل ارتبكت: طبعا لا مافيه بس انا مابى انا صغيره ابى اخلص الجامعه وبعدها يصير خير
وبهالوقت دشت سديم
سديم:اسوووووووووووووووووووووووووووووووووووووووووول
مبروك مبروك مبروك
اسيل:على شنو لايكون وصلوا لايكون صار كل شى رسمى والحين انا صرت زوجته
سديم ليش ماقلتى انى مابى ليش موحرام عليكم تظلمونى معاكم وتقطونى بشى مابيه
سديم:ياخبله ماصار شى للحين ماوصلوا ولاراح يوصلون اصلن
اسيل هدت شوي: ليش
سديم مسكتها من ايدينها واحضنتها: لانه احمد خلاص مايبى يتزوج
مبرووووووووووووووووووك
اسيل منصدمه: قولى ولله
سديم:هههههه ولله ولله
اسيل: لاااااااااااماصدق لوووووووووليش
سديم حطت ايدينها على حلج اسيل: اشووووووووووو لاتسمعج امى
اسيل بصوت واطى: مستانسه مستانسه
لميس على الخط: الووووووووو الووووووووووووو اسيل ردى
اسيل: امبيييييييه نسيت لميس على الخط
اسيل: الووووووووو لمووسه
لميس: بسم لله توج تبجين
اسيل:هههههههه خلاص احمد مايبينى احسن ماراح آخذه ايوه يا ايوه عاشو عاشو
لميس:هههههههههههه حمدلله وشكر انا اول مره اشوف بنت ماتبى تتزوج
اسيل: ايييييييييييييه انا انا
لميس: انزين سكرى سكرى بدق على امى اشوف شسالفه
اسيل: اوكيك
قعدت سديم على سرير اسيل وقعدت تفكر ليش فجأه قال لا
بعدين لفت على اختها الى كانت تقول الخبر حق ريم
وكانت اطالعها وتفكر بالموضوع
وبعد ماسكرت الخط اسيل
على طول سألتها سديم: انتى مكلمه احمد وقايله له شى
اسيل:شنو
سديم: ليش تغير شكلج فجأه
انتى مسويه شى
اسيل:........ ايه كلمته وقلت مابيك وقلت له انى احب غيره مافيها شى الزواج موغصب وماكان فيه قدامى الا هالطريقه
سديم: مثل جرأتج ماشفت ولاراح اشوف
اسيل: هاذى موجرأه انا ماكنت ابى اظلم الولد معاى لانى مستحيل احبه وانا مابيه
كل شى كانت تحسه اسيل وكل شعور كان بقلبها عكس الى كان يحس فيه احمد وعكس كل المشاعر الى كانت بقلبه
بعد الى صار قرر احمد انه يبعد عن كل شى وسافر البحرين
كان هالشى وموقف اسيل منه صدمه بالنسبه له
لانه بحياته كلها ماتخيل انه فيه بنت ممكن ترفضه وكان طول عمره عايش مصدر اعجاب ملايين البنات
لانه كان حلو بالشكل والمضمون وكانت شخصيته تجذب البنت له وطول حياته ماكان فيه بنت ترفضه
والى جرحه اكثر انه اول مره يعجب فى بنت ويحبها ويشوفها مو حبيبه ليومين وبس
كان يشوفها زوجه وحبيبه و شريكه حياته طول العمر
ياعين هللي صافي الدمع هليه &&& واليا انتها صافيه هاتي سريبه
ياعين شوفي زرع خللك وراعيه &&& شوفي معاويده وشوفي قليبه
امـنـولٍ دايـم الـ رايــه انـمـالـيـه &&& والـيـوم جـيتهـم عـلينا صـعـيبه
وان مرني بالدرب ماقـدر احاكيه &&& امصـيبتٍ يا كبـرها من مصـيبـه
اللي يبينا عـيّـت النفـس تبغـيـه &&& واللي نبي عيا البخت لا يـجيبه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مرت لأشهر ولأيام والكل كان منشغل بحياته وظروفه
مع لأيام خفت علاقه ريم واسيل
وزادت علاقه ريم مع بنت عمها شوق كانت ديما على نهايه لأسبوع تروح لهم
وهذا الشى خلا نايف تزيد علاقته مع ريم لكن هالعلاقه كانت من نوع ثانى
كانت علاقه عداوه وتحدى وهواش
نايف كان دايما يحب ينرفز ريم الى كانت بسرعه تتنرفز
كانو دايما يتمصخرون على بعض ولكن ماكانو يكرهون بعض
نايف كان يستخدم لأسلوب الجاف معاها عشان كان يحبها لما تعصب
اما ريم كانت تستخدم هلأسلوب عشان تمنع نفسها من انها تحبه
ومره من المرات كانت ريم عند شوق بالبيت
ماكان فيه احد بالبيت غيرهم اهما ثتنين
كانو قاعدين بالصاله ويطالعون فلم رعب
شوق كانت نايمه على لأرض ولازقه بتلفزيون ومندمجه
اما ريم كانت نايمه على الكنبه وتاكل بوب كورن
شوق: ريم عطينى بوب كورن
ريم من كثر مااهى مندمجه ماكانت اطالع شوق عطتها البوب كورن واهى ساكته
وكان الهدوووء يعم المكان كله>>> حلوه يعم
دش نايف للبيت وعباله انه مافيه احد
دش الصاله ولقا ريم وشوق مندمجين وقف ورا الباب وقعد يضحك
وخطر فى باله فكره جهنميه
راح عند محول الكهربا الى في بيتهم وطفا الكهربا على ريم وشوق
ريم شوق فجأه صرخوا بصوت واحد
ريم: شووووق انتى وين مااشوفج
شوق شغلت ليت موبايلها: كااانى كاانى
ريم: يمه منو طفا الكهربا
شوق: يمكن طافيه على الكل مو بس علينا لانه شكله بيتنا كله طافى
ريم: شوفى طلى من الدريشه
شوق: لايمه يمه اخاف
نايف كان يسمع كل شى يقولون
لقا نايف على الطاوله بطل ماي خذاه وقرب منهم شوي ورش عليهم ماي من بعيد
ريم شوق: آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآه
ريم: ولله ببجى انتى ليش ماتقولين لى انه بيتكم مسكون ماكان زرت
شوق: ومنو قالج انه مسكون اهو انسكن اليوم بسبتج
ريم: جب جب جب ترا بروحى خايفه مالى خلق خفه دم
شوق:امشى نطلع بالحديقه
ريم: مابى مابى مانى متحركه من مكانى
ريم وشوق كانو شوي ويبجون
نايف خاف يصير فيهم شى راح وشغل الكهربا
ريم: اشتغلت بسم لله الرحمن الرحيم
شوق: الحمدلله
دش نايف الصاله واهو يضحك
نايف:هههههههههههههههههههههههههههههههههههههه طلعتوا خوافات كاااااااااااااااك
لفت ريم وشوق مع بعض يبون يشوفون منو الى يضحك
نايف قعد على الكرسى ويضحك: هاهههههههههههههههه اشكالكم تضحك روحى شوفوا المنظره
شوق خذت المخده وقطتها عليه: تستخف دمك علينا لو صاير فينا شى الحين تسوا عليك هالغشمره البايخه
اما ريم قعدت على الكنبات واهى ساكته وكان وجها احمر وكانت صج صج مخترعه وخافت
شوق: ريم شفيج
ريم:........
شوق مسكت ايدين ريم:شفييييييييج
ريم: ولاشى بس بروح بيتنا
نايف: ريم ترا اتغشمر
ريم وقفت :خلاص انا بروح سايقنا برا
شوق:على راحتج
وراحت تصولها برا
دشت شوق داخل بيتهم ونايف كان قاعد بصاله
شوق: شفت كله منك البنت خافت وزعلت
نايف: ولله كنت اتغشمر ولله
شوق: بس غشمرتك تخوف
نايف:زعلت
شوق:اكيد ولاماكان راحت بيتهم
نايف: شوق تكفين عطينى رقمها ادق عليها اعتذر
شوق:لالالا اخاف تزعل
نايف: ولله ماراح ازعجها بس مسج
شوق: لابسألها
نايف: تكفين
وبعد اصرار من نايف على انه ياخذ الرقم واقفت شوق وعطته
نرجع لبيت اسيل
كانت اسيل قاعده مع امها بصاله
ام محمد: يمه اسيل من زمان ماكلمتى ريم لايكون زعلانين من بعض
اسيل: لايمه مو زعلانين بس اهى صارلها شهر موداقه وانا مادق على احد مايدق على
ام محمد:يمكن مشغوله او فيها شى
اسيل: لايمه بس طلعت لها رفيجه يديده
ام محمد:منو
اسيل: بنت عمها شوق
ام محمد:يمه عادى بس انتى تظلين رفيجه عمرها ولابينكم هالسوالف دقت ومادقت
اسيل: خلاص ان شاءلله اكلمها
ام محمد: خلاص حبيبتى انا بطلع انام تبين شى
اسيل: سلامتج تصبحين على خير
ام محمد:صكرى التلفزيون وراج وليتات
اسيل: ان شاءلله
دقت اسيل على ريم وكان هالشى على طول يصير دايما لما كانو يزعلون من بعض حتى لو كانت ريم الغلطانه كانت اسيل اهى الى تتصل لانها ماكانت تبى تخسر رفيجه عمرها عشان اشياء تافه
ريم:هلا هلا هلا بالقاطعه
اسيل: انا قاطعه ولا انتى الى من يوم مامشيتى مع شوق وانتى ساحبه على
ريم:ههههههههههههههه يمه يمه شفيج هبيتى على
اسيل: لانه انتى الى ماتعرفين بالصداقه وناكره للجميل ومااحبج
ريم:هههههههههههههههههه
بس انتى تدرين مهما اروح ارجع لج
اسيل:لانج ماراح تلاقين احد مثلى
ريم:ولاابى بعد يلا بوسه بوسه
اسيل:امووووووووووووواه
ريم:امواااااااااااه
اسيل: لو يسمعنا احد يشك فينا يقول بويه وليديتها
ريم: ويييييييييييع اسم لله علينا
اسيل:شوفى مافيه
ريم:مافيه على قولتج قاعدين ساكتين نايمين
ريم:انتى آخر اخبارج
اسبل: على حطتج ايدينج باقى جم يوم وندخل بشهر 8 وانطر وعد نواف
ريم: متى يتخرج من الدوره
اسيل: بنهايه لاسبوع
ريم:بتروحين حفله تخرجه
اسيل:لا ولا بدق عليه
ريم:ليش
اسيل حبيبتى انا كلمته سنه وشى ويمديه عرفنى وعرفته وعرف انا شنو ومنو بنته وشنو اخلاقى
اهو قالى انا ابى اتزوجج انا ماقلت له فا خلاص انا عطيته المده الكافيه الى يقدر يتعرف علي فيها
فا خلاص تتوقف العلاقه لما يجى رسمى ويدخل البيت من الباب وان ماكان يبى لله يوفقه بحياته
ريم: هالكلام يحسسنى انج ماتحبينه
اسيل: انا ماحبيت بحياته غير نواف وحبيته من قلبى وانتى تدرين بس خلاص دام كان يبيها زواج خلاص هذا الى مفروض يصير عشان يعرف انى مو بنت رخيصه كلمته وحبيته عشان تصير علاقتنا رسميه ماتظل لعب يهال
ريم: صح الى قاعده تسوينه وجذى تخلينه يعرف انج مولعبه حب سنه وسنتين ومع سلامه
اسيل: انا بنطر شهر 8 لما يخلص ماصار شى او ماتقدم لى راح افقد الثقه بكل الشباب
انا ماحبيته عشان اهو قالى انا بتزوجج او شى انا حبيته لنفسه حبيت روح نواف وقلبه وشخصيته وكل شى
فيه حتى لو ماتزوجنى ونفذ الوعد صح بطيح من عينى بس ماراح انكر انى حبيته
ريم:ان شاءلله مايخيب ظنج فيه
اسيل: ان شاءلله...وانتى شنو صار ويا بدر
ريم: بدر بالنسبه لى اخو دنيا لااكثر ولااقل وانا لما وعد نفسى انى ماادخل علاقه مع أي شاب كنت قد هالوعد وبظل قده
اسيل: مايدق عليج
ريم:من فتره لفتره يقول انا ادرى انج ماتبين تكلمينى بس انا بدعس على كرامتى عشان ابى اطمن عليج واساعدج لو تبين شى
اسيل: ترا طيب ويحب يساعدج اكبر دليل على جذى انه يقدر خدماته من غير مقابل بس يبيج تكونين مرتاحه
ريم:صح كلامج بس القلب لما ينكسر مره عمره مايبرا
او يتصلح
ساعه وحده بليل بالكافيه
كانو الشباب قاعدين ومستانسين
الى يلعب يلعب بلياردو والى يكلم بتلفون حبيبته
والى ياكل والى يضحك
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك