رواية كويتيات كشفوا الخفايا -22
ريم:هاذى شوق ماراح ارد عليها على حركتها البايخه الى سوتها
وحطت التلفون ونزلت تحت
اتصلت ريم من تلفون البيت على اسيل
اسيل كانت شابكه على الأنترنت وتقرا اشعار
((تلموونى ولاتردون ماهو سرى المكنون.....))
اسيل: الووووووووووووووو
ريم:هلا هلا هلا شلونج
اسيل: سافا وانتى
ريم:عال العال شتسوين
اسيل: شابكه انترنت واقرا شعر
ريم: ياسلام ياسلام ...هاشنو المستجدات عندج
اسيل: ماكو شى فرش
ريم: ونواف شلونه
اسيل: للحين على حالته بكل نهايه اسبوع يطرش لى مسج وكاتب فيه شعر يموووووت عجيييييب
ريم: ماحنيتى او رديتى عليه
اسيل: لا لالا خليه يحترق على نار هاديه
ريم: ماصدق انج اسيل الى كانت تحب نواف
اسيل: قلت لج احبه بس لازم يذوق الى ذقته...انتى شنو المستجدات عندج
ريم: اليوم صارلى موقف موحلو فى بيت عمى
اسيل كانت تاكل بوب كورن وتتكلم: شنوصار
قالت ريم كل شى صار حق اسيل
اسيل: اعترف لج بحبه؟
ريم:ايه قالى احبج
اسيل: انتى ليش كنتى خايفه هذا ولد عمج
ريم: مادري توترت حيل
اسيل: انا اصلن كنت متوقعه ومتاكده انه يحبج
ريم:حتى انا كنت حاسه بس مادرى
اسيل: شنو ماتدرين ؟؟انتى تحبينه
ريم بعصبيه: لا لا لا انتى عارفه انه انا خلاص مابى احب لانه مافى احد يستاهل ومافى حب
اسيل: هذا كلامى قبل
ريم: كلامج صح الى يحبون شويه
اسيل:ولله مادرى يمكن يطلع غير وبعدين ولد عمج مااعتقد بيلعب
ريم: مادرى مادرى بس انا الى خايفه منه الحين شلون اروح بيت عمى مابى اشوفه كلش بعد الى صار كلش مابى اتذكر الى صار حتى
اسيل: ولله مادرى...المهم مافى طلعه هالأيام منيه مناك
ريم: انا ودى اروح اشوف فلم احمد حلمى اليديد
اسيل:حتى انا شرايج نكلم اهلنا ونروح
ريم: خلاص انا بكلم امى وبشوف
اسيل: خلاص انا الحين بدخل موقع السينما وبشوف وقت الفلم عشان احجز من النت اسرع
ريم: لاتحجزين يمكن مايوافقون خلينا نتأكد بعدين يصير خير
اسيل: اوكيك
ريم: شوفى انتى كلمى امج على باجر اوكيك
اسيل: اوكى يلا روحى عنى
ريم: يلا بيباي
اسيل:بيباي
كلمت اسيل وريم امهاتهم ووافقوا انهم يروحون السينما بس بعد عناء طويل لانهم ماكانو راضين انه اسيل وريم يروحون بروحهم لكن بعد الحنه وافقوا
لبسوا وتجهزوا وكانو متفقين انه اسيل تمر على ريم وتاخذها
اسيل كانت لابيه نفنوف اصفر كم طويل قصير يوصل نص فخذها ولابسه تحته سكينى جينز اسود ولابسه قلاده بنفسجيه على طرفها فيه ورده كبيره تتعلق على اللبس على كعب بنفسجى وجنطه بنفسجه
اما ريم كانت لابسه نفنوف ابيض نفس ستايل نفنوف اسيل لكن كان على طرف اللأكمام خطين سود على كعب احمر وجنطه حمرا
وطبعا كالعاده ميكاج مووايد
اسيل كانت حاجزه من النت الأماكن الى بيقعدون فيها عشان ماكان لهم خلق مايلاقون حجز
وصلت اسيل عند بيت ريم
اسيل: راجو سو هرن
طييييييييييط طييييييييييط
اسيل: اوووووووف كالعاده ماتطلع بسرعه
بدق عليها
اتصلت عليها ولقت مع ريم خط ثانى
اسيل: ياااااااربى
الحين نتأخر
ريم كانت تتكلم بتلفون وكانت اطالع اسيل من الدريشه بس اسيل ماانتبهت عليها
ريم: ايه بنقعد بهالكراسى
نواف: متأكده
ريم: ايه سألت اسيل وقالت لى
نواف: انزين شنو الفلم
ريم: فلم احمد حلمى
نواف: خلاص انا الحين عند السينما بحجز لى ولما توصلون رنى لى رنه
ريم: اوكيك باي
مشارى: ماتخاف تزعل اسيل وتطلع من الفلم
نواف: انا شكو فيها انا رايح حالى حال هالناس بشوف الفلم
يلا تعال نحجز
وصلوا ريم واسيل للمجمع الى كانت فيه السينما ووصلوا بوقت الفلم
على طول اشتروا لهم اكل ودخلوا
ريم: اووووووف انا مايبط جبدى غير هالظلمه الحين شلون بمشى اخاف اطيح
اسيل: امشى كاهو الى بودينا مكانا
قعدوا بأماكنهم وكانو دايما يحبون يقعدون ورا
قعدت اسيل تاكل من البوب كورن وناطره الفلم يبلش اما ريم كانت تراقب الى داخلين عشان تشوف نواف لما يدخل
ريم:امبييييييييييييه هذا شيبى اهنى
اسيل: منو
ريم تأشر على نواف: هذااااا
اسيل وقفت لاكل وانصدمت: نوااااااااااف
ولفت على طول سوت نفسها مو منتبه
قرب نواف منهم
نواف: لوسمحتى ممكن شوي بمر
اسيل كانت حاطه رجل على رجل نزلت رجولها ومر نواف ورفيجه مشارى
قعد نواف جنب اسيل ومشارى كان جنب نواف
اسيل:حاولت تكون طبيعيه حيل
بلش الفلم وماكانت ابدا ابداا مرتاحه
اسيل بصوت واطى: ريم تعالى مكانى
ريم: لامرتاحه اهنى
اسيل: تكفييييين
ريم: انزين يلا قومى
وبدلوا لأماكن
نواف حاول كثر مايقدر انه يسوي نفسه متجاهل وجود اسيل
اسيل كانت كل شوي تلف عليه من غير ماينتبه واطالعه لانها اشتاقت له وايد
واهو كل ما لفت عنه سرح فيها ثوانى ووخر
كل واحد حامل بقلبه لثانى حب وعشق وغرام لكن جرح اسيل منعها تسامح وتصفح
حبته يتعذب مثلها شوي لكن اهو تعذب مثلها واكثر
صح انه كل اخبارها توصل له عن طريق ريم لكن ماكان يفرح بهلأخبار لانه كان يتمنى يكون معاها
لما تجيب ريم خبر يفرح ويفرح لفرحها وكان يتمنى يكون معاها لما تقول له ريم اليوم اسيل متضايقه
عشان ينسيها ضيقتها
خلص الفلم وراحت اسيل وريم يتعشون بالمطاعم الى فوق
مثل ماراح مشارى ونواف للمطاعم عشان ياكلون لكن هالمره ماكانت مقصوده كانت صدفه وقدر اكتبه لهم لله انهم يكونون قاعدين بطاولات قريبه من بعض
اطلبت اسيل وريم لأكل وقعدوا ياكلون
ريم كانت مندمجه وغايصه باللأكل
عكس اسيل الى ماخلتها نظرات نواف انها تاكل
ريم: اسيل اكلى شفيج مستحيه من لاكل ماراح ياكلج
اسيل: اوووووووف مومن لأكل من نواف كل شوي يطالعنى وانا مستحيه
ريم: اكلى مالج شغل فيه
اسيل: شهاالصدفه الغريبه شلون دش معانا بالنفس الفلم ولا بنفس لاماكن
اسيل: ريم شى غريب مو
ريم: شنو نعم ؟؟
اسيل: شفيج اقولج موشى غريب انه نواف يكون معانا بنفس الفلم ونفس لاماكن
ريم: لاعادى وين الغريب صدفه
اسيل: لالا مااتوقع انا حاسه انه فيه شى
ريم ارتبكت: شى مثل شنو
اسيل: مادرى لله اعلم
ريم: انزين خلصى بسرعه تأخرنا امى من اليوم ادق على
اسيل: خلاص مابى آكل شبعت امشى
قامت اسيل وريم وراحوا بيوتهم
وصلت اسيل ريم لبيتهم
اسيل: يلا وصلنا بيتكم يلا برا سيارتنا
ريم: مالت حتى مالت
افتحت الباب وطلعت وماقالت باي
اسيل بطلت الدريشه: ريوووم حياتى تصبحين على خير
ريم:ههههههه وانتى من اهله خلينا نشوفج اوكي
اسيل: اوكى يلا باي
راحت اسيل بيتهم لما وصلت بيتهم ونزلت من السياره
شافت احمد وصارت عينها بعينه
قعدت اطالعه ويطالعها واهما ساكتين
احمد: هلا اسيل شلونج
اسيل: هلا احمد تمام الحمدلله شخبارك انت
احمد: الحمدلله تمام
اسيل: شلون خالتى خلود
احمد: امى هالأيام موقادره تحط رجولها على لأرض من الفرحه
اسيل ابتسمت: عسى دوم ان شاءلله بس شنوالمناسبه نبى نفرح معاها
احمد: ولله ماكو بس بتزوج
اسيل فجأه اختفت لابتسامه من شافيفها وتغير شكلها وانصدمت
اسيل: اها مبروك لله يوفقك يارب
يلا اخليك باي
دخلت داخل وصكرت الباب وراها وقعدت تستوعب الشى الى صار فيها
شكو انصدمت شنو يعنى اهو رجال مثله مثل غيره يتزوج عادى
ليش انصدمت موانا مااحبه بس اعتبره مثل اخوى ياربى الحين يفهم شى ثانى
الحين عباله انى ندمانه انى رفضته ويستانس
ياااااااربى ليش كلمته ليش حطيت نفسى بهالموقف اوف اوف
دخلت اسيل بيتهم ولقت امها قاعده بصاله بروحها
اسيل: سلام عليكم
ام محمد: هلا حبيبتى وعليكم السلام
اسيل قعدت جنب امها وباست راسها: انا آسفه انى خليت الحلوه بروحها اليوم بالبيت
ام محمد: لاحبيبتى انا تونى رديت البيت كنت رايحه انا وخالتج ام احمد
اسيل: اييييييييه اييييييييه طلعات من ورانا
انتبهت اسيل انه فى دعوه عرس على الطاوله مسكتها
وقعدت تفتحها وتقول: يمه هاذى دعوه منو ؟منو متزوج
اسيل: احمد ولد جيرانا توهم عطونى البطاقه
اسيل فتحت البطاقه وقعدت تقرا الى مكتوب فيها وشافت اسم احمد جنب اسم زوجته تهانى
اسيل: اسمها تهانى يمه تصير له
ام محمد: ايه بنت عمه مشاءلله عليها هالبنت متخرجه من الجامعه والحين بتصير محاميه
اسيل: لله يوفقهم يارب
خلاص يمه تبين شى بروح انام ولاتبينى اقعد معاج
ام محمد: لاولله حتى انا فينى نوم بس انا قعدت انطرج تردين يلا امشى انام
اسيل : اوكي
راحت ام محمد تنام وقعدت اسيل على سريرها تفكر
ياربى معقوله يتزوج ويعيش حياته وانا مااتزوج نواف بعد ماضحيت عشانه
اليوم بسينما ماحسب لى حساب ولاكأنى موجوده ياربى ياخوفى هالقصه تنقلب على واطلع انا الخسرانه بلأخير
معقوله حركاتى لنواف جرحته وماقدر يتحملنى
حتى مسجاته الى بنهايه لاسبوع ماقام يطرشها
على هالأفكار كلها نامت اسيل
سديم خير مثال للحب الطاهر النظيف الى يبدا بصبر وينتبهى بفرج
كانت سديم حياتها احلى حياه بدنيا كانت حلوه وبسيطه وكان وجودها مع سلطان على الحلوه والمره احلى ماعندها فى الدنيا وكان يكفيها ويزيد
بعد العرس سافرت سديم وسلطان لفرنسا مدينه العشاق والمحبوبين والرومنسيه
ارض تبتدى بالحب وتنتهى بحب وخير مكان واحلى مكان لكل عشاق ومعشوقه
راحت سديم وسلطان يشوفون برج ايفل بليل مثل ماطلبت سديم من سلطان ووعدتها انها تشوفه ووفا بوعده كانت هاذى آخر ليله لهم بفرنسا
كانو قاعدين جنب بعض ويطالعون البرج الى ماكان فيه شى مميز غير طوله لكن الليتات ولأنوار الى كانت تزينه
كانت بنسبه لسديم شى بلأحلام ممكن تشوفها منظرها كان بسيط وعادى لكن كان يوحى بالحب ورومنسيه
كان الجو دافى وكان فيه هوا كانت سديم وسلطان قاعدين مع بعض يسرحون بلأفكارهم شوي ويرجعون للواقع مره ثانيه ويتكلمون ويضحكون
سلطان: تدرين طول عمرى اوعدج بهاللحظه حتى من قبل ما اقرر انى اتقدم لج واليوم احمد ربى انى قدرت اوفى بوعدى
سديم: حتى انا ماتخيلت انه هالشى بصير كنت اقولك امنياتى واقولك لأشياء الى ودى اشوفها من غير ماانطر التنفيذ منك لانى ماكنت متخيله انه بنكون زوجين بنهايه كل ماشفت اصرار اخوى انه يرفضك كل مااطيح امالى اكثر واكثر
سلطان: لاانا عكسج انا كل مارفضنى كل مااصريت
لعب بكرامتى اخوج
سديم:هههههههههههه حبيبى تدرى لولا اصرارك ماكان كنا لبعض الحين
سلطان:لله لايحرمنا من بعض
سديم:آميييييييييييين...مشتاقه حيل حق امى
سلطان: خلاص بنرجع الكويت اليوم آخر يوم لنا اهنى وبتروحين حق امج وبتشبعين منها
سديم: مسكينه امى اذا تزوجت اسيل بتظل بروحها بالبيت
سلطان: تبين نعيش عندها
سديم: لا يمكن اخوى محمد يسكن عندها
سلطان: خلاص اذا ماسكن نعيش انا وانتى عندها المهم انج ماتحاتينها
سديم ابتسمت وطالعت سلطان:لله يخليك لى
كان مشارى ونواف قاعدين الفجر على البحر ويتكلمون
مشارى: سبحان لله لما اطالع البحر ماتثبت عيونك على مكان واحد بعيييييييد ماله نهايه ابدا
نواف: سبحان لله هذا خلق لله سبحانه
مشارى: انا استغرب من الناس الى ماتصلى ولاتصوم وتعرف ربها بلأسم ليش مايطالعون مثلا هالبحر ويشوفون انه لله الى قدر يسوي هالبحر الى ماله لاعرض ولاطول ولامساحه الى ماله بدايه ولاله نهايه
مايفكرون انه هالرب عظيم وجبار ولازم نعبده ونحمده ونشكره
نواف: اكيد الكل عارف بهالشى مسلم وكافر بس احنا المسلمين صارت المغريات بالحياه قدامنا وايد وتغلبت علينا وخلتنا نبعد عن ربنا شوي بس اكيد مو الكل
مشارى: هالمغريات كلها من الغرب يبونا نبعد عن ربنا لانه اهم يشوفون بأسلامنا وعقيدتنا قوه
نواف: صح كلامك الحين مع الوقت وتطور الحياه كل يوم الغرب يطلعون لنا بختراع جديد يلهينا اكثر واكثر
مثلا الكمبيوتر ولانترنت ساعات تلاقى وايد ناس اطوفهم الصلاه لانه شابكين على لانترنت
مشارى: صح كلامك لكن احنا فينا ناس للحين خيره وتحاول توعى الناس على هلأشياء
نواف: اكيد اذا خليت خربت
مشارى: الدنيا مادوم على حالها لو تفتح الكتب وتشوف حال المسلمين قبل وحالهم الحين ولله ماتدرى تضحك ولاتبجى ولاشنو تسوي كانو الغرب بحاله جهل وتعصب وتخلف وماكان فيه حريات عكس حال المسلمين الى كانو يدرسون ويتعلمون ويبنون الجامعات ويألفون الكتب بالطب والكيما ولاحصاء والهندسه الحين وينها هالكتب كلها صارت مراجع ومصادر لتطور الغرب
نواف:احنا الحين بنكسه كبيره والسبب لأهم والكبير فيها انه خلينا الغرب ولاجانب يدخلون حياتنا
مشارى كان شاب حيل متعلم ويحب العلم كان دايما يقرا فى التاريخ ويحب يقارن بين الحياه قبل والحين ودايما يقرا فى الدين والسنه عشان يعرف اكثر واكثر اسرار هالكون كان يشوف بنواف لأذن الى تسمع وتصغى له وتتناقش معاه عكس ربعهم الباقى الى اذا فتح مشارى موضوع عن العلم يضحكون عليها ويتمصخرون ويشوفونها مواضيع تافه
واهما قاعدين شرقت الشمس وكان المنظر اكثر من رائع ماقدر مشارى يتحمل هالمنظر ومسك تلفونه وقعد يصور
نواف: والى خلا هالشمس تشرق من المشرق انى احب اسيل وبسوي اليوم الى براسى
مشارى واهو يصور: وشنو الى براسك
نواف: بتقدم لها
مشارى وقف تصوير وانصدم: اليووووم
نواف: ايه اليوم انا مكلم امى عنها واهلى كلهم عارفين وناطرين منى كلمه يلا نروح بيت البنت بس
مشارى|: لازم يتصلون اهلك على اهلها وياخذون موعد
نواف: بدق على امى الحين وبقولها
واتصل نواف على امه الى كانت توها مخلصه صلاه الفجر
نواف: الوووو
ام نواف: هلا يمه
نواف: شلونج
ام نواف:بخير عسى ماشر فيك شى ليش دااق هالحزه وبيت ليش موبالبيت
نواف: انا مع مشارى يمه عنده شغله يبى يسويها يمه اسمعينى اتصلى على اهل البنت الى قلت لج عنهم اليوم واخذى منهم موعد اليوم
ام نواف: اليوم مايصير
نواف: تكفين يمه انا مابى انطر
ام نواف: خلاص امرنا لله ان شاءلله
نواف:لله يخليج لى يارب يلا مع سلامه
ام نواف: مع سلامه
مشارى:ماتخاف ترفضك اسيل
يمكن للحين مجروحه
نواف: لا ان شاءلله مايصير الا كل خير يلا امش اقطك على بيتكم وبروح بيتنا انام شوي
على الساعه 10 الصبح اتصلت ام نواف بأم اسيل وخذت منهم موعد على اليوم وطبعا ماكان بأيدين ام اسيل الا انها تهلى وترحب فيهم
اتصلت ام محمد فى بنتها لميس
ام محمد: قوه
لميس:هلا هلا بهالصوت
ام محمد:هلافيج شلونج
لميس:تمام الحمدلله انتى شلونج وشلون اسيل
ام محمد:الحمدلله بخير ...اسمعينى عندج شى اليوم
لميس: لا ليش
ام محمد:اليوم جايين ناس يخطبون اسيل ومابى اسقبلهم بروحى
لميس: ومنو هذيل يمه
ام محمد: اسم ابوهم (...)
لميس: ايييييه عرفته يمه هذيل ناس معروفين
ام محمد: ولله مادرى نشوف ونسأل ولله يقدم الى فيه الخير
لميس: خلاص يمه اكلم فهد
ام محمد:خليه يقطج عندنا الصبح قبل مايروح الدوام
لميس: ان شاءلله
اليوم الثانى الصبح كانت لميس عند امها ويجهزون كل الضيوف الى بيزرونهم اليوم
طبعا لا اسيل ولا ريم عارفين بلى بسويه نواف
قعدت الصبح اسيل ونزلت تحت حق امها
واهى على الدرج سمعت صوت بيبيات
اسيل: لميس عندنا؟؟ وناااسه مشتاقه حق عيالها
وقعدت تركض على الدرج لما دخلت الصاله عند امها واختها
اسيل: صبااااح الخير
واااااااااااي حلاتهم فدييييييييييتهم ريماس وراكان عندنا
وقعدت تبوس عيال اختها
لميس: المزهريه امهم مالها شى
اسيل: ههههههههههههههههه لا اكيد لها وقامت سلمت عليها
شعندكم عندنا اليوم
لميس : ولله عشانج
ام محمد غمزت حق لميس عشان ماتقول حق اسيل
اسيل: ليش يعنى
لميس تحاول تضيع الموضوع: لاولاشى بس قلت اكيد قاعده ضايق خلقها من غير سديم قلت اجي لها عشان اونسها
اسيل: أي ولله ياحليلها سديم مشتاقه لها
ام محمد: كلمتنى امس تقول بترد اليوم الفجر يمكن
لميس: مرتاحه مع زوجها يمه
ام محمد: ولله مادرى بس من صوتها وسوالفها احسها مرتاحه
لميس: لله يوفقها يارب ولايغير عليها
اسيل: لمووس شرايج نطلع نتريق برا
لميس: لالا ماقدر اليوم بزرون امى ناس ولازم نجهز البيت
اسيل لفت على امها: يمه منو هالناس
ام محمد: وحده اعرفها
اسيل: اوكى خلاص انا بروح اتسبح
فى بيت ريم
ريم كانت قاعده مبجر عشان تتجهز حق عرس ولد عمها اخو نايف الكبير الى اسمه فارس
كانت قاعده تكلم شوق الى كانو يتفقون على وين يشوفون بعض عشان يروحون الصاله ويا بعض
شوق: سمعينى الحين انتى موصالونج نفس الصالون الى بروحله
ريم: ايه
كانت ريم تكلم شوق وقاعده تحط كريمات تنظف فيها بشرتها عشان مايخربها المكياج لما تحطه
شوق:خلاص الحين انا امرج ونروح ويا بعض
ريم: انتى منو بوديج
شوق: نايف
ريم بصوت عالى: لاا نايف لا
شوق: بسم لله اشفيج اخترعتى ترا ماراح ياكلج
ريم: ترا انا للحين ماقلت لج شى على الى صار معاى فى بيتكم وانا ادرى انج كنتى متفقه معاه
شوق: ريوووم ولله حكم القوى على الضعيف
ريم: شوفى أي احد ثانى يوصلنا ولا مابى اروح معاج
شوق: يااااااااااربى ولله وعد وعد وعد منى لج انه مايكلمج حتى مايلف عليج صديقنى تكفين ابيج تكونين معاى عشان نوصل ويا بعض
ريم: لااخوج دايما يحرجنى وانا مالى عين اشوفه بعد الى صار
شوق: ولله عادى ولله عادى
ريم: مابى
وبعد اصرار من شوق وافقت ريم على انها تروح معاهم
ريم : شوفى بس انا وافقت وعندى شروط
شوق: قولى
ريم: اولا مايكلمنى ولايلف على وولاشى وولاشى ابدا ومابى اقعد وراه ابى اقعد وراج انتى ولاتكلمينى ابدا بسياره مابيه يسمع صوتى
شوق: اوكى اوكى اقوله
على ساعه 8 راحت شوق وريم مع نايف بسياره لصاله العرس
لما طلعوا من الصالون كان نايف واقف بسيارته قدام الباب بضبط وناطرهم
دشت شوق وقعدت جدام اما ريم فتحت الباب الى ورا مكان شوق لكن انصدم بلأغراض المحطوطه
نايف: ريم تعالى قعدى بالمكان الثانى
ريم لفت على شوق وبعيونها حقد ونظرات معناها انا اعلمج
راحت لفت ريم عشان تقعد بالمكان الثانى وكان نايف واقف ويتابع خطواتها
ويطالعها شلون تمشى
ريم كانت متوهقه بنفنوفها الا كان وطويل وبالعبايه الى كانت لابستها
فتح نايف لها الباب
دشت وقعدت وماصكرت الباب وصكره نايف
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك