رواية كويتيات كشفوا الخفايا -15
ريم:صح كلامج بس القلب لما ينكسر مره عمره مايبرا
او يتصلح
ساعه وحده بليل بالكافيه
كانو الشباب قاعدين ومستانسين
الى يلعب يلعب بلياردو والى يكلم بتلفون حبيبته
والى ياكل والى يضحك
ومن بين هذيل كلهم كان فيه شخص جسمه مع الناس وعقله وتفكيره مع وحده ربط حياته بحياتها
ورسم مستقبله معاها وحط عليها كل الآمال وبنى عليها حياته الزوجيه
انهان عشانها داس على كرامته وكرامت اهله عشان يكسبها له
ولكن دايما الرفض كان مقابله تعب من كلمه لا مافى نصيب انت مو من مواخيذنا انت ماتصلح للبنت
لكن دايما كان ينسى هالكلام لما يسمع منها كلمه احبك وانا لك
كان قاعد على الطاوله ويشوف كل شخص وكل واحد موجود بالكافيه
يشوف الى يلعب ويقول ياريت انسها والعب مثلك واكثر
ويشوف الى يضحك ويقول ياااااااااه اشتقت لضحكه من قلبى
ويشوف الى يضحك على البنات ويكلمهم بتلفونات ويومهم بالحب ويقول لله يبالك بنص الحب الى بقلبى
جاسم: هاااااااااااااا سلطانو شفيك سرحان
سلطان: لاتقولى سلطانوو مو حلوه من لسانك
جاسم: ايييييييه لى لله حلوه من لسان منو
سلطان: موشغلك
جاسم:ههههههههه من لسان سدومي مو
سلطان: آآآآآآآآآآآآآه ياجاسم آه
جاسم: لله يجعلها من نصيبك ان شاءلله
سلطان يرفع ايدينه ويقول بصوت عالى: آميييييييييييييييييييييييييييييين
جاسم:ههههههههههههههههههههههه
حاول اخطبها مره ثانيه اكيد لما يشوفون اصرارك عليها بوافقون
سلطان: ياخى امى تعبت من كثر ماينقال لها لا وانا تعبت ولله
جاسم: كلم اخوها بروحه وتكلم معاه رجال لرجال
سلطان :لله كريم
فى اليوم الثانى ساعه 12 الظهر
كانت ريم توها مستبحه وواقفه على المنظره وتمشط شعرها
(( يلى خذيت من عمرى راحتى انسى خلاص وخلنى لوحدتى....))
ريم : رقم غريب منو
مالى خلق يطلع لى واحد يستعبط مانى راده احسن
وكلمت تمشيط شعرها
((يلى خذيت من عمرى راحتى انسى خلاص وخلنى لوحدتى روح روح)))
ريم: يااااااااربى منو هذا اوف
برد وبشوف
ريم: الووو
نايف: هلا ريم شلونج
ريم: نعم ؟؟
نايف: ماعرفتى صوتى انا نايف
ريم مو مستوعبه: منو نايف شيبيع
نايف:ههههههههههههههههههههه يبيع افلام رعب
ريم:..........
نايف: انا نايف ولد عمج اخو شوق بنت عمج الى خرعج امس لما كنتى عندنا
ريم: اييييييييه هلا نايف
نايف: شلونج بعد الرعب الى امس
ريم: تمام الحمدلله
ريم كانت حييييييييل مستحيه لما عرفت انه نايف ولد عمها يكلمها
نايف: ولله ياريم انا آسف انى خرعتج بس لما شفت لكم مندمجين على الفلم قلت بسوي لكم رعب على الهواء مباشره بس ولله مادريت انه بخوفج
ريم: لاعادى حصل خير
نايف: هههههههههههههه تعيشين وتاكلين غيرها
ريم من غير ماتحس : مردوده ان شاءلله
نايف لما سمع هالكلمه ضحك ضحكه هستيريه
خلا ريم تستحى اكثر واكثر
ريم: تبى شى انا امى تنادينى
نايف: سلامتج سلمى ولاتقاطعينها
ريم: بيباي
اول ماصكرت منه الخط طالعت المنظره وابتسمت ماتدرى ليش استانست وفرحت لما كلمها
وضحكت على كلامه وعلى ضحكته
بعدين سرحت شوي وقالت بصوت عالى: هييييييين هييييييييين مردوده يانايف لايام بينا ان ماخليتك انت واختك الى عطتك رقمى تندمون ماكون انا ريوم
ريم استنتجت وعرفت من غير ماتسأله انه شوق اهى الى عطته الرقم
وعلى طول اتصلت عليها
شوق كانت قاعده بغرفه اخوها تسأله شنو صار
شوق: لايكون قلت لها انى انا عطيتك
نايف: ماسألتنى اصلن
شوق: اكيد عرفت من نفسها لانه واضحه
((ماعاد بقلبنا ذكرى نسيناكم....))
شوق: يممممممممممممه ريم ريم دقت اكيد عرفت
نايف: ههههههه ردى
شوق بصوت واطى: الو
ريم:ياخايسه يابهيمه مالت عليج شكو شكو شكو تعطين اخوج رقمى بأي حق
نايف كان يطق شوق ويقولها حطيه سبيكر فا رضخت للأمر الواقع وحطته
شوق: لاتزفين
ريم: يعنى تعدين اخوج رقمى وماتبينى ازفج تبين اصفق لج يعنى
شوق: شسوي تعرفينه انتى يحن يحن يحن يحن لما يطلع عيونج ويخليج تسوين الى يبيه
ريم: وانااااااا شكو فيه اانا على فيج رقمى مو سبيل تعطينه الكل
شوق: شسوي ذبحنى نايف
ريم: مستانس على نفسه اخوج يعنى يدق ويقولى انا ابيع افلام رعب مادرى شنو النظام يعنى اضحك ولاشنو
نايف بصوت عالى:ههههههههههههههههههههههههههههاااااااااااااااى
شوق طقت اخوها عشان يسكت وشالت السبيكر بسرعه
ريم: شنو هذا سمعنى امبييييييه فشله فشله يلا بيباي شوق
شوق:ريم ريم
اووووووووووف سكرته كله منك
نايف: ههههههههههه ياحليلها بنت عمج هاذى
وطلع من الغرفه
ساعه 6 المغرب فى بيت اسيل
كانت اسيل مطلعه كل ملابس العروس والمناسبات الى عندها وحاطتهم على السرير وتلبس واحد وتجرب الثانى
دشت عليها سديم
سديم: اووووه اووووه شنو هالعرض لازياء الى مسويته بالغرفه
اسيل: لله يابج اليوم عرس اسرار ومحتاره شلبس
سديم: عرس رفيجتج والحين ساعه 6 متى بتلبسين ومتى تروحين الصالون تسوين شعرج وتحطين ميك آب مايمدى
اسيل: لا انا داقه امس وحجزت لى يعنى اول ماروح على طول بيسون لى من غير ماانطر
سديم: بس هم مايمدى راح تتأخرين شوي
اسيل: ايه عادى متعمده انا ابى اخوفها بقولها انى ماقدر احضر
سديم: اهاااااااااا
اسيل : انزين شنو البس الحين
سديم: حلو اللحمى هذا لبسيه
اسيل خذته وحطته على جسمها: ايه تصدقين حلو
اختارت سديم نفنوف لحمى منتشر عليه ورود بالاسود عليهم كريستال صغير على لاطراف
وعلى طول راحت تسبحت ولبست وخذت اكسسورات الشعر الى بتحطها على شعرها وراحت الصالون
اتصلت غزلان على اسرار تأكد عليها حضور العرس
غزلان: اسيل انتى من صجج
اسيل: شسوي عرس ولد عمى ولله ماقدر حتى متأخره وللحين ماخلصت من الصالون
غزلان: بتزعل اسرار ولله
اسيل: اعتذرى لى منها
غزلان: بكلمها الحين وبقولها
اسيل: اوكيك بيباي
اول ماصكرت الخط اسيل قعدت تضحك ههههههههههههههه
كارلا( الى تحط الميك آب لى اسيل)): ليه عم تضحكى هيك
اسيل: ههههههههههههه مسويه مقلب برفيجتى الى اليوم عرسها
كارلا:ههههههههههه يعنى هيك بتعملي ايلها هديه بعرسها
اسيل: عشان كل ماتذكرت عرسها تتذكر المقلب
كارلا:ههههههههههه بس مابتخافى تزعل
اسيل: لاتزعل وترضى
(( وبحبك آد العيووووون السووووووووود احبك...))
اسيل: هلا هلا هلا بأحلى عروس
اسرار: لاولله ليش ماراح تجين العرس
اسيل: ولله آسفه عرس ولد عمى ماقدر سامحينى ولله
اسرار: اوكيك اوكيك صج انى ماتوقعت منج جذى مشكوووووووره يااغلى صديقاتى
اسيل: امبيييييه سكرته بويهى لله يستر شنو بصير
كارلا:هههههههههههههه ياخوفى بئلب الائصه على راسك( ياخوفى تقلب القصه على راسج)
اسيل: مابعرف بجوووز
كارلا: كتير بحبها الغنيه الى حيطتها رنه
شكلك بتحبى
اسيل: آآآآآآآآآآآآآآه مو احب وبس الا اعشق اموت
كارلا: لله لله ياسلام شو هيدا اليوم انا عم بعمل ميك آب لجوليت
اسيل:ههههههههههههههههههههه
كارلا: مين هيدا الى بتموتى فيه
اسيل: واحد لله يرجعه لى بسلامه
كارلا: ليه مسافر
اسيل: لا داش دوره للجيش
كارلا: لله يوفقه يارب ويرجعو لحبيبتو
اسيل: آميييييييييين
خلصت اسيل من الصالون وعلى الساعه 8 وصلت لصاله العرس وكانو كل بنات الشله قاعدين فى مكان واحد
وقفت وارهم : سبرااااااااااااااااااااااااااااااايز
لفوا كلهم ورا
غزلان: يمه يمه الجذابه مو توج ماراح تجين
باستها اسيل:اجذب عليج
وسلمت على كل البنات
اسيل : عواااااااااااااااااااااطف هلا هلا هلا بحضره المتزوجه
عواطف: اسوووووووووووول تعالى فى لاحضان
قعدت اسيل تسولف مع عواطف الى من زمان ماكلمتها
اسيل: ها مافيه بيبى منيه مناك
عواطف: هههههههه ايه فيه
اسيل: صج
عواطف: من متى اجذب عليج
اسيل: مبرووووك حياتى
غزلان:يلا بنات الحين بدش
اسيل: بروح اوقف جدام عشان تشوفنى اخاف تصدق انى ماراح احضر عرسها
وقفوا كلهم قدام الكوشه وكانو ناطرينها توصل لهم عشان تشوفهم
كانت اسرار مبين عليها الخوووووف لدرجه كبيره
غزلان: امبيه شوفى شكلها حيل خايفه
عواطف: صح مبين عليها طالع شكلها مو حلو جذى
لما قربت منهم اسرار قالت اجياد: اسرار مبرووووووك
ابتسمت لها اسرار ولفت على اسيل وكانت اطالعه بنظرات معناها ياويلج
اسيل كانت تغمز لها وتضحك
بعدها دخل المعرس الى كان اكبر من اسرار
اسرار تزوجت صغيره كان عمرها 18 وزوجها عمره 29
بعايله اسرار كانت البنت عندهم تتزوج مبجر وكانت هالفكره مو بس عند اهلهم حتى عند بناتهم كانو يحبون يتزوجون مبجر
بعد الزفه وبعد ماراح الكل وماظل بالعرس الا اهل العروس والمعرس
قعدوا البنات مع بعض وكان هالمره ناقص عددهم ماكانت موجوده مريم الى نقطعت اخبارها فجأه
غزلان: اسول ترا الكل بيتزوج وبنقعد انا وانتى عوانس الشله
اسيل: اسم لله على تكلمى عن نفسج
عواطف: هههههههههههه لاان شاءلله كلكم مع بعض تتزوجون
اجياد:انا شيلى من القائمه مابى اخرب جسمى واتزوج واحمل لاويع ويع
اسيل: اسم لله عليج
خذتهم السوالف وماحسوا انه الكل طلع من الصاله وماباقى الا ام المعرس الى كانت اطالعهم من بعيد وتنطرهم يطلعون من نفسهم من غير مطرود
غزلان: امبيييييييييييه ماكو احد
اسيل: هههههههههههههههه فشله فشله
عواطف البست عبايتها: امبيه تأخرت ياويلى من زوجى
اجياد: هههههههههههههههههههههه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
جا الموعد الى كانت اسيل نتظره وجا الموعد الى كانت اسيل بتعرف لو نواف يتسحق التضحيه او لا لو نواف يحبها او لا ولو نواف رجال وعلى وعده او لا شهر 8 اهو الى بيطلع فيه كل شى على حقيقته
قعدت الصبح من النوم
نزلت تحت حق امها الى كانت قاعده مع بنتها لميس
الى كانت حامل بشهر 7 وكانت حيل تعبانه
اسيل: صباح الخير ماماتى
ام محمد: صباح النور حبيبتى صرنا الظهر وين صباح الخير
اسيل: شلونج ام كرشه
لميس:تمام لحد الحين
اسيل قعدت جنب اختها وحطت اذونها على بطنها: ياحليله مايتحرك لايكون مات
لميس: فال لله ولافالج اعوذ بالله
اسيل: هههههههه وين سديم
ام محمد: سديم بدوام انتى ليش مارحتى الكليه اليوم
اسيل: ماعندى محاضرات ومالى خلق اروح
لميس: اول مره اسمع احد ماعنده محاضرات
اسيل وقفت : ايه انا يلا باي بروح اكلم ريوم
لميس: لازم يعنى الدوريه اليوميه مالتكم لازم تكلمون بعض اول ماتقعدون من النوم
اسيل: وانتى شحارج خليج انتى مع البيبى السايلنت مالج الى مايتحرك
لميس: يمه اخاف صج ولدى مات فى بطنى
ام محمد: بسم لله الرحمن الرحيم شهالكلام اعووذ بالله
لميس: كله من بنتج توسس فينى
ولله ماجذبوا لما قالو الشيطان تلميذ المرأه
وبالجهه الثانى من الصاله
اسيل: مادرى تونا دشينا بالشهر
ريم:ياماما أي تونا صرنا نص الشهر
اسيل: انا قايله بنطر الشهر كله وبشوف مابى اتسرع
ريم: جربى دقى وشوفى
اسيل: لا يبينى وقد كلامه يتقدم لى قعدت معاه سنه وشى يمديه عرف كل شى عنى وعرف انا منو
اناماسويت شى غلط ولا خليته يلمس شعره من راسى
ريم: كيفج انا اقولج جذى عشان ماتتعبين من التفكير ودقين وتشوفين
احسن لج
اسيل: نو نو نو
ريم : كيييييييييييييفج انهرى من التفكير بطقاق
اسيل: يطقج... ها شلون نايف
ريم: وانا شكو فيه
اسيل: وليش عصبتى هههههههههه.. للحين ينرفزج ويتحاوش معاج
ريم: ساعات
اسيل:ههههههههههههههههههههههههههههههههههه
ريم: تضحكين
اسيل:ههههههههههههههههههه آآآه ياقلبى
ريم: ويعه ليش تضحكين
اسيل: كيفى شتبين
ريم: مالت مالت مالت
بمستشفى(...)
كانت سديم توها مخلصه شغلها وتبى تطلع عشان تروح البيت
لما راحت تركب سيارتها لقت واحد معطيها ظهره واقعد عند سيارتها
سديم: منو هذا
شسوي واقف عند سيارتى
قربت سديم من سيارتها والشخص الى كان واقف للحين معطي سديم ظهره
سديم: لو سمحت بغيت شى
لف عليها
سديم: سلطان
سلطان: هلا سديم
سديم قامت تتلفت يمين ويسار: سلطان شفيك واقف عند سيارتى شنو يقولون الناس
سلطان: مابى شى بس ابى تعطينى رقم اخوج
سديم: ليش مادقيت على موبايلى بدال ماتوقف تنطرنى عند السياره
سلطان:دقيت جهازج مغلق
سديم: طلعت تلفونها .اوووه مافى شحن
سلطان : انزين عطينى
سديم: ليش شنو تبي فيه
سلطان:بكلمه
سديم: لالاماقدر
سلطان : يلا حبيبتى لاتسوين احراج لج ولى
سديم: سلطان عشان خاطرى مالى خلق مشاكل
سلطان:مافي مشاكل عطينى ومشكوره ويعطيج العافيه
سديم: اوكي يلا سجل
عطته الرقم وركبت سيارتها
سلطان: سديم
سديم: هلا سلطان
سلطان: ديري بالج على نفسج
سديم ابتسمت: ان شاءلله
وحركت وراحت
اتصل سلطان على محمد
محمد: الووو
سلطان: مرحبا
محمد: هلاولله
سلطان: شلونك
محمد: تمام لله يسلمك
سلطان:معاك سلطان
محمد: سلطان منو
سلطان: انا سلطان الى تقدم لى اختك ورفضتنى
محمد: اييييييه هلا ولله
سلطان:هلا فيك... بغيتك بموضوع لو كنت فاضى اقدر اشوفك
محمد: ولله الحين ماقدر خليها على ساعه 6
سلطان:خلاص ان شاءلله بس وين تبى اشوفك
محمد: تعال عندى البيت ادله
سلطان: لاولله
محمد: خلاص على ساعه 6 دق وانا ادليك
سلطان :خلاص صار
كان هالشهر اصعب شهر يمر على اسيل
كانت طول الوقت تفكر بموقفها لو ان كل كلمه قالها نواف
تطلع مجرد كلام من غير فعل
كانت كل مره تهدى نفسها وتقول تو الشهر ماخلص
وكانت كل ماقربت من التلفون تبى تتصل كانت تمنع نفسها من انها تتصل عليه
على ساعه 6 اتصل سلطان على محمد ووصف له بيته
وبعد نص ساعه كان سلطان قاعد مع محمد
محمد: حيا لله من جانا
سلطان:لله يحيك
محمد: شكله الموضوع الى تبينى فيه ضرورى ولاماكان عنيت نفسك
سلطان: اهو موضوع واحد بينا وللحين ماخلص
محمد: مافهمت
سلطان: موضوع القرب منكم
محمد: اييه ولله ياسلطان انت عارف جوابى وبعدك مصر
سلطان: شوف خلنا نتكلم رجال لرجال
عمر النسب والحسب وعياله ماكان يعز الرجال او يذله ورجال بفعلاه واخلاقه مو بعايلته انت ليش تهتم للعياله
المفروض ادور الى يصون اختك ويحفظ لها كرامتها وياخذها معززه من بيتها ويعززها اكثر فى بيته
انا موطالب منك المستحيل انا الى طالبه انه اختك تكون زوجه لى وانا مااصريت عليها الا انى عارف طيب اصل خواتك واهلك ومااصريت بعد الا انه يشرفنى انى اناسبك
محمد: تدرى شنو الى يعجبنى فيك اصرارك انا اول مره اشوف واحد مصر على الى يبيه وحاط فى باله انه يوصله
انا رفضتك كذا مره لكن انت مايأست واصريت اكثر واكثر كثر ماقلت لك لا كثر ماانتى اصريت على رايك وطلبك وانت خليت عندى فضول انى اعرفك اكثر واكثر عشان جذى انا سألت عنك وانت ماتدرى والكل كان يحمد ويشكرفيك مالقيت من يذمك وانا ادرى انه الحين ماحد صار يتكلم بلأصل والفصل وهذا منا وهذا مومنا
هذا الكلام نسيناه لكن انا مانسيته لكن انت الى بتخلينى انساه ان شاءلله
سلطان: تسلم
محمد: وانا اكيد ماراح اللاقى احد يحفظ اختى غيرك وان شاءلله تكونون من نصيب بعض
وسامحنى على كل ماجا منى
سلطان وقف وسلم عليه : تسلم وانا مازعلت منك... يعنى الحين لو اجى واطلبها ماتقول لا
محمد: ههههههههههههههه لله كريم ولله يقدم الى فيه الخير
سلطان: يعنى متى اجى
محمد: لأربعاء ان شاءلله
سلطان:خلاص ان شاءلله بس لاتقولى لا لانى تعقدت منها
محمد:هههههههه لله يقدم الى فيه الخير
سلطان: يلا مع سلامه
ركب سلطان سيارته وكان عنده امل واحد بأميه انه هالمره بكون كل شى اوكى
سلطان: اووووووووف من اخوها مايعطى لاحق ولاباطل
مر الوقت بسرعه وصار يوم لأربعا كان سلطان متوتر اكثر من المرات الى قبل لانه هالمره كان امله كبييييييييير انه يوافق
سلطان: يلا يمى تأخرنا
ام سلطان: ياخوفى يرفضون كالعاده واتفشل وانحرج
سلطان باس راس امها: يمه عشانى انا بس
ام سلطان: لولاك ماسويتها
سلطان:لله يخليج لى يارب. يمه بس انتى بتروحين
ام سلطان: لاعمتك الحين بتنزل
سلطان: خلاص انا بسياره انطكم
فى بيت اسيل كان الوضع عااااااااادى ومثل كل يوم
كانوا قاعدين البنات الثلاث مع امهم ويطالعون التلفزيون
دش محمد عليهم
محمد: سلام عليكم
الكل: وعليكم السلام ياهلا
محمد: شلونج يمه
ام محمد: تمام الحمدلله شخبارك انت والعيال وزوجتك
محمد: الحمدلله تمام
ام محمد: ليش ماجت معاك
محمد: فى بيت اهلها عندهم عشا اليوم
اسيل: لايكون موقد المقام ماتجى بيتنا
محمد: لا بس تقول مايشرفها تدخل بيت فيه وحده لسانها طويل
اسيل:............................ بروح دارى احسن
محمد: سديم الحقيها
سديم: نعم ؟؟ ليش بالله
محمد: ابى امى بموضوع عندج مانع
سديم:............ وصعدت فوق
كانت علاقه البنات فى اخوهم ناشفه شوي ماكانو حيل معاه ولاقاطعينه بالمره كانو عادى
لميس: انا اطلع بحترامى احسن
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك