رواية ذكريات مراهقة -25
(ناظرت الساعه وشفت ان الوقت متأخر)
انا :" بقول لأمي بكره اذا قامت ........... لحظة ......... لالالالالالالا انا بقول لعمي محمد احسن لأنه رجال ويعرف يتفاهم مع عماني ......... ايه بقول لعمي محمد "
رحت جلست على سريري وقعدت اقرأ قرآن واذن الفجر ونمت
باليوم الثاني
الساعه 3 العصر
انا وانا اتحجب : يمه انا بطلع تبين شي ؟
امي : سلامتك يا قلبي .......... بس وين بتروحين ؟
انا : بيت عمي محمد
امي : مدري وش مسوية فيك هالمهى .......... من وانتم صغار وانت مع بعض
انا ابتسمت : بس هذي المره مو عشان مهى
امي بأستغراب : ليش بتروحين اذا مو عشان البنات ؟
انا ابتسمت
امي : شفيك تبتسمين ...(تذكرت)... كذابه
انا : لا يمه انا ما اكذب
امي بفرح : صدق ؟ ......... الله يوفقكم ويكتب الي فيه الخير يارب
انا : ما ودك تعرفين مين ؟
امي بفرح وكأنها مو مصدقه : لا يا يمه ......... روحي الله يستر عليك
انا تلثمت وطلعت من البيت
(بعد ما دخلت لبيت عمي محمد)
انا وانا اسلم على خالتي امل : وين .........
خالتي قاطعتني : ما ودك تسلمين على مرة راشد ؟
انا تفشلت : الا بس نسيت
خالتي : شوفيها بالصالة
انا وانا اسلم عليها : كيفك ؟
منال بدلع : بخير
خالتي : هذي نوف بنت عم راشد
منال ناظرتني من فوق لتحت كأني مو عاجبتها
خالتي : نوف مهى بغرفة بشاير
انا : لا خالتي انا ابي عمي
خالتي بأستغراب : شوفيه جالس عند المسبح
انا : اوكي ....... وخالتي لا تقولين للبنات اني موجودة
خالتي : انشالله
انا طرت على طول ركض للمسبح ومرفعه عبايتي لفوق ......... بعدين وقفت زين عشان امشي بأحترام يقالي عاقلة
(بس الصدمة ان ماجد كان يناظرني ويضحك)
ماجد وهو يضحك : هههههه يقالك عاقلة يعني ؟
انا وانا متفشلة : لا بس كانت فيه قطوة تلحقني
ماجد وهو رافع حاجب : قطوة تلحقك اجل ؟ .......... خلاص خلاص روحي الله يستر عليك
انا رحت بدون ما ارد
ماجد : لحظة
انا التفت عليه يعني وش تبي
ماجد : الشباب هناك
انا : واذا ......... انا متحجبة يعني عادي
ماجد : بس انا اغار عليك لا تروحين
انا حمرت خدودي وقلت : بصفتك مين تغار علي ؟
ماجد ابتسم وقال : زوج المستقبل الي يموت في التراب الي تمشي عليه رجولك
انا : لا تصير واثق عشان ما يصدمك الجواب ........(ورحت)
ماجد بأستغراب : "هذي شفيها لا تكون بترفضني ......... لالالالالالا يمكن هي تقول كذا عشان تلعب بأعصابي"
انا سلمت على عماني وسلمت على الشباب بالكلام وجلست بين عمي محمد وجدي
جدي : شعندك يا بنيتي ؟
انا بصوت واطي لأن بدر كان جالس قدامي ويناظر بعيوني : ابي عمي محمد بموضوع
عمي محمد بهمس : عن الي كلمتك عنه ؟
انا : ايه
عمي محمد وهو يوقف : عن اذنكم شوي وارجع
الكل : اذنك معك
عمي محمد : يلا يا نوف
(بعدين قمت ولحق عمي ودخلنا بالمجلس الرسمي حق الرجاجيل)
عمي : قبل ما اعرف جوابك ........... انتي متأكدة ؟
انا : ايه
عمي : يعني محد اجبرك او اي شي ؟
انا : ايه
عمي : استخرتي ؟
انا : ايه
عمي : يلا قولي ردك
ببيت الجد
الهنوف : طفش
رغد وهي تقرأ قرآن : احمدي ربك غيرك ما يقدر حتى يتحرك
الهنوف بأستغراب : وش دخل هذي بهاذي ؟
رغد كملت قراءة قرآن وطنشتها
عبير : شرايكم نروح نتسحر عند عمي نايف ؟
الهنوف وهي رافعه حاجب : وش معنى عمي نايف ؟
عبير : يختي هالعم احسه فله مدري ليش
الهنوف : والله انك صادقه ......... خلاص بكلم البنات واشوفهم
عبير : اوكي
ببيت عمي محمد
انا بخجل والكلمات بالموت تطلع مني : انا ....امممم ......... اخترت
عمي : اخترتي اكيد ؟ ........ ترا توك بالبر يمديك ترجعين تفكرين مره ثانية
انا تنهدت وقلت : بصراحة ما اقدر اقول قراري
عمي : يعني انتي قررتي بس ما تقدرين تقولين
انا : ايه
عمي : طيب وش تبين اسويلك عشان تقولين لي
انا : ابي ورقة وقلم وبكتب لك اسمه
عمي ابتسم وعطاني ورقة وقلم
انا كتبت الاسم وعطيت الورقة لعمي
عمي وهو يقرا الاسم : يعني اقدر اقول لعمك انك موافقة عليه
انا : ايه
عمي وهو يقوم : خلاص اجل انا الحين بقول لهم
انا بأندفاع : لالالالالالا
عمي بأستغراب : ليش ؟
انا : استحي اذا طلعت من ببيتكم قول له
عمي ابتسم : يلا اطلعي وانا بقول لهم
دخلت للبيت ورقيت لفوق وتنهدت بقوة وكانت لمياء والعنود وريما جالسين مع بعض
انا وانا افصخ عبايتي : شعندها لمياء زايرتنا
ريما : نوف تدرين ان لمياء تبي تصير مصممة ازياء
انا بأستغراب وانا اقعد جنبهم : من متى ؟
لمياء بأبتسامة : انا من اول احب الرسم ......... والحين قررت افتح لي مشغل لتصميم الازياء بس
انا : حلو يعني بتشتغلين فيه وتملين عليك الفراغ ؟
لمياء : ايه ........ وانا ادري العنود عندها خبرة فقررت اسألها اذا تبي تدخل معي بالمشروع
انا بحماس : عنودة تكفين وافقي
العنود بأبتسامه : وافقت وخلصت
ريما بذكاء ولأول مره : طيب ليش ما تقولين لجدي يدعم المشروع حقكم ؟
لمياء : انا قلت لأبوي هالكلام ووافق
انا : وانا وباقي البنات بنكون اول زبونات لكم
لمياء+العنود ابتسمو
بوحدة من افخم فنادق الرياض
سارة (ام حمد) : قلتو لهم انكم جيتو ؟
حمد : ايه يمه قلنا لهم ........ وعزمونا على الفطور اليوم
ام حمد : بس الرجاجيل ولا احنا معاكم ؟
حمد : لا انتم معانا
ام حمد : اها
لينة : ماما ....... ابي اشوف بناتهم يمكن في بنات بعمري انا وشهد
ام حمد : ما اتوقع يا بنيتي كلهم كبار
شهد+لينة بدلع لايق عليهم : افف قهر
ابو مبارك : يلا يا بنات تجهزو ادري فيكم بتأخرونا
لينة+شهد : اوكي ........(وراحو يتجهزون)
ببيت عمي محمد
طبعا الكل راح الا عمي فيصل وماجد بطلب من عمي محمد
عمي محمد : فيصل
عمي فيصل : هلا
عمي محمد : ترا مالكم نصيب بنوف
ماجد بصدمة : هاه
عمي فيصل رضى وتقبل الوضع بكل رحابة : يمكن خيرة والله يوفقها
ماجد بصدمة وعصبية خفيفة بنفس الوقت : انتم وش تقولون ؟ ........ نوف محد ماخذها غيري انا تفهمون ؟
عمي فيصل بحدة : ماجد ........ الزواج نصيب وهي مو من نصيبك
ماجد بأستهزاء : يعني بتخلونها لبدر ؟
عمي محمد : ماجد ........ بدر مثل اخوك
ماجد بأنفعال : بس مستحيل تروح نوف مني مستحيل
عمي فيصل : ماجد قلت لك نوف مو من نصيبك
(ماجد كان مصدوم .."نوف مو من نصيبك".. كانت هالكلمة تتردد جوا عقل ماجد بس مو راضي يستوعبها)
ماجد عصصصب وطلع برا البيت
عمي فيصل : هالولد بيفشلني الله يفشله ......... ما كأن بدر ولد عمه
عمي محمد : لا تواخذه هو اكيد مصدوم
عمي فيصل : لا تقول لنوف شي ما نبيها تتضايق
عمي محمد : طبعا لا توصي حريص
عمي فيصل : عن اذنك ....... بروح اشوف وش اخرة هالولد
عمي محمد : اذنك معك
(وطلع عمي فيصل من البيت)
عمي محمد اتصل على عمي نايف
عمي نايف : الو
عمي محمد : هلا نايف بغيتك انت وبدر شوي ولموضوع ضروري يليت تجوني الحين
عمي نايف بأستغراب : بس تونا طالعين من عندك
عمي محمد : ادري ........ بس ابيكم بموضوع ضروري
عمي نايف : خلاص دقايق ونكون عندك
(بعد 10 دقايق وصل بدر وعمي نايف)
عمي نايف : هلا يا محمد وش بغيت
عمي محمد ابتسم : والله وصرت معرس يا بدر
بدر : ؟؟؟؟؟؟؟
عمي نايف : وش تقصد يا محمد ؟
عمي محمد : قبل كم يوم قلت لنوف اذا وافقت على واحد منكم تقول لي واليوم ردت لي
بدر كأنه مو متأكد : ووافقت ؟
عمي محمد ابتسم : الف مبروك مقدما
بدر بفرح : الله يبشرك بالخير ........(وراح حب راس عمي محمد وراس عمي نايف)
بدر بفرح وحماس : يبه متى املك عليها ؟
عمي نايف وهو يضحك : اثقل يا ولدي اثقل
عمي محمد : عاد ما اوصيك بنوف ......... تراها مثل بنتي والبنت يتيمة يعني مالها احد الا انت بعد الله
بدر وهو يأشر على عيونه : لا توصي حريص بحطها بعيوني
عمي محمد : عاد الباقي على الحريم
عمي نايف : يلا احنا نستأذن بنروح نبلغ ام وليد
عمي محمد : اذنكم معكم
ببيتنا
(كانت لمياء تورينا تصاميمها)
ريما : الفستان الأبيض حلو
لمياء : شكرا
انا بتردد وخجل : بنات
البنات : هلا
انا : اخترت
ريما بغباء : وش الي اخترتيه
العنود فهمتها على طول : كذااااااااابه ........ ما بغيتي
لمياء ابتسمت : بس ترا علاقتنا ما راح تتغير لو اخترتي ماجد
ريما الي توها تستوعب : اخييييييييرا
العنود : مين اخترتي ؟
انا بخجل : بدر
لمياء حضنتني بفرح
العنود : الف الف الف مبروووووك
ريما : وناااااااااااااااااااااااااااااااااااااااااااااااا اااااااااااااااسة
انا : خلاص احرجتوني
لمياء بدلع : خلاص وخرو عن مرة اخوي
ريما الي طارت للتليفون
ريما بحماس وصوت عالي : الو
الجده : وش فيك اركدي يا بنيتي اركدي
ريما بحماس : نوف بتتزوج
الجده بطبيعة ان سمعها مو زين سمعت غلط وقالت : الهنوف بتتزوج !!
(وعلى جملة الهنوف بتتزوج دخل وليد ومعه راشد)
وليد طير عيونه مو مصدق الي يسمعه
ريما : الله يهديك يا جده ......... موب الهنوف نوووف
الجده : الي خاطبها اسمه نواف ؟
ريما : اقولك نوووووووف موب الهنوف
الجده : ايه قلتيلي الهنوف بتعرس على واحد اسمه نواف
ريما الي تنرفزت : جده اذا جيناكم اليوم فهمتك ...... مع السلامة
الجده : مع السلامة ..........(وسكرت الخط)
راشد+وليد : السلام عليكم
الجده : وعليكم السلام ......... تعالو اقعدو يا عيال اقعدو
(بعد ما قعد راشد ووليد جنب اللجده)
وليد بشك : جده ....... مين الي بتتزوج ؟
الجده : هذي الهنوف بتعرس على واحد اسمه نواف
وليد تقلب وجهه الوان
وليد :" يعني الهنوف بتروح مني ؟ .......... لالالالالالا مستحيييييل .......... بس هذا نصيبها ...... اااااه بس
مستحيل اتزوج غيرك يالهنوف مستحيل
...........................................نهاية البارت............................................
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت (39)
(بعد ما قعد راشد ووليد جنب اللجده)
وليد بشك : جده ....... مين الي بتتزوج ؟
الجده : هذي الهنوف بتعرس على واحد اسمه نواف
وليد تقلب وجهه الوان
وليد : "يعني الهنوف بتروح مني ؟ .......... لالالالالالا مستحيييييل .......... بس هذا نصيبها ...... اااااه بس
مستحيل اتزوج غيرك يالهنوف مستحيل"
(شوي ويرن جوال راشد وراشد طلع برا الصالة ورد)
راشد : الو
المتصل : انت راشد محمد الـ.......
راشد : ايه
المتصل : يليت تنتبه لزوجتك بدال ما تقعد تهيت وانت ما تدري
راشد : نعم ؟ ........... انا ما اسمحلك تتكلم عن زوجتي بهالطريقة
المتصل بأستهزاء : هه ....... مسكين لأنك ما تعرف هي وش تسوي وما تدري انها تخونك وتكلم شباب
راشد بقلة صبر : انت مين ؟
المتصل : انا فاعل خير ........ عموما اذا مو مصدقني راقب مكالماتها وتشوف
راشد بحدة : قلت لك انت مين ؟
المتصل : مثل ما قلت لك راقب مكالماتها عشان تتأكد ....(بعدين سكر الخط)
راشد بعد الجوال عن اذنه بعدين رجع يتصل على الرقم لقى الجوال مغلق
راشد :" افف الحين شسوي انا ...... بعدين مين هذا وليش متصل يقول لي ؟ ....... افف شكله واحد كذاب و يحب يخرب بيوت الناس بأسفهه واشوف وش يصير "
(وشوي ويطلع وليد من الصالة)
راشد : شفيك وين رايح ؟ ........ كلها دقايق ويأذن المغرب اقعد افطر
وليد من دون نفس : انا بروح لفواز مالي نفس اقعد بالبيت
راشد وهو رافع حاجب : مو كأنكم خذيتو صديقي وقلبتوه صديقكم ؟
وليد : بصراحة فواز رجال ومافي شي يعيبه ليش ما يصير صديقنا
راشد : استهبل عليك .......... واذا على ان فواز رجال فأنت ما كذبت بهذي
وليد : يلا انا طالع
راشد : اوكي ....... مع السلامة
وليد : مع السلامة .........(وطلع)
بنفس البيت بس بغرفة البنات
الهنوف : متى بيجون البنات ؟
مهى+غادة+بشاير+دانة+منال+عبير+رغد : مدري
الهنوف : المشكلة حتى لموي ما جت
(شوي ويدخلون ريما والعنود ولمياء)
الهنوف : ذكرنا الأط جانا ينط
ريما بحماس وصوت عالي : بنااااااااااااات
مهى : وجع ترا صوتك موصل للجيران
ريما بحماس وبسرعه : نوف اختارت بين بدر وماجد
البنات كلهم الا العنود ولمياء : مييييين ؟!!
ريما : بدر
هنا البنات انواع الصراخ والهبال والزغاريط
عبير بصوت عالي : عليك الف الصلاة والسلام يا حبيب الله محمد ...... كللللللوش <<<<<تراها زغاريط
البنات : كللللللللللللللوش
تحت
وصلت عائلة ابو حمد واستقبلتهم عائلتنا بصدر رحب وبالاحضان <<<<<<التعبير
الجده : هلا والله باللي جونا تو ما نور البيت
ام حمد (سارة) : منور بأهله
خالتي خلود بأبتسامة : هذولا بناتك ؟
سارة : ايه ........ شهد ولينة
خالتي خلود : مشالله الله يحفظهم ويخليهم لك
سارة : آمين
خالتي امل : خليهم يروحون عند البنات فوق
سارة : يلا يا بنات روحو فوق
شهد بهمس : يمه ما نعرف اي غرفة
لينة بهمس : اصلا ما نعرف وين الدرج
خالتي لولوه : انا بوديهم لفوق
سارة : مشكورة حبيبتي
خالتي لولوه : يلا يا بنات
لينة+شهد : يلا .......(وراحو معها لفوق)
بالغرفة
مهى : وين نويف ؟
العنود بأسلوب مضحك : يقالي مستحية تشوف الحريم
البنات : هههههههههههه
وشوي ويسمعون صوت طق على باب الغرفة
دانة : مين ؟
لولوه : انا
البنات : تفضلي
(بعد ما دخلت ومعها شهد ولينة)
لولوه : هذولا شهد ولينة بنات ضيوفنا
ريما بصوت عالي وهبال : يــــا هـــــــــلا والله وغــــــــلا
وشوي ويجيها كتاب رغد فوق راسها من الهنوف
ريما : اااااااااااااي
الهنوف : تستاهلين موب وقت هبالك الحين
ريما : قدها ؟
الهنوف : وقدود
ريما : انتي الي جنيتي على نفسك .......(بعدين راحت وطبت على الهنوف وصارت الحرب العالمية الثالثة)
لولوه : عموما خلوهم عندكم وبعدو المتوحشان عنهم نبيهم يرجعون لأمهم كاملات
رغد بدلع وهي تبكي : كتابي...كتابي رجعو لي كتابي مسكين وش ذنبه ترا يحس
ريما+الهنوف : لا حياة لمن تنادي لاهين بالحرب
بشاير بصوت عالي : بس ......... فشلتونا الله يفشلكم
الهنوف+ريما : قلت لكم بالحرب ما عندهم وقت يردون
مهى : تعالو اقعدو ولا تهتمون لهم تراهم مهابيل
العنود بنص عين : الله اعلم من المهبول بس عشان نوف ما جت عقلتي
مهى : احم احم ......... ماله داعي الفضايح
(طبعا شهد ولينة كانو جالسين على السرير جنب مهى)
لمياء : ايش اسمائكم ؟
شهد+لينة : شهد ولينة
دانة : طيب كيف نعرف مين شهد ومين لينة ؟
شهد : انا شهد وهذي لينة
دانة : اها
غادة : كم اعماركم ؟
شهد+لينة : 13 سنة
غادة : اها
رغد بدلع وهي تبكي على كتابها : مو مبين عليكم .......... حسيت انكم اكبر
بعد ما انتهت الحرب العالمية الثالثة بفوز ريما
ريما بعبط : ليش تشبهون بعض ؟
شهد+لينة بأستغراب : لأننا توأم
ريما : اها
العنود : امسحوها بوجهي هالمره تراها مو صاحية
عبير : اللهم لا تؤاخذنا بما فعل السفهاء منا
الهنوف بضحكة : وش دخل ذا الدعاء بالسالفة
عبير : مدري
الهنوف : الحمدلله والشكر
دانة : خلاص فشلتونا
مهى : ايه صح نسينا نعرف نفسنا لشهد ولينة .......... انا مهى
غادة : وانا غادة
الهنوف : انا الهنوف
عبير : انا عبير
دانة : انا دانة
بشاير : انا بشاير
العنود : انا العنود
منال بدلع ماصخ : انا منوله
لمياء : انا لمياء
رغد : انا رغد
ريما بهبال : وانا موزة
(وشوي وترفسها العنود)
ريما : اااااي ........ قصدي ابي موزة وانا اسمي ريما
شهد+لينة : تشرفنا
(وشوي ويسمعون صوت الاذان)
عبير : امشو ننزل تحت قبل ما تعصب علينا جدتي
البنات : يلا .........(ونزلو لتحت)
(بدو الحريم يفطرون)
سارة : الا وين ام نوف ماشفتها ؟
العنود : امي ما تقدر تطلع عشان الحدة
سارة : انتي نوف ؟
العنود : لا انا العنود
(هنا سارة ابتسمت)
سارة : مشالله عليك ........... اخلاق وجمال وأدب
هنا العنود قلب وجهها طماطه
سارة : انا انشالله بزورها بكره
العنود وهي مستحيه : حياك بأي وقت
سارة : تسلمين
ببيتنا
انا كنت افطر مع امي
امي : الا ما قلتي لي مين اخترتي ؟
انا بخجل : بدر
امي : وعمك وش قال ؟
انا : ما قال شي .......... قال اهم شي انك مو مغصوبة عليه
امي : اها
انا : يمه ترا جبنا لك انا والعنود وريموه افلام مصرية ابيض واسود
امي : صدق والله ؟
انا : ايه .......... قلنا تسلين نفسك فيها
امي : ايه والله اني احبها هالافلام ....... بس ما جبتو هندية ؟
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك