رواية كويتيات كشفوا الخفايا -17
سديم:بنطلع تبين تطلعين
اسيل: لامابى
سديم:كيييييفج يلا بروح انا
اسيل: صكرى الليتات وباب
سديم:اوكى
راحت سديم ولميس لسوق
كانو يتمشون وسديم كانت تشترى ملابس لبيبى اليديد واغراض
سديم: انزين انتى ماقلتى لو ولد او بنت لنا شلون بتشترين جدام ماتخافين اعرف شنو جنس البيبى
لميس : لاماراح تعرفين
سديم: لو شريتى وردى وعلى ورود وحركات بناتيه بعرف انها بنت ولو العكس هم بعرف
لميس كانت ماسكه ملابس وتشوفها رجعتها مكانها:امشى مانى شاريه امشى بروح اشترى لى ملابس بعد الولاده
سديم:هههههههههه كيفج
طلعت لميس من المحل بسرعه
سديم: وهذا وانتى حامل وتمشين بسرعه لو موحامل بطيرين
وقفت لميس ولفت على اختها
لميس: قل اعوذ برب الفلق
راحو للمحل الثانى كانت لميس بغرفه التبديل
وسديم قاعده على الكرسى تنطرها
سديم: يلا خلصينى
لميس: مااقدر اللبسه
سديم: يعنى بطنج شبرين جدامج وهدوم مقساتها صغار يعنى شلون بالله جحا جحا مافكر مثلج
لميس: اناالغلطانه الى رايحه معاج
سديم: انزين طلعى من الغرفه معاى ملابس بقايسها
ذ
لميس: روحى الغرفه الثانيه
سديم: شلون انا متنحه ابى هاذى خلصى
لميس طلعت من الغرفه: يلا دشى وان تأخرتى رحت وخليتج
سديم: انتى جايه معاى بسيارتى ماتقدرين
لميس: عندى زوج لله يخليه لى
سديم دشت بسرعه الغرفه وصكرت الباب: خلاص بخلص بسرعه
خذت سديم ملابس لها ورحت اشترت عطور ومكياج
لميس: انتى قاعده تصرفين من فلوس المهر
سديم: لامن معاشى
لميس: ايه خلى فلوس المهر حق الشهر الجاي عشان تجهزين لعرسج
سديم: ايه ادرى
لميس: امشى ناكل شى بطنى يصفر
سديم: اوكيك انتى الحين ماتبين شى
لميس تهز راسها بمعنى لا
سديم: اوكيك امشى ناكل فوق بالمطاعم
راح بدر يسوي المهمه الى قالت له ريم عنها
اتصل على واحد من ربعه وعطاه الرقم
بدر: ها طلع شى
صالح: لحظه الحين
بدر: اوكى
صالح: ايه طلع اسمه نواف (........) المــ.... عليه وايد مخالفات
بدر: لاولله وانا شكو بالمخالفات شوفلى وين ساكن
صالح: ساكن بمشرف قطعه 1 شارع 5 منزل 70
بدر: شوفه متزوج
صالح: لا
بدر: انزين شوف يشتغل
صالح: محطوط طالب
بدر: يمكن للحين مااشتغل
صالح: وفيه اسماء اخوانه واذا عليهم قضايا وجذى
بدر: لامومهم هذا اهو عليه قضيه او شى
صالح: لا كلها مخالفات مروريه بس
بدر: خلاص يعطيك العافيه لو بغيت منك شى بتصل تبى شى الحين
صالح: لله يعافيك سلامتك ولله وخلنا نشوفك
بدر: ان شاءلله يلا مع سلامه
بعد ماصكر منه اتصل على رفيجه فواز
فواز: هلا نواف وينك
بدر: انت وين الحين
فواز: انا مثل ماقلت لى ناطرك عند بيتنا
بدر:لاتحرك بمر عليك الحين
فواز: ناطرك
راح خذا فواز وراحو للعنوان الى خذوه من صالح
بدر: هذا بيتهم
فواز: انزين عرفت بيتهم شنو بتسوي يعنى
بدر: مادرى خلنى افكر
فواز: شوف شوف
بدر: شنو
فواز يأشر بيأدينه على بيتهم: شوف هناك هندى يمكن سايقهم انزل سأله
بدر فتح الباب بسرعه ونزل
راح بدر للهندى الى كان قاعد يغسل سياره
بدر:سلام عليكم
الهندى: وعليكم سلام بابا
بدر: هذا بيت منو
الهندى:هذا بيت بابا تركى
بدر:فيه نواف داخل
الهندى:بابا نواف ايه فيه داخل
بدر: بابا نواف يروح جيش
الهندى: ولله بابا انا مافي معلوم كلام انت
بدر قام يتحرك ويرفع ايدينه يحاول انه يفهمه شنوجيش: فيه معلوم
الهندى يهز راسه: ولله بابا مافي
بدر: بوليس يعرف بوليس شرطه
الهندى:آآآآآآه بابا ايه بابا نواف يروح ويجى
منى داخل بيت يسوي اغانى اكل واجد ناس واجد
الهندى:انا مافى معلوم
بدر: خلاص شكرا
الهندى: انت مين بابا
بدر: انا صديق نواف انا من زمان مافى شوف
الهندى اوكى اوكى
ركب نواف السياره
فواز: شصار شفيك تنطط عنده
بدر: موراضى يفهم شنو جيش
فواز: انزين عرفت الى تبيه
بدر: يقولى انه سوا حفله حق نواف وناس وايد واغانى
فواز: ليش
بدر: يمكن متزوج
فواز: انزين انت ليش تبى تعرف عنه
بدر حرك بسيارته: بعدين اقولك
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
رجعت لميس وسديم للبيت بعد ماشروا كل لأغراض الى يبونها وكل لأغراض الى ماكانو يبونها بس عجبتهم
دشت لميس وعلى طووووول قطت كل شى بأدينها وقعدت على الكنبات
لميس: اووووووف انهد حيلى
ام محمد : هههههههههههههههههه يعطيج العافيه حبيبتى
لميس: يعافيج يارب
سديم دشت وماسكه بأدينها اغراض وايد توجه كلامها لميس: حبيبتى مو يعنى حامل تخلينى انزل كل شى
وتخلين اغراضج بسياره
لميس: شكرا شكرا حبيبتى ان شاءلله اخدمج بعرسج
سديم: بس انتى تولدين بسلامه بتشوفين شنو راح بسوي بس الحين معذوره...
يمه خلود تسلم عليج
ام محمد: وين شفتيها
سديم:توها عند الباب كانت داشه بيتهم مع ولدها احمد
اسيل كانت مطنشه بخواتها وكانت اطالع التلفزيون وسرحانه لكن اول ماسمعت اسم احمد حست بنغزه بقلبها وتذكرت مره ثانيه كل شى صار
اسيل: تصبحون على خير
ام محمد: تو الناس الساعه 8 للحين ماصرنا بنص الليل
اسيل: بروح انام يمه
ام محمد :خليج سهرانه باجر عطله
اسيل: مره ثانيه يمه تصبحون على خير
سديم كانت اطالع اختها وعارفه ليش اهى طلعت وتعذرت بالنوم
بعد ماطلعت سديم كل اغراضها وخذت راي امها فيها
راحت لغرفتها عشان تحط اغراضها فيها
وبعدها راحت لغرفه اسيل
طق طق طق
اسيل:منووووو
سديم: انا بطلى
اسيل: روحى بنام
سديم: ادرى مافيج نوم بطلى خلصنى
اسيل بصوت مخنوق: رووووووووحى
سديم: ان مابطلتى الباب بنزل تحت وبقول كل شى حق امى
وطبعا سديم بس كانت تبيها تبطل الباب عشان جذى قالت هالكلام
بعد دقايق بطلعت اسيل لها الباب وعلى طول ردت على سريرها وغطت نفسها بالفراشها كله
سديم دشت وقفلت الباب وراها
وقعدت جنب اختها
سديم: اسيل قومى نتكلم شوى
اسيل:...............
سديم: اسيل قومى كلمينى انا ادرى انج تسمعين
اسيل خلاص مو نهايه الدنيا اسيل اذا نواف راح وماوفى بوعده اوكى اكيد بتنجرحين وتنصدمين لانج تحبينه
بس خلاص من باعنا نبيعه واكيد حاسه بذنب اكبر انج ضيعتى احمد بس عادى الشى قسمه ونصيب والحياه لازم تمشى لاتوقفين حياتج ومستقبلج عشان شخص خان العهد اسيل شوفى نفسج شوفى نفسج الحين وقبل
وين اسيل القويه الى كانت الحياه عندها سهالات تمشى مهما وقفت ومهما نجرحنا منها ومهما كان فيه عقبات
اسيل مو انتى الى كنتى تقولين ماجابته امه الى يخلينى اكره الدنيا عشانه
ادرى انه جرحج الى بقلبج مو بس نواف ادرى
ادرى انج مجروحه لانج حبيتى مره ونكسر قلبج بهالمره
وادرى انج مجروحه انج كسرتى قلب احمد عشان نواف
بس ياحبيبتى لج حلين يااما خلاص ترجعين قويه وتعتبرين نواف ولاشى او انج تذبحين نفسج بهالهم الى انتى فيه
حبيبتى خلى عندج امل انه بيجى او انسيه بالمره بس لاتكونين بالنص موعارفه وين تروحين
تصبحين على خير
وطلعت من الغرفه وصكرت الباب وراها
اسيل طلعت كل شى بقلبها على مخدتها بجت بجت لما نامت
اتصل بدر على ريم
الى كانت قاعده بغرفتها وتنطر اتصال من بدر
اووووووف ياربى سنه هذا ولله لو كونان كان ماطول كل هالمده
ياااااااربى يلا دق دق
كانت قاعده اطالع الشارع وسما برا وتشوف هدوء المكان بليل وكانت سرحانه وتفكر شنو ممكن عرف بدر عن نواف
(( تغيب وتتغلا يعنى دلع ولا بقلبى تتسلا.....))
ركضت بسرعه على تلفونها الى كان على الطاوله وبسرعه ردت
ريم: الوووووو
بدر: هلا ريم سورى تأخرت
ريم: ايه شوي تأخرت بس عادى المهم قول شصار
بدر: انا عرفت شوي شغلات واهم شغله عرفتها انه اهو الحين فى بيتهم وبالكويت
ريم: صج
بدر: ايه
ريم: منو قالك
بدر: كلمت سايقهم
ريم:انزين وبعد شنو عرفت
بدر: وعرفت انه تخرج من الجيش وبس هذا الى عرفته
ريم: هذا اهم شى انه اهو عايش وموجود
بدر: بس انتى تعرفين هذا ابوه منو
ريم: ايه ادرى وزير
بدر: تذكرت قالى شغله غريبه السايق
ريم : شنوقال
بدر: لما سألته اذا نواف تخرج من الجيش او لا قالى ايه وقالى قبل كم يوم سوا حفله وناس وايد واغانى واكل وايد
بس مادرى ليش
ريم منصدمه: لايكون تزوج
بدر: مادرى
ريم: الحين شلون بعرف
بدر: ولله مادرى لما طلعنا برنت عنه كان طالب ومومتزوج
ريم: اوكيك يعطيك العافيه
بدر:لا ريوم لاتقولين جذى انتى اختى وصديقتى وتستاهلين
ريم:.....
بدر: يلااخليج تصبحين على خير
لما صكرت ريم
استغربت من كلمته اخته
ريم: متى صرت اخته موعلى اساس يحبنى
ولااحسن جذى يكون اخ لى ولايكون حبيب مادق قلبى له
الحين شسوي شقول حق اسيل ولله لوقلت لها هالكلام بتموت
انزين اهو تزوج ولا لاء انزين ليش حفله واغانى ودنيا
يارب ساعد اسول ولله ماتستاهل
قررت ريم انها تتصل على اسيل وتعزمها باجر فى بيتهم على العشا
بما انه امها عندها عرس وماراح يكون فيه احد بالبيت
اتصلت عليها واتفقوا على كل شى وبعد معناه وافقت اسيل انها تجى بيت ريم
باليوم الثانى الصبح كان اليوم عطله وكان الجو حيل حلو
فا اشتغلت ريم الفرصه واتصلت على شوق وقالت لها امشى سوق عشان بشترى لى شويه اغراض
شوق وافقت وطلعت ريم الصبح عشان تاخذها
كانت ريم قاعده بسيارتهم وتنطر شوق تطلع من بيتهم
ريم: قاسم سوى هرن
طااااااااط طاااااااااااط
ريم: ياربى بدق اشوفها
شوق:الوووو
ريم:شرايج تنامين داخل
شوق: مومنى نايف يقولى ماتطلعين من البيت الا لما تتريقون
ريم: واهووو شكو
شوق: مادرى خلاص تعالى ناكل وبعدها نروح مانبى نروح على لحم بطنا
ريم: ياااااااااربى امرنا لله نازله الحين
دشت ريم داخل بيت عمها
كانت تسمع صوت ضحك واصوات عاليه من غرفه الطعام
دشت عليهم وابتسمت:سلام عليكم
الكل : وعليكم السلام
ريم
راحت تسلم على عمها وباست راسه: شلونك عمى
عم ريم: هلا حبيبتى انا تمام شلونج انتى وشلون اخوانج وامج
ريم: كلنا تمام الحمدلله
وسلمت على زوجه عمها
عم ريم: تعالى اكلى معانا
ريم: لاولله مومشتهيه
عم ريم: ان ماكليتى ماراح آكل
ريم: لالالا كلش ولاانت
وقعدت وقامت تاكل معاهم
قام عمهم وراحت معاه زوجته
وما ظل الا ريم وشوق ونايف
ريم : يلا شوق امشى تأخرنا
نايف كان يدق رجول شوق من تحت بمعنى لاتقومين
شوق:لالا خلينا نقعد شوي يوعانه ولاكل يشهى وحلو
ريم: اوووووووف اوكيك
نايف:لايكون موعاجبج اكلنا ريم ولا اكلنا مو قد المقام
لفت عليه ريم وقامت اطالعه: كله خير ونعمه من لله
نايف: الحمدلله
نايف كان مندمج بأكل وريم كانت سرحانه فيه قاطعه اطالع تفاصيل شكله وعيونه وشعره وطريقته بأكل وتقول بقلبها ولله وطلعت حلو وانا مادرى عنك
انتبه عليها نايف: ريم معجبه تبين توقيع
ريم ارتبكت: شنو
نايف : ولاشى
ريم وقفت: شوق بتروحين حياج ماتبين اروح بروحها
شوق اول ماسمعت هالكلام على طول خذت جنطتها ولحقت ريم
وبسياره
ريم: اوووووف اخوج مليق
شوق: ياااااااسلام لو مليق ماقعدتى ساعه سرحانه فيه
ريم: نعم يعنى شتقصدين ها قولى
شوق: يمه يمه ليش خفتى مااقصد شى حبيبتى
ريم: ترا مافى شى من الى فى بالج
شوق:ههههههههههههههههههههههههههههههه مافى شى فى بالى اصلن
شكلج فاهمه غلط
هههههههههههههههههههههه
ريم:...........................
اسيل لما قعدت من النوم قررت تغير كل شى وتطلع من الحاله الى اهى فيها
اول شى سوته كسرت خطها واتصلت على سديم الى كانت بدوام عشان تشترى لها خط جديد
قررت انها تشيل نواف من بالها
وقالت يبينى حيالله مايبينى لله يوفقه
هالقرارات كانت كلام لكن فعلها كان واااااااااااايد صعب على اسيل كانت ادوس على نفسها وقلبها
عشان تنفذ هالقرارات مانكرت وقدرت تنكر حبها لنواف لكن الزواج مو غصب وعيب انه البنت تروح تقول لولد تعال تزوجنى وماكانت تبى تحط نفسها بهالموقف عشان جذى مافكرت تسأل عنه او تتصل
الظهر لما رجعت سديم للبيت راحت عند اسيل
اسيل كانت توها طالعه من الحمام وكانت تستشور شعرها عشان بتروح لريم
سديم: هاي
اسيل: هايات
سديم: هاج هذا خطج اليديد
اسيل: مشكووره
سديم: لله يعينج على توزيعه على البنات الى تعرفينهم
اسيل: لاتحاتين مسج واحد اطرشه للكل يكفى
سديم: وين بتروحين
اسيل: بروح حق ريم عازمتنى على العشا
سديم: ايه يااسيل خليج جذى هاذى اسيل الى اعرفها
يلا اخليج بروح اتغدا ماتبين
اسيل: تغديت قبلكم
سديم: اوكى
ركبت اسيل خطها ووعطته لكل رفيجاتها
اتصلت ريم على اسيل عشان تأكد عليها انها تزورها
اسيل: الووووو
ريم: هااااااااااي
اسيل: هايات
ريم:خطج اليديد هذا
اسيل: يس
ريم: على البركه انزين وخطج الثانى
اسيل: قطيته خلاص مابيه
ريم: على راحتج انزين لاتنسين اليوم تجين
اسيل: لاخلاص ان شاءلله على ساعه 8 اكون عندج
ريم: اوكيك سى يو
على ساعه 8 كانت اسيل جاهزه واستأذنت من امها انها بتروح بيت ريم
ووافقت امها وراحت لها
لما وصلت اسيل عند باب بيت ريم اتصلت عليها عشان تفتح لها الباب
وبعد ثوانى بطلت الباب ريم
ريم:هلا هلا هلا تو مانور البيت
اسيل لمت رفيجتها حيل: مشتاقتلج
ريم: انا اكثر ههههههههههههههههه
اسيل: شخبارج
ريم: عال العال
اسيل: البيت هدوء ماكو احد
ريم: ايه رايحين بس انا وخدامات وولد هيا موجودين
اسيل: هيا حامل
ريم: ويييييييييه من زمان وولدت
اسيل : ماشفت ولدها
ريم: خلاص بعد شوي نشوفه
امشى دارى فوق مجهزه معدات الفصله كلها
اسيل:هههههههههههههههههههههههههههههههههه
دخلت اسيل غرفه ريم:وااااااااااو كل هذا عشانى
ريم: تستاهلين اكثر
قعدوا يسولفون ويضحكون وكل وحده تقول آخر اخبارها لثانيه
ريم: لحظه شوى
راحت بطلت كبتها دخلت راسها داخل
اسيل:هههههههههههههههه انتى شدورين
ريم: لحظه الحين تعرفين
اسيل:هههههههههههههههههه شكلج تحفه
ريم: كااااااااهو لقيته لقيته
اسيل: شنو لقيتى كنز على بابا
اسيل كانت مسنده على كرسى هزاز وكانت تاكل كاكاو وتشوف ريم وتضحك
طلعت ريم بعد صراع الملابس
اول ماوقفت ريم فصلت اسيل ضحك:هههههههههههههههههههههههههههههههههههههههههههه
ريم مستغربه: اشفيج
اسيل : شوفى شكلج بالمنظره
هههههههههههههههههههههههههههههه
ريم لفت على المنظره واخترعت من شعرها
ريم تعدل شعرها: مالت مالت
اسيل:هههههههههههه انزين قولى شنو لقيتى وشنو الى كنتى ادورينه
ريم: هذاااااااااااااااا
اسيل: شاريه جهاز يديد
ريم قعدت على الكرسى وحطت رجل على رجل: لالالا هذا صح يديد بس هذا خط استعباطى
اسيل:هههههههههههههههههههههههههه فهمت شنو تقصدين
ريم: ههههههههههههههههههههههههههههه ايه الحمدلله عبالى نسيتى ايام العبط قبل
اسيل: انزين على منو بدقين
ريم: فيه واحد طرش لى رقمه بالبلوتوث بدق عليه استعبط
اسيل:الخط بأسم منو
ريم: افاااااااااااا عليج من غير بيانات هذا
اسيل:هههههههههههههههههههه موهينه
ريم: افا افا عليج نضبطج
يلا بس اطلع الرقم من مسجات البلوتوث
كاهو لقيته
ريم: انتى تتكلمين ولاانا
اسيل:عطينى انا
ريم : شنو بتقولين
اسيل: بتشوفين دقى يلا
اووووووش دق دق
اسيل: الووووو
....؟: هلاوولله
اسيل: شلونك
؟؟؟: تمام الحمدلله
منو معاى
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك