رواية كويتيات كشفوا الخفايا -23
ريم لفت على شوق وبعيونها حقد ونظرات معناها انا اعلمج
راحت لفت ريم عشان تقعد بالمكان الثانى وكان نايف واقف ويتابع خطواتها
ويطالعها شلون تمشى
ريم كانت متوهقه بنفنوفها الا كان وطويل وبالعبايه الى كانت لابستها
فتح نايف لها الباب
دشت وقعدت وماصكرت الباب وصكره نايف
واهى قاعده بسياره كانت منزله راسها
ونايف كان كل شوي يطالعها بالمنظره
شوق: ريم اختج معالى منو وداها الصاله
ريم:.......................
شوق: ريم تسمعينى
ريم:.................
ريم كانت مستحيه وماتبى تتكلم ولاتبى نايف يسمع صوتها
شوق لفت على ريم : ريم ردى شفيج
لما لفت عليها ريم قامت تسوي لها حركات بأدينها بمعنى ياويلج ولله بذبحج
ونايف شافها واهى تسوي هالحركات ومن غير مايحس ضحك بصوت عالى ههههههههههههههههههههههه
وريم نحرجت ولفت على الجام وقامت اطالع الشارع
اما الوضع فى بيت اسيل كان غير كانت اسيل قاعده بغرفتها وتقرا روايه توها شاريتها
وماكانت تدرى بأي شى يصير تحت
وصل نواف وامه وابوه وامه واخته
نواف وابوه كانو قاعدين مع محمد بدوانيه اما امه واخته كانو داخل بصاله
تكلموا واتفقوا على كل شى وطلب منهم محمد فرصه يسألون فيها عن نواف وياخذون راي اسيل
راحو الضيوف ودش محمد عند امه ولميس داخل
محمد: سلام عليكم
ام محمد ولميس: وعليكم السلام
ام محمد: ها يمه شقلت لهم
محمد:قلت لهم عطونا فرصه نسأل عن الولد وناخذ راي البنت ونرد لكم خبر وانا الى اعرفه انه نواف مشاءلله عليه ريال خوش واحد ومحترم وماعنده خرابيط والكل يعرفه لانه ابوه وزير والكل عارف انه مشاءلله عليه مافيه أي عيب
ام محمد: اسأل اكثر واكثر وشوف ولاول ولاخير بنشوف راي اسيل ولله يقدم الى فيه الخير
رن موبايل لميس
لميس: يمه هذا فهد الظاهر برا
لميس: هلا فهد
فهد: يلالميس انا برا
لميس: تعال داخل سلم على امى ومحمد قاعدين
فهد: صج محمد عندكم خلاص الحين انزل
نزل فهد وقعد مع محمد وام محمد ولميس وسهروا مع بعض وراح الوقت واهما موحاسين وعلى ساعه 12 راح كل واحد فيهم بيته
اما ام محمد راحت حق اسيل الى كانت مندمجه بالروايه وماحست بالوقت
ام محمد: بسم لله الرحمن الرحيم شفيج قاعده جذى
اسيل واهى تقرا: يمه انا قاعده اقرا
ام محمد:انزين خلى الكتاب شوى ابيج بموضوع مهم
اسيل صكرت الكاتب وقعدت اطالع امها ناطرتها اتكلم
قعدت ام محمد جنب بنتها على السرير ودخلت بالموضوع على طول
ام محمد: حبيبتى اليوم كان عندنا ناس يخطبونج
اسيل انصدمت : حقى انا
ام محمد: ايه لج انتى
اسيل بسرعه انفعلت : لايمه مابى مابى تكفين مابى يمه خلاص مابى لاتحاولين فينى مابى
ام محمد استغربت من رده فعل بنتها: بسم لله شفيج حبيبتى ماقلت شى انا
اسيل قعدت تبجى وتبوس راس امها: يمه تكفين مابى لله يخليج مابى
ام محمد ضمت بنتها:خلاص حبيبتى كيفج انا اقول حق محمد واخليهم يروحون لاتخافين
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بعد مارفضت اسيل انها توافق على الشخص الى متقدم لها ومن غير ماتعرف منو اهو
طلعت ام محمد من غرفه بنتها وراحت بصاله تنطر بنتها سديم الى راح توصل من العرس بأي لحظه
بهاليله لااسيل ولاامها نامو
اسيل مانامت لانه ظلت تفكر بالشخص الى متقدم لها خافت انه اخوها محمد يجبرها على الزواج مثل ماصار مع لميس ومثل ماكان بصير معاها مع احمد مع العلم انه من بعد زواج سديم تغيرت فكر محمد من زواج وشال فكره احنا مانزوج ناس مومنها من راسه
على ساعه 3 الفجر طق باب البيت على طول ام محمد راحت تفتح الباب واول مافتحته
سديم: ييييييييييمه وضمت امها وباستها
سديم: مشتاقتلج مشتاقتلج حيييييييل
ام محمد: هلا هلا سديم تو مانور البيت تفضلى دشى داخل
سديم: وااااااااي ياحلات بيتنا ولله انى مشتاقتله حيل
ام محمد: شلونج شخبارج وشلون السفر
سديم: تمام يمه السفر وناسه وناسه حيل
ام محمد: الحمدلله..وين سلطان
سديم: امبيه نسيت سلطان برا بالحديقه ينطرج تطلعين عشان يسلم عليج
ام محمد: وليش مادش داخل
سديم: يقول اخاف اسيل قاعده مابى ازعجها
راحت ام محمد وسلمت على سلطان
ودخلت داخل
سديم: يمه وين اسيل
ام محمد: اسيل بدارها نايمه
سديم: ماتدرى انه انا اليوم بوصل من السفر
ام محمد: امبلا تدرى بس تعبانه شوي
سديم: شفيها
ام محمد:متقدم لها واحد ورافضه انها تتزوج
سديم: ومنو هذا الى متقدم لها
ام محمد: نواف(....)
سديم شهقت وقالت بصوت عالى: نواااااااف
ام محمد: بسم لله عليج ايه نواف تعرفينه
سديم ارتبكت : لالاماعرفه بس ابوه معروف
ام محمد: ولله مادرى المهم انها ماتبى ولله انا خايفه انها قاعده ترفض الزواج عشان ماتبى تخلينى بروحى
سديم: ولله مادرى يمه
ام محمد: يلا امشى دارج روحى ارتاحى جهزتها لج
سديم: يلا
راحت ام محمد تنام وراحت سديم تبدل بغرفتها وبعد مادشت امها غرفتها ونامت راحت سديم حق غرفه اسيل
الى ماكانت نايمه
بطلت سديم الباب ودشت
سديم: اسووووول شتسوين قاعده اهنى
اسيل على طول قامت وباست اختها: حمدلله على سلامه
سديم: حمدلله على السلامه وانتى زعلانه كل هالزعل
شفيج قولى لى
اسيل ردت قعدت على فراشها: مافينى شى لاتهتمين انتى توج راده وتعبانه
سديم: لالالالا قولى لى انا موتعبانه وولاشى ومشتاقتلج وابى اقعد اسولف معاج
اسيل :فيه واحد متقدم لى وانا مابى اتزوج
سديم: وليش ماتبين تتزوجين
اسيل: انتى تدرين انى احب نواف
سديم: نواف بتقدم لج للحين؟؟
اسيل: ايه للحين عند وعده صارت له ظروف ماخلته يجى بالموعد الى قاله وانا سامحته على الى صار بس حبيت اعذبه شوي مثل ماعذبنى والحين شكله غير رايه ومايبينى انا متحسفه حيل على الى سويته شكلى قسيت عليه وايد يعنى شسوي ياسديم ولله عشت ايام مايعرف فيها الا لله وانا كنت ابيه يعيش يوم واحد من هلأيام
بس انقلبت على القصه
اسيل: مادري ماسألت
سديم: غبيه حيل انا اول مره اشوف وحده ترفض واحد ماتعرف شنو اسمه
اسيل: مو هذا المبدأ انا رافضه اتزوج غير نواف
سديم: وهذا نواف ياخبله
اسيل لفت على اختها مصدومه: شنو مافهمت
سديم: الى متقدم لج نواف
اسيل: نعم نواف نواف الى انا اعرفه
سديم: ايييييييه
اسيل: وانتى منو قالج
سديم: امى قالت لىى
اسيل: سديييييييم انا رفضته وقلت حق امى وبتقول حق محمد
سديم:: لانج هبله
اسيل : شلون الحين شسوي
سديم:مادرى ولله
اسيل : يااااربى صج صج انا غبيه واافهم
سديم: شوفى انا مااتوقع انه امى باجر بتقول حق محمد بتعطيج وقت تفكرين ولاتخافين انا بساعدج
اسيل:ايه تكفين ساعدينى امانه بس شنو بنسوي
سديم: شوفى انا بقول حق امى انه انا كلمت اسيل واقنعته بالفكره وقلت لها انه امى ماراح تظل لج على طول وانه البنت لازم تتزوج ومن هالكلام
اسيل: اخاف تستغرب
سديم: ماعليج انا بطريقتى بمشى المموضوع
اسيل: لله يستر عقدت السالفه اكثر واكثر
سديم:يلا نامى وارتاحى وانا بروح انام تصبحين على خير
اسيل: وانتى من اهله
اتصلت اسيل على ريم الى ماكانت نايمه
كانت قاعده تفكر بنظارات نايف لها وحركاته وكل لأشياء الى يسويها لها موعارفه شنو قصده من هالحركات دام اهو يحبها ليش يوم يعاملها كأنه وحده مثل باقى البنات ومره يعاملها كأنها بنت غير عن الكل
رن موبايل ريم
((من بين الناس حبيتك من بين الناس ....))
ريم: شعندها اسيل متصله هالحزه لله يستر
اسيل: اوووووف ردى ردى
ريم: الووو
اسيل: رييييييييم لحقينى
ريم: شفيج بعد
اسيل: تقدم لى نواف وانا رفضته
ريم كانت نايمه على سرير ولما سمعت الى قالته اسيل على طول قعدت: نععععععم
اسيل: رفضت نواف
ريم: ليش ياخبله الحين كل هالأفلام الهنديه الى صارت وبلأخير تقولين لا
اسيل: ماكنت ادرى انه اهو
ريم:شلون ماتدرين شلون فهمينى
اسيل: امى ماقالت لى منو الى خاطبنى بس قالت انه فيه واحد خاطبنى وانا ماسألت على طول رفضت
ريم: مينوووووووونه خبله مو صاحيه
اسيل: ادرى ولله ادرى
سديم تقول بتكلم امى وتقول انها اقنعتى بالفكره الزواج بس انا حاسه انه مادرى شلون ماتتصدق فجأه رضيت
ريم: لاعادى بس انتى متأكده انه نواف
اسيل: ايه متأكده قالت لى سديم اسم ابوه صح
ريم: اوووووف ياربى شهالسالفه اليديده
اسيل: مادرى مادرى ولله ببجى
ريم: شوفى خلى الموضوع على سديم يمكن تمشى السالفه
اسيل: بس اخاف تقول امى حق محمد ويقول حق نواف واهله
ريم: لاان شاءلله مايصير جذى
اسيل: ان شاءلله... سورى ريم دقيت عليج بهالوقت وقعدت من النوم
ريم: لاعادى اصلن ماكان فينى نوم
اسيل: خلاص تصبحين على خير
ريم: وانتى من اهله
باليوم الثانى قعدت سديم مبجر
عشان تروح تكلم امها قبل ماتكلم محمد
بدلت ملابسها ونزلت تحت حق امها بصاله
سديم: صباح الخير يمه
ام محمد: صباح النور تعالى حياج اكلى
سديم: ان شاءلله.. يمه عندى لج خبر بفرحج
ام محمد: قولى شنوهالخبر
سديم: اسيل وافقت انها تتزوج
ام محمد: صج شنو الى غير رايها
سديم: اهى بالبدايه كانت رافضه عشان ماتبى تخليج بروحج بس انا كلمتها وقلت انه كل يوم تقدرين تروحين حق امى وكل يوم اهى تقدر تزورج وبعدين اهى ماراح تقعد بروحها محمد بيقعد معاها اهو وزوجته وعياله
ووافقت
ام محمد: الحمدلله الحمدلله لله يبشرج بالخير زين انى مادقيت على محمد وقلت له
رن تلفون البيت وردت ام محمد
ام محمد: هلا محمد شلونك
سديم بقلبها: الحمدلله انى لحقت عليها قبل ماتقول له
ام محمد: لالا البنت موافقه بس انت اسأل عنه ونشوف
محمد: انا سألت عنه وانا قايل لج من قبل واحد ماعليه أي كلام ابد
ام محمد: ولله الى تشوفه
محمد: اهم قالو لى انه الاربعا بياخذون الخبر منى
ام محمد: خلاص انت اسأل اكثر واكثرلما يوم لاربعا
محمد: بس بيجون يملجون ويصير كل شى رسمى
ام محمد: لله يحيهم بأي وقت
محمد: خلاص يمه مع سلامه
نزلت اسيل تحت عشان تشوف آخر لاخبار وتعرف شنو صار موضوعها
اسيل: صباح الخير
ام محمد سديم: صباح النور
ام محمد:هلا بنيتى تعالى اكلى
اسيل: لايمه مومشتهيه
ام محمد: ليش انتى مو امس موماكله
اسيل: لما اشتهى باكل
كانت اسيل اطالع سديم وتأشر لها عشان تبى تعرف الموضوع سديم كانت عارفه شنو تبى منها بس كانت تستعبط
وتسوي نفسها موفاهمه
ام محمد: انا بروح ازور وحده اعرفها تبون شى قبل ماروح
سديم: لايمه سلامتج
ام محمد: يلا مع سلامه
اول ماطلعت ام محمد من الصاله
اسيل: ياجحا من اليوم اسوي لج حركات عشان تفهمين وانتى لاحياه لمن تنادى
سديم: شسوي مافهمت عليج
اسيل: ايه مبين يلا قولى شنو صار
رن موبايل سديم
سديم: ويه هذا سلطان خل ارد عليه
اسيل: يااااااااربى
سديم: هلا سلطان
سلطان: هلا سدوم شلونج
سديم: تمام الحمدلله
سلطان: متى تبينى امرج
سديم: مادرى على راحتك
سلطان: بمر عليج الظهر عشان آخذج ونروح عند امى تبينا
نتغدا عنجها
سديم: خلاص ان شاءلله
سلطان: يلا مع سلامه
كانت اسيل قاعده
على نار وتبى تعرف شنو صار
اسيل: يلا سديم تكلمى مايصير
سديم: خلاص خلاص لاتبجين
كلمت امى وقلت لها ومشت عليها وكلمت محمد ويقول محمد بيزورونا الاربعا
اسيل: صج قولى ولله تكفين لاتجذبين على
سديم:ولله مااجذب عليج مبروك ياعروس
اسيل نزلت راسها واستحت وقالت بقلبها الحمدلله
سديم:ههههههههههه وتستحين بعد
مرت لأيام وصار وقت الملجه
بيوم لاربعا الساعه 8 كانواهل نواف عند بيت ام محمد
كانو مسوين حفله ملجه بسيطه
كانت اسيل قاعده بغرفتها تتجهز وكانت معاها ريم
اسيل: يااااربى ولله منحرجه شلون انزل
ريم: عادى هذيل اهل زوجج وبتشوفينهم باجر على طول لازم تتعودين عليهم
اسيل: ولله خايفه متوتره انزين شوفى شكلى حلو
ريم:ههههههههههههههه جم مره تسألين هالسؤال ايه شكلج حلو وتهبلين
كانت اسيل لابسه نفنوف اصفر طويل وكان فيه شريطه سوده من تحت الصدر فيها كرستال كبير فضى
وكم كان طويل بس شفاف ويبين شوي من ايدينها
كانت مسويه تسريحه ناعمه وبسيطه رافعه نص شعرها ومنزله الباقى على ظهرها
دشت عليهم سديم بالغرفه
سديم:يلا اسيل سنه
ريم:يلا الحين ننزل
يلا اسيل امشى ابتسمى
اسيل: ياااااارب
نزلت اسيل وريم تحت ووقفوا عند الباب قبل مايدخلون
ريم: يلا دشى قبلى
اسيل: لاعيب انتى قبل
ريم: ياخبله مووقت غشمره دشى
اسيل: ياربى زين
دشت اسيل واهى حيل مستحيه ترفع راسها شوي وتنزله شوي
وكانت تسمع من كل جهه ترحيب فيها بس ماكانت تميز أي صوت
ام محمد: تعالى يمه قعدى اهنى
قعدت جنب امها وام نواف وماكانت تدرى شنو تسوي وحاسه انه هالدقايق الى بتقعد فيها سنين
وكان مبين عليها التوتر والأرتباك
وبعد ربع ساعه طلعت اسيل من الصاله
ولحقتها ريم
كانت تمشى بسرعه على الدرج وريم تلحقها
ريم: شوي شوي ياخبله توج مستحيه الحين قلبتى
اسيل ماكانت ترد عليها وعلى طول دشت غرفتها وقعدت
ريم:ههههههههههههههههههههههههههه اول مره اشوفج حيل مستحيه هههههههههههههههههههه
اسيل: جب جب مافى شى يضحك
ريم: ياحرام مسكيييييييينه رفيجتى تستحى هههههههههههههههه
اسيل:اوووووووف مالى خلق ملاقتج
ريم: مبروك اسوول
وباست ريم اسيل
ريم: مو ياخذج الزواج عنى
اسيل: يخسى الزواج ياخذنى عنج انتى اختى ورفيجتى وكل شى بدنيا لى
ولاتخافين انا حاطه شرط انه مااتزوج نواف الا واهو ماخذج
ريم:هههههههههههههههههههههههه ويييييييييع نتزوج انا وانتى واحد لله يعينه ولله امه داعيه عليه
اسيل:هههههههههههههههههههه
ريم: لا لاخلى نواف لج انتى
اسيل: وانتى لله يخلى لج نايف
ريم ارتبكت: شكو نايف وشكو يخليه لى لله يخليه حق اهله
اسيل: عليناااا
ريم: ياربى بدت ملاقتها
اروح الحمام احسن شى
على ساعه 1 بليل انتهى كل شى والكل راحو بيتوهم
بيت اسيل من بعد الزحمه ولازعاج والضحك صار هادى والكل نايم
الا اسيل الى كانت قاعده وتفكر بكل شى صار لها
كانت آخر شى تتوقعه انه نواف يتقدم لها لانها كانت مقتنعه بفكره انه مافى واحد يتزوج وحده يكلمها
لكن نواف كسر هالقاعده عندها
قعدت تفكر شلون بتخلى امها بروحها وشلون بتطلع من حياتها البسيطه هاذى الى حياه ممكن تكون معقده شوي
خافت انها ماتقدر تتأقلم لكن كانت ترتاح كل ماعرفت انه زوجها شخص من غريب عليها شخص تعرفه اكثر من نفسها
اما نواف كان قاعد مع مشارى
كالعاده بالمكان الى تعودوا يقعدون فيه بليل واهو البحر
مشارى: مبروك يانواف ولله انى مستانس انها صارت من نصيبك
نواف: لله يبارك فيك
مشارى: يلا الحين وين نشوفك بتزوج وبتنسانا
نواف:هههههههههههههههه لاشدعوه ليش انساك
مشارى: لله يوفقك ولله انى اتمنى لك الخير
نواف: تسلم عقبالك ان شاءلله نفرح فيك
مشارى: لالا انا ماافكر بزواج الحين انا بروح اكمل دراستى برا ولما اخلص الدكتوراه افكر بالموضوع
نواف: هههههههههه عادى تزوج واخذها معاك
مشارى: لابفرغ نفسى لدراسه وبس
نواف: وين تبى توصل من هالدراسه كلها
مشارى: ابى اوصل انى اكون اكبر دكتور اسنان بدنيا
نواف: هههههههههههههههههه ان شاءلله يارب
مرت لأيام بسرعه وصار موعد زواج اسيل ونواف
الى بدا بينهم حب برئ اتوج بنهايه بزواج
جمعهم القدر عشان يتعرفون على بعض وجمعهم اكثر واكثر وخلاهم يتزوجون
كانت الصدفه العامل الكبير بعلاقتهم
عرفت اسيل نواف بالسوق بعد ماشافتها والفته وعطاها رقمه
كانت آخر شى تتوقعه انها تتصل عليه لكن ماتدرى شنو الى خلاها تتصل
بدا الحب يكبر بقلوبهم شوي شوي لما اعترفوا لبعض بهذا الحب الى ماقدروا يخبونه
حب نواف انه يحمى هذا الحب من أي نزوه عباره وفكر باسيل انها تكون زوجه له بدال ماتكون عشيقه تروح مع لأيام
حاولوا كثر مايقدرون انهم يحافظون على هذا الحب
كان حبهم غريب بالعصر الى عاشوا فيه ويمكن يكون حبهم حاله نادره
لانه مجتمعهم كان يشوف انه الحب جريمه واثم يتعاقبون عليه
وكانوا الشباب والمراهقين وبنات يستخدمون الحب كاللعبه لتسليه وتضيع الوقت
كانت اسيل بصالون وكانت معاها رفيجتها ريم وخواتها كانوا بصاله وهذا كان طلب اسيل انه تكون ريم معاها
كانت قاعده اسيل على الكرسى ومغمضه وكميات من الكريم والبلاش وشدو تنحط على وجها
كانت قاعده وتتذكر كل شى فات وصار معاها ومع نواف
تذكرت اول يوم شافته فيه بالمجمع لما استغربت منه صدته وايد لكن اهو ماتعب وصمم انه يعطيها الرقم
تذكرت وعوده وكلامه الى بيتحول اليوم الى فعل
اتذكرت كل كلامها ونظرايتها بالحب بهالزمن
كانت تقول مافى حب الشباب كلهم جذابين بين العشر شباب يطلع واحد حلو
ابتسمت وضحكت لانه نواف شال كل هاللأفكار من راسها واثبت لها انه اصابعها مو سوا
صحت اسيل من كل هالأفكار على صوت ريم
ريم: ها اسول خلصتى
اسيل: ايه خلصت جم الساعه الحين
ريم:ساعه 9 ونص
اسيل: يلا نطلع اكيد محمد برا مع سايق اللوموزين
كان نواف جايب حق اسيل همر لوموزين عشان توصلها الصاله
غطت ريم اسيل برداء ابيض وطلعوا من الصالون عشان يروحون الصاله
كانو بسياره يتذكرون كل شى كانو يسونه قبل من مواقف ومقالب وعبط وضحك
ريم: اوعدينى نظل رفيجات على طول
اسيل: اكيد بنظل رفيجات على بعض وماراح يفرقنا أي شى
ريم: من كل قلبى اتمنى انه لله يوفقج
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك