رواية ذكريات مراهقة -33
(شوي ويدخلون بنات عمي فيصل)
عبير بصوت عالي : عليك الف الصالة والسلام يا حبيب الله محمد كلللللللوش
كل البنات : كللللللللوش
الهنوف بضحكة : ليش تزغرطين لنفسك انتي العروس
مهى بفهاوه : هاه ؟ ..... ايه صح نسيت
الهنوف : الحمدلله والشكر بس
(كنا لابسين)
انا فستان سيور سكري وتغطيه رسومات بالبني كبيرة شوي وعلى الخصر حزام سماوي ناعم وحلو وماسك على الجسم وكان الفستان من تحت وسيع شوي ومن فوق ماسك ولفوق الركبة
العنود فستان الكم حقه ثلاثي والفستان كله على بعضه وسيييييع ولونه زهري فاتح وعلى الخصر حزام صغييييير لونه بيج ماسك واطراف الفستان من تحت فيها نقوش ناعمه بنفس نوع القماش ولفوق الركبة
ريما فستان توب وكان كله رسومات عشوائية باللون الزهري الفاتح والموف الفاتح الي على رصاصي وبيج وبني فاااتح وسكري وماسك لحد الخصر بعدين يصير منفوش شوي وعلى الخصر شريطة لونها موف فاتح على رصاصي مربوطة على قدام بشك نااااااعم وطوله لنص الفخذ
شادن فستان سيور بني غامق ماسك لحد الخصر بعدين يصير طبقات ومنفووووش لفوق الركبة
بشاير فستان ربط على الرقبة ولونه اخضر فاتح ماسك على جسمها وفتحة الصدر على شكل 7 وعليها شوي كرستالات حجمها عادي بنفس لون الفستان والسيور حق الربط على الرقبة كان كله كرستالات من نفس نوع الي عند الصدر بس اصغر والفستان لفوق الركبة
مهى فستان توب لونه بيج ومن جهة الصدر فيه نقوش بالسكري والذهبي وماسك لحد الخصر ومن تحت منفوش وعلى الخصر زي الحزام من اللولو والكرستالات الصغااااااار الذهبية واطارف الفستان من تحت كان كلها نقوش ناااااعمه بالخرز الذهبي والسكري والفستان كان طويل
غادة فستان سيور ذهبي ومغطيته الرسومات الي بالأحمر والسكري ودرجات البني واللحمي وكان ماسك من عند الصدر ومن تحت وسيع وطويل
لمياء فستان سيور عنابي وماسك على الجسم ومن قدام فيه زي الرسومات الناعمه بالخرز العنابي الصغيييييير ولفوق الركبة والسيور حقه كان كله خرز عنابي
عبير فستان ربط على الرقبة لونه رصاصي وعليه رسومات باللون الأخضر والموف الفاتح والسكري والأسود ودرجات الرصاصي وكان الفستان طويل
الهنوف فستان جينز ولونه غامق شوي ونص كم واكمامه منفوشة ماسك من عند الصدر بعدين يصير وسيع شوي وتحت الصدر فيه كرستالات بجميع الأحجام لونها فضي والفستان لفوق الركبة بشوي
رغد فستان كت اسود ماسك على الجسم لتحت الركبة وعلى الخصر حزام ذهبي صغير وناعم واطراف الفستان من فوق عليها كرستالات صغاااااار سودا
دانة فستان سيور زيتي وماسك على الجسم لفوق الركبة وعلى الخصر فيه شريطة زيتية مربوطة على ورا بشكل فخم
لينة فستان كت لونه موف وكله على بعضه خرز موف صغيييييييييير والفستان عادي مو وسيع ولا ضيق لفوق الركبة
شهد فستان سيور بيج واطراف الفستان من فوق ومن تحت فيها شريطة مخملية سودا وعلى الخصر حزام اسود مخملي وماسك على الجسم والفستان كله على بعضه وسيع ولنص الفخذ
(كان الكل فرحان لمهى وفواز)
عند الحريم
الجده كانت ماسكة خالاتي وامي على جنب تفضفض لهم
الجده : انا الله ما رزقني ببنات افرح فيهم ......... بس بناتكم كانو بناتي والحين كل بناتي اعرسو ما بقي الا لمياء ورغد وبيعرسون انشالله وندى هالبنية الي ما شفتها وابي اكحل عيني بشوفتها قبل ما اموت ........ وريما وشادن جعل الله يهديهم ويرزقهم زوج صالح يركدهم .......... وغادة جعل الله يخلف عليها رجال صالح غير فارس الله يرحمه
امي+خالتي خلود+خالتي لولوه+خالتي امل : انشالله
الجده مدت لكل وحدة منهم كيسة فيها علب صغار
خالتي لولوه : وش هذي يا يمه
الجده بأبتسامه : حلفتكم بالله انكم ما تفتحونا وابيكم تعطونها البنات اذا الله خذاني من هالدنيا
خالتي لولوه+امي+خالتي خلود+خالتي امل : بعد عمر طويل انشالله
الجده : مثل ما قلت لكم كل وحدة تاخذ وحدة من العلب الي بالكيس
خالتي لولوه+امي+خالتي خلود+خالتي امل : انشالله
عندنا
رغد : الف الف الف مبروك والله فرحت لكم كلكم
لمياء : عليك الدور
العنود : وانتي بعدها
لمياء قلب وجهها علبة الوان
انا : حرااااام عليك كل شي الا مرة اخوي
لمياء : فديتك يا مرة اخوي
ريما بغباء : تصدقون توني استوعب انكم بتتبادلون
انا : ايه صح .......... والله وناسه انتي بتجين لبيتنا وانا بروح لبيتكم
لمياء ابتسمت
انا : حظظظظظظظك مشالله بتصير معك فجورة
لمياء : ودي اتعرف عليها
انا : ليش انتي ما شفتيها يوم ملكتي ويوم ملكة العنود ؟
لمياء : الا بس ودي اتعرف عليها اكثر
انا : اها .......... الا مهى
مهى : هلا
انا : تدرين اننا خطبنا اسيل ليسور
مهى بفرح : جد ؟
انا : ايه ........... وبيردون لنا بعد اسبوع
مهى : يحليله والله
عبير : شكل كل زواجاتنا بتكون بهالصيف
البنات : من جد
الهنوف بأبتسامه : هذا الصيف والي بعده بتكون احلا صيفين بحايتنا
(الكل رد للهنوف الأبتسامه)
بكندا
ماجد : ههههههههه
ندى بدلع بس لايق عليها : خلاص عاد ما صارت
ماجد وهو يضحك : بس شكلك كان يضحك
ندى : بس مو لهالدرجة يعني عادي
ماجد ناظرها وكان يحاول يكتم ضحكته بس ما قدر وانفجر ضحك
ندى ابتسمت على شكل ماجد وصارت هي الثانية تضحك بقوة
ندى : هههههههه خلاص ههههههههههه مجود والله هههههههههههه ما اقدر هههههههههههه امسك نفسي
ماجد : ههههههههههههههههههه حتى انا هههههههههههههههه
ندى : خلاص ههههههههههههه شوف شلون الناس ههههههههههههههههههههه صارت تناظرنا ههههههههههههه
(الي صار ان ندى كانت بتشتري قهوة وكبتها على وحدة عجوز وهالعجوز عصبت عليها وصارت تصارخ عليها وندى من الخوف خذت القهوة الي مع العجوز وكبتها على نفسها)
ببيت عمي محمد (عند الرجاجيل)
تركي : تتوقع يكونون موجودين ؟
مشعل : اكيد لأن حمد موجود
تركي : ااااااااااه بس من يوم ما شفتهم وانا لا ليلي نهار ونهاري ليل
مشعل : من جد
عند شادن+لينة+شهد
شهد : انا ابي اشوفهم
لينة : وانا بعد
شادن : طيب شرايكم اناديهم واذا جو شوفوهم على راحتكم
شهد : طيب اذا ناديتيهم وش بتقولين لهم ؟
شادن : اممممممم ........... اننا نبي نصور معهم
لينة : هذا مو سبب مقنع
شادن : امممممممم ........ بنقول لهم اننا نبي عماني عشان نصور معهم
شهد : هذا بعد مو سبب مقنع
شادن : على الأقل سبب
لينة : من جد ......... اهم شي نشوفهم
شهد : اوكي
شادن وهي تتصل على تركي : خلاص ولا كلمة بتصل عليهم الحين
شهد+لينة : اوكي
بغرفة مهى
عمي محمد : يلا يا مهى انزلي
مهى وهي تقوم بتوتر : اوكي
(ونزلت ووقعت وقعدت مع فواز وتمت الملكة على خير الحمدلله)
(بعد مرور 6 شهور)
الكل كان بالقاعه يساعدون امي والعنود وندى وريما وشادن بالتحضيرات
شادن : يمه طفشت
امي : روحي عند ريما هي الثانية طفشانة
شادن وهي تروح لريما : انشالله
(بالغرفة الخاصة بالعروس)
ندى : خلاص نوف لا تتوترين
انا بتوتر موب صاحي : ما اقدر والله خايفة اكثر شي من الزفة
مهى : عادي شوفي عبير وبشاير واسيل انزفو ولا صار لهم شي
انا : بس عبير وبشاير واسيل غير ........ هم اكبر مني
عبير : حسستيني اننا اكبر منك بعشر سنين ........ ترا وشو الفرق بينا وبينك ؟ ...... انا سنتين و بشاير سنة واسيل نفس عمرك
اسيل : بس والله خسارة ....... بيشو ما راح تحضر زواجك
انا : ايه بسبب شهر العسل
الهنوف : الا دنون ما طفشتي ؟
دانة : من ايش ؟
الهنوف : ترا ما صار لك 7 شهور والده وترجعين تحملين
دانة وهي تحط يدينها على بطنها : الي يجي من الله حياه الله
غادة : لأنكم ما جربتو ........ والله دلوله (طبعا غادة جابت بنت وسمتها دلال) 24 ساعه صياح ما توقف بكي
مهى بحقد : ايه استغفر الله ما تخلي الواحد ينام ابد
انا بتوتر : احس شكلي غلط وفيه شي ناقص
فجر : مافيك شي ........ كامله والكامل الله
عبير بتردد : بنات
البنات : هلا
عبير بتردد : بأعترف لكم اعتراف
البنات بحماس : وشو ؟
عبير بأبتسامه على اشكالنا : انا حامل
البنات بفرح : كلللللللللوش
انا بأبتسامه : متى عرفتي انك حامل ؟
عبير : امس
الهنوف : فلللللللله بصير خاله
عبير : عقبالكم
الكل : آمين
لمياء : بنات شرايكم متى احط زواجي ؟
مهى : بعد شهر
الهنوف : لالالالا خليه بعد شهرين عشان نكون انا ونوف رجعنا من شهر العسل ما يكفي انها ما راح تحضر عرسي
لمياء : اوكي .......... انا ابيكم كلكم تحضرونة
الكل : انشالله
رغد : انا الحمدلله ماراح اتزوج الا بعد 6 شهور انشالله .... يعني كلكم بتحضرون زواجي
الكل : انشالله
(شوي وينفتح الباب وتدخل وحدة ما كنا متوقعين حضورها)
البنات من الفرحة والصدمة بنفس الوقت وبصوت عالي : بشاير
بشاير بأبتسامه : اشتقتو لي ؟
البنات : مرررره ........(وانواع التحضين والتبويس)
انا بفرح : بيشو متى جيتي ؟
بشاير : امس ........ بس قلت بخليها مفاجأة
انا بأبتسامه : احلا مفاجأة
رغد : ما تعرفين اخر الأخبار ؟
بشاير : ايش ؟
البنات بصوت واحد : عبير حامل
بشاير بفرح : الف الف الف مبرووك
عبير بابتسامه : عقبالك
بشاير : الا مين الي عليها الدور بعدك يا نوف ؟
الهنوف : انا وبعدي لموي
بشاير وهي رافعه حاجب : وانتي يا ست مهى متى تفكرين تسوين عرسك ؟
مهى بأرتباك : ااا...ااا بعد فجر
بشاير : اول كنتي تقولين بعد اسيل والحين شوفي اسيل تزوجت ياسر وانتي توك
مهى : خلاص عاد خلوني على راحتي
ندى داخله عرض : فديتكم والله من اول ما رجعت من كندا وانا حابتكم كلكم
البنات : واحنا بعد
الهنوف : يالله ........ على الاقل انتي الحين صرتي مرة اخوي
رغد : صح متى قررتي انتي وماجد تسوون عرسكم ؟
ندى : والله مدري للحين واحنا نفكر بس على الأقل سوينا الملكة
رغد : اها
(شوي وتدخل شادن)
شادن : بنات امي تقول تعالو سلمو على الحريم
البنات وهم يطلعون : اوكي
انا بخوف : لالالالا لا تتركوني لحالي
مهى بحنان : دقايق ونرجع لك
انا : اوكي
(وطلعو البنات وشوي ويرن جوالي)
انا : "هالرقم مو غريب علي .... بس حق ميييين ؟؟ .... برد وبشوف"
انا : الو
المتصل : الو
انا : مين ؟
المتصل بتردد : انا .. انا ... انا طلال
انا بصدمة : طلال ؟
طلال : ايه طلال .. انتي نوف صح ؟
انا بصدمة : ايه ...(بعدين استوعبت اني عطيته وجه وقلت بعصبية)... لك وجه تتصل بعد الي سويته ؟
طلال برجاء : ابيك تحلليني يا نوف انا تبت ومستحيل ارجع لهالحركات
انا بصدمة : تبت ؟
طلال : ايه .... وانا الحين خطبت وحدة واليوم بملك عليها .... بس حبيت اعتذر لك وابيك تحلليني
انا بأبتسامه : محللتك .... ومبروك
طلال : الله يبارك فيك
انا بأبتاسمه : ترا انا بعد اليوم عرسي
طلال : الف الف مبروك والله يوفقكم
انا : الله يبارك فيك ..... مع السلامة واتمنى ما تتصل على هالرقم لأني ما ابي زوجي يشك فيني
طلال : مع السلامة .... ولا تخافين واتمنى انك انتي بعد نفس الشي ما تتصلين علي عشان زوجتي
انا : اوكي ...(وسكرت الخط)
(وشوي وتدخل علي امي وخواتي ومهى)
امي بأبتسامه : يلا يا نوف الحين وقت الزفه
انا وانا اقوم بتوتر : انشالله
(بعد مرور 3 سنين ببيت الجد والجده)
(كانو كل البنات مجتمعين)
شادن بضحكة : حسيت ان البيت صار حضانة
البنات : من جد
عبير : فواز...منال خلاص عاد ...... معد صارت كل شوي متطاقين
فواز+منال : .........(لاهين بالحرب حقتهم)
اسيل : لمو حبيبتي تعالي اغير ملابسك
لمى هزت راسها بالنفي بحركه طفولية وصارت تنحاش من اسيل واسيل تلاحقها
رغد : منار...لولو تعالو اصوركم
منار+لولو : اوكي
العنود : سارونه روحي عند خالتو رغد تصورك مع منار ولولو
ساره بمرح : اوكي
غادة بأستهزاء : الحين يا رغد صوري بنتك بعدين صوري بنات الناس
رغد بأستخفاف : ليش انتي شايفة انها تقعد لدقيقة وحدة بمكانها ؟
غادة بضحكه : من جد ....... مع انها صغيررررررة مرة الا انها مصفقة نص عيال الحاره
رغد : من جد .......... كل شوي جايتني وحدة تشتكي منها تقول طقت ولدي
(خلوني اقولكم البنات وش جابو بالسنين الي فاتت)
(انا تزوجت بدر وجبت منه مهى وماجد توأم 3 سنين وحامل بفجر)
(العنود تزوجت حمد وجابت منه عبدالعزيز 3 سنين وسارة سنة)
(ندى تزوجت ماجد الي صار يموت فيها وما يقدر يعيش بدونها وجابت منه فيصل 3 سنين ونوف سنة)
(ريما خطبها واحد اسمه مشاري ووافقت عليه والملكة الأسبوع الجاي انشالله)
(بشاير تزوجت سلمان وصارت طول الوقت مسافرة ونادر ما تقعد بالرياض وجابت منه زياد 3 سنين وامل سنة)
(مهى تزوجت فواز الي صارت تموت فيه وهو نفس الشي وجابت منه راشد 3 سنين ونوف سنة)
(غادة قررت انها ما تتزوج وتخلي حياتها كلها لبنتها دلال الي صار عمرها 4 سنين تقريبا)
(دانة جابت محمد الي صار عمره 4 سنين ورنا 3 سنين وتركي سنتين وحامل براكان)
(لمياء تزوجت رائد وجابت منه نايف 3 سنين ولولوه ومنار توأم سنة)
(عبير تزوجت راشد وجابت منه فواز 3 سنين ومنال سنتين ومرام 6 شهور)
(الهنوف تزوجت وليد وجابت منه شيخة 3 سنين ونواف سنة الي اصر وليد انه يسميه بهالأسم "عشان اول لما قالت له الجدة ان الهنوف بتتزوج واحد اسمه نواف")
(رغد تزوجت سعود وجابت منه خلود 3 سنين وعبدالله سنتين)
(فجر تزوجت فهد وجابت منه خالد 3 سنين ودلع سنة)
(اسيل تزوجت ياسر وجابت منه عبدالعزيز وعبدالله توأم 3 سنين ولمى سنتين)
(تركي ومشعل شادين حيلهم بالدراسة بما انها اخر سنة بالثنوي ويخططون يدخلون طب بالجامعه)
(لينة وشهد كبر حبهم لتركي ومشعل وصارت شادن هي مرسال الغرام حقهم)
(شادن كبرت وطلعت تجنن واحلا من شهد ولينة بكثييير وكل عيال الحارة منهبلين عليها بس هي ما تعطي احد وجه)
(الجد والجدة تركونا بعد ما تأكدو ان احفادهم كبرو واستقرو)
(طلال تاب ورجع لربه وما اتوقع يكون فيه احلا من هالرجعه)
(بعد مرور سنتين)
انا : الحين عرفتو قصتي كاملة وبالتفصيل الممل
رغد : نوف تعالي شوفي الفيديو معنى ترا فاتك نصه
مهى : تعالي الحين بيبدأ الجزء حق يوم ميلادك انتي وعبير
انا وانا اقوم : اوكي ........(ورحت وجلست جنبهم)
.................................................. ...............
وبكذى انتهت روايتي
روايتي الي ضحكتو مع ابطالها وعليهم وبكيتو معهم وعليهم وفرحتو معهم ولهم
انتهت الرواية وانتهت معها شخصيات مستحيل ننساها :
نوف : المزاجية
العنود : الهيمانه
ريما : العربجية
فهد : الفاهم
رائد : المرح
بشاير : وحبها للنوم
مهى : واخلاصها لنوف
غادة : وتوبتها لربها
خالد : العاقل
راشد : الفلة
تركي : المحبوب
لمياء : الدلوعه
وليد : وعشقه للسيارات
بدر : العاشق
مشعل : الملقوف
عبير : الصبورة
الهنوف : ومقالبها
رغد : وتدينها الي كان تطور جديد ومفاجأة مفرحة للكل
ماجد : وحبه المنسي لنوف وعشقه الجديد لندى
لينة+شهد+شادن+فجر+اسيل+ياسر+ندى+حمد+فواز : شخصيات ما تكلمنا عنها كثير بالرواية بس الشي الوحيد الي عرفناه عنهم انهم كانو ابطال للرواية
.................................
اتمنى تكون النهاية اعجبتكم
مع العلم اني ما احلل
اي شخص ينقلها بدون ذكر اسمي
او ينسبها لنفسه
واتمنى ما تكون الرواية اشغلتكم عن عباداتكم من صلاة وغيرها
وانتظروني بروايتي الجديدة الي اشتغل عليها حاليا
^^
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تجميع / ♫ معزوفة حنين ♫ ..
اللهم لك الحمد حتى ترضى وإذا رضيت وبعد الرضى ,,, اضف تعليقك