رواية ذكريات مراهقة -32
ياسر : خلاص يا خاله مافيه شي يخليك تبكين
امي وهي تمسح دموعها : لا تسميني خالتي سمني يمه يا وليدي
ياسر ابتسم لأن امي تقبلته
وانا وريما وفهد ورائد والعنود ارتحنا نفسيا لأننا كنا متأكدين ان امي بتعارض على هالشي بالبداية بس بالنهاية بترضى بس ما توقعنى انها بترضة بهالسرعه
امي : وانتي كم عمرك
شادن : 13 سنة
امي : وانت ؟
ياسر : 22 سنة وندى 21 سنة
امي : اها ......... ريما قولي للخدم ينظفون الغرف والأثاث بعدين بنغيره لكم
ياسر : بس
امي قاطعته بحدة وقالت : لا تكون ناوي تسكن ببيت ثاني ؟
ياسر : احنا نخاف نضايكم
امي : لا تضايقونا ولا شي .......... قولي للخدم يجهزون الغرفة وبس
(ياسر ابتسم لأمي وامي ردت له الأبتسامه)
(ومر اليوم مثل اي يوم من الايام بس الشي الوحيد الي يتخلف ان امي اتصل على اهل فجر تحدد يوم عشان يجون يخطبونها منهم ورائد وفهد راحو للشباب وعرفوهم على ياسر واحنا نادينا البنات وقلنا لهم عن شادن)
...........................................نهاية البارت............................................
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بسم الله الرحمن الرحيم
البارت (47)
(بعد مرور ثلاث ايام اليوم يوم ملكة بشاير)
(طبعا الكل كان ببيت عمي محمد وانواع الحوسة وبشاير تطردنا من غرفتها وتقول اننا نجيب الهم عشان كذا اجتمعنا بغرفة مهى)
انا بقهر : مالت عليها يعني وجيهنا الحين تجيب الهم
غادة : من جد
عبير : الا شخبار محلكم ؟
لمياء بدلع : والله ما توقعت يكون عندنا زباين بهالسرعه
العنود : من جد ...... لدرجة اننا مو ملحقين على الطلبات
عبير : الله يوفقكم فيه
لمياء+العنود : آمين
انا : الا شرايكم بفستاني ؟
الكل : يجنن
(طبعا كنا لابسين)
انا فستان زهري مرسوم عليه ورود بالسكري والاوراق حقة الورود لونها اخضر على زيتي وطبعا الفستان ربط على الرقبة و من جهة الصدر ماسك بعدين يصير وسيع ولفوق الركبة
العنود فستان توب ماسك لحد الخصر بعدين يصير وسيع شوي ومن تحت طبقات ناعمه وخفيفة الوانها تدرجات الموف يعني من فوق غامق بعدين يصير فاتح ولفوق الركبة
ريما فستان كت عنابي وسيع بس من تحت ماسك ولفوق الركبة
شادن فستان سيور لونه اخضر فااااااتح ماسك من عند الصدر بعدين يصير وسيع وتحت الصدر فيه كرستالات فضية والفستان كان لفوق الركبة
بشاير فستان توب لونه زهري فاااااتح ماسك لحد الخصر بعدين يصير وسيع وعلى الخصر شريطة لونها احمر على عنابي مربوطه على جنب بشكل ناعم وعليها كرستالات صغار بنفس لون الفستان
مهى فستان توب لونه موف فاتح على سماوي ماسك من عند الصدر بعدين يصير وسيع وعلى الصدر كرستالات صغاااار فضية وبالوسط كرستالات فضية على شكل وردة صغيييرة ومن تحت اطراف الفستان فيها كرستالات صغاااار لونها فضي
غادة فستان سيور من جهة الصدر بني غامق شوي بعدين حزام صغيير ذهبي بالقماش ومن تحت وسيع وباللون البني الفاتح شوي يعني افتح من الي عند الصدر بشوي وطويل
دانة فستان سيور سكري وعليه خطوط عشوائية بالخرز الاسود معطيته فخامه وطبعا لفوق الركبة وكان وسيع شوي
عبير فستان توب ومن عند الصدر فيه كشكشات صغاااااااار بالقماش السكري وعليها خرزات صغااار فوشة ومن تحت لون الفستان فوشي ووسيع لفوق الركبة
الهنوف فستان سيور لونه برتقالي فااااتح والسيور حقه فضي واطراف الفستان من فوق عليها كرستالات بجميع الأحجام لونها فضي والفستان وسيع ولنص الفخذ
رغد فستان سيور اسود ومن جهة الصدر القماش يلمع بعدين من تحت شريطة سودا مربوطة على قدام بشكل ناعم ومن تحت وسيع شوي وطبعا القماش ما كان يلمع زي الي من جهة الصدر وكان الفستان طويل
لمياء فستان كت بني وماسك على الجسم لفوق الركبة وعليه قماش دانتيل بني وكان الفستان نااااااعم
شهد فستان كت ابيض وعليه رسومات بالابيض والبرتقالي والفوشي والزهري الفاتح ماسك لحد الخصر بعدين يصير وسيييييع ولفوق الركبة وعلى الخصر حزام فوشي ناااعم
لينة فستان سيور اسود ماسك لحد الخصر بعدين يصير وسيع وتحت الصدر فيه شريطة لونها زهري فاتح عريضة شوي ومربوطة على قدام وعليها كرستالة فضية كبيرة شوي وناعمه والفستان لفوق الركبة
(طبعا دلال كانت موجودة)
انا : خلونا ننزل تحت
البنات وهم يقومون : يلا
شهد : احنا بنقعد هنا
شادن : ايه ما نبي ننزل تحت عند الحريم
ريما : ترا انا بعد بأقعد معهم
لينة : وانا
الهنوف وهي تحط يدينها على راسها وبأستهبال قالت : وش ذا المصيبة اجتمعو رباعي المصايب
البنات : من جد
(ونزلنا تحت وتفرقنا)
عندي انا ومهى
انا : مهى شرايك بزوج بشاير ؟ ..... حلو ولا شين ؟
مهى : هذا الموضوع غير قابل للتصريح به
انا وانا اضحك على اسلوبها : ليش ؟
مهى : اول شي لأن عبير محذرتني انا وغادة نقول لأحد عن مواصفاته وتقول انها تغار عليه ثانيا لأنك يا حلوة متزوجة وما يصلح تحطين عينك على رجال غير زوجك
انا : يلا عاد
(وشوي وتقول لي مهى كل مواصفاته)
انا : مبين من وصفك انه مملوح بس مو مثل بدوري
مهى : حبيبتي مافيه احد مثل فواز
انا : بدينا بالمدح ؟
مهى : عادي خطيبي ويحق لي
(وقعدنا نسولف ونستهبل وووو .........الخ)
عند رغد+دلال+غادة
رغد : انا قريت عن محاضرة عنوانها "كيف تكونين مسلمة صالحة"
دلال : صدق ؟ ....... متى تبدأ
رغد : مدري والله ....... بس بسأل صديقاتي
غادة : انا اعرف دورة يمدحونها البنات بالجامعه
دلال : وش عنوانها
غادة : ما اذكره
(وقعدو يسولفون ووووو ......... الخ)
عند دانة+عبير+لمياء+العنود
لمياء بدلع : اقولك جايبة معها التصميم وتقول فصلوه لي وانا والعنود نقول لها ان هذا مو مشغل خياطه هذا محل تصميم
عبير بضحكة : وش الفرق طيب ؟
العنود بأندفاع : محل التصميم يعني احنا الي نصمم ومشغل الخياطه يعني هم الي يخيطون
عبير : بصراحة انتم معقدين انا ما اشوف ان فيه فرق
لمياء : يعني برايك نصير نصمم طلبات الزبونات ؟
عبير : ايه
العنود ولمياء ناظرو بعض وقالو : خلاص بعدين نفكر فيها
عبير : الا دانة مالك صوت ...... شفيك ؟
دانة بتعب : مدري ..... مدري بس بطني يوجعني شكلي بولد
لمياء بخوف ودلع : بسرعه دقو على خالد
عبير بتوتر : ما نعرف رقمه
دانة بتعب اكثر من اول : خذي جوالي واتصلي عليه بسرعه ..... احس اني بموت من الالم بسرعه دقي عليه
(العنود خذت جوال دانة واتصلت على خالد)
خالد : الو
العنود : خالد دانة تولد
خالد بدون استيعاب : انتي مين ؟
العنود : انا العنود ....... بسرعه دانة تولد
خالد بعد ما استوعب : لبسوها عبايتها دقيقة واكون عند الباب
العنود : اوكي ........(وسكرت الخط)
(بعدين العنود لَبست دانة عبايتها ولْبست عبايتها ونفس الشي عبير ولمياء)
(بعد ما طلعو من البيت بدون ما يدري احد وركبو سيارة خالد كان ترتيبهم)
عبير قدام جنب خالد ووراهم العنود ولمياء ودانة بالوسط
بالبيت
ريما : نوف وين العنود
انا : شوفيها مع عبير ودانة ولمياء
ريما : طيب وينهم ؟
انا : مدري كانو جالسين هناك
ريما : بسأل الهنوف .........(وراحت)
بنفس البيت بس فوق (غرفة بشاير)
كانت بشاير متوتررررررة
بشاير : "انا ليش طرتهم ؟ ......... الحين لو ابي شي مين بيساعدني ؟ ....... وما اقدر اناديهم قدام الضيوف
والله انك توهقتي يا بشاير"
(عند شهد+لينة+شادن)
لينة : حظك يا شادن
شادن بأستغراب : ليش ؟
شهد : عيال عمانك تركي ومشعل
شادن : قصدك تروك وميشو ؟
شهد+لينة بغيرة : لا تدلعينهم
شادن : ههههههههه .......... طيب خلاص بس وش فيهم ؟
شهد+لينة بهيمان : يهبلوووووووووووون
شادن : هههههههههههه
لينة : ليش تضحكين ؟
شادن بأبتسامه : معجبين ؟
لينة+شهد ناظرو بعض بحيرة بعدين قالو بخجل : ايه
شادن : لا تخافون انا مو حاطه عيني على ولا واحد فيهم لأنهم مثل اخواني
لينة+شهد تنهدو براحه
شادن : بس ترا انا طول الوقت معهم ونفس الشي ريموه اختي
شهد : ليش ؟
شادن : عشانهم فللللله ......... امس انا وريموه رحنا لبيت عمي نايف وقعدنا نستهبل وشفنا فلم اكشن يجنننننننن كله تقطيع ودم ووناااااااااسة ليتكم معنا
لينة : وععععع انتي تحبين افلام الأكشن ؟
شادن : طبعا
لينة : انا ما اطيقها
شهد : انا بعد ......... احنا اكثر شي نحبه الأفلام الرومانسية
شادن : وععععععععع ......... عاد انا ما احبها ابدا احسها مصالة
لينة : بالعكس
بالمستشفى
الدكتورة بعد ما فحصت دانة : لازم الحين وبسرعه تنزل لغرفة الولاده
خالد بتوتر وفرح بنفس الوقت : اوكي
(بعد ما دخلو دانة لغرفة الولاده)
كان خالد يدور قدام الغرفة بتوتر وخوف على زوجته وولده
لمياء كانت تبكي وخايفة على دانة مرررره
العنود كانت متوترة وتدعي لدانة
عبير كانت محتارة اذا تقول لأهلي ان دانة تولد او لا
عبير بتردد : خالد
خالد بتوتر : هلا
عبير : اقول لأهلي عن دانة ولا لا ؟
خالد بسرعه : لالالالالالا ......... اليوم ملكة بشاير وحرام نخربها عليها ونوترها زيادة
عبير : اوكي
ببيت عمي محمد (غرفة بشاير)
راشد بأبتسامه : يلا عاد بشاير ....... شاعه اقنعك تنزلين
بشاير : لالالالا اخاف
راشد بضحكة : مين ايش ؟ ........... ترا سلمان ما ياكل
بشاير : بس حتى ولو اخاف
راشد بأبتسامه حنونة : يلا عاد بشورة ....... ولا تخافين ترا انا وخالد وتروك وابوي معك
بشاير وهي تقوم : اوكي ..........(ونزلت مع راشد)
(كان الشيخ ورا الباب يسألها)
الشيخ : بشاير محمد الـ......... ؟
بشاير بتوتر : موجودة يا شيخ
الشيخ : انتي موافقة يا بنيتي على سلمان ابراهيم الـ......... ؟
بشاير بتوتر : ايه يا شيخ موافقة
الشيخ : فيه اي شروط يا بنيتي ؟
بشاير : لا يا شيخ
الشيخ وهو يعطيها القلم عشان توقع : على بركة الله
بشاير وهي توقع قالت بهدوء : ونعم بالله
(بعدين دخلت المجلس ودخل عليها سلمان)
(خلوني اقول لكم عن سلمان)
سلمان : انسان طيييب وقلبه ابيض وحنون وفلللللة بس وقت الجد جد وعمره 25 سنة وظيفته "طيار"
سلمان بأبتسامه : مبروك
بشاير بخجل : الله يبارك فيك
سلمان ابتسم زيادة على خجلها
سلمان : كيفك ؟
بشاير بخجل : الحمدلله ....(بتردد).... انت كيفك ؟
سلمان : بخير بشوفتك يا قلبي
هنا بشاير دورها ودها الأرض تنشق وتبلعها
سلمان ابتسم ووقف وقال : انا بطلع الحين .......... عطيني رقمك
بشاير : اوكي ......(وخذا رقم بشاير وطلع)
(بعد ما رقت بشاير لفوق ...... البنات فتحو معها تحقيق وانواع الأسألة السخيفة)
بشاير وخدودها صارت حمرا من الأسألة : خلاص وخرو عني منيب قايلة لكم شي
مهى : الا وين لموي ودنون وبيرو ونودي ؟
انا وانا رافعه حاجب : شعندك تدلعينهم اليوم ؟
مهى بهبال : لأني مرووووووووقة ....... اليوم ملكة اختي مين قدي
انا ابتسمت على اسلوبها المضحك
الهنوف : الا صدق يا بنات وينهم ؟
غادة : والله غريبة ....... فجأة اختفو
البنات : من جد
ريما بعدم اهتمام : تلقينهم بالحديقة برا
البنات اقتنعو بكلام ريما وقعدو يسولفون
(بعد مرور 3 ساعات)
(طبعا البيت فضا وما بقي الا احنا البنات وبنات خالات بشاير)
انا : اقول بنات وين لمياء ودانة والعنود وعبير
رغد : دقيقة بتصل على عبير ....(وتوها بتتصل الا يرن جوالها والمتصل "عبير)
رغد : ذكرنا الأط جانا ينط ......... شوفيها تتصل
غادة : طيب ردي شوفي وينها
رغد : اوكي ........(وردت)
عبير : الو
رغد : الو ....... وينكم فجأة اختفيتو ؟
عبير بفرح : كنا بالمستشفى عشان
رغد قاطعتها وقالت بخوف : ليش بالمستشفى ؟
عبير بفرح : رغد دانة ولدت
رغد وقفت من الصدمة وقالت بفرح : من جدك انتي ؟
عبير بفرح : ايه ....... وبشري البنات وخالتي امل
رغد : اوكي ..... باي
عبير : باي ........(وسكرت الخط)
مهى : شسالفو وش صاير ؟
رغد بفرح : دنون ولدت
الكل صار يزغرط وكنا مبسوطيييييين مره
(وغادة ومهى يتسابقون مين تقول لخالتي امل اول)
خالتي امل : خير شعندكم ؟
مهى بنفس مثطوع : دنون
غادة بنفس مقطوع : ولدت
خالتي امل وقفت من الصدمة : مهى غادة ......... والله لو ادري انكم تستهبلون ان ادفنكم وانتم حيين
مهى بفرح : والله العظيم
خالتي امل بفرح : متى ؟
غادة : عبير كانت معها واتصلت وقالت لنا
خالتي وهي تروح عشان تبشر عمي : الله يبشركم بالخير
بالغرفة
انا : وناااااااسة بيصير عندنا بيبي جديد
الكل : من جد
(وشوي وتدخل بشاير الي كانت تكلم سلمان وما تدري وش السالفة)
بشاير بأستغراب : شعندكم ؟
شادن بفرح : دانة ولدت .......(طبعا شهد ولينة طلعو من البيت من زمان)
بشاير بفرح : جد ؟ ......... بروح اقول لامي
الهنوف : اكيد الحين قالولها غادة ومهى
بشاير بأستهزاء : وهم ما يخلون شي ما يقولونه ؟
الهنوف : اصلا من اول ما قلنا انها ولدت صارو يتسابقون مين الي بتقول لها اول
بشاير بأبتسامه وهي تجلس : صدق مهابيل
(ومر اليوم من دون اي شي جديد)
...........................................نهاية البارت............................................
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بسم الله الرحمن الرحيم
البارت (48) والأخير
(ومر اليوم من دون شي جديد)
(طبعا دانة جابت ولد وسمته محمد وخالد متشقق من الفرحة وخالتي امل 24 ساعه عندها بالمستشفى)
(خبر ولادة دانة لمحمد انتشر بالعائلة والكل فرحانه بهالشي)
(ملكة مهى تحددت بتكون اذا خلصت دانة من النفاس وملكة رغد بعدها بأسبوع)
(بعد مرور اسبوع)
(فجر وافقت على فهد اخوي ورائد خطب لمياء والى الآن ننتظر الموافقة)
ببيتنا (الصالة الي فوق)
انا : طفش
العنود : مره
شادن وريما كانو منسجمين يلعبون بلاستيشن
(شوي ويدخل علينا ياسر)
انا بهبال : هلا وغلا
ياسر ابتسم على هبالي
ياسر وهو يجلس : كيفكم اليوم
الكل : بخير
العنود بصوت عالي عشان تقهر فهد ورائد الي كانو جالسين جنب امي : هذا الأخو الزين ..... اول ما يدخل يسأل عن خواته مو مثل بعض الناس يدخلون وعلى طول يروحون لغرفهم مالت عليهم
انا بصوت عالي : فديته يسور موب مثل الي عندنا اول
ياسر صار يضحك على هبالنا
انا : الا رويم شعندك بالمدرسة
ريما وهي تلعب ومتحمسة : ما عندي شي
انا وانا رافعه حاجب : بس الأبله الي قابلتها ذاك اليوم كانت تشتكي منك
ريما : عادي هذي مايعه مثل لموي
رائد : حدك عاد الا زوجة المستقبل
انا : لا تصير واثق ترا يمكن ما توافق
رائد كان بيرد علي بس قطع عليه صوت تيليفون البيت الي يرن
امي بعد ما ردت : الو ......... هلا وغلا ........ صدق ؟ ......... الله يبشرك بالخير يا لولوه ...... يالله مع السلامة
فهد : مين الي متصل ؟
امي بأبتسامه وهي تناظر رائد : هذي لولوه مرة عمكم نايف
رائد كان يستنى امي تكلم
امي بحزن : والله بصراحة يا رائد مالك نصيب بلمياء
رائد طير عيونه وقال : هاه ؟
امي : مثل ما قلت لك
انا : شفت .......... قلت لك لا تصير واثق كذا
رائد كان بيقوم بس وقفه صوت امي
امي : لحظة...لحظة وين رايح ؟
رائد بضيقه : بروح اي مكان ........ انا ما اقدر استوعب ان لمياء رفضتني
امي بأبتسامه : شفيك يا رائد ؟ اقعد قاعده امزح معك
رائد طير عيونه بفرح وقال لي : شفتي ؟
انا بفهاوة وطيحة وجه : هاه ؟
امي : والله وصرت معرس يا رائد
رائد بفرح : يمه دقي عليهم قوليلهم نبي الملكة بكره
امي : هاااو ؟ ....... يا وليدي اثقل اثقل ترا الخفه مهيب زينة
رائد بعناد : يمه دقي عليهم قوليلهم الملكة بكرة
امي : منيب قايلة لهم ....... اعنبو دارك يا وليدي انت ما تستحي ......... اثقل ترا الخفه مهيب زينة
(واستمر الوضع كذا رائد ينشب بأمي وامي تهزأه وانا والعنود وياسر وفهد نضحك عليه)
(بعد مرور ثلاث ايام)
امي وهي تكلم : خلاص ...... خلاص ...... انشالله .......... يالله مع السلامة وسلميلي عليها ...(وسكرت الخط)
امي بأبتسامه : فهد
فهد : لبيه
امي : ترا ملكتك بعد اسبوعين
فهد : ايه كذا زين
امي بحدة : رائد
رائد بحنان وفرح : لبيه
امي بأبتسامه على اسلوبه : ملكتك بعد ثلاث اسابيع
رائد : ما تقدرين تخلينها مع فهد يمه
امي عطته نظرة قاتلة وخلته يسكت
امي : وانت يا ياسر ما ودك نخطب لك
ياسر بأبتسامه : والله اذا لقيتو لي وحدة زينة ليش لا
انا نطيت من مكاني وقلت : فيه وحدة اسمها اسيل وتصير صديقة مهوي
امي : طيب شلون شكلها ؟ ......... حلوة ولا لا ؟
انا : مشالله ما عليها مملوحة مره
امي : وش اسمها قلتي ؟
انا : اسيل الـ.......
امي : خلاص بكره انشالله بكلمهم واشوف وش يصير بس انتي عطيني رقمهم
(بكره)
امي وهي تكلم : يالله ننتظركم بعد اسبوع انشالله .......... مع السلامة .......(وسكرت الخط)
انا : وش قالو ؟
امي : بيردون بعد اسبوع
ياسر وهو يقوم : عن اذنكم انا بروح للشركة
انا+امي : اذنك معك
(بعدين طلع ياسر وراح للبيت)
(بعد مرور شهر تقريبا)
اليوم يوم ملكة مهى
انا : يالله عاد مهوي اليوم بتودعين العزوبية
مهى تنهدت وقالت : على الأقل بودعها على واحد زي الناس والعالم
انا : سبحان الله .. يغير ولا يتغير الي يسمعك الحين ما يقول هذي الي كانت تكره فواز وما تطيقه
مهى اكتفت انها تبتسم بدون ما ترد
(شوي ويدخلون بنات عمي فيصل)
عبير بصوت عالي : عليك الف الصالة والسلام يا حبيب الله محمد كلللللللوش
كل البنات : كللللللللوش
الهنوف بضحكة : ليش تزغرطين لنفسك انتي العروس
مهى بفهاوه : هاه ؟ ..... ايه صح نسيت
الهنوف : الحمدلله والشكر بس
(كنا لابسين)
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك