رواية ذكريات مراهقة -21
افطرنا وخلصنا فطور على الساعه 12 ونص الظهر <<<<<<<كأنه غدا
انا : بقي ساعتين على الاجتماع
العنود : والطريق من هنا للشركة بياخذ نص ساعه تقريبا
انا : يعني بقي معنا ساعه ونص
ريما : وين نروح ؟
انا : خلونا نتمشى هنا احلا
العنود : صح لا تنسون اننا قريبين من البحر خلونا نروح له
ريما : اوكي بس خلونا نتمشى
انا وانا اقوم : يلا
العنود : لحظة ما حاسبنا
انا : ايه صح ....(مديت للعنود الكرت حقي).... حاسبي وتعالي لنا احنا بنتمشى على البحر
العنود : اوكي ........(وراحت)
(انا وريما كنا نتمشى وننتظر العنود)
ريما : نوف
انا : هلا
ريما : الحين احنا ايتام صح ؟
انا : ايه .......... بس لاتنسين ان عندنا عماني وجدي
ريما : ادري ........ بس احنا بنظرهم ايتام
انا بحزن : ايه
ريما : بس انا ابي اثبت لهم اننا نقدر نعيش بدون ما نطلب لهم
انا : انا بعد
ريما : اوكي ......... اذا رجعنا بنحاول نكون اقوياء على الاقل قدامهم
انا : طبعا
ريما : ومستحيل نطلب منهم شي
انا : هذا الشي الي صدق مستحيل نسويه ......... انتي تعرفيني مستحيل اطلب منهم شي
ريما ابتسمت : عارفتك
انا : ما تلاحين ان العنود تأخرت
ريما : الا ........ بس ترا نوف احنا برمضان وما صمنا
انا : بس اليوم الي ما راح نصومه ......... بكره بنبدا نصوم
ريما : اوكي
عند العنود
العنود كانت وافقة ورا ناس كانو يحاسبون ولما جا الدور حقها
......... : آنسة العنود ؟
العنود بأستغراب : استاذ حمد ؟
حمد : اهلين آنسة العنود ........ شتسوين هنا ؟
العنود : انا طلعت مع خواتي نفطر
حمد بستغراب : تفطرون بهذا الوقت ؟
العنود بأبتسامه : فطور على غدا
حمد : اها .......... بتجين انتي والآنسة ريما للأجتماع اليوم ؟
العنود : ايه
حمد : وين خواتك ؟
العنود : على البحر يتمشون وانا بحاسب وبروح لهم
الموظف : اختي بتحاسبين ؟
العنود : اوه معليش لهيت بالكلام ....... ايه بحاسب ...(مدت له الكرت بس حمد خذاه من الموظف)
العنود بأستغراب : ليش خذيت الكرت منه ؟
حمد : انا بحاسبك وانتي خذي كرتك وروحي لخواتك
العنود : لا ..... نوف بتعصب اذا درت
حمد : انتي لا تقولين لها وماراح تعرف
العنود : لا بتعرف ....... لأن هذا كرتها واذا ما حسبت ما راح تجيها رساله على جوالها ان المبلغ انسحب وبتشك
حمد : انا قلت لك بحاسب يعني بحاسب
العنود تنهدت بأستسلام : اوكي ......... والله يعيني على لسان نوف
حمد : ههههههه
العنود بدلع بس لايق عليها : اضحك اضحك ........ انت شوراك ؟
حمد ابتسم لها وحاسب وطلع معها
العنود : تقدر تروح لشغلك ........ انا اعرف الطريق للبحر
حمد : لا انا بسلم عليهم
العنود : اها ........... اذا بتسلم عليهم اوكي
(وراحو مع بعض)
عندنا
انا : ريما دقي على العنود شوفي وينها
ريما : اوكي ..........(كانت بتدق بس وقفتها)
انا : خلاص شوفيها جت
ريما بأستغراب : بس مين الي معها ؟
انا : مدري .......... تعالي خلينا نشوف
ريما : وهي تلحقني : اوكي
(بعد ما رحنا للعنود وحمد)
انا بأستغراب : حمد ؟
حمد : ايه .......... قابلت الآنسة عنود بالمطعم وقلت اجي اسلم عليكم مره وحدة
انا : اها
حمد : كيفكم ؟
انا+ريما : الحمدلله
العنود : نوف ترا حمد هو الي دفع حساب المطعم
انا : ليش ؟
العنود : اصر علي
انا بعصبية : وليش وافقتي المفروض ترفضين
العنود : اقولك اصر علي
انا بعصبية اكثر : تدرين ليش اصر عليك ؟ .......... لأنه يرحمنا لأننا ايتام وانتي على طول وافقتي واثبتي له اننا محتاجين رحمه وحنان
حمد : آنسه نوف انا ما كانت نظرتي لكم كذا ......... انا بس حبيت احاسب عنكم كأني عزمتكم على الغدا
انا : لا شكرا ......... انت امس عزمتنا على العشا واتوقع هذا يكفي
حمد : معليش اقبليها هالمره بس
انا : اوكي
ريما داخله عرض : لحظه احنا برمضان ......... ليش طالع للمطعم ؟
حمد : انا مريض هالفترة ولازم آخذ شوية ادوية يعني لازم افطر فأفطرت
ريما : اها
العنود : سلامات شفيك ؟
حمد : لا تخافين شوية زكام
العنود : اها ......... سلامتك
حمد : يلا انا استأذن بروح احظر للأجتماع
انا : اوكي
حمد : تامروني على شي ؟
انا+ريما+العنود : سلامتك
انا : بصراحه انسان محترم مره ......... بس نرفزني يوم دفع الحساب
العنود : حرااام عليك تشوفين هالجمال وتقولين نرفزك ؟
انا : على تراب .......... وش دخل الجمال بالسالفة
ريما وهي تضحك : بنات ابي بلونه
انا+العنود : ؟؟؟؟؟؟؟
العنود : وش تتكلمين عنه ؟
ريما وهي تضحك : شوفو هناك واحد يبيع بلونات ابي بلونه
انا : انتي وين واحنا وين
العنود : اكيد تستهبلين
ريما : لا ما استهبل ....... تكفون يلاعاد لا تكسرون بخاطري
انا : المشكله لو انك رومانسية كان قلنا ايه تبي بلونه ....... بس بسم الله عليك دفشه
العنود : الحين وش دخل البلونه بالرومانسية ؟
انا : اصلا وش دخل البلونات بسالفتنا ؟
العنود : من جد
(وشوي ويجينا بزر صغييير يعني اعطيه 4 سنين بالكثير)
انا بحنان : وش تبي حبيبي ؟
البزر مد لريما بلونه حمرا
ريما : ليش تعطيني هذي ؟
البزر ببراءة : انا سمعتك تقولين انك تبين بلونة وشريتها لك
العنود : يزينه
ريما : فديته بس موب انتو مالت عليكم
انا : وين ماما ؟
البزر : هناك مع بابا وميمو
انا : يلا حبيبي روح لماما
البزر : اوكي ........(وراح)
انا : يحليله
العنود : كيوت
ريما : مالقى يجيب لي الا بلونه حمرا
انا والعنود ناظرناها بأحتقار
ريما وهي تضحك : شفيكم تناظروني كذا ؟
انا : احمدي ربك انه جاب لك وحدة يالرومانسية
ريما : احترمي نفسك ولا تسبيني
العنود : ليش شفيها الرومانسية ؟ ......... بعدين شفيه اللون الاحمر عادي حلو
ريما : لا ما يعجبني انا اللون الي يعجبني السماوي
انا : ايه بصراحه الاحمر حلو بس مو مره يعني الموف احلا
العنود : انا احب هاللون وانتو بكيفكم
انا وانا اناظر ساعتي : اقول امشو نروح للشركة
العنود+ريما : يلا ..........(ورحنا للشركة)
(بعد ما وصلنا للشركة)
مشاري (الموظف) : الاستاذ مبارك ومدراء الأقسام ينتظرونك بقاعه الاجتماعات
انا : اوكي
(دخلنا للقاعه وجلسنا)
انا : آسفة على التأخير
الموظفين : لا عادي
مبارك : مثل ما تعرفون ان الأستاذ عبدالعزيز توفا الله يرحمه
الكل : الله يرحمه
مبارك : والي بيدير الشركة بتكون بنته نوف الي تكون اكبر بناته
واحد من الموظفين : وليش ما يديرها واحد من العيال ؟
مبارك ناظرني بنظرات تساؤل لأنه هو نفسه ما كان يعرف ليش انا الي بأدير الفرع
انا : لأن اخواني لاهين بالفروع الثانية وانا قررت امسك الفرع الرئيسي الى ان يفضى واحد من اخواني للفرع
الموظف : اها
انا : اذا في اي اعتراضات او نقد بأقبله
الموظفين : ...........
مبارك قعد يشرح اشياء واساسيات الشركة ووش وظيفة كل قسم من الاقسام ومين الي يديرونها .... الخ
(بعد الاجتماع)
جتني وحدة من الموظفات
الموظفة : آنسة نوف
انا : هلا
الموفظة : حبيت ابارك لك انك صرتي مديرة الشركة
انا : الله يبارك فيك ......... بس انا مؤقته يعني لين يفضا واحد من اخواني
الموظفة : حتى ولو ......... وانشالله تديرينها هالفترة بنجاح
انا : انشالله
الموظفة وهي تناظر العنود وريما : ومين هذولا ؟
انا : خواتي الي اصغر مني
الموظفة : اها .......(بعدين مدت يدها وسلمت عليهم)
العنود : تشرفنا
الموظفة : وانا اكثر يا قلبي
ريما : انتي وش اسمك ؟
الموظفة : مشاعل
ريما : اسمك حلو مشالله
الموظفة : شكرا ..... وانتو ؟
العنود : انا العنود وهذي ريما ونوف طبعا اكيد تعرفينه
الموظفة ابتسمت : صح انا اكيد اعرفها ....... وعاشت الاسامي
العنود : عاشت ايامك
الموظفة : يلا انا استأذن
انا : اذنك معك
ريما : هذي وش تشتغل ؟
انا : حمد قال بالاجتماع انها نائبة مدير قسم العلاقات العامه
ريما : اها
العنود : والمدير ليش ما جا ؟
انا : الظاهر انه مسافر
العنود : اها
انا : يلا نرجع للفندق تعبت
العنود+ريما : يلا ........(ورحنا للفندق واول ما وصلنا طلبنا اكل وكلينا بعدين قعدا نسولف وعلى الساعه 11 بدلنا ملابسنا وحطينا روسنا ونمنا)
...........................................نهاية البارت............................................
اتمنى اشوف ردودكم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت (33)
باليوم الثاني
قمنا من النوم وافطرنا بالفندق نفسه وبعدين رقينا لغرفتنا
العنود : نوف ضروري نحضر اجتماع اليوم ؟
انا : لا ...... اذا ما تبون تحضرونه انتم حرين
العنود : الحمدلله .......... لأن مالي خلق اروح له
ريما : انا بطلع اتمشى مع العنود
انا : لا طبعا انسو انكم تطلعون بدوني
العنود+ريما بسرعه : ليش ؟
انا : انتم مسؤوليتي ومستحيل اخليكم لحالكم
العنود : يعن بنظل بالسويت طول الوقت ؟
انا : ايه
ريما : يلا عاد نوف
انا : لا يعني لا
ريما : طيب ليش
انا : قلت لكم مافي طلعه بدوني
ريما+العنود : افف
العنود بسرعه : طيب قولي لواحد من الموظفين يكون معنا
ريما : ايه كذا ما راح تخافين علينا
انا : اقول لمشاعل تروح معكم ؟
ريما+العنود : ايه
انا : خلاص بقول لها وبخليها تمركم بسيارة الشركة ....... بس انتم اقعدو بالسويت لين تجيكم واذا وصلت بدق عليكم
العنود+ريما : اوكي
انا وانا اقوم : يلا انا بروح البس
العنود+ريما : اوكي
(بعدين رحت وبدلت ملابسي وطلعت للشركة)
(خلونا نرجع للرياض شوي)
ببيت عمي محمد
عمي محمد : بروح اشوف نوف
امل : شمعنا نوف بالضبط ليش مو خواتها
عمي : مثل ما قلت لك يمكن هي قررت بس تستحي من اخوانها بروح اسألها
امل : اها ......... اذا كذا فمان الله
عمي طلع من بيته متوجه الي بيتنا <<<<<<<اموت على اللغه
بشقة غادة
فارس : غاده ......... غاده
غاده من دون نفس : نعم
فارس : نعامه ترفسك انتي والي ببطنك انشالله
غادة بصوت واطي : وياك انشالله
فارس : قلتي شي ؟
غادة : مالك دخل ........ اخلص علي وش تبي ؟
فارس : ابيك تنامين ببيت اهلك اليوم
غادة بأستغراب : ليش ؟
فارس : بدون ليش .......... فاهمة ؟
غادة والعبرة خانقتها : عشان تجيب اصدقائك وتقعدون تشربون صح ؟
فارس : اووووووه ....... ما صارت ترا
غادة : اذا انا مو هامتك على الاقل اهتم بالي ببطني
فارس : مالت عليك انتي والي ببطنك اصلا ما ورطني معك الا هو
غادة : هذا ولدك
فارس بتهديد : غادة اذلفي عند اهلك احسن لك
غادة وهي تروح للغرفة ومن دون نفس : اوكي
ببيتنا
دخل عمي محمد البيت وجلس بالصاله
وشوي ويدخل رائد عليه
رائد : هلا بعمي هلا
عمي : هلا بولدي رائد هلا ......... رائد نادلي نوف لحالها الله لا يهينك
رائد : بس نوف مسافرة لدبي
عمي بأستغراب : مسافرة دبي ؟ ........ شلون ؟ ........ انا شايف فهد اليوم بالشركة حقت ابوي
رائد : مسافرة مع العنود وريما
عمي بعصبية : لحالهم ؟
رائد بأرتباك : هاه ........ لالالا
عمي : مع مين اجل ؟
رائد : مع خالي عبدالله
عمي : اها ........... اذا رجعت قلي عشان اجيها
رائد : انشالله
عمي : يلا انا رايح
رائد : توك جاي يا عمي
عمي : انا جيت عشان اكلم نوف ودام انها مو موجودة بروح اشوف شغلي احسن من اني اشغللك
رائد : افا يا عمي ما اشغلتنا وانت اذا ما شالك البيت شالتك عيونا
عمي : تسلم ........ بس انا بعد عندي شغل
رائد : اذا على كذا مع السلامة
عمي : مع السلامة ...........(وطلع)
بشقة غاده
غادة طلعت من الغرفة وكانت ماسكة شنطتها بيدها
غادة بتعب : فارس جهزت اغراضي ودني لأهلي
فارس : فاضيلك انا روحي بتكسي
غادة : مستحيل اروح بتكسي انت وصلني
فارس بتهديد : انا ما اعيد كلامي مرتين
غادة من دون نفس وبتعب : بدق على فهد اصرف لي......(دقت عليه)
فهد : هلا غادة
غادة : فهد تعالي خذني من الشقه ووصلني لبيتنا
فهد بأستغراب : ليش ؟
غادة بتعب : فهد لو سمحت تعال خذني وخلاص
فهد : اوكي دقايق واكون عندك .....(سكر الخط)
(خلونا نروح برا السعودية خلونا نروح لراشد وزوجته الجديدة منال)
منال بدلع ماصخ : حبيبي خلينا نروح للبحر نتمشى شوي
راشد والي حامت كبده من دلعها : انشالله حبيبتي انتي جهزي نفسك عشان نروح للبحر
منال بدلع : اوكي
راشد :" ما كذبت مهى يوم قالت انها دلوعه وشايفة نفسها على الناس ........... بس وش اسوي عليها جماال)
بالرياض
وصل عمي محمد لبيته وبنفس الوقت وصلت غاده
عمي : غادة ....... وش جابك هنا
غادة : فارس الله ياخذه قال لي انه يبيني انام ببيتنا هالفترة مدري ليش
عمي بحدة : لو انك ما غلطتي من البداية كان ما صرتي بهالحالة ......... عموما هو بيطلقك قريب انشالله
غادة بندم : يبه تكفى سامحني .......... والله انا غلطت لأني كنت مراهقة واحتاج توجيه ولا سمعت لتحذيراتكم
عمي : ليش مين الي حذرك ؟
غادة بأرتباك : هاه ؟ ......... انتم كنتم تحذرونا بطريقة غير مباشرة دايم ....... يعني انتم كنتم تقولون انكم عطيوتونا الحرية والثقة بس الي يميل شوي يا ويله منكم وانا ما سمعت كلامك وشوف شصار فيني
عمي : زين انك عارفة ........ المهم خلي الشغالة تشيل شنطتك
غادة وهي تدخل البيت : اوكي
ببيتنا (غرفة رائد)
رائد وهو يكلم بالجوال : خالي الحقني
عبدالله (خالي) : خير شفيك ؟
رائد : اليوم عمي جانا وسأل عن نوف وانا قلت له انها مسافرة لدبي مع العنود وريما وسألني بعصبية لحالهم وانا قلت له انك معهم
خالي عبدالله : والمطلوب مني ؟
رائد : ابيك اذا سألك ولا شي تقوله انك مع البنات
خالي عبدالله : وهو كيف بيعرف رقمي
رائد : يمكن يسأل فهد ولا شي ......... عموما سو الي قلت لك عليه
خالي : اوكي ........ بس جد يعني نوف مسافرة لحالها مع البنات ؟
رائد : ايه
خالي بعتب : رائد الله يهديك مو معناته ان ابوك مات الله يرحمه ان البنات يهيتون بكيفهم ......... لو ان نورة (امي) معهم كان قلنا عادي بس هي ما راحت معهم بسبب العدة
رائد : ادري يا خالي ........ بس تعرف نوف عنيدة واذا حطت فكرة براسها تسويها وانا وفهد بالموت وافقنا انها تروح
خالي : وهي ليش راحت ؟ .......... انا الي اعرفه ان نوف نفسيتها تعبت بعد ما مات ابوك الله يرحمه ومستحيل تسافر لدبي عشان السياحه
رائد : هي سافرت عشان الشغل
خالي بأستغراب : شغل ؟
رائد : ايه الشغل ......... نوف قررت تمسك الفرع الرئيسي الي بدبي لشركة ابوي ......... واحنا مشغولين بباقي الفروع واذا فضينا بنمسك الفرع الرئيسي
خالي : وهي بتقعد هناك لين تفضون ؟
رائد : لا طبعا ......... بترجع بعد 3 ايام
خالي : اها
رائد : يلا خالي انا بسكر
خالي: باي .......(وسكر الخط)
بدبي
انا كنت بالشركة بمكتب العم مبارك
انا : والاوراق وينها ؟
العم مبارك : بمكتب الاستاذ عبدالعزيز
انا ووجهي تقلب الوان وبان عليه الحزن : يعني انا بدخل مكتب ابوي ؟
حمد : اذا تبين انا الي راح اجيبها
انا وانا احاول اكون عادي : لا عادي انا بروح لمكتبه
العم مبارك : شوفي مكتب ابوك هو الي جنب المكتب الي قدام مكتبي
انا وانا اطلع : اوكي
(رحت لمكتب ابوي وفتحت الباب ودخلت للمكتب وقعدت اتأمله)
انا بصوت واطي : هذا الكرسي كان يقعد عليه ابوي ......... وهذي الطاولة الي يكتب عليها .......... وهذا التيليفون الي يكلم منه
(نزلت مني دمعه لا شعوريا)
انا وانا ابكي : الله يرحمك يا يبه
(بعدين انتبهت لنفسي ومسحت دموعي وعدلت المسكرة حقتي على السريع وخذيت الاوراق ورجعت لمكتب العم مبارك)
انا : معليش تأخرت عليكم
العم مبارك+حمد : لاعادي
انا وانا اجلس : يعني الاوراق هذي توقعت وراجعها ابوي ؟
حمد : ايه انا وقعتها والاستاذ عبدالعزيز راجعها ........ وبتلقين الختم حقه في الاوراق من فوق
انا وانا اشوف الاوراق : مشالله شغلك دقيق الاوراق كلها عليها ختم و ابوي كان ما يخلي اي احد يوقع عنه
حمد : شكرا
انا : هذي مو مجاملة هي هي الصراحة استاذ حمد
حمد : شكرا مره ثانية
العم مبارك : الحين الاجتماع بيبدى خلونا نروح للقاعه
انا+حمد : اوكي
(دخلنا قاعة الجتماعات وبدا الاجتماع)
بالمول
العنود : تدرين نوف ما كانت بتخلينا نطلع لحالنا لو انك مو معنى
مشاعل : بصراحه انا فرحانة لأني بتعرف عليكم اكثر اليوم
العنود : واحنا اكثر
ريما : تعالو ندخل هالمحل بشتري كلب
مشاعل : تشترين كلب ؟
ريما : ايه ....... زي مشعل بس انا بشتري واحد يكون متوحش وقوي عشان ياكل لوسي
مشاعل : ههههههههههه
العنود : ههههههه انتي ليش متوحشة دايم ؟
ريما : احس فله انك تشوفين ناس مقطعه وميته
مشاعل : هي دايم كذا ؟
العنود : اوووه ..... ماشفتي شي
مشاعل : الله يعنكم عليها
العنود بأستهبال وهي ترفع يدينها للسما : آآآآآمين
مشاعل : هههههههه
مر الوقت بسرعه ورجعو البنات للفندق ومشاعل راحت لبيتها لأن اليوم كان يوم اجازه لها
بالشركة
(خلص الاجتماع على الساعه 4 العصر وطلعنا من القاعه)
انا : يلا اشوفكم على خير انا طالعه لخواتي
حمد+العم مبارك : في امان الله
حمد بهمس للعم مبارك : ماراح تقول لها ؟
العم مبارك بهمس : انشالله الحين بقول لها
العم مبارك بصوت واضح وعادي : نوف يا بنيتي
انا : هلا
العم مبارك : حبيت اسألك متى بترجعين للرياض ؟
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك