رواية ذكريات مراهقة -20
مهى بخوف :"شفيها ما قامت ؟ ....... هئئئئ لا تكون ماتت وانا مدري)
بعدين صارت تشوف اذا قلبي نبض او لا بس ارتاحت لما سمعت النبض
مهى :"الحمدلله ما ماتت ....... هئئئ لا يكون مغمى عليها ؟" <<<<<<<<خبلة لازم تحط بالواحد شي
وجابت عطر من التسريحة وقامت ترشه على وجهي
(انا قمت من النوم لأن مفعول الحبوب بدا يخف هذا غير ان مهى غرقتني بالموية الباردة وريحة العطر خلتني اتحسس)
انا اناظر مهى بصدمه وهي فضت علبة العطر على وجهي
انا بعد ما استوعبت صرهت بقوة وقلت : مهى
مهى وهي خايفة مني بسبب صرختي : نعم
انا : وجع غرقتي وجهي عطر
مهى : الحمدلله انك مو مغمى عليك
انا بأستخفاف : لا تخافين مو مغمى علي ........ الا مهى
مهى : هلا
انا وانا اقوم من السرير : انا هالفترة معد صرت اقرأ قرآن عشان كذا حلمت امس حلم غريب
مهى : وش حلمتي ؟
انا : حلمت ان ابوي طاح علينا واني كنت طول الوقت ضامة القرآن وحتى يوم مات بالحلم ما تركت المصحف انا قلت بنفسي اكيد عشاني تركت المصحف كثير هالفترة حلمت هالحلم انشالله اليوم بقرا منه
(مهى انربط لسانها عرفت اني منصدمة واني من قوة الصدمه ما صدقت ان ابوي صدق مات و احسبه حلم)
مهى : بس هذا مو حلم
انا كنت بدخل للحمام بس وقفت عند بابه والتفت على مهى وقلت : يعني ابوي مات ؟
مهى هزرت راسها بالايجاب بحزن
انا نزلت دمعتي بس دخلت الحمام (الله يكرمك) وغسلت وجهي ووقفت بكي وطلعت من الحمام
انا : متى قالو بيصلون عليه ؟
مهى : راشد قال لهم انه يبي يصلي عليه وبيرجع من السفر على اقرب طياره ووقتها بعد الظهر بشوي يعني العصر بيصلون عليه
انا : وزوجته ؟ .......... يعني مافي شهر عسل ؟
مهى : الا طبعا فيه بس بيقعدون هنا يومين بعدين بيسافرون من جديد
انا : اها
مهى : يلا البسي خالاتي تحت
انا : وش البس ؟ .......... كل ملابسي ما تصلح للعزى
مهى : هذا عزى يعني البسي تنورة طويلة واي بلوزة
انا : ما عندي تنورة طويلة
مهى : وحقت الجامعه ؟
انا : ايه صح ......... اطلعي شوي عشان البس
مهى وهي توقف ك انتظرك تحت
انا : اوكي ......(وطلعت مهى وانا طلعت لي تنورة سودا وقميص اسود اكمامه مرفعه ولبست طوق اسود ونزلت بدون ما احط ولا نقطة مكياج)
(تحت)
خالتي امل : عظم الله اجرك يا بنيتي
انا وانا اجلس بين مهى وامي : اجرنا واجرك
خالتي لولوه : على الاقل كان مريض قبل يعني ما جت الصدمه قوية مره
انا بأستغراب : مريض ؟ ....... وش تقصدين بمريض
امي : اسمعي يا نوف ............ ابوك قبل ما يموت كان عنده سرطان بالمخ وكان بيسي العملية بس جته جلطة ومات قبل ما يسويها
انا بعتب : وليش ما قلتو لي ؟ ............ مو انا بنته ؟
امي بندم : ادري يا بنتي بس انتي كنتي مخطوبة وابيك تفكرين بدون ما تتشتت افكارك
انا : اها
خالتي امل : يلا انا بروح ......... الحين راشد بيوصل بعد ساعه ونص واكيد بيرتاح هو مرته ولازم اشرف على تنظيف الجناح الجديد
امي : في امان الله
خالتي : تسلمين والله ............(وطلعت)
خالتي لولوه وهي تقوم : يلا انا بروح لأمي شيخه (جدتي) بروح ازورها واواسيها .......... تامروني على شي ؟
امي : سلامتك
خالتي : مشكورة ...........(وطلعت)
خالتي خلود وهي تطلع : وانا بروح اشوف البنات اقومهم للحين ما يدرون عن عمهم
امي : الله معك
خالتي خلود : نشوفكم في الصلاة انشالله
امي : انشالله
(بعد ما طلعو وما بقي الا انا و العنود ومهى وامي)
انا : يمه وين ريما ؟
العنود وهي تبكي : قفلت على نفسها بالغرفة من امس
انا وخانقتني العبرة : العنود لا تبكين ترا والله ارجع ابكي وانا ما صدقت اسكت
العنود وهي تحاول توقف بكي : والله مقدر غصب عني
انا وبدت دموعي تنزل : خلاص لا تبكين ..........(ورحت طيران على فوق لأني ما ابي امي تشوفني ابكي ومهى لحقتني)
مهى : نوف خلاص لا تبكين
انا وانا ابكي : هذا ابوي يا مهى
مهى : ادري والله ادري بس يعني لازم توقفين بكي ماراح تضلين طول عمرك تبكين
انا وانا امسح دموعي : اوكي .......... تعلي نشوف ريما
مهى : اوكي
(انا طقيت باب غرفة ريما واسمعها تبكي بس ما ردت علي)
انا وانا اطق الباب : ريما ....... ريما افتحي ريما
ريما وهي تبكي : روحي انا بقعد لحالي
انا : منيب رايحه يلا افتحي الباب
ريما وزاد بكيها : نوف الله يخليك روحي ببقعد مع نفسي شوي
انا بترجي : ريما الله يخليك افتحي بقعد معك شوي
(ريما قتحت لي الباب وهي تبكي)
انا اشرت لمهى انها تنزل تحت شوي ونزلت
(انا دخلت غرفة ريما وجلست على الكنب الي قدام السرير جنب ريما)
انا : ريما
ريما وهي تبكي : هلا
انا : خلاص لا تبكين هذا يومه ......... انا بعد كنت ابكي بس مهى قالت لي اننا ماراح نبكي عليه للأبد
ريما وبدت تخف بكي
انا وانا امسح دموعها : يلا عاد ترا ما يصير الي تسوينه
ريما : متى بيصلون عليه ؟
انا نزلت راسي بحزن وقلت : اليوم العصر
ريما : ليش مو الظهر ؟
انا : لأن راشد بيرجع من شهر العسل يقول يبي يصلي عليه و اقرب طياره لقاها بعد الظهر بشوي
ريما : اها ......... وزوجته ؟
انا : بيرجعون مره ثانية يسافرون بس بعد العزا
ريما وقفت بكي : اها
انا : يلا غيري ملابسك والبسي تنورة طويلة
ريما : ما عندي
انا : بعطيك من حقات الجامعه بس انتي روحي غسلي وجهك
ريما وهي تقوم : اوكي
انا وانا اطلع من الغرفة : تعالي لغرفتي ومعك البلوزة الي بتلبسينها
ريما وهي جوا الحمام : اوكي
جتني ريما وغيرت ملابسها عندي
ولبست تنورة سودا "سترتش" وقميص ابيض مخطط بخطوط صغيييرة زرقا وكانت الخطوط بالطول واكمامه مرفع
نزلت انا وريما تحت وجهزنا لنا عبايات سداه والعنود نفس الشي
والعنود كانت لابسة تنورة سودا "سترتش" و قميص بني من جهة الصدر في كسرات كثيرة بس صغيرة و بين الكسرات فيونكه صغيرة سودا و القميص كمه ثلاثي (يعني مو نص كم ولا بأكمام طويلة)
مر الوقت وطلعنا من البيت ومعنا مهى عشان نروح للمسجد نصلي على ابوي
واحنا بالمستشفى امي انهارت بكي وريما نفس الشي انا كنت تعباااانة واحس اني بدوخ والعنود كانت تبكي بصمت وكنت احس انها مع كل دمعه تنزل بصمت قلبها يحترق
صلينا على ابوي ورجعنا للبيت وبدو الناس يجون عشان يعزونا ومر الوقت وفضى البيت
مهى وهي تلبس عبايتها : انا لازم اروح وبكره الصباح بجيكم
انا : اوكي ........ باي ............(بعدها طلعت مهى)
امي كانت تقول للخدامه تنزل لها فراش
انا : يمه ليش هالفراش
امي : انا ما اقدر انام بالغرفة بنام عند وحدة منكم
العنود : نامي بسريري انا بنام بالغرفة
انا : وانا بعد بنام بالغرفة
ريما : انا بعد
امي : براحتكم ........(ودخلت غرفة العنود)
واحنا الثلاثة بدلنا ملابسنا ورحنا ونمنا جنب بعض على سرير ابوي
انا وانا حاطة راسي على مخدته : بنشتاق له
ريما : اكيد
العنود : الحين انا اعرف ان عماني وجدي ماراح يقصرون بس احنا بنستحي نطلب منهم
انا : لا تنسين ان عندنا شركة ابوي
ريما : ومين بيتولى الاداره ؟
انا : اخواني
العنود : انتي تعرفين ان اخواني ماسكين فروع الشركة وباليالة يديرونها كيف تبينهم يديرون الفرع الاساسي
انا : انا بديرها
العنود+ريما : تستهبلين
انا وانا التفت عليهم : لا جد احنا نقدر نشتغل لأن الشركة بدبي مو بالسعودية ونقدر نشتغل فيها
(طبعا ترتيبنا بالسرير انا بعدين ريما بعدين العنود)
ريما : انتي قلتيها بنفسك ........ بدبي يعني بالامارات ......... يعني كيف بتديرينها
انا : بصير ازورها بشكل دوري واوظف نائب مدير لي ويصيرون يرسلون لي تقارير كل شهر
العنود : والله فكرة .......... بس تتوقعين اخواني بيوافقون ؟
انا : بحاول اقنعهم ....... ولا تنسين ان تخصصي ادارة اعمال يعني عندي خبرة بهالمجال
ريما : واحنا بنساعدك
العنود : بنات انا افكر اني ما اكمل دراستي
انا : لا طبعا بتكملينها
العنود : بس .......
انا قاطعتها : كلكم بتكملون دراستكم
العنود بأستسلام : اوكي
ريما : طيب انتي بتتزوجين ويمكن ما يسمح لك زوجك تشتغلين بالشركة كيف بتدبرين الموضوع ؟
انا : بيكون شرط من شروطي انه يسمح لي
ريما+العنود : اها
انا : اذا خلصت ايام العزا بقول لفهد ورائد وابيكم تقولون لهم انكم موافقين
العنود+ريما : اوكي
العنود : طيب امي ماراح تسمح لك تسافرين لحالك
انا : انتم بتكونون معي ....... بس هالمره ماراح تكون سفرتنا لدبي عشان السياحة بتكون شغل وبس
العنود+ريما : طبعا
انا : تدرون شلون بنسق الحجز من الحين عشام يعرفون اني قد المسؤولية
العنود+ريما : اوكي
انا : يلا يا بنات جهزو ملابسكم من اليوم لأننا بعد ايام العزا بنسافر
ريما : بس الورث كيف يوزعونه واحنا مو موجودين ؟
انا : زين ذكرتيني .......... بنقول لهم يعطونا ورثنا وبنسافر على طول
ريما+العنود : اوكي
العنود : خلاص الحين خلونا ننام
(ونمنا كلنا وعلى الساعه 10 الصباح قمنا ونزلنا على الفطور)
انا وانا جالسة على السفرة واكل : رائد...فهد
رائد+فهد : هلا
انا بتردد وانا اشوف ريما والعنود يشجعوني اني اقول لهم : ان..انا....انا بدير الفرع الاساسي حق شركة ابوي
رائد+فهد ناظرو بعض بعدين ناظروني
رائد : قصدك الي بدبي ؟
انا : ايه
فهد+رائد : لا طبعا
انا : بس انتم لاهين مع باقي الفروع وانا بصير اسافر بشكل دوري لهناك وانا تخصصي ادارة اعمال وعندي خبرة بهالشي
فهد : بس الفرع بدبي ....... وصعبة نسافر كل شوي هناك
انا : بس انا الي بسافر مو انتو
رائد : لا طبعا ........ وين تسافرين لحالك ؟
انا : خواتي معي
امي : لا طبعا ....... لو انا معكم ايه لكن لحالكم لا
انا : يمه لو سمحتي مو انتي اذا جيتي معنا بتتركينا طول الوقت على راحتنا يعني ماراح تفرق
امي وبدت تقتنع : بس احسها صعبة شوي
انا : لاصعبة ولا شي انتي بس وافقي
امي تنهدت : خلاص براحتك بس معك خواتك
رائد : بس انا وفهد مو موافقين
انا : الله يخليكم ....... والله انتم لاهين بالفروع الثانية خلوني ادير الفرع الي بدبي
فهد : بس انتي بنت و صعبه انك تمسكين شركة وتديرينها هذا غير انها الفرع الرئيسي
انا : بوظف واحد موثوق فيه عشان يكون نائب المدير ويعطيني الأخبار من فترة لفترة
رائد : طيب افرضي اننا وافقنا ولاحظي اني قلت افرضي ........ كيف بتروحين للشركة وتقولين انك بنته
انا : ارسلت للشركة ايميل ان ابوي توفا واني بزور الشركة اتأكد من الاوضاع وحددت يوم معين عشان اروح لهم
فهد : يعني انتي كنتي واثقة اننا بنوافق
انا : طبعا ......... الا اذا كنتم مو واثقين فيني فهذا شي ثاني
رائد : احنا واثقين فيك ....... بس خايفين عليك
انا : لا تخافون باخذ معي ريما الي عن الف رجال
فهد : بس تظل بالاخير بنت
انا : يلا عاد فهد ......... يعني تبينا نلبس ثوب ونسوي نفسنا عيال ؟
فهد : لا طبعا بس انا قصدي انها صعبة تروحون دبي وتديرون الشركة
انا : فهود رئود يلا عاد عشاني
رائد بتردد : بس
انا قاطعته : لابس ولا خرابيط يلا عاد وافقو
فهد ناظر رائد بعدين تنهد وقال : اوكي ....... ومتى بتسافرين
انا : اتوقع ثاني في رمضان هذا الحجز الوحيد الي لقيته لثلاث اشخاص
فهد+رائد : اوكي
رائد : اوكي بس انتم بتسافرون للشغل يعني مو سياحه
انا : اوكي .......... بس انتم موافقين ؟
رائد+فهد : موافقين
انا ابتسمت وكملت فطوري وبعد الفطور جلسنا شوي وبعدها بدو يجون الناس شزي شوي
مر اليوم وطلعو الناس
(بعد ايام العزى بيومين)
انا : يلا بنات رتبو اغراضكم
ريما : انا رتبتها من زمان
العنود : وانا نفس الشي
ريما : يعن بس انتي الوحيدة الي مارتبت شنطتها
انا : لا انا مجهزتها بس خفت انكم ما جهزتوها وحبيت اقول لكم
العنو+ريما : اها
انا : خذيتو اغراض تكفيكم اسبوع ؟
ريما+العنود : ايه
انا : زين
العنود : متى طيارتنا ؟
انا : بكره الساعه 3 العصر
العنود : اها
اليوم الثاني الساعه 2 ونص
الخدامات كانو ينزلون شنطنا
انا احب راس امي واودعها وريما والعنود نفس الشي
فهد : يلا عشان ما تفوتكم الطيارة
انا+العنود+ريما : يلا
رحنا للمطار ودخلنا شنطنا وركبنا الطياره
ريما : ما اصدق ان اهلي وافقو
العنود : ولا انا
ريما : بس نوف ترا هذي شركة والفرع الرئيسي يعني اذا خسرت في مناقصة ولا شي الشركات الثانية بتتأثر
انا : لا تخافون بكون قد الثقه
ريما+العنود : انشالله
(وصلنا مطار دبي واستقبلتنا سيارة الشركة)
السواق : يا عمه تبين اوديك للشركة ولا للفندق ترتاحون
انا : لا ودني للفندق وبعدين البنات بيروحون الفندق ......(طبعا العنود وريما ما عارضو لأنهم كانو هلكانين)
انا وصلت للشركة واستقبلوني موظفين
(بما اني ما اعرف اكتب اماراتي بأكتبه بالسعودي وانت اعتبروها اماراتي)
موظف (1) : شرفتي انسة نوف
انا : شكرا
موظف (2) : تفضلي
انا : شكرا .......... بس اقدر اعرف اسمائكم ؟
موظف (1) : انا سالم وهذا مشاري
انا : تشرفنا
سال+مشاري : واحنا اكثر
مشاري : تفضلي انسة نوف
انا : وين بتودوني ؟
مشاري : مكتب الاستاذ مبارك
انا : اها
(بالمكتب)
مبارك : هلا هلا والله ببنيتي .......(كان تقريبا بعمر ابوي)
انا : اهلين استاذ مبارك
مبارك : سميني عمي يا بنيتي
انا : انشالله
مبارك : تفضلي
انا بعد ماجلست
مبارك : انتي الي بتديرين الشركة ؟
انا : ايه ........ بس ماراح اصير هنا بشكل يومي يعني بس بين فترة وفترة بزور الشركة
مبارك : اها ........... سامحيني نسيت اقول عظم الله اجرك
انا : لا عادي ...... اجرنا واجرك
مبارك : انتي عندك خبرة بهالمجال
انا : انا ادرس ادارة اعمال وعندي خبرة بسيطة بس ........ يعني ابيك تساعدني اذا تقدر
مبارك : طبعا راح اساعدك يا بنيتي ......... واذا ما كنت موجود ولدي حمد بيساعدك
انا : شكرا
مبارك : الا على طاري حمد ........ تراه عازمك انتي والبنات وانا على العشا
انا بأستغراب : كيف عرفت ان معي خواتي ؟
مبارك : اخوك فهد قال لي
انا : اها ........ بخبر البنات وبنجيكم بس وش العنوان والساعه كم ؟
مبارك : خلوكم جاهزين على الساعه ثمان بيجيكم سواق الشركة
انا : اوكي
مبارك : وبكره بيكون اجتماع عشان نعلن عن المدير الجديد الي هو انتي
انا : ومتى بيبدا الاجتماع الي بنناقش فيه الحالة حقت الشركة ؟
مبارك : بعد بكره انشالله
انا : اها
مبارك : انا بقول للسواق ينتظرك تحت عشان تروحين تريحين
انا : اوكي
مبارك : تعالي اوصلك
انا : لا ما يحتاج ......... اعرف الطريق
مبارك : لا ولو يا بنيتي لازم اوصلك للبوابة انتي بنت الغالي
انا ابتسمت بحزن وقلت : الله يرحمه
مبارك : الله يرحمه
(طلعت من الشركة ورحت للفندق عشان نرتاح شوي)
............................................نهاية البارت............................................
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت لعيونكم ^^
البارت (32)
(قمنا من النوم وقلت للبنات يلبسون ولبسنا وطلعنا ولقينا سواق الشركة ينتظرنا عن الباب ركبنا السيارة ووصلنا للمطعم)
انا : هذاك هو العم مبارك
العنود : يلا نروح نجلس معهم
انا : يلا ....... (ورحنا وجلسنا)
مبارك : هذا يا بنات يصير ولدي واسمه حمد
حمد : تشرفنا <<<<<<<مملوح مرررره والعنود انهبلت عليه
انا : استاذ حمد انت عندك خلفية اني انا الي بتولا ادارة الشركة ؟
حمد : طبعا ......... ابوي قالي كل شاي
انا : الحمدلله يعني الاجتماع بكره بيكون بس للموظفين العاديين
حمد : بالظبط
انا : نسيت اعرفكم على خواتي ........هذي العنود ....... وهذي ريما
حمد+مبارك : فرصة سعيدة
ريما : استاذ مبارك تبينا نسميك العم مبارك مثل نوف ولا الاستاذ مبارك
مبارك : لا طبعا العرم مبارك
ريما+العنود : اوكي
(تعشينا وطلعنا من المطعم ورجعنا للفندق وبالسويت حقنا العنود رمت نفسها على السرير)
العنود تنهدت وقالت : ااااه بس يا قلبي
انا وانا اضحك : شفيك ؟
العنود : يهبل....والله يهبل
ريما : استحي على وجهك طول الوقت تناظرينه ما خليتيه يعرف ياكل
العنود : والله ما قدرت يهبل يا ناس يهبل
انا : عادت حليمة لعادتها القديمه
العنود : عادي ارجع لحالتي القديمة بس اهم شي يحس اني منهبلة عليه
ريما : تراك توك شايفته اركدي
العنود : انتم ما سمعتم بالحب الي من اول نظرة ؟
انا+ريما : سمعنا به بس ما شفناه
العنود : اجل افرحو لأنك شفتوه
انا : الحمدلله والشكر بس
العنود : بقول له اني احبه
انا : اكيد انهبلتي
ريما : بعدين توك شايفته امس وتقولين له احبك ........ وش بيقول عننا ؟
انا : بعدين يمكن مو حب يمكن اعجاب
ريما : نوف صح ........ يمكن اعجاب مو حب
العنود : مدري بس بأختبر مشاعري
انا : اختبريها وسوي الي تبين بس تقولين له احبك احلمي
العنود : طيب كيف يدري اني احبه ؟
انا : مو لازم يدري اذا يبيك يخطبك من بيت اهلك
العنود بأستسلام : صح
انا : طيب يلا بنات غيرو ملابسكم ونامو ورانا اجتماع بكره ولازم تحضرون معي
ريما+العنود : اجتماع عن ايش ؟
العنود : اذا عن الشغل انا ماراح اروح لأني ما افهم بهالاشياء
انا : لا مو شغل لا تخافين
العنود : الحمدلله .......... بس اذا مو عن الشغل عن ايش ؟
انا : بيقدموني للشركة عشان يعرفوني اني انا مديرتها
العنود : اها
ريما والي طلعت من الحمام وهي لابسة البيجامة : يلا غيرو ملابسكم ونامو لأني بنام وما ابي ناس تقرق علي الا اذا كنتم بتطلعون للصالة فهذا شي ثاني
انا : لالالا بننام
ريما بصوت كله نوم وهي تجلس على السرير : يلا غيرو بسرعه
العنود+انا : اوكي
(غيرنا ملابسنا ونمنا)
اليوم الثاني الساعه 10 الصباح
انا : جاهزين ؟
ريما+العنود : ايه
انا : يلا بنروح نفطر بعدين بنروح للشركة عشان الاجتماع
ريما+العنود : اوكي ........(وطلعنا)
افطرنا وخلصنا فطور على الساعه 12 ونص الظهر <<<<<<<كأنه غدا
انا : بقي ساعتين على الاجتماع
العنود : والطريق من هنا للشركة بياخذ نص ساعه تقريبا
انا : يعني بقي معنا ساعه ونص
ريما : وين نروح ؟
انا : خلونا نتمشى هنا احلا
العنود : صح لا تنسون اننا قريبين من البحر خلونا نروح له
ريما : اوكي بس خلونا نتمشى
انا وانا اقوم : يلا
العنود : لحظة ما حاسبنا
انا : ايه صح ....(مديت للعنود الكرت حقي).... حاسبي وتعالي لنا احنا بنتمشى على البحر
العنود : اوكي ........(وراحت)
(انا وريما كنا نتمشى وننتظر العنود)
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك