رواية كويتيات كشفوا الخفايا -18
يلا بس اطلع الرقم من مسجات البلوتوث
كاهو لقيته
ريم: انتى تتكلمين ولاانا
اسيل:عطينى انا
ريم : شنو بتقولين
اسيل: بتشوفين دقى يلا
اووووووش دق دق
اسيل: الووووو
....؟: هلاوولله
اسيل: شلونك
؟؟؟: تمام الحمدلله
منو معاى
اسيل: حبيبى وينك امس ادق عليك ماترد معقوله نسيت الحب والغرام والعشق الى بينا
؟؟؟؟: منو انتى
اسيل: اانا احبك آد العيون السود وحبيتك بالصيف وحبيتك فى شتى
؟؟؟: داقه تغنين انتى
اسيل: لااااااااا تجرح مشاعرى وتقول هالكلام انا ماسويت لك شى عشان تعاملنى جذى هذا جزاتى انى حبيتك واخلصت فى وعدى ولله ماودى كل الظروف ضدى
ريم:هههههههههههههههههههههههههههههه
اسيل تأشر لها بأدينها يعنى سكتى
؟؟؟: وتغنين حق نوال بعد
اسيل: نوال تخونى مع وحده اسمها نوال ياخساره على ايام الحب والعشق ودلال صج انكم وحوش ذئاب
؟؟؟؟: نعم انتى شاربه شى
اسيل: ايه شاربه ريدبول بيعطيك جوانح
ريم واسيل:ههههههههههههههههههههههههههههههههههه
وسكرت الخط
ريم: ياخبله لوووووووووووووووووووول
اسيل: مادرى من وين طلع هالكلام
ظلوا يستعبطون على الشباب لما ملوا
ريم: خلاص انا مليت مليقين
اسيل: ماحد دق
ريم: عبالهم سكرانين
اسيل: الظاهر جذى
ريم قامت تشغل المسجل
وطلعت اغنيه تحبها ريم اجنبيه وقعدت ترقص وتغنى عليها
وبعدها شغله شريط منوعات حق اصاله
وطلعت اغنيه
اسالي نفسي بالدنيا والدنيا تسلي نفسها فيني
اجاري الوقت لو عاته لوه ما يجاريني
تعلمت اني اسامح واعدي زلة الايام
تعلمت ارضي بالواقع ولا اتبع سنا الايام
ولا اتمني ولا استني ولا اتمني ولا استني
لما اشتغلت لاغنيه اسيل سكتت وظلت تسمعها
غرقت عيونها بدموع جامده مو راضيه تنزل
ريم: انا بصكر لاغنيه بايخه
اسيل: لاخليها
ريم:موحلوه
اسيل: خلاص خليها
ريم: كيفج
وقعدت ريم ساكته
ولا ودي عنيني
اسلي نفسي والدنيا تسلي نفسها فيني
اجاري الوقت لو عاته لوه ما يجاريني
انا حبيت بس مره وخان الحب ظني فيه
وقلبي انكسر مره ولين اليوم اجمع فيه
وتبت وتاب احساسي وصرت اقسي منن القاسي
وهذا الي يخليني اسلي نفسي والدينا تسلي نفسها فيني
لما سمعت اسيل مقطع انا حبيت بس مره وخان الحب ظنى فيه
فتح جرحها مره ثانيه ونست كل القرارات الى خذتها على نفسها ووعد نفسها انها تسويها
الدموع الى كانت محبوسه بعين اسيل وموراضيه تطلع طلعت وانفجرت
ماقدرت تتحمل قعدت تبجى وكأنها اول مره بحياتها تبجى
ريم: اووووه خلاص انا بصكر لاغنيه
صكرت لاغنيه
وقعدت جنب رفيجتها واحضنتها
ريم:خلاص يااسيل انسى الى صار وان كانت دموعج خوف على نواف لاتخافين نواف عايش وموجود
وقفت ريم جدام اسيل: اسيل خلاص لاتبجين خلاص كاهو نواف تخرج وانتهت الدوره وعايش حياته ولاسأل عنج خلاص انسيه شيليه من بالج بيعيه مثل ماباعج اسيل لاتكونين ضعيفه
اسيل: انتى شدراج انه موجود
ريم: عرفت وخلاص ومتأكده خلاص يااسيل شيله من بالج
وقفت اسيل ومسكت ايدين ريم وكانت تبجى: شفتيه بعينج انتى شفتيه
ريم: لا ماشفته بس موجود خلاص يااسيل لى متى وانتى جذى خلاص الى صار صار وهاذى الحياه
اسيل قعدت على الكرسى وماتكلمت ولا كلمه ووقفت دموعها فجأه وماصار فى بالها الا كلمه ريم لها اهو موجود وعايش حياته
اهنى عرفت انه كل شى انتهى وكل شى راح وخلص وكل كلامه وهم وجذب وخيال وكلام من غير فعل
ريم:خلاص يااسيل عيشى حياتج
لاتوقفينها عشان واحد
مرت لأيام وحاولت اسيل انها تكون طبيعه وتنسى كل شى صار لكن كان أي شى ممكن يذكرها بنواف وايامها معاه كانت تبجى وترجع لها كل الذكريات
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
عاشت حياتها طبيعيه لكن طبعا ماكانت مثل قبل تغيرت نظرتها لناس والحياه وفقدت الثقه بشباب
كانت تضحك مع الناس لكن قلبها للحين مجروح لكن ماكانت تدرى ليش كانت تحس انها بحلم وبيجى الوقت الى بتصحى منه
قعدت الصبح عشان تروح الجامعه وكانت حيل متأخر
لبست على السريع وخذت اغراضها ونزلت تحت
لقت امها ولميس قاعدين على طاوله لأكل
اسيل مرت صوبهم وكانت تمشى بسرعه : هااااااااااي
ام محمد: وعليكم الهاي تعالى اكلى
اسيل وقفت عند باب الغرفه: ماقدر يمه يلا سى يو
ام محمد علت صوتها: ديري بالج على نفسج
اسيل:اوكى
طلعت عند الباب وكانت تنادى راجو الى كان واقف مع سايق الجيران
اسيل: راجوووو راجووو
لفت اسيل وراها كانت اطالع منطقتهم الصبح شلون صاير شكلها حلو ونظييييييفه وهدوووووء ولمحت احمد على طول لفت وسوت نفسها موشايفته
لما وصل راجو لها عشان تخفى توترها
اسيل: ساعه انا يقول راجو راجو انتا مافى يسمع انا
راجو: ماما انا فيه شويه شغل مع هذا سايق
اسيل بدون قصد: ويييييييع لو انت ولدى اقطك بشارع
وراحت تركب السياره واهى تمشى سمعت صوت احد يضحك وعرفت انه احمد يضحك على كلامها
بس خافت تلف وتشوفه واهو يضحك وتضحك
اسيل داخل السياره: ياربى هذا مطوله وانا كل يوم اشوفه واتوتر اكثر واكثر
شنو مطوله انا بعد جيرانا لازم اشوفهم على طول وغصبن على بعد
وصلت اسيل الجامعه واهى داخله شافت اسماء
اسيل بصوت عالى: اسماء اسماء
اسماء لفت وراها وشافت اسيل: هلااااا
قربوا من بعض
اسيل: هاي شلونج
اسماء: تمام شخبارج انتى
اسيل: عال العال
ها اليوم مع بعض محضراتنا صح
اسماء: يامعوده شنو محاضرتنا كلها محاضره وحده
اسيل: امشى ترا حدنا متأخرين
لما وصلو للقاعه مالقوا احد
اسيل: شوفى وحده من الثنتين يامتأخرين وخلصت المحاضره يا مبجرين
اسماء: شكله لاهذا ولاهذا
شافوا وحده طلعت من القاعه
اسماء: لوسمحتى وين البنات ماكو محضاره ولاشنو
البنت: لاالدكتور اعتذر
اسيل:يعنى مافيه
البنت: لا
اسيل : وانا الى عاجله نفسى وحالتى حاله
اسماء تكلم البنت: مشكوره حبيبتى
اسيل: والحين شنو نسوي
اسماء: امشى نتريق برا وناكل لنا شى ونتمشى على البحر
اسيل: اوكيك ماشى يلا
بس شوفى على حسابج مالى شغل انا
اسماء: اوكي
بمدرسه ريم
ريم كانت آخر سنه لها بالمدرسه وتتخرج فكانت حيل شاده حيلها تبى تحصل نسبه كبيره
كانت قاعده على لأرض وقاعده تراجع حق امتحانها
شافتها وحده من رفيجاتها وراحت لها
روان: هاااااي ريوم
ريم تصكر الكتاب: هايات
روان: شنو تسوين اهنى
ريم: قاعده اراجع حق لامتحان
روان: ومالقيتى الا تقعدين بهالممر المشبوه
ريم:ههههههههههههههههه صح انه مشبوه بس اهدا مكان بالمدرسه لانه الكل يخاف يقرب صوبه
روان: من البلاوى الى صارت فيه
ريم: تدرين اناادرى انه مشبوه بس مادرى شنو السبب
روان: انا اقولج بهالممر كل البويات يمارسون كل ما لذ وطاب لهم ثانيا اهنى مسكوا رفيجتنا سهى لما كان معها حبوب هلوسه
ريم: اهم شى بالموضوع مالذ وطاب
تدرين انا ماصدقت انه سهى تسوي جذى انا كنت مومداومه لما صادوها
روان: انا انصدمت مثلج وعلى اكثر بعد بس ترا ماخربها الا البنت اليديده بمدرستنا وكاهى الحين ادوام ولا كأنه شى صاير اما سهى من يوم ماقالو حق اخوها واهى مومبينه
ريم: اكيد ماراح تبين اخوها من ظله يشك وهالمره اخته طلعت جذى شتبين يسوي زين ماذبحها بعد
فى بيت اسيل
لميس كانت قاعده مع امها
لميس: يمه احس نفسى تعبانه امشى الطبيب اخاف اولد
ام محمد: مايصير تقعدين هناك شنو تسوين وانتى مافيج لاطلق وولاشى
لميس: يمه خايفه
ام محمد: مافى الا الخير
لميس: يمه مابى احس بعوار
ام محمد: لله يسهل يمه
لميس: مساكين الحريم كل شى فيه تعب ومعاناه عليهم
ام محمد: لاياحبيبتى لاتقولين معاناه سبحان لله يعنى تخيلى انتى الحين فى بطنج شايله انسان له قلب وله عين وراس وحواس وايدين ورجول يعنى شى كبير سبحان لله المفروض انتى تفتخرين انج بنت تولد وتحمل لانه هذا شى كبير وعظيم
لميس:ااي ولله صح كلامج يمه
دشت عليهم اسيل كانت راده من برا
اسيل: سلام عليكم
لميس ام محمد: وعليكم السلام
لميس: راده مبجر
اسيل: هالدكتور مالت عليه يعنى قاعده من النوم ولابسه وطالعه بهالحر والصبح وبالزحمه وآخر شى يعتذر
شهالدكاتره
ام محمد:هههههههههه مسكين يمكن عنده ظرف ولاشى
اسيل: حتى لو يقول لنا
ام محمد: انزين روحى اكلى انتى طلعتى على لحم بطنج
اسيل: لارحت يمه انا واسماء وتريقنا ورديت
بروح اكمل نومتى
لميس: اعوذ بالله بس تنام
ااسيل: وانتى شحارج ياربى متى تولدين وتروحين بيتكم
لميس تسوي نفسها تبجى: شفتى يمه هذا وانا للحين ماولدت يقولون عنى هالكلام
اسيل: ههههههههههههههه عياره
ام محمد: مالج شغل انتى قااعده عند امج
اسيل وقفت: لله يخليها لج يمه يلا بيباي
راحت اسيل غرفتها ماكان فيها نوم وكانت فاضيه ماعندها شى تسويه
فاقررت انها ترتب اغراضها وغرفتها
اول شى بلشت فيه كبتها واهى ترتبه شافت صندوق وردى كبير كانت حاطه فيه كل ذكرياتها بالثانويه وبالمتوسط وكل شى عندها تحبه وتعزه كانت تحطه داخل هالصندوق
شالته وحطته على لأرض وقعدت تقرا الرسايل وكل شى فيه وكانت تضحك لما تتذكر مواقفها الى قبل
اسيل: امبييييييه كنا سخيفات قبل نزعل على أي شى ونكتب رسايل لبعض
لله هذا قلمى الى كنت اكتب فيه بلأمتحانات ثانويه العامه
واهى ادور بين لأغراض شافت صوره لنواف وشافت دبدوب صغير
منه
مسكت الصوره وقعدت اطالعها وتركز فى ملامحه
معقوله يانواف كل شى يطلع كلام تصدق يانواف انى للحين مومصدقه انك ممكن تسوي جذى
وللحين عندى امل انك بترجع
مادرى ليش مع انه الحفله لأغانى الى قال عنها السايق مسوينها فى بيتكم جوها كان جو عرس
بس انا مااحس انه عرسك مع انه مافى غير هالأحتمال
لما شمت الدبدوب لقت للحين عطر نواف فيه
ابتسمت ورجعته مكانه وحطت الصوره داخل دفتر وصكرت عليها
وبالنفس اليوم الساعه 3 الفجر كانت ام محمد نايمه عند لميس الى قالت حق امها خليج نايمه عندى هاليله
لميس ماكان فيها نوم وتحس بعوار
وفجأه قعدت تصارخ
لميس:آآآآآآآآآآآآآآه يمه يمه
قومى يمه بولد
آآآآآآآآآآآآآآآآه
ام محمد: بسم لله الرحمن الرحيم شفيج
لميس: يمه يمه بولد آآآآآآآآآآه قومى قومى نروح الطبيب
ام محمد قامت بسرعه من السرير: بروح انادى سديم
دشت ام محمد غرفه سديم الى كانت نايمه
ام محمد: قومى قومى بسرعه لميس تولد
يمه سديم قومى بسرعه
سديم:شنو يمه خلينى انام
ام محمد سحبت منها الفراش:قومى اختج تولد
سديم نطت من الفراش: شنوو
ام محمد: بسرعه
وراحت تحت
سديم: الحين يمه البس عبايتى وشيلتى والحقج
وعلى طول راحوا يوصلون لميس المستشفى
واول ماوصلوا حطوا لميس على سرير
لميس:آآآآآآآآآآه يمه ان صار فينى شى قولى حق زوجى انه احبه وخليه يتزوج وحده ثانيه
يمه وان ولدت وصار فينى شى روبوا ولدى وحبوه يمه
ام محمد: خلاص يمه مافيج الا العافيه
ودخلوها داخل غرفه الولاده
وقعدت سديم وامها على الكراسى برا ينطرون
سديم: يمه دقى على زوجها
ام محمد: لا ليش ندق ونخرعه حرام
سديم: زوجها يمه لازم يكون موجود
ام محمد: خلاص بدق
دقت ام محمد على فهد الى كان قاعد عشان صلاه الفجر
فهد اول مارن موبايله وشاف رقم ام محمد استغرب
اشفيها داقه الحين لايكون صاير بلميس شى
فهد: هلا عمتى
ام محمد: شلونك فهد
فهد: الحمدلله بخير شخبارج انتى
ام محمد: تمام . ياولدى لميس بالمستشفى
فهد : اشفيييييييها
ام محمد: مافيها الا العافيه بس بتولد
فهد: خلاص انا الحين بجى انتوا أي مستشفى
قالت له ام محمد المستشفى الى اهما فيه
طولت لميس بولاده وكانت سديم وامها وفهد على اعصابهم
فهد: عمتى لايكون صار فيها شى
ام محمد: لاياولدى الولاده اطول
فهد: بس حيل طولت
ام محمد: لله يسهل عليها فيه حريم اكثر ادعوا لها
حيل طولت لميس داخل غرفه العمليات وكل مازاد الوقت كل مازاد خوف فهد عليها
وبعد فتره طلعت الممرضه من الغرفه
فهد علىطول راح لها: ها شلون لميس
الممرضه:لميس زينه مبروك يجيب ولد وبنت
فهدوسديم: تووووووأم
ام محمد: مبرووووك مبروووك يافهد
فهد كان مصدوم: لله يبارك فيج ولله ماكنت متوقع توأم
سديم: مبروك فهد يتربون بعزكم
فهد : لله يسلمج
ام محمد:دق على امك بشرها
دق فهد على امه وسديم دقت على اسيل الى كانت بالجامعه
اول ماردت اسيل على سديم
اسيل: انتوووووووووو وينكم اقعد الصبح مالقيت احد وين رايحين
سديم: عطينى البشاره
اسيل: شنو لمييييس ولدت
سديم:ايييييييييييه
اسيل: شنو يابت
سديم: ولد وبنت
اسيل منصدمه: توأم
سديم:اييييييييه
اسيل نست نفسها انها بالجامعه : لوووووووووووووووووووووليييييييييييييييييش
اسماء: ويعه فصحيتنا
سديم:ههههههههههههههههههههههههه يلاياهبله باي
اسيل: باي
اسماء: مبروك مبروك
اسيل: لله مومصدقه صرت خاله وتوأم بعد وناسه
وناسه
اسماء: يلا امشى لانتأخر على المحاضره
اسيل: ويييييييييع من الوناسه ماودى اروح المحاضره
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بعد جم يوم طلعت لميس من المستشفى وراحت البيت
كانت امها حاطه لها غرفه تحت عشان ماتقدر تصعد الدرج
وكانو طول الوقت خواتها عندها وكانت الزيارات على بيت اسيل وايد عشان يباركون حق لميس
ساعه 12 بليل
دشت غرفه لميس
الى كانت فيها اسيل وامهم
سديم: اووووووووف تعبت واخيرا راحو الضيوف ومابقى احد
ام محمد: يعطيج العافيه حبيبتى
اسيل: مايصير يمه كل يوم ناس ناس ناس مايصير
ام محمد: يسون الواجب بعد والمفروض تشكرونهم انهم عنو نفسهم
اسيل: بس تعبنا طول اليوم نبتسم ونروح ونرد ونمشى ونوقف ونشوف طلباتهم ونقدم الجاي والعصير والقهوه والكيك بس خلاص تعب
ام محمد: خلاص مابقا الا جم يوم وماراح يزورونا بالمره
رن تلفون البيت
سديم: لاحد يقولى روحى شوفى منو على التلفون مالى خلق
ام محمد: انا بروح اشوف يمكن خالتكم
راحت ام محمد ترد على التلفون
ام محمد: الووو
؟؟:: ......................
ام محمد: الوو الووو
سكرت التلفون وراحت عند بناتها
اسيل: يمه منو
ام محمد: مادرى ماحد يرد
سديم: ايه ترا كذا مره يدق التلفون ولما ارد ماحد يتكلم
لميس: ايه صح حتى انا ملاحظه
ام محمد: مادرى يمكن احد غلطان ولاشى
اسيل: قلنا لكم حطوا كاشف بس ماتبون
ام محمد: مافى الا جذى
بنفس اليوم وبنفس الساعه لكن فى بيت ريم
كانت ريم سهرانه وقاعده تدرس حق امتحان باجر
رن موبايلها
(( لقيت روحى بعد ما لا لقيتك بعد اللقا ارجوك لالا تغيبى....))
ريم : منو هذا رقم موغريب على بس منو
خل ارد اشوف منو
ريم: الوووو
....: الوو مرحبا
ريم كان الصوت موغريب عليها: ياهلا
..: شلونج ريم
ريم: تمام الحمدلله سورى منو معاى
...: ماعرفتينى
ريم: لاولله ماعرفتك
....: انا نواف
ريم انصدمت وبصوت عالى قالت: نوااااااااااااف
نواف: ايه انا نواف
ريم:انت وينك
نواف: شنو وينى
ريم: قصدى ليش قصيت على اسيل
نواف: انا ماقصيت عليها
ريم: لاولله وين وعدك راح موانت وعدتها ومانفذت هالوعد
نواف: انا موداق عشان اتكلم بهالموضوع
ريم بعصبيه: يا سلام ليش داق بالله؟ انت ماتدرى شنو سويت بالبنت حرام عليك وهذا وانت تقول انك تحبها لو تكرها شنو بتسوي لها موحرام عليك توعدها وتخليها ناطره هالوعد وفجأه تروح من غير أي سبب حتى ماقلت لها مع سلامه او بررت لها موقفك
نواف: انا صارلى جم يوم ادق على رقم اسيل يطلع لى غير موجود فى الخدمه وادق على بيتهم ابيها ترد وماردت على ولامره كله يردون اهلها واصكره
ريم: قطعت خطها اسيل مثل ماقلت لها انت اذا مارديت لج اعرفى انى جذاب وقطى خطج وغيره
نواف: ممكن تعطينى رقمها اليديد
ريم: ليش باقى جم جرح ماعطيتها ياه
نواف: لو سمحتى عطينى رقمها انتى موفاهمه شى
ريم: لا سورى ماقدر اعطيك اخاف تزعل على اسيل
نواف: ابيه ضرورى لو سمحتى
ريم: الحين ضرورى اها اوكي زين ولله
نواف: لاتتمصخرين لو سمحتى
عطينى رقمها
ريم:........(( كانت متردده تعطيه خافت تعطيه وتفتح جروح اسيل الى بدت تصكر وخافت ماتعطيه وتندم على هالشى))
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك