رواية ذكريات مراهقة -26
انا : يمه ترا جبنا لك انا والعنود وريموه افلام مصرية ابيض واسود
امي : صدق والله ؟
انا : ايه .......... قلنا تسلين نفسك فيها
امي : ايه والله اني احبها هالافلام ....... بس ما جبتو هندية ؟
انا بضحكة : لا ما جبنا افلام هندية ...... انا ما اعرف انك تحبينها
امي : عاد انا امس شايفة فلم هندي وش زينه
انا : وش قصته يمه ؟
امي : ثنتين صديقات ووحدة تبي تنقذ صديقتها الي طاحت من الطيارة بس الحمدلله ما ماتت
انا وانا اضحك : طاحت من الطيارة وما ماتت ؟
امي : ايه ........... ورقصهم مدري شلون يرقصون بنفس الوقت
انا : ههههههههه ....... يمه لأنه ممتدربين
امي : اقولك فجأة البنت الي نطت من الطيارة قامت تغني وغنو معها شلون متدربين
انا : ههههههههههههههههههههههههههههههه
امي : هااااااو ............ تضحكين علي ؟
انا : لا يمه محشومه بس تذكرت شي يضحك
امي : ايه اشوى
انا : اجل اعجبك الفلم
امي : ايه والله
(مر الوقت والحين وقت صلاة التراويح)
ببيت الجد
كان الكل مجتمعين وضحك وسوالف
غادة : عن اذنكم بروح اصلي التراويح
الكل : اذنك معك
(طلعت غادة وراحت للمسجد ودخلته وصل تحية المسجد وجلس جنب دلال الي كانت تقرأ قرآن)
دلال : هلا والله غادة
غادة : اهلين
دلال : كيفك ؟
غادة : بخير الحمدلله بس والله بطني يوجعني من هالحمل
دلال : عادي تعودي
غادة : انشالله بتعود .......... شرايك نروح للمول بعد الصلاة
دلال : ليش ؟
غادة : بشتري لبس ثاني للعيد لبسي الي شريته قصير
دلال بأبتسامه : اها ............. خلاص اذا خلصت الصلاة طلعنا
غادة : اوكي
(لازم تعرفون ان غاده تأثرت كثيييييييير بدلال صح الفترة الي قعدت معها بسيطه بس تغيرت فيها بسرعه للأحسن)
ببيت فواز (الخيمة)
كان فواز يفطر ومعه وليد
وليد من دون نفس : فواز
فواز : هلا
وليد بنفس الاسلوب : تدري ان بنت عمي الي قلت لك اني بخطبها انخطبت
فواز بصدمه لأنه ملاحظ على وليد انه متضايق بس ما توقع منه هالشي : نعم !!
وليد : والله ............ اليوم جدتي قالت لي والظاهر انها موافقة على الي خطبها واسمه نواف بعد
فواز بحزن على حال وليد : والله مدري وش اقولك ......... بس هذا نصيب ومليون وحدة تتمناك
وليد بحزن : بس انا احبها
تنهد فواز بضيق على حال وليد
ببيتنا
دخل علينا فهد ورائد وهم مبتسمين
فهد+رائد : السلام عليكم
انا+امي : وعليكم السلام
فهد بأبتسامه وهو يجلس : ليش ما قلتي لي انك موافقة على بدر
انا بخجل : كنت مستحية وقلت لعمي
رائد وهو رافع حاجب ومبتسم : تستحين من اخوانك ولا تستحين من عمك ؟
انا بأندفاع : الا طبعا استحي منه بس هو قال لي اذا اخترتي ردي لي ........ بعدين ما يكفي اني كتبت الرد حقي بورقة لأني كنت مستحية من عمي
رائد+فهد : ههههههههههههههههههههههههههههههههههههههههههههههههه
انا : خلاص عاد ما صارت كل هذا ضحك
رائد وهو يضحك : وش نسوي ههههههههه تخيلت ههههههههههه شكلك ههههههههه كان يضضضضضحك هههههههههههههههههههههههههه
فهد الي رما نفسه على الارض من الضحك : هههههههههههههههههههههههههه اول مره اشوف وحدة تكتب الرد حقها بورقه ههههههههههههههههههه
امي بعتب وحزم : عيب عليكم هذا بدال ما تباركون لها
فهد ورائد وقفو ضحك احتراما لأمي
امي : وانتي ما عليك منهم وانشالله انا بكلم لولوه نتفق على موعد الملكة وباقي الامور
انا وانا ارقى لغرفتي : اوكي ............. (ورقيت)
...........................................نهاية البارت............................................
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
قبل ما انزل البارت :
حبيت اقول لكم :
اني ما احلل اي احد
كان يأخر الصلوات
بسبب الرواية
واتمنى لكم قراءة ممتعه ^^
البارت (40)
بعد يومين
بيت عمي محمد (جناح راشد ومنال)
(راشد كان جالس والشك يعتصر قلبه)
منال بدلع ماصخ : حبيبي انا بدخل اتحمم اوكي ؟
راشد من دون نفس : اوكي
(منال راحت للحمام تتحمم وتركت جوالها جنب راشد)
راشد كان يناظر الجوال ومحتار اذا يفتشه او لا وقرر انه يفتحه عشان يرتاح قلبه ........ دخل للقائمة وشاف الاسماء :
ماما
بابا
حبيبي رشود
سوسو
ميمي
ميمو
بشاير
غاده
مهى
دانة
ابوي محمد
امي امل
لولي
عمتي لطيفة
بيت جدتي
بيت عمتي
حبيبي احمد
(كانت كل الاسماء عادية بس الي جذبه هالأسم "حبيبي احمد" هو يعرف ان ولا واحد من محارمها اسمه احمد
يعني مين هذا ........ معقولة تخونه ؟)
راشد قرر يتصل على الرقم
احمد : هلا والله وغلا .......... كيفك حبيبتي منوله ؟
راشد انصدم كيف تتجرأ تخونه
احمد : منوله حبيبتي زوجك الدعله عندك ؟
راشد زادت صدمته وبدا الدم يفور بعروقه
احمد : منوووووول وينك ......... زوجك عندك ؟
(راشد سكر الخط بوجهه)
بعد 10 دقايق
(طلعت منال من الحمام وبدلت ملابسها وقعدت جنب راشد بدلع)
منال بدلع : رشود انا طفشانه طلعني
راشد بهدوء يسبق العاصفة : انتي بتطلعين مو بس من البيت من حياتي كلها
منال بدلع : رشوووووووووووود ليش قاعد تتكلم بالالغاز قولي وش السالفة
راشد عطا منال كف خلاها تطيح على الارض من قوته
راشد : منال انتي طالق..طالق..طالق .......... خذي كل اغراضك وروحي لبيتك
منال ودموعها بدت تنزل : ليييش ؟؟ ........... انا شسويت لك ؟
راشد بقهر : خنتيني والخيانة اصعب شي بالنسبة لي
منال تقلب وجهها بجميع الالوان وما علقت
(راشد طلع من الغرفة ونزل تحت عند امه وخواته)
خالتي امل : وين منال ؟
راشد : طلقتها
خالتي امل : نعم !!
راشد : طلقتها
خالتي امل بأنفعال : ليييييش ؟
راشد بقهر وصوت عالي شوي : خانتني يمه خانتني .......... انا لقيت عندها رقم واحد ...(قال بأستهزاء)... ومستميته حبيبي احمد
كانت دانة+مهى+بشاير+خالتي امل على وجيههم اكبر علامة استفهام وتعجب بنفس الوقت ما كانو مصدقين الي قاعد يصير
(ملاحظة : غادة ما كانت معاهم كانت عند زوجها فارس)
بعد ساعه
نزلت منال وكانت تبكي ومعها شنطتها
بشاير بعتب : منال
منال وهي تبكي قالت بصراخ وعصبية : ولا كلمة ......... كله منكم
الكل كان مصدوم .......... يعني هم وش دخلهم هي الي كانت تكلم رجاجيل يعني هي الي جنت على نفسها
(طلعت منال من البيت ومو بس من البيت ....... طلعت من حياتهم كلها وكانت اخر مره يشوفونها فيها)
اول ما طلعت منال من البيت تنهدت خالتي امل تنهيدة قوية طالعه من قلب
خالتي امل : ولا احد يدري عن السبب الي طلق راشد منال بسبته
دانة+مهى+بشاير+غادة الي جت اول ما قالت لها مهى : انشالله
دانة : على الاقل انكشفت قبل ما تحمل
خالتي امل وهي تجلس : ايه والله
غادة بنفاق : انا بروح انام
الكل : تصبحين على خير
غادة رقت فوق لغرفتها القديمة واتصلت على رغد
غادة بفرح : الو
رغد : هلا غادة
غادة : كيفك رغد ؟
رغد : الحمدلله بخير انتي كيفك ؟
غادة بفرح : بخير وصرت بخيييييير اكثر من اول
رغد بدلع : دوم انشالله هالفرحة .......... بس ليش ؟
غادة بفرح وحماس بنفس الوقت : راشد طلق منال
رغد مصصصصدومة : نعم !! ...... من جدك انتي ؟
غادة بفرح : ايه
رغد بشك : لا تكونين ورا السالفة يا غاده ؟
غادة : لا طبعا ....... خير وش شايفتني اصلا هي تستاهل
رغد بأستغراب : ليش ؟
غادة : بقول لك بس مو تقولين لوحدة من البنات
رغد بدلع : لا تخافين بس ليش ؟
غادة : راشد اليوم شاف في جوالها ........(قالت لها السالفة بلتفصيل الممل)
رغد : والله انها وقحه
غادة : من جد
رغد : هي ما تدري ان الي تسويه حرام ؟
غادة : مدري عنها ........... عموما خلاص مالنا دخل فيها ...(قالت بحماس)... الحين راشد يقدر يتزوج عبير
رغد وهي تتذكر : ايه صح ........ بتفرح عبير كثير بهالخبر يعني باقي فيه امل
غادة : يلا باي وروحي قوليلها
رغد : اوكي ........... باي (وسكرت الخط)
ببيت عمي فيصل (غرفة ماجد)
ماجد كان يرتب اغراضه ودخلت عليه خالتي خلود
خالتي خلود بأستغراب : ماجد ........ شتسوي ؟
ماجد : انا بسافر اكمل دراستي
خالتي : ليش يا ولدي ليش ؟
ماجد : انا قررت هالقرار وخلصت
خالتي بأستسلام : براحتك يا وليدي بس ليش ما قلت لنا قبل
ماجد : انا توني مقرر من كم يوم ..(بعدين وقف من على الارض وحب راسها ويدها).. عن اذن يالغالية بسلم على خواتي وابوي والشباب وعماني وجدي واروح للمطار طيارتي بعد 4 ساعات ولازم الحق عليهم اسلم عليهم
خالتي : الله يحفظك يا وليدي واول ما توصل دق علي بشرني انك وصلت بسلامه
ماجد : انشالله
ونزلت دموع خالتي على فراق ولدها البكر ....... ولدها ماجد
بخيمة الشباب الي ببيت الجد
ماجد دخل عليهم وقال
ماجد : شباب انا بسافر اكمل دراستي برا
الشباب بانت عليهم علامات التعجب بس كانو يحسبونه يمزح معهم
ماجد : ما ودكم تودعوني
رائد بصدمه : يعني صدق بتكمل دراستك برا ؟
ماجد : ايه
بعدين راحو كل الشباب يسلمون على ماجد ويودعونه
بدر : ماجد
ماجد التفت لبدر وابتسم
بدر : انا اسف اني خذيتها منك بس هذا قرارها و......
قاطعه ماجد : لا يا بدر لا تعتذر ......... انت مثل اخوي وانا فرحان لك والله يوفقكم مع بعض
بدر ابتسم وحضن ماجد بقوة
ببيتنا بالمجلس الرئيسي حق الحريم
امي : هلا والله تو ما نور البيت
ام حمد : منور بوجودك
امي : تسلمين والله
ام حمد : اكيد انتي تعرفيني
امي : ايه انتي سارة صح ؟
ام حمد : ايه
امي : والله ان لولوه قالت لي عنك تقول انك طيبة واخلاقك عالية وراقية وما فيه مثلك
ام حمد : يحليلها لولوه حتى انا والله ارتحت لها بعد قلبي هي
امي : وهذولا شهد ولينة بناتك صح ؟
ام حمد : ايه والله
امي : الله يحفظهم بسم الله عليهم
ام حمد : آمين
(بعد نص ساعه من السوالف)
ام حمد : والله يا نورة اني ابي اخطب بنتك العنود لولدي حمد
امي : والله نسبكم يشرفنا .......... بس بعد راي البنت مهم بالنسبة لنا تدرين بعد اذا تزوجت حمد بتروح للأمارات وبتبعد عن اهلها
ام حمد : ايه والله راي البنت اهم شي وخلوها تاخذ راحتها بالتفكير
امي : انشالله
ام حمد : يالله انا استأذن
امي : اذنك معك يا قلبي
(بعدين طلعت ام حمد وبناتها)
(نسيت اقول لكم ان عمي فيصل رجع لبيته مره ثاينة)
ببيت عمي فيصل (المكتب حق عمي فيصل)
عمي فيصل : مشالله يا سعود شغلك دقيق مره والكل يمدح فيك
سعود : تسلم
عمي : عن اذنك دقيقة بس اشوف وين القهوة كأنهم اخروها شوي
سعود : اذنك معك
(طلع عمي من المكتب)
وشوي ويعلى صوت البنات
رغد : ااااااااااااي فكيني
الهنوف : ليش تقولين لماجد مين الي بيحميني من المتوحشة الهنوف ؟
رغد وهي تبكي : والله ما اسويها مره ثانية بس فكيني
الهنوف : قولي توبه يا احلا وارق اخت بالعالم كله
رغد : توبه يا احلا وارق اخت بالعالم
الهنوف : كله
رغد : توبه يا احلا وارق اخت بالعالم كله
الهنوف بعد ما تركتها : ايه خلك كذا مؤدبه
رغد وهي تبكي : بعلم ابوي عليك
الهنوف : لحظة ابوي عنده ......(ما كملت كلامها لأن رغد طارت على مكتب ابوها)
بالمكتب
كان سعود يقرا بعض الاوراق الخاصة بالشغل
وفجأة انفتح باب المكتب بقوة ودخلت رغد وهي تبكي
(وكان شكل رغد البرئ كأنها ملاك)
رغد بدون ما تشوف الي قدامها : يبه شف الهنوف طقت......
(ما كملت كلامها لأنها انتبهت للي جالس قدامها وقاعد يناظرها بصدمه)
رغد زاد بكيها لما شافته وطلعت وهي تبكي
سعود : "هذي شسالفتها الحين ؟ ......... شكلها كانت تبي الاستاذ فيصل وما كانت تدري اني موجود ..... معقولة هذي زوجته ؟ .......... لالالالا مستحيل هذي صغيرة ......... انا ليش قاعد افكر فيها خلاص شفتها بالصدفة وخلا .... بس وربي انها حلوووووة كأنها ملاك مشالله ........... شكلها بنت الاستاذ فيصل لانها قالت يبه"
ببيتنا
امي بصوت عالي : العنود...العنود
العنود : لبيه
امي : تعالي ابيك شوي
العنود وهي تنزل : اوكي
(بعد ما قعدت العنود جنب امي)
العنود : هلا يمه وشش بغيتي ؟
امي : تذكرين سارة ام حمد الي كان يساعد اختك نوف يوم كانتو بدبي ؟
العنود : ايه اذكر حمد بس انا ما شفت امه بس شفتها ببيت جدي
امي : اليوم جدتني
العنود : ايه
امي : وخطبتك لولدها حمد
العنود طيرت عيونها
العنود بصدمه : صصدق ييمممه وللللا تكذذبين ؟
امي وهي تضحك : لا صدق
العنود صرخت صرخة يسمعها سابع جار
امي وهي حاطه يدينها على اذنها من قوة الصرخة : وجع وش هالصراخ يالعنود ؟
العنود بسرعه : قوليلهم موااااااافقه لو يبون الملكة اليوم ما عندي مشكله يلا دقي قوليلهم دقي دقي دقي
امي: هو العنود اثقلي بعدين هذا زواج مو لعبه
العنود وهي تجلس عند رجول امي : بس انا موااااااااااافقه افهمو
امي بحزم : اثقلي يا العنود وروحي لغرفتك وفكري زييين و اذا جا اخر الليل استخيري
العنود بأستسلام وهي ترقا الدرج : انشالله
(بعدين دخلت العنود علي بالغرفة)
العنود : احبببببببه والله احبه
انا بأستغراب : مين ؟
العنود : حمد
انا : الحمدلله والشكر بس
العنود : وهي تجلس على السرير : تدرين انه خطبني
انا لفيت على العنود وناظرتها يعني كملي
العنود : اليوم جت امه وخطبتني وانا وافقت بس امي تقول فكري زين هذا زواج مو لعب
انا : امي صح ....... شوفي انا كم قعدت عشان اختار بين بدوري وماجد
العنود بنص عين : بدوري ؟
انا : ااااااااااه يالعنود مدري وش اقول لك من وافقت عليه وانا احس اني بموت بدونه
العنود وعيونها تلمع وبصوت عالي : تحبينه ؟
انا بخجل : ايه
...........................................نهاية البارت............................................
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت (41)
العنود وعيونها تلمع وبصوت عالي : تحبينه ؟
انا بخجل : ايه
العنود وعيونها تلمع اكثر من اول : اخيرا اخيرا اعترفتي بالحب
انا : خلاص عاد روحي غرفتك وفكري بحمد اصرفلك
العنود وهي تطلع : اوكي
باليوم الثاني
بوحدة من قهاوي الرياض الشبابية
فواز : خلاص انت لازم تنساها
وليد : ما اقدر اقولك احبها ما اقدر افارقها
فواز : الايام كفيلة وانشالله بتخليك تنساها
وليد : الله يسمع منك
فواز وهو منزل راسه للأرض : وليد شرايك بمهى اخت راشد ؟
وليد بأستغراب : وش فيها ؟
فواز : بصراحه انا افكر اخطبها
وليد بصدمه : تخطبها ؟
فواز : ايه
وليد بفرح : وش تنتظر رح اخطبها يالله
فواز : تستهبل تبيني اروح الحين اخطبها ؟
وليد : طيب قل لأمك او اي احد اهم شي انك تصير نسيبنا
فواز ابتسم : بس وش يثبتلك انها بتوافق علي ؟
وليد : لأن اي بنت تتمنا واحد مثلك اخطبها وفكنا
فواز : انشالله بكره بكلم امي بالموضوع
وليد : والله اني فرحت كثثثثثثثير وانا مالي دخل بس والله فرحت لك
فواز ابتسم على كلام وليد
ببيت عمي محمد (الصالة)
عمي محمد : خلاص منال هذي انسوها ولا ابي اسمع اسمها بهالبيت
الكل : انشالله
خالتي خلود : راشد مو معناته انك تزوجتها وطلقتها انك ما تتزوج مره ثانية في الف بنت احسن منها تتمناك
راشد ببرود : انا راضي بالبنت الي تبينها
خالتي خلود ك بفرح : والله ؟
راشد بأبتسامه : والله .......... انا غلطت اكبر غلط بحياتي لما تزوجت منال اخطبي لي اي بنت
بشاير نطت من مكانها : شرايكم بعبير
(طبعا خالتي خلود نست السالفة من زماااان)
خالتي : ايه والله بسم الله عليها خشم وفم وعيون
مهى بأستهبال : اكيد خشم وفم وعيون يعني زعانف وقرون ومنقار مثلا ؟
الكل : ههههههههههههههه
خالتي : هاه يا وليدي شرايك ؟ ........... اخطبها لك ؟
راشد : ايه يمه اخطبيها
خالتي بفرح : خلاص يا وليدي اذا شفت امها كلمتها
عمي محمد : صدقني يا راشد انت ما راح تحصل مثل اخلاق بنت عمك
بعد اسبوع
ببيتنا (غرفة امي)
العنود بملل : كم مره اقولك استخرت وانا موافقة على حمد
امي : طيب خلاص ........ بدق على سارة الحين
العنود : يلا دقي
امي وهي تدق : يلا ما تشوفيني ادق
امي بعد ما ردت سارة : هلا والله
سارة : هلا وغلا
امي : شلونك شلون العيال ؟
سارة : الحمدلله بخير انتم كيفكم ؟
امي : الحمدلله على احسن حال ......... حبيت اقولك ان البنت موافقة وين بتلقى مثل ولدكم
سارة : الحمدلله الله يكتب الي فيه الخير
امي : بس البنت تبي تكمل دراستها
سارة : طبعا ما فيه اهم من الدراسة
امي : متى يناسبكم الوقت عشان الملكة
سارة : والله براحتكم بس انا افضل تكون بعد العيد بأسبوعين
امي : خلاص بقول للبنت وارد لكم
سارة : خذي راحتك .........(وسكرت الخط)
امي : العنود انتي موافقة ان المكلة تكون بعد العيد بأسبوعين ؟
العنود : ايه يمه موافقه ...(ناظرت ساعتها)... يمه تأخرت
امي بأستغراب : على وين ؟
العنود : مع لمياء بنروح نشوف مكان المحل حقنا احنا اشتريناه جاهز بس بقي الديكور
امي : اها ............ الله يوفقكم
العنود : آمين ..........(وطلعت من الغرفة ولبست عبايتها بما انها كانت جاهزة من اول وطلعت مع لمياء وعمي نايف)
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك