رواية كويتيات كشفوا الخفايا -24
غطت ريم اسيل برداء ابيض وطلعوا من الصالون عشان يروحون الصاله
كانو بسياره يتذكرون كل شى كانو يسونه قبل من مواقف ومقالب وعبط وضحك
ريم: اوعدينى نظل رفيجات على طول
اسيل: اكيد بنظل رفيجات على بعض وماراح يفرقنا أي شى
ريم: من كل قلبى اتمنى انه لله يوفقج
اسيل: تسلمين حبيبتى
ولله يوفقج مع نايف ههههههههههه
ريم: ياااااااااربى ردينا
سمعوا صوت محمد يقول يلا وصلنا
اسيل بسرعه تغير شكلها وتوترت
اسيل: امبيه خايفه
ريم: شوفى هاذى ليله بالعمر ولازم تدخلين وتضحكين حق الكاميرات ولابتطلع صورج من حلوه وماراح تورينها عيالج
اسيل:ههههههههههه لالا دام فيه تصوير بمشى واضحك
نزلت ريم قبل اسيل وقعدت تساعد اسيل عشان تطلع من السياره وتشيل لها نفوفها
جا محمد عشان يكلم اخته وراحت ريم داخل تقول حق خوات اسيل انها وصلت
محمد: مبروك
اسيل كانت منزله راسها ومستحيه:لله يبارك فيك
محمد: لله يوفقج يارب شوفى الحين زوجج اهو المسؤول عنج صونيه وحافظى عليه وان سوا أي شى يقلل من قيمتك وكرامتج مالج الا انا
انا موجود عشان تظل كرامتج دوم فوق
اسيل:..........
محمد باس راسها وداخلها داخل
فجأه بصاله تصكرت الليتات واشتغلت موسيقى هاديه
ام محمد كانت واقفه عند الكوشه ناطرها بنتها تدخل عليها اما لميس وسديم راحوا عند اختهم
اشتغلت الفلاشات على الباب
اشتغلت موسيقى هاديه مع شعر
حد منكم شاف في الدنيا بدر *** مقبلٍ يمشي و من حوله بشر
من حلاه يزف للناظر ضياه *** ان ظهر للناس و لا ما ظهر
هذا ما هو بدر ليل يختفي *** مع طلوع الصبح و بزوغ الفجر
او بدر يصبح بعد مده هلال *** هذا بدر مكتمل طول الشهر
هي عروس النور في هذا الزمان *** هي ملاكٍ بس في صورة بشر
من غلاها انقول صلوا على الرسول *** يا اللي شفتوها بقلبٍ او نظر
الله يا نور في ها الدنيا نراه *** مستحيل ان نشوفه في بشر
و التقت شمس الظهيره بالقمر ***
و في محياها بدى الصبح بضياه *** مشرقً و خدودها واحة زهر
و العيون الي كما عين المهاه *** تمتزج فيها البراءة بالسحر
الليله .. الليله محلاها الليله *** الليله .. الليله حلوة و جميلة
شعرها ليل كسا الدنيا دجاه *** حالك متحدر كانه نهر
يحسبه قطعة حرير من رآه *** و الحقيقة هو حريرٍ من شعر
و الحسام الي صفا الوجنه كساه *** يبعث اشواق الحواجب للثغر
و الثنايا كالبرد بين الشفاه *** او كحبات الندى و لا المطر
عذبةٍ لو تلمس اطراف الحياه *** كل غصن فتح بوردٍ حمر
و العفاف بروحها يسقي بوفاه *** و الوفا في عينها النجلاء سهر
شاعر الوجدان واحلامه سماه *** مبدع و احساسه المرهف شعر
ماخذ من وصفه مبتغاه *** يا عسى الله يوهبه طولة عمر
الله يحفظها و يسعدها معاه *** شيخ بطيبة فواده يشتهر
والله يجعل كل دنياهم هناه *** يكتسي بالسعد كله و البشر
انفتح الباب ودخلت اسيل وعلى يمنيها ريم ولميس وسديم كانو يمشون معاها ويعدلون لها نفنوفها عشان مااطيح
كانت تمشى شوي شوي وتتذكر كلام ريم لها بسياره وتضحك للكميرات
كانو رفيجاتها قاعدين جدام ويطالعونها
اسرار: مشاءلله عليها تهبل
عواطف: نفنوفها روعه
غزلان: ياحليلها مستانسه وتضحك
اسرار: احسن عشان تطلع صورها حلوه مو تطلع معصبه فيها مثل صور عرسى
غزلان:هههههههههه كلكم تزوجتوا وانا بعنس شكلى
وصلت اسيل للكوشه وقعدت وبعدها اشتغلت لاغنيه الى اختاروها لميس وسديم عشان يرقصون عليها
رقصوا عليها ورقصت معاهم ريم وامهم قعدت تشجعهم ورقصوا بنات عم اسيل وبنات خالاتها
كل البنات الى كانو عارفين بقصتها مع نواف كانو يتمنون انه نصيبهم يكون مثل ناصيبها
وبعد ماخلصت خلصت لاغنيه غنوا اغنيه خاصه حق رفيجات اسيل
وقامو كل الشله قعدوا يرقصون وكانت اسيل اطالعهم وتبتسم لهم
وتتذكر ايام شطانتها معاهم
وتتذكر اليوم الى انفصلوا بسبب الهوشه الى تهاوشوا فيها مع بنات
وبعد نص ساعه دخل المعرس
كان داش مع نواف كل اهله وعمامه وكان الكل فرحان بزواجه لانه الكل كان يحبه بعايلته وكانو خواته مستانسين حق اخوهم
اول ماوصل نواف عند زوجته باس راسها ووقف يستقبل التهانى بزواجه
وبعد ماقعد رقصوا اخوانه وعيال عمه له
اما اسيل كانت لابسه رداء ابيض يغطيها على مايطلعون اهل نواف واخوانه
كانت مستحيه ومنزله راسها وكانت ريم لابسه عبايتها وواقفه عند اسيل
الى ماكانت مستوعبه شى ولاقاعده اطالع شنو يصير لانها كانت حيل مستحيه
بعدها طلعوا كل اخوان نواف واهله
وقعدوا برقصون خواته واهله وبعدها صار وقت الزفه
وقف نواف ووقفت اسيل مسك ايدينها ومشوا عشان يطلعون من الصاله
كانوا خواتها واقفين ويا بعض ويشوفونها واهى راحت وامها كانت تمشى جنبها عشان راح تروح معاها توصلها وترد
اما ريم كانت واقفه تودع رفيجه عمرها وكل خوفها انه الزواج ياخذ اسيل منها لكنها كانت تعرف اسيل انها مستحيل تتخلى عن رفيجتها
ركبت اسيل ونواف باللوموزين بروحهم مع المصورات الى كانو يصورونهم
اما امها ركبت مع ولدها بسيارته ولحقوا السيارات الى كانت تمشى ورا سياره نواف واسيل
ماكانت اسيل مركزه على شى غير صوت الفلاشات بسياره عندها وصوت الهرنات الى برا
بسياره محمد
كانت ام محمد قاعده وزعلانه شوي لانها بفقد ضحكه ولعب اسيل بالبيت وصوتها
كانت ماليا عليها البيت ماراحوا خواتها
محمد: يمه لاتزعلين ادعى انه لله يوفقها
ام محمد: ان شاءلله يارب
محمد: انتى بتقعدين معاها
ام محمد: لا بس بساعدها عشان تغير ملابسها وتسمح مكياجها وبرجع البيت
محمد: خلاص راح انطرج
اما الوضع عند اسيل ونواف كان غير
كانت اسيل طول الوقت ساكته ونواف يتكلم واهى ماترد
نواف: انتى متأكده انج انتى اسيل حبيبتى الى كنت اكلمها قبل
لفت اسيل عليه وطالعته وماقدرت تمسك نفسها على شكله واهو مستغرب وقعدت تضحك:هههههههههههههههههههههههه
نواف:ههههههههههههههه ايه هاذى اسيل مو الى قبل شوي
المصوره: يلا يااسيل ياحبيبتى اضحكى شوي عايزه اصورك صوره حلوه
واخيرا تحقق وصار الى كانت تتمناه اسيل طول السنتين الى عرفت فيها نواف
مع زواج اسيل ونواف انتهت الروايه
تعرفتوا بهالروايه على نماذج من المجتمع وهالنماذج موجوده بكل مكان وبكل دوله
تعرفنا على ابطال وبطلات ضحكنا معاهم وبجينها معاهم
بدت قصتنا بحزن طفله ومراهقه وبنت واعيه تعرفنا على اهم بطلات القصه اسيل الى خذتكم معاها
الى حياتها بعد ماراح عنها ابوها فتحت لكم الستاره الى كانت وراها كل خفاياها
عرفتكم على لأعمام الى انتعزت الرحمه من قلوبكم
وعرفتكم على اخوها الى علمته لأيام انه نكران خواته ماراح ينفعه
عرفتكم اسيل على خفايا واسرار النت وعلى المكالمات السريه الى تصير بين الشباب والبنات الى ساعات تكون مكالمات بريئه وعبيطه وساعات تكون مكالمات ادمر
عرفتكم على افكار وتجارب بنات الثانويه
تعرفتوا معاها على بشاير الى اقترفت خطأ ماقدرت اسيل تسامحها عليها وكشت منها
وتعرفتوا معاها على شله البنات الى مالعب الشيطان فيهم وجرهم لطريق لأثم والخراب
عشنا معاهم مغامراتهم بالمدرسه وعشنا معاهم جو لامتحانات والخوف ورهبه وترقب
عرضوا لنا ظاهره انتشرت هلأيام بين البنات واهى ظاهره البويات
وبعدها جاب القدر احلى هديه واهو نواف الى حبته وحبها وغير تفكيرها لصح واثبت لها انه هالدنيا فيها الزين والشين حتى لو كان الشين اهو الى المنتشر
عاشت معاه ايام الحب والبعد
جرحها وداوها من هالجرح
انتهت علاقتهم الى كانت بعيده عن انظار الناس وكان حبهم مكبوت داخلهم الى علاقه حب علينه قدام الكل علاقه مافيها خوف
علاقه بتظل طول العمر ان شاءلله
من اسيل بنروح للبطله الثانيه بالقصه والى اهى النسخه الثانيه من اسيل على رغم من اختلاف افكارهم وميولهم
الا انهم كانو روح وحده
ريم افتحت لنا الستاره الى كانت تخفى وراها كل خفاياها
وعرفنا معاها انه الصداقه لو بدأت بقوه بتظل قويه طول العمر
تعرفنا معاها ومع اسيل على مغامراتهم وضحكهم وسوالف الى كانت سوالف كل البنات او اغلبهم الى كانو بسنهم
تعرفنا مع ريم على العلاقه الى تبدأ بغلط
شنو نتيجتها
عرفتنا على نوع وصخ من الشباب واهو خالد الى كان شخص يركض ورا غرايزه وماعنده لاشرف ولا عزه
ولاكان يخاف من عقاب ربه
حماها لله من فضيحه كانت اكيده
كانت تسوي كل شى معاه بأسم الحب الى اوهمها فيه
وعرفتنا على الشاب الى يعطى من غير مقابل الى عطا جزأ من وقته وحياته لوحده ماكان ينطر من وراها الا انها تفتح قلبها لحبه لكن القلب ان صكر مايفتحه أي شى بسهوله
بدر الى كان الملاك الحامى لريم من أي شر ممكن يصيبها كان يحاول كثر مايقدر انه يساعدها من انياب خالد الى كان يدور الفرصه الى يغرس انيابه بريم وينتقم منها بسبب رفضها انها تكون لعبه بأدين شخص واطى
وتعرفنا بعد معاها على صديقات السوء الى ممكن يجرون صديقاتهم الى النار مثل ماصار مع سهى رفيجتها
وبعدها عرفتنا على حبها الى ظل بقلبها وحاولت بكل الطرق انها تخفيه عن الكل عشان مااطيح بالحفره مره ثانيه ويصير معاها مثل ماصار قبل
الخوف اهو اهم سبب خلا ريم تخفى حبها لنايف الى ماقدر يتحمل الصراعات الى استمرت سنين معاه اهو وريم وانتهت بزواج
وعرفتنا روايه على نموذج واعى من البنات عرفتنا على البنت الى افتحت لنا الستاره الى خفت وراها كل خفاياها
تعرفنا على سديم البنت الصاحيه الواعيه الى تفكيرها ومبادئها ماتتغير
عرفتنا على الحب الى يكون مجرد مشاعر وبعدها يتحول لزواج
كشفت لنا سديم العنصريه الى انتشرت فى مجتمعتنا الى منعت زواج السنيه من شيعى وشيعى من سنيه
وحضري من بدويه والبدويه من حضرى
عرفتنا على تقاليد وعادات بعض لأسر وهالعادات اهى قاعده زواج بنت العم من ولد العم ومايصير تتزوج من برا العايله
هالعادات كانت اهم سبب من اسباب عنوسه البنات
وعرفتنا بعد على انتصار الحب على العادات وتقاليد الجاهليه
اما لميس فتحت لنا الستاره الى خفت وراها خفاياها
بلميس شفنا نموذج البنت المغلوب على امرها الى ماقدرت تقاوم وادافع عن نفسها وعن رايها
لميس بدت قصتها لما انجبرت على الزواج من ولد عم كانت رافضه نهائيا لارتباط فيه
لكن بذكاءها وفطنتها عرفت شلون تحبه وتكسبه وتخليه بصفها
وعاشت الواقع مثل ما انكتب لها وكان خيره لها
وتعرفنا بالروايه على نماذج مختلفه من الشباب
فى البدايه تعرفنا على عمر الى كانت حياته ضياع بضياع والى عما قلبه لادمان
تعرفنا على خالد الى كان شخص يتعرف على البنات عشان يمارس معاهم المحرمات لكن لله حما ريم من شره
تعرفنا على بدر الى عرض لنا نوع من انواع الحب واهو الحب من طرف واحد ولكن بعدها رضا بأمر الواقع وانهى هالحب الى كان مسبب له التعب واللألم كان بدر واعد ريم انه مايتزوج الا لما تتزوج اهى ويطمن عليها
وبعد زواج ريم راح بدر يدرس برا
اما رفيجه فواز الى كان يتلذذ بفضيحه البنات ولأعراض ظل على حاله لكن علاقته فى بدر انتهت
وتعرفنا بعد على احمد الى كانوا البنات افضل لعبه عنده ولكن بيوم وليله لقا البنت الى غيرت حاله واختارها انه تكون زوجه له لكن ماكانت من نصيبه لكن عطته درس غيرت حياته للأحسن واهو انه لأعراض الناس مولعبه
وعلمنا احمد انه مهما كان الجرح الى انجرحه من شخص مايصير يكون لأنتقام من هالشخص بسر من اسراره
احمد تزوجوعايش حياته مع بنت عمه تهانى الى اختارها القدرانها تكون زوجه له
كذلك عرضت لنا الروايه نموذج من الشباب مايعرف اليأس ابدا ويصمم على هدفه مهما صار واهو سلطان
الى اختار سديم انها تكون زوجه له ومارضى بغيرها
وعرفتنا القصه بعدبنواف الى يعتبر حاله نادره من رجال
الى يوفون بوعودهم وكلامهم مومجرد كلام لكن كلام وفعل
من خلال نواف عرفنا انه حب صداق ماتغيره الظروف ولايغيره البعد
وتعرفنا من خلال نواف على مشارى الشاب المثقف الواعى الى كان له شخصيتين شخصه الشاب الى عايش حياته مثل باقى الشباب وعلى الشاب المثقف الواعى الى يحب العلم ويسعى له
مشارى كمل دراسته برا وصار طبيب اسنان وتزوج وحده من خوات نواف واهى نوف
انتهت روايتنا ولكن احداثهامازالت مستمره فى الواقع وماراح تنتهى الى بموت ابطال وبطلات هالروايه
اتمنى بنهايه انها تعجبكم وشكرا لكل الى تابعوها والى حبوها والى بعدماحبوها
استمرت هالروايه معاكم شهركامل وانتهت على نهايه هذا الشهر وبدايه شهر الخير والطاعه والعباده
رمضان
وكل عام وانتو بخير
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تجميع / ♫ معزوفة حنين ♫..
اللهم لك الحمد حتى ترضى وإذا رضيت وبعد الرضى ,,, اضف تعليقك