رواية ذكريات مراهقة -31
العنود : انتي سهليها وتسهل انشالله
رائد : يا ناس ..... ما ودكم تسولفون معي ........ حسيت انه مسحوب علي
انا+العنود+ريما ناظرناه بأحتقار وكملنا اكل بدون ما نرد عليه
رائد حب يغير الجو : شرايكم نطلع نتعشى برا مع بعض
انا+العنود+ريما بحماس : موافقين
رائد بضحكه : وقت المصالح تجيك الكلاب مشتاقه
انا+العنود+ريما طاحت وجيهنا
رائد : خلاص اليوم جهزو نفسكم عشان نطلع
انا+العنود+ريما بهدوء : اوكي
(بعد 5 دقايق)
انا وانا اقوم : الحمدلله .......... يلا العنود
العنود وهي تقوم : يلا
(بعد ما وصلنا للجامعه انا سلمت على فجر والعنود راحت لصديقاتها)
(بعد ما خلصنا المحاضرة)
فجر بقهر : نرفزتني بصراحة
انا بضحكه : خلاص لا تهمك ......... يعني انتي ما تعرفينها ؟
فجر بقهر : الا بس حتى ولو ما اسمحلها ......... مو عشانها دكتورة تقعد تتفلسف علينا
انا : انسيها .......... خلينا نروح للكافتيريات
فجر : يلا
(بعد ما طلعت انا والعنود من الجامعه ورحنا لريما عشان ناخذها)
بالسيارة
العنود بنرفزة : وينها ذي ساعه عشان تجي
انا بنرفزة : مدري عنها ......... شكلي بنزل لها
العنود : اوكي ولا تتأخرون
انا وانا انزل من السيارة : اوكي
(بعد ما دخلت المدرسة)
كنت اتأمل اشكال البنات وبنفس الوقت اتذكر ذكراياتنا اول
(شوي وتجيني وحدة من الأبلات)
الأبلة : السلام عليكم
انا : وعليكم السلام
الأبلة : شكلك جاية تطلعين بنتك .......... بس هذا قسم الثنوي ....... قسم الأبتدائي من هناك
انا : لا انا جاية اخذ اختي
الأبلة : اها ....... وش اسمها
انا : ريما عبدالعزيز الـ.........
الأبلة طيرت عيونها : انتي اختها ؟
انا بأستغراب : ايه
الأبلة : زين انك جيتي ......... هالبنت قالبة المدرسة فوق تحت واذا جيت اتصل على ولي امرها يطلع لي رقم جوالها او رقم مغلق ورقم البيت اكتشفت انه رققم بقالة
انا وانا احاول اكتم ضحكتي : ليش هي وش سوت ؟
الأبلة : قولي وش ما سوت ؟ ........ شفتي هالبويات الي ما احنا بالموت نقدر عليهم
انا : ايه
الأبلة : مصفقتهم كلهم
انا : هههههههه ....... على الاقل لقيتو شخص يفككم منهم
الأبلة : وذيك المره كسرت خشم بنت
انا طارت عيوني : شلون
الأبلة : دزتها من الدرج وتقول انه بالغلط والغريب ان حتى البنت تقول نفس الكلام
انا : طيب اذا بالغلط معناته بالغلط
الأبلة : باليوم الواحد ما تحظر الا 3 حصص والباقي كله منحاشه
انا : حرية شخصية ......... يمكن ما تبي تحظر الدرس
الأبلة تنهدت بعد ما شافت ان ما فيه امل مني وقالت : شوفيها هناك
انا وانا امشي : شكرا
انا بصوت عالي بعد ما قربت منها : ريما
ريما بصوت عالي : هـــــلا وغـــــلا والله تــو مــا نـــورت الـــدرســـة
انا : ساعه ننتضرك ليش ما جيتي
ريما ببراءة ما سمعت
انا : واضح .......... يلا امشي
ريما وهي تلبس عبايتها : اوكي
(بعدها رجعنا للبيت وعلى الساعه 7 ونص كنا جاهزين عشان نطلع مع رائد)
رائد : يلا
(طبعا ترتيبنا بالسيارة انا جنب رائد وورا ريما والعنود)
(بعد ما وصلنا للمطعم وطلبنا اكل)
رائد : بنات شرايكم بلمياء ؟
ريما ببرود : مايعه
رائد : لا انا قصدي تصلحلي
انا بغباء : شلون يعني تصلح لك ؟
رائد : يعني لو اخطبها بتوافق ؟
انا : فديتها لموي ........ ايه اخطبها اتوقع تناسبك
ريما : لالالالالالالا بما ان نوف بتروح ابي وحدة تكون مكانها تسليني بس ما ابيها مايعه
رائد وهو رافع حاجب : انا الي بتزوج ولا انتي ؟
ريما : انت طبعا ..(بقرف).. وع انا ماراح اتزوج انا ابي اصير عانس
انا : اعوذ بالله ......... بدال ما تدعين ان الله يرزقك بزوج صالح تقولين هالكلام ؟
العنود : انتي ليش عكس الناس ؟ ........ الحين البنات يقولون يارب نتزوج وانتي تقولين يا رب اعنس
ريما : خلاص..خلاص ......... ماقلنا شي
رائد : طيب خلونا نرجع لموضوعنا
انا بأستخفاف : طيب وش تبي نقول لها يعني ؟ ......... تبينا نروح لها ونقول رائد اذا خطبك بتوافقين ولا لا ؟
رائد : لا انا خلاص سألتها هالسؤال بس
انا قاطعته وانا مطيرة عيوني : سألتها ؟ ....... كيف ؟ ومتى ؟ ووين ؟ ومين كان معك ؟
رائد : سلمت عليها بعدين سألتها
انا وانا مطيرة عيوني : متى ؟ ووين ؟ ومين كان معك
رائد : بالمخيم
انا وانا مطيرة عيوني : ومين كان معـ
رائد قاطعني وهو متنرفز : كنا لحالنا بس العنود تتفرج علينا
انا وانا مطيرة عيوني : ووش قالت ؟
رائد : اول شي لا تطيرين عيونك كذا
انا بعد ما رجعت نظراتي عادي : وش قالت ؟
رائد : ما ردت بس العنود قالت لها اذا فكرت تقول لها
انا : اها
ريما : وين بتسافرون شهر العسل ؟
رائد : خليها توافق اول بعدين يصير خير
ريما : انا ما سألتك انت انا اسأل نوف والعنود
العنود : والله مدري ما قررنا شي
انا : انا بعد ما قررنا شي
ريما بنص عين : متأكدين ؟
العنود بتوتر : ايه
انا بتوتر : طبعا
ريما بنص عين : مــتــأكـــديــن ؟
العنود بأستسلام : جزر الملديف
انا بأستسلام : جنيف
ريما وهي رافعه حاجب : مشالله توكم تقولون ؟
انا : خلاص عاد ترا عطيناك وجه بزياده
رائد : خلاص عاد ما صارت
الكل سكت احترام لرائد بما اننا حلينا الخلافات الي بينا
(ومر اليوم مثل اي يوم من الايام)
...........................................نهاية البارت............................................
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بسم الله الرحمن الرحيم
البارت (46)
باليوم الثاني
كانت العنود وريما جالسين ينتظروني انا ورائد وامي وفهد لأننا رحنا نستقبلهم
(وشوي ويرن الجرس)
ريما بحماس : اكيد هذولا رائد ونوف ومعهم امي وفهد
العنود بأستخفاف : لو انهم جو كان ما رنو الجرس
ريما بحماس : يمكن نسو المفتاح
العنود : لو انهم نسو المفتاح كان قالو لبشير يفتح الباب
ريما بحماس : طيب خلينا نشوف مين
العنود ببرود : قولي لبشير يفتح الباب وانتي
(ما كملت كلامها لأن ريما طارت للباب بدون عباية او طرحة او اي شي)
العنود بعصبية وهي تركض تلحقها : "هالخبلة الحين لو طلع واحد ما نعرفه وشافها كذا وش بيقول عننا"
(عند باب الشارع)
ريما فتحت الباب وخلته كله مفتوح يعني الي برا يشوفون البيت
وطبعا ما امداها تفتح الا تجي العنود وتسحبها بقوة وريما طاحت على الارض
بعدين جت ريما ودفت العنود على الارض وقعدت تتوطا ببطنها والعنود تشد شعر ريما وترجفها برجولها
(طبعا الي برا مطيرين عيونهم ما يدرون شسالفة المصارعه الي يشوفونها)
............ بصوت واضح : احم احم
العنود بصوت عالي : هئئئئئئئئ ........ الله يفشلك وخري عني شوفي الناس يناظرونا
ريما : ترا ما لبسنا شي
(بعدين قامو وراحو ورا الباب)
العنود : معليش اخوي ترا ما انتبهنا لك
الرجال : لا عادي ......... بس هذا بيت عبدالعزيز الـ........ ؟
العنود : ايه ....... وش بغيت اخوي ؟
الرجال : انتم بناته ؟
ريما بأسلوب ينرفز : وانت وش دخلك ؟
الرجال وهو مستغرب من اسلوبها : انتي جاوبي وبس
العنود : ايه بناته
الرجال بفرح : يعني انتم خواتي
العنود+ريما : ؟؟؟؟؟؟؟؟
ريما : بس احنا ما عندنا اخوان غير فهود ورئود
الرجال : انتم دخلونا وانا بقول لكم كل شي بالتفصيل
ريما : لا والله ما بعد انهبلنا ندخل ناس ما نعرفم بيتنا وهو ما فيه رجاجيل
الرجال : بس
(ويقاطعهم صوت بدر)
بدر : هلا اخوي وش بغيت ؟
الرجال بأبتسامه : انت فهد ولا رائد ؟
بدر : انا ولد عمهم بدر
الرجال وهو يمد يده بأبتسامه قال : تشرفنا
بدر بعد ما مد يده : لي الشرف ........ بس وش بغيت اخوي ؟
الرجال : انا افظل اني اكلم فهد او رائد احسن
بدر : بس انا زوج اختهم تقدر تكلمني
الرجال : زوج اختهم ؟؟!!
بدر : ايه
الرجال : اي وحدة ؟
بدر بأستغراب من سؤاله : الكبيرة
الرجال بأبتسامه : يعني نوف
بدر استغرب انه يعرف اسمي وقال بغيرة : وانت وش دراك عنها
الرجال لاح غيرته وقال : ونعم الرجال والله ........ يحق لك تغار عليها بس مو من محارمها
بدر بأستغراب : محارمها ؟ ........ ليش مين انت ؟
الرجال : يليت ندخل عشان نتفاهم
بدر : اوكي ...... حياك ..(بعدين قال لريما والعنود).. وانتم ادخلو جوا وقولو للخدامه تسوي قهوة
العنود وهي تسحب ريما لجوا : انشالله
(خلونا نطلع برا السعودية ونروح لـ"كندا" الي هو المكان الي راح له ماجد يكمل دراسته فيه)
ماجد كان جالس بكفتيريا الجامعه وكان متضايق
هذا حال الغربة طبيعي تتضايق وفوق هذا جامعته ما فيها ولا سعودي حتى عرب ما فيها
(كان جالس ومبين من ملامحه انه عربي)
(وفجأة تقدمت له وحدة كانت نفس ملامح حب حياته .... حب حياته الي هي الحين متملكه على ولد عمه)
البنت : hi
ماجد وهو مستغرب من البنت الي واقفة قدامه بس مو اكثر من استغرابه من ملامحها الي تشبه ملامحي : hi
البنت : Where are you from? (من اين انت ؟)
ماجد وهو مستغرب من السؤال : I'm from Saudi Arabia (انا من المملكة العربية السعودية)
البنت بأبتسامه : اخيرا شخص واحد بهالجامعه يتكلم عربي
ماجد بصدمة وفرحة بنفس الوقت : انتي من السعودية ؟
البنت : ايه ....... ومن الرياض بالتحديد
ماجد : انا بعد من الرياض
البنت : اها ...... طيب ممكن اجلس ؟
ماجد : تفضلي
(طبعا جلست بأبعد كرسي عنه)
البنت : وش اسمك ؟
ماجد : ماجد ..(بتردد).. وانتي ؟
البنت بهدوء : ندى
ماجد :" اسمها يبدى بنفس الحرف بعد !! " تشرفنا
ندى : انت وش اسمك الكامل
ماجد : ماجد فيصل الـ.......
ندى وهي متفاجأة من اسم العائلة : انت من عائلة الـ......
ماجد بأستغراب : ايه
ندى : انا اسمي الكامل ندى عبدالعزيز الـ......
ماجد طير عيونه وهو يقول بنفسه مستحيل : انتي وش اسم جدك ابو ابوك
ندى : خالد
ماجد بصدمة : انتي بنت عمي عبدالعزيز ؟ ........ بس من متى هو عنده بنت اسمها ندى
ندى بفرحة : انت تعرف ابوي ؟
ماجد : ايه ابوك يصير عمي
ندى بحزن : الله يرحمه ........ كان ناوي يقول لكم عننا بس مات قبل ما يقول لكم شي
ماجد : كم عمرك ؟
ندى : 21 سنة ...... وانت ؟
ماجد : انا 25 سنة
ندى : اها ....... طيب قلي عن خواتي وكم اعمارهم وبنات عمي
ماجد بأبتسامه : اوكي ........(وصار يقول لها عن هبالنا وكل شي بس طبعا ما قال لها انه يحبني وخطبني)
ندى : هههههههههه ........ شكلهم حبوبات وطيبات متحمسة بقوة اتعرف عليهم
ماجد : صدقيني بتحبينهم كثير
ندى بحنان لأرض الوطن : والله اشتقت للسعودية كثييير
ماجد : انتي ما ترجعين زيارات ؟
ندى : مره وحدة بس زرتهم لأني باخذ لغة وارجع
ماجد : انتي من متى هنا ؟
ندى : من 8 شهور تقريبا ...... يعني كلها ثلاث شهور ثانية وارجع
ماجد : اها
(وقعدو يسولفون وماجد مو مصدق ان الي قدامه سعودية يعني وحدة من نفس بلده وفوق هذا كله تكون بنت عمه)
ندى : بنت طيبة وحبوبة وتدخل القلب بسرعه ومرة فللللللة بس بنفس الوقت خوافة شوي
مواصفاتها : بشرتها بيضا وشعرها لتحت كتفها بشوي ولونه بني غامق وعيونها كحلية ورموشها كثيفة شوي وتشبه نوف لدرجة خيالية بس نوف احلا منها
بالرياض
ببيتنا
بدر : يعني انت الحين تصير اخو البنات ؟
الرجال : ايه .......... وطبعا الي معي تصير اختي الصغيرة واسمها شادن
بدر بأبتسامه : كم عمرك شادن ؟
شادن : 13 سنة
بدر : وانت وش اسمك يعني انت قلت لي ان عمي عبدالعزيز تزوج وحدة ثانية وجابت منه ثلاثة الي هم انت واختين لك بس ما قلت لي اسمك
الرجال بأبتسامه : انا اسمي ياسر
بدر : اها .......... واختك الثانية وش اسمها ؟ .. ووينها ؟
ياسر : اسمها ندى وعمرها 21 سنة وما جت معي لأنها تدرس بكندا
بدر : يعني عند ماجد
ياسر : مين ماجد ؟
بدر : ولد عمي فيصل
ياسر : انا عندي عم اسمه فيصل ؟
بدر بأبتسامه : ايه ......... وعندك عم اسمه محمد وعم اسمه نايف الي هو ابوي
ياسر : اها
(وشوي ويسمعون صوتي وانا اقول)
انا : العنود...ريما ....... احنا جينا
ريما+العنود جونا ركض كأنهم صواريخ
ريما بحماس وصوت واطي وهي تحضن امي : اشتقت لك يا احلا ام بالدنيا
العنود : قصري صوتك الله يفشلك ......... الحين بدر والي معه بينقدون علينا
انا : بدر موجود ؟
فهد : ومين الي معه ؟
العنود : مدري ..... رجال رن الجرس وفتحنا له الباب وقال دخلوني بس احنا قلنا له لا وجا بدر ودخله
ريما : وكانت معه بنت صغيرة نفس عمر لينة وشهد تقريبا
رائد : بروح اشوفهم
فهد : وانا معك
العنود : تلقونهم بالمجلس الرئيسي
فهد+رائد وهم بيدخلون المجلس : اوكي
(بعدين كملو العنود وريما تبويس وتحضين في امي)
(بالمجلس)
ياسر قال لفهد ورائد كل شي بالتفصيل الملل
رائد بفرح واستغراب بنفس الوقت : يعني انت اخوي
فهد بأبتسامه : مو بس اخوك هذا اخونا كلنا
ياسر ابتسم بفرح لأنه كان متوقع انهم بيعارضون فكرة ان لهم اخو جديد
فهد بحنان : وانتي اختنا شدونة
شادن : ايه
فهد ابتسم لها وقال لياسر : ووين ندى ؟
ياسر : ندى تدرس بكندا
فهد : اها
رائد بفرح : ونااااااسة ....... بدر قل لكل الشباب يجون بخيمتنا اليوم بعرفهم على يسور
بدر : انشالله
رائد : الا ياسر كم عمرك ؟
ياسر : 23 سنة
رائد : يعني اصغر من فهد واكبر مني
ياسر : انتم كم اعماركم ؟
فهد : انا 24 وهو 22
ياسر : حلو يعني ان بالوسط
بدر : يعني نفس عمري
ياسر : انت عمرك 23 ؟
بدر حرك راسة بالايجاب
بدر : الا وين البنات خلهم يسلمون على اخوهم واختهم
رائد بمكر : انت ما همك البنات انت تبي تشوف نوف
بدر بنرفزة لأن هذا كان قصده : ايه وش فيها ...... زوجتي وحلالي
فهد : اذا سويتو العرس يصير خير
ياسر : ليش انت مو قلت انك زوجها ؟
بدر : انا متملك عليها وهي حلالي بس اخوانك علل ينشبون للواحد
ياسر بأبتسامه : خلاص اذا هي متملكة عليك تصير حلالك وتسوي فيها الي تبي
بدر قام من مكانه وباس راس ياسر وقال : هذا الي يفهم موب انتم
رائد وفهد ضحكو على شكل بدر
رائد بصوت عالي : نوف...العنود...ريما تعالو
(طبعا احنا قمنا من اماكننا ورحنا له)
(وتونا بندخل المجلس بس انتبهنا لوجود ياسر)
انا : شفيه رائد شكله انهبل
العنود : من جد ...... شلون يبينا نجي وعنده الرجال
فهد بصوت عالي : بنات تحجبو لأن بدر موجود
ريما : لا ويبينا نفتش للرجال بعد
العنود وهي تتحجب : اقول خلونا ندخل ويصير الي يصير بالاول والاخير هم اخواننا
انا+ريما واحنا نتحجب : اوكي
(بعد ما دخلنا)
انا+ريما+العنود : السلام عليكم
فهد+ياسر+رائد+شادن+بدر : وعليكم السلام
بدر بأبتسامه : نوف شيلي الطرحة مافيه احد غريب
انا وانا اشيل الطرحة بأستغراب بسبب وجود ياسر
فهد : اجلسو يا بنات
(بعد ما جلست العنود جنب رائد وريما جنب فهد انا كنت بأجلس جنب العنود بس وقفني صوت بدر)
بدر : تعالي اجلسي جنبي
رائد : ترا عطيناك وجه يالحبيب
ياسر بأبتسامه : خله هذي صارت حلاله
العنود+ريما : ؟؟؟؟؟؟؟
وانا كنت مستغرررربة من الرجال الي كان يتكلم وكأنه مسؤول عني
(بعد ما جلست جنب بدر بخجل قلت)
انا : وش تبون مننا ؟
فهد : السالفة وما فيها ..........(قال كل السالفة)
ريما بحماس : ونااااااااسة عندنا اخو جديد غير القديمين الي عندنا
فهد بضحكة : جديد وقديم ........ حسيت اننا ملابس
الكل : ههههههههههههه
العنود : وهذي بعد تصير اختنا ؟
ياسر : ايه هذي شادن عمرها 13
ريما : ونااااااااسة عندي اخت اصغر مني وناسة وناسة وناسة
شادن بأبتسامه : انتم وش اساميكم
انا : انا نوف وهذي العنود وهذي الخبلة ريموه وهذا فهد وهذا رائد
شادن : اها
رائد : الا بأسألك ياسر
ياسر : تفضل
رائد : وين امكم الي هي مرة ابوي
ياسر : امي ماتت من يوم ما كان عمر شادن 3 سنين
رائد : اها
الكل : الله يرحمها
بدر وهو يقوم : يالله انا استأذن
فهد : تونا بدري
بدر : لا والله بخليكم تاخذون راحتكم
فهد : اوكي
بدر بأبتسامه : فرصة سعيدة يا ياسر
ياسر رد له الأبتسامه
(بعدها طلع بدر من البيت)
(خلوني اقول لكم عن شادن)
شادن : بنت شكلها كيوت وطيبة والي يشوفها يقول عنها هادية ومسالمة بس الي يعرفها يدري انها جنية وخبلة ومتهورة بقوة ومرحة وفلة وتنحب بسرعه وقلبها ابيض
مواصفاتها : شعرها بني غامق لنص ظهرها بشرتها حنطية فاتحة وعيونها سووودا ورموشها كثيرة وطوال وملامحها حادة شوي بس تجنن
انا : طبعا انتم بتسكنون عندنا
ياسر : بس احنا نخاف نضيق عليك و
فهد قاطعه : انتم اخواننا وما يصير يعيش كل واحد مننا ببيت ...... بعدين البيت كبير ويكفينا وزيادة بعد
رائد : العنود قولي للخدم ينظفون ثلاث غرف
العنود وهي تقوم : اوكي
فهد : لحظة مو الحين تقولين لهم
العنود وهي تجلس : اوكي
فهد : بس روحي نادي امي
العنود وهي تقوم : اوكي
رائد : لالالالا خلي ريما تناديها
العنود بنرفزة : ترا ماصارت كل شوي قومي واقعدي
رائد وهو يضحك : خلاص روحي قوليلها تجي
العنود وهي تطلع : اوكي
(بعد 3 دقايق جت امي مع العنود)
امي وهي تتغطا بطرحة العنود الي كانت حاطتها على اكتافها : هااااو مناديني وفيه رجال غريب
فهد بأبتسامه : مافيه احد غريب ..... هذا اخونا يا يمه
امي بأستغراب : اخوكم ؟
انا : ابوي تزوج وحدة ثانية
امي بصدمة : تزوج ...... تزوج علي ؟ ....... ما هقيتها منك يا عبدالعزيز
ريما بهبال : الشرع حلل اربع
امي بعصبية : انتي انثبري ولا تتكلمين
ريما طاح وجهها وسكتت
امي بنرفزة : ووين امكم ؟
ياسر بحزن : ماتت الله يرحمها
امي حن قلبها عليهم وقالت : الله يرحمها ....... الا انتم وش اساميكم ؟
ياسر : انا ياسر وهذي شادن وعندنا اخت اسمها ندى بس تدرس بكندا
امي : ياسر ؟ ....... انت اسمك ياسر ؟
ياسر بأستغراب : ايه ياسر
امي نزلت دموعها وقالت : انا طول عمري ابي اسمهي رائد ياسر على ابوي الله يرحمه وكان يقول لي لا ..... صار مسميك ياسر عشاني
(انا قمت اهدي امي)
ياسر : خلاص يا خاله مافيه شي يخليك تبكين
امي وهي تمسح دموعها : لا تسميني خالتي سمني يمه يا وليدي
ياسر ابتسم لأن امي تقبلته
وانا وريما وفهد ورائد والعنود ارتحنا نفسيا لأننا كنا متأكدين ان امي بتعارض على هالشي بالبداية بس بالنهاية بترضى بس ما توقعنى انها بترضة بهالسرعه
امي : وانتي كم عمرك
شادن : 13 سنة
امي : وانت ؟
ياسر : 22 سنة وندى 21 سنة
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك