رواية كويتيات كشفوا الخفايا -20
باليوم الثانى قعدت ام محمد وبناتها ساعه 9 ولميس كانت جايه لهم من ساعه 8
كانت سديم حيل متوتره موعارفه وين تروح او شنو تسوي اول شى لانها حست انه هاليوم مميز لازم تكون غير هالمره
اول شى راحت وتسبحت ولما طلعت من الحمام نادتها امها
ام محمد: سديييييم سدييييييم
سديم: هلا يمه
ام محمد:تعالى غرفتى
سديم: انشاءلله ثوانى
ربطت شعرها بشباصه وراحت عند امها
دشت الغرفه لقت امها قاعده على الكرسي وتنطر بنتها
سديم: هلا يمه ناديتينى
ام محمد:ايه تعالى قعدى
قعدت سديم واهى ساكته وامها سكتت معاها ظلت سديم ساكته تنطر امها تتكلم
ام محمد: شوفى يابنتى انتى اليوم داخله على حياه يديده تختلف عن حياتج عندنا لازم تعرفين شلون تعيشينها
وتسخرين نفسج ووقت لها زوجج الحين اهو المسؤول عنج لاتعصينه بأي شى الا فى الى يغضب ربج
كونى له عون فى وقت الضيق وطبيبه فى وقت المرض وحبيبه فى العمر كله
اسرار بيتج ماتطلع منه ابد حتى لى اقرب ناس لج الريال يابنتى على ماتعودينه لاترفعين صوتج عليه احترميه المشكله تصغر لو كنتى تبينها تصغر وتكبر لو كبرتيها كل مشكله ولها حل والمشاكل مهما كان كبرها صغريها
حافظى على زوجج الى اختارج من بين الكل
وبس هذا الكلام الى ودى اقوله لج وسامحينى يابنتى لو قصرت بأي كلمه
قامت سديم وباست راس امها: لاتخافين على يمه وان شاءلله بحط كلامج فى بالى على طول
ام محمد ابتسمت وداخل عينها دمعه: يلا روحى تجهزى عشان موعد الصالونه
سديم: ان شاءلله
خلصت اسيل من الصالون اول وحده لانها اهى الى بتروح الصاله عشان امها وعشان الناس الى حاضرين العرس اما لميس قررت تبقى مع اختها وتجى معاها بوقت الزفه
اسيل حيل تأخرت على الصاله وكانت امها وريم يتصلون عليها كل شوي
اسيل: ريم شسوي الشارع واقف مادرى شنو فيه جدام حادث ولاتفتيش مادرى
ريم: يلا تعالى بسرعه امج واقفه بروحها والكل يسأل عنج
وامج تعبت واهى اطلع اعذار
اسيل:يلايلا كا مشينا
ريم: اوكيك باي
وصلت اسيل الصاله على طول دخلت وراحت تسلم على اهلهم
وسلمت على رفيجاتها الى كانو موجودين طول العرس كانت تحس اسيل انها بحلم وماكانت حاسه انه هذا عرس اختها ورفيجتها وحبيبتها سديم وما صحت من هالحلم الا لما راحت سديم وزوجها لبيتهم وطلعوا من الصاله
كانت واقفه عند الباب واطالع اختها من بعيد واهى تمشى مع زوجها شوي شوي وبين كل خطوه وخطوه الف فلاش بعيونهم وتصوير بكاميرات الفيديو والكاميرات العاديه لما وصلت سديم عند اسيل
طالعتها وابتسمت لها وقامت تحرك لها راسها وتقول لها لاتبجين اسيل ضحكت لها
خلص العرس وراحت سديم لبيت زوجها
وراحت اسيل ولميس وامهم للبيت قررت لميس انهم تنام عند اهلها هالليله
اول ماوصلت اسيل للبيت على طول راحت غرفه سديم وبطلتها
ونامت على سريرها وقعدت تبجى
دشت لميس عليها
لميس: لاتبجين اختج بالكويت ماسافرت ولاطارت ولاراحت المريخ كاهى فى بيت زوجها وبأي وقت تروحين لها
اسيل: موعن جذى انا ابجى بس تعودت عليها بالبيت والحين بظل بروحى
لميس : وامى وين راحت
اسيل: امى حياتى وقلبى وكل شى بس امى ماقدر اقولها كل شى بخاطري وكل شى اسويه
لميس: بس عن الدلع انتى باجر بتتزوجين وتروحين هاذى الدنيا يلا غسلى وروحى نامى
اسيل تمسح دموعها: اوكي الحين بقوم
هذا الوضع فى بيت اسيل
اما الوضع فى بيت سديم وسلطان كان غير
سلطان: تفضلى داخل بيتج
سديم:......................
وقف سلطان جدام اسيل وقرب من اذونها وقال : كنت مستعد ادفع حياتى كلها عشان هاللحظه
سديم استحت ونزلت راسها باللأرض وابتسمت
سلطان:هههههههههه فديت الحيا كلها رفعى راسج وطالعينى انا الحين زوجج الحين امشى معاج بشارع من غير ماخاف انه احد يشوفنها امشى معاج بشارع وانا ماسك ايدينج نروح أي مكان نسوي الى نبيه
عسى لله لايحرمنا من بعض
سديم بصوت واطى: آميين
الفرح فرحين وانتي الفرح الأكبر
ياهلا بك ياعروسي يـا مناتـي
قبلة الترحيب ، هاتي الخد الايسر
الشنب يخدش خدود موّرداتـي
ربي جمّعنـا وقـول الله أكبـر
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
بعد جم يوم طلعت لميس من المستشفى وراحت البيت
كانت امها حاطه لها غرفه تحت عشان ماتقدر تصعد الدرج
وكانو طول الوقت خواتها عندها وكانت الزيارات على بيت اسيل وايد عشان يباركون حق لميس
ساعه 12 بليل
دشت غرفه لميس
الى كانت فيها اسيل وامهم
سديم: اووووووووف تعبت واخيرا راحو الضيوف ومابقى احد
ام محمد: يعطيج العافيه حبيبتى
اسيل: مايصير يمه كل يوم ناس ناس ناس مايصير
ام محمد: يسون الواجب بعد والمفروض تشكرونهم انهم عنو نفسهم
اسيل: بس تعبنا طول اليوم نبتسم ونروح ونرد ونمشى ونوقف ونشوف طلباتهم ونقدم الجاي والعصير والقهوه والكيك بس خلاص تعب
ام محمد: خلاص مابقا الا جم يوم وماراح يزورونا بالمره
رن تلفون البيت
سديم: لاحد يقولى روحى شوفى منو على التلفون مالى خلق
ام محمد: انا بروح اشوف يمكن خالتكم
راحت ام محمد ترد على التلفون
ام محمد: الووو
؟؟:: ......................
ام محمد: الوو الووو
سكرت التلفون وراحت عند بناتها
اسيل: يمه منو
ام محمد: مادرى ماحد يرد
سديم: ايه ترا كذا مره يدق التلفون ولما ارد ماحد يتكلم
لميس: ايه صح حتى انا ملاحظه
ام محمد: مادرى يمكن احد غلطان ولاشى
اسيل: قلنا لكم حطوا كاشف بس ماتبون
ام محمد: مافى الا جذى
بنفس اليوم وبنفس الساعه لكن فى بيت ريم
كانت ريم سهرانه وقاعده تدرس حق امتحان باجر
رن موبايلها
(( لقيت روحى بعد ما لا لقيتك بعد اللقا ارجوك لالا تغيبى....))
ريم : منو هذا رقم موغريب على بس منو
خل ارد اشوف منو
ريم: الوووو
....: الوو مرحبا
ريم كان الصوت موغريب عليها: ياهلا
..: شلونج ريم
ريم: تمام الحمدلله سورى منو معاى
...: ماعرفتينى
ريم: لاولله ماعرفتك
....: انا نواف
ريم انصدمت وبصوت عالى قالت: نوااااااااااااف
نواف: ايه انا نواف
ريم:انت وينك
نواف: شنو وينى
ريم: قصدى ليش قصيت على اسيل
نواف: انا ماقصيت عليها
ريم: لاولله وين وعدك راح موانت وعدتها ومانفذت هالوعد
نواف: انا موداق عشان اتكلم بهالموضوع
ريم بعصبيه: يا سلام ليش داق بالله؟ انت ماتدرى شنو سويت بالبنت حرام عليك وهذا وانت تقول انك تحبها لو تكرها شنو بتسوي لها موحرام عليك توعدها وتخليها ناطره هالوعد وفجأه تروح من غير أي سبب حتى ماقلت لها مع سلامه او بررت لها موقفك
نواف: انا صارلى جم يوم ادق على رقم اسيل يطلع لى غير موجود فى الخدمه وادق على بيتهم ابيها ترد وماردت على ولامره كله يردون اهلها واصكره
ريم: قطعت خطها اسيل مثل ماقلت لها انت اذا مارديت لج اعرفى انى جذاب وقطى خطج وغيره
نواف: ممكن تعطينى رقمها اليديد
ريم: ليش باقى جم جرح ماعطيتها ياه
نواف: لو سمحتى عطينى رقمها انتى موفاهمه شى
ريم: لا سورى ماقدر اعطيك اخاف تزعل على اسيل
نواف: ابيه ضرورى لو سمحتى
ريم: الحين ضرورى اها اوكي زين ولله
نواف: لاتتمصخرين لو سمحتى
عطينى رقمها
ريم:........(( كانت متردده تعطيه خافت تعطيه وتفتح جروح اسيل الى بدت تصكر وخافت ماتعطيه وتندم على هالشى))
ريم: انت شنو تبى فيها ممكن تقول لى عشان اعطيك
نواف: ابى افهمها كل شى صار
ريم: اوكيك بس اتمنى ماتجرحها واذا بتجرحها لادق عليها
نواف: ان شاءلله
ريم: يلا سجل
صكرت ريم التلفون من نواف وقعدت تفكر
ياربى ليش رجع بعد هالفتره
شيبى بأسيل مره ثانيه اهو مو تزوج
ادق على اسيل اقولها ولا اخليه اهو يدق يكلمها احسن
يارب ساعد اسيل
بعد ماخذا نواف الرقم قعد متردد لو يدق او لا
بس رفيجه مشاري كان يشجعه انه يتصل
مشارى: اتصل قول كل شى عندك
لاتخليها تاخذ فكره غلط عنك وتفهمك غلط
نواف: اخاف تصدنى
مشارى: بتنصدم بالبدايه وبتلومك وبتعصب لكن لازم تبرر موقفك لها قول انه كل شى صار مو بأدينك تشجع
نواف: واذا كانت ناسيتنى
مشارى: موانت تقول انها تحبك خلاص ماراح تكون ناسيتك دق هاذى البنت الى حبيتها من قلبك برر لها كل شى صار وفهمها موقفك
نواف : اوكى بدق بس مو الوقت متأخر اخاف تكون نايمه
مشارى :دق وجرب
دق نواف على اسيل نطرها ترد لكن اسيل ماردت كانت نايمه
نواف: ماحد يرد
مشارى: جرب مره ثانيه ماراح تخسر شى
نواف: اوكيك
ودق مره ثانيه وثالثه وكان الشى نفسه يصير انه ماحد كان يرد
نواف: خلاص اكلمها بوقت ثانى
مشارى: لاتخلى صورتك مشوه جدامها
نواف:...................
ريم قررت انها ماتقول حق اسيل انه نواف دق عليها وخذا منها الرقم لانها خافت انها تخلى اسيل التأمل انه بدق ومايدق فاسكتت عشان مايصير هالشى وتعيش اسيل على انتظار هالتلفون
قعدت اسيل اليوم الثانى
وبدلت عشان تروح الجامعه
ولما خذت تلفونها شافت 3 مكالمات فائته
اسيل: منو هذا الى دق ثلاث مرات يمكن واحد يستعبط ولاداق بنص الليل بعد
مانى داقه لو احد يعرفنى راح يدق
وخذت التلفون وراحت الجامعه بعد مانزلت تصبح على امها واختها لميس وبيبيات
راحت الجامعه وماكان عندها الا محضرتين وكل محاضره وقتها بعيد عن الثانيه اول ماخلصت المحاضره الأولى
ماتدرى ليش حبت تروح تتمشى بروحها وتروح البحر
اتصلت على سايقهم عشان يمر ياخذها من الجامعه عشان تروح البحر
لما كانت قاعده على البحر كان الجو حيل حلوووو وكان البحر هدوووء ولون الماي كان ازرق وحيل نظيف شكله
وكان فيه هوا كان الموج يحضن الصخر ويبعد عنه ويرجع له مره ثانيه ويحضنه مره ثانيه بشوق اكبر واكثر
نزلت دمعه من عيونها بسبب الهوا الى كان يدخل عيونها وماكانت قادره تفتح عيونها عدل
ومع كل نسمه هوا كانت تاخذ نفس عميق واطلعه برا واطلع معاه كل هم من همومها وتهديها للبحر
(((شى غريب لما تحس انك تظن انك حبيب ومنك من الفرحه قريب لكن يجى سهم ويصيب قلبك وتحى به غريب.....))
رن موبايلها وماشافت الرقم على طول ردت
اسيل: الووو
نواف: الوووو.....
اسيل ماكانت تمسع عدل لانه الهوا كان حيل قوى وماكنت تسمع منه
اسيل: الوووو
نواف: هلا اسيل شلونج
اسيل: تمام منو معاى
نواف: نسيتينى
اسيل: ترا مااسمع عدل
نواف: انا نواف
اسيل: شنوووو
نواف: روحى مكان هادى
اسيل: لحظه
وركبت سيارتهم
اسيل: هلا منو معاى
نواف: انا نواف
اسيل: نواف
نواف: ايه
اسيل:....................
نواف: ممكن اكلمج
اسيل حست انه قلبها يدق بسرعه حست نفسها بتبجى بتصارخ بتقوله ليش سويت فينى جذى حست نفسها بتقوله احبك لله يسامحك اكرهك كانت متشتته وموعارفه شنو تقول وتسوي
كان ودها تفرغ واطلع كل الهموم الى بقلبها والجروح وتحطها بقلبه كان نفسها تجرح بدال الجرح الف
ماكانت عارفه شنو شعورها بالضبط
نواف: اسيل وياي
اسيل بصوت مخنوق: معاك
نواف: ممكن اشوفج
اسيل: الحين
نواف: لوفاضيه ؟؟؟
اسيل: اوكيك
نواف: وينج الحين
اسيل: انا على البحر
نواف:بحر شنو
اسيل: بحر((....))
نواف: خلاص ربع ساعه اكون عندج
صكرت التلفون اسيل واهى منصدمه وموعارفه اهى بعلم او حلم ماكانت مستوعبه ولاشى ولاشى
قعدت بسياره وكانت سااااااكته وتفكيرها موقفه ماكانت تفكر الا بشى واحد ليش راد بعد هالغيبه
راجو: ماما يروح
اسيل......
كانت سرحانه ومومنتبه لكلامه
راجو: ماما ماما
اسيل: ها نعم
راجو: يروح
اسيل: لاخليك شوي
بعد ربع ساعه دق نواف
اسيل: الو
نواف: هلا اسيل وينج
اسيل: انا صوب الجسر الى بالنص
نواف: اوكيك
كانت اسيل وواقفه على الجسر وكان اطالع البحر
وفجأه سمعت صوت نواف عن قريب كان وراها
نواف: سلام عليكم
ماكانت عارفه تلف كانت خايفه تشوفه ماكانت تبى تشوفه وتسبه او تغلط عليه
قرب نواف منها وقف جنبها وقام يطالع البحر
نواف: ادرى انج ماتبين اطالعينى بعد الى صار
بس يااسيل انتى ماتدرين شنو صار معاى ولاتخافين انا للحين عند وعدى اسيل انا اول ماتخرجت من الدوره كنت مستانس حيل وكنت مشتاق اسمع صوتج لكن لما رديت كان الوضع بالبيت مخربط كانت امى تعبانه وبالمستشفى واطريت اسافر معاها برا تتعالج قعدت معاها شهر بلندن بعدين رجعت الكويت
ورحت اراجع بوراقى واطلع شهاده تخرجى من الدوره عشان اتوظف وخذت وقت معاى لانه انا ماقدمت على الوظيفه على طول بعد ماتخرجت عشان جذى خذت معاى وقت
ماكنت قادر اكلمج ولما رديت من اللندن على طول اتصلت عليج لكن خطج كان مقطوع
اتصلت كذا مره على بيتكم عشان تردين لكن ماكنتى تردين كانو اهلج اهما الى يردون وكنت انا اصكره
رقم ريم كنت ناسيه وحاولت كذا مره اتذكره وياما دقيت على ناس ماعرفهم عبالى انه رقم ريم لما حصلته امس وكلمتها
وبعد معاناه عطيتى رقمج كانت خايفه انى اجرحج لكن انا اجرح نفسى ولااجرحج انا آسف على كل شى صار لكن ولله موبأدينى ترددت وايد انى ادق عليج خفت تردينى
خفت انه قلبج طق لغيرى خفت من وايد اشياء بس اتمنى انج ماتزعلين منى وتسامحينى
اسيل كانت تسمع له وعيونها مليانه دموع بعد ماخلص كلامه
لفت عليه:بعد شنو تعتذر بعد مانكسر قلبى بعد ماخليتنى معلقه بين الحياه والموت والحين جاي تقولى خايف انه قلبج طق لغيري نواف انت تعرف انه قلبى ماحب الا انت وانا حبيتك من قلبى وصعب بيوم والليله افتح قلبى حق احد ثانى خصوصن لما نجرح من اغلى حبيب عليه
مع سلامه
راحت اسيل ونواف كان واقف يطالعها مايدرى شيسوي يوقف يمعنها من انها تروح او يتركها تروح بحال سبيلها وهذا الى مايقدر عليه لانه حبه وللحين يحبها
لحق نواف اسيل ووقف جدامها عشان توقف
اسيل: لوسمحت وخر من طريقى وخلنى اروح نواف موقادره اتكلم معاك الحين بليز
نواف: انا احبج وابيج
اسيل: روح شوف حياتك مع زوجتك اليديده
نواف: أي زوجه
اسيل:نواف روح عنى لو سمحت
نواف: اسيل انتى فاهمه غلط فهمينى أي زوجه
اسيل: الحفله الى صارت فى بيتكم ولاغانى ومادرى شنو شنو تسمى هذا
نواف: أي حفله
اسيل: لاتستعبط
نواف:اييييييييه تذكرت هذا موعرسى هذا حفله تخرجى ورجعت امى بسلامه
اسيل حست انه امل كبير بقلبها رجع فرحت بس ماتدرى ليش
اسيل: صج
نواف: ولله
اسيل: انزين نواف لوسمحت خلنى اروح
نواف: روحى بس حطى فى بالج للحين على وعدى وان تأخرت فى تنفيذه مايفرق
ماردت عليه اسيل وراحت
كانت فرحانه بس ماكانت تدرى ليش وكانت تبجى على كل شى صار لها
نواف ظل واقف فى مكانه ويطالع بأسيل واهى رايحه
رجع يسأل عن أخباري بعد غيبة سنه وشهرين
..رجع شايل وجع صدره وقال أرجوك واسيني
رجع كنه يحسبني سعيد بدنيتي أو زين
. وإهو مـا يدري الدمعة تسيــل ولاتسليني. .
دمع.هالوجه ..أو كنه جمع في غيبته جرحين
.. وأنا عيني بدت تدمع على حزنه وتبكيني..
يقول الدنيا خانتني وبعدك يا الغلا سكين
ولاأحدن يا الغلا غيرك يقدرني ويراعيني..
حبيبي ضقت بغيابك حبيبي حيل أنامسكين
.. وأنا جيتك بهاليله وتكفــــــ ـــى لا تخليني..
رجعت اسيل بيتهم بعد ماطافتها المحاضره
على طول دشت دارها من غير ماتشوف اهلها لانه ماكانت تبى احد يشوفها بهالحاله وخاصه امها عشان ماتخوفها عليها
دشت دارها لكن هالمره كانت الوضع غريب مابجت كانت فرحانه انه نواف رد لكن بالنفس الوقت ماكانت تبى تكلمه لانها بعدها مجروحه منه كانت فرحانه انه طلع مو متزوج وفرحانه اكثر انه ماغاب عنها من غير سبب
بس ماكانت تدرى شنو تسوي تنسى جرحها وترجع كل شى مثل ماكان او تجرح قلبه مثل ماجرح قلبها
اتصلت اسيل على ريم عشان تقول لها الى صار
ريم: هلا هلا هلا هلا
اسيل: هلا فيج شلونج
ريم: عال العال وانتى
اسيل: سافا
ريم: شلون البيبيات
اسيل: تمام الحمدلله
ريم: وبعد شخبارج
اسيل: تمام شلون الدراسه
ريم: زينه
كانت كل وحده فيهم تنطر الثانيه اتكلم بالموضوع اسيل كانت تبى ريم تقول لها انه نواف دق لانه اسيل ماتعودت انه ريم تخش عليها شى وريم كانت تبى اسيل تتكلم وتقول انها كلمت نواف عشان تقول انه دق من غير ماتخاف انه اسيل تزعل
وبما انه ريم مافيها صبر
ريم: اسيل مادق عليج احد اليوم
اسيل: مثل منو
ريم: مادري
اسيل: لاماكو احد دق
وانتى مادق عليج احد
ريم: ايه لا ماحد
اسيل: ايه او ماحد
ريم: لالالا ماحد وانتى شوفى تلفونج يمكن احد داق عليج
اسيل: ليش تلفين ودورين ليش ماتقولين انج عطيتى نواف رقمى
ريم: خفت تزعلين دق عليج يعنى
اسيل: ايه وسمعى شنو صار
قالت اسيل لريم كل شى صار بينها وبين نواف
ريم: مسكيييين يعنى ماكان بأدينه ولله ظلمناه
شنو بتسوين بتسامحينه
اسيل: لأيام الى كان نواف فيها مختفى كانت جحيم بالنسبه لى كانت صعبه حييييييييل مااتمناه للعدو حتى
جرحى من قلبى وصدمنى
ريم: بس رجع مره ثانيه وكان معذور وشى خارج عن ارادته
اسيل: حتى لو
ريم: لاتخلين جرحج يقسى قلبج على حبيبج
اسيل: انا ماقسيت لكن اخاف انجرح مره ثانيه
ريم: لو يحبج ماكان رجع لج مره ثانيه واعتذر وانتى الغلطانه كسرتى خطج بسرعه
اسيل:من الصدمه موبأدينى
ريم: انتى تحبينه
اسيل: ايه احبه واموت فيه بعد
ريم: خلاص ردى له اذا كان يبيج وللحين عند وعده ردى له لاتضيعينه واهو يبيج
اسيل: ولله ماقدر مو بأدينى ودى بس مادرى شنو الى يخلينى اصد عنه كل ماتذكرت كل شى صار فينى لما كان بعيد
ريم: ماادري القرار بأدينج ولاتتسرعين
اسيل: اوكيك
ريم: خلاص اخليج الحين يلا بيباي
اسيل:بيباي
نواف كان مصر على انه ترجع اسيل له مهما صار او مهما سوا حتى لو كان بالغصب
اتصل على ريم عشان يطلب منها انها تساعده
كانت ريم تبى تدخل تتسبح بس قبل ماتدخل رن موبايلها
(( لقيت روحى بعد مالا لقيتك بعد اللقا ارجوك لالا تغيبى.....)))
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك