رواية ذكريات مراهقة -29
العنود تضيع الموضوع : شخبار الشركة ؟
حمد : الحمدلله والله امورها كل شوي تزين اكثر من اول
العنود : اها
حمد : انتي شخبار مشروعك انتي وبنت عمك
العنود : الحمدلله ماشي .......... بس بقيلنا كم شغله
حمد : اها .......... يعني لسا ما بديتو تصممون وتبيعون ؟
العنود : لا تونا ....... يعني الحين ما نصمم الا بالطلب
حمد : اها .......... الله يوفقكم انشالله
العنود : انشالله
حمد : يلا قلبي انا بسكر الحين توصين على شي ؟
العنود : سلامتك ........ باي
حمد : مع السلامة ..........(وسكر الخط)
(بعد مرور اسبوع سريع على ابطالنا)
ببيت ليان (غرفة ليان)
(طبعا استقرت حالتها وطلعوها من المستشفى)
ليان بخوف :"اكيد الحين ابوي بيذبحني على الي سويته"
(شوي ويدخل ابو ليان)
ابو ليان : لا تخافين انا ما راح اذبحك
ليان كانت خايفة وزاد خوفها من كلامه
ابو ليان راح لليان وعطاها كف محترم لدرجة ان اصابعه بانت على خدها
ليان كانت مصدومة ودموعه تنزل على مكان الكف وتحس خدها يحرقها من قوة الالم
ابو ليان بحسرة : والله اني ما عرفت اربي
ليان تبكي : .......
ابو ليان : تدرين انا ما راح اطقك اكثر من كذا لأن الشلل الي فيك عقوبة تكفيك ولو طقيتك ما راح يكون طقي مثل الشلل
ليان تبكي : ........
ابو ليان حرك راسه بحسرة وطلع من الغرفة ودخلت بعده ام ليان
ام ليان وهي تبكي قالت بعصبية : انتي ما تستحين هذي آخرة تربيتي فيك ...... احنا عطيناك الثقه مو عشان تخونينها
ليان زاد بكيها : .........
ام ليان طلعت وهي تدعي وتقول : حسبي الله عليك من بنت ....... حسبي الله عليك من بنت
ليان زاد بكيها وصارت تبكي مثل الاطفال
...........................................نهاية البارت............................................
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
بسم الله الرحمن الرحيم
البارت (44)
مرت الايام واليوم يوم ملكة عبير
ببيت عمي فيصل
كانت الاجواء متوترة والكل منشغل بشي وعبير حالتها حالة
(بعد ما خلصو الترتيبات وبدو الناس يجون)
انا بفرح : الف الف الف مبروك ....... مين قدك بتتزوج الي تحبه
العنود بنص عين : انتي تزوجتي بدر وحبيتيه
انا ووجهي احمر : حبيته بعد ما خطبني يعني عادي
لمياء بدلع : بقول لبدور انك تحبينه
انا : لالالالالا
لمياء بدلع : الا
(شوي وتدخل علينا مهى وبشاير)
بشاير بأستهبال : مين قدكم كل وحدة اكشخ من الثانية
انا وانا ادور على نفسي : شرايكم هذا تصميم لموي
مهى بأبتسامه : والله منتيب سهلة يا لموي
لمياء ابتسمت
عبير : ترا انتي الي بتصممين فستان زواجي يا لموي
لمياء بدلع : من عيوني
عبير : شكرا مقدما
لمياء : العفو
مهى بحماس وهبال : بنات تدرون بشاير انخطبت ؟
البنات طيرو عيونهم
بشاير وجهها احمر : ليش قلتي لهم ؟
مهى كمصيرهم يعرفون
ريما : مين الي خطبك ؟
بشاير : واحد من عائلة الـ....... واسمه سلمان
ريما : اها
انا : وافقتي ؟
بشاير : لا توني .......... بس شكلي بوافق لأن اهلي يقولون انه ما عليه
انا : اها
رغد : ومين الي بتحطون ملكتها اول انتي ولا مهى ؟
مهى : اتوقع بشاير لأني ابي اتمتع بالعزوبية لأطول مدة ممكنه
الهنوف وهي رافعه حاجب : اذا انتي تبين تتمتعين بالعزوبية ليش من الاساس وافقتي على فواز ؟
مهى : لأن فواز رجال وما يتفوت وحرام افوته فوافقت عليه
الهنوف بهبال : انا ما همتني حياة العزوبية اهم شي عندي ولودي
العنود : استحي ما بعد صار زوجك
الهنوف بعناد : بس انشالله بتزوجه
بشاير : ما حددتو الملكة ؟
الهنوف : الا بعد اسبوعين
انا : اها
دانة : زين انك علمتيني عشان أجهز لي فستان
شهد بأستهبال : بنصير نشتري الفساتين بالجملة على هالزواجات الي جت فجأة
البنات : ههههههههههه
لمياء بدلع : من جد ........ يعني ما لقيتو تتزوجون الا دفعه وحدة
العنود غمزت للمياء وقالت : انتي بالطريق يا عسل
(لمياء قلب وجهها الوان لما تذكرت كلام رائد لها)
مهى : الا شخبار ماجد من زمان عنه
الهنوف : بخير ويسلم عليكم كلكم يبارك للعنود ولنوف
انا+العنود : قوليله الله يبارك فيك
الهنوف : يوصل
(طبعا كان لابسين)
انا فستان سيور بني غامق شوي ماسك على الجسم ومن قدام بالوسط فيه خط بالطول طله كرستالات ذهبية وبيج وبرونزية صغااار مرتبة بالتدريج بشكل مرتب معطية الفستان شكل راقي ولفوق الركبة وطبعا من تصميم لمياء
العنود فستان توب اسود من جهة الصدر ضيق ومن تحت وسيع شوي ومن جهة الصدر فيه نقوش بالذهبي كبيرة شوي وفخمة وعليها كرستالات صغاااار سودا وبالوسك كرستالة كبيرة شوي سودا
ريما فستان توب وكله طبقات من اوله الى اخره بس ما كان منفوش مره لفوق الركبة ولونه غريب شوي يعني زهري فاتح على احمر
عبير فستان توب سكري وعليه زخارف لحمية ومن جهة الصدر ضيق ومن تحت وسيع شوي ومن تحت الصدر فيه شريطة لحمية ناعمه مربوطة على جنب بشكل مرتب والفستان كان طويل
الهنوف فستان توب احمر على عنابي ماسك على الجسم شوي وعلى جنب فيه زي النقوش كبيرة بس ناعمه بالفضي والفستان لفوق الركبة
رغد فستان سيور طويل لونه ابيض بس عليه رسوم كثييرة باللون الموف الفاتح وطالع شكله ناعم وماسك من عند الصدر بس من تحت وسيع
بشاير فستان سيور اسود بالوسط من قدام فيه نقوش كبيرة بالابيض والفستان ماسك على الجسم لفوق الركبة
مهى فستان توب لونه برتقالي فااااااااتح على زهري فاااااااااتح ماسك من عند الصدر بعدين وسيع وتحت الصدر فيه نقوش باللون بالبرونزي الي على ذهبي والفستان طويل
(غادة مو موجودة بسبب العدة)
دانة فستان كت فتحتة الصدر على شكل 7 سماوي ماسك من عند الصدر ومن تحت وسيع وتحت الصدر فيه شريطة سماوية حرير وعريضة شوي مربوطة بشكل نااااعم على جنب والفستان لفوق الركبة
لينة فستان سيور سكري وتحت الصدر فيه شريطة مخملية سودا مربوطة على قدام وعليها وردة حمرا على عنابي صغيرة والفستان وسيع شوي وناعم لفوق الركبة
شهد فستان لونه رمادي على موف فاتح سيور من عند الصدر ماسك وتحت الصدر فيه لولو وكرستالات سودا على شكل حزام وكانت مرتبه يعني لولو بعدين كرستالات سودا بعدين لول بعدين يصير الفستان وسيع شوي لفوق الركبة
(بعد شوي جا عمي فيصل وقال لعبير تنزل عشان توقع)
(بعد ما وقعت)
(دخلوها المجلس على راشد وهي كانت مستحييييية ومتوترة)
راشد : كيفك عبير ؟
عبير بخجل : الحمدلله
راشد : الف مبروك
عبير بخجل : عقبالك ..... اقصد منك المال ومنها العيال ...... اقصد الله يبارك فيك
راشد : ههههههه كل هذا خجل ؟
عبير هزت راسها بالايجاب بخجل
راشد : طالعه تجننين اليوم
عبير بخجل : شكرا
راشد : ادري مو وقته بس انتي وش تخصصك ؟
عبير : طب
راشد : اها ......... يلا انا بطلع الحين ..... عندك رقمي ؟
عبير : ايه
راشد : خلاص وانا باخذ رقمك من عمي فيصل والمك بعدين
عبير : اوكي
(وطلع راشد وتنهدت عبير تنهيدة قوية وشوي ويدخل راشد مره ثانية)
راشد بأبتسامه : لهالدرجة متضايقة مني ؟
عبير بخجل : هاه ؟ ........... لالا بس مستحية ..(بعدين نزلت راسها بخجل)
(راشد ابتسم لها وطلع من المجلس)
(طلعت عبير وجت عندنا)
عبير اول ما دخلت الغرفة تنهدت تنهيدة قوية
رغد : شفيك ؟
عبير : مصبية يا رغد مصيبة
رغد بخوف : قولي وشي ؟
عبير : .........(قالت لها على الموقف)
رغد وهي تضحك : بس كذا ؟ .......... على بالي عندك سالفة
البنات : من جد
شهد : عادي لا تستحين هذا صار زوجك
لينة : من جد ......... انا لو اني مكانك كان صرت عادي وقعدت اسولف معاه
عبير بدهشة : من جدكم ؟
لينة : ايه احنا ما نحب نستحي من الناس بزيادة
عبير : مشالله عليكم
مهى : لنو...شهود ......... الاسبوع الجاي حفلتنا التنكرية تعالو لها
شهد : وش المناسبة ؟
لمياء : كذا بدون مناسبة
لينة+شهد : اها
بشاير : بس قولو لنا وش بتتنكرون فيه عشان ما يصير فيه تكرار
شهد : اوكي بنشوف وش نلبس ونقول لكم
بشاير : اوكي
الهنوف : بنات قلتو لصديقاتكم ؟
البنات : ايه
لمياء بدلع : وناسة رنود بتجي معنا
ريما بأستهزاء : بشري امك
لمياء بغباء ودلع : قلت لها
ريما : ههههههههههه
لمياء بأستغراب : على ايش تضحكين ؟
ريما : ولا شي بس تذكرت نكته
(مر الوقت والكل رجع لبيته وتمت الملكة على خير)
(بعد مرور اسبوع وما في شي جديد الكل مجتمع ببيت الجد يجهز للحفلة حقتنا)
(طبعا كنا لابسين ملابس عادية مو ملابس التنكر حقتنا)
عبير بتعب : اخيرا خلصنا
البنات : من جد
(شوي ويدخلون علينا شهد ولينة)
لينة+شهد : السلام عليكم
الكل : وعليكم السلام
رغد : ورونا ملابسكم
لينة وهي تفصخ العباية : دقيقة خلينا اشيل هالعباية مني
شهد وهي تدور على نفسها : شرايكم فيني
الكل طير عيونه
انا : تجننين مشالله
لينة : طيب انا شرايكم فيني ؟
الهنوف : يهببببببل
لينة : شكرا
دانة : يلا بنات خلونا نلبس
البنات : يلا
بشاير : لنو...شهود ....... خلوكم هنا واحنا بنغير ونجيكم ما راح نتأخر
لينة+شهد وهم يجلسون : اوكي
(الكل خذا لبسه وراح لمكان عشان يلبسه)
(بعد مرور 10 دقايق)
شهد : وينهم البنات ؟ ........ تأخرو
لينة وهي لاهية بالجوال : لا ما تأخرو ولا شي توهم رايحين من عشر دقايق
شهد : طيب خلي هالجوال شوي وسولفي معي لين يجون
لينة كانت بترد بس قطع عليها دخول مشعل وتركي
تركي بدون ما ينتبه لهم : وين البنات ؟
مشعل : يمكن بغرفتهم
تركي : افف .......... خلنا ننتظر هنا لين يجون
مشعل وهو يجلس : اوكي
لينة بهمس وتوتر : مين هذولي ؟
شهد بهمس : شكلهم يقربون للبنات يعني عادي لا تخافين
لينة بتوتر وهمس : مو على كذا ........ انتي ما تشوفين لبسي ؟ ...... كل بطني طالع
شهد وهي تناظر لبس لينة : ايه والله ........ خليني اقول لهم يروحون بس انتي ادخلي تحت الطاولة عشان ما يشوفونك
لينة : اوكي
شهد : هيه انتم
تركي ومشعل التفتو لجهة الصوت وهم مستغربين
تركي : بسم الله الرحمن الرحيم
شهد : خير شايف جني ؟
تركي : لا بس ارتعت ........ شجابك هنا ؟
شهد : البنات قالولي تعالي للحفلة التنكرية يعني ما تشوفني لابسة ومتجهزة
تركي : الا بس ما توقعت ان احد جا الحين
شهد : اها ........ طيب ممكن تطلعون لأن اختي تحت الطاولة وتبي تاخذ راحتها لأن لبسها مطلع بطنها
لينة :"جعلك الجلطة ....... يعني ما تعرفين ترقعين على طول قلتي لبسها يطلع بطنها"
مشعل وهو يضحك : يعني الحين اختك دخلت تحت الطاولة وما انتبهنى لها ؟
شهد وهي تضحك : ايه ....... شفت شلون عاد ......... يلا الحين اطلع
مشعل : طردة محترمة
شهد : ياخي ممكن تفارق لأني بجد بديت اتنرفز
تركي وهو يطلع : قولي للبنات ان الاغراض الي يبونها جبتها
شهد : اوكي
(طبعا تركي طلع بس مشعل ما طلع ولينة طلعت تحسبه راح)
مشعل كان ملتفت ياخذ جواله ولما رجع يلتفت شاف لينة وعلى طول طلع وسوا نفسه ما شاف شي
لينة : افف واخيرا طلعو
شهد : من جد
لينة بعصبية : وانتي ما تعرفين ترقعين ؟ .......... على طول بطنها طالع ؟
شهد : وانا وش يدريني انك ما تبيني اقول لهم ان بطنك يطلع
لينة بقهر : طبيعي ما ابي اقول لهم
شهد : الا شرايك فيهم ؟ ....... بالله موب مملوحين ؟
لينة وهي تجلس : الا ........... وبقوة بعد
(شوي وتدخل عليهم رغد ولمياء)
رغد : معليش تأخرنا عليكم
شهد+لينة : لا عادي
رغد شرايكم فيني ؟
شهد+لينة : تجننين
رغد ابتسمت لهم
(شوي وانزل انا ومهى)
مهى : شرايكم ؟
الكل طير عيونه عليها
مهى : شفيكم
انا وانا اتأمل شكلها : ضابط عليك مره
مهى : مو لهالدرجة عاد
لمياء بدلع : تستهبلين ؟ ......... انتي ما شفتي نفسك بالمراية كأنك هي
(شوي وينزلون باقي البنات وطيرو عيونهم لما شافو مهى)
عبير وهي مطيرة عيونها : كأنك هي
مهى : خلاص عاد ......... والله حفظت هالاسطوانة
الهنوف : بس تشبهينها بقوة
ريما بأستهبال : شرايك تروحي تشتغلين بدزني ........ اذا شافوك بيوظفونك على طول
مهى ابتسمت لها
(طبعا كنا لابسين)
انا لابسة ملابس شخصية "بلا" الي "بالاميرة والوحش"
العنود فستان راقصة باليه
ريما لابسة مثل ملابس القراصنة
بشاير لابسة لبس "مرة الابو" الي "بسنو وايت"
مهى لبس "سنو وايت"
(غادة ما كانت موجودة بسبب العدة)
عبير كانت لابسة لبس "الاميرة النائمة"
الهنوف لابسة لبس "ليلى" الي "بليلى والذئب"
رغد لابسة لبس "سندريلا" بس بملابس الخادمة يعني مو الفستان الي راحت له الحفلة
لمياء لابسة لبس "تينكر بيل" الي بفلم "بيتر بان"
دانة لابسة لبس "الساحرة الطيبة" الي بسندرلا عشانها تناسب جسماه بما انها حامل
شهد لابسة لبس "سندريلا" بس بفستان الحفلة
لينة لابسة لبس "ياسمين" الي "بعلاء الدين" وبطنها طالع بس الي يغطيه قماش شفاف لونه سماوي <<<<احلفي
كانت اشكالنا روووووعه وبالذات مهى اللبس ضابط عليها
(بدو البنات يجون وكانت الحفلة كبييرة وحلوووة والكل كان مبسوط فيها)
(وشوي ويرن جوال عبير وتطلع برا الحفلة عشان ترد)
عبير : هلا
راشد : اهلين ....... اليوم يوم حفلتكم التنكرية صح ؟
عبير : ايه
راشد : طيب اطلعي للحوش ابي اشوفك
عبير : بس
راشد قاطعها : يلا عاد عبور ...... ابي اشوفك
عبير بأستسلام : اوكي
راشد : يلا استناك ........(وسكر الخط)
(وطلعت له)
راشد طير عيونه
عبير بخجل من نظراته : شرايك ؟
راشد : تجننييييين
عبير حمرت خدودها اكثر من اول
راشد : انتي اي شخصية ؟
عبير : الاميرة النائمة
راشد : اها
عبير : يلا رشود انا الحين لازم اروح للبنات
راشد : عيدي وش قلتي ؟
عبير بأستغراب : اروح للبنات
راشد : لا الي قبلها
عبير حمرت خدودها وقالت : رشود
(راشد تنهدت تنهيدة قوية بعدين قال)
راشد : يا زينها اذا طلعت منك
عبير استحتتت
راشد : يلا حبيبتي روحي للبنات الحين وانا بعدين بكلمك
عبير وهي تدخل : اوكي
(مر الوقت وخلصت الحفلة وشهد ولينة رجعو للفندق حقهم وانا والبنات نمنا ببيت جدي ونفس الشي تركي ومشعل)
عند تركي ومشعل
مشعل : شفت البنت الي كانت تحت الطاولة ؟
تركي : ايه
مشعل : انا شفتها
تركي بأستغراب : نعم ؟ ........ متى ؟
مشعل : كنت باخذ جوالي وشفتها
تركي : كيف شكلها
مشعل : مثل الي قالت لنا نطلع ........ شكلهم توأم
تركي : يمكن ليش لا
مشعل : بس شرايك فيهم ؟
تركي : بصراحة الي قالت لنا نطلع اعجبتني ومو بس شكلها ...... حتى شخصيتها
مشعل : الي كانت تحت الطاولة حسيتها كيوت
تركي : مشعل
مشعل : هلا
تركي : شكلنا حبينا
مشعل هز راسه بالايجاب
تركي : بس مو معقولة على طول حبيناهم
مشعل : يمكن حب من اول نظرة
تركي : يمكن
(بعد مرور اسبوع)
(اليوم يوم ملكة الهنوف والساعه 3 العصر)
بالصالة
رغد حاطة راسها بحضن خالتي خلود
خالتي خلود : رغد قولي شعندك ترا انا مو فاضية ومشغوووولة
رغد بدلع وخجل : يمه انا موافقة على سعود
خالتي خلود بفرح : مبروك يا بنيتي مبروك
رغد بدلع وخجل : يمه لسا ما صار شي
خالتي خلود : انشالله بتتزوجون يا بنيتي واشوف عيالك انتي وياه .....كلللللللللوش
رغد : حمر وجهها
عمي فيصل دخل وسمع خالتي خلود وهي تزغرط
عمي فيصل : شعندكم ؟
رغد رقت على غرفتها بخجل
خالتي خلود بفرح : شفت يا فيصل شفت ؟ ......... بناتك تزوجو دفعه وحدة والحين رغد وافقت على سعود
عمي فيصل بفرح : صدق ؟ ......... الله يكتب الي فيه الخير ........ وانتي قلتي لهم ؟
خالتي خلود : لا توني
عمي فيصل : اجل لا تقولين لهم انا ببشرهم
خالتي خلود : انشالله
(بالليل الكل كان بغرفة الهنوف)
(وكنا لابسين)
انا تنورة لنص الفخذ وسيعه ومن تحت ماسكة ولونها موف فاتح على رصاصي وبلوزة بيضا كت ماسكة على الجسم واطرافها من فوق عليها كشكشات ناااااااعمه بنفس قماش البلوزة
العنود فستان كت زهري فاتح ومن فوق وسيع شوي بعدين على الخصر حزام اسود ماسك على الجسم بعدين يصير الفستان من تحت عادي بس يميل للوسع والفستان لفوق الركبة
ريما فستان ابيض اكمامه ثلاثية والفستان كله على بعضه وسيع ولفوق الركبة ومن جهة الصدر فيه اربع ازارير بيضا ومسكرة
عبير فستان من جهة الصدر اسود ومن تحت لونه فوشي على عنابي لفوق الركبة والفستان له كم واحد بس والكم هذا عليه فيونكه سودا كبيرة شوي بقماش الدانتيل
الهنوف فستان توب لونه زهري فاتح ماسك لحد الخصر بعدين يصير وسيع شوي واطرافه من فوق عليها كرستالات فضية وعلى الخصر شريطة فضية نااااعمه مربوطة على قدام وبوسطها كرستاله زهرية فاتحة والفستان طويل وعليه من تحت نقوش نااااعمه بالخرز الفضي
رغد فستان ابيض لنص الساق وكمه ثلاثي وكله دانتيل ابيض بس اطارفه من تحت فيه قماش "تل" اسود منفوش شوي وعلى الخصر حزام اسود صغييييير والفستان كان ماسك على جسمها لحد الخصر ومن تحت وسيع شوي وكان الفستان ناااااعم
لمياء فستان مخطط بالابيض والاسود بشكل عشوائي وسيور وماسك على الجسم لحد الخصر بعدين يصير منفوش شوي وعلى الخصر شريطة عريضة شوي لونها احمر
بشاير تنورة نيلية لفوق الركبة وماسكة على جسمها وبلوزة سودا نص كم واكمامها منفوشة ماسكة على الجسم واطراف البلوزة من فوق فيها تطريز ناااعم بالخرز الي كانت الوانه نيلي وابيض
مهى فستان كت ولونه رصاصي ومن فوق على جنب فيه فيونكه كبييييرة باللون الاسود والفستان ماسك على الجسم ولفوق الركبة
دانة فستان سكري وعليه نقوش كثيرة بالخرز الذهبي وكمه ثلاثي والفستان وسيع شوي لفوق الركبة
لينة فستان كت فوق الصدر ابيض ومن تحت قماش رصاصي يلمع لفوق الركبة والفستان وسيع
شهد فستان احمر على عنابي كت لفوق الركبة ووسيع شوي
انا : هنوفه عمي فيصل يقول خلوها تنزل عشان توقع
الهنوف نزلت بتوتر
الشيخ : الهنوف فيصل الـ........
الهنوف : نعم يا شيخ
الشيخ : انتي راضية بوليد نايف الـ....... كزوج لك ؟
الهنوف بتوتر : اي ... ايه يا شيخ
الشيخ : يلا وقعي يا بنيتي
(الهنوف وقعت)
الشيخ : الحمدلله ......... يلا مبروك يا بنيتي ..........(وراح)
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك