رواية ذكريات مراهقة -27
امي : متى يناسبكم الوقت عشان الملكة
سارة : والله براحتكم بس انا افضل تكون بعد العيد بأسبوعين
امي : خلاص بقول للبنت وارد لكم
سارة : خذي راحتك .........(وسكرت الخط)
امي : العنود انتي موافقة ان المكلة تكون بعد العيد بأسبوعين ؟
العنود : ايه يمه موافقه ...(ناظرت ساعتها)... يمه تأخرت
امي بأستغراب : على وين ؟
العنود : مع لمياء بنروح نشوف مكان المحل حقنا احنا اشتريناه جاهز بس بقي الديكور
امي : اها ............ الله يوفقكم
العنود : آمين ..........(وطلعت من الغرفة ولبست عبايتها بما انها كانت جاهزة من اول وطلعت مع لمياء وعمي نايف)
لمياء بدلع : متحمسة ما اقدر اتحمل اكثر من كذا
عمي نايف : اركدي يا بنتي ترا بالعجلة الندامة
العنود : لا تلومها يا عمي كلنا متحمسات
عمي نايف : الله يوفقكم بمشروعكم
العنود+لمياء : آمين
(بعد ربع ساعه وصلو للمحل ونزلو من السايرة ودخلوه)
العنود : احسن شي فيه انه كبير
لمياء : ايه والله
العنود : انشالله بفتح منه فرع بدبي
لمياء بأستغراب : ليش دبي ؟
العنود بخجل و بهمس للمياء : خطبني حمد
لمياء بفرح : مبروك الله يوفقكم
العنود : الله يبارك فيك
عمي نايف : وش تتهامسون فيه ؟
العنود : سلامتك بس كنت اناقشها بالالوان
عمي : اها
(بعدين قررو ان الوان المحل بتكون ابيض وذهبي)
(للتوضيح : المحل ما يدخله الا الحريم عشان لمياء والعنود ياخذون راحتهم فيه)
باليوم الثاني
الفطور ببيت عمي فيصل
عند الرجاجيل
(طبعا فواز وابوه معهم)
فهد : والله ماجد له فقدة
الشباب : ايه والله
فواز لأبوه بهمس : يالله يبه قله
ابو فواز بهمس : انشالله بس اثقل يا ولدي اثقل
ابو فواز بصوت واضح : احم يا ابو خالد
عمي محمد : هلا
ابو فواز : والله انا ودي اخطب بنتك مهى لولدي فواز
عمي محمد : والله ما فيه احسن من فواز لبنتي مهى ......... بس بناخذ شور البنت ونرد لكم
ابو فواز : خلوها تفكر براحتها
عمي محمد : انشالله
عند الحريم
خالتي امل بهمس لخالتي خلود : مثل ما قلت لك اني ابي عبير زوجة لولدي راشد
خالتي خلود بفرح : والله راشد رجال وما يعيبه شي بشوف راي البنت وابوها وارد لكم
خالتي امل : خلوها تفكر براحتها
خالتي خلود : انشالله
...........................................نهاية البارت............................................
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت (42)
بعد اسبوع
ببيت عمي فيصل
نزلت عبير وراحت عند امها
عبير : يمه
خالتي خلود : هلا
عبير بخجل : انا موافقة على راشد
خالتي خلود بفرح : الله يبشرك بالخير يا عبير ......... وترا راشد رجال وما يعيبه شي
عبير ابتسمت : اعرف وانا موافقة عليه
خالتي خلود : يالله انا بدق على امل ابشرها .......(بعدين دقت على خالتي امل الي فرحت بموافقة عبير على راشد)
ببيت عمي محمد
رجع راشد من الشركة وراح حب راس امه ويدها وقال
راشد : كيفك يمه ؟
خالتي : بخير الحمدلله ........... ابشرك عبير وافقت عليك
راشد بفرح : جد والله ؟
خالتي : ايه يا وليدي
راشد : متى الملكة ؟
خالتي : والله مدري ما حددنا يوم معين بس بعدين نشوف
راشد : اها
مهى بعد ما طلعت من غرفتها : يمه
خالتي : هلا
مهى بدون مقدمات : يمه انا موافقة على فواز ......... صح انه يقهر وودك تصفقينه اذا شفتيه بس موافقة عليه
خالتي+راشد : ؟؟؟؟؟؟؟؟؟
خالتي : خلاص الحين بدق على ابوك اقوله يقول لأبو فواز انك موافقه
مهى : يالله وانا برجع اكمل نومي
خالتي : تصبحين على خير
مهى وهي تدخل غرفتها : وانتي من اهله
راشد : هالبنت ما تستحي على طول ..(يقلد مهى).. انا وافقة على فواز
خالتي : هههههههههه خلها اهم شي انها بتعرس
راشد : الله يوفقها
ببيت عمي نايف (غرفة بدر)
بدر : يعني انت تحب الهنوف بس هي انخطبت ؟
وليد : ايه
بدر : غريبة محد قال لأمي شي
وليد : يمكن قالو بس هي ما قالت لنا
بدر : والله شي يحير الواحد .......... طيب انت سألت امي ؟
وليد : لا
بدر بأنفعال : طيب وش تستنى رح اسألها
وليد وهو يطلع من الغرفة : طيب....طيب
(بعدين نزل تحت وقعد مع امه وقال)
وليد : يمه الحين الهنوف انخطبت
لولوه بأستغراب من السؤال : لا ما سمعته ليش ؟
وليد بفرح : اخطبيها لي
لولوه سكتت دقيقة تستوعب الي صاير بعدين قالت بفرح : والله انك ماراح تلقى احسن من الهنوف الحين بدق على خلود اخطبها لك
وليد : يلا يمه دقي
(بعد ما دقت لولوه على خلود وقالت لها وفرحت خلود بهالخبر وقالت انها بترد لهم بعد اسبوع)
وليد : هاه يمه ؟ ........... وافقت
لولوه : لا بعد اسبوع بيردون لنا
ببيتنا (غرفة فهد)
رائد : تخيل يا فهد ان بدر خطب وراشد خطب وفواز خطب وحمد خطب ووليد توه مكلمني يقول انه خطب الهنوف
فهد : والله ما بقي الا احنا
رائد : من جد حتى خالد متزوج ومحمد بيجيه بالطريق
فهد : خلاص انا بعد بخطب صديقة نوف الي اسمها فجر
رائد وهو يضحك : حتى انت ؟
فهد : الظاهر الزواج صار موضة العائلة ........... وش ورانا نوف تقول ان البنت حولة خلني اخطبها
رائد : خلاص اخطب واذا تملكت انت انا بخطب لمياء
فهد : والله فكرة حلوة على كذا ما راح يجي الصيف الجاي الا وكلنا متزوجين انشالله
رائد : انشالله
فهد وهو يطلع من الغرفة : يلا انا بقول لأمي تخطب لي
رائد وهو يضحك : والله انك موب صاحي
فهد طنشه وراح لأمي
فهد : يمه
امي : هلا
فهد : يمه ما ودلك تخطبين لي ؟
امي : الا والله بس مين انت اشر وانا اخطبها لك
فهد : ابي فجر صديقة نوف
امي بفرح : فجر ......... ونعم الاختيار مشالله عليها ادب وجمال واخلاق اذا خلصت العده بخطبها لك
فهد : ليش موب الحين ؟
امي : عشان نروح نشوف البنت .......... بعد انت تدري ما اقدر اطلع بسبب الحدة
فهد : اها .......... اذا على كذا اوكي .......(وطلع)
وامي اتصلت على لولوه
امي : هلا والله ........... ترا خلاص يا لولوه بعد العيد بأسبوع بنحط الملكه ....... ايه .... ايه ....... تسلمين يا قلبي يلا حبيبتي مع السلامة (وسكرت الخط)
ببيت عمي محمد (غرفة مهى)
مهى : الو
....... : الو
مهى : السلام عليكم ....... اخوي هذا مركز شرطة الـ ......... ؟
........ : ايه اختي
مهى : حبيت ابلغ عن مشعوذة تلعب على الناس وتاخذ فلوسهم
.......... : ممكن العنوان اختي ؟
مهى : انا ما اعرف العنوان بس عندي رقمها واسمها
......... : طيب عطيني الرقم والاسم
مهى : اسمها ......... ورقمها ********
.......... : مشكورة اختي بس ممكن اعرف مين انتي ؟
مهى : فاعلة خير ...........(بعدين قطعت الخط وطلعت الشريحة من الجوال وذبتها بالزبالة)
بعد مرور اسبوع سريع على ابطالنا
اليوم يوم العيد والكل ببيت الجد الا امي لأنها بالحداد
كنا كلنا كاشخين
ورغد كانت تصورنا
(ملاحظة : رغد قررت تلتزم و غادة نفس الشي بعد ما اثرت عليها دلال)
خالتي امل بهمس لغادة : وين زوجك ؟ ........... المفروض يسلم على عمانك وجدك
غادة : مدري عنه .......... دقيت عليه قبل شوي وقال انه بالطريق
خالتي امل : اها
شوي ويرن جوال غادة
غادة بأستهزاء : ولد الحرام عند ذكره يبان
خالتي امل : عيب عليك ....... بعدين المثل ولد الحلال موب الحرم
غادة ردت على فارس بدون ما ترد على امها : الو
......... : الو اختي تعرفين صاحب الجوال ؟
غادة بأستغراب : "مين هذا ؟؟!!" ايه صاحب الجوال يصير زوجي
.......... : والله يا اختي زوجك صارله حادث ونقلناه لمستشفى .........
غادة : نعم ؟ .......... طيب دقايق ونكون موجودين ......(وسكرت الخط)
خالتي امل : خير شصاير ؟
غادة : فارس مسوي حادث
خالتي بصدمه وهي توقف : روحي قولي لأبوك بسرعه يلا
(بعد نص ساعه انتشر خبر الحادث والكل راح للمستشفى بس للأسف لما وصلو اكتشفو ان فارس توفى بحادث سيارة شنيييع)
غادة كانت تبكي بس ما كانت تدري هي دموع فرح ان الله انتقم لها من فارس او دموع الم على فراق زوجها المهمل
(طبعا ملكتي تأجلت لبعد العيد بشهر وملكة العنود بعد ملكتي بأسبوع)
بعد مرور شهر اليوم يوم ملكتي
بيتنا
كانو كل البنات بغرفتي
وكنا لابسين
انا فستان زهري فااااتح توب وطويل وكان ماسك لحد الخصر ومن تحت منفوش شوي ومن فوق كان فيه نقوش خفيفة بالابيض والبرونزي الفاتح وعلى الخصر شريطه لونا برونزي فاتح
فستان اسود سيور ماسك لحد الخصر ومن عند الخصر شريطة سودا مربوطة على جنب بشكل ناعم ومن تحت كان الفستان طبقات ناعم ومو منفوشة
ريما فستان سكري توب ماسك لحد الخصر ومن عند الخصر فيه شريطة صفرا مربوطة على ورا بشكل كبير شوي ومن فوق كان كله خرز سكري ومن تحت كان منفوووش لفوق الركبة
لمياء تنورة رصاصية ضيقة لفوق الركبة وبلوزة حرير موف وسيعه شوي واكمامها طويلة ومن جهة الصدر فيه بروش فضي ناعم على جنب
عبير فستان توب ماسك على جسمها جهة الصدر لونها ابيض ومن تحت لونه بني على زيتي وتحت الصدر فيه نقوش نااااااعمه بالخرز الابيض والفستان لفوق الركبة
الهنوف تنورة بيضا لنص الفخذ مخططة بالسكري وبلوزة برتقالية اكمامها ثلاثية وكانت البلوزة وسيعه
رغد فستان ربط على الرقبة لونه احمر من تحت عليه نقوش بالذهبي والابيض والاسود وماسك لحد الخصر بعدين يصير وسيع شوي لتحت الركبة بشوي
بشاير فستان توب كحلي اطرافه من فوق عليها كرستالات فضية وكان ماسك على جسمها
مهى فستان كت بيج ماسك لحد الخصر بعدين يصير وسيع واطرافه من تحت عليها نقوش ناعمه بالخرز الذهبي والبني والفستان كان لفوق الركبة بشوي
غادة ما كانت موجودة بسبب العدة
دانة فستان ربط على الرقبة من كجهة الصدر ضيق ومن تحت وسيع ومن جهة الصدر كان فيه نقوش بالابيص والاسود ومن تحت كان اسود
لينة فستان كت رصاصي ماسك على جسمها لفوق الركبة وعلى الفستان ورود رصاصية من نفس القماش حق الفستان
شهد فستان اسود منقط بالابيض سيور ماسك من جهة الصدر وتحت الصدر شريطة حمرا مربوطة على ورا بشكل ناعم ومن تحت منفوش
فجر فستان سيور اسود ماسك على جسمها لفوق الركبة وعلى الفستان نقوش بالخرز الاسود
(نرجع لغرفتي عند البنات)
انا بتوتر : بنات انا خايفة ما ابي انزل تحت
فجر : لا تخافين حبيبتي ...... كل الي تحت ناس تعرفينهم
عبير : بعدين انتي ما تشوفين نفسك ؟ .......... مشالله عليك كانك ملاك الله يحرسك
العنود : بيقولون انك احلا عروس بالدنيا كلها الله يحفظك
انا ابتسمت لهم وخف التوتر الي عندي
رغد بدلع : واقري الاذكار عشان ما تجيك عين
بشاير : ايه ترا بعض الناس اعوذ بالله ما تسكت هالايام تلقينهم اذا شافوك بيقولون شوفيها لبست شوفيها سوت اقري الاذكار عشان تحفظك بأذن الله
مهى : ولا تستغربين ترا بياكلونك بعيونهم
ريما : انتبهي لا تغلطين ترا اذا غلطتي بتصيرين علكة بحلوقهم
لمياء بدلع : وخلك ثقيلة موب تمشين بسرعه كأنك بتطيرين
دانة : واذا شفتي الحريم يتهامسون لا تهتمين منهم وتناظرينهم خلك عادي
الهنوف : ولا تقعدين كل شوي توزعين ابتسامات كأنك عانس وجاها النصيب وما صدقت تتزوج خليك عادي وان ابتسمتي ابتسامة عادي وناعمه
انا رجعت كشرت وزاد التوتر عندي اكثر من اول
عبير بعصبية : يعجبكم كذا وترتو البنت ؟
(شوي ونسمع صوت طق الباب)
العنود : مين ؟
رائد : خلو نوف تنزل عشان يسألونها
انا : الحين بجي
رائد : يلا
(بعدين نزلت مع رائد وكان الشيخ ورا الباب بيسألني)
الشيخ : بنيتي نوف عبدالعزيز الـ.........
انا بصوت واطي : نعم
الشيخ : انتي موافقة على بدر نايف الـ.......... ؟
انا بصوت مختفي : موافقه
الشيخ : يا بنتي انا ما سمعتك موافقة ولا لا ؟
انا : موافقة
الشيخ : عندك اي شروط يا بنيتي ؟
انا : لا
الشيخ وهو يعطي رائد الدفتر : وقعي يا بنيتي
(بعد ما وقعت)
الشيخ : على بركة الله
عند الرجاجيل
بدر بيتقطع من الوناسة
رائد : مبروك يالنسيب
بدر بفرح : الله يبارك فيك
فهد : يالله ما ودك تقعد مع نوف ؟
بدر : الا
فهد : يلا تعال معي
(بعدين دخلو بدر المجلس وبعد خمس دقايق رحت عنده وجلست جنبه وانا مستحييه)
بدر : مبروك
انا بصوت هادي وخجل : الله يبارك فيك
رائد : يلا خلص الوقت
بدر بنرفزة : وش الي خلص الوقت ؟ .......... توني شايفها
فهد : يلا يا رائد بلا هبال امش نطلع نخليهم ياخذون راحتهم
رائد : لا اخاف بعدين .....
ما كمل كلامه لأن فهد سحبه من يده وطلعه
بدر بعد ما طلعو التفت علي ومسك يدي وقال وقال برومانسية
بدر برومانسية : احبك
انا دورني ودي تنشق الارض وتبلعني من الخجل
بدر : انتي تحبيني ؟
انا بخجل : ايه
بدر : ايه وشو ؟
انا بخجل وصوت واطي : احبك
بدر : ااااااااه بس ويلوموني بحبك
انا خلاااااااااااااااااااااااص اختفيت من الوجود
بدر : ما راح اطول عليك حبيبتي ........ عندك رقمي ؟
انا : ايه
بدر : خلاص بعدين بتصل عليك
انا : اوكي
(بعدين قام بدر ووقف عند الباب ولما جا بيطلع قال)
بدر : انتبهي لنفسك زين
انا بخجل : اوكي ....... انت بعد انتبه لنفسك
بدر بأبتسامه : اوكي ..........(وطلع)
(بعدين رقيت للبنات ومر الوقت وتمت الملكة على خير بحمدالله)
انا كنت بغرفتي اقرأ قرآن وعندي ريما والعنود وشوي ويرن جوالي
العنود وريما التفتو علي
انا : خير
العنود : مين ؟
انا وانا اطلع برا الغرفة : مالك دخل
(بعد ما رديت)
انا : الو
بدر : هلا والله وغلا بهالصوت
انا وانا مستحية : هلا بك
بدر : كيفك ؟
انا بخجل : الحمدلله
(مرت فترة صمت لدقايق)
بدر برومانسية طالعه من قلب : ااااااه بس احبك
انا مستحية : ..........
بدر : ليش ساكته ؟
انا : ..........
بدر : مستحية مني ؟
انا بصوت واطي : ايه
بدر ابتسم بدر وحب يحرجني وقال : فديت الي يستحون
انا : ...........
بدر : هههههه خلاص بسكر الحين وبعدين بدق عليك ........ اوكي قلبي ؟
انا بخجل : اوكي .......... باي ...(وسكرت الخط)
(بعدين رحت ودخلت الغرفة)
العنود بلقافة : مين الي اتصل عليك ؟
انا بنرفزة : مالك دخل
العنود بمكر : دام انه مالي دخل اكيد بدور
انا : خير
العنود بأستغراب : وشو ؟
انا : ليش تسمينه بدور ؟
العنود بنص عين : بدينا الغيرة من الحين
انا حمرت خدودي وقلت بتصريفة : ريما شتسوين ؟
(ريما كانت قاعده على الاب توب)
ريما بحماس وهي متشققة من الوناسة : قاعده اشوف فلم رعب ......... فللله كله تقطيع ووناسة
انا : الحمدلله والشكر بس
العنود بسخرية : لازم ندخلك العسكرية بصراحة
انا وانا اجلس على السرير : بيعطونها رتبة شرف على شجاعتها
ريما : ياليت والله
العنود بعد ما جلست جنبي : وش شعورك بعد ما صرتي زوجة بدر ؟
انا : اااااااه ........ مستااااااااااااااااااااااانسة ...... يختي مدري شفيني صرت احببببه
العنود : ااااااااه بس متى يمر هالاسبوع عشان اصير زوجة حمد واكلمه
ريما تركت اللاب وجلست على السرير وقالت : ااااااااااااااااااه بس متى اتزوجه
انا+العنود بأستغرااااااب وصصصدمة : مين ؟
ريما : المصارع الي صورته معلقها تريك بغرفته
العنود بأستهزاء : هذا الي تقدرين عليه مصارعين
ريما بهبال : يليت فيه مصارعين سعودين احس فلللله بصير ما افوت ولا مصارعه
انا : الله يخلف علي ما عندي خوات صاحيات
(بعد مرور 3 ايام)
ببيت عمي فيصل
كان عمي فيصل جالس يراجع اوراق مع سعود بالمكتب حقه
سعود كان يتذكر رغد يوم دخلت عليه تبكي وتدور ابوها
عمي فيصل : هذي الاوراق ما تحتاج توقيع ........ وهذي وقعتها بس يليت تراجعها عشان تتأكد منها
سعود : اوكي
شوي وتدخل رغد مدرعمه على عمي
رغد وهي تبكي : يبه شف عبير ما تخليني اكلم مجود
عمي فيصل كان مصصصصصصدوم
رغد وهي تبكي : يبه...يبه
عمي فيصل بعصبية : رغد اطلعي من المكتب انتظريني برا
رغد طلعت بدون نقاش
بنفس البيت بس بالصالة
كانت عبير تكلم ماجد وتسولف معاه
(شوي وتنزل الهنوف وتقعد جنب امها)
الهنوف : يمه
خالتي خلود : هلا
الهنوف : انا موافقة على وليد
خالتي خلود بفرح : مبروك يالهنوف مبروك ....... كللللللللللوش
ماجد سمع صوت الزغاريط وقال بأستغراب : شسالفة هالزغاريط ؟
عبير بأستغراب : مدري .......... يمه ليش تزغرطين ؟
خالتي خلود بفرح : الهنوف وافقت على وليد
عبير بأبتسامه وهي تكلم ماجد ك الهنوف وافقت على وليد
ماجد : جد ؟ ........... قوليلها الف الف مبروك الله يوفقها انشالله
عبير : يوصل ......... الا ماجد ما عندك نية تتزوج وحدة من الشقر الي عندكم
ماجد ابتسم : لا والله ما عندي نية يا زين بنات السعودية بس
عبير : وه بس فديتك ............ هذا الرجال الصاحي
ماجد ابتسم : وانتي متى ملكتك على رشود ؟
عبير : بعد ثلاث اسابيع انشالله
ماجد : انشالله ......... نوف تملكت على بدر ؟
عبير بتردد : ايه
ماجد : الله يوفقهم
عبير : آمين
(عند باب المكتب بعد ما طلعت رغد وهي تبكي من الفشيلة)
عمي فيصل بعصبية : انا ما قلت لك لا تدخلين المكتب بدون ما تطقين الباب ...... انتي ما تعرفين ان فيه ناس يجوني بهالمكتب ؟
رغد وهي تبكي : والله نسيت بس عبير قهرتني تكلم مجود ولا تخليني اكلمه
عمي فيصل : الحين انتي تبكين عشانها ما خلتك تكمين ماجد ؟
رغد وهي تبكي : ايه
عمي فيصل : الحمدلله والشكر بس .......... روحي وقوليلها تخليك تكلم ولا يا ويلها مني
رغد وهي تمسح دموعها وتروح لعند عبير : انشالله
(بعد مادخل عمي فيصل المكتب كان سعود مفهي يتذكر الموقف الي فات وهالموقف)
عمي فيصل بفشله : سامحنا ما كانت تدري ان فيه رجاجيل هنا
سعود : لا عادي
(ورجعو يكملون شغلهم وسعود يفكر برغد)
...........................................نهاية البارت............................................
بصراحة انصدمت من قل الردود هالفترة
واتمنى تنوروني بردودكم وما تحرموني منها
^^
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت (43)
بعد مرور يومين (اليوم الي قبل يوم ملكة العنود)
بوحدة من شوارع الرياض
كان الطريق زحمه واصوات الاسعاف وسيارة الشرطة تملى المكان
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك