رواية ذكريات مراهقة -28
البارت (43)
بعد مرور يومين (اليوم الي قبل يوم ملكة العنود)
بوحدة من شوارع الرياض
كان الطريق زحمه واصوات الاسعاف وسيارة الشرطة تملى المكان
كان الحادث قوي
وسيارة الاسعاف نقلت المصابة للمستشفى بسرعه
بس للأسف المصاب كان ميت
خذو جوال المصابة ودقو على الرقم المسجل بأسم "بابا"
ببيت عمي فيصل
خالتي خلود كانت تكلم بالتيليفون
خالتي خلود بأبتسامه : انشالله ........ انشالله ....... بس عطونا اسبوع نخلي البنت تفكر ونرد لكم ...... يالله مع السلامة
عبير وهي تقرا بوحدة من المجلات : مين تكلمين ؟
خالتي خلود : هذولا ناس خاطبين رغد
عبير بعد ما تركت المجلة قالت : من اي عائلة ؟
خالتي خلود : عائلة الـ........
عبير : اها ........... والله عائلتهم معروفة وما عليها
خالتي خلود : ايه والله ......... ناديلي رغد
عبير وهي تقوم : انشالله
(بعدين راحت نادت رغد ونزلت رغد)
رغد وهي واقفة قدام امها : هلا يمه وش بغيتي
خالتي خلود بأبتسامه وهي تأشر جنبها : اقعدي يا بنيتي اقعدي
رغد وهي تقعد : شسالفة ؟
خالتي خلود : اليوم فيه ناس خطبوك اليوم
رغد وجهها صار طماطه
خالتي خلود ابتسمت على شكل بنتها : والعائلة ما عليها والرجال يشتغل عند ابوك وابوك في الرايحة والجاية يمدحه لنا
رغد كانت مستحييييية : .........
خالتي خلود : انتي فكري زين بالموضوع معك اسبوع كامل عشان تردين لي
رغد بخجل : انشالله
خالتي خلود : واستخيري وفكري زين
رغد : انشالله .......(بعدين رقت فوق لغرفتها ودخلت وتنهدت بقوة)
رغد بدلع : لا يكون الموظف هذا الي دخلت عليه مرتين بالغلط
(بدت تبكي)
رغد وهي تبكي : ليش يصير معي كذا ليش ؟
مرت الهنوف من عند غرفة رغد وسمعت صوت بكيها
الهنوف دخلت على رغد وقالت بخوف : شفيك ؟
رغد وهي تبكي : ..........(قالت للهنوف السالة من اول ما دخلت عليه المره الاولى الى ان اخطبوها اليوم)
الهنوف بأبتسامه : طيب عادي انا ما اشوف ان فيه شي يفشل ........ وانتي استخيري وشوفي
رغد وهي تمسح دموعها : رايك كذا ؟
الهنوف : طبعا .......... بالذات ان الرجال ما عليه كلام
رغد : اوكي
(طلعت الهنوف من الغرفة ورغد دقت على غادة تستشيرها)
ببيتنا
كان الوضع حوووووسة لأننا نجهز لملكة العنود الي بكره
(شوي وتدخل علينا لمياء)
لمياء بمرح : السلام عليكم
البنات وامي : وعليكم السلام
لمياء وهي تجلس : كيفكم ؟
الكل : الحمدلله
امي : انتي كيفك ؟
لمياء : بخير الحمدلله
العنود : شخبار ديكورات المحل ؟
لمياء : توهم يشتغلون فيها ........ بس صبغو الجدران وما بقي الا تنشف وندخل الاثاث
انا : لموي
لمياء : هلا
انا : شرايك تصممين لي فستان لملكة عبير ؟ ........ سنة ادور على فستان ولا لقيت
لمياء بدلع : فكرة حلوة ......... من عيوني بصمم لك احلا فستان
انا ابتسمت
العنود : عشانك الزبونة رقم واحد بنخليها مجانا
انا : هههههه اوكي
بوحدة من المستشفيات (مكتب الدكتور المسؤول عن حالة المريضه)
ابو المريضة بحزن : يعني يا دكتور هي احتمال ما تمشي
الدكتور : ايه ........ واذا تبون تسفرونها برا سفروها وراح يقولون لكم نفس الكلام
ابو المريضة بحزن : لا حول ولا قوة الا بالله
الدكتور : بالنسبة لولدك الي كان معها ....... عظم الله اجرك فيه لأنه مات
ابو المريضة بأستغراب : ولدي ؟
الدكتور : ايه ولدك .......... هي كانت مع واحد بالسيارة
ابو المريضة : بس انا ما عندي الا ولدين وكلهم مسافرين
الدكتور : والله انا معرف وش اقول لك ..... بس كان معها واحد
ابو المريضة : يمكن السواق
الدكتور : مو السواق لأنها كانت راكبة جنبه
ابو المريضة بعصبية : هالواطية الي ما تستحي وطت راسنا بالارض الله ياخذها ....... وينها اذبحها وينها ؟
الدكتور : هي الحين بغرفة العمليات ...... واذا طلعت رجاءً خلافاتكم حلوها بعيد عن المستشفى
ابو المريضة : وهو يقوم يصير خير
الدكتور : لحظه ......... يليت تعطينا بيانات بأسم المريضة
ابو المريضة : ليان سعد الـ.........
(بعد نص ساعه طلع من المكتب متوجه لبيته عشان يفكر وش يسوي فيها اذا صحت بعد العملية)
(مر اليوم مثل اي يوم من الايام)
بغرفة العنود كانت الكوافيرة تزين لها شعرها
انا : افرحي اليوم بتصيرين حرم حمد مبارك الـ........
العنود ابتسمت لي
(شوي ويدخلون بشاير ومهى)
بشاير : الف الف الف مبروك
مهى : كلللللللوش
العنود ابتسمت بحرج
ريما : وانتي بس توزعين ابتسامات
لمياء : بنات انزلو بدو يجون الضيوف
انا : اوكي ......... بشاير خلك عند العنود عشان اذا احتاجت شي وانا والبنات بننزل
بشاير : لا والله بقعد يرضيكم ان مهى انخطبت قبلي ......... خلني اضبط لي كم عجوز
لمياء بحنان : انا بقعد معها فديتها
بشاير : سويتي خير ......(بعدين نزلت مع البنات)
تحت
راحت بشاير تضبط لها كم حرمة وريما راحت تستهبل شوي على العجز وانا مع امي نستقبل الضيوف ومهى كانت واقفة معنى
انا : مهى ليش ما قلتي لي انك انخطبتي
مهى : تو امي قايلة لي اليوم
انا : وانتي وافقتي ؟
مهى : مدري انتي شرايك ؟
انا : مين الي متقدم لك ؟
مهى بحقد : فوازوه
انا وانا اضحك : هههههههه عاد تصدقين ترا ما عليه .......... انسي المواقف الي فاتت وفكري فيه كزوج
مهى : انشالله ......... بس انتي تشوفينه زين بالنسبة لي
انا : بصراحه ايه ....... بس بالاول والاخير القرار يرجع لك
مهى تنهدت بعدين قالت : بأستخير واشوف وش اخرتها
(شوي ويدخلون بنات عمي فيصل وخالتي خلود وسلمنا عليهم)
الهنوف : وين عنودي ؟
مهى : فوق بغرفتها مع لمياء
الهنوف جت بتروح فوق مع عبير ورغد للعنود بس انا مسكت يدها
انا : صدق الي سمعته
الهنوف بأستغراب : عن ايش ؟
انا بمكر : وليدوه
الهنوف بخجل : ايه
انا : فلللللله يعني انا وانتي بنكون بنفس البيت
الهنوف : تصدقين ما فكرت فيها
انا : وناسة بنصير مع بعض احنا الثلاثة
الهنوف : ايه والله بنصير نسوي مقالب مع بعض
انا وانا اضحك : هذا الي همك
الهنوف وهي تضحك : وش ورانا خلينا ناخذ راحتنا
انا : ايه والله
الهنوف : يالله انا بروح لعنود مع عبير ورغد
انا : اوكي
(بعدين رقت فوق للعنود وعبير ورغد ولمياء)
انا فستان كت اسود واكمامه كانت من قماش دانتيل اسود ونقوشة كان ناعمه وحلوة اكمامه طوال ووسيعه واخر الكم كان ممسوك والفستان كان ماسك على جسمي وتقريبا ضهري طالع بس الي يغطيع قماش الدانتيل والفستان لفوق الركبة
العنود فستان سكري سيور ومغطيه قماش دانتيل نقوشه كانت ناعمه والفستان ماسك لحد الخصر بعدين يصير عادي واطراف الفستان من فوق فيها خرز سكري ومعطية الفستان شكل حلو والفستان كان طويل
ريما فستان توب فوشي ومن فوق كان قماش شفاف فوشي وكان كت والي يفصل بين القماش الشفاف والقماش العادي شريطة فوشية صغيييرة مربوطة على قدام بشكر ناعم والفستان كان لنص الفخذ ووسيع شوي
بشاير فستان رصاصي نص كم واكمامه منفوشة والفستان ضيق ولفوق الركبة ومن ورا ظهرها طالع شوي
مهى فستان توب كحلي ضيق لفوق الركبة واطراف الفستان من فوق فيها شريطة حمرا مربوطع على قدام بشكل ناعم وحلو وتحت الشرياطة كان فيه كرستالات حمرا صغااااااار وشوية
غادة ما كانت موجودة بسبب العدة
عبير فستان كت من فوق الصدر قماش ابيض حرير ومن تحت قماش اسود بس ما كان حرير كان نوع ثاني والي يفضل بين القماشين كرستالات سودا مصفوفة بشكر مرتب وناعم والفستان لفوق الركبة
الهنوف فستان سيور احمر كان ضيق لحد الخصر بعدين يصير وسع شوي وعلى الخصر شريطه حمرا عريضة شوي مربوطة على قدام ولفوق الركبة والسيور حقه كان شريطة صغيرة حمرا ومن ورا كانت الشرايك على شكل x
رغد فستان اخضر فااااتح سيور فتحة الصدر على شكل 7 وتحت الصدر فيه شريطة تفاحية مربوطة على قدام بشكر ناعم ومن تحت كان الفستان وسيع وفيه طبقات عشوائية بنفس لون القماش بشكل ناعم معطية الفستان فخامة وكان الفستان لتحت الركبة بشوي
دانة فستان كت موف فاتح وفتحة الصدر على شكل 7 كان الفساتن لفوق الركبة واطراف الفستان من تحت كان فيها كرستالات صغاااار الوانها درجات الموف وكان وسيع
(فجر كانت موجودة بناء على طلب مني)
فجر فستان سماوي توب ومن جهة الصدر ضيق وفيه كرستالات صغااار ملونة بدرجات الازرق ولون البحر بعدين شريطة بلون البحر مربوطة على ورا بشكل ناعم ومن تحت الفستان وسيع لفوق الركبة
لينة فستان اسود سيور ماسك لحد الخصر بعدين بالفستان طبقات بس مايلة شوي ومنفوشة شوي مرة واطرافها كان عليها شريطة ملونة لنص الفخذ
شهد فستان كت اسود ماسك من عن الصدر بعدين منفوش وتحت الصدر فيه شريطة سودا عريضة مربوطة على ثدام بشكر مرتب وحلو والفستان لفوق الركبة
وقعت العنود ودخلت المجلس عشان يشوفها حمد
(دقيقتين ودخل حمد ومعه رائد وفهد)
حمد جلس جنب العنود وقال برومانسية : الف مبروك
العنود بخجل : الله يبارك فيك
(فهد اشر لرائد انهم يطلعون وطلعو)
حمد وهو يتأمل العنود : طالعه قمر الله يحرسك
العنود استحت وحمرت خدودها
حمد : العنود انتي ايش تخصصك بالجامعه ؟
العنود : ادب انقليزي
حمد : حلو يعني تقدرين تكملين بالامارات
العنود : ايه
حمد : انا بطلع الحين .......... عطيني رقمك عشان اتصل عليك
(بعدين خذا الرقم منها وطلع)
واول ما طلع العنود تنهدت تنهيدة قويييية لأنها بجد كانت متوترة
(مر الوقت وتمت الملكة على خير والكل رجع لبيته)
انا وريما كنا جالسين على الارض قدام غرفة امي الي مقفلة الباب وماخذة العنود معها واحنا نبي ندخل عشان نستهبل عليها وكانت اشكالنا مصخرة
انا : افتحو الباب ........ انا يوم تملكت ما تدلعت مثلك
امي : يلا روحو على غرفكم نومو احسن لكم وخلوني مع بنتي
ريما : واحنا موب بناتك يمه
امي : عيب عليكم ويلا روحو لغرفكم يلا
انا+ريما بأستسلام : اوكي .........(وراحت كل وحدة على غرفتها)
وانا اول ما دخلت غرفتي اتصلت على مهى
انا : الو
مهى بهبال : هلا وغلا بهالصوت
انا تذكرت بدر يوم يقول نفس هالكلام وتقلب وجهي الوان
مهى بأستغراب ك شفيك ؟
انا : هاه ؟ ......... لالالا ولا شي
مهى : شعندك داقة ؟ <<<<<ما عندها وقت
انا : يختي طفش ......... ليتك نتمتي عندنا
مهى : انا اذا رجعت من مناسبة ما احب انام عند احد احب اول ما ارجع بيتنا اتسبح واروق
انا : ليش ؟
مهى : مدري كذا
انا بأستهبال : شكل امك وهي حامل بك توحمت بديتول
مهى : ههههههههههه
انا : الا شخبار رقم المشعوذة
مهى : مدري انا بلغت عليها وبس ...... بس الظاهر انهم داهموها
انا : اها
(بعدين قعدنا سوالف وهبال .......الخ بعدي سكرنا الخط ورحنا ننوم)
باليوم الثاني
انا قمت الصباح ونزلت عشان افطر قبل ما اروح للجامعه
رائد : يمه كم بقي وتخلص عدتك ؟
امي : شهرين وكم يوم ......... ليش ؟
رائد : يمه انا بخطب
امي بفرح : هذي الساعه المباركة ........... انت وفهد ونوف والعنود بتتزوجون مره وحدة ؟ ...... ما اصدق
رائد : يعني اذا خطب فهد بتخطبين لي ؟
امي : طبعا ......... بدور لك انشالله على وحدة زينة وذربة
رائد بأبتسامه : لا يمه انا حاط عيني على وحدة
امي : من بنات عمانك ؟
رائد : ايه يمه
امي بفرح : مين ؟
رائد : لمياء يمه
امي بفرح : من عيوني ........ لمياء بنت ناعمه وحلوة وسنعه ........ بخطبها لك اذا خلصت العده
رائد قام وحب راس امي وقال : شكرا يا احلا ام بالدنيا
امي ابتسمت
انا بعد ما خلصت اكل : الحمدلله ............ يلا انا طالعه بروح للجامعه
امي : موب كأنه بدري
انا : لا يا يمه الله يهديك وش الي بدري ؟ ...... انا متأخرة مره .........(وطلعت من البيت للجامعه)
بالجامعه
فجر وهي تسلم علي : صباح الخير
انا : صباح النور .......... كيفك ؟
فجر : بخير انتي كيفك ؟
انا : الحمدلله
فجر : وين العنود ؟
انا : ماراح تداوم اليوم .......... تقول مستحية
فجر : هههههههه يحليلها
انا : وصلت مهى وبشاير ؟
فجر : ايه مهى قاعده تتمشى مع صديقتها اسيل و بشاير ما شفتها
انا : اها ......... طيب امشي تأخرنا على المحاظرة
فجر : يلا
(بعد ما خلصت المحاظرة)
انا : خلينا نروح نفطر
فجر : يلا انا بموت من الجوع
انا : حتى انا
(رحنا للكفتيريا وجلسنا مع مهى وصديقتها اسيل)
انا : كيفك اسيل ؟
اسيل : الحمدلله بخير ......... انتي كيفك ؟
انا : الحمدلله
اسيل : مبروك
انا : عقبالك
انا : وين بشاير ؟
مهى : ما عندها محاظرات اليوم
انا : اها
(بعدين قعدنا ناكل)
اسيل وهي تناظر ساعتها : يلا مهى تأخرنا على المحاظرة
مهى : اوكي انتي روحي وانا بلحقك
اسيل وهي تقوم : اوكي .........(بعدين راحت)
فجر وهي تقوم : انا بروح اكلم الدكتورة واجيكم
انا : اوكي انتظرك
(بعدين راحت فجر)
مهى : نوف ........ انا قررت اوافق على فواز
انا بأبتسامه : كنت حاسه بهالشي
مهى ابتسمت
(شوي ويرن جوالي)
انا : الو
بدر : هلا والله
انا : اهلين
بدر : كيفك ؟
انا : الحمدلله انت كيفك ؟
بدر : بخير دامك بخير
انا استحيت
بدر : انتي متى بتطلعين من الجامعه ؟
انا : على الساعه 1 تقريبا
بدر : خلاص جهزي نفسك بجي اخذك ونطلع نتغدى مع بعض
انا : لا
بدر : وشو لا ؟
انا : مدري
بدر وهو يضحك : الساعه 1 بكون عند الباب
انا : لالالالالالا
بدر : وشو لا
انا : مدري
بدر مات من الضحك
انا : شفيك تضحك ؟
بدر : اجيك الساعه وحدة ولا لا ؟
انا : لا
بدر : ليش ؟
انا : استحي
بدر : فديت الي يستحون
انا : بــــــدر
بدر : طيب خلاص خلاص ........... بس خليك جاهزة على الساعه وحدة
انا : بس
بدر قاطعني : خليك جاهزة على الساعه وحدة
انا بأستسلام : اوكي
بدر : احــــبــــك
انا استحييييييت
بدر : هههههههههه شفيك ليش ما رديتي ؟
انا : ...........
بدر : حبيبتي انا عندي شغل اكلمك بعدين ........ باي
انا بصوت واطي : باي ...........(وسكرت الخط)
بوحدة من مستشفيات الرياض
صحت من تأثير البنج بس كانت خايفه من ابوها لأنها عرفت انه عرف عن انها كانت مع واحد
ابو ليان بعد ما دخل للغرفة قال بسخرية : انبسطتي الحين ؟ ........ خلاص وطيتي راسنا بالارض ما في شي اشين من كذا
نزلت دموعها لا اراديا من كلام ابوها الي مثل السكاكين
ابو ليان : قوليلي احنا بس وش سوينا لك عشان تسوين فينا كذا ؟
ليان تبكي : .........
ابو ليان ناظرها نظرة حسرة وقال : حسابي معك بعدين
ليان كانت خايفة من الشي الي بيسويه ابوها والف فكره وفكرة تدور براسها
على الساعه وحدة
(طلعت من الجامعه بعد ما قلت لأمي اني بروح مع بدر طبعا)
انا كنت بركب ورا بس بدر عطاني نظرة يعني اركبي قدام
بدر بأبتسامه : تو ما نورت السيارة
انا بخجل : منورة بصاحبها
(بعدين حرك السيارة)
بدر : تدرين غيرت لوحة سيارتي ؟
انا بأستغراب : ليش ؟ .......... انت لوحة سيارتك كانت " ب د ر " على ما اتوقع
بدر بأبتسامه : اذا نزلنا من السيارة شوفي وش حطيتها
انا وانا مستغربة : اوكي
(وانا افك اللثمه)
بدر بأستغراب : شتسوين ؟
انا : افك لثمتي
بدر : ليش ؟ ........ نسيتي اننا برا البيت ؟
انا : احنا بالسيارة ومحد منتبه لي ....... بعدين انت محرم لي يعني عادي
بدر تنهد بضيقة...ما كان وده يناقشني عشان ما يضايقني وبنفس الوقت متضايق من حركتي ..... بس انا انتبهت لحركته ورجعت تلثمت عشانه
بدر بأستغراب : ليش تلثمتي ؟
انا بأبتسامه وبخجل : ما اقدر اشوفك متضايق مني
بدر ابتسم ومسك يدي وقال : احــــبــــك
انا استحيت وحمر وجهي
بدر : يا زينك وانتي مستحية
انا : .........
(بعد ما وصلنا)
بدر نزل من السيارة وفتح لي الباب قبل ما افتحه
انا : ليش فتحت الباب ؟ ....... انا اقدر افتحه
بدر ابتسم وما رد
(بعد ما نزلت)
بدر : شوفي لوحة السيارة
انا بعد ما شفتها
بدر بأبتسامه : شرايك فيها ؟
انا : لهالدرجة ؟
بدر : واكثر من الي تتصورينه ....... نوف انا مو بس احبك انا اعشقك اموت في التراب الي تمشين عليه
انا مستحية : ..........
(طبعا كانت لوحة السيارة " ن و ف ")
بدر : يلا خلينا ندخل المطعم الحين
انا : اوكي .......(بعدين دخلنا المطعم وطلبنا وقعدنا ننتظر الاكل يجينا)
بدر : وين تبين شهر العسل ؟
انا بخجل : تونا بدري
بدر : بس حتى ولو نفكر من الحين
انا : انت شرايك ؟
بدر : انا اقول روما
انا : شرايك بجنيف ؟
بدر : ايه جنيف حلوة ........... تبين نروح لها ؟
انا : براحتك ........... اذا عجبتك ليش لا ؟
بدر بأبتسامه : خلاص انشالله بنروح لجنيف
انا : اوكي
(بعدين جا الاكل وقعدنا ناكل)
بببتنا (غرفة العنود)
(كانت تكلم حمد بالجوال)
حمد : لش ما داومتي اليوم ؟ .......... انشالله مو تعبانه ؟
العنود : لا انا مو تعبانه بس عشان ..(توهقت)
حمد : عشان ايش ؟
العنود : دكتورتنا قالت انها بتغيب اليوم قلت اغيب
حمد : اها
العنود تضيع الموضوع : شخبار الشركة ؟
حمد : الحمدلله والله امورها كل شوي تزين اكثر من اول
العنود : اها
حمد : انتي شخبار مشروعك انتي وبنت عمك
العنود : الحمدلله ماشي .......... بس بقيلنا كم شغله
حمد : اها .......... يعني لسا ما بديتو تصممون وتبيعون ؟
يتبع ...
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك