رواية ياخوي ياعزوتي ياضحكتي وبكاي -13
ساره: متأكده لا تخاف ما بطالع فيك ابد
فارس: امزح بس ودي تاكلين لو شي بسيط
ساره: ما اقدر
فارس: براحتك ولف على الي بالكونتر يقوله وش يبون وسألهم اذا عندهم حليب بالموز وقاله الطلب وهو منقرف انه يبي عصير موز بالحليب
ضحكت ضحكه من خاطر على ملامحه الي تبين انه منقرف عجبته وهي تضحك وكان يطالعها بنظره حنونه ومسكها لانها كانت بتطيح من الضحك
ساره: اسمه حليب مو عصير فشلتنا
فارس: اذا كلمة عصير بتضحكك اجل بقعد اعيدها كل شوي عشان نشوف هالضحكه
ساره: والله ضحكتني احس اني من زمان ما ضحكت وسكتت
فارس: لا تفتحين ابواب الدموع بليز ان شالله بيقوم بالسلامه وبيصير كل شي اوكي
ساره: الله يسمع منك يارب ومسحت دمعتها
وتحركوا بعد ما خذوا طلبهم خذت الحليب وهو خذ له كرسون وعصير برتقال ورجعوا لجنب غرفة خالد
في غرفة يمنى وأمها يمنى كانت توها تصحى فعلى طول لبست وتحجبت وراحت عند اهل ساره تفتكر ان فارس موجود طقت الباب وفتحت لها فاطمه
يمنى: السلام عليكم
فاطمه: وعليكم السلام هلا يمنى دخلي
يمنى: فارس داخل
فاطمه : لا خون فينا مع ساره وسبقونا على المستشفى
يمنى: توقعت كلنا نروح جميع
فاطمه: صحيت من النوم ما لقيتهم
يمنى: وانتوا متى بتروحون ؟
فاطمه: قال بيجي بس يطمن على خالد ولا نقدر نروح بلموزين
يمنى: اوكي حبيبتي انا بكون جاهزه لمن يجي يوديكم دقي علي على الجوال ولا على الغرفه وبطلع على طول
فاطمه: امك بتروح
يمنى: لا مافيها شدة بخليها تقعد بالغرفه ترتاح لين اطمن على ساره وارجع لها ولو تخلين امك تقعد بعد احسن لان تعب عليهم المستشفيات ونجيبهم عند بعض ويسولفون مع بعض
فاطمه: بقولها بس ما اضنها توافق بس ان شالله ترضى تريح لو اليوم
يمنى: مع السلامه
فاطمه: الله يسلمك
طلعت من عندها وراحت عند امها
في المستشفى كان فارس مع ساره ينتظرون الاطباء ومرت نص ساعه من غير لا يطلع اي احد يطمنهم ساره كانت على اعصابها وفارس يتأمل فيها ماقدر يمنع نفسه من هالشي
فارس: استريحي لا تتعبين
ساره: مافيني شي شفيهم ذولا ما طلعوووا
فارس: مايصير الا كل خير ان شالله جلسي يعني ان وقفتي راح يطلعون
ساره: ................. وضلت واقفه عند باب الغرفه
فارس بلهجه جديه : بتقعدين ولا ارجعك الفندق الحين
طالعته ساره بخوف من فكرة رجوعها الفندق قبل لا تطمن على اخوها : لا لا اجلس بس ما ارجع الفندق وجلست عند اقرب كرسي جنب الغرفه .
مرت عليهم الدقايق وكأنها ساعات على قلب ساره وبعد ما يقارب ربع ساعه طلع اول دكتور وكان اسمه يدل انه عربي وقف له فارس وصار مقابله
فارس: بشر دكتور
الدكتور: الحمدالله ان شالله خير بس لازم يبقى تحت الملاحظه حاليا قبل لا نقرر له اي شي واي عمليه
نطت بوجهه ساره : دكتور الله يخليك وش فيه اخوي الله يخليك
الدكتور: يا أختي ما اقدر اتكلم الين تجتمع كل فحوصاته ويشوفونها الهيئه الطبيه وبعدين يصير خير
ساره: ليش الهيئه الطبيه وكل هذا الشي اخوي وش فيه
الدكتور:يا اختي الان ما اقدر اقول لك شي لا انا ولا اي دكتور بيطلع من عنده الا لمن تطلع كل فحوصاته اهدي شوي وماراح يصير الا المكتوب ومشى من عندها وخلاها في حيره
فارس: الله يهديك ياساره ليش كل هذا الانفعال
ساره : تسمع وش يقول يقول تجتمع اهيئه الطبيه يعني اخوي فيه شي وهم مو متكلمين ليش ما يقولون وش فيه قبل لا يقررون اي شي؟
فارس: ما يقدرون يتكلمون الا لمن يتأكدون من كل شي ولا اضن انك تبينهم يقولون كلام مو متاكدين منه ولا راح يتكلمون الا لمن تصير كل الفحوصات بين يديهم عشان يتكلمون على برهان ومعرفه ماله داعي كل هالانفعال وسكت وهو يطالع عيونها الي ملتهم الدموع .
طلعوا الاطباء من عنده ودخلوا ثنينهم
فارس: شوفي شكله كأنه نايم
ساره: الحمدالله يارب
فارس: يله نرجع للفندق
ساره: لا ما ابي الله بعافيك ابي اقعد هنا وابقرا عليه قران يمكن يصحى
فارس: بس ما يصير اخليك بروحك
ساره: لا تخاف ان شاء الله ما بيصير شي
فارس: ساره اسمحي لي ما اقدر اخليك لحالك
ساره: عفيه يا فارس والله ماراح ياكلوني وبعدين عطني تلفونك صدقني ما برد على اي رقم الا لمن اشوف رقم فاطمه
فارس بستسلام: ما ينقدر عليكم ياالبنات طولع جواله وحطه على الطاوله وكمل عادي ردي على اي رقم ولا تدرين لا تدرين اخاف يطلع واحد من الشباب يعجب بصوتك ونبلش
ساره: ببتسامه خفيفه : قول والله عاد
فارس: والله خلاص انا بروح ما بطول بجيبهم وبرجع لا تطلعين من هنا عشان ما تضيعين
ساره: ماراح اطلع
فارس: انتبهي على روحك
ساره: لا توصي
اعتذر لقصر البارت واعلم انني طولت عليكم واعتذر من قلب ولكن ضروفي الصحيه لم تسمح لي واتمنى انكم تستمتعون بالقراءه الحور فديتك تراك وحشتيني دلوله حبيبتي اسفه ان البارت قصير
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
البارت السادس عشر
في السويت الخاص في ام فارس وفاطمه
فاطمه: معقوله كل هذا الأطباء ماطلعوا
أم فارس: الغايب عذره معه يا بنتي
فاطمه: يمه شرايك ترتاحين اليوم وبكره تروحين
ام فارس: لا بروح اشوف ولد اختي
فاطمه: يمه انا ما قلت لك لا تروحين بس استريحي اليوم وبكره روحي
ام فارس طالعت بنتها بنظره حاده : تبيني اقعد لحالي؟
فاطمه:يايمه يا حبيتبتي ترا حتى أم يمنى ماراح تروح يعني قعدوا مع بعض
ام فارس: وش دراك انها مو رايحه
فاطمه: توها يمنى قالت لي
في هذا الوقت سمعوا صوت الباب ينفتح وعرفوا ان فارس وصل دخل فارس
فارس: السلام عليكم
ام فارس+فاطمه: وعليكم السلام ورحمة الله وبركاته
فاطمه: ليش سكرت الباب وين ساره
فارس: مارضت تجي قالت بتقعد عند خالد
ام فارس: ليش وياوليدي تخليها افرض صار شي لا سمح الله من بيكون عندها
فاطمه: اي والله وخصوصا انها ماخذ جوالها
فارس: لا تخافون انا خليت جوالي عندها وباخذكم وبنرجع لها
فاطمه: امي مو رايحه
ام فارس: ياسلام قررتي يعني
فارس : يمه صحيح يمه ريحي اليوم وبكره ان شالله اوديك
ام فارس: ومن قال لكم اني تعبانه
فارس: محد قال بس اكيد بتكونين مرهقه من الطياره
فاطمه: اصلا حتى ام يمنى ماراح تروح اليوم
فارس: اجل زين خلك اليوم معاها وبكره اوديكم
ام فارس: ان شالله خير
فارس: وانتي بتروحين ولا امشي
فاطمه: الا بروح بس بكلم يمنى
فارس: قبل لا تكلمينها عطنيني الجوال
فاطمه: شتبي فيه
فارس:بطمن على ساره
فاطمه: يا عيني على الي يطمنون
فارس: أخرسي بس وسحب التلفون من يدها ودق قعد ينتظرها ترد ولكن مافي رد بدت ملامحه تتوتر رجع اتصل من جديد وبعد رابع رنه ردت
فارس: الوو شفيك ما تردين
ساره: اسفه والله كنت اصلي
فارس: صار شي جديد؟
ساره: لاو الله بس الممراضات يدخلون ويطلعون يشيكون عليه
فارس: خلاص مسافة الطريق وبكون بالمستشفى
ساره: انتبه على حالك ولا تسرع
توسعت ابتسامته وهو يسمع كلام ساره وفرحان انها مهتمه فيه
فارس: ان شالله مع السلامه لانها بتاكلني على جوالها
ساره: الله يسلمك
فارس: خذي جوالك ورماه على الكنب
فاطمه: الحين تقطه على الكنب ومساع تترجاني تاخذه
فارس: اقول استريحي بس وخلصينا ترا بروح وبخليك اصلا لو ادري ان امي مهي رايحه مارجعت
طالعته فاطمه بنظره ماكره : ايه عشان يصفى لك الجو
فارس: لو ما تحترمين نفسك ما بيصير طيب
فاطمه: ما يسوا علينا كلمه قلناها اعوذ بالله ايش هذا ما تتحمل كلمه
قرب لها ومسك يدها ولفها : الظاهر انتي الطيب ما ينفع معاك
بدت تصرخ فاطمه: خلاص الله يخليك هد يدي اسفه اسفه خلاص
ام فارس: وش فيك على اختك يافراس هد يدها لاتعورها
تركها وهو يضحك : دامك مو قدي ليش تطولين لسانك
طالعته بحقد وهو تفرك مكان مسكته وكلمت امها
فاطمه: بس هذا الي قدرتي عليه المفروض تقومين تسطرينه
ام فارس: تبيني اطق رجال
فاطمه: ايه طقيه ولا انا مو بنتكم يعني اعترفي وين لاقيني
فارس: ههههههههه والله انك خبله ومتأثره بأفلامك الهنديه كثير بتقومين ولا امشي؟
فاطمه: ما ابي اروح مكان
فارس: براااحتك ولف عشان يطلع
فاطمه: بس ما تصدق الا بروح وهي ترص على كلمة برووح
فارس: يله خلصينا
فاطمه : انزيييييين بكلم يمنى عشان تجي معانا
في المستشفى
رفعت التلفون من على الطاوله ورجعته بقوه
ساره: اوووف هذا للمره الالف يدق يمكن ما يبي يكلمك طيب ولا مو عند الجوال لازم تحرق الجوال بالاتصالات يعني
دخلت عليها فاطمه
فاطمه: السلام عليكم
ساره: وعليكم السلام هلا هلا ماجات يمنى؟
فاطمه: الا كاهي بتدخل
دخلت يمنى وعلى طول بحضن ساره وطولت بحضنها
يمنى وهي تبعد عنها: هاه كيفك الحين
ساره وهي تمنع دمعه تسللت على خدها: الحمدالله الله يسلمك
يمنى: وش قالوا على اخوك؟
ساره: ماقالوا شي خذوا التحاليل وطلعوا ومن قبل لا تجون والممرضات يدخلون يشيكون ويطلعون
فاطمه: ان شالله ما يصير الا الخير
ساره+يمنى : ان شالله
ساره: فاطمه وين خالتي وامك يمنى وينها
فاطمه: اقنعاهم يقعدون بالفندق يرتاحون الين بكره
ساره: احسن بعد خلهم يرتاحون وين فارس جابكم وراح؟
فاطمه: واقف برا
ساره: بعطيه جواله ماسكت وهو بس يرن
وقامت تعطيه جواله
في الفندق كانت قاعده ام فارس وام ابراهيم ويسولفون عن حياتهم والسوالف الي صارت لهم مع شوية ضحك
وشوية دموع وانقضى عليهم الوقت وما حسوا
بالمستشفى
ساره:فارس شفيك ما دخلت ومدت له الجوال بصراحه اصدقائك مزعجييين
فارس: هذا انا بدخل بس ليش تقولين كذا؟
ودخل معاها وراحت يمنى للجهه الثانيه من الغرفه
ساره: كل شوي يدق كل شوي يدق
فارس: كان رديتي
ساره:تبيني ارد على رجال
ورفع الجوال يشوف الرقم الي جايه وضحك
فارس: هذا ولد عمي
ساره: ومسميه المتين هههههههههه
فاطمه: اي واحد فيهم؟
فارس: محمد
فاطمه: حرام عليك محمد متين ما خلى من المتن شي
فارس: عاد من ضعفه مسمينه المتين ولا ماترضين عليه وقعد يضحك
سكتت وماردت عليه
ساره: ليش تحبون تقلبون الاسماء
فارس: بس كذا عاد لو رديتي عليه كان اذاك وفكرك الاخت اللطيفه واستضرف عليك لين قال بس
ساره:انا كنت بقفل الجوال بس خفت انكم تكلمون وتلاقونه مقفل
نطت فاطمه: خلاص فارس خلنا نرجع مالها داعي قعدتنا ترا
فارس: يله قووو
قاموا كلهم الا ساره
فارس: يله ساره
ساره: لا الله يخليك بقعد معاه
فارس: ماله داعي قعدتك وخصوصا اني ما برجع الا بكره يله قومي
ساره: خلاص بنام عنده الله يخليك
فارس:ما يصير ياساره وانتي بنت تقعدين بلحالك
ساره وينفاذ صبر ودمعه:بس ابي اقعد معاه انا ما صدقت اشوفه
فاطمه: طيب قومي وبكره من الصبح نرجع له
ساره:..........
يمنى: ساره قومي صحيح كلام عيال خالتك
ساره:...........
فارس وبكل جديه: ساره قومي وبكره من الصبح برجعكم
حست انه معصب وماله داعي انها تعاند اكثر لانها ما بتضل قامت وطبعت بوسه على جبين اخوها ولكمته
ساره: اشوفك بكره يالغالي غصب عني بروح وطلعت قبلهم من الغرفه وما وقفت الا عند باب المستشفى
وهي تصيح حست بالظلم لما قوموها غصب وهي تبي تضل مع اخوها
في الطريق للفندق ذكر فارس ولد عمه وطلع الجوال ودق عليه وحط السبيكر
فارس: الووووو
محمد : الو انت وشوله ماترد كل هذا تغلي
فارس: لا والله ماكنت عند الجوال
محمد: شخبارك وش مسوي وش اخبار الماما وفطومه
فارس: هههههههه فطومه اجل استح على وجهك تدلع اختي قدامي
محمد: يارجاااااال وش قايل انا قلت فطومه يعني فاطمه ما قلت حبيبتي ولا عمري ولا نور عيوني
حس انه بيخبص وقفل السبيكر
فارس: لو ماتحترم نفسك بفقع وجهك هههههههههههههههه كلهم بخير وبصحه وما عليهم باس
وفطومتك على قولتك تسلم عليك
طالعته فاطمه وطقته على كتفه
محمد: الله يسلمك ويسلمها ان شالله الا اسمع رنتك مختلفه وش السالفه ليكون مسافر
فارس: اي والله مسافر
محمد : يالخاااااااين والله انك خاين وشوله ما قلت لنا عشان نروح معك ولا ماننفع
فارس: محمد انا مسافر مع ولد خالتي تعبان
محمد: أفأ افأ عسى ماشر
فارس بغصه: والله مادري يا اخوي مو عارفين وش فيه الى الان
محمد: وينك فيه حاول تستعجلهم طيب
فارس: لندن والله مافيه فايده لازم يخلصون كل التحاليل والفحوصات عشان يعطونا النتيجه
محمد: لا والله ما يشوف شر
فارس: الشر ما يجيك ان شالله وسكر لأنك بتخسرني وانا عطيتك وجهه
محمد: مالت عليك ما انا قاعد اخسر معاك طيب
فارس: بس انا اكثر
محمد: هههههههههههه صحيح انك غبي قاعدين نكلم بعض يعني النص بالنص
فارس: ادري بس استعبط عليك
محمد: اه بس يا حلوك وحلو استعباطك
فارس: هي انت انا مو من الي تعرفهم ولا شكلك اشتقت لهم وتفرغ الطاقه العاطفيه فيني
محمد: يالخايس فاطمه معاك اكيد بتفكر من جد تتكلم
فارس: اولا انا توي متروش وثانيه وش عليك فكرت ولا مافكرت ههههههههههه يله بس اقلب وجهك
وسلم على عمي وامك
محمد: الله يسلمك
فارس: تامر بشي
محمد: ايه
فارس: ماتصدق احد يجاملك انت اقلب وجهك بس
محمد: اسمع شبقول مالت عليك ابيك تجيب شوية براد
فارس: ههههههه الله يرجك
محمد: ايه عشان تصير ولد عم المرجوج
فارس: الظاهر مالك نيه تسكر انت
محمد: مع السلامه يالبخيل
فارس: هههههههههه مع السلامه
فارس: يسلم عليك محمد
فاطمه: الله يسلمه من الشر
انتبه لساره الي من جاب طاري اخوها وهو يسمع شهقاتها
فارس: استهدي بالله وكل شي بقضاء ربي
ساره: ونعم بالله
فاطمه: ان شالله ان قام بالسلامه والله لآقدم له لائحه كبيره بمخالفاتك وتشوفين
ساره:...............تصيح
فارس: فاطمه وبعدين معاك
فاطمه: والله عندي احساس كبير انه بيقوم بالسلامه وهي تسوي كذا بروحها
ساره: اخوي مالي غيره
فارس: وأحنى وين رحنا يا بنت خالتي
ساره:............ وسكت الكل بعد الكلام الا صياحها ما وقف
وصلوا الفندق هلكانين وجوعانين نزلهم فارس وراح يجيب لهم عشى
دخلوا الفندق واتجهوا لغرفهم قابلتهم ام فارس
ام فارس: هاه بشروني عنه
فاطمه: والله يا امي باقي ينتضرون النتيجه عشان يقدرون يقررون وش عنده
ام فارس: وبنت خالتك وينها؟
فاطمه: اتوقع دخلت الغرفه وقبل لا تسألين فارس راح يجيب عشا
ام فارس: ما اطول لسانك قومي شوفي بنت خالتك وعن طولة اللسان
فاطمه: واذا ما بينت طولة لساني لك لمين ابينها؟
ام فارس: بينيها للي بينقرد فيك
فاطمه: يمه هذا وانا بنتك ووتقولين كذا ليش كذا تكسرين خاطري
ام فارس: عن العياره ويله قومي
فاطمه: بقوم لا يجي اكثر
دخل فارس وفاطمه قايمه من عند امها وهي معصبه
فارس: فطيم شفيك
فاطمه: مافيني شي ممكن توخر عن طريقي
فارس: طيب خذي الكيس حق ام ابراهيم
فاطمه: هاتها وسحبتها منه قوه حتى ان ظفرها جرحه
فارس: وجع مو بنت قطوه
فاطمه: لوسمحت عن الغلط ومسكت جوالها تدق على يمنى تفتح لها الباب
فارس: يمه شفيها بنتك؟
ام فارس: ماعليكمنها تدلع
فارس: لا شكلها مولعه شوفي حتى جرحت يدي
ام فارس: جعلها وجع
دخلت فاطمه الي سعت امها وهي تدعي
فاطمه: كنت افكر واقول اكيد فيه احد يحبني بعد ابوي لكن وبدا صوتها يضعف كنت غلطانه وراحت للغرفه وصكت
الباب
فارس: يمه وش فيك عليها؟
ام فارس: خلها تولي شوي وترجع لحالها
فارس: ترا مو ناقصين يمه
ام فارس: اقولك خلها تولي لسانها طويل
فارس: بس انتي عارفه انها تتأثر بسرعه المفروض ماتشدين معاها
ام فارس: انا ما قلت لها شي ولا تقعد تدافع عنها وتطلعني غلطانه
قام بيشوفها
ام فارس: وين قمت
فارس: بروح لها
ام فارس: ايه كبر راسها اكثر
فارس: وحتى انتي يمه كلميها بس مو الحين
أم فارس: يصير خير
فارس: يمه والي يخليك عاد لا ترصين عليها
طالعته امه وفي نظرتها فرح : الله لا يخليكم من بعض
فارس: ولا يخليني منك يالغاليه وباس راسها واتجه لغرفة اخته
ساره كانت بالغرفه لحالها تبكي مو عارفه وش تسوي ماكان معاها الا صوة اخوها وتبكي خايفه عليه
خايفه يصير فيه شي وتفقده كانت تنفض راسها كأنها تبعد عنه الافكار الشينه الي كانت تفكر فيها
وتهدا شوي وترجع تبكي من جديد لين خارت قوتها ونامت وهي حاضنه صورته وبدون لا تحس بشي
اعتذر عن تأخيري من جديد وإن شاء الله يعجبكم البارت يارب حوور يعني يوم انك تدخلين وقت نزول البارت اعتبرها خيانه انك شميتي ريحته ودخلتي :$
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت السابع عشر
اتجه للغرفه الي فيها اخته طق الباب ودخل الى نص الغرفه وكلمها
فارس: ممكن ادخل
فاطمه اكتفت انها تطالعه وتشيح بوجها
فارس: انا اسألك ممكن ادخل
فاطمه: بعد مادخلت تسأل
فارس: يعني تبيني اطلع؟
فاطمه ماردت بس اطلقت لدموعها العنان
قرب منها ورفع راسها فارس: فاطمه شفيك ملاحظ انك تغيرتي
فاطمه:........
فارس: تكلمي يا فاطمه لا تسكتين
فاطمه وبصوت كله بكى: ابي ابوي
جلس على ركبته وطالعها فارس: لهدرجه كارهه العيشه معانا يعني
فاطمه:........
فارس: فاطمه لا تصيري حساسخه كثير ترا بتتعبين وبعدين انا عارف ومتأكد ان الي مضايقك مو سالفة امي عندك شي ثاني
فاطمه:.........
فارس:تكلمي قولي
فاطمه: مافيني شي
فارس: مشكلتك انك مفضوحه وماتعرفين تخبين
فاطمه: ممكن تخليني بلحالي
فارس: ما بطلع من هنا الا وانتي معاي
فاطمه: الله يخليك يافارس خلني بروحي
فارس وبنفاذ صبر:بتقولين وش الي مضايقك ولا كيف؟
فاطمه: حرام عليكم خلاص خلوني بروحي مافيني شي مافيني شي تبيني الحنها لك بعد ردها كان بصوت عالي جدا
رفع يده وده يعطيها كف بس تعوذ من الشيطان
فاطمه:عطني اياه ليش ترددت ترا عادي عندي ورمت نفسها على السرير وانخرطت في البكى
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك