رواية كويتيات كشفوا الخفايا -16
اسيل: لايكون موقد المقام ماتجى بيتنا
محمد: لا بس تقول مايشرفها تدخل بيت فيه وحده لسانها طويل
اسيل:............................ بروح دارى احسن
محمد: سديم الحقيها
سديم: نعم ؟؟ ليش بالله
محمد: ابى امى بموضوع عندج مانع
سديم:............ وصعدت فوق
كانت علاقه البنات فى اخوهم ناشفه شوي ماكانو حيل معاه ولاقاطعينه بالمره كانو عادى
لميس: انا اطلع بحترامى احسن
محمد: لاانتى خليج
ام محمد: يلا قول شعندك
محمد: اليوم بيجى سلطان واهله
ام محمد: منو سلطان
محمد: الى تقدم لسديم كذا مره
ام محمد:ايييييييه ذكرته وليش جاي موانت قلت ماتبيه
محمد: جاي يخطب مره ثانيه
لميس: وليش ماقلت له انه ماله نصيب بدال مايجى على الفاضى وينحرج
محمد وقف: اهو جاي الحين تجهزوا يلا انا بروح الدوانيه وجهزوا الأغراض بدوانيه
لميس: اعووووووذ بالله شهالولد يقرر من كيفه كل شى مايصير
ام محمد: قومى قومى موباقى شى ويجون امى نجهز الى يجهز معانا
لميس: يمه وبطنى
ام محمد: يوووووووه نسيت انج حامل
بروح انادى اسيل اسمعى اقعدى مع سديم فوق لاتقولين لها شى
لميس: ان شاءلله خلاص يمه انا اصعد وانادى اسيل واقعد مع سديم بالمره
ام محمد:ماتبين تقعدين معاى مع الضيوف
لميس: ولله تعبانه ماقدر
ام محمد: لاتصعدين فوق اخاف تتعبين
لميس صعدت على الدرج: لايمه لاتخافين
ام محمد: شوي شوي وراحت المطبخ
راحت لميس غرفه سديم وفتحت الباب وتسندت عليه
وكانت تتنفس بسرعه
لميس: تعبت اوووووووف
سديم : اسيل روحى امسكيها لاتموت علينا
اسيل مسكت ايدينها:هههههههههههههه تعالى قعدى يعنى بطنج شبرين جدامج شكو صاعده الدرج
لميس: روحى امى تبيج تحت
اسيل : اوكيك
سديم ادق على سريرها : تعالى قعدى
لميس: اوووووف انهد حيلى
سديم: عاد انا مليت من غرفتى ودى انزل تحت شلون الحين انزل اذا نزلتى معاى بتموتين بعد ثانى درجه
لميس: لاوين تروحين تحت فيه ناس عند امى الى بيجون وانا مالى خلق لهم قعدى معاى
سديم راحت عن المنظره تمشط شعرها: منو هذيل
لميس: ولله مادرى ماسألت
سديم قعدت على الكرسى: تدرين من زماااااااان ماطلعت كله من الدوام للبيت ومن البيت لدوام مليت
ماودج نروح باجر السوق نتمشى
لميس: مادرى ولله نشوف
بجهه ثانيه من البيت وفى الدور لارضى
ام محمد: حياكم ياهلا فيكم
ام سلطان: لله يسلمج
ام محمد: عن اذنكم شوي اخذوا راحتكم
ام سلطان: لاعادى صار البيت بيتنا ههههههههههه
ام محمد راحت المطبخ وشافت اسيل قاعده على الكرسى الى بالمطبخ
ام محمد: الحين انا ابيج تساعدينى قعدتى وبصطتى اهنى
اسيل: يمه شسوي يعنى انتو ماقلتو لى بدلى ملابس والحين مالى خلق فشله ادش بالبيجامه
ام محمد شالت صينه القهوه وطلعت من المطبخ: الحقينى بالحلو عند باب الصاله آخذه منج
اسيل: اوكيك لاحقتج
اووووووف ياربى من هالضيوف الى يجون على غفله
راحت اسيل وقفت صوب باب الصاله
ام محمد: ساعه على ماتجيبين الحلو
اسيل:تبين شى يمه او اصعد
ام محمد: خلى الخدامه تجيب باقى لأغراض
ام سلطان: انتى تدرين ياام محمد احنا شنو طلبنا منكم واتمنى هالمره ماتردونا
ام محمد: ان شاءلله مايصير الا الخير الشور شور اخوها وشورها
ولله يقدم الى فيه الخير
اما بالدوانيه فكان الوضع انتهى واتفقوا على كل شى
محمد: خلاص ياسلطان ماله داعى نزيد ونعيد فى الموضوع انا عارف الى انت تبيه
وانا موافق عليه وباقى البنت
سلطان: ايه اكيد لازم تاخذ راي البنت
محمد : عن اذنك شوي
سلطان كانت الدنيا موشايلته من الفرحه لانه عارف راي سديم شنو بكون
دش محمد البيت ودق الباب طلعت له امه
ام محمد: تعالى يمه شوي وراح الصاله الثانيه
لحقته امه
ام محمد: هلا ياولدي
محمد: يمه انا موافق على سلطان وقلت له بسأل البنت وبشوف فا يمه روحى اسأليها اخاف تستحى منى
ام محمد فرحت من قلبها لبنتها وراحت لها فوق
دشت على سديم ولميس بالغرفه وكانت مبتسمه ومبين عليها الفرح
سديم: يمه راحو الضيوف
ام محمد قعدت جنب بنتها: انتى تعرفين منو الى عندنا
سديم استغربت: لا
ام محمد: ام سلطان رجعوا يخطبونج مره ثانيه شرايج
سديم:شنو يمه
ام محمد:هههههه لاتستحين انا امج
سديم: الى تشوفينه يمه
ام محمد: لاتخافين هالمره محمد موافق
سديم:............. وكانت منزله راسها ومستحيه وخايفه ومستانسه وحاسه نفسها بتبجى مليووووووون احساس بدقيقه حست فيه
لميس كانت مستانسه حق اختها انها خذت لانسان الى حبته وحبها ودليل حبه لها انه ماتخلى عنها مع كل الى صار
ام محمد باست راس بنتها وقالت:مبروووك
لميس كانت حيل مستانسه وكأنها اهى الى بتتزوج: لووووووووووووليش
سديم : اووووووووووووووش فضحتينا
لميس: مستانسه مستانسه لج مبروك
وحضنت اختها
سديم: بس خلاص وخرى عنى بطنج ذبحنى
لميس:ههههههههههههههههههههه
راح سلطان واهو يحس انه مالك الكون كله وام سلطان كانت فرحانه من قلبها لفرحه ولدها
اما عمته نشرت الخبر كله بين كل العايله الى فرحوا كلهم حق سلطان الى كان كل العايله تحبه ويقدرونه ويحترمونه من كبير وصغير
وقعدوا كلهم بغرفه سديم يسولفون وتقول لهم امهم شنو صار وقالوا لها
وشنو قال محمد حق امه من اتفاقات اتفقها اهو ومحمد ومتى بتكون الملجه
لميس: وين اسيل مالها حس
ام محمد: اتذكرها آخر مره بالمطبخ عاد وينها الحين مادرى
سديم: ههههههه لايكون ميته ولامنحاشه
ام محمد: روحى شوفيها سدوم وينها
سديم:ان شاءلله
راحت سديم غرفه اسيل ومالقتها دورتها بالغرف الى فوق كلها ومالقتها
نزلت تحت ودورت بصالات ومالقتها
سديم: اسييييييييل اسيييييييييييل
ياربى وين راحت
سديم: مييرى ميييييرى
ميري: نعم ماما
سديم: وين اسيل
ميرى: مس اسيل نوم على طاوله مال مطبخ انا يسوى قومى قومى هيا مافى يسمع انا
سديم: اشفيها نايمه بالمطبخ
راحت دشت المطبخ وفصلت من الضحك على منظر اسيل
سديم قربت منها : اسيل ياخبله روحى نامى بغرفتج شفيج نايمه اهنى
اسيل: اوووووووووه وخرى بنام
سديم:ههههههههههههههههههههههه روحى دارج يلا قومى انتى بالمطبخ
اسيل: راحو الضيوف
سديم: ايه من زمان يلا عطينى ايدينج عشان اصعدج
مسكت ايدينها وصعدتها على الدرج وكانت حدها دايخه
دخلتها غرفتها
واسيل على طول قطت نفسها على السرير ونامت
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بعد ماتحقق حلم سلطان وسديم انهم يكونون لبعض انتهت هالمشكله وراح يزين الزواج حبهم ويخليه حب طاهر بعيد عن أي نيه خبيثه
اتفقوا على موعد العرس بعد ماملجوا رسمى وصارت سديم زوجه لسلطان
ريم زادت علاقتها مع نايف لكن ولااحد فيهم اعترف لثانى بحبه كل واحد فيهم كان حاط حبه بقلبه ويحاول كثر مايقدر انه يخفيه بالمشاكل الى كانت تصير بينهم لكن غصبن عليهم كان يطلع
اما اسيل كانت تودع لأيام لاخيره بشهر ثمانيه بخوف وترقب وحب وندم كانت بكل يوم ينقص من شهر ثمانيه
كانت تحس انه نواف اخلف بوعده له لكن مع هذا ماحبت تتسرع وقالت بنطر
كانت تتذكر دايما كلمته لها انا قدرج المحتوم وكانت تتذكر ردها له
اسيل: لاتقول جذى باجر بتلاقى بنت تحبها وتتزوجها انتو ياشباب ماتتزوجون البنت الى تكلمكم
نواف: حبيبتى مو معنى اذا واحد طاح من الشباب كلنا نطيح معاه
انا ماراح اقول شى لأيام بتثبت كل شى
اسيل: نشوووف
نواف: خلاص نشوف
دمعت عيونها من غير ماتدرى ماكانت تدرى عنه ولاتبى ادق وتسأل عنه لانها ماتبى تنصدم
ماتبى كل شى ينكسر قدامها بثانيه
ماتبى تندم على انها فتحت قلبها مره وحده وانكسر قلبها بهالمره
يارب لاتخلينى اندم على هالعلاقه وعلى هالحب الى بقلبى لنواف
يارب انا ماغلطت ولا سويت أي شى يمس بشرفى انا كلمته لكن علاقتى كانت شريفه ولاخليته يمس شعره من راسى
يارب انت عارف بحبى له يارب لاتخلينى اندم انى حبيته
كانت اسيل قاعده بغرفتها ومصكره الليتات بس ليت الأبجوره مفتوح
كانت نايمه على بطنه وشعرها طايح نصه على سرير ونصه على وجها
كانت خصلات شعرها مبلله شوي من دموعها
مرت لأيام واسيل على هالحال الكل لاحظ هالتغير المفاجئ الى صار لها
امها كانت تعبانه لتعب امها وخايفه على بنتها الى كل ماراحت الطبيب قال مافيها شى
واكيد بقول جذى لانه مافى علاج لعوار القلوب وتعبها
سديم كانت عارفه شنو فيها اختها لكن ماقدرت تسوي لها شى ولاتقول حق أي احد
حاولت تساعد اسيل انها تسأل وتشوف وينه لكن رفضت
وقالت اسيل لو سألتى عنه بزعل عليج طول عمرى اهو الى وعدنى انه بيجى موانا
اما ريم فاكانت اكثر وحده مع رفيجتها وكانت تحاول بكل الطرق انها تقنع اسيل انها ادق وتسأل
بس
خلص شهر 8 ونواف لاحس ولاخبر
واسيل زاد جرحها وكبر
ماكانت تدرى تبجى على حب انتهى من غير كلمه وداع
ولاتبجى على قلبها الى حب مره وانجرح
ولاتبجى على حبيب جرح قلب حبيبته من غير سبب
ولاتبجى على الوعود الى صارت مثل شرب الماي
ريم: اسيل خلاص مايصير جذى لازم تسوين شى دقى شوفى يمكن مريض تعبان حى ميت شوفى لاتظلمينه يمكن فيه شى صاير
اسيل: لامافيه شى صاير موانتى تقولين انه شفتى بالجريده اسمه مع اسماء المتخرجين من الدوره خلاص
ريم: انزين كلميه يمكن اهو ناطر منج مكالمه وناطر منج انه تباركين له
اسيل: اهو الى قال بدق افهمينى انا نطرته ست اشهر على وعد انه اهو الى بيدق
ريم: بس ولله حالتج جذى موزينه خلينى انا اسأل واشوف
اسيل: لاياريم خلاص .. بصكر الحين الوقت متأخر وباجر عندى جامعه
ريم: على راحتج
تعال ووقع بجرحك أنا قلبي كتـاب جـروح
ما يهمك ترى غيرك جرحني ما افتكر فينـي
تعال وناظر إحساسي أنا قلبي كتاب جروح
أنا جروحي واعواقي تبعثـر سمهـا فينـي
تصفح كل أوراقي ألم واحساس بي مذبـوح
جروح تذهل الناظر وظلمه تسـرق سنينـي
زوايا القلب تتألم وشرخ في الحنايا ينـوح
وعبره تخنق إحساسه ودمع راجـف بعينـي
زمن فيه ألوفا ولى وسيف الغدر به مسموح
يسله من هوى ذاته ويهوى بـس يشقينـي
زمن فيه ألانا تقتل مشاعر بين روح وروح
وعلى كثر الألم منها صار الفـرح مجفينـي
شوف الواقع المؤلم يعشق شوفه المجروح
رسخ في داخلي كلـي ووده حيـل ينهينـي
وإذا ناوي على الفرقا معزم بالجفا بتـروح
جميلك قبل ما ترحل تكرم بـه لجـل عينـي
فى اليوم الثانى قعدت اسيل من النوم مبجر عشان تروح الجامعه وكانت حيل تعبانه
بس لازم تروح الجامعه لانه صار لها فتره ماراحت
نزلت تحت لقت امها وخواتها على طاوله الطعام ياكلون
اسيل : صباح الخير
وقعدت على الكرسى
الكل: صباح النور
ام محمد: يمه شفيه ويهج جذى اصفر تعبانه فيج شى
اسيل: لايمه مافينى شى بس مونايمه عدل امس
سديم: خلاص لاتروحين الجامعه دامج تعبانه
اسيل: لامن زمان مارحت
يلا تأخرت بروح
ام محمد: تعالى ماكليتى شى
اسيل: يمه متأخره يلا بيباي
وطلعت من الغرفه
ام محمد:هالبنت بتجننى مادرى شنو فيها
لميس: تعب الدراسه يمه
ام محمد:لله يستر عليها
طلعت اسيل من بيتهم وراحت تنادى السايق عشان يوصلها
واهى واقفه عند باب بيتهم تنطر السايق يطلع السياره
سمعت صوت مفاتيح سياره ولما لفت لقت احمد
طالع من بيتهم
صارت عينها بعينه فتره
وبعدها على طول انتبه على نفسه وراح وركب سيارته
واسيل وقفت اطالع فيه وتتذكر كل كلمه قالتها له لما كلمها والتضحيه الى سوتها حق نواف وبلأخير ماوفى بوعده لها
نزلت دمعه قهر وحسره وحزن من عيونها
ظلت واقفه مكانها واطالع احمد
واحمد كان حاس انه فيه احد يطالعه لكن ماحب يشوفها او يطالعها او يسألها عن احوالها
تذكر كلمته لها انا بحياتى شخص ثانى
حرك بسياره بسرعه وراح
ولما سمعت اسيل صوت السياره صحت من ذكرياتها وكل شى صار لها قبل
مسحت دموعها وركبت السياره وراحت الجامعه
راحت لجامعه وكانت قاعده بالكفتيريا
اسماء(رفيجه اسيل بالجامعه) : صباح الخير اسيل
اسيل: هلا صباح النور
اسماء:شلونج
اسيل: الحمدلله
اسماء: شكلج تعبانه صح
اسيل: ايه شوي
اسماء: ليش داومتى وانتى شكلج جذى مبين عليج حيل تعبانه
اسيل: لاعادى عندى بس محاضرتين اخلصهم واروح
اسماء: انتى معاى بأول محاضره صح
اسيل: ايه صح
اسماء: يلا قومى باقى بس خمس دقايق عليها
اسيل شالت اغراضها: يلا
ولما قامت حست بدوخه ومسكت الكرسى على طول
اسماء: بسم لله عليج شفيج
اسيل: خلاص ولاشى امشى
اسماء: روحى بيتكم ماراح تقدرين ولله امشى اوصلج
اسيل: لاعادى الحين بتبلش المحاضره امشى
اسماء: لاامشى اوصلج بيتكم
وراحت اسماء وصلت اسيل بيتهم
دشت اسيل البيت وكانت لميس قاعده اطالع التلفزيون
اسيل: سلام عليكم
لميس: وعليكم السلام ياهلا شفيج رديتى
اسيل: تعبانه ماقدرت وين امى
لميس:امى مواهنى راحت مع ام ريم
اسيل:خلاص انا بروح دارى انام لاتقولين لها انى اهنى مابيها تخاف على
لميس: اوكيك
راحت اسيل غرفتها وعلى طول قفلت الباب وقطت نفسها وحزنها ودموعها على السرير
وقعدت تشكى حق ربها الى عارف بكل نيه شريفه بقلبها وعارف بحبها لنواف
شكت له كل شى بقلبها عشان ترتاح
يااارب ريحنى وفرج لى همى يارب انا بس حبيته
وكنت ابيه يكون لى زوج وحبيب
يارب معقوله انا يصير فينى جذى انا الى ماكنت احب بسهوله وماكنت افتح قلبى حق أي احد
وماعطيت أي احد مجال انه يجذب على يصير فينى جذى
يارب الحب موعيب اهلنا يشوفونه عيب لكن يارب انا ماحبيته الا حب شريف يارب
ليش يارب الهوى بنظر اهلنا جريمه
ليش مااقدر اقول حق امى عن كل شى بقلبى واريحها من خوفها على
يارب ان كان مريض اشفيه وان كان عاجز يارب ساعده
يارب وان كان مجذب على يارب لاتسامحه
فى بيت ريم
كانت ريم قاعده تفكر شنو بتسوي عشان تساعد رفيجتها
اوووف شسوي الحين
مافى الا بدر
دقت ريم على بدر
بدر:الووو
ريم: هلا بدر شلونك
بدر: هلا ريم تمام الحمدلله شخبارج انتى
ريم:تمام الحمدلله
بدر: دوم يارب
ريم: بدر بغيتك تساعدنى بشغله لو ممكن
بدر: تأمرين امر آمرى شنو تبين
ريم:مايامر عليك عدو. بس بغيت اعطيك اسم واحد وابيك تعرف لى وينه الحين
بدر: شلون يعنى
ريم: يعنى تسأل عنه جيرانهم أي احد بمنطقتهم
بدر: تعرفين وين ساكن
ريم: لحظه بتذكر
ياااربى وين ساكن ويين نسيت
بدر: عطينى رقمه وانا اطلع عنوانه من الرقم واشوف
ريم: اوكيك بس بليز مابيه يحس بشى انزين بس شوفه لو موجود بالكويت او لا اهو توه متخرج من الجيش فا شوف لو صج او لا
بدر: انزين منو هذا
ريم: اخو وحده من رفيجاتى طالع من البيت ومايدرون وينه ومايبون يقولون لشرطه مايبون يكبرون السالفه
بدر: خلاص ان شاءلله شمه اهو
ريم: نواف
بدر: اوكيك خلاص
ريم: وردلى خبر
بدر: اوكي باي
ريم باي
والحين بنشوف يانواف وينك وبنعرف جذبك من صجك
قربت ولاده لميس وزاد تعبها اكثر مع الولاده
فهد: ها شلونج الحين
لميس: ولله ولدك الى فى بطنى ذبحنى نوم مااقدر انام تعبت
فهد: بعد عمرى ههههههههههههههههه لله يعينج يارب لله يسهل يارب
لميس: انتو ياريايل مرتاحين ولاتعب وعوار ولانفاس ولا نساه وولاشى
فهد:ههههههههههههه عادى حبيبتى تحملى عشان ولدنا
لميس: عشان لاثنين ولله
فهد: لله يجيبه لنا بسلامه يارب ..هاللحين ماتبين تقولين لى ولد لابنت
لميس:نو نو نو سر
فهد: يعنى مافيه امل
لميس: لاتحاول
فهد:هههههههههههههه اوكى... خلاص حبيبتى انا الحين بروح عند ربعى بدوانيه اكلمج بعدين
لميس:ديربالك على نفسك يلا مع سلامه
دشت سديم عند لميس بالصاله
سديم:هاي
لميس: هايات
سديم:ملل
لميس: روحى طلعى تمشى
سديم: مابى اروح بروحى امشى معاى
لميس :اخاف اولد عليج بشارع
سديم: حبيبتى توج باقى شهر
لميس: لاحبيبتى فيه ناس تولد بشهر الثامن وانا ماباقى شى وادخل التاسع
سديم: اذا ولدتى بشارع انا اوردج
لميس: حتى انا ضايق خلقى
خلاص امشى نروح
سديم: خلاص انا بروح ابدل وانزل
لميس: اوكيك انا بلبس عبايتى اغراضى بالغرفه الى تحت لاطولين على
سديم: بسأل اسيل لو تروح
راحت سديم حق اسيل بغرفتها
طق طق طق
سديم:اسيييل بطلى
طق طق طق
سديم: بروح نتمشى تروحين معانا انا ولميس
ياااربى اشفيها ماتبطل
فتحت باب الغرفه ولاتلاقيها ظلمممممممممه ومومبين شى كلش
شغلت الليتات ولاتشوف اسيل نايمه
سديم: كل هذا نوم من زمان نايمه
راحت قربت عندها تقعدها
سديم:اسيل قومى من زمان وانتى نايمه
اسيل: ياااربى مابى خلينى نايمه
سديم:بنطلع تبين تطلعين
اسيل: لامابى
سديم:كيييييفج يلا بروح انا
اسيل: صكرى الليتات وباب
سديم:اوكى
راحت سديم ولميس لسوق
كانو يتمشون وسديم كانت تشترى ملابس لبيبى اليديد واغراض
سديم: انزين انتى ماقلتى لو ولد او بنت لنا شلون بتشترين جدام ماتخافين اعرف شنو جنس البيبى
لميس : لاماراح تعرفين
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك