رواية كويتيات كشفوا الخفايا -21
اتصل على ريم عشان يطلب منها انها تساعده
كانت ريم تبى تدخل تتسبح بس قبل ماتدخل رن موبايلها
(( لقيت روحى بعد مالا لقيتك بعد اللقا ارجوك لالا تغيبى.....)))
ريم: ياااااااربى مو وقته حده مانى راده
لالااخاف شغله ضروريه لاحقه على الحمام
راحت ريم تبى تشوف منو المتصل
ريم: موهذا الرقم الى اتصل على منه نواف
بس مادرى مومتذكرته عدل خل ارد احسن
ريم: الووو
نواف: مرحبا
ريم: هلا ولله
نواف: شلونج ريم
ريم: تمام الحمدلله
نواف: عرفتينى
ريم: ماردى مونواف
نواف: ايه امبلا
ريم: هلا ولله شخبارك
نواف: اخبارى عند اسيل
ريم:................. لله كريم
نواف: قالت لج الى صار
ريم: ايه قالت لى كل شى
نواف: انزين ياريم الى صار ماكان بأدينى وانا للحين عند وعدى مايصير شى لو تأخرت فى تنفيذه
ريم: القصه مو قصه وعد لا القصه غير اسيل موقادره تكلمك او ترجع لك لانه كل ماشافتك تذكرت كل لأيام الى موحلوه الى عشاتها لما ماكنت انت موجود وماكانت عارفه شى عنك
يعنى بختصار اسيل مجروحه ولازم تنسيها جرحها
نواف: مواهى مو معطتنى فرصه حتى كلام معاى ماتبى تتكلم
معقوله اكرهتنى بهالسرعه
ريم: لاماكرهتك اطمن اهى قالت لى انها وده ترجع لك لكن موقادره جرحها يمنعها
نواف: انزين ابيج تساعدينى
ريم: انا مستعده اساعدك شوي لكن الجزء لأكبر من هالقصه عليك انت
نواف: ادرى وانا مابى الا المساعده البسيطه بس
ريم: اوكيك خلاص اتفقنا وصدقنى صدقنى اسيل تحبك لاتتخلى عنها
نواف: اكيد اكيد انا ابيها وانتى تدرين واهى بعد تدرى
مرت لأيام وزادت محاولات نواف انه ينسى اسيل كل جرح عشات فيه حب يكسب قلبها وراضها مره ثانيه
لكن فى البدايه كانت اسيل تصده وتصده ولكن اهومايأس ابدا وكان كل ماصدته زاد بحبه لها
هذا بس كان بالبدايه لكن مع لأيام بدا يلين قلب اسيل شوي شوي ولكن مالان بسهوله كانت تعذب نواف شوي معاها
ريم كانت زياره اسيل فى بيتها وكانو قاعدين ويسولفون
ريم: بس حرام عليج صار لج 3اسابيع وانتى مجننه الولد معاج
اسيل: احبه ولازم يتعلم انه جرحى موسهل
خليه يحس شوي عشان مايكررها
ريم: يكرر شنو تكفييييييين ماسوا شى كل شى صار خارج عن ارادته
اسيل: الى يحبنى لازم يتحدى كل الظروف
مسكت ريم المخده الى جنبها وطقت اسيل فيها: تكفين يامغرووووووووره مغروووووووووره
اسيل رجعت طقتها بالمخده: جب جب جب انا مومغروه مومغروره
ريم قامت تركض بالغرفه وتقول: مغرووه مغروره
ريم تركض وتقول حق اسيل مغروره واسيل تلحقها وتقول مومغروره
لما تعبوا وطاحو ثنتينهم على لأرض من التعب وقعدوا يضحكون
وصلت ريم كلام اسيل الى قالته حق نواف لانه اهى كانت تحاول كثر ماتقدر انها ترجعهم حق بعض
ريم: اهى قالت لى انه انا احبه وابيه وللحين متمسكه فيه بس ابيه يتعذب شوي عشان مايعيد الى سواها
نواف: اهااااااااا يعنى جذى اوكيك خلاص انا موافق بس خليها تتحمل الى بصير
ريم بخوف: يعنى شنو بتسوي
نواف: لاتخافين بسوي شى يخليها تندم على حركاتها
ريم: دير بالك من تأذيها
نواف: خلاص بتعرفين بعدين يلا اخليج الحين
ريم: اوكيك بيباي
نواف: باي
كان قاعد عند نواف رفيجه
مشارى
مشاري: شنو بتسوي لها
نواف: هههههههههههه حتى انت خفت لاتخاف ماراح اسوي شى بس دام اهى معانده انا بحطها جدام لامر الواقع
مشاري: انزين قولى شنو بتسوي
نواف: مع لأيام بتعرف الحين خلها بعنادها
مشارى: لله يستر منك
نواف ابتسم لنواف وقال: شسوى مافيه الا جذى
مر شهر واسيل ونواف مايكلمون بعض وتقريبا انقطعت اخبارهم عن بعض لكن اخبار اسيل كانت توصل اول بأول لنواف عن طريق ريم وكانت ريم ماتقول حق اسيل هالشغله
بس كان نواف بكل نهايه اسبوع وتحديدا الساعه12 بليل يطرش مسج شعر اهو كاتبه لى اسيل
لكن لاكان يتصل او أي شى
مرت لأشهر ولأيام وهالحال ماتغير
قرب عرس سديم وسلطان العرس الى كانت سديم تحلم فيه كل يوم الف مره وسلطان زاد على لألف مليون
سديم كانت متجهزه ومجهزه كل اغراضها حتى ملابسها وميكاجها اغراضها ودتها امها حق بيت سلطان عشان ترتبها هناك
لانه مابقى على العرس الا يوم واحد
كانت سديم واسيل قاعدين مع بعض بالغرفه ونايمين على السرير
ويتكلمون
اسيل: باجر بليل ماراح تكونين موجوده بغرفتج ولاراح اغثج الصبح لما اقعد بتروحين باجر بيت زوجج وانا بقعد بروحى بعد ماراحت لميس بيت زوجها
سديم: حتى انتى بتتزوجين وبتروحين بيت زوجج وبتعيشين حياتج
اسيل: وينه هالزوج ؟؟؟ وبعدين انا مابى اخلى امى بروحها انا لو تزوجت بسكن عند امى مانى ساكنه مع زوجى اهو يجي يعيش معاى فى بيت امى
سديم: حبيبتى باجر ان رحتى انتى محمد بيجى يعيش مع امى بالبيت اهو وزوجته وعياله
اسيل:حتى لو مالى شغل
سديم: مايصير جذى ماراح تاخذين راحتج بعدين زوجه محمد طيبه وحبوبه وامى تحبها صح انه مانشوفها وايد بس لما تشوفها امى جدامها جنها شايفه الجنه
اسيل: ايه ادرى زوجته وايد تغيرت عن قبل حتى محمد تغير
سديم: سبحان لله الى يغير ولايتغير
اسيل: تدرين احلى احساس بدنيا لما تكونين مع الزوج الى انتى حبيتيه واخترتيه من بد كل هالشباب عشان يعيش معاج باقى عمرج تدخلين معاه اول ليله من زواجج من غير خوف وتوتر لانه انتى عارفه هالانسان الى جدامج واهو عارفج يعنى انتى موداشه على شخص غريب
سديم: صح كلامج
اسيل باست اختها : ولله بشتاقلج مع انه مو كفو
سديم:ههههههههههههه حتى انا
باليوم الثانى قعدت ام محمد وبناتها ساعه 9 ولميس كانت جايه لهم من ساعه 8
كانت سديم حيل متوتره موعارفه وين تروح او شنو تسوي اول شى لانها حست انه هاليوم مميز لازم تكون غير هالمره
اول شى راحت وتسبحت ولما طلعت من الحمام نادتها امها
ام محمد: سديييييم سدييييييم
سديم: هلا يمه
ام محمد:تعالى غرفتى
سديم: انشاءلله ثوانى
ربطت شعرها بشباصه وراحت عند امها
دشت الغرفه لقت امها قاعده على الكرسي وتنطر بنتها
سديم: هلا يمه ناديتينى
ام محمد:ايه تعالى قعدى
قعدت سديم واهى ساكته وامها سكتت معاها ظلت سديم ساكته تنطر امها تتكلم
ام محمد: شوفى يابنتى انتى اليوم داخله على حياه يديده تختلف عن حياتج عندنا لازم تعرفين شلون تعيشينها
وتسخرين نفسج ووقت لها زوجج الحين اهو المسؤول عنج لاتعصينه بأي شى الا فى الى يغضب ربج
كونى له عون فى وقت الضيق وطبيبه فى وقت المرض وحبيبه فى العمر كله
اسرار بيتج ماتطلع منه ابد حتى لى اقرب ناس لج الريال يابنتى على ماتعودينه لاترفعين صوتج عليه احترميه المشكله تصغر لو كنتى تبينها تصغر وتكبر لو كبرتيها كل مشكله ولها حل والمشاكل مهما كان كبرها صغريها
حافظى على زوجج الى اختارج من بين الكل
وبس هذا الكلام الى ودى اقوله لج وسامحينى يابنتى لو قصرت بأي كلمه
قامت سديم وباست راس امها: لاتخافين على يمه وان شاءلله بحط كلامج فى بالى على طول
ام محمد ابتسمت وداخل عينها دمعه: يلا روحى تجهزى عشان موعد الصالونه
سديم: ان شاءلله
خلصت اسيل من الصالون اول وحده لانها اهى الى بتروح الصاله عشان امها وعشان الناس الى حاضرين العرس اما لميس قررت تبقى مع اختها وتجى معاها بوقت الزفه
اسيل حيل تأخرت على الصاله وكانت امها وريم يتصلون عليها كل شوي
اسيل: ريم شسوي الشارع واقف مادرى شنو فيه جدام حادث ولاتفتيش مادرى
ريم: يلا تعالى بسرعه امج واقفه بروحها والكل يسأل عنج
وامج تعبت واهى اطلع اعذار
ريم: اوكيك باي
وصلت اسيل الصاله على طول دخلت وراحت تسلم على اهلهم
وسلمت على رفيجاتها الى كانو موجودين طول العرس كانت تحس اسيل انها بحلم وماكانت حاسه انه هذا عرس اختها ورفيجتها وحبيبتها سديم وما صحت من هالحلم الا لما راحت سديم وزوجها لبيتهم وطلعوا من الصاله
كانت واقفه عند الباب واطالع اختها من بعيد واهى تمشى مع زوجها شوي شوي وبين كل خطوه وخطوه الف فلاش بعيونهم وتصوير بكاميرات الفيديو والكاميرات العاديه لما وصلت سديم عند اسيل
طالعتها وابتسمت لها وقامت تحرك لها راسها وتقول لها لاتبجين اسيل ضحكت لها
خلص العرس وراحت سديم لبيت زوجها
وراحت اسيل ولميس وامهم للبيت قررت لميس انهم تنام عند اهلها هالليله
اول ماوصلت اسيل للبيت على طول راحت غرفه سديم وبطلتها
ونامت على سريرها وقعدت تبجى
دشت لميس عليها
لميس: لاتبجين اختج بالكويت ماسافرت ولاطارت ولاراحت المريخ كاهى فى بيت زوجها وبأي وقت تروحين لها
اسيل: موعن جذى انا ابجى بس تعودت عليها بالبيت والحين بظل بروحى
لميس : وامى وين راحت
اسيل: امى حياتى وقلبى وكل شى بس امى ماقدر اقولها كل شى بخاطري وكل شى اسويه
لميس: بس عن الدلع انتى باجر بتتزوجين وتروحين هاذى الدنيا يلا غسلى وروحى نامى
اسيل تمسح دموعها: اوكي الحين بقوم
هذا الوضع فى بيت اسيل
اما الوضع فى بيت سديم وسلطان كان غير
سلطان: تفضلى داخل بيتج
سديم:......................
وقف سلطان جدام اسيل وقرب من اذونها وقال : كنت مستعد ادفع حياتى كلها عشان هاللحظه
سديم استحت ونزلت راسها باللأرض وابتسمت
سلطان:هههههههههه فديت الحيا كلها رفعى راسج وطالعينى انا الحين زوجج الحين امشى معاج بشارع من غير ماخاف انه احد يشوفنها امشى معاج بشارع وانا ماسك ايدينج نروح أي مكان نسوي الى نبيه
عسى لله لايحرمنا من بعض
سديم بصوت واطى: آميين
الفرح فرحين وانتي الفرح الأكبر
ياهلا بك ياعروسي يـا مناتـي
قبلة الترحيب ، هاتي الخد الايسر
الشنب يخدش خدود موّرداتـي
ربي جمّعنـا وقـول الله أكبـر
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اتصلت شوق على ريم تعزمها على العشا عندهم
كانت ريم قاعده مع امها بعد واختها يطالعون التلفزيون
معالى: يمه
ام احمد: هلا يمه
معالى: يمه خلينا نروح السوق يمه
ام احمد: ولله ماادرى انا اليوم ماعندى شغل فاكيفكم
ريم: لايمه مانبى السوق نبى نروح نتعشى بمطعم مع ام محمد وبناتها
معالى: لاولله انا الى تكلمت عن الطلعه اول انتى مالج شغل
ريم: حبيبتى انا الصغيره وانا الى كلامى يمشى
معالى: يمه شوفيها
ام احمد: بس لاتخلونى ماخليكم تروحون انتو الثنتين
معالى: كله منج كله منج ملقوفه
بهالوقت رن موبايل ريم
(انسى الزعل انسى جراح طمنى بس طمنى بس....)
ريم: هاذى شوق بنت عمى شعندها
ردت ريم
ريم: الوووووووو الووووووو
شوق: هاااااااااااااااااي
ريم:هايات
شوق: شلونج
ريم:عال العال انتى شخبارج
شوق: تمام...عندج اليوم شى
ريم: لاماكو ليش
شوق: تعالى عندى اليوم اهلى مو موجودين بروحون الشاليه وانا مابى
ريم:خلاص اكلم امى واقولج
شوق: اهى عندج الحين
ريم: يس
شوق:كلميها
ريم: اوكيك
يمه شوق عازمتنى انا بروحى واطالع معالى يعنى الكلام لج عندها اليوم شرايج
ام احمد: لامافيه
ريم: يمه تكفييييييين انتوا بتروحون السوق وانا مالى خلق قطونى عليها
معالى:ايه يمه خلينا نفتك منها
ريم:جب جب انتى ماماتى حياتى تكفين
ام احمد:.............
ريم:يمه ولله ابجى
شوق:هههههههههههه
ريم:انتى ماتستحين قاطه اذونج عندنا هاذى اسرار عائليه
ام احمد:ههههههههههههههههه
ريم: لله امى ضحكت يعنى موافقه
ام احمد: خلاص خلاص روحى
ريم: هياااااااااااا شوقوه افرشى لارض ورد لى جايه اليوم
شوق: ههههههههههه اوكيك يلا روحى
ريم: بيباي
شوق:باي
كان قاعد جنب شوق اخوها نايف ويسمع كلام شوق وريم
شوق: اوووووف خلاص ارحت قلت لها وراح تجى اليوم ساعه 8 زين
نايف: اكيد ولامواكيد
شوق وقفت : اووووه ايه اكيد بس شوف لاتسوي لى مشاكل معاها اخاف تزعل
نايف: لالا تخافين مشكووووووووووره يااختى العزيزه
شوق حطت ايدينها على خصرها:ترا كل شى بحسابه اكيد فاهمنى
نايف:هههههههههه ايه اكيد
راحت شوق غرفتها وقعدت تفكر بشنو يبى يسوي اخوها
ياربى انا ليش سمعت كلامه اخاف يسوي شى شنو يسوي شى هذا اخوى وانا واثقه فيه بس اخاف يسوي معاها مشاكل أي يتغشمر معاها غشمره ثقيله وتزعل
اوف ياربى لله يستر
تجهزت ريم عشان تروح بيت عمها وكانت هالمره كاشخه آخر كشخه
كانت لابسه جينز سكينى ضيق وفوقه نفنوف اصفر شوي طويل ولابسه قلاده فضيه فيها ورد اصفر
ولابسه عدسات رماديه وحاطه كحل ومساكرا وحمره حمرا
ولابسه ملفع خفيف ومطلعه شوي من قذلتها كان شكلها حييييييييل حلو
راحت مع امها واختها
ووصلوا عند بيت شوق
ام محمد:ديري بالج على نفسج
ريم: يمه وين رايحه انا رايحه بيت عمى مورايحه حرب
معالى: حبيبتى شوفى احنا بنطول شوفى منو بردج البيت
ريم: جب جب يلا بيباي
طقت ريم بيت عمها بطلت لها الخدامه
ريم: هاي
وين شوق
الخدامه: شوق داخل صاله
ريم:فيه احد
الخدامه :لاكلو برا
راحت ريم الصاله ولما دشت
انصدمت شافت نايف قاعد وشوق موموجوده
ريم على طول ردت ورا ماتبيه يشوفها
نايف: تعالى تعالى مانى ماكلج ماتبين تسلمين يعنى
ريم تقول بقلبها: عما بعين خدامتهم الجذابه انا اعلمها
نايف كان متفق مع الخدامه على الكلام الى قالته
ريم دشت الصاله: سلام عليكم
نايف : وعليكم السلام
ريم: وين شوق
نايف: شوق راحت وبترد
ريم انصدمت : نعععععععم
نايف: تعالى اقعدى اهنى على ماترد
ريم: لالالا انا بروح بيتنا خلاص
نايف على طول وقف ومشى بسرعه ووقف قدام الباب
ريم اخترعت قالت بصوت واطى وبخوف: نايف وخر
نايف: ابيج بموضوع ممكن تقعدين شوي
ريم كانت حيل متوتره وعشان تخفى توترها عصبت : نااااااايف بلييييز وخر
شوق كانت قاعده على الدرج وتسمع كلامهم : ياربى لله يستر منك يانايف اخاف انزل وتذبحنى
اوووف ياربى
نايف: لاتصرخين لاتصرخين
ريم كانت منزله راسها تحت وحيييييييل متوتره وخايفه
نايف: ريم انا بس بقولج كلمه وحده ماله داعى تعصبين وتصرخين
ريم :..................
نايف : بس الى بقوله انى احبج واسفه على هالطريقه وشوق تلاقينها فوق
وطلع من الصاله
شوق على طول لما راح اخوها نزلت
ريم كانت واقفه بمكانها وتحاول تستوعب الى صار
دشت عليها شوق: ريييييم انا آسفه
ريم:....................
شوق قربت منها وضمتها :تكفين لاتزعلين منى تكفين
ريم: بروح البيت
شوق: ليش خليج عندى
ريم تعلى صوتها: برووووووووووح البيت الحين
شوق : امج راحت وسايقنا موموجود تبين اخلى نايف يردج وانا معاه
ريم:بروح البيت
راحت شوق تناديها اخوها الى كان بالحديقه
شوق: نايف نايف
نايف لف ورا ولما شاف اخته واقفه عند الباب تناديه قام لها: شنو شفيج
شوق: تبى ترجع البيت
نايف: ليش
شوق: احرجتها انت ومادرى شفيها تبى ترجع تعال وصلنا انا بلبس وبنزل شغل السياره
راحت شوق غيرت ملابسها وخذت ريم وراحو
كانت ريم قاعده ورا وكان قدامها قاعد نايف ويسوق السياره وجنبه اخته شوق
كانت شوق تحاول تلطف الجو بسياره وتسولف لكن ماكان احد يرد عليها فقررت انها تسكت
فعشان يكسر الصمت الى بسياره شغل نايف اغنيه
كان بين فتره وفتره يطالع ريم بالمنظره اما ريم كانت لافه على المنظره واطالع الشارع وشوق ساكته واطالع جدام
تـرى مـن جـد حبيتـك وزود الحـب جننـي
كتمت الحب في صدري ولابـد يظهـر الخافـي
رسمت أشواقي لك ورده أبيهـا توصلـك منـي
وابي منك تعطرهـا وتسقيهـا عسـل صافـي
يموووت بداخلي إنسان ويحيـا إنسـان ويغنـي
يقول أموووت في حبـك وياليتـه بعـد كافـي
ألا يالهفتـي تكفيـن أبـي أحيـاك أنـا كـلـي
أعرف إن لهفتي عله عجزت ألقى لهـا شافـي
أبكتب لك يا؟؟؟؟ قصيدة حب وأصيغ ألحان وأغني
أببحر في بحور الشوووق وهو يكسرلي مجدافي
أضـم فـي داخلـي عبـرات وآهـات تعذبنـي
أنقي من همومي هم وأشيلـه فـوق الأكتافـي
تذكرني قبل ماأرحـل وبعـد ماأرحـل تذكرنـي
مثل طفل فقد أمه وهـو فـي حضنهـا غافـي
تصدق لوتغيب سنيـن وياخـذك الزمـن عنـي
تأكد وقـت ماترجـع بتلقـى حضنـي الدافـي
وصل نايف بيت ريم نزلت ريم من السياره
واهى ساكته
شوق: مع سلامه ريم
ريم:...................
راحت اطق باب بيتهم
نايف كان واقف وماتحرك
شوق: يلا حرك
نايف: خلينى اتأكد انها دخلت
دشت ريم داخل وحرك نايف بسياره
اول مادشت ريم سألت الخدامه
ريم: وين ماما
الخدامه: مايجى
ريم: اوكى
راحت ريم غرفتها بدلت وقعدت تفكر بكلام الى قاله لها نايف والى سواها
ياربى ليش خفت وكانه الى واقف قدامى انسان غريب على
ليش صرخت عليه
ليش مافهمت منه الموضوع بدال مااحرجه ويحرجنى
ياربى شسوي الحين شلون بطالع فيه شلون بروح بيت عمى
بهالوقت رن موبايل ريم
(( انسى الزعل انسى الى جراح طمنى بس....))
ريم:هاذى شوق ماراح ارد عليها على حركتها البايخه الى سوتها
وحطت التلفون ونزلت تحت
اتصلت ريم من تلفون البيت على اسيل
اسيل كانت شابكه على الأنترنت وتقرا اشعار
((تلموونى ولاتردون ماهو سرى المكنون.....))
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك